تألق يوسف محمد مع منتخب نيجيريا يؤكد الفرق بين محترفي الهلال والمريخ

Quote: انا لاعب كره قديم{خرده}....تخطيت الثلاثين من العمر{عجوز يعني}.. ...لدي اصابات كثيره تمنعني من اللعب { ومعطوب كمان} دا غير امراض الزمان..{الله يعين}.....من جنسيه افريقه {صديقه}......لدي الرغبه الصادقه في ان احترف عندكم وحأكون عند حسن ظنكم........وأنا واثق انه اعلامكم ما حيقصر معاي وحايكتب عني من الصفات والمميزات ماليس في ساحر العصر القديم بيليه ولا في ساحر العصر الحديث رونالدينيو.....ويقوم جمهوركم يستقبلني من مطاركم الجميل ويشيلني {يعتلني يعني } و يحوم بي العاصمه كلها ولحدي مانصل دار الاتحاد عشان نوقع ...يقوم واحد شليق من جماعتكم يتذكر انو ماكشفوا علي طبيا { شكيتوا علي الله} ..والجماعه يقوموا يعتلوني تاني للمستشفي وقبل ما تطلع النتيجه {الانا عارفها سلفا وما بتغباني} اكون خمشت الفي النصيب من الاخدر ابو صلعه.....ولما تطلع النتيجه يتلفتوا يلقوني في مطار الخرتوم...{المره دي كداري وحياتكم }....واخر الكلام وسعوا صدركم....واصلوا دي ارزاق مقدره ومكتوبه.....وقبل ما امشي اخوي سمع بي قصتي ومصايبه اكبر من مصايبي... وجايي في الطريق ...عليكم الله ما تقصروا معاه..والبركه في اعلامكم المامضلل {حاشا لله}...ودعتكم الله.