|
Re: رسالة مهمّة جدّاً جدّاً بالصورة والصوت والقلم أرجو شاكراً الإطّلاع عليها (Re: لؤى)
|
الرائع لؤي،،
Quote: دعوة من أجل السّودان لكل سودانيّة وسوداني يهمّهما أمر الوطن في المقام الأوّل .. |
فطالما انا سوداني و أفخر بذلك يجب و يحتم عليَ أن أبصم لك بالعشرة لهذا المقصد...
و كما قال العملاق العطبراوي مواقف لن تتراجع تاني أقيف قداما و اقول للدنيا انا سوداني
لك التحية و انت تشرع أبواب الحب و السلام في و طننا الحبيب، و في وطن يكاد يلفظ أنفاسه من كثرة الصراعات و الإبتلاءآت التي تتقاذفه من كل و حدب صوب.
كل الود يا راقي،،،
هيثم عبدالعزيز
| |
|
|
|
|
|
|
Re: رسالة مهمّة جدّاً جدّاً بالصورة والصوت والقلم أرجو شاكراً الإطّلاع عليها (Re: لؤى)
|
يالؤى يا جميل
بجى اليوم البرجع الناس دى كلها السودان
بجى اليوم البخلى الناس دى كلها تكتب من جوه السودان
احسن نتعارف ونصاحب بعض علشان لما نرجع تكون الحكايه ساهله
بقولو السودان حلو بناسو, الله يرجعنا علشان نتلمه مع الناس
الهناك الفضلو قبال ما يفكرو هم زاتم يطشو زينا كده.
البوست مطمئن .
لما نشوفك نتطمئن اكثر يا سودانى يا اصيل.
بفتش لى على صوره اختها يمكن يلاقينى زول وانا طاشى.
الود كله
| |
|
|
|
|
|
|
Re: رسالة مهمّة جدّاً جدّاً بالصورة والصوت والقلم أرجو شاكراً الإطّلاع عليها (Re: لؤى)
|
Quote: ولا زالت الدّعوة موجّهة لكلّ عضوات وأعضاء هذه الدّار ، فهل من صدى ؟؟
|
و انـا معـك يا صديقي ... فلنترك المهاترات و الشتائم جانباً و خصوصا فيما يتعلق بالحياة
الخاصة و إنتهاك أعراض الناس و خدش حياؤهــم دون وجه حق ... فنحن هنا لنتفق أو نختلف في
آراؤنــا دون أن يؤثر ذلك على علاقاتنا الإجتماعية و كما قيل إختلاف الرأي لا يفسد للود قضية...
فلتكن دعـوة صـادقـة تصب نحو أهــداف سـاميــة نرجـوها و نتوق بل و نسعى إليهـا أن تعـم هذا
الوطـن الصغيــر ريثمـا تتحقق و تنتقـل إلــى الوطـن الكبيــر ... و اللهم جنب بلادنا الفتن ما
ظهر منها و ما بطن و وفقنـا فيما تحب و ترضـى ...
و دمــت يا فتــــى عشقــاً لهـذا الوطــن،،،
هيثــــم،،،،
| |
|
|
|
|
|
|
Re: رسالة مهمّة جدّاً جدّاً بالصورة والصوت والقلم أرجو شاكراً الإطّلاع عليها (Re: لؤى)
|
Quote: دعوتي هي أن نكتب بوعي ، وأن نختلف ونتناقش بأدب وفهم ، وأن نبتعد عن المهاترات والإستفزازات إن كان بإطلاقها أو الرد عليها ، وأن نفكّر في كلّ كلمة نكتبها قبل إرسالها ، وأن نبتعد عن الموضوعات التي لا تخدم غرض أكثر من كونها تهدم وتجر إلى صراعات لسنا في حوجة إليها ، وأن نستخدم البريد الشخصي للنقاش في المسائل الحسّاسة ، فهذا الموقع مقروء في كلّ العالم .. دعوتي أن نكون قدوة وحملة رسالة وأن نقوم بنشر الوعي والكلمة الطيّبة لأجل عيون هذا الوطن ، فهناك أجيال تنتظر أن نخلق لها وطناً آمناً مستقراً..
|
الأخ العزيز لؤي
تراني أتذكر هذا النداء وهذه الرسالة المهمة
كلما رأيت ما آل إليه حال البورد من مشاكل وصراعات
أدت وتؤدي دوماً الى مهاترات لا فائدة منها
وإني لأشفق عليك يا سودان
| |
|
|
|
|
|
|
Re: رسالة مهمّة جدّاً جدّاً بالصورة والصوت والقلم أرجو شاكراً الإطّلاع عليها (Re: لؤى)
|
الاخ الحبيب لؤي
يدي في يدك من اجل هذا الوطن الشامخ العزة للسودان ولك مودتي فشكرا لاحساسك النبيل
عليك دخلتا اتهجاك يا وطني
عليك دخلتا
اتهجاك
كتبتك في مساماتي
لقيتك فيني نبض الشوق
دخلتا علي من ذاتي
وطلعتا علي طلوع الروح
ترقّع في ملذاتي وقريتك فيني
تاني بديت
وقمت تبيت... عليكا مشيت
وزنت عليكا الحاني
وما استنيت
قعدتا على قفاك غنيت
وماهميت
مؤكد اني سوداني
رضعتا حليبك الاول
شربتا العافية من ارضك
ونيلك ببقى شرياني
سماحة ناسك الطيبين
بيوت الطين
وقش حبوبة حازمة الهم
ترش بي توبا اشجاني
وتقش الساحة من الليل
تشد الحيل وتتحزم
عشان اولاده يبقو شداد
كما الاعياد
ويبقى الحزن براني
لهيج السمحة سوداني
جمال الضحكة سوداني
جمال بنوتنا سوداني
جمال طيبتنا سوداني
رجال الحارة هم اهلي
وعقاب الفرحة سوداني
وحجاب العافية هو الواسوق
ضراع الفكرة انساني
واساس القوة هو الانسان
ضرى الحيشان
قدح جيعان
وضل راكوبة تحتاني
وسعن طيبتنا هو الربحان
بيسقي نداهو لي الضيفان
ويوصي النيل علي ارضو
وجيتك تاني يا وطني
وبديت اقراكا من اول
لانك كل اوطاني
وزي ما بتبقى هي الخرطوم
بتطلع من عروق الدم
بتبقى حنينة هي ام درمان
انيقة بتروي لي العطشان
وتسقي الغاشي والداني
ورجعت اقراكا يا وطني
وبديتك تاني من اول
لقيتك برضك التاني
لقيت التاني زي اول
وجاطت باقي الواني
وبديت اقراك واتامل
واتجمّل
واعدل بيكا اوزاني
منو الجمّل جبال توتيل
اعالي النيل
جزيرة الفيل
كريمة ودنقلا وبارا
وملا بي الدهشة جزلاني
ومنو الفاشر كساها جمال
كما الاطفال
دفقة فال
رمي الشبال
وجاب الشكرة بطحاني
ونقز في العرضة ود سلفاب
وما كضاب
اذا بشرتا فوق بحري
ولقيت في كوستي خلاني
وخلفتا كراعي في سنكات
عشان في شندي تقراني
واقوم اقراك في الحضره
واشنّق عمتي الشتره
ورقصتا العرضة
وسط ملكال
جبال تقلي وبيني شنقول
ختمتا القول
علي المعقول
وقلتا الجنس سوداني
جواز دنيتنا سوداني
حراز عرفتنا سوداني
قزاز سحنتنا سوداني
وباقي الجته هو الكم ميل
عليهم نامت البقعة
وصحت بالفرحة ودمدني
وقدل بي شوقا اخواني
ورطنتك فيني بالتفصيل
وبي تبجيل
ندهتك مني طالع ليك
طلع من صوتي اذاني
وسجدتا اتهجا في ذاتك
تسبح فيني نخلاتك
يترجم في الحراز اسمك
يعطر كل مساحاتي
وقعدتا اقراكا يا وطني
وانا البقراكا وجداني
وتليتك في نعاسي بيوت
بتحلم بي سترت الحال
رغم الحال وضيق الحال
وظلم العتمة اعياني
لانك في خلايا الدم
مجرتق بي العديل والزين
ولو ما شلتا اسمك فوق
نحتك في بيوت الطين
بتبقى العرفا ما ياها
وعيون الالفة ناكراني
وجيت اقراكا يا وطني
وبديت اقراكا من تاني
لانو الفكرة والذكرى
مدادك ختا حرفو هنا
وختم بي حرفك التاني
وجيت اقراكا يا وطني
عبدالله وداعه الامين لندن 14.02.2007
| |
|
|
|
|
|
|
Re: رسالة مهمّة جدّاً جدّاً بالصورة والصوت والقلم أرجو شاكراً الإطّلاع عليها (Re: لؤى)
|
الاخ لؤى
نشكر لك هذا البوست الراقى وقد أعجبنى ما اورده فى المقدمة عن اهمية الحوار الجاد والمساهمات الداعمة لقضايا اهلنا الغبش بعيدا عن التهاتر والتراشق بالعبارات النابية التى لاتليق ولا تفيد بل تعطى واعطت الفرصة للقول بان هذا البورد غير جدير باحترام الغير وقد هربت اقلام جادة كثيرة بسبب الغثاء الذى يطرح والحوار العقيم المتدنى الذى يديره بعض الاعضاء المحسوبين خطأ على هذه الؤسسة الوطنية الرائدة ..وهكذا ينبغى ان نرقى باقلامنا الى مدارج الجدية فى الطرح ومناقشة هموم الوطن علنا نخرج من نفق التخلف والفساد والحروب والتخلف الذى أدخلتنا فيه اخطأ الماضى وسقطات الطغمة الحاكمة..
| |
|
|
|
|
|
|
Re: رسالة مهمّة جدّاً جدّاً بالصورة والصوت والقلم أرجو شاكراً الإطّلاع عليها (Re: لؤى)
|
المبدع لؤي لك فائق ودي أخي لا بأس أن نرجع إلى المربع الأول مرات ومرات إذا كان ذلك ضروريا من أجل الوطن الرجوع يساعد في تصحيح المسار والانطلاق الرجوع إلى الحق فضيلة عزيزي لؤي لم أكن موجودا في المربعات السابقة ولكني أضم صوتي هنا إلى صوتك وأدعو الجميع إلى الإرتفاع إلى مستوى هموم الوطن فلتختلف الرؤى والمواقف ولنتفق على مبدأ واحد الوطن للجميع ولنحسن الظن بعضنا ببعض وللننبذ العنف بكافة أشكاله اليدوي واللساني والقلمي والقلبي و (الكيبروردي) ولنطهر أنفسنا من العنصرية البغيضة التي تفوح رائحتها النتنة هذه الايام أخي لؤي أحييك وأشيد باستدعائك لهذا البوست في هذا الوقت فائق ودي واحترامي
| |
|
|
|
|
|
|
Re: رسالة مهمّة جدّاً جدّاً بالصورة والصوت والقلم أرجو شاكراً الإطّلاع عليها (Re: لؤى)
|
أخى لؤى أحييك بشده على هذه الدعوه الموفقه فى هذه الوقت الذى طفح فيه الكيل وأصبح الكل لايطيق الكل , كنت أستمع أمس لاحدالبرامج فى قناة الشروق وقد وردت معلومه تفيد أن نسبة الاميه فى السودان 67% وهذا يعنى أن نسبة المتعلمين 33% ,اذا حاولنا أن نستخرج من هذه ال33% نسبة المثقفين المستنيرين والذين عادة هم الذين يقودون المجتمعات نحو حياة أمنه متحضره , فاننا نجد أن النسبه ربما لاتتعدى ال10% فليس كل متعلم مثقف . واذا إفترضنا أننا فى فى المنبر من قبيلة المثقفين المستنيرين والذين يعول علينا قياده وإصلاح هذا المجتمع العريض الذى يملأ المليون ميل مربع فحتما إن مسئوليتنا كبيره . لذا واجب علينا أن نكون بحجم تلك المسئوليه ولتحقيق ذلك لابد لنا أن نتصالح فيما بيننا وننبذ هذه الخلافات المدمره ونجعل من هذا المكان نموذج لوطن يضمنا بكل أعراقنا وأدياننا وتاريخنا نختلف ونتفق فى محبه وإحترام حت نصل لمرحلة ننصهر فيها جميعا بفهم واحد ننقله بكل الفخر لشعبنا فى المليون ميل مربع ومن ثم نغرس بذور الحب ونقتلع الكراهيه والعنصريه لنصنع السودان الجديد . أكرر تحياتى ,,
| |
|
|
|
|
|
|
Re: رسالة مهمّة جدّاً جدّاً بالصورة والصوت والقلم أرجو شاكراً الإطّلاع عليها (Re: لؤى)
|
لا يهمنى من أنت وماذا تتبع ما يهمنى إنك كنت واعياً فى ساعة الزروة حيث الكل سكِر يهمنى إنك كلمة فى صالح الوطن يهمنى إنك لم تجرى وراء السراب يهمنى إنك... فى ساعة الزروة تعود لعقلك ... تعود لرايك الشخصى... دون... الرجوع لحزبك... الرجوع للونك... الرجوع لعشيرتك... هنا... انت عندى... عالم... فنان... صالح.. جميل... يهمنى أكثر إنك... كنت إنسان
لؤى... أخبارك؟
| |
|
|
|
|
|
|
|