|
|
|
 Re: تم تهكير حسابي بالبنك والحمد لله.. (Re: نادية عثمان)
|
سلامات يا دكتور.
ما تخاف في عصر التقنية يصعب التهكير والزوغان مع الإمكانيات الأمنية الهائلة للبنوك
بس ما تنسى
- عندما تخاطب بنكك خاطب الإدارة العليا مباشرةً وليس صغار الموظفين
- وبعد أن تمهل بنكك فترة معقولة للتحري وإتخاذ اللازم
إذا ما جاب نتيجة
أرفع شكوى كتابية للبنك المركزي Central Bank
لإدارة الخاصة بالتعامل مع شكاوي العملاء
وإن شاء الله تجمع.
| |
 
|
|
|
|
|
|
|
|
Re: تم تهكير حسابي بالبنك والحمد لله.. (Re: بشير أحمد)
|
كونك تبدأ بحمدالله في هذه المشكلة فهذا عين التوكل والتوحيد والايمان بالقدر خيره وشره.
والذي حدث لمالك هو امتحان لك أتجزع ؟ ام تكون من الصابرين؟
مدي علمنا المتواضع عن شخصك فأنت رجل منفق وجواد وكريم ( وما نقص مال من صدقة)
ودعوات اصحاب الحاجات والاهل والاقارب الفقراء الذين تنفق عليهم كفيلة بأن تجد طريقها للسماء ليرد
الله عنك كيد الكائدين ومكر الماكرين
ستأتيك وديعتك باذنه الواحد الاحد.
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: Dr. Moiz Bakhiet)
|
سلامات يا بروف
إنشاء الله ما تشوف شر
عرفت مؤخراً أن هناك برامج هاكرز تدخل إلي جهازك عن طريق trojan horses ويقوم هذا البرنامج بما يُعرف phishing وهي عملية فك أو تخمين كلمات السر ، وهناك برنامج خبيث آخر keylogger هذا البرنامج متخصص في تسجيل keystroke في الكمبيوتر ، من خلاله يستطيع المهاجم تسجيل كل المدخلات التي أجريتها في الكمبيوتر ، هذا اللص وصل إليك عن طريق الايميل ، وفي هذه الحالات يكون الهدف هو البطاقة الإئتمانية ، لذلك اطلب منك إيقاف البطاقة وإلإعتراض على كافة المشتريات المسجلة ، ومطالبة الشركات البائعة بإعطائك معلومات عن هوية المستخدم ، يُمكن الوصول إليه من قائمة المشتريات ، تمسك بالنصيحة المعروفة لا تفتح أي رسالة لا تعرف مصدرها[/
B]
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: SARA ISSA)
|
أختي الحبيبة سارة عيسى،
شكراً عظيماً لك يا سارة
وبالفعل قمت فوراً بإيقاف البطاقة الإئتنانية الخاصة بهذا البنك وقد نصحوني هم بذلك فور اكتشاف السرقة..
وقد حدث من قبل أن تم عمل كوبي لبطاقتي عن طريق محل تجاري بلندن واكتشف البنك الأمر بمجرد محاولة الإستخدام من الهكر والحظ لعب دور في ذلك لأنني استخدمت البطاقة في دولة أخرى بعد سفري من بريطانيا وقد حاول الهكر استخدامها في نفس الوقت في بريطانيا
لكن هذه المرة فقد كان الأمر مختلفاًً فقد تم عن طريق تسجيل بيانات البطاقة الخاصة بالصراف الآلي وهذه البطاقة مربوطة بالحساب.. والآن يجري التحقيق في الأمر
مودتي العميقة لك
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: Dr. Moiz Bakhiet)
|
سلامات يا بروف
أرجو القيام بالأتي :
تفعيل خدمة تأكيد العمليات عن طريق الهاتف
وضع سقف أعلى للسقف لا يزيد عن مبلغ محدد مثلاً 500 دولار ، ومن أخطر الأشياء أنك ربطت حساب البطاقة مع حساب البنك ، قم بإالغاء هذا الربط فوراً لأنه يضاعف فرصة الوصول إلي كل حساباتك ، ويمكنك سداد المطالبات عن طريق الشيكات ... وما لم أفهمه هل تعني أن القرصنة حصلت لي Debit Cardوليس البطاقة الإئتمانية ؟؟
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: Dr. Moiz Bakhiet)
|
يا بروف ياخ احمد الله الما هكّروا حسابك بتاع سودانيز أون لاين القروش ملحوقة 
يا سيدي ربنا يعوضك وغن شاء الله محلولة وبإذن الله ال 500 دولار ترجع ليك سالمة غانمة ولا هي اكتر من كده يا بروف؟
غايتو ده اكبر رقم بعرف ليهو وشغل حيّز في حسابي ..
تسلم يا بروف ياخ وربنا يديك الفي مرادك ويحل كل مشاكلك ..
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: عمر الفاروق)
|
ود الفاروق الحبيب،
قلت لي حسابي في سودانيزاونلاين فيهو كم؟؟ 
عارف لو ده هكروه
الا أفرش في أولدترافورد 
بعدين خمسمية ضورار دي شوية ياخ مع الدولار الهابط زي غنا صحبتك ديك؟؟
بس يا ريت الحساب كان بالدولار كان قلنا غضب على الأمريكان
لكن الحساب بالعملة الصصصصصصصصصصصصعبة ديك ..
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: Dr. Moiz Bakhiet)
|
كفارة ليكم يا دكتور ..
وإنشاء الله المال يجمع ..
صنفرة :
من محاسن العزلة والحصار على السودان ، إنعدام أو شبه إنعدام هذه التقنيات !
وناس الحسابات هنا من شدة حذرها وخوفا بطلت حتى التعامل مع الشيكات !!
الداير يسحب قروش من البنك يمشي بي نفسو لحدي الصراف ويستلم ويغمت جو جيبو !!
ولحدي هسي الناس ما قادرة تثق وتتعامل بي بطاقة الصراف الألي بتاعت البنوك الإنطرحت في الفترة الاخيرة !!
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: ناذر محمد الخليفة)
|
الجاتك في مالك سامحتك يا دكتور
بالنسبة لتروجان هورس فهو يرسل بطرق عديدة ومنها الايميل او في شكل برنامج مجاني مفيد او اغنية او صورة خلابة و تروجان يحتاج الى اكشن من جانبك وعندما تقوم بفتح الفايل ينزل البرنامج في جهازك وبدون علمك وبعد ذلك يبدأ يسجل كل ضربات الكي بورد ويرسلها للهاكر وطبعا اذا كنت استخدمت اي بطاقة ائتمانية او فتحت حسابك سوف ترسل كل المعلومات للهاكر ويسجلها وبعد ذلك يستخدمها وهناك عصابات كثيرة وايضا المافيا تقوم بذلك وهناك عدد من التقارير تتحدث عن ذلك في عالم امن الكمبيوتر . اما الفيشنج فهو ايميل يرسل وكانه من جهة شرعية وشبه مطابق مع اختلاف بسيط في حرف او احرفين في يو ار ال ونفس الصور وطبعا تعتقد ان الايميل مرسل من بنكك او شركة تأمينك او اي جهة وتقوم بفتح حسابك وترسل كل المعلومات للهاكر وبعد ذلك يبدأ في التلاعب بحسابك.
هنالك حوادث كثيرة وحتى على مستوى الدول فقد استطاع هاكر ان يدخل ويعطل الكمبيوتر الذي يشغل محطة كهرباء هنا في امريكا في كاليفورنيا وهناك اكثر من مائة دول تنشط في هذا المجال لسرقة المعلومات والاسرار العسكرية والصين تاتي في المرتبة الاولى وبعدها اسرائيل.
المهم انا اعمل ماجستير في امن السايبر والآن على وشك الانتهاء من بحث التخرج في التجسس السايبري وقد درست تروجان هورس والاونواع التي تستخدم بالاضافة للفيشنج وسبام ايميل وغيرها.
الموضوع يحتاج الى تحليل كيف وصلت معلوماتك للهاكر وهناك احتمالات كثيرة فاذا وجدت شخص متخصص في امن الكمبيوتر يمكن ان يساعدك او ربما تكون قد وصلت عن طريق ما يسمى سوشيل انجنيرنج وهو عبارة عن احتيال عن طريق شخص يتصل بك ويدعي انه من البنك ويطلب منك ان تزوده بحسابك ومعلومات ويدعي انه يحل مشكلة وهو يكون الهاكر ذات نفسه.
ايضا وارد ان يتم الامر عن طريق البنك اذا حدث اكثر من حادث في البنك فهذا يعني ان سرفر البنك تم تهكيرها ويعني ان اجراءات الامن عندهم فيها مشكلة وهناك حادث فقد استطاعت المافيا ان تقوم بسرقة عدد من البنوك وبتحويل اموال كثيرة الى حسابات سرية.
المهم نصحيتي لك غير كل الباسورد وادخل انتي سبي وير في جهازك واستشر متخصص في امن الكمبيوتر
مع شكري
أبوهريرة
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: ابوهريرة زين العابدين)
|
يا بروف
الجاتك فى مالك سامحتك
برضو حصلت معاى نفس الحركة دى
لكن طبعا ما جبت خبر لانى ماعندى غير (حق الايجار )
لكن الحمد لله
ومشيت لناس البنك بدل ما يدنى خبر نجيض
قالوا لى انتى اديتى العنوان بتاعك لشخص ما
متين يا ربى ؟
غايتو الجاتك فى مالك سامحتك
وما تخليهم
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: Dr. Moiz Bakhiet)
|
Quote: كونك تبدأ بحمدالله في هذه المشكلة فهذا عين التوكل والتوحيد والايمان بالقدر خيره وشره.
والذي حدث لمالك هو امتحان لك أتجزع ؟ ام تكون من الصابرين؟
مدي علمنا المتواضع عن شخصك فأنت رجل منفق وجواد وكريم ( وما نقص مال من صدقة)
ودعوات اصحاب الحاجات والاهل والاقارب الفقراء الذين تنفق عليهم كفيلة بأن تجد طريقها للسماء ليرد
الله عنك كيد الكائدين ومكر الماكرين
ستأتيك وديعتك باذنه الواحد الاحد. |
دعوات الاهل والاصدقاء
ورضا والديك كفاية لرد كل مكروه
والجاتك فى مالك سامحتك
ابتلاءات وانت قدرها يا ابن العم
تحياتى
ام وضاح
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: فيصل نوبي)
|
البروف معز
أسأل الله أن يتم حل هذه المشكلة و الا يحدث أي ضرر لك..و بالتأكيد اذا ثبت أن الخطأ يرجع لنقص في النواحي الأمنية لنظام البنك سيتم حل المشكلة دون أن تتضرر من ذلك و كما ذكرت الموضوع يحتاج لبعض الوقت و حتى يتم حل المشكلة أسأل الله لك كل خير.
موضوع فتحك لهذا البوست مهم جدا حبث أنه يلفت نظر الجميع لأخذ الحذر في المعاملات المالية خاصة عبر الانترنت و نصيحة اضافية للذين لديهم مبالغ كبيرة (لا تشمل ناس 500 دولار ديل) بأن يوزعوا احتمالات الخطورة و ذلك بفتح زيادة من حساب و بذلك يقل الRisk و ربنا يزيد و يبارك لهم.
| Quote: ما تخاف في عصر التقنية يصعب التهكير والزوغان مع الإمكانيات الأمنية الهائلة للبنوك. |
تعرف المشكلة انو يصعب زوغان الهكر لكن يمكن ذلك لاستخدامهم تقنيات لا تقل عن التي تستخدمها المصارف لحماية تظمها..
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: الحاج حمد الحاج)
|
الحبيب الحاج حمد،
شكراً لكلماتك الطيبة
وناس البنك وعدوا خير وانا مطمئن والحمد لله
وزي ما قلت ح تاخد شوية وقت
| Quote: موضوع فتحك لهذا البوست مهم جدا حبث أنه يلفت نظر الجميع لأخذ الحذر في المعاملات المالية خاصة عبر الانترنت |
هذا هو يا حبيب
كل الود والتقدير العظيم
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: النورس الحزين)
|
معز ( دعايات ) ..
انا والله مستغرب لحدي هسع ليه ما استوعبتك واحدة من الفضائيات الشايلا الهوا دي ..
ووين علاقاتك الكنت بتتبجح بيها .. وانا بعرف فلان وبعرف علان ..
وبفيدنا شنو نحن حسابك يتهكر .. ولا يلطشو محفظتك ..
والدخل شنو السودانيين الغشوك في الاراضي .. ولا الموضوع كلو كايس تعاطف الناس ..
واساس حسابك الفضل فيهو شنو بعد ما صرفت قروشك كلها علي انتاج شريط شروق ابوالناس وفشل وما جاب حق الغلاف ..
ياخي والله قدر ما الواحد يقول يخليك في حالك تجي تعمل ليك حركة كدا تفقع مرارة الواحد ..
ما تلعب بمشاعر الشعب الغلبان دا ..
..
..
شوف الاتسرق منك كم ملطوش .. وانا برسلهم ليك .. عشان ما تجي بكرة تقول كان عندي مليون دولار ..!!
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: humida)
|
| Quote: شوف الاتسرق منك كم ملطوش .. وانا برسلهم ليك .. عشان ما تجي بكرة تقول كان عندي مليون دولار |
يا حميدة كلامك ده عيب .. جائز الدكتور ببحث عن مساعدة ولو في تقصير زمن التحقيقات والتحريات ..
أن شاء الله يا دكتور القروش ما كتيرة ..
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: humida)
|
| Quote: شوف الاتسرق منك كم ملطوش .. وانا برسلهم ليك .. عشان ما تجي بكرة تقول كان عندي مليون دولار ..!! |
انت كمان يا حميدة اركز وما تقول كلام مجهجه .. ولو ما قادر على المبالغ الكبيرة ما كان تقول كلامك ده ...
بكون سحروك يا دكتور والله ..
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: محمد فضل الله المكى)
|
| Quote: بكون سحروك يا دكتور والله |
سحروه الما بشبهوه ..
غايتو بعد الشهيق والزفير دا .. قلبي عليك يا دكتور .. امش سك حق الشريط احسن ليك ..
لانه تهكير بنك .. دي قضية دولية .. اذا كنت بتعني بتهكير اخترقوا الحسابات المصرفية ..
وما يطلع الموضوع انه الماستر كارد بتاعتك وقعت ولا شالا منك زول ..
وتأكد تمام انه مع تطور الانظمة ( وما داير اقول ليك ما في حاجة اسمها بنك اتهكر ) لكن نمشي معاك حسب الموجة ..
مع تطرو الانظمة دي وزول يجي يهكر بنك .. يعني يا مان قروشك دي استودعا الله ..
بكل امانة يعني ..
..
..
عليك الله اسم البنك شنو .. لانه انظمة الحماية في البنوك دي شغلتي .. وخصوصا في البحرين .. ويمكن اقدر اساعدك في الموضوع دا ..
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: abas)
|
الحاج حمد الحاج
معليش .. بس الاقتباس بتاعك خطأ ..
وحقه تقرأ كلام المعز بعدين علي الاساس تجي تدافع .. ( انت ولا الزول الجايب منه الاقتباس )
..
..
| Quote: هذه المرة فقد كان الأمر مختلفاًً فقد تم عن طريق تسجيل بيانات البطاقة الخاصة بالصراف الآلي وهذه البطاقة مربوطة بالحساب |
ما في كلام ذي دا ..
ونجيها واحدة واحدة ..
البيانات في بطاقات الصراف الآلي Automated Teller Machines .. مختلفة تمام عن بطاقات الائتمان ..
يعني ما بنفع تسجل بيانات وتستخدمها .. ذي بطاقات الائتمان الماستر والفيزا ..
لازم البطاقة تمرر في الجهاز ..
واغلب بطاقات الـ ATM بتكون محددة في نطاق معين .. دولة او اقليم ( نطاق شبكي ) ..
وبتلقى النطاقات الداخلة في عملية الصرف دي ملصقة العلامات بتاعتها في الصراف الآلي .. ( شعارات ملونة - مثل الشبكة السعودية - الشبكة المصرية - HSBC - ماستر - فيزا - إلكترون ) ..
ولا تمتلك البطاقة الـ ATM رقم شراء .. ( يعني رقم ممكن تدخله في موقع ويسحب منك قروش ) .. لازم تمرر البطاقة في الجهاز ..
الماستر كارد والفيزا والامريكان اكسبريس ( وبعض المنتجات الغير مشهورة ) التي تسمى البطاقات الائتمانية .. هي فقط التي يمكن سرقة ارقامها واستخدامها
وحتي هذه اصبح ليها رقم سري ( غير مخفي بصورة جيدة ) اسمه CVV
هسع يا دكتور .. بطاقة الصراف ولا بطاقة الائتمان .. ( عشان ما يتلخبط علينا البقر ) ..!!
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: humida)
|
الأخ حميدة...تحياتي
حقيقة دكتور معز قال هكروا حسابه فى البنك ما سرقوا كريديت كارت وهناك فرق كبير بينهم ..
كيف..؟
تهكير حساب البنك ممكن يكون فقط برقم الحساب ويستعمل كحساب ترانزيت لمبلغ ما ودى فى عصابات كثيرة واظن ممكن تكون وصلت كم من الف رسالة بتقول والله نحن اسرة اى من الخلق وفلان ده كان ثري جدا ومات فى حادث طائرة وما كتاب القروش دى بأسم اى زول لكن نحن نعرف المسؤل فى البنك عن الحساب ما عنده مانع يساعد فى تحويل الملبغ فقط عايزين ثلاثه حاجات اسمك ورقم حاسبك وفى اى دولة تقيم ..وحقك فى الموضوع ده %40...اها دى فى عصابات بقت دى شغلتها تجيب المعلومات دى ...كيف؟ هم بعرفوا كيف..اها العصابات بتاعت المعلومات الاولية لازم يكشفوا الحساب قبل كل شى يقوموا يوجدوا رصيد فى الحساب يقوموا يصفروا يعنى يخلوا0000000 ...
فى كل هذا وذاك فى امور صغيرة بتحدث وربما غير مقصود من صاحب اى حساب بستعل الصراف الألى...بعد الصرف فى ورق صغيرة بتخرج من الصراف الألى معظم الناس بتتركها على جنب او ترميها فى اول سلة مهملات الورقة دى فيها معلومات تكفى لتهكير او تصفير او استعماله حساب ترانزيت ...
لنو بعض الماكنات مبرمجه على اسم صاحب الحساب ورقم الحساب وكم سحب وكم فى الحساب.....
نرجع للكريديت كارت حسب عادي او ذهبى اها ده ساهل جدا ممكن تشتري به ما قيمته 100الف دولار بشرط بالماكنة اليدوية لانها محتاجه فقط لتوقيع ...
تحياتي وتقديري واحترامي
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: هشام مدنى)
|
الغالي هشام مدني،
| Quote: حقيقة دكتور معز قال هكروا حسابه فى البنك ما سرقوا كريديت كارت وهناك فرق كبير بينهم .. |
هذا هو يا هشام ولكن..
لقد أسمعت لو ناديت حيا ولكن لا حياة لمن تنادي..
تحياتي ومودتي العميقة لك
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: humida)
|
د. معز كفارة ليك يا زول...
ما حصل لك يحصل بشكل يومي و لكثير من الناس ... وسببه سهولة سرقة المعلومات عن طريقين وهما أولاً: unsecured websites ثانياً: portable card readers والاخيرة هذه عبارة عن جهاز صغير يوضع في الATM MACHINES ويظهر كانه جزء اصيل من جهاز الصرف الآلي و لكنه يوضع تماما بمحازاة THE ORIGINAL CARD READER و يمكن لهذا الجهاز حفظ معلومات عدد معين من الكروت حسب سعته و يمكنه كذلك تحويل المعلومات الي RECEIVER في نطاق معين حسب ال TRANSIMITTING POWER OF THE PORTABLE CARD READER و يمكن لهذا الجهاز ان يوضع في اي مكان SPECIALLY SMALL GROCERY STORES .... فيجب علي الجميع توخي الحذر و التاكد من عدم وجود اي نتوء او اي جهاز إضافي ملصق عند الفتحة المخصصة لكرت الصراف الآلي ... فبعد حصولهم علي المعلومات يقومون بصناعة كرت جديد بمعلوماتك و من ثم استخدامه..... واظن يا دكتور هذا ما حصل لك للاسف.
كتب الاخ Humida
Quote:
البيانات في بطاقات الصراف الآلي Automated Teller Machines .. مختلفة تمام عن بطاقات الائتمان ..
يعني ما بنفع تسجل بيانات وتستخدمها .. ذي بطاقات الائتمان الماستر والفيزا .. |
للا سف هذا الكلام غير دقيف... فلقد تم دمج خصائص ATM CARD مع الCREDIT CARDS منذ اكثر من عشرة سنين في الولايات المتحدة و اروبا و حتى في معظم دول الخليج....فكل الATM CARDS المربوطة مع الCHECKING ACCONTS OR CURRENT ACCOUNTS عليها الMASTER LOGO OR VISA LOGO و يمكنك استخدام الكرت للسحب من الصراف الالئ بلPIN NUMBER كاATM CARD او كا CREDIT CARD من دون ال PIN NUMBER FOR PURCHASES
باختصار يمكن ان يكون لك كرت واحد تستخدمه كا ATM CARD او CREDIT CARD و في كلي الحالتين يسحب المبلغ من حسابك الجاري الذي بدوره يمكن ان يكون مربوط بLINE OF CREDIT و هذه خاصية اخرى .....
كتب الاخ Humida
| Quote: ولا تمتلك البطاقة الـ ATM رقم شراء .. ( يعني رقم ممكن تدخله في موقع ويسحب منك قروش ) .. لازم تمرر البطاقة في الجهاز |
هذا الكلا م صحيح اذا لم يكن الATM مدمج معه خاصية الCREDIT CARD فمعظم الATM CARD التي لا تمتلك هذه الخاصيه تكون مربوطة مع SAVING ACCOUNT هنا في امريكا.....
كما كتب الاخ Humida
| Quote: الماستر كارد والفيزا والامريكان اكسبريس ( وبعض المنتجات الغير مشهورة ) التي تسمى البطاقات الائتمانية .. هي فقط التي يمكن سرقة ارقامها واستخدامها |
للاسف هذا الكلام أيضاً غير صحيح فالATM CARD , DEBIT CARD AND CREDIT CARD كلها تسرق و تستخدم بصورة غير مشروعة في كل بلدان العالم.
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: abas)
|
| Quote: وبفيدنا شنو نحن حسابك يتهكر |
عقبال ما يهكروا دفتر توفيرك الفاتحو في البوستة انت كمان
انت ياخي ما تسيب الهكارة هقتك دي, لو الكلام ما عجبك
ما كنت تجي تتهكر في البوست وتستلمو!
إنت أظنك لقيت قصة اللماضة مع الناس الكبار والاسآءت البلا
سبب دي لذيذة, يوم مع بكري ويوم مع دوما ويوم مع معز.
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: Marouf Sanad)
|
Marouf Sanad
Quote: Quote: وبفيدنا شنو نحن حسابك يتهكر
عقبال ما يهكروا دفتر توفيرك الفاتحو في البوستة انت كمان
انت ياخي ما تسيب الهكارة هقتك دي, لو الكلام ما عجبك
ما كنت تجي تتهكر في البوست وتستلمو!
إنت أظنك لقيت قصة اللماضة مع الناس الكبار والاسآءت البلا
سبب دي لذيذة, يوم مع بكري ويوم مع دوما ويوم مع معز.
|
الغالي معروف سند،
قيل بينما أمير المؤمنين عمر بن الخطاب رضي الله عنه جالس، إذ جاء أعرابيّ فلطمه، فقام اليه واقد بن عمرو فجلد به الأرض، فقال عمر: ليس بعزيز من ليس في قومه سفيه..
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: Dr. Moiz Bakhiet)
|
ما مشكلة يا عزو .. انا ( سفيه ) لانه انت عارف كويس لو فتحنا باب ( السفاهة ) الموضوع بوصل وين ..
ما علينا ..
المهم يا سيدي .. الكلام وحسب روايتك دي عنده وجهين ..
يا انت ما عارف الحصل ليك شنو بالتحديد ..
يا انت كضاب .. ( recommended )
حسب انظمة البنوك وانظمة IT .. صياغة الموضوع بالطريقة دي غلط ..
امشي جيب الرواية الاصلية .. وما عندك مشكلة ..
بس كدا بالطريقة دي اعذرني .. وخليك انت في مكان ( عمر الخطاب ) وانا ( السفيه ) ..!!
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: هشام مدنى)
|
معلومة صغيرة لأخونا ( الحاج حمد الحاج ) ..
| Quote: موضوع فتحك لهذا البوست مهم جدا حبث أنه يلفت نظر الجميع لأخذ الحذر في المعاملات المالية خاصة عبر الانترنت |
لا دخل لبطاقة الصراف الآلي ATM بأي تعامل في الانترنت .. ولا يمكن استخدامها لهذا الغرض ..
عملية الشراء عبر الإنترنت تتطلب الدفع بواسطة بطاقة خصم أو ائتمان..
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: شهاب الفاتح عثمان)
|
| Quote: سبب دي لذيذة, يوم مع بكري ويوم مع دوما ويوم مع معز |
معروف ..
ازيك ياخي ..
ومعليش والله .. بس عندي حاجات كدا ما بتخش في راسي الغلط دا ..
واعذرنا كان اقلقنا منام سيادتك ..!!
..
..
وما زلت لا يعنيني كثيرا .. انه حساب المعز اتهكر ..
لو حصلت ليهو مصيبة لا قدر الله .. ولا فلس .. قروشنا كلها ليهو ..
بس ما يضحك علينا ..
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: humida)
|
Prof: Bakhiet
I feel so sorry to what has happened to your account.
Our prayers and thought with you.
Did you keep24/7 follow up to your account, if not, you should do so.
Did you pay security fee to secure your account,mainly the folowing accounts
1/ saving account
2/ checking account
3/ all types of credit cards you have
generally do not use your prime checking account card in the International transaction.
Also, use a very complicate password
all major credit cards(master,visa and American express were owned by single corporation.
SO, one of them is enough
One of our lecturer said to us do not reply to strange E-mail.
Do not give your ATM card number by phone to complete transaction
I hope you will get your money sooner than later
Thanks
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: Dr. Moiz Bakhiet)
|
الأخ حميدة تحية طيبة
Quote: لا دخل لبطاقة الصراف الآلي ATM بأي تعامل في الانترنت .. ولا يمكن استخدامها لهذا الغرض ..
عملية الشراء عبر الإنترنت تتطلب الدفع بواسطة بطاقة خصم أو ائتمان.. |
هذا الكلام غير صحيح ...في أوربا والدول المتقدمة
يمكن إستعمال بطاقة الصراف الآلي في الشراء من الإنترنت ، إذ أنها يمكن أن ترتبط بحساب جاري .....
أرقد عافية ...
ابو سولارا
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: Osama Mohammed)
|
| Quote: يمكن إستعمال بطاقة الصراف الآلي في الشراء من الإنترنت ، إذ أنها يمكن أن ترتبط بحساب جاري |
دي بطاقة إلكترون .. ( راجع مصادرك ) ..
..
..
المعز ..
ياخي .. ( سفيه ) ولا ( خروف ) .. وانت ( عمر بن الخطاب ) ولا ( معز دعايات ) ..
بكرة نكتب ليك بوست عن معز دعايات .. ( ما انت .. دي شخصية نمطية بتلقاها في اي حارة ) ..
يلا ماشي ابني لي ( برج ) ادس فيهو بطاقة الصراف بتاعتي ..
لاني استفدت من البوست بتاعك شديد ..
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: humida)
|
ابو سولارا ..
كدي طلع بطاقتك بتاعت الصراف الآلي .. وشوف فيها كم رقم .. وشوف فيها CVV ولا لا ..
وبالمناسبة اي بطاقة في الدنيا مرتبطة بحساب جاري .. ما عدا بطاقات الخصم ( المحددة القيمة ) ..
..
..
اضافة المعلومة عشان خاطر البلدان المتقدمة .. لمزيد من المعلومات ..
Quote: Asynchronous Transfer Mode (ATM) is a cell relay, packet switching network and data link layer protocol which encodes data traffic into small (53 bytes; 48 bytes of data and 5 bytes of header information) fixed-sized cells. ATM provides data link layer services that run over Layer 1 links. This differs from other technologies based on packet-switched networks (such as the Internet Protocol or Ethernet), in which variable sized packets (known as frames when referencing Layer 2) are used. ATM is a connection-oriented technology, in which a logical connection is established between the two endpoints before the actual data exchange begins.
The standards for ATM were first developed in the mid 1980s. The goal was to design a single networking strategy that could transport real-time video and audio as well as image files, text and email. Two groups, the International Telecommunications Union [ITU 2004] and the ATM Forum [ATM 2004] were involved in the creation of the standards. ATM has been used primarily with telephone and IP networks.
|
http://en.wikipedia.org/wiki/Asynchronous_Transfer_Mode
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: Osama Mohammed)
|
حميدة
| Quote: ووين علاقاتك الكنت بتتبجح بيها .. وانا بعرف فلان وبعرف علان .. |
| Quote: لانه انظمة الحماية في البنوك دي شغلتي |
شوف يا حميدة هلاّ هلاّ على الجد والجد هلاّ هلاّ عليهو
أنا صبرت عليك كتير وفي أماكن مختلفة
وتحملت اساءاتك بكل صبر
ولكن..
لعمرك ما ضاقت بلاد بأهلها ولكن أخلاق الرجال تضيقُ
..
فلو حقيقي عندك رغبة وعاوز تختبر علاقاتي البتبجح بيها دي ومعرفتي لفلان وعلان
ما تلوم الا نفسك..
ولا عذر لمن أنذر
| |
|
|
|
|
|
|
|
|
|
Re: تم تهكير حسابي بالبنك والحمد لله.. (Re: Dr. Moiz Bakhiet)
|
Quote: فلو حقيقي عندك رغبة وعاوز تختبر علاقاتي البتبجح بيها دي ومعرفتي لفلان وعلان
ما تلوم الا نفسك..
ولا عذر لمن أنذر |
كذاب يا عزو وجعجاع في الفاضي .. وداير بكل سرور اختبر علاقاتك دي ..
..
..
رسلت ليك في الايميل .. عنواني وجميع تلفوناتي ورقم العربية والشاسيه بتاعها ..
في انتظارك ..
| |
|
|
|
|
|
|
| |
Dr. Moiz Bakhiet
رشا سالم
Elawad Eltayeb
Abdel Aati
بشير أحمد
عبد اللطيف السيدح
محمد حيدر
عمر الفاروق
معتصم الطاهر
Sayed Bekab
, but at the end of the process you will be fine insha Allah
ناذر محمد الخليفة
محمد الطيب حسن
ابوهريرة زين العابدين
سلمى الشيخ سلامة
Raja
essam&amal
فيصل نوبي
الحاج حمد الحاج
Elmosley
النورس الحزين
humida
علاء الدين حيموره
محمد فضل الله المكى
abas
Ahmed Alim
Marouf Sanad
شهاب الفاتح عثمان
يسرى معتصم
فتحي الصديق
El hadi A.bashir
Osama Mohammed
نيازي مصطفى
فيس بوك
تويتر
انستقرام
يوتيوب
بنتيريست