|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
نادية عثمان و عبدالله وداعة و بالعكس ..... من طبعي لا احب افساد الجمال .... احب اكون قارئ و متابع و مستمتع بالجمال .... لكن جمالكم يختلف, كلمات تعبر عن واقع, بالاخص الكلام المقتبس تحت ...
Quote: جد حرام
جيت عشان تقلب كياني
وتمشي زي المافي حاجة ؟!!
جيتني من أول تبادي
وقلتَ ملّكة ولابسة تاجا
وهسي ماشي وفيكَ روحي
ولا.. بتسمع احتجاجا ؟!! |
تفسيري صديقي للحب هو عذاب جميل يجبرك للاستمتاع به .... كلام متناقض لكني مقتنع به
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
Quote: جيت عشان تقلب كياني .. وتمشي زي الما في حاجة ؟!! |
ايوه جيت اها انتي رايك شنو ؟؟؟
جميلة الدواخل ورقيقة المشاعر الشاعرة نادية عثمان اول حاجة عطشان عطش شديد جيبي ليه مويه اشرب تاني حاجة كيف اخبارك ومشتاقين كتير والله
القصيدة معبرة وفيها جمال واناقة وبس كده
ولي عودة .
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: soma)
|
Quote: إنت قايل الكلمة كافية
عشان أعيش أنا عمري بيها ؟!!
روحي في بُعدك بتحرق
وإنت ماعارف العليها !!
كُل مرّة تقول حبيبتك
وإني وحدي المشتهيها
الإ وأقف في مكانك
وخطوة ماقادر تجيها !!
*** ****
جد تعبتَ من الكلام
أنا تاني مابصبُر عليك
صاح بحبك وعارفة روحي
وقلبي بالحيل مشتهيك
الإ عاد عذّبني صبري
وعايزة بس المح عينيك !! |
مافي كلمة تكفي ريدي
مهما ريدتك عشتا ليها
وما بفوت سكة حنانك
مهما يحصل ويبقى فيها
بكرة برجع لي عيونك
ومهما شوفتك اشتهيها
ما بكفي عيوني لحظة
غير تكحل بيك وشيها
**** جيبي تعب الكلمة هاتي
وخلي لي ضحكة عينيكي
دسي شوقك في عيوني
وباقي ريدي السبتو ليكي
دا الصبر مقدور عليهو
وكيف اصبّر روحي بيكي؟
وانتي شلتي الروح وسيده
ولمسة ايدو التشتهيكي
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: soma)
|
Quote: ندوية الندية يا باقة وردية لك التحية والتحية على هذا السياق الجميل انتى وود وداعه اهديتمونا الدهشة نهديكما وروعة المتداخلين كل الخب والانحناءة |
شاعرتنا الجميلة وصاحبة المفردة الانيقة بنت الجنيد تحياتي لكي ومن معك ولهم في القلب مكان خاص شكرا لجمالك انت عزيزتي الفاضلة وجمال طلتك وتعلمين سعادتنا بك وبحرفك الحميل كامل مودتي وشكري لك ودمتي بالف خير وعافية
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: Alfarwq)
|
Quote: نادية عثمان و عبدالله وداعة و بالعكس ..... من طبعي لا احب افساد الجمال .... احب اكون قارئ و متابع و مستمتع بالجمال .... لكن جمالكم يختلف, كلمات تعبر عن واقع, بالاخص الكلام المقتبس تحت ... |
الاخ العزيز الفاروق
الجمال هو وجودك هنا وطلتك الحلوة لك الشكر اخي العزيز وكامل الاحترام مودتي ومحبتي لك ودمت جميلا وانيقا كحرفك وروحك
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
العزيزه ناديه ،،،
والله العظيم حيرتيني شديد ،،،
ما عارف أقول شنو ،،،
لساني إتعقد عدييييييل كده ،،،
عليك الله محتاج قصيدة تفك العقده دى ،،،
بعد ما الكيان إتقلب ،،، و الزول مشى زى الما فى حاجه ،،،
تسلمي بالجد على الدرر دى ،،،
ــــــــــــــــــــــــــــ صحافة 30 والله يا مان كلامك صاح روووووووووووووعه حتى الثماله ،،،
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: محي الدين جبريل)
|
صديقي محي الدين جبريل
Quote: ياروعة تمشى على قدم وساق |
مِنّك إنت الروعة زاتها
ومافي زي شخصك جميل !!
زول بيعادل كم قبيلة
وإنت شيال التقيل !!
ود أبوك شيخ الجوامع
إنت يا الماليك مثيل !
محي للحب والرهافة
وإنت جبريلنا الجميل
ياملاك مليان محنّة
يازُلال ياسلسبيل
مُحي كُن للروعة فارس
إنتَ يا الشبهك قليل !!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: محمد خليل ساني)
|
العزيز محمد خليل ساني
Quote: عليك الله محتاج قصيدة تفك العقده دى ،،،
بعد ما الكيان إتقلب ،،، و الزول مشى زى الما فى حاجه |
كلمة منّك تكفي جداً
وإنت قولك جد حنين
إنت لي أيامي بسّمة
وإنت لي فرح السنين
منك إتعلمتَ ياما
حبّة دنيا وحبّة دين
حُضنك الدافئ إحتواني
وحاشا ماكنت الضنين !!
يأخي إنت العِشق زاتو
وإنت فردوسي الأمين !!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: abookyassarra)
|
Quote: ويبقى حلم الريد .. أمانى
وخطوة أمشيها .. لعيونك
خطوة تفرق بالثوانى ..
ما العيون شارة مرورك ..
بيها أعبر لى قليبك ..
.. وانطلق من غير توانى .. |
يلا دُق صدرك تعال
واثبت إنو هواك حقيقي !!
أبقى لي ضُل في الهجير
وأبقى سندي وجد رفيقي
يلا جيب مهري وتعال
وبي هواك صارِح شقيقي !!
*** ***
بالحلال توٌج غرامك
والشراكة تكون حقيقة
بهدي ليك حزمة نجوم
ووردة وأطفال من حديقة
ليك بكون دنيا السرور
وتطفي في قلبي الحريقة !!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: خدر)
|
ـــــــــــ الأخت نادية: سلامي وتحياتي ترف وإكثار في الجمال ..المعاني معبرة عن نغم منحوت في الدواخل.. نبع من زوايا أعصاب ثائرة تهتز لكل ما هوجميل وترجو ولو يستمتع به الناس ..فطول هذه الفترة كنت مستمتع براوائع عطر الندي الحرفي ؟!
اشكرك بعمق النبض .. ولك
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: emad altaib)
|
النبيل جداً
عماد الطيب
Quote: ترف وإكثار في الجمال ..المعاني معبرة عن نغم منحوت في الدواخل.. نبع من زوايا أعصاب ثائرة تهتز لكل ما هوجميل وترجو ولو يستمتع به الناس ..فطول هذه الفترة كنت مستمتع براوائع عطر الندي الحرفي ؟! |
شكراً جميلاً لهذه الحروف المُزهرات اليانعات
وهذا الإطراء والثناء العاطر
وسعيدةُ بحق لأن لامست كلماتي شغاف قلبك الرقيق
وتسلم يارب
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: خدر)
|
خدر الصديق الغالي جدا
Quote: شكرا يا ندو كلام حلو و احساس حلو و بوست و ضيوف احلي |
اها دي شهادة فنان حق لي أن أفخر بها عدددددديل ..!
تسلم على الكلام الطاعم ياأبو لقاء
لكن لو مانفذت وعدك القديم لي ولحنت لي قصيدة وغنيتها بي صوتك البرد روح الروح ده مافي فائدة سمح ؟!!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
Quote: جد حرام
جيت عشان تقلب كياني
وتمشي زي المافي حاجة ؟!!
جيتني من أول تبادي
وقلتَ ملّكة ولابسة تاجا
وهسي ماشي وفيكَ روحي
ولا.. بتسمع احتجاجا ؟!!
*** ****
جد حرام لو انت قايل
انو تمشي دي بالسهولة !!
ربي بسأل يوم فؤادك
ليه تعاتبها شان طفولة ؟!!
جات بتصرخ من فراقك
وجيت تكسّر في فصولها !!
و
جد حرام !! |
دى الحروف ال تستاهل يكتبوها بمداد الدهب
شكرا يا نادية على الشعر الرايع دا
سلام
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: M A Muhagir)
|
Quote: 23 مايو ومايو لم يتولد ولكن النجوم زادت عدد ومن يقرب النجم يحترق بس ضوي لينا بس وانت اصلك خلقوك نور والنجم وما هوى وقد ضل صاحبك وغوى وكل البقلب كيانك في النار هوى وانتظري ونحن منتظرون وما يفلحون يوم يلتف الساق بالساق واليه المساق وانت روقي المنقة وختيها واطا وقصري الباصات والهدف مضمون وامونة رايقة خلاس من القديم للراس .
نادية عثمان زي النبي كل من حولها يحس بانه الحواري الوحيد المقرب للهالة القدسية والنور يعم والغبيان يحوزو وخليهم يحوزو زي ما يحوزو حوزو وفاطنة السمحة ما بتتقسم وضرب السوط بفرز الناس والامو مالبوة وابوه تنرتو تزوزي بغزال الصي اقيف بعيد واتفرج وهوي يا وليد امونة حارة خلاس .
دا كلام طالع من جوفا مامبهل يا المنطر عينيك وقال ليك ياخي اتلهي ساهي شيل بليك واجر العب هناك ، دا كلام مابنقاس وامونة سمحة خلاس من القديم للراس .. دا نضم زولا راضع من شطر الشمش لبن طير وقوم ياطير وركي ياسمبرية ام قدوم وعيش ابوي بقوم متين ومالو السمبر هجرنا وخلى راس البيوت فاضية وراح من روحة جنس الكلام الزي دا راح وشليل برضو راح واكلو التمساح زمان بعد يومين من كلامك دا و 16 سنة جلد وضيع مدارسنا وحليل معتوق والمريسة ضوق ضوق وراحت وجات وجات كمان ام ضلف تاني والساقية دورت وكبت مويتا على الرهبان .
وياجنيات ويابنوت كلام نادية دا احفظوا حرف حرف وادرشوا دقاق لانو مهبر كبار كبار وتعالوا راجعين ليها تاني سمح ؟
ابوأريج |
رسالة عبر الايميل طلب صاحبها نشرها هنا ..
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: mohmed khalail)
|
Quote: الاخ والشاعر الجميل اسماعيل حميم انحناءة واحترام لك ايها الاخ الجميل احرفي خجلى و وجهك تبدى قمرا بين الاسطر دمت كما انت نقيا ومترعا بكل جمال |
أخي جميل الحرف عبدالله وداعه أكرر لك ما قالته الأخت العزيزة نادية
Quote: ممكن تبطل تواضع ؟!! |
شكراً لك على كل جمال أنت له ناثر عطر يبعث فينا روحاً تسبح في دافئ زلاال
مرفق صادق المودة
إسماعيل حميم
.
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: إسماعيل حميم)
|
Quote: أخي جميل الحرف عبدالله وداعه أكرر لك ما قالته الأخت العزيزة نادية
Quote: ممكن تبطل تواضع ؟!!
شكراً لك على كل جمال أنت له ناثر عطر يبعث فينا روحاً تسبح في دافئ زلاال
مرفق صادق المودة
إسماعيل حميم |
الاخ العزيز وصاحب الحرف الانيق اسماعيل حميم
وبدوري ايها الحبيب لا يسعني الا الشكر والانحناء تادبا واحتراما لك
فبكم تسمو المفردة ونكتب من جمال لغتنا بيت شعر وبكم نصنع للجمال لغة
لك نفس المودة والحب ودمت كالعهد بك روح و وطن لكل جمال
شكرا عافيتنا ونيلنا العظيم
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
Quote: جد حرام جيت عشان تقلب كياني وتمشي زي المافي حاجة ؟!! جيتني من أول تبادي وقلتَ ملّكة ولابسة تاجا وهسي ماشي وفيكَ روحي ولا.. بتسمع احتجاجا ؟!! |
بصراحة كده حراااااام ، الله يجازيه الممسوخ .
بصراحة ثانية . شعر جميل أكثر من رائع وأتمنى يا أستاذة نادية تعملي ليك ديوان خاص بهذه القصائد الجميلة علشان الواحد يبطل سهر في سودانيزاونلاين دي ويقعد يساهر مع كل الكلام الطاعم ده . مزيد من الشجن سيدتي .
عماد
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: عبود عبد الرحيم)
|
الله عليكم ياناس سودانيز أون لاين ياناسي وتاج رأسي ..إن شاء الله ماأعدمكم يارب..قولوا آآآآآآآآآآآآآآآآآمين ..
بجيكم راجعة زول زول وزولة زولة سمح ؟
عبود ياصديقي الغالي
الحركة بتاعة تجميع القصيدة دي لذذذذذذذذذذذذذذيذة وبتساعدني في تجميع القصائد للديوان الجديد
تسلم يارب من كل شر قول آآآآآآآمين ..
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: ماجدة عوض خوجلى)
|
Quote: مافي كلمة تكفي ريدي
مهما ريدتك عشتا ليها
وما بفوت سكة حنانك
مهما يحصل ويبقى فيها
بكرة برجع لي عيونك
ومهما شوفتك اشتهيها
ما بكفي عيوني لحظة
غير تكحل بيك وشيها
**** جيبي تعب الكلمة هاتي
وخلي لي ضحكة عينيكي
دسي شوقك في عيوني
وباقي ريدي السبتو ليكي
دا الصبر مقدور عليهو
وكيف اصبّر روحي بيكي؟
وانتي شلتي الروح وسيده
ولمسة ايدو التشتهيكي |
قلبي جد بالحيل بحِبّك
الإ إنت هزمت ريدي !
بمرار الكلمة منِك
بأكية أفراحي ونشيدي !!
كُنت مدخراك إنت فارس
وراجية في حُضنك جديدي !
الإ إنت أبيت تصالح
وإرتضيت ينزف وريدي !!
** ***
خايفة يتحوُل غرامي
بي شعور بغضاء وعداوة !!
إنت ماجايب لي خبراً
وروحي عذّبتها الشقاوة !
الخصام وصَلتو حدّو
ومابتفيد تاني الهداوة !!
كنتَ بحلم بالزفاف
والعقِد وتوزيع حلاوة !!
الإ هسي خلاص أبيتك
إنتَ مازولي النقاوة !!!!!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
لنهرب قليلاً من حريق السياسة، ورماد التمرد ، ولهيب الخلافات، وزمهريرالرصاص ،ودانات خليل ،ونيران
ابيي ، الي دوحة الشعر، ورقة العاطفة، وحلاوة الحروف، وطلاوة المعاني .
دعونا الليلة وغدا الخميس نهيم في وادي نادية العبقري .
ان للشعر فعل السحر في ترقيق الانفس الشح.
يالله قولي يابنية
اسكبي الحرف ندياً علي عتمات صدورنا الموغلة في الحزن والقهر والفقر والقفر وشح المفردات.
تحياتي
...................................................................................ابوخزيمة
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: انعام عبد الحفيظ)
|
Quote: قلبي جد بالحيل بحِبّك
الإ إنت هزمت ريدي !
بمرار الكلمة منِك
بأكية أفراحي ونشيدي !!
كُنت مدخراك إنت فارس
وراجية في حُضنك جديدي !
الإ إنت أبيت تصالح
وإرتضيت ينزف وريدي !!
** ***
خايفة يتحوُل غرامي
بي شعور بغضاء وعداوة !!
إنت ماجايب لي خبراً
وروحي عذّبتها الشقاوة !
الخصام وصَلتو حدّو
ومابتفيد تاني الهداوة !!
كنتَ بحلم بالزفاف
والعقِد وتوزيع حلاوة !!
الإ هسي خلاص أبيتك
إنتَ مازولي النقاوة !!!!! |
قلبي شايل ليك محنة
وريدة تفضح سر نشيدي
وما قسيت شان انتي تقسي
وتاني نفس الحال تعيدي
وانتي عارفة الشوق ونارو
وقدر ايه عارفاهو ريدي
وياما حضن الليل سقيتو
دموع ,,, وسكّنتك وريدي
**** مين يخاصم روحو فيكي
وانتي سر كل الهداوة
ومين يعادي عيون تريدو
ويدي لي روحو الشقاوة؟
البحب من جوة قلبو
وروحو تتقطر نداوة
ببقى في الاخر مسامح
وعمرو ما بشيل العداوة
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: Raja)
|
رجاء بت العباسي ياصديقة أروع الأيام
رجوية
Quote: كلام سمح بالجد.. وأحساس حلو لكن الزول ما بيستاهل .. |
صدقي إنو رغم غتيت وغلس غلاسة السنين لكنو بستاهل
Quote: أنا غايتو اي زول كسًح ما بتذكرو حتى... بالسلامة والقلب داعيلو |
والله إنتي أكتر زول ريااااااد ورومانسي وبكاي كمان تقولي لي بالسلامة والقلب داعيلو قال
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: ناجي عز الدين الصديق)
|
Quote: الإخوة الاعزاء / ناديه عثمان وعبدالله وداعه تحية طيبه
جيت اشوفكم كيفكم انتم وفي التباري وينكم وصلتم أصلي مولع بكلامكم اليهو فاد فيهو معنى وفيهو مغذه وفيهو ذاد عبدالله شفتك في قصايدك في التسابيح والتهاليل وانتي يا ناديه برضي شفتك من خلال عودة الزمن الجميل وإلى الملتقى |
الاخ والصديق العزيز ناجي عزالدين تحية و ود لك ايها الجميل والشوق بحر والله نفتقدك جدا ونشتاق وكل الاحباب في مغرب الخير اتمنى ان تكون والاهل بخير وعافية وتسلم يا حبيب على الكلام الجميل والروح الحلوة كامل مودتي ومحبتي لك ودمت كما عهدي بك قلب وانسان
شكرا عافيتنا و غنانا الطاعم
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
شاعرتنا الجميلة نادية،
هي عادة قديمة درجت على إتيانها كلما قرأتك في هذا الفضاء؛ أن أحمل الروح و اللب و الحروف الحائرة و النجوم التي تغافل أضواء المدينة (القاهرة)، ثم أهتف في استحسان : ما أنبل قلبها هذه المرأة (الطفلة) شعرها يسافر بالروح..!
عبرك أحيي أصدقاء المدينة (القاهرة)، و الأقمار في عزلتها، و أزهار البساتين جميعها.. بخير دائما، كُني..
بوعسل
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: ابوعسل السيد احمد)
|
Quote: شاعرتنا الجميلة نادية،
هي عادة قديمة درجت على إتيانها كلما قرأتك في هذا الفضاء؛ أن أحمل الروح و اللب و الحروف الحائرة و النجوم التي تغافل أضواء المدينة (القاهرة)، ثم أهتف في استحسان : ما أنبل قلبها هذه المرأة (الطفلة) شعرها يسافر بالروح..!
عبرك أحيي أصدقاء المدينة (القاهرة)، و الأقمار في عزلتها، و أزهار البساتين جميعها.. بخير دائما، كُني.. |
حقاً إنك أبو عسل !!
وتقف كلماتك ( العسل) شاهداً عليك وتسلم وماأعدمك يارب
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: عبود عبد الرحيم)
|
أبوك يا الساّرة
Quote: دى الإرادة ..
والمقدر لابد يبين ..
ننسج الريد ..
فى مسام طين الجروف
.. شان نستبين
كيف نمشى بين .. شتلات هوانا
.. وبين سرابات الحنين
نزرع الوجدان .. رحابة
.. بى رقة الحرف الرصين |
بعترف نضمّك أسرني
الإ برضك ياهو قول !!
لا بجيب شئ لا بودي
ونحنا مرّ علينا حول !!
ياخ كفاية القلتو يلا
أحرق الزول العزول
وهات غرامك وأبقى جادي
ويبقي مطر الريد هطول !
ابقى صادق مرّة وأحدة
وخلي قدوتك الرسول !!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: خلف الله الشيخ الدرديري)
|
Quote: قلبي شايل ليك محنة
وريدة تفضح سر نشيدي
وما قسيت شان انتي تقسي
وتاني نفس الحال تعيدي
وانتي عارفة الشوق ونارو
وقدر ايه عارفاهو ريدي
وياما حضن الليل سقيتو
دموع ,,, وسكّنتك وريدي
**** مين يخاصم روحو فيكي
وانتي سر كل الهداوة
ومين يعادي عيون تريدو
ويدي لي روحو الشقاوة؟
البحب من جوة قلبو
وروحو تتقطر نداوة
ببقى في الاخر مسامح
وعمرو ما بشيل العداوة |
إنتَ في الغُربّة العنيدة
وقلبي محروم من حنانك !
ليلي كلو بهاتي بيكَ َ
وأوقد الشمعات عشانك
نفسي أطلع من عذابي
وأبقى جنبك وفي مكانك !!
*** ***
قلبي محتاج ليك تعال
وجد كفاية الغُرّبة مٌرّة !!
عايزة أفرح بيك تعال
ونبقي في حُضن المسرّة
بينا تبتهج الليالي
ويبعد الشر والمضرّة !!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
Quote: إنتَ في الغُربّة العنيدة
وقلبي محروم من حنانك !
ليلي كلو بهاتي بيكَ َ
وأوقد الشمعات عشانك
نفسي أطلع من عذابي
وأبقى جنبك وفي مكانك !!
*** ***
قلبي محتاج ليك تعال
وجد كفاية الغُرّبة مٌرّة !!
عايزة أفرح بيك تعال
ونبقي في حُضن المسرّة
بينا تبتهج الليالي
ويبعد الشر والمضرّة !! |
العذاب والغربة بُعدك
وشوفي كم بَعدك بعاني
وياما كل العمر شلتك
فيني واديتك اماني
لو بكت شمعات عيونك
مرة بكّيتك عشاني
بس عزاي ريدك وحبي
وقلب شايل ليك حناني
**** قلبي محتاج ليكي اكتر
وياما ناداك الف مرة
والعذاب والنار وبعدك
غربة في حلقينّّا ٌمرة
لو نسيت حضن البريدو
وطيفو ما زاورني مرّ
ابقى خاين لي ودادك
وما استحقيت المسرّة
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: عبدالله وداعه الامين)
|
Quote: العذاب والغربة بُعدك
وشوفي كم بَعدك بعاني
وياما كل العمر شلتك
فيني واديتك اماني
لو بكت شمعات عيونك
مرة بكّيتك عشاني
بس عزاي ريدك وحبي
وقلب شايل ليك حناني
**** قلبي محتاج ليكي اكتر
وياما ناداك الف مرة
والعذاب والنار وبعدك
غربة في حلقينّّا ٌمرة
لو نسيت حضن البريدو
وطيفو ما زاورني مرّ
ابقى خاين لي ودادك
وما استحقيت المسرّة |
عايزة نفرح بي جديدنا
ونلحق العُمر البروح !
ياما عشت مراري قبلك
وقلبي مليان بالجروح
بيكَ سعادتي تعال أحبّك
إنت راحة وإنت روح !!
*** ***
هاكَ قلبي وقول بريِدك
وإنو حان يوم الزفاف
هيلي جرتق والحريرة
وربّة الصون والعفاف
راضية بالمقسوم معاك َ
وحُضنك الدفا كيف أخاف ؟!!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: إسماعيل حميم)
|
Quote: جد حرام جيت عشان تقلب كياني وتمشي زي المافي حاجة ؟!! جيتني من أول تبادي وقلتَ ملّكة ولابسة تاجا وهسي ماشي وفيكَ روحي ولا.. بتسمع احتجاجا ؟! |
ما حرام و لا شي .. تستاهلي .. و القلبتي كيانهم ديك .. ما كان حرام يعني ؟؟
........ ما تسمع أي إحتجاج يا زول .. أقلب أي كيان جبار مستبد .. فوق تحت .. .. بس
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: Emad Abdulla)
|
Quote: ما تسمع أي إحتجاج يا زول .. أقلب أي كيان جبار مستبد .. فوق تحت .. .. بس |
ياخ بحبو ومابسيبو
حتى لو سابني وتوارى !!
في عيونو الجنّة زاتها
وفي شفايفو البسمة نارها
زول من الزمن الخرافي
الإ بس عيبو الشتارة !!
نَفَسُو حار وقليبو حامي
وأصلو مابرضى الحقارة !
زول وسيم ووجيه وأسمر
وللعلوم قبِلة ومنارة !
يوم هويتو الدنيا ضحكت
ولو أسيبو تكون ( عوارة)
أها يلا لحنها ياعماد وأديها خدر يغنيها سمح ؟!!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
Quote: عندي رغّة أقول بحبــــــــّك
ورغبّة أكبر أطير وأجيك !
نفسي أصبح ليك شريكتك
وتبقى سندي ولي شريك !
ماببيعك لو تبيعني
وقلبي بالّدّم مُشتريك !
لو ظلمتني ماظلمتك
بس لمولاي بشتكيك !!
ولو تصوني بصون غرامك
وأرهن الأحلام عليك !
الف مرّة بقول بحبّك
وعيني ياحُب تشتهيك !! |
ايوه قولي بحبك انت
وقولي كل الجوة فيك
سمعيني : كمان بريدك
هاك ,, وروحي هدية ليك
ما رضيت يا روحي غيرك
ولو عرفت بلاك شريك
ابقى خاين لي وعودي
وماني صفوة عاشقيك
دا البحب طيبة قليبك
ايدو قبلو بتشتهيك
وببقى ضايع بين قليبو
وايدو يودر وبين ايديك
وانا اصلي ضايع من عرفتك
وما مهم لو ضعت بيك
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: عبدالله وداعه الامين)
|
Quote: ايوه قولي بحبك انت
وقولي كل الجوة فيك
سمعيني : كمان بريدك
هاك ,, وروحي هدية ليك
ما رضيت يا روحي غيرك
ولو عرفت بلاك شريك
ابقى خاين لي وعودي
وماني صفوة عاشقيك
دا البحب طيبة قليبك
ايدو قبلو بتشتهيك
وببقى ضايع بين قليبو
وايدو يودر وبين ايديك
وانا اصلي ضايع من عرفتك
وما مهم لو ضعت بيك |
قول متين الجِية طيب ؟!!
وفرّح القلب الحزين
حدد اليوم بالدقيقة
وجد كفاية عذاب سنين !
جيب معاك فستان زفافي
وأمسح الدمع السخين !
بيك بكون العُمر أحلى
ونذيع سوة السِر الدفين
سر غرامنا الشلنا جوّة
وكنتّ للأسرار أمين !
يلا أسرع جيب غرامك
ونبضك الدافق حنين !!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
Quote: قول متين الجِية طيب ؟!!
وفرّح القلب الحزين
حدد اليوم بالدقيقة
وجد كفاية عذاب سنين !
جيب معاك فستان زفافي
وأمسح الدمع السخين !
بيك بكون العُمر أحلى
ونذيع سوة السِر الدفين
سر غرامنا الشلنا جوّة
وكنتّ للأسرار أمين !
يلا أسرع جيب غرامك
ونبضك الدافق حنين !! |
جايي هسة وماشي ليكي
وليك معايا الياسمين
و شلتا ليك اشواقي لهفة
وريد يكفيكي السنين
دا العمر يا غالية ليكي
ولو فضل في العمر حين
ندي عينيكي السعادة
ونملى قلبك بالحنين
ونضوي ليك عينين تحبك
وايد تختك في العينين
يلا جيبي خلاص محبة
وغيري الوش الحزين
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: Yassir Tayfour)
|
أخوي الغالي ياسر طيفور
والله جيتك فرحتني شددددديد !
Quote: يا سلام يا نادية لما (يرقُص) الشعر.. و يبقى (الشبّال) قصيدة..
أبقي طيبة يا نادية ___ وتحية لكل ضيوفك |
وكلامك الحنين ده بيشجعني وبلهمني أكتر
عشان أصلا الطيبة والنقاء والمحبة لوجه الله هي البتحرك فينا الإلهام ..
تسلم أخوي الغالي وماتشوف شر أبداً ياود طيفور ..
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
Quote: جد حرام
جيت عشان تقلب كياني
وتمشي زي المافي حاجة ؟!!
جيتني من أول تبادي
وقلتَ ملّكة ولابسة تاجا
وهسي ماشي وفيكَ روحي
ولا.. بتسمع احتجاجا ؟!!
*** ****
جد حرام لو انت قايل
انو تمشي دي بالسهولة !!
ربي بسأل يوم فؤادك
ليه تعاتبها شان طفولة ؟!!
جات بتصرخ من فراقك
وجيت تكسّر في فصولها !!
و
جد حرام !!
|
دا شعر دا يا مرسي ؟؟!!
Quote: القاهرة في ليلة نصف صيفية في الساعات الأولى من صباح الثالث والعشرين من شهر مايو !! |
عايشة الدور !!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: الله جابو)
|
الله جابو الليلة جانا
الف مرحب بيك حبابك
جاي تتريق علينا
مابنقول أعمل حسابك !!
خلي يبقى الطين شرابنا
وسلسلبينا يكون شرابك !!
عشنا دور ماضرّ زولاً
لا غلطنا على جنابك !!
بركة جيتنا الليلة زائر
وتاني مرحب بيك حبابك !!
ده ترحيب وكلام ساي عشان ماتقول شعر لا سمح الله !!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: الله جابو)
|
الأخ الله جابو
السلام عليكم ورحمة الله وبركاته ،
Quote: دا شعر دا يا مرسي ؟؟!! |
لو بتعرف ليك شاعر كده أساله ده شعر ولاّ لا !!! يا أخي الشعر في حد زاته أحاسيس بتتولد فجأة كده ومن غير مقدمات وليس بالضروري أن يكون شعراً فصيحاً والاخت نادية يشهد لها الجميع بأنها من الشعراء والكتاب والصحفيين المتميزين ولها العديد من الشعر والنثر والمقالات ما يغطي عين الشمس ،،،، بس إنت تابع ... ليست هي من عاشته بل هو الذي عايشها لانه ليل الشعراء .
خليك بس قريب وما تخرمج .
عماد
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: عماد محمود علي)
|
عماد الغالي سلام
عاين
أنا الحمد لله عمري مادخلت بوست زول بغرض التخريب !!
لأني بعتبر إنو بوست الزول زي بيتو بستقبل فيهو ضيوفه وبسمع رأيهم وتعليقاتهم حتى لو كانت سلبية بصدر رحب !!
وماإتعودت بصراحة أتجاهل زول يدخل بوستاتي حتى لو جاي وقصدو التجريح والتهاتر والإساءة بدون سبب معلوم !!
مافي مشكلة ياغالي وربنا يدي كل زول على قدر نيتو !!!!!
و
بس !!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
وعليك وعلى زوارك السلام ...
نعمين ..
Quote: أنا الحمد لله عمري مادخلت بوست زول بغرض التخريب !! |
عارف .. لأنها ليست من شيمتك ... فشيمت الأكرمين العفو .
Quote: لأني بعتبر إنو بوست الزول زي بيتو بستقبل فيهو ضيوفه وبسمع رأيهم وتعليقاتهم حتى لو كانت سلبية بصدر رحب !! |
رأي سديد ... وبجي منك .
Quote: وماإتعودت بصراحة أتجاهل زول يدخل بوستاتي حتى لو جاي وقصدو التجريح والتهاتر والإساءة بدون سبب معلوم !! |
هنا بقى بختلف معاااك تماماً ، دي إنت بس ... أحيانا ًردك بكون ليهو رد فعل معاكس ... والتجاهل بكون أفضل علشان صاحب المداخلة يفهم بأن رسالته وصلت لطريق مسدود ويرجع تاني من أول ويبحث عن مخرج لما كتبه في حق الغير. وهذا منا للاعتماد .
Quote: مافي مشكلة ياغالي وربنا يدي كل زول على قدر نيتو !!!!! |
آمين يارب العالمين . وإنت أصلك نيتك بيضاء وصافية ذي اللبن وذي قلبك الكبير ده .
وتسلمي ...
حاااضر ... سلاماً قوُُل من ربٍ رحيم .
عماد
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: عبدالفتاح أبوشيمة)
|
الغالي عبد الفتاح أيو شيمة
Quote: قصيدة رائعة
ومشاعر واعية
متابعين واصلي
إلا الكلام المر
ما تتأثري بيه
أصلو من برّة القلب
الله يديك العافية
يا بتّنا |
كلماتك الطيبة هذه وكلمات من هم مثلك من أصحاب النفوس والارواح والقلوب المعافاة من أمراض البشرية أعتبرها ذادي ومعيني ومكمن أفراحي الكبيرة في هذه الدنيا الزائلة ..
فشكراً لحضورك الطيب وكن في الجوار دوما ياولدنا ..
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: العوض المسلمي)
|
Quote: جد حرام زولك البعزك ماتلقاهو وزولك الروحك فيهو يجفي وزولك البتحبو يقسي وحبيب قلبلك يبعد وينسي
ونرجع نقول الحب مرسي والقلوب لوبعدت برضو مابتنسي واالحبيب دائما في انسي
وجد حرام بعد كل البينا تنسي او تقسي ويصبح كله بس مجرد انسه |
الغرام ماسبنا دربو
ومابنسيب درب الحبيب
العوارض واقفة بينا
وبرضو عايزنك قريب
لا بندور أبداً عذابك
لا بُكاك ولا النحيب !
أيوة ربنا رب غلابة
وهو البهوُن كُل صعيب !
أدعو ربنا شان قليبك
ومافي زول عارف النصيب !!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
Quote: جايي هسة وماشي ليكي
وليك معايا الياسمين
و شلتا ليك اشواقي لهفة
وريد يكفيكي السنين
دا العمر يا غالية ليكي
ولو فضل في العمر حين
ندي عينيكي السعادة
ونملى قلبك بالحنين
ونضوي ليك عينين تحبك
وايد تختك في العينين
يلا جيبي خلاص محبة
وغيري الوش الحزين |
قَدر ما حاولت أفرح
ترجع الدمعات تكُب !!
لا الفرح عايز طريقي
لا سعادة وشوق وحُب !!
نفسي تسّهد من فراقك
وروحي تغرّق جُوّة جُب !!
حُزني ما أظن ليهو أخر
وجد تِعب جوايا قلب !!
مين بشيل من عُمري حسرة ؟!!
شاحدة ربي كريم يارب !!
| |
|
|
|
|
|
|
|