|
|
|
 Re: مولانا خدر .. مهمش خالص (Re: القلب النابض)
|
(1)
يا معشر سودانيزاونلاين
لا يغرنكم ما ترون علي القوقول أيرث من ارض بلقع لا تصلح للاستخدام الادمي , فإنسان العبيدية
قاتل بشراسة من اجل استصلاح تلكـ القفار , زرع في (التحتانية) التوم و الفول المصري فأنبت زرعه
الحَنان و المحبة في (الفوقانية) فأضحت العبيدية بحمد الله بلدا نباهي بها الاخريات و شعب اباهي
به انا .. الملل.
الميرفاب* (اهل العبيدية) من شِدة بأسهم و قوة شكيمتهم لم يشتكوا التهميش فالشكية عندهم لاب إيداَ
قوية فقط و ليس للحكومات , لازالوا يشربون ماء زُلال من الآبار و يعلوطون الحمير و يتبارون في
البُطان و يسكنون سعداء الي ازواجهم لا يشتكون الفقر او الحاجة .. تري الغني في وجوههم ان اثمر
المحصول او لم ,, يصنعون من احزانهم افراح و يتواصون بالصبر.
مرت عليهم رياح الحكومات المتعاقبة فصنعوا من تجاهلها لهم نِكات سارت بها الركبان , كانت الحملات
الانتخابية للبرلمانات تمثل لهم احداث إستثنائية للمة و الونسة فدفعوا بالعنصر النسائي مُرشحا عنهم
فكانت (ام كنن عباس النو).
من سار منهم علي دين الاباء فقد زرع و من به شبهة طموح التحق تتبعه تمنيات الاهل في وظيفة عامل
بسككـ حديد السودان (أتبرا) كـ خراط ان إجتاز اختبارات المهنة, و إن اخفق ففي سوق أتبرا متسعاَ
لماكينة خياطة تمنع عنه شر خُفي حُنين فيصير عندها حائكاَ ماهراَ لجلاليب بعراوي و زرائر بأحجام مُختلفة.
| |
 
|
|
|
|
|
|
|
|
Re: مولانا خدر .. مهمش خالص (Re: Emad Abdulla)
|
فعلا والله منفر .. خالص ..!!
لو ماكان منفر مولانا ماكان بيكاكي فيهو من هولندا..
الحى بينفرك المسافة دى كلها بيستحق رصدو وتوثيقو بالقوقل 
.............................
دكين ماكلمك ياعماد ...؟
زولنا بنشد ليهو سلكين تلاتة
وبعد ده بنرخى ليهو الحبل
عشان يرعى بى قيدو .............
| |
|
|
|
|
|
|
|
|
|
Re: مولانا خدر .. مهمش خالص (Re: الطاهر ساتي)
|
ود التوم الحاقد
النفافير دي اصلا كان اسمها النوافير
جين كانت العبيدية مليئة بالنوافير و الثريات المعلقة و الحدائق
و حُرفت الكلمة من بعد خوفاَ من الحسد
__
قديما كان في الناس الحسد
| |
|
|
|
|
|
|
|
|
|
Re: مولانا خدر .. مهمش خالص (Re: خدر)
|
عزيزي القارئ
الطاهر ساتي و القلب النابض و عماد عبدالله ديل ناس قاصدين انو ينسفوا السلام الاجتماعي الذي اتفق عليه اهلي في العبيدية
بمحاولاتهم البائسة اعلاه لدفعنا للثورة علي حكومة الانقاذ الغير رشيدة
لكنا في العبيدية اتفقنا علي محاربة النظام وفق برامج الاحزاب السياسية لا عن طريق الجهوية او الاصول الاثنية, فلسنا وحدنا
المهمشين في هذا القطر المترامي
لذا لزم التنويه
عن مهمشي الشمال
مولانا خدر
| |
|
|
|
|
|
|
|
|
|
Re: مولانا خدر .. مهمش خالص (Re: Emad Abdulla)
|
القلب و الطاهر و ود التوم
طيب حا اشرح ليكم معني نفافير شنو
لو شرحتو لي القصة علي لسان اهل العبيدية
Quote: قامت شكلة بين النفافير و الهدباب
الشاهد الوحيد في قسم البوليس كان احد اعمامنا الكبار
المتحري : حصل شنو يا عمنا ؟
الشاهد : والله يا ولدي الدِنيا كانت كُبتة
الجماعة ديكـ كانو قنيبتات قنيبتات
و ديل كانو درديما عديييييييل
وفد مره إدقجو
بعدين جو الكجر ديل قلبو البلد قُنجة |
__
الكوت منقول
| |
|
|
|
|
|
|
|
|
|
Re: مولانا خدر .. مهمش خالص (Re: الطاهر ساتي)
|
| Quote: ياخى حيكم ده من اسمو بيستحق انو يتهمش ........ |
حي يا استعلائي يا عاصمي يا مُدجج ؟
حي دي كلمة مترفه هناكـ
اسمو (حلتنا)
و اسماء باقي الحلال الجنبنا أكان عجبكـ
الهدباب - النفافير -النِمر - الطاشاب -القيزان - الحَفاب - المهداب
| |
|
|
|
|
|
|
|
|
|
Re: مولانا خدر .. مهمش خالص (Re: خدر)
|
خدر ,, مساك زين ,,
لاحولا ياخدر ,, العبيديه دى أنا زرتها قبل سنوات لتخليص بضاعه تخصنى وصلت من القاهره
تصدق بعد رحله شاقه وقاتله من بربر وصلت العبيديه وكنت متخيل أنى حأرجع فى نفس اليوم
وصدمت عندما رأيت واقع الحال البائس الذى عشته فى هذه العبيديه والذى يعيشه الناس فى
تلك الصحراء الجرداء ,, قضيت ثلاثه أيام وأخيرا ( حردت ) بضاعتى وإلى يومنا هذا لم أستلمها .
يأخى والله دارفور ومدنها وقراها بالنسبه ليكم زى جنيف ولوزان ,,
خدر إنت مهمش خااااااااااااااالص ,, شيل السلاح ياخى ,,[/B]
| |
|
|
|
|
|
|
|
|
|
Re: مولانا خدر .. مهمش خالص (Re: كمال سالم)
|
| Quote: تلك الصحراء الجرداء |
عليك الله يا كمال سالم شفت الجو قاسي كيف؟ دا حالت راجي بضاعتك في حوش الجمارك
و الله إحنا محل شغالين كنا بنشوف اللواري و الـ (زيد وايات) جمع (ZY) جايية من حلايب و شلاتين
وبيرموا نصها في الخلاء عشان يجوها راجعين بعد ما يسلكوا من الجمارك .....
كمال سالم ياخوي ... غايتو بضاعتك دي تكون اتخلصت في خلا العبيدية قبل ما تصل جمارك العبيدية
ناس خدر بلدهم خلا ...لكن الناس كيف؟
| |
|
|
|
|
|
|
|
|
|
Re: مولانا خدر .. مهمش خالص (Re: كمال سالم)
|
يا كمال و الله اجاركـ الله في بضاعتكـ
..
ياخي تخيل انو نحن بيوتنا بتقع جنب المقابر
وهي بالمناسبة اول بيوت في النفافير من جهة الجنوب
و المواقع الاستراتيجية في العبيدية هي
محطة القطر و كوبري الخور فقط
يعني بعد الصحراء العايشين فيها دي
كمان ساكنين في وش المدفع
خليل ابراهيم لو جا بي هناكـ
قطع شكـ عامل المحطة الوحيد حا يكون اول الضحايا
| |
|
|
|
|
|
|
|
|
|
Re: مولانا خدر .. مهمش خالص (Re: Amjed)
|
ا خدر وين للدكة ؟
اها ابوى من الدكة فى بربر
عليك الله تعال نخش (الشرام )
بضم الشين
ودا حى عتيق جدا فى بربر من ايام التركية
تعال نعمل (نضال مسلح ) ضد التهميش
تهميش مين يا عمك
السودان دا كلو مهمش
من حدو لاعدو
عليك النبى امشى ورا امدرمان بشوية
محل سكنا الجديد
بالعربى (امبدة ) التهميش العلى اصله
ياخ دى بلد عجيبة
وناس اعجب
وما عارفين انه كل السودان دا هامش
غايتو الزول الا يبقى زى ناس (منى اركو ) ويسكن القصر الجمهورى
حتى تنتفى عنه صفة الهامشية
لانه دا المركز الوحيد
او يسكن مركز البوليس
ودا المركز الصاح
| |
|
|
|
|
|
|
|
|
|
Re: مولانا خدر .. مهمش خالص (Re: Amjed)
|
الطاهر ..
و ننادي الشفع :
يللا يا حبايبي يا حلوين كلنا مع بعض نقول لعمو ود التوم :
( همشك الما ضراااااااك )
............
صورة نفرتكم دي زي الجنبها غابة غابة ..
الحاجة الضُلُمة دي ..
أدخلوا ياخ
| |
|
|
|
|
|
|
|
|
|
Re: مولانا خدر .. مهمش خالص (Re: nazar hussien)
|
كدي يا خدوري قول لي بيتكم وين لي بيت ناس ود مقرقف
لدي ذكريات جميلة في العبيدية وناسها ولطافتهم..الميرفاب .. أهل المختار ود رحمة.. من أعظم المشايخ الدهاة الذين مروا على الإدارة الأهلية..( سمحة القدلة فوق مختار).
طبعاً العبيدية تعتبر أول قرية فيها لوكاندة ( لوكانتدين بجانب المحطة.. ) وذلك لا يعني قلة كرم ، فهم معروفين بالكرم الزائد .. ودائماً يفزعوا ركاب القطر عندما يتأخر .. وأحياناً يأتوا بالذبائح ويطعموا الركاب إذا كان التأخير كثيرا..
في الحقيقة المنطقة خالية من موجبات الحياة.. مما جعلهم يطلقوا اسم الكويت على الباوقة التي تقع بالضفة الغربية لهم من خصوبتها وغذارة الإنتاج فيها..
ومرة جاءت أسرة ذاهبة إلى الباوقة ونظراً للتأخير وجدت البنطون قد توقف بالضفة الغربية.. وإذا لم يأتيه البنطون سوف يطرون للمبيت .. فأمروا النساء بالبكاء عالياً حتى يسمع سائق البنطون.. ويظن أن لديهم وفاة .. وبالفعل لما جاء البنطون ووجد هذا المقلب سألهم لماذا فعلوا كذلك.. لقد ظننا لديكم ميتة فقالوا له ميتة أكثر من المبيت في هذه الغفار..دي ميتة وخراب ديار..
| |
|
|
|
|
|
|
|
|
|
Re: مولانا خدر .. مهمش خالص (Re: المسافر)
|
المسافر
العبيدية فعلا بلدنا لكنا كمثل اهل السودان
ساقتنا المعايش مبكراَ للاستقرار في (اتبرا)
حي المربعات حيث خرج آبائي و اخواني وانا
الي الحياة هناكـ
لكن صلاتنا بالعبيدية لم تنقطع حتي الان طبعا
فهي الاصل و نحن امتداداتها.
برجع احكي ليكـ ذكرياتي هناكـ
| |
|
|
|
|
|
|
|
|
|
Re: مولانا خدر .. مهمش خالص (Re: المسافر)
|
العبيدية
سميت العبيدية بهذا الاسم الذى ينحدر فى الغالب من عدة رويات .
الرواية الاولى :- انها مملكة عبيدالله
الثانية :- انها سوق للعبيد {عبد إيديه (عنوة)} اهل المنطقة كانو يدفعون دية العبيد
الرواية الرابعة :- يقال ان اسم العبيدية كلمة تركية .
الموقع الجغرافى :-
تقع فى ولاية نهر النيل شمال مدينة بربر 18 كيلومتر . يحدها من الغرب النيل ومنطقة الباوقة
ومن الشمال مبيريكة ومن الشرق حدود ولاية البحر الاحمر ومن الجنوب منطقة الحفاب .
تقسيم المنطقة :-
تنقسم منطقة العبيدية الى عدة قرى صغيرة تمتد من الجنوب الى الشمال بالترتيب إبتداءا من : -
1-القمبرات
2-النمر
3-الطاشاب
4-الطريف
5-القيزان / الحقينة / السوق /بانت
6-النفافير
7-الهدباب
8-ودالشيخ
القبائل والتركيبة السكانية :-
سكان المنطقة الاصليين هم الميرفاب ويمثلون نسبة 75% من السكان بالاضافة لعدة قبائل منها الجعليين
و الرباطاب و والخيراب و والكمالاب و المناصير و البشارين ونوبة جبال النوبة و الانقرياب والكديشاب
والجهيماب والمنصوراب
عمودية العبيدية :-
تختصر عمودية العبيدية على قبيلة الميرفاب الذى اتو اصلا من منطقة بربر التى يوجد بها الثقل الاساسى لقبيلة الميرفاب .
و الصائم كان ملك الميرفاب من نهر عطبرة حتى وادى الصنقير وخلفه ابنه نعيم ودالصائم واكان اكبر ابناء الصائم وكان نعيم
ود الصائم ود رحمة ود سويكت ملك العبيدية من البوصة لى الصنفور ومن بعد جاء رحمة ود محمد ودنعيم
وبعدو مصطفى وبعده جاء العهد التركى وجابو نظام العمد وكان مختار ودرحمة و مختار كان عمدة
العبيدية ثم( ناظر خط) رئيس عمد من نهر عطبرة الى منطقة الكاسنجر فى العهد الانجليزى وخلفة الخليفة
وخلفة شيخ الدين الخليفة رحمة .
العادات والتقاليد :-
من شيم اهل المنطقة الكرم والشجاعة .
تنقسم تراثات المنطقة بانقسام القبائل الموجودة بالمنطقة
1-النحاس الذى يقرع فى الزواج واستقبال الضيوف وقديما فى الحرب ويخص الميرفاب
2-الهجن وهو سباق الابل ويقام فى الافراح والفروسية واستعراض مهارات الابل ويخص القبائل البدوية ( البشارين والجهيماب والخيراب )
3-وتوجد بعض التراثيات الاخرى التى تشمل خشم بعض البيوت مثل الربابة وهى عزف الطنبور مع التصفيق .
النشاط الاقتصادي والحرفي للسكان :-
مهنة السكان الاصلية الزراعة حيث يستقل المزارعون مهارتهم الفردية فى انتاج المحاصيل البقولية مثل الفول المصرى
والفاصوليا الحمص بالاضافة الى المحاصيل الاخرى مثال الذره الرفيعة والشامية والخضر والبلح .
ومن المهن الاخرى التجارة حيث تعتبر منطقة العبيدية حاليا منطقة حره ويوجد بها سوق ويعتبر من اكبر اسواق الولاية .
موارد المنطقة الطبيعية :-
يوجد بها نسبة كبيرة من خام الذهب والمايكه
الخدمات الصحية والتعليمية :-
التعليم
تاسست اول مدرسة بالمنطقة فى العام 1946 وهى مدرسة العبيدية الاولية والان يوجد بها 8 مدارس للاساس 4 للبنات
و4 للبنين واربعه مدارس ثانوية .
الصحة
مستشفى القمبرات هو المستشفي العمومي الوحيد بجانب ثمانية مراكز صحية تتوزع على امتداد المنطقة .
__
منقول من موقع العبيدية
| |
|
|
|
|
|
|
|
|
|
Re: مولانا خدر .. مهمش خالص (Re: نادية عثمان)
|
والله يا امجد لو فكرنا نهاجم الخرطوم
و مع خبرتنا في التعامل مع الصحراء
شكلنا ممكن ندخل عادي من شمال امدرمان في شهر 7
قطع شكـ ملانا خدر حا يكون مرطب في القصر الجمهوري خلال ساعات
ندويه
حاضر يا ستي نجيب جنا الوزين
بعدين انا عاوزك ضروري يا ناديه
خليت ليكـ رسالة قبل كم يوم
| |
|
|
|
|
|
|
|
|
|
Re: مولانا خدر .. مهمش خالص (Re: خدر)
|
Quote: ندويه
حاضر يا ستي نجيب جنا الوزين
بعدين انا عاوزك ضروري يا ناديه
خليت ليكـ رسالة قبل كم يوم |
خدر يامولانا
يعني لا شفنا جنا وزين ولا ريش نعام ولا حتي رسالة بهناك !!
قصدك معاي شنو يااااااااااااخ ؟!!
( وجه محنبك شديد) !!
| |
|
|
|
|
|
|
|
|
|
Re: مولانا خدر .. مهمش خالص (Re: غباشي)
|
سلمي
شُرام شنو البخشو معاكـ ؟
انت من الدكة في بربر معناها انت من الرئاسة بتاتنا
انتو مسئولين عن تهميشنا لانكم المركز
انا حا ارقع السلاح ضدكـ موش احارب معاكـ
والله يا غباشي انت سعيد المشيت هناكـ
ياخي في ذمتكـ شفت رجال فرسان و كرماء
زي ناس العبيدية دي في حياتكـ
رغم العنت الشفتهم عايشين فيهو
شفتهم بحبو الحياة و متصالحين معاها كيف ؟
ياخي شكرا ليكـ انكـ اجتهدت عشان تعمل حاجة
لي اهلي .
| |
|
|
|
|
|
|
|
|
|
Re: مولانا خدر .. مهمش خالص (Re: خدر)
|
اول شئ: سرك باتع الجبت ياسر طيفور يتلولح
تانى شئ: اليشوفك "زمان" تتضاحك و تتراشق مع فلانة و علانة (طبعا مع فلان و علان مافي لا ضحك لا رشاقة) ما يقول من النفافير ... عموما في دورة لندن القادمة اول يونيو لو انا جيت او لأ لازم موضوع النفافير ده يتشاف اخرو شنو.
بعدين انت كنت نايم بالاسم ده الوقت ده كلو ليه؟
ياخى انحنا ناس مدنى مجهجهين ... جابت نفافير
| |
|
|
|
|
|
|
|
|
|
Re: مولانا خدر .. مهمش خالص (Re: esam gabralla)
|
| Quote: الهدباب - النفافير -النِمر - الطاشاب -القيزان - الحَفاب - المهداب |
عادي ..
أخد حبتين سلفا الصباح بدري ..
و شوية بنسلين سفوفة قبل النوم .
تاني يوم تقوم نصييييييييييح ..
وحاة كتاب الدين .. مُجرّبة .
| |
|
|
|
|
|
|
|
|
|
Re: مولانا خدر .. مهمش خالص (Re: Emad Abdulla)
|
Quote: الشاهد : والله يا ولدي الدِنيا كانت كُبتة
الجماعة ديكـ كانو قنيبتات قنيبتات
و ديل كانو درديما عديييييييل
وفد مره إدقجو
بعدين جو الكجر ديل قلبو البلد قُنجة. |
الكلمة لغة أهل العبيدية لغة المداينة
كبتة مدوبكة كدومبس غبار وظلام
قنيبتات مشوبحين مجموعات وقعدات
دريديما ملكدمين مجموعة واحدة
إدقجو اتفدغو المصارعة الحرة
الكجر القمندانية البوليس
قنجة كلشة كشة
| |
|
|
|
|
|
|
|
|
|
Re: مولانا خدر .. مهمش خالص (Re: المسافر)
|
QuoQuote: te: قامت شكلة بين النفافير و الهدباب
الشاهد الوحيد في قسم البوليس كان احد اعمامنا الكبار
المتحري : حصل شنو يا عمنا ؟
الشاهد : والله يا ولدي الدِنيا كانت كُبتة
الجماعة ديكـ كانو قنيبتات قنيبتات
و ديل كانو درديما عديييييييل
وفد مره إدقجو
بعدين جو الكجر ديل قلبو البلد قُنجة |
والله الكوت دا عجبني جنس عجب ..يا خدر
| |
|
|
|
|
|
|
|
|
|
Re: مولانا خدر .. مهمش خالص (Re: المسافر)
|
ياخدر..والله أنا زمان كنته قايلك من (نمره أتنين) بالميت (الخرطوم تلاته)
أما النفافير دى جديدة علينا..هامش شنو يمين بالله فيها (شمس) الحيط زاته بتكون عامله ساتر
| |
|
|
|
|
|
|
|
|
|
Re: مولانا خدر .. مهمش خالص (Re: حاتم الياس)
|
خلف الله ودجاز من أهل النفافير طلبوا من فى المركز (بربر) أن يقوم بتوصيل زوجة المفتش الأنجليزية ويبدو أن الرجل ضاق بهذه المهمة ولم يراها مناسبة لميرفابى مثله وكان خلف الله ود جاز رحمه الله رجل سليط اللسان وصاحب نكته حاضره ركبت المرأة الأنجليزية الحمار وخلف الله على خماره (يناضمها) ويسبها حنقاً بألفاظ صعبه ظنناً منه أنها لاتجيد العربية ولاتفهمها وقد أخطأ فى ذلك صمتت المرأة على مضض حتى وصلت بربر وهناك أخبرت زوجها بضرورة معاقبة هذا الرجل الذى قال لها كذا وكذا..فى ذلك الوقت رجع خلف الله ودجاز مطمئنناً بأنه أكمل مهمته الثقيلة دون أن يعلم بأمر أخبار المرأة لزوجها بكلامه فى حقها وعواقب ذلك الغضب..سمع رجل من أهل بربر المرأة وهى تحكى ورأى وعيد زوجها وغضبه فذهب من توه لود اللبيه ناظر الميرفاب وأخبره بشأن تلك القصة..وكان الرجل حاجباً لمحكمة ود اللبيه الأهلية طلب من وداالبيه أن لايخضر ودجاز للمحكمة اٍلا فى حضوره فى مجلس المحكمة وأن لايعرضه للمفتش الأنجليزى وحده (المفتش الغاضب والمتوعد) فى الصباح أدخل ودجاز للمحكمة فى حضور ودااللبيه الذى صاح بصوت عالى (الزول ده فكوه من كدباس متين) سأل المفتش (وهل هذا الرجل كان فى كدباس..يعنى مجنون) فأكد له وداللبيه ذلك (فقط لمخارجة خلف الله ود جاز..الذى لم يطق مهمة توصيل مرة المفتش )..تم أخلاء سبيل خلف الله ود جاز من أهل النفافير بخدعة وداللبيه....
(تراث شفاهى)
| |
|
|
|
|
|
|
|
|
|
Re: مولانا خدر .. مهمش خالص (Re: Emad Abdulla)
|
| Quote: ياخي الملافظ سعد .. |
سعد دة بتاع الحلويات؟
وفى واقع الامر هى مفروض تكون (تحت)!!!
وضوعها (فوق) لماذا .... لست ادرى!!
لو كنت مكانك ياخدر لاحتليت ( التكاوين)!!
يجب ان تحمد الله السواكم عبيدية!! وليس......
مخير الله!!
| |
|
|
|
|
|
|
|
|
|
Re: مولانا خدر .. مهمش خالص (Re: حاتم الياس)
|
حاتم الياس
جدنا الاجواد مصطفي كان قليل الكلام طوال حياته ( له الرحمة) لكن كانت تعليقاته لازعه
ولدو الكبير و ولد اخوهو مشو الديش عشان يشتغلوا عساكر في البندر (اتبرا)
لسه ما تموا الشهر جو راجعين .. شردوا عدييل
الاجواد ما قال اي شي و سلم عليهم عادي و نادي علي بتو الكبيرة قال ليها
سوي الغداء للضباط ديل بكونو جيعانيين
وصارت مثل
| |
|
|
|
|
|
|
|
|
|
Re: مولانا خدر .. مهمش خالص (Re: حاتم الياس)
|
| Quote: ياخدر..والله أنا زمان كنته قايلك من (نمره أتنين) بالميت (الخرطوم تلاته) |
يعني يا ودالياس نحن الا نجأر بالشكوي حتان تهتموا بينا
ياخي نحن هامش منتهي عدييل بس فايتين تراجي بالصبر
يا قلب
عندي خالي زمان ودوهو البوليس في شكلة
التحري سألو قال ليهو متشاكل مالكـ
قال ليهو والله انا ماني عارف القجة في شنو
علا لقيت اخوي ( ودعمو ) في نصها
ودخلت احاميلو
| |
|
|
|
|
|
|
|
|
|
Re: مولانا خدر .. مهمش خالص (Re: Emad Abdulla)
|
| Quote: عموما في دورة لندن القادمة اول يونيو لو انا جيت او لأ لازم موضوع النفافير ده يتشاف اخرو شنو. |
عليكـ الله يا عصام اعتذر للشباب لانو يونيو ده انا مشغول فيهو شديد
| Quote: أخد حبتين سلفا الصباح بدري .. |
ياود التوم
ركز معانا في الهامش ده عليكـ الله
و سيب الحركة الشعبية في حالها
__
السُترة و الفضيحة متباريات يا اخوانا
| |
|
|
|
|
|
|
|
|
|
Re: مولانا خدر .. مهمش خالص (Re: خدر)
|
Quote: ياخي الملافظ سعد ..
......
غايتو .. بالغوا ناس قوقل ..
و ناس الحلة الفوق ديل |
عماد عبد الله كيف حالك..
قلت لى الحله الفوق دى اسمها شنو؟
لاحوله ولا قوه..
يعنى السفرة لى اهل خدر ديل توجب الغسل عديل كده.
وبعدين زى ما قال المسطول:
السودان ده كلو بالمقلوب..
حتى الخرطة بالمقلوب.
ولو ماالخرطه بالمقلوب معقول الدبه فوق والنهود تحت؟؟
خدر انت مهمش اذن انت موجود..
مش قالو فى المثل:
المهمش ما بكاتل،،،
| |
|
|
|
|
|
|
|
|
|
Re: مولانا خدر .. مهمش خالص (Re: صديق الموج)
|
بعد ركوب الشفوت عماد عبد الله ومنعم الجزولي و صديق الموج بصك ده يا خدر ياخوي يعوضك فيهو الله، و ربنا يقدرك تعدل اتجاهو تاني وتسوقو للمكان الدايرو ..
غايتو النسوان نزلوا!!!
| |
|
|
|
|
|
|
|
|
|
Re: مولانا خدر .. مهمش خالص (Re: elsawi)
|
صديق الموج ..
ياخ ما تهظر بالله ..
ود التوم ده من الحلة التحت .. لا مؤاخذة .
.....
| Quote: يعنى السفرة لى اهل خدر ديل توجب الغسل عديل كده. |
غايتو في الخلا المهمش ده ..
إلا بس : صعيداً طاهراً ساااااااااكت ..
| |
|
|
|
|
|
|
|
|
|
Re: مولانا خدر .. مهمش خالص (Re: خدر)
|
Quote: يعنى مع الحلة الفوق دى ... باقيلك بكون فيها صعيدا طاهر!!!
احمد الله الخاترى انجبر |
منعم ود خالتى نعيمة عليها الرحمه.. كيف حالك
يا اخوى قطع شك صعيد فى ،لكن طهارتو دى مع اسم
حلة ناس ود التوم دى الله اعلم،،،
| |
|
|
|
|
|
|
|
|
|
Re: مولانا خدر .. مهمش خالص (Re: صديق الموج)
|
كتر خيرك وبارك الله فيك !!!!
وضعتنى فى مكان واحد مع ولدالموج وولد عبدالله!!!!
هؤلاء يارجل من ناس الحلة الفوق!!!
يعنى خدر احسن حالا منهما
ياولد الموج
حلتكم هذه من ناحية ( الطهور) فهو قطع شك متوفر ....الكلام على الصعيد!!
| |
|
|
|
|
|
|
|
|
|
Re: مولانا خدر .. مهمش خالص (Re: لؤى)
|
حكمة الله
الفوقانية .. المقابر .. التحتانية
والنيل ..
حكمة هنا تكمن الروعة ..
__
سبعين سبعة يوم ..
عينى ما شافن جمالك .. شلتى نومى _
ست الجمال هاجرانى مالك ؟؟؟؟؟؟؟
ياخدر ده ياهو ودالحوارى اجمل المهمشين فى الأرض .
فنان بهيج كما تلك الجروف .
يا الله _
اللهم عندما تدعونى اليك
فألهم أحبائى أن يدفنونى بين الفقراء والمساكين _
| |
|
|
|
|
|
|
|
|
|
Re: مولانا خدر .. مهمش خالص (Re: Osman Musa)
|
عثمان موسي
اسمعيل وراق الاربعيني
المرحوم ود الحوري كان اسطورة في منطقة الباوقة ام نخيل و قوز العبيدية , رغم اني كحال كل ابناء
الافندية لم احظي بالسكن او الدراسة في العبيدية الا انو في عطلات المدارس كانت العبيدية واجب ثابت
و كنت اسمع نُتفاَ عن اخبارة و اغنياته و حظيت بحضور حفلات لمقلديه
لا يخلو بيت او جرف او زراعة او رعي من دندنات بأغنيات الحوري كان بطلهم و صوت معاناتهم و ترويحهم
عن نفسهم بغنائه
من صغير تبيت جِنيْ
حالي عُشرة وراضي والديْ
داير أدق طمبوري النِقيْ
ما بيونسني الليل شوي
داير اوصفا سمحة الزي
يا الولوف أنا حِن علي
قلبي في كرعين الحِدي
إنتا نايم وانا جمري حي
اقتفي الفيتوري و صحبه من الشعراء خُطي اهل اغنيات الحقيبه بالترميز في ذكر اسم المحبوبة فالتقاليد
حينها لا تسمح بذكر اسمها و في ذلكـ اقتفوا جميعا خُطي الثقافه العربية و ما ورد في الاثر بصدد قيس
و العامرية.
وقفتا فوق البحر
والفراق قاسي علي ختر
البنطون قام بيْ وإنحدر
والدموع نازلات كذا المطر
الحمام الزازا وقدل
الرِهيف العـــام وأنفذر
لا فوق وديسو إنبهل
دا الأذانا وزاد السهر
الصغير من قومة الجهل
غير هواهُو أنا ما اشتغلْ
الحوري فوقكن شَعر
يا اللهيجكن زي العسل
الليلة كيف السفر
لي ام نخيل يا بلد الغزل
الاغنيه المصاحبه ايضا لم تخلو من الترميز الرقمي الذي تقابله حروف الابجدية كعادة اهل الحقيبة
ياحليل البلد يا حليل جميع سُكانا
يا حليل ام نخيل والقَدلة في حيشانا
يا حليل النِمَر يا حليل فريقنا برانا
يا حليل ام مساير الأنجبت رُمانا
70 سبعة يوم عينيّ ما شافن جمالك
ست فنوني ست الجمال هاجراني مالك
في الكون جميع ماشوف مثالِك
في وشيك بدراً ليلو حالِك
سِت فنوني
سِت الحِسان دهرِك صفالِك
محمودة بين الناس خصالِك
ست جنوني
الحوري قام يوصف جمالِك
توب العفاف جابو وكسالِك
ست فنوني
شاعر أم زهور غنّا وهدالِك
فوق طريقكن قام ماشي سالك
ست جنوني
ست البنُوت هالكاني مالك
و سبعين تقابلها في الحروف الابجدية حرف العين (ع) و في العادة يكون هو اول حرف من حروف اسم محبوبة
الشاعر او الراوي.
قرأت قبلا طرفه بمنتديات بربر انو واحد من شباب العبيدية قابل رفيقو في الطريق و قال ليهو
هوي يا منير قالو الحوري عندكم الليله في الهدباب
رد منير:
نان ما تقول جنينا عدييل
| |
|
|
|
|
|
|
|
|
 Re: مولانا خدر .. مهمش خالص (Re: خدر)
|
مولانا
سلام من الحي الذي لا يموت يغشاكم ..
ياخ مُهّمش بتاع شنو !!
قيل في الأثر ..
جاء أحدهم الي صديقه (حامد) و قال : جئتكـ شاكياً .. ( و الشكية لغير الله مذلة )
إعتدل حامد في جلسته المعوجة دوماً و من حوله الغانيات الفاتنات (المُهمشات)*
فعدل صديقنا يرثي حاله من تهميش فتاة له مع علمها التام بتعلقه بها .. ضحكـ حامد ساخراً و قال
خُذ ما تبقي من الفتيات يا بن أبي الفحل ..
ضجر صديقنا بـ صديقه (حامد) و قال : الا تحمد الله يا (حامض) ..
ثم نظر اليه شظراً قائلاً : القلب فرّ و قد آن الآوان لتهميشه يا (حامض)
ضحكـ حامد من حال صديقه .. و قال : أدركت يا بن ابي الفحل معني التهميش الآن !!
..
...
....
إحمد الله علي تهميش حيكم ولا حلتكم ولا حلالكم يا خدر ياخ
_
* هن مُهمشات لأنهن ما تبقي من حصاد ليلته من تجارة غير رابحة. ( وليس تهميش هامش تراجي )
| |
|
|
|
|
|
|
|
|
|
Re: مولانا خدر .. مهمش خالص (Re: Amira Elsheikh)
|
مولانا خدر
كبير المهمشين ..
هزتني أغنية المرحوم الحوري..
..
..
تصحيح معلومة:
الميرفاب فرع من فروع قبيلة الجعليين..
..
..
كسرة:
يا أخي فكر لينا في طريقة تمرد شريطة أن تتجاوز كل تجارب التمرد الفاشلة..
..
..
سلمت يا جميل.،
| |
|
|
|
|
|
|
|
|
|
Re: مولانا خدر .. مهمش خالص (Re: إسماعيل وراق)
|
يا عديل
ياخي دي حتى الطير رحل خلاها
ويعدين يا خي ارضها مخرمة ليه
لو عاوز تعرف عديلك قوقله google him
مسكينة العبيدية عندما تفقد رجل المحطة الوحيد
تحت ضربات خليل
المصيبةانك مهمش وجلابي في وقت واحد في نظر البشتونيين في المنبر
وما حا تعرف تقيف مع قوات خليل الداخلة او تقيف ضدها
| |
|
|
|
|
|
|
|
|
|
Re: مولانا خدر .. مهمش خالص (Re: ابراهيم على ابراهيم المحامى)
|
مدني مركز المهمشان ابراهيم العديل و عصام جبرالله
و وحياة خوتكم قوقل ابا يجيب حلالكم ,, كل ما اكتب اسم قراكم يعتذر قوقول مبتسماَ بخبث
اخير العبيدية والله علي الاقل فيها محطة قطر يا ابراهيم
وسيف بشير يقول ليكـ عصام جبرالله ساكن ارقي احياء مدني
يطرشنا ما سمعنا بي زول بلدو الاصلي (ارقي احياء)
يا عديل
حقو نملص (نِعلاتنا) ياخي تقديراَ لعمكـ قوقول ايرث الذي جعل ذلكـ ممكناَ
و احتراما لاهل الجيلي الكرام تمثلا بالفرنجة وهم يرفعون قُبعاتهم لتحية نساءهم
العبيدية يا عديل ارضها مخرمة من الفيران
والله اجاراكـ الله الفيران هناكـ في حجم الكيبورد
و اهلي هناكـ يجمعونها جمع تكسير (فوره)
Quote: المصيبةانك مهمش وجلابي في وقت واحد في نظر البشتونيين في المنبر
وما حا تعرف تقيف مع قوات خليل الداخلة او تقيف ضدها |
موقف فعلا لا احسد عليه لكن قطع شكـ حا اقيف مع عامل المحطة
| |
|
|
|
|
|
|
|
|
|
Re: مولانا خدر .. مهمش خالص (Re: خدر)
|
Quote: فنان الباوقة و العبيدية
عبدالكريم الحوري عليه رحمة الله |
قيض الله لي أن اسمعه
وكان ايامها يحتل بصوته مساحة شاسعة
من تخوم البلاد الشمالية ونهر النيل
كنا في حضرة صوته الفسيح المهيب
عند منحنى النيل بعد فريق المخازن
في صدر الباوقة
والدنيا ليل و نخيل و نيل
أسكنه الله فسيح جناته
| |
|
|
|
|
|
|
|
|
|
Re: مولانا خدر .. مهمش خالص (Re: خدر)
|
Quote: غايتو الزول الا يبقى زى ناس (منى اركو ) ويسكن القصر الجمهورى
حتى تنتفى عنه صفة الهامشية
لانه دا المركز الوحيد
او يسكن مركز البوليس
ودا المركز الصاح |
سلمى الشيخ سلامة
أم عزة
وأختنا
تتجلى
في النيو لوك
والجمال يزيد الذكاء والنجابة
أو العكس
الذكاء يزين الجمال ويزيده
عيني باردة
| |
|
|
|
|
|
|
|
|
|
Re: مولانا خدر .. مهمش خالص (Re: أبو ساندرا)
|
نوبي
والله شفرتكـ دي إلا يجي يفكها اساسي
نوبي انت من ويين في المهمشين بالمناسبة ؟
Quote: قيض الله لي أن اسمعه
وكان ايامها يحتل بصوته مساحة شاسعة
من تخوم البلاد الشمالية ونهر النيل
كنا في حضرة صوته الفسيح المهيب
عند منحنى النيل بعد فريق المخازن
في صدر الباوقة
والدنيا ليل و نخيل و نيل |
الله الله علي بركات لمن يتجلي و يكتب
يا سلاام يا سلاام يا سلاام
ينصر دينكـ يا فنان
يا بركات .. مشروغ بركات بتاع مدني داكـ ببقي ليكم ؟
ولا انت من مهمشين ويين ؟
| |
|
|
|
|
|
|
|
|
|
Re: مولانا خدر .. مهمش خالص (Re: خدر)
|
Quote: الميرفاب* (اهل العبيدية) من شِدة بأسهم و قوة شكيمتهم لم يشتكوا التهميش فالشكية عندهم لاب إيداَ
قوية فقط و ليس للحكومات , لازالوا يشربون ماء زُلال من الآبار و يعلوطون الحمير و يتبارون في
البُطان و يسكنون سعداء الي ازواجهم لا يشتكون الفقر او الحاجة .. تري الغني في وجوههم ان اثمر
المحصول او لم ,, يصنعون من احزانهم افراح و يتواصون بالصبر. |
دا الكلام يا خدر.
| Quote: خلف الله ودجاز من أهل النفافير طلبوا من فى المركز (بربر) أن يقوم بتوصيل زوجة المفتش الأنجليزية ويبدو أن الرجل ضاق بهذه المهمة ولم يراها مناسبة لميرفابى مثله وكان خلف الله ود جاز رحمه الله رجل سليط اللسان وصاحب نكته حاضره ركبت المرأة الأنجليزية الحمار وخلف الله على خماره (يناضمها) ويسبها حنقاً بألفاظ صعبه ظنناً منه أنها لاتجيد العربية ولاتفهمها وقد أخطأ فى ذلك صمتت المرأة على مضض حتى وصلت بربر وهناك أخبرت زوجها بضرورة معاقبة هذا الرجل الذى قال لها كذا وكذا..فى ذلك الوقت رجع خلف الله ودجاز مطمئنناً بأنه أكمل مهمته الثقيلة دون أن يعلم بأمر أخبار المرأة لزوجها بكلامه فى حقها وعواقب ذلك الغضب..سمع رجل من أهل بربر المرأة وهى تحكى ورأى وعيد زوجها وغضبه فذهب من توه لود اللبيه ناظر الميرفاب وأخبره بشأن تلك القصة..وكان الرجل حاجباً لمحكمة ود اللبيه الأهلية طلب من وداالبيه أن لايخضر ودجاز للمحكمة اٍلا فى حضوره فى مجلس المحكمة وأن لايعرضه للمفتش الأنجليزى وحده (المفتش الغاضب والمتوعد) فى الصباح أدخل ودجاز للمحكمة فى حضور ودااللبيه الذى صاح بصوت عالى (الزول ده فكوه من كدباس متين) سأل المفتش (وهل هذا الرجل كان فى كدباس..يعنى مجنون) فأكد له وداللبيه ذلك (فقط لمخارجة خلف الله ود جاز..الذى لم يطق مهمة توصيل مرة المفتش )..تم أخلاء سبيل خلف الله ود جاز من أهل النفافير بخدعة وداللبيه.... |
حاتم الياس ياخي والله انتو الجلابة استهبالكم دا وارثنو وراثة.... الله يكفينا شركم... الله يديك العافية ضحكتنا.
| |
|
|
|
|
|
|
|
|
|
Re: مولانا خدر .. مهمش خالص (Re: خدر)
|
و بعد دا نجي للكلام الجد و نركب ليكم مكنة أمير:
عزيزي القاريء
الجلابي خدر صاحب الحظوة بالميلاد داير يستهبل و يكلمنا عن التهميش!
هل كونو جلابة يسار السودان المصري كلهم جو او علقوا في البوست دا صدفة؟
البلد دي مولعة فيها محرقة أكتر من نص قرن او ناسكم البتقولو مهمشين ديل موقفم شنو من الإبادة في دارفور؟
ما هم ديل الـ5% المسيطرين على 95% من موارد البلد او عاملنها نوافير!
عندكم وش تتكلموا عن التهميش او كتائب أولاد شندي يعتقلوا الناس في الشوارع؟
عييييييك
| |
|
|
|
|
|
|
|
|
|
Re: مولانا خدر .. مهمش خالص (Re: حاتم الياس)
|
| Quote: أرجو أن يجد البعض فى هذه الواقعة صور من تاريخ المنطقة فى النضال ضد الأستعمار..وليس مجرد (رجل) زهجان التقاه الأنجليز والمصريين فى ذلك (البلقع).. |
عاشت قنينيطة في نضالها ضد التاج البريطاني و حكومة الحكم الثنائي
لاحظ عزيزي القارئ ان جيلوجيا المنطقة عبارة عن تلال يتوسطها سهل تجتاحة سيول الامطار
فقط كي تعلم ان قنينيطة كم عانت بين قسوة الطبيعة و تجاهل الحكومات.
__
اصاب قنينيطة التهميش حتي في اسمها (مخير الله)
| |
|
|
|
|
|
|
|
|
|
Re: مولانا خدر .. مهمش خالص (Re: خدر)
|
خدوري:
| Quote: انحنا ناس مدنى مجهجهين |
لاحظ انو القال الكلام دا كان يسكن احد أرقى احياء مدني، فما بالك بأحياء زي "شندي فوق" مثلاً (يوجد في مدني حي بهذا الاسم وربما يكون من اسماه قد تحدر من شندي فوق الاصلية "بتاعت شندي")،،
لكن هذا هو عين التهميش:
| Quote: اصاب قنينيطة التهميش حتي في اسمها (مخير الله) |
تحيات ليك وللاسرة
| |
|
|
|
|
|
|
|
|
|
Re: مولانا خدر .. مهمش خالص (Re: saif basheer)
|
Quote: مناطق المهمش نزار حسين
يا نزار عمكـ القوقول ايرث لمن غلب حمارو قال لي
قول لي صاحبكـ ده اهلكـ عرفو المنطقة دي كيف زاتو ؟ |
عرفوه لمن كان الناس بمشو بالنجوم والطوالع.......(قالوا جابنهم للمحل دا بنات نعش)
القوقل كان تواضع شوية وعرف بنات نعش...كان نقش تهميشنا....
| |
|
|
|
|
|
|
|
|
|
Re: مولانا خدر .. مهمش خالص (Re: nazar hussien)
|
Jane Kant ??? عديل كده .. !!
بالله الزولة دي برضها عبيدية ؟؟؟
شكلها ما بيقول كده ياخ .. سبحان الله ..
أنا اليوم داك قايلا قنينيطاواوية ..
أو بالميت من جهة ناس نزار :
تحتانية شديدة التهميش .
| |
|
|
|
|
|
|
|
|
|
Re: مولانا خدر .. مهمش خالص (Re: nazar hussien)
|
يا سيفو كيفك يا فنان
و شكراَ للتضامن مع قنينيطة في وقفتها القوية ضد المستعمر البغيض
نزار حسين
غايتو الله يستر (بنات نعش) مع اللفحي الحايم في المنبر
ما يتم تفسيرها كتفسير كلمة (بت الاصول)
| |
|
|
|
|
|
|
|
|
|
Re: مولانا خدر .. مهمش خالص (Re: حاتم الياس)
|
Quote:
قلت لى الحله الفوق دى اسمها شنو؟
لاحوله ولا قوه..
يعنى السفرة لى اهل خدر ديل توجب الغسل عديل كده. |
أضيف لما ذكره ود النحاس إنه الرجل الذي ذكر الاسم للخواجة بنفسه هو شيخ العرب نفسه وذلك عندما سئل عن اسم المنطقة حتى يطلق على المحطة.. وخاصة إن الإنجليز كانوا يحرصون أخذ المعلومة من شيوخ القبائل والعشائر مباشرة.. وغالب أهل المنطقة كانو يسكنون في الجزر ومنها الجزيرة ملو وأم نمل .. ويتوجسون من الضفة الشرقية أصلا .. لذلك غالب سكان الضفة الشرقية قليل.. وهذه المنطقة في الأصل تابعة للإنقرياب (الضياباب ولاد دياب، والجضعاب ولاد الجضع والدفعلاب ولاد دفع الله والقلوباب ولاد قلوبة ) وبها عبابدة وجعليين ومناصير وعرب رحل.. وعندما تم توضيح الأمر للمفتش الإنجليزي وأنه شيخ العرب يقصد إهانة المفتش أصر على تسمية المنطقة كلها بهذا الإسم.. أما إسم مبيريكة أختاره لها جعفر محمد نميري عند زيارته للمنطقة في أول السبعينات لما شرحو له قصة الاسم..
طبعا سمعنا الاسم الجديد في أخبار ود الباوقة بأنه محلية الفاروق
النفافير ولاد نفيرات بيت من بيوت الميرفات ( ولاد ميرف )
كذلك ورد في اسم العبيدية انها من اسم العبابدة .. لأن المنطقة بها مشيخة العبابدة.. قرية ود مسعود.. والمحطة أولاً كانت أقرب لهم من أي قبائل أخرى وأن المنطقة بأكملها كانت موضع نزاع بين الميرفاب والرباطاب واستولى على أغلبها ود رحمة بإمكانياته ومعرفته كما قلنا من قبل فهو من دهاة الشيوخ حتى أصبح ناظر خط لكل المنطقة
| |
|
|
|
|
|
|
|
|
|
Re: مولانا خدر .. مهمش خالص (Re: المسافر)
|
المسافر
والله اني امنت انكـ حُجة في علوم تلكـ الاصقاع ياخي كل ما اقراء ليكـ عن المناطق دي ابكي و احن علي روحي و علي اهلي ديل
اها يا اخوي انا تيراب الحسين ود المليح .. كدي بلاهي شوف لي الاسلاف ديل اخبارهم شنو يمكن يكونو قطاع طرق وانا ما عارف .
سيف اليزل المهمش
والله ما طالبني حليفة قدرت ما حمت في عمكـ قوقول ايرث ده بفتش لي اسلاف صاحبي نزار ده .. قوقل ده حلف بال.... ام اهلو
ما يجيب لي الحلال ديكـ . يا سيف يا اخوي والله نحن مظلومين و مهمشين
وين انت مختفي ياخ ماتغيب عليكـ الله
| |
|
|
|
|
|
|
|
|
|
Re: مولانا خدر .. مهمش خالص (Re: حاتم الياس)
|
العوض
والله يا اخوي تقول مستهبلين تقول مجرمين .. انت معانا غايتو
اسمكـ ده براهو تهمة ثابتة بالجلابية البيضا و مكوية
ودالياس
عاشت قنينيطة رمزاَ لتمريغ انف الحكم الثنائي في التراب.. عاشت عاشت عاشت
| |
|
|
|
|
|
|
|
|
|
Re: مولانا خدر .. مهمش خالص (Re: خدر)
|
| Quote: عاشت قنينيطة في نضالها ضد التاج البريطاني و حكومة الحكم الثنائي |
خدر مهمشين شنو؟
بلاد الدنيا دى كلها بتنشاف الا بلدكم دى حكمة الله بتنشم..
يعنى بلاد لها عبق..سنه
بعدين يا مهمش زى بلدكم دى الا تقع فيها طيارة زى لوكربى حتى تشتهر!!!
الله يحرس ليكم قنينيطنتكم دى من كل شر،حتى البواسير...لوووووول
اخيرا يا عماد اهل العوض ديل البجيبهم لينا فى الخرطوم شنو؟
ياااااااااااااااى..سوفاج..
انا متاكد خدر ده اختار الهجرة لهولندا عشان الابقار..
حلوة الابقار دى مش؟؟
وش حنكوشى فى شكل ورده،،،
| |
|
|
|
|
|
|
|
|
|
Re: مولانا خدر .. مهمش خالص (Re: خدر)
|
.
العزيز طارق
وجيد التحايا ..
( بالله ما تنسى تحفظ لينا حقوق التحية دي )
عارف العبيدية والباوقة إرتبطت عندي بالأستاذ الصحفي قريب الله الجعلي
والذي تعرفنا عليه وعلى أسرته بحكم زمالة العمل بينه والخال العزيز عبد الرحمن
وبفضله تعرفت أسرتنا على أفذاذ من أهله فيهم من النبل وكرم النفس وتواضع العارفين
ما يجعلك تفخر بمعرفتهم وتحيي الديار التي أنجبت أمثالهم،
ورغما عن أن صورة قوقل قطعت قول كل خطيب، فإن واقع ما يسمى ولاية نهر النيل
لايحتاج لبعثة كشفية، وأنا لو ما خايف من الفضايح كان حركت مفتش البحث قوقل لمنطقة أهلنا بغرب شندي
لكنها ذات الحالة ... الطين اليابس والسموم والصي والصبر بلا حدود.
فحسب علمي أن الإنجليز إختاروا تلك المنطقة لقبام مشروع لزراعة وإنتاج القطن فلماذا وقع الإختيار على تلك المنطقة
ؤأين المشروع؟!
إتذكرت كاريكاتير للفنان الراحل عز الدين عثمان .. عندما تناول موضوعه زيارة أعضاء مجلس راس الدولة السودانية
للتعزية في وفاة إمبراطور اليابان فقد مكث الوفد ثلاثة أيام بلياليها هناك ولما همو لوداع الرئيس إعتذروا بلسان واحد
قائلين : والله كنا بنحضر معاكم كسر التربة لكن قفانا أعوج!
كلام في الهامش
دحين يا طارق بيني وبينك غناك السمح ده غنا زول مهمش.
جيتو الخرطوم ناس قراية بقيتو فنانين ومرقتوها في هولندا
عينا باردة .. وطبعا أولاد الخرطوم ماعندهم حسد، فأطمئن ياصاحب.
سيف اليزل
.
| |
|
|
|
|
|
|
|
|
|
Re: مولانا خدر .. مهمش خالص (Re: سيف اليزل الماحي)
|
Quote: ياااااااااااااااى..سوفاج..
انا متاكد خدر ده اختار الهجرة لهولندا عشان الابقار..
حلوة الابقار دى مش؟؟
وش حنكوشى فى شكل ورده،،، |
هههههههههههههههههههههههههههههههههههههههههه
....والله يا ود الموج تلقاك من الهوبجي....ومهمش زينا واحد...علا بصح التهميش حار...
اما سيف اليزل الي قال....((حركت مفتش البحث قوقل لمنطقة أهلنا بغرب شندي
لكنها ذات الحالة ... الطين اليابس والسموم والصي والصبر بلا حدود))
ولا تتعب....محرك البحث في الحتات ديك بركن عديل كدي...أسعلني وأسعل خدر سيد البوست دا...
| |
|
|
|
|
|
|
|
|
|
Re: مولانا خدر .. مهمش خالص (Re: nazar hussien)
|
خدر جيت متأخر ....
في حي في غرب السودان إسمو خرق العمده...
والاسم يعني قنيطة العمده..!!
يعني مؤسس الحي دا (واحد كبير من قريتكم خريقة العمده ولا شنو؟؟؟؟؟
وفي جوبا في حي إسمو رجال مافي ....
(وإلتقت المناطق المهمشه في الاسماء) .....
برجع ليك في نص الليل يا غالي
| |
|
|
|
|
|
|
|
|
|
Re: مولانا خدر .. مهمش خالص (Re: ibrahim kojan)
|
كوجان .. هاكـ القصة الحقيقية دي
في شارع الفيل في امدرمان في زول اسمو (... السدر المُحافظ)
و (التسدير) تعني في ثقافة السبعينات
كلمة مترادفة لها صوت يُبدي عن بذائة
عمنا السدر المحافظ ده افندي محترم و انيق في لبسه
و حسن السير و السلوكـ في العموم
لكن
قاتل الله ثقافة السبعينات
في احدي اجتماعات المحافظ مع موظفيه و بطلنا احدهم
سأل كبير المُفتشين المُحافظ سؤالاَ لم يسمعه المحافظ جيداَ
(كان كبير المُفتشين ذو صوت خفيض و شخصية مترددة)
تسائل المحافظ (آآآ .. قلت شنو ؟)
صاحبنا جاتو مُقنطرة
فصاح من فوره
زوووووووووووووووووووووووووووووووووووووووووط
..
طبعا تم فصله من الخدمة بتهمة تسدير المُحافظ
__
صاحبنا لازال يجلس علي كرسي القماش في امسيات الموردة مرددا بفخر انو (سدر المُحافظ).
| |
|
|
|
|
|
|
|
|
|
Re: مولانا خدر .. مهمش خالص (Re: سيف اليزل الماحي)
|
Quote: دحين يا طارق بيني وبينك غناك السمح ده غنا زول مهمش.
جيتو الخرطوم ناس قراية بقيتو فنانين ومرقتوها في هولندا
عينا باردة .. وطبعا أولاد الخرطوم ماعندهم حسد، فأطمئن ياصاحب. |
والله يا سيف اليزل ما طالبني حليفة .. اخر زول في العصبية حقتنا
اتولد في النفافير كان جدي علي ابراهيم عليه رحمة الله
بقية العصبية سكنوا اتبرا و من ثم هاجموا الخرطوم في غزوة اللسان الطويل
كـ اولاد افندية و من ثم تغلغلنا لمن وصلنا الاراضي المنخفضة
في ذمتكـ اخوكـ لو ماكان مهمش .. كان عرفت امرق الغنا ده ؟
| |
|
|
|
|
|
|
|
|
|
Re: مولانا خدر .. مهمش خالص (Re: خدر)
|
مولانا الجميل المهمش
طيب خليتو لينا منو ندقو ؟
اوعه تقول محمد حسن العمده ؟
لو الوغد جا قال مهمش ..واطة قضيتنا استحمت !!
يلا سيبك من الطبقه العامله نايمه وتعال علينا !
ارقد متفائل
فارس الجلابى
| |
|
|
|
|
|
|
|
|
|
Re: مولانا خدر .. مهمش خالص (Re: خدر)
|
يا عجوره
اول حاجه خدر دا منو
ومولااااااانه ده زاتو منو
كنا عارفين انك من حته فيها اربعة بيوت ودكان وكلب
والكلب زاتو شرد
لكن والله لو كنا لقينا صورة قوقل دى كان الا تشرد عديل كده
هدنه..
ازكرك دائما عنما يصدح سيف الجامعة بالرائعه مريم ومى
| |
|
|
|
|
|
|
|
|
|
Re: مولانا خدر .. مهمش خالص (Re: DKEEN)
|
..
. يا الفكى أب نافوره ..
..
. كدي بلاهي شوف لي الاسلاف ديل اخبارهم شنو يمكن يكونو قطاع طرق وانا ما عارف .
.
. با لله ِ ..! دي علينا انحنا ..
...... بالطريقه الشهيره اليومين ديل حسب الشكله وضيق العباره
.
. ما عارف قال ..!
| |
|
|
|
|
|
|
|
|
|
Re: مولانا خدر .. مهمش خالص (Re: DKEEN)
|
| Quote: مولانا خدر .. مهمش خالص |
إنتو الشفقة ليكم شنو يا مولانا خــدر .. فى الأول خلونا نحّل مشكلة أهل الهامش .. و بعدين بنجي نشوف مشاكلكم أنتم يا هامش الهامش .. فأصبروا علينا ثلاثمائة سنين و ازدادوا تسعا .. ربما نستطع فى هذه الوهلة أن نبنى لكلّ قصرا
و ضحكت فى هذا الحزن كما ضحك الضبع الكبير .. و الضحك عندنا هنا فى بغداد معصلج .. و لو قدر لبلدوزر أن يسحب منك ضحكة لسحبها بأنين .. فالمعاناة من جفاف الضحك أهون منها معاناة أهل هامش يقتلهم الظمأ و النيل لجموارهم مفتون
و قد إفتكرناكم يا مولانا كاتلين الجدادة و خامين بيضها .. لكنكم طلعتوا مهمشين خالص خالص .. و كاتلين البايظ و خامين النجاض
و همشك الما ضراك يا عذب
| |
|
|
|
|
|
|
|
|
|
Re: مولانا خدر .. مهمش خالص (Re: Ali Alhalawi)
|
Quote: ...... بالطريقه الشهيره اليومين ديل حسب الشكله وضيق العباره
.
. ما عارف قال ..! |
الحلاوي المهمش
انت ياكافي البلا من تهميش لي تهميش !! اظنو العراق ده ودوكـ ليهو بالخبرة في التهميش ساي
يعني يا علي يا اخوي دايرنا تااااااااااااااااااني ننتظر ؟
خافو الله فينا يا اخونا .. نحنا كان قمنا علي عمليات (الزراع العضير) والله بنجهجة باكاتكم
الخرطوم و امدرمان دي بي بيتو عزابة الميرفاب الفيها ساي بنجيب خبرها في ساعتين
وهذا تحذير لاهل القصر الجمهوري
| |
|
|
|
|
|
|
| |
خدر
الطاهر ساتي
القلب النابض
Emad Abdulla
كمال سالم
غباشي
Amjed
سلمى الشيخ سلامة
Yassir Tayfour
nazar hussien
المسافر
حاتم الياس
Gazaloat
صديق الموج
elsawi
معتصم ود الجمام
لؤى
Osman Musa
فيصل نوبي
الملك
إسماعيل وراق
أبو ساندرا
Elawad
ibrahim kojan
فارس موسى
osama dahab
khatab
انعام عبد الحفيظ
فيس بوك
تويتر
انستقرام
يوتيوب
بنتيريست