|
|
 يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!!
|
نعود للسؤال ( الأحمق ) عن الهلال والمريخ ..
هل يمثل ( الهلال ) السودان .. ؟!!
هل يمثل ( المريخ ) السودان .. ؟!!
..
..
قدم ( مريخاب المنبر ) صورة سيئة للـ( الرياضي السوداني ) ..
امتدت ( الشماتة ) و ( قلة الأدب ) الي ما بعد ( فوز ) الهلال في مباراة الامس ..
التي رفع بها اسم ( السودان ) عاليا ..
..
..
جميع وكالات الانباء ( النشرات الرياضية ) ..
كان ( اهم ) خبر فيها ( فوز الهلال السوداني علي الاهلي المصري 3/0 ) ..
تحدث المحللين ( المصريين قبل غيرهم ) عن ( فريق الهلال العظيم ) ..
تحدثوا عن ( صلاح إدريس ) .. واهتمام ( السودانيين ) بالرياضة ..
والكورة السودانية لا تكتمل الا بالقطب السوداني الثاني ( المريخ ) ..
حتي انتصار ( الهلال ) كان لكم فيه ( نصيب ) ..
..
..
الخبر الذي يليه ..
هزيمة ( المريخ ) .. في البطولة الكونفدرالية ( التي تأتي في المستوى الثاني ) ..
وتلعب بها فرق ( اقل مستوى ) من فرق البطولة التي يلعب فيها ( الهلال ) ..
وضعف ( أمل ) الفرق العربية .. للتأهل للدور الثاني .. !!
ونحزن نحن ( الهلالاب ) لذلك ..
لم ينقص فرحتنا غير ( هزيمة المريخ ) ..
ورغم ذلك .. يطالعنا اصحاب ( الحقد الدفين ) ببوستات الكراهية ..
أها.... يعني شنو؟؟ فاز الهلال...... خلاص مشاكل السودان اتحلّت؟؟؟؟
فرانكلي ..
الذي اسكتته ( الاهداف النيجيرية ) .. اصبح من دعاة ( الوطنية ) والخوف علي البلد ..
الهلال فاز على الاهلى ? فعلا عنتر قتله واحد اعمى
عبد الله إدريس ما زال يردد اسطوانة ( الكأسات المحولة جوا ) ..
مع العلم ان هذه الكأسات لا تظهر ألا عندما يفوز ( الهلال ) ..
ياهلاب ما تفرحو حمار ميت فاز على حمام محشي!!
سامي عبد الوهاب يتحدث عن ( الارهاب الكوري ) ..!!
الزول دا اتخيل لي ( مريخابي جديد ) ..!!
لماذا كل هذا الفرح الهلالي وهو ينتصر وسط ارضه (الحفر) وجمهوره ( المنفلت )
كتب ( اساسي ) عن أرض ( الحفر ) ..
اساسي دا طبعا من مواليد ( ليفربول صنقعت ) ..
عشان كدا حكاية ( الحفر ) دي جديدة عليهو ..!!
..
..
هذا ما كان بعد ( المباراة ) ..
أما قبلها .. فحدث ولا حرج .. لم تسكت ( وقاحتهم ) سوى هزيمة ( المريخ ) في نيجيريا ..
لا رغبة لي للعودة لكتابات ( راكوبة ) و ( كيجا ) و آخرين ..
فهم يمثلون انفسهم .. ولا يمثلوا كيان مثل ( المريخ ) ..
( المريخ ) أكبر من يحتوي مثل ( هؤلاء ) ..
هؤلاء .. خريجي مدرسة الحقد .. بقيادة كبيرهم ( مزمل ابو القاسم ) ..!!
..
..
تمنياتنا لـ( هلال السودان ) بالتأهل للمرحلة القادمة ( علي الضوء النتيجة الاخيرة ضمن التأهل بنسبة 99% ) ..
وتمنياتنا لـ( مريخ السودان ) بالتأهل للمرحلة التالية ( لديه فرصة جيدة بأربعة نقاط ومباراتان في ارضه ) ..
..
..
|
|
 
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: محمد عبدالرحمن)
|
كتب ( فيصل الزبير ) ..
المريخابي ... سقوط الوطنية !
Quote: واصل عادته !
كان نشاذا !
منذ انطلاقة مباراة الهلال ضد الاهلي
ظل يشجع الاهلي وبصوت عال !
كرر الاسطوانة المشروخة
ارتفع صوته :
منحنا الهلال الشباك
طورنا استاد الهلال
فتحنا استادنا للاهلي
كان متعصبا وخاصة مع اي مخاشنة ضد لاعبي الاهلي وكانه مصريا !
ارتفع هتافه ياحكم دي فاول ، حارس المرمى متعود على الكروت واللعب الخشن !
كنا 3 سودانيين و5 مصريين نبهته الى عدم الاستفزاز والتشجيع بشكل صارخ !
من السخرية ان ساله احد المصريين :
هو الاخ بشجع مين ؟
كانت المباراة في ربع الساعة الاولى من عمرها !
وقتها رددت بقوة فقلت للمصري هو مريخابي وبشجع الاهلي
لعنت هذا التعصب المريخي وغادرت المكان ولم اكمل المباراة وعرفت النتيجة بعد انتهاء المباراة وشاهدت الاهداف الثلاثة من خلال الاستديو التحليلي في ART
حدثوني اي جنون هذا !
لم يتبق لي إلا ان اترك متابعة الكرة نهائيا حفاظا على العلاقات وعدم ارتفاع الضغط والدم !! |
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: humida)
|
برضو حمام ميت وفريق يلعب لأكثر من 70 سنة والنتيجة مازالت صفراً كبيراً
والحكاية ليست كراهية إنما كرة قدم بين أندية، لا نشجعكم وهذا حقنا ،ويمكن أن ندعمكم كما فعلنا وظللنا نفعل!
العبط الفكري هو أن أرغم أو امثل على التدثر بمشاعر لا أحملها، أقولها صراحة لا أشجع الهلال وهذا رأيي وحقي، فلما محاولة فرض تشجيع الهلال على الجميع؟!
أين العبط الفكري اذن يا أخونا؟!
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: humida)
|
| Quote: مساهمته الكبيرة أمس في تحسين استاد الهلال، |
نقطة ( توضيح ) لكل ( الاغبياء ) الذين يعتقدون ان ما قدمه المريخ .. فقط ( شبكة ) ..
..
..
المريخ .. قدم الهلال ..
والهلال .. قدم المريخ ..
المعادلة ( الكروية ) في السودان .. 1+1=2 ..
ما عندنا معادلة غير دي ..
الكورة السودانية رمزها ( 2 ) .. هلال مــريخ ..
..
..
وبعد دا كلو .. يجيك ( الكورنجية الجدد ) .. ويقول ليك صوت ( شكر ) ..
..
..
تخريمة ..
اعتقد يا ( راكوبة ) .. انك بديت تشجع كورة بعد ما ركبت ( TV Card ) في الجهاز ..
وبقيت تلقط في ( الاهداف ) ..
لو برنامج ( نجوم الغد ) كان مستمر السنة كلها ..
كان بقيت ( فنان ) ...
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: Rakoba)
|
Quote: يمكن يا حميدة، فاتني اسجل الكؤوس التي فاز بها الهلال
|
ما قلت ليك ( عبط ) ..
الهلال ما عنده اي كأس خارجية .. المريخ هو الجاب الكأسات الخارجية ..
شكرا للـ( مريخ ) ..
..
..
انا حأخدك علي قدر ( عقلك ) ..
..
..
حاليا عندنا بطولتين ..
مشارك فيهم ( الهلال والمريخ ) ..
لو الهلال فاز .. ( بمباراة ما بالكاس ) ..
المشكلة وين ..
..
..
هل انت خايف انه ( الهلال ) .. أمكن يجيب ليهو ( كاس ) ..
والفرمالة بتاعتك دي .. ما تلقى ليها محل غير في ( اوهامك ) ..
..
..
اجتهاد ( الهلال ) .. نابع من انه ( المريخ ) جاب ( كأس ) قبل كدا ..
لو ( الهلال ) وصل فقط للمباراة النهائية .. دا بكون حافز كبير للـ( مريخ ) ..
..
..
اتخيل معاي مستوى .. مباراة تكون بين ( المريخ - الاهلي المصري ) ..
بعد فوز ( الهلال ) بالامس ..!!
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: محمد عبدالرحمن)
|
الأخ محمد
مشكلتكم تروا الأمور بمنظار واحد، ألا ترون الكتابات التي تسيء إلى المريخ هنا ليل نهار، لماذا لا تقدمون هذه النصائح إلى الكتاب الزرق الذين بات كل همهم الإساءة إلى المريخ والتقليل من إنجازاته؟
الهلال لن يضيره شيء والمريخ لن يضيره شيء من تلك الكتابات، وأنا شخصياً لم أسيء ولم اتلفظ يوماً على الهلال أو أي من رموزه فالأمور كلها تدور داخل المناكفات الرياضية، والتي تجعل للرياضة أكثر من معنى وتقربنا لها أكثر فأكثر.
بالأمس شجع مشجعو الزمالك الهلال حتى النصر، فهل هم ايضا فاقدين للوطنية.
هذه كرة قدم ومادام أن الفريق القومي لا يلعب، فلست ملزم بتشجيع أي فريق غير المريخ.
لا أكذب ولا أدعي ما لا أفعل.
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: Rakoba)
|
Quote: يعنى لو كملت (ياندويث)
بكرى دا الهلال (الحبة ) مابتجيهو ..لكن كتابتك حاتولد
احقاد وبتأسس (لكراهية) ..وكراهية متبادلة ..
|
العزيز ( محمد عبد الرحمن ) ..
أولا .. مبروك فوز ( هلال السودان ) ..
وثانيا .. شكرا لهذا الفهم ( العميق ) للأمر ..
خلط الاشياء بعضها ببعض .. وتحميل الامور فوق طاقتها ..
يولد نوع من ( الممارسات الخاطئة ) التي تفقد ( الرياضة ) جمالها ..
..
..
نعايش يوميا ما يحدث في الساحة ( السياسة ) .. من دعوات لتهميش ونبذ ( الآخر ) ..
ولا نريدها ان تنتقل الي ( مدرجات ) الرياضة ..
..
..
لك الود ..!!
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: محمد عبدالرحمن)
|
يا راكوبة أوكي من حقك ما تشجع الهلال و أي حاجة
لكن في سؤال
لما تقرا تعليقات المصريين في منتدياتهم عن البوابين و عبيد العرب و الكلام الفارغ دا, ما بتحس إنو الهلال أخد ليك حقك تمام
خلينا من هلال ومريخ, دي إهانة للشعب السوداني كله بدون فرز بما فيه المريخاب
حاول بس أنظر ليها من الناحية دي
و من أسي انا متني المريخ يرش الإسماعيلي أكتر من دولفين عشان تنكسر عين المصريين زيادة
و برضو شكرا على الشبكة
و علاء الدين يوسف
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: humida)
|
اي يا راكوبة
افهم كلام محمد عبد الرحمن ده
عشان دي الحقيقة
هسه انا بحترم جدا مثلا دكتور شهاب
ومجدي عبد الرحيم فضل
ودي مجرد امثلة بس
لكن جني وجن خلقة فرانكلي
وكيجا
واساسي وسامي
والهلالاب البيشبهوهم الشفتهم الايام الفاتت دي
وبرضو دي امثلة بس
لكنها بئس الامثلة
القصة كان ضحك ومشاغلة
ضحكنا وشاغلنا وقفلنا المواضيع دي
لكن كونها تبقى حرب واحقاد وامراض زي دي
ومستمرة طول الوقت
دي بتبقى مدعاة للكراهية
والله ينصرك يا مريخ
على اعدائك المنك وفيك
ايمان
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: Frankly)
|
يا ( مولانا ) ..
قلت لي خليت ( التربية الاسلامية ) بقيت ساكي ( الكورة ) ..
..
..
كلمة ( عبط فكري ) .. بتتقال للـ( مثقفاتية ) الزيك ديل ..
ناس يوم ( دين ) ويوم ( كورة ) ويوم ( وطنية ) ..
..
..
عليك ( دينك ) دا ما ( عبط فكري ) ..!!
..
..
يا ( مولانا ) ..
زمان في كتاب ( العلوم ) .. قالوا لينا ( التكاثر ) انواع ..
تكاثر ( جنسي ) .. وتكاثر ( لا جنسي ) .. بـ( التبرعم ) يعني ..
انا اتخيل لي ( فوز الهلال ) دا .. عمل ليك ( برعم ) صغير كدا ..
وشايفه مقلق بيك ..!!
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: humida)
|
حميدة
تعرف لما الواحد يحاول يستخدم مصطلحات هو ذاتو ما عارف معناها شنو
دا بيسموهو عبط
وفقط عبط
صراحة في بوستك دا ما في اي موضوع
فيا حميدة الموضوع ما بيعملواه بكلمات مفرغة ذي الكلمات البين قوسين بتاعنك ديل
دي عندي مجرد عباطة وبلادة
شيل كورتك وامشي نوم
بلا عباطة معاك
في ناس بتفهم وبتفرق بين الكورة ومماحكتها وبين الحوار الفكري والديني
أنت لست منهم
كمال
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: إيمان صالح)
|
لولا تجنبي لسخف ايمان صالح لحاولت المشاركة في هذا البوست ..
وعموما يا حميدة الامر لا يعدو كونه مناكفة كروية لا ترقي للحقد المؤسس .. فكما شهدنا هنا بعد هزيمة المريخ في نيجيريا اول امس بعض الهلالاب شمتوا في ذلك ولكن لم نفعل المناحات او نجبر احدا علي تشجيع المريخ غصبا وعنوة وفتح الموشحات الوطنية والطنية جنوب .
اكتفي بالكلمات اعلاه تجنبا لما ابتدأت به
ولا اعود
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: اساسي)
|
اساسي ..
كمثال فقط ..
استمعت لمباراة ( المريخ وكوارا ) عبر اذاعة امدرمان ..
لانها ما كانت ( منقولة ) ..
..
..
اتخيل معاي .. طالع من ( الشغل ) .. وداير تتغدا .. وبعد دا كلو ( تسمع ليك كورة في رادي ) ..
..
..
جميع الاشخاص الموجودين كانوا ( هلالاب ) ما عدا اخونا ( يوسف حمد النيل ) ..
..
..
وبعد دا كلو يجيك ( راكوبة الراكوبة ) يقول ليك اديناهم ( الشبكة ) ..!!
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: tmbis)
|
يا حميده ... سلامات ...
والله متفق معاك فى اهمية ضبط منهج تصدير الكراهية من طرف كان فى الكوره ولا السياسة ولا الغنا والشعر - حملة روضة الحاج والواقفين ضدها عشان هى كوزة - لكن برضو - وشاكر لاعتذارك عن التعميم - المسالة مفروض ما تكون بالحدة دى منك ومنهم ..
انا محمد حامد دا مريخابى (مووووووووت ) لكن بامانة فوز الهلال امبارح كان طعمو جميل فى نفسى وشرفنى وكنت فرحان بيه لاسباب بعضها عارفو وبعضها ما عارفو زاتو ...
والمهم زى ما قال احد الاخوة فى المنبر - ودى كلمة كبيرة ومعبرة - انو حلاوة السودان فى تضاد الاشياء فيه
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: humida)
|
Quote: قدم ( مريخاب المنبر ) صورة سيئة للـ( الرياضي السوداني ) ..
امتدت ( الشماتة ) و ( قلة الأدب ) الي ما بعد ( فوز ) الهلال في مباراة الامس ..
التي رفع بها اسم ( السودان ) عاليا ..
.. |
ابدا والله يا حميده احتفلنا بفوز الهلال بالامس كما لم نحتفل من قبل
فالنصر كان للسودان ولنا كمريخاب قبل الهلالاب وايه رايك اننا احتفلنا فى قلب القاهره
ويا عم الف مليون مبروك وعقبال الك
اليوم رقصنا ثمالة بفوز ابو الهل.................
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: humida)
|
حميده سلام الف مبروك
اولا انا مريخابى منذ ميلادى ومرتبط شديد بالمريخ لدرجة لاتوصف
لكل فعل رد فعل
مثال كل مجتمع الرياض الرياضى المحتك بيهو عارفنى ما بهظر فى الكورة وما قاعد اناقش اى حد .
متعودامشى قبيره بعد الشغل وبعد مباراة المريخ بنيجيريا مشيت كالعاده مطعم ريم وجدت شلة من الاخوة الهلالاب وقبل ان اسلم قام اصغر واحد فيهم قال الفاتحة لو كنت مكانى ماذا يكون رد فعلك ........مع العلم اننى متحفظ مع الجميع فى مناقشات الكورة كما ذكرت لك .
قبل يوم من مباراة الهلال والاهلى .......
اخوى حميده
بدأت هذه الظاهرة منذ مباراة المريخ والبيرة الشهيرة والتى انتهت بهزيمة المريخ وقتها فرحت ادارة الهلال وولعت الكشافات فى بادرة غير مسبوقة .ومن وقتها انتشرت هذه الظاهرة .
شوف كم بوست مفتوحة تقلل من المريخ وانجازاته شوف بوست المجمر هناك شخص مترصد المريخ عدييل ادارة ولاعبيين وجماهير والجميع يعلم ذلك وبصراحة كدة مشجعى الهلال بالبورد مزودنها حبتين .
ارجو الا تنظر الى الموضوع من زاوية واحدة واحكم بعد ذلك .
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: humida)
|
الابن الفاضل حميدة وبقية الشباب
لقد اسعدني فوز الهلال حقيقة ولقد ادى مباراة كبيرة يستحق من اجلها الفوز
ومصدر سعادتي الاول هو ان الهلال يمثل بلادي ثانيا انتصر على فريق مصري وحطم لنا عقدة الفرق المصرية نهائيا
واتمنى ان يواصل فريقا المريخ والهلال مشوارهما الى النهاية والفوز بالكاسين لنعم بطعم الفوز
اما بالنسبة لما يدور بين المشجعين (هذا البوست مثالا) في الحقيقة انا حزنت جدا لانحدار مستوى الحوار وهبوط النقاش. على ايامنا كنا مثلكم مهووسين بالكرة
وكان يدور بيننا جدال ونقاش ولكنه محصور في المكاواة والمكايدة فقط ولا يمتدابعد من ذلك لا التعليم والثقافة ليس لهم دخل او علاقة
تخيلوا كنا ندخل المباراة ونجلس في (الصايد الشمالي الخاص بالمريخ ) وشلة الكورة كان فيها كل الوان السودان مثقفين واميين وانصاف متعلمين وكل المهن ويدور النقاش وعادة ما يكون بين الشوطين وعندما نخرج نذهب لقهوة جورج مشرقي او يوسف الفكي لاكمال النقاش واقول لك رغم هذا كله لانعرف حتى اسماء بعضنالاننا نتقابل في يوم المباريات فقط وادبيات دار الرياض بامدرمان حافلة بالكثير من ذلك ماذا حدث لكم حتى حولتوها الى حرب انها رياضة ياشباب
على الهامش
لو قدر لكم الاطلاع لما كان يدور بين الهلالي الشاعر المبدع ابو امنه حامد و المريخي الاصم القبطان حاج حسن عثمان من مناكفات ومكاواة في الصحف عقب كل مباراة للهلال والمريخ لحزنتم مثلي لمل يدور الان
ودمتم في رعاية الله
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: محمود بكر)
|
الاستاذ ( محمود بكر ) ..
Quote: ومصدر سعادتي الاول هو ان الهلال يمثل بلادي ثانيا انتصر على فريق مصري وحطم لنا عقدة الفرق المصرية نهائيا
|
شكرا يا سيدي .. علي توضيح ( مصدر السعادة ) الذي غاب عن الكثيرين ..
وبعيدا عن ( الكورة ) ..
اصبح أغلب امرنا نحن ( السودانيين ) .. دعوة فرقة وشتات .. وكراهية ..
نعلم جيدا كيف تكون ( الكورة ) كورة ..
وكيف تكون ( الكراهية ) كراهية ..
في هذه المرحلة .. هناك اناس يهمهم تحطيم كل ( جميل ) في السودان ..
حتي لو لم يكن لهم اي علاقة بالكورة .. او الرياضة عموما ..
امثال مولانا ( فرانكلي ) ..
..
..
كثيرين من ( المريخاب ) هنا او في ( الشارع الرياضي ) ..
أجد لهم العذر .. دا حال الكورة .. ولذتها العيشناها في ( دار الرياضة ) ..
لكن ان تتجاوز هذه ( المكاواة ) .. الحد المسموح به من ( اللياقة ) و ( التهذيب ) ..
فذلك ما يجب الوقوف عنده ..
| Quote: وعندما نخرج نذهب لقهوة جورج مشرقي او يوسف الفكي |
يوم ( الاربعاء ) في الاستراحة .. عندي معاك حديث طويل ..
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: humida)
|
ما فهمت مفروض نقول شنو في الحالة الصعبة دي!!!!
سامي يبدو لي أنا زاتي مريخي جديد مقارنة بكل الشفتهم من المريخاب ياحميدة ((المشكلة وين))
يا اخي من الاخر أنا بكره سلسفيل الهلال والمدعين!!والناس البتخش شمال!!
اما اختنا هناك تكجني تكوجني تعوسي !!
حكاية غريبة.
نفتح خشمنا يقولو كعبين نسكت الموضوع بااااااااايظ باااااااااااايظ.
فعلاً مثال حي للكيل بمكيالين ياحميدة!!
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: keiga2000)
|
انا اكتفيت بالكلمتين ديل ..
ووصلني باقي ( الرد ) قبل ما اقراهو ..
اقول ليك شنو يعني ..
..
..
خلينا في ( الجيلي عبد الماجد ) امكن نتلاقى بيغادي ..!!
..
..
اتمني من كل ( المريخاب ) يورونا وجهة نظرهم ..
عشان نعرف منو ( المحسوب ) علي ( الكورة ) ..
ومن هم ( عجاف البغاث ) الذين يودون لو ان ( الهلال ) و ( المريخ ) ..
مارسوا ضد بعضهم .. جميع انواع ( الابادة ) ..
..
..
كتب ( سهيل اليماني ) .. ذات ألم ..
الثائرون بلا قضية ..
والنائحات بلا عزاء ..
يشربون دمي نخباً . ..في صحة الاختلاف
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: سامى عبد الوهاب مكى)
|
سامي عبد الوهاب ..
ما قدرت افهم ( كلامك ) ..
او انت ( قاصد ) شنو ..
بحاول اجتهد معاك .. واجاوبك علي قدر فهمي للامر ..
Quote: سامي يبدو لي أنا زاتي مريخي جديد مقارنة بكل الشفتهم من المريخاب ياحميدة ((المشكلة وين))
|
مافي اي ( مشكلة ) ..
ومبروك للـ( مريخاب ) .. زادوا ( واحد ) ..
| Quote: يا اخي من الاخر أنا بكره سلسفيل الهلال والمدعين!!والناس البتخش شمال!! |
كونك تكره ( المدعين ) .. دي حاجة ( جميلة ) ..
والناس البتخش شمال ( حسب الفهم الدارج ) .. يعني الناس البتخش ( غلط ) ..
برضو حاجة ( جميلة ) ..
ذي الزول البقول ليك انا بكره ( العادات الضارة ) ..
وبتلقى شريحة كبيرة من الناس متشاركين معاك في شعورك دا ..
..
..
بتكره ( الهلال ) .. دي مشكلتك ..
ما مشكلة ( الهلال ) ..
وصدقني حتشغل نفسك بموضوع ( اكبر ) منك ..
حاول انك ما تشتغل بـ( الهلال ) وبتعيش ( مرتاح ) ..
..
..
Quote: اما اختنا هناك تكجني تكوجني تعوسي !!
|
دي ( نهائي ) .. ما فهمتها ..
لا ( لغويا ) ولا ( فكريا ) ..
اتخيل لي انها ( عوارة ) منك ساي ..
الله يكضب الشينة .. 
..
..
| Quote: نفتح خشمنا يقولو كعبين نسكت الموضوع بااااااااايظ باااااااااااايظ |
والله يا سامي ..
لا أملك ألا ان اقول ليك ( ســـــــــجمي القرد ) ..
في شنو يا ( زول ) ..
..
..
| Quote: فعلاً مثال حي للكيل بمكيالين ياحميدة!! |
زمان يا ( سمسم ) .. كان في ( تمرين ) مشهور ..
اسمه ( ضع الكلمة المناسبة في المكان المناسب ) ..
اليوم داك انت كنت ( غايب ) .. ولا شنو ..
..
..
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: humida)
|
| Quote: بعد أداءٍ رائع جداً ( الحكم الجزائري ) يهزم الأهلي القاهري ( 3/0 ) |
حميدة
صاحب البوست دا قول ليه ارسل بوستك دا لادارة النادى الاهلى واحصل على 5 الف دولار
لانهم حتى اللحظة مو عارفين الهزمهم شنو ومنو,,,ولسع الحضرى ما صحى وقالو كل مرة بسال
المباراة انتهت كم وانا كنت وين,,ليش ما لعبتونى ..
عموما يابو الشباب ما تتعب نفسك مع الناس ديل كتير,,,حدنا معاهم يوم 2/9
لو تصدرنا المجموعة ولو ما تصدرناها نحن للدورى قبل النهائى
وامس الفيفا ارسل تصنيف الهلال قالو اتحرك من مكانو 14 نقطة
دا لسع قبل مباراة الكاس,,,,,
كدى من اسى الكاس دى بعترفو بيها ام لا
عشان ما نتعب ساى
انا عموما وصلت لكاسى وهو هزيمة الغطرسة المصرية التى لم تنال هزيمة زى دى
مئذ اربعين سنة,,وكان فاكنها فى روحهم نادى القرن,,وثالث العالم
بس المحيرنى المباراة دى كان فيها حكم
ياخى مباراة زمنها الاضافى 3 دقائق
وين الارهاب وين الفاولات
الحكم كان نجم المباراة وكل المحللين اتفقو على حنكته وادارته
للمبارة,,ادى رتشارد كرت من الدقائق الاولى
ليه اصلو كان لابس فنلة حمراء..الذى يطعن فى الحكم لم يشاهد الماتش
مبروك للهلال
بس هل هنالك مخرج من الدولفين ياحميدة؟؟؟؟
ناس بتقاتل الفيل المقاتل
وناس دولفين من الاولى نازل
ناس بتبهدل... بطل القرن
وواحدين مع كوارا القيد حرن
عموما نتمنى ليهم فرح مشتت
شفت العزل الجديد
مزمل شاف شهر رمضان
من الاحد الفات واعلن الصوم
وقال هو تنباء بفوز الهلال بالبطولة
شفت زولك بقى ولى صالح فى اخر الزمان
نعيش ونشوف
انا من اسى بقول الكاس حقنا
وسوف احضر النهائى فى زريبة العيش
رايكم شنو؟؟؟؟
(عدل بواسطة abuguta on 08-22-2007, 11:31 AM)
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: humida)
|
حميدة
قبل البدء أنا مريخابي منذ ان وعيت لشي اسمه كرة القدم.
المهم:
اولا مبروك الفوز ،، وهو فوز للسودان قبل ان يكون للهلال ،،
ثانيا اتجنب دائما الدخول لبوستات الكورة والمناكفات التي تحدث بعد وقبل مباريات الهلال والمريخ ( سواء كانت بين الطرفين ، او احدهما طرف في المباراة دون الآخر)
ثالثا: ما تشكو منه ودعيت له كل مريخاب المنبر ليس وقف على المريخاب لأنهم يشربون من نفس الكأس كلما لعب المريخ فإن فاز المريخ او احرز نتيجة جيدة فهو اشتري الفريق الآخر والفريق الآخر نفسه حمام ميت ولا يحق ان يلعب في بطولة افريقية وان انهزم المريخ لم يسلم من طول اللسان والتشنيع.
اذن الامر سيان ففي حالة الفوز يجب تبخيس الفوز وفي حالة الهزيمة يجب الشماتة والاستهزاء.
رابعا: المسالة يا حميدة ياخوي مناكفات بين الجمهور يقودها الاعلام وانت سميت مزمل ابوالقاسم وانا ممكن اسمي ليك (قسم خالد ، <او خالد قسم ما عارف> ورمضان احمد السيد) ويمكنني من المنبر ان اسمي لك عدييييييييييد الاسماء ، قد تكون التعليقات احيانا (حارة وموجعة) لكنها مناكفات كورة ولتظل مناكفات كورة.
خامسا: أستمتع هذه الايام بمشاهدة قناة دريم وقراءة رسائل مشاهديها خاصة مشجعي الزمالك وكيف شمتوا في الاهلي وتنفسوا الصعداء ، وهذا يعني ان المسألة ليست هلال مريخ وانما مكان مايكون (الديربي ) ومشجعيه تكون المناكفات.
سادسا: عودة على بدء الفوز علي الاهلي ان جاء من الهلال أو المريخ فهو فخر لنا كسودانيين جميعا لكن ( تمسيخ وتفطيس الفوز) ليست حكرا على فئة معينة فالهلالاب هم من قالو بأن كأس شرق ووسط أفريقيا هو كأس المجاعة وان كل من يفوز عليه المريخ حمام ميت
أخيرا: أفرح فرحك وغض الطرف عن أي بوست لا يعجبك عنوانه ولا تدخل عليه على الإطلاق ولا تجعل بعض من يناكفك ينغص عليك فوزك الكبـير ، او (اقراهو واعمل ماقريتو).
شرووم
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: humida)
|
شكرا يا حميد ياخ
على الكلام الواعى
وبدون تفاصيل كتيرة إتقالت وما عايزين نكررها
أنا هلالابى وبحب الهلال جدا
لكين أقسم ليك بالله العظيم
يوم مباراة المريخ وبعد ما تابعتها فى الراديو
وانتهت على النتيجة الإنتهت عليها
والله العظيم زى المات لى زول
وقام على القولون العصبى ولحدى هسه بالع لى مليون حبة دسبتالين
السبب فى ده كله
بكل بساطة
لأنى بحب السودان والسودانيين
أول أمس فى قناة دريم كان فى واحد بعلق على مباراة الهلال والأهلى
وطيلة الحلقة كان بقول
الفريق السودانى
أصلا ما قال الهلال
وبالتأكيد لو كان المريخ فى محل الهلال
برضو كان حيقول الفريق السودانى
والمعنى مفهوم طبعا وواضح
لما يلعب الهلال والمريخ
خلينا نتدافس ونتماوت عديل
لكين أى واحد منهم لما يلعب مع فريق اجنبى
لازم نقيف مع "الأى واحد" ده
ولا شنو
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: humida)
|
انا عموما وصلت لكاسى وهو هزيمة الغطرسة المصرية التى لم تنال هزيمة زى دى
مئذ اربعين سنة,,وكان فاكنها فى روحهم نادى القرن,,وثالث العالم
.............................................................................
ابو قوته
نادى القرن الذى تتحدث عنه هذا نحن هزمناه قبلك ولا الزمن داك انت ما كنت بتعرف كورة
على ما اعتقد ومن مناقشاتك فى الكورة انك حديث عهد بتشجيع الهلال عشان كده لسة لياقتك 100%
اما عن زريبة العيش اسم جميل احسن ما يقولوا ليكم شى اخر يعرفه هلالاب امدرمان .... راجع موقع فريق الهلال مع عمر الفاروق وتمبس وكفى
احترمونا عشان نحترمكم وبلاش تريقة على الفاضى .. وسلمولى على الوطنية التى تتحدثون عنها هذه الايام اين كانت الوطنية ايام البيرة الكينى وغيرها من المواقف التى تدمى القلوب .
| |
|
|
|
|
|
|
|
|
|
Re: يا مريخـاب المنبـــر .. بئس ما تدعون إليه .. ( كشف حال وسوء منقلب ) ..!! (Re: humida)
|
مزمل أبو القاسم في عموده كبد الحقيقة اليوم السبت 25/8 كله يتحدث عن الإرهاب الذي تم ضد لعيبة الأهلي في الخرطوم وما حدث قبل وبعد المباراة ويتحدث عن جمهور المريخ كأنه الصفوة ويعترض على حمل تابوت للحضري في الإستاد ويتحدث عن الصفوة وما أدراك ما الصفوة وأحدهم هنا يطالب بإهداء لعيبة الإسماعيلي الورود .
ما يحدث في مباراة المريخ والإسماعيلي شأن يخص المريخ وحده أهدوهم ورود أو حتى أهدوهم المباراة ونتيجتها فهذا شأن يخصهم وما حدث في مباراة الهلال والأهلي هو شأن يخص الهلال ومشجعيه فنحن نعرف كيف نشجع فريقنا ونعرف كيف نرهب خصومنا دون أن نلمسهم ولأننا ملأنا الإستاد صراخا فهذه طريقتنا في تشجيع سيد البلد وإذا كنا أحضرنا تابوتا للحضري فهذا ضربا للمثل أن إستاد الهلال هو مقبرة لكل من تطأ أقدامه أرض الإستاد فالداخل مفقود وحتى الآن لم يخرج منه أحد لنعلم حالة الخارج منه .
وللتاريخ فقط نحكي هذه الواقعة حتى لا يخرج لنا مزمل وأمثاله عن مثالية التشجيع والعنف وغيرها من الأسطوانات المشروخة .
الزمان سنة 1995 المكان إستاد الهلال المناسبة مباراة بين المريخ وسيمبا التنزاني في ختام مباريات المجموعة الأولى لبطولة سيكافا الفائز من الفريق سيحل ثانيا في المجموعة بعد إكسبريس الأوغندي وسيقابل بطل مجموعة بورتسودان اللي هو كان الهلال المباراة كانت تعادلية بهدف لكل حتى الدقيقة تسعين ومن هجمة مرتدة مباغتة تمكن فريق سيمبا من إحراز الهدف الثاني في المباراة عندها ثارة ثائرة جماهير المريخ وحصبت الملعب بالحجارة وهاجمت لاعبي سيمبا والمريخ معا وهرب لاعبو سيمبا وتفرقوا في حواري حي العرب وقام السكان بإيوائهم وإعطائهم ملابس غير ملابسهم الرياضية حتى لا تتمكن جماهير المريخ الغاضبة من تمييزهم وكانت النتيجة وفاة الصحفي المرافق لبعثة الفريق التنزاني متأثرا بإصاباته من تلك المعركة وفي الصباح خرجت علينا اللجنة المنظمة بأن المباراة لم تنتهي ولا يمكن تحديد من الذي قام بالشغب وعليه يجب أن تعاد المباراة رفض فريق سيمبا التنزاني لعب المباراة مرة أخرى وقال رئيس بعثتهم بأنهم هزموا المريخ وسيعودون بعد أقل من أسبوعين ليلعبوا ضد المريخ في بطولة كأس الكئوس الأفريقية في إستاد المريخ وسيهزموه مرة أخرى في عقر داره وعندما يأتي المريخ إليهم في تنزانيا سيردون له الدين أولا ثم سيهزمونه ثانيا وبالفعل عاد سيمبا وهزم المريخ في إستاده بهدف دون مقابل وفي تنزانيا هزموا المريخ أيضا بهدف دون مقابل .
الحادثة أعلاه لا يريد مزمل ولا غيره أن يتذكروها لأنها تكشف مدى العنف الذي يمكن أن يمارسوه لدرجة تصل القتل فليشجع مزمل المريخ كما يشأء ولكن عليه الإبتعاد عن الهلال ومزمل لم يمتلك الشجاعة ليتحدث عن ما حدث للهلال في القاهرة وما هي الأسباب التي دعت الجماهير تحمل نعشا للحضري دون سائر لعيبة الأهلي ولم يتحدث عن تحطيم الحافلة الخاصة بنادي الهلال بعد أن تمت هزيمتهم في الملعب بفعل فاعل وكيف تهجم عصام الحضري على البرنس وكال له من الشتائم أبشعها خجل وتناسى أن لكل فعل رد فعل مساو له في القوة مضاد له في الإتجاه فقد كنا نرد له بعض من ديونهم لدينا ونحن عائدون مرة أخرى للقاهرة لمقابلة الاهلي في النهائي وسنعيده مرة أخرى للمقبرة ليلعب النهائي هنا على أرضنا بعد أن نتصدر المجموعة هذا إن حالفه الحظ في الصعود ليرافقنا إلى النهائي .
الأهلي أو الفرق المصرية ليست المرة الأولى التي تحضر للسودان فلماذا لم يسأل مزمل نفسه ما الذي تغير كانوا دائما يسيئون السلوك الرياضي والأخلاقي عندما يلاعبون أحد الأندية السودانية زكلنا نتذكر سلوك إبراهيم يوسف مع الموردة العام 1989 والعديد من الأمثلة .
يتفاخر مزمل في عموده بأن المريخ أول من هزم الأهلي بالثلاثة متناسيا أن أن ثلاثته لم تشفع له بالصعود إلى الدور الذي يليه بل أطاح به هدف خالد بيبو الوحيد في إستاد المريخ خارج البطولة لكن ثلاثتنا صعدت بنا مباشرة إلى دور نصف النهائي وهددت موقف الأهلي في البطولة وهو إلى الآن لم يضمن الصعود وربما لا يتأهل .
النقطة الثانية التي يتفاخر بها مزمل أبو القاسم هي أن للمريخ نصيب في إنتصار الهلال مشيراإلى حمودة بشير وعلاء الدين يوسف ونحن لا ننكر دور حمودة وعلاء الدين المؤثر في مسيرة الهلال ولكن مزمل يتناسى أن ربع فريق المريخ أتى إليه من الهلال وهذا الربع يمثل ثمانين في المائة من قوة المريخ متمثلا في هيثم طمبل ومجاهد وعلاء الدين بابكر " طيارة" الذي لم يتخلص بعد من عقدة الطيارة .
ولنا عودة مع مزمل أبو القاسم الذي يكتب عن الهلال أكثر ما يكتب عن المريخ والذي أرعبه ما حدث يوم الأحد في المقبرة أكثر مما إرتعب عصام الحضري نفسه ولأنه تيقن أنه سيبقى وصيفا للمرة الخامسة على التوالي لنعادل الرقم القياسي المسجل بإسم فريق ليون الفرنسي لنكسره العام القادم لنصبح الفريق الوحيد في العالم الذي فاز بالدوري ستة مرات متتالية إنه الهلال صاحب الأرقام القياسية المتفردة وياريت مزمل لو يتحفنا بعدد المباريات التي خاضها الهلال دون هزيمة في الدور الممتاز فنحن وقفنا عند 15 مباراة في دوري هذا الموسم و 11 مباراة الدورة الثانية من الموسم السابق وكده المجموع ستة وعشرين مباراة دون هزيمة منها خمسة وعشرون إنتصار وتعادل واحد مع الوصيف الدائم
| |
|
|
|
|
|
|
| |
humida
محمد عبدالرحمن
إيمان صالح
Rakoba
على محمد على بشير
محمد البشرى الخضر
Frankly
اساسي
tmbis
محمد حامد جمعه
وليد محمد المبارك
Hussein Mallasi
عبدالكريم الامين احمد
keiga2000
نهال الطيب
abuguta
شرووم
الفاتح خليل الفكي
أبوذر بابكر
ثابت محمد
omar altom
فيس بوك
تويتر
انستقرام
يوتيوب
بنتيريست