|
|
 Re: ألم نشـــــرح لك صــــــدرك (Re: Walid Safwat)
|
..
عبد الله عقيد،..
إزيك يا عبد الله،..
يا زول الحليلة بعرفها تب، وما داير أزنقك وأقوليك جماعتنا هم البشتغلوا عندكم ترابلة، غايتو يضحك نهارك،..
طَيّب أهو إنت (الفليل) واقعلك تمام، وعارف قصتو، وكمان تاني في ود مدني في واحد (الفليل) في سجن ود مدني، نفس الفليل بتاع شندي، وإنت زول بتاع عربي وعارف إنو الرابط هو مفردة الفليل نفسها ودلالالتها الجنسية، ولامن نقوليكم دي حاجاتكم تفنجطوا،..
بعدين يا عبد الله أخوي الشعر دا ما مشقوق، الشعر سمح براهو قول ماشاء الله، إلا الشيب نقرو والصلعة نجهتو،...
بعد التسريحة لي وراء دي ما داير أقول ليك من السنَّة والرسول كان يُرَجِّل شعرَه للخلف، عندي ليك حجة تانية، إنو التسريحة دي غتيتة وبتدس الصلعة، وما بتخلي الدنقوس يقعد هُبَر هُبَر،..
Walid Safwat،...
رمضان كريم، وطلعت رجل باسل أُحييك لتصحيح موقفك،...
عارف يا وليد؟ بلدنا ذاتها، خليهو البورد دا، قاعدة شلليات وكميان ومحاسيب، عشان كدي الفساد عينك عينك، والدمار عينك عينك، ولا أمل للتصليح، أبداً لا أمل، ما دامت هناك شلل، تحمي محاسيبها، ولا تأمر بالعرف ولا تنهى عن الظلم،...
لقد هزَّني موقفك وموقف عبد الله عقيد هنا، وهزَّني حتى انسحاب الآخرون الذي شاركوا في هذا البوست عند بدايته وانفضوا من حوله، لما رأوا فيه من ظلم واضح وتعدي من قبل حميدة على محسن خالد،..
محسن خالد، لو أشتر وقال كلمات فارغة –بعد أن ظُلم- دا ما ببرّر المظلمة ولا يسوغها، ولا يجعلها جائزة ومشروعة،..
بل أنا استعففتُ عنه حتى نفد العفاف، ولم يتبقَّ إلا مقارعته السفاهة بالسفاهة،..
وهنا انتباهة احترام لك،..
وما داير أستغل الأوضاع وأقولك شائف الكلمة السخيفة بدل "الخنجر" دي خَلَّت الأمور واضحة كيف؟
وأنا والله ما منتبه للتورية في العبارة، جاتني متأااخرة، بعد ما إنت هبشتها، قد ما تصدق لو قلتليك أنا برئ وما خبيث ودغري، وكلام الفارغة الداير أكتبو داك بكتبو عدييل، ما خائف منو وواعيليهو،..
بعدين إنت هدا شائف وقدَّامك، دليل علي اتهاماتن مافي وغلاط –مش فصاحة- ما بقيف، في قوة عين أكتر من كدي؟
غايتو يضحك نهارك، وأعفالينا إن جاك رائش جاي وألا جاي، وأنا بعتذر ليك عن لغتي الحادة وأرجو أن تسامحني بحق وتغفر لي،..
وتحياتي وغاية الود،..
..
| |
 
|
|
|
|
|
|
|
|
Re: ألم نشـــــرح لك صــــــدرك (Re: Walid Safwat)
|
اخي محسن خالد .. ارجو ان انقل عبركم تحياتي لكل اهلنا بالمسيكتاب .. الى محمد الحسن الدكيم.. والهندي محمد احمد .. ابو زيد العوض .. عبد الله عوض الكريم المليك .. طه على عكور ... الطيب عبد الرحيم واخرون فلتوا من ذاكرتي بسبب الصوم .. لهم جميعا مودتي ..
| |
|
|
|
|
|
|
| |
محسن خالد
Walid Safwat
Kostawi
فيس بوك
تويتر
انستقرام
يوتيوب
بنتيريست