|
كتب الكاتب الفاتح جبرا المتوفرة بمعرض الدوحة
|
|
 Re: تمشى تتعرف يعقدو ليك (Re: ابوبكر على)
|
خالد
الظاهرة صارت متفشية الى حد مبالغ فيه
حكى لى احدهم انهم حين ذهبوا للتعارف سمعوا احد الاطفال يصرخ حين وصولهم ( ناس العريس جو)
الشئ المحزن انو بنكون مرجين العرس لعزيز مسافر و شخص مريض
و معلوم تماما ان لحظة عقد القران هى من اهم لحظات مراسم الزواج
و فجاءة ينبرى ذلكم الذى حدثتكم عنه
| |
 
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
حقيقة ظاهرة خرطومية بحتة
ناس كتيرين بقوا يخافوا من الخطوة دي ، واحدة صاحبتى فى العيد ضربت لزميلها قالت ليهو العيد دا مالك ماجيتنا فى البيت قاليها : والله خايف من المأذون الورا الباب دا
نحن فى الاقاليم عزيزييييييييييييين وعندنا شورى "فى الحقيقة مافى شورى"
| |
|
|
|
|
|
|
|
|
|
Re: تمشى تتعرف يعقدو ليك (Re: Shamael Elnoor)
|
غايتو ياشمائل تانى الواحد لو زار بيت اهله يانسون فيه الكفاءة و كدا
يمشى براهو عشان يتحجج باهلو مافى
لكن فى البشوف فيهو دا
بيقولولو اقعد قعد نصك
اهلك برنسلهم نجيبم بى هايس
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
تعرف يا ابو بكر
لي صديق(عليه الف رحمه ) حدث له اسواء من ذلك
فهو من امدرمان وذهب لخطبة احداهن من شندي فقالو ليه ما عندنا كلام زي ده
عندنا عقد طوالي .. طبعا صاحبنا اتكيف جدا ...عقدو ليه .. انتهى العقد دايرين
يطلعو ...قالو ليهم سوقو مرتكم معاكم...يا خوانا الكلام ده كيف؟ الكلام ده كده البت
المتزوجه تقعد في بيت راجله...
صاحبنا اتوكح وجا طابق المرا.
اها دا كلام دا؟
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
اخى ابوبكر
السلام عليكم
دا المقلب الحصل لاخى وهو لسع فى خريج جديد
طبعا الحاجة الوالدة كانت محتجة وقالت كلمة شهيرة وسط العائلة
مد صباعة (اصبع) قبضوا من ضراعه
والله يستر عليك من قبض الضراع البدخل الى جنة عشة الزوجية
انتصار
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
الاخت انتصار
تحية طيبة
| Quote: مد صباعة (اصبع) قبضوا من ضراعه |
فعلا هذا مايحدث
و لكن ربما ترتفع بعض الاصوات تجاهر بصعوبة دفع تكاليف العرس
خصوصا من جانب اهل العروس
لربما
| |
|
|
|
|
|
|
|
|
|
Re: تمشى تتعرف يعقدو ليك (Re: قرشـــو)
|
| Quote: ياخوي مالك بقيت تلخبط؟ الراء دي جبتها من وين؟ |
أصلى معزوم يوم السبت الجاى جلسة اسرية
معليش بفكر كيف اتخارج لو طرحت اسئلة من نوع ياولدى ماكبرت
و ياولدى العرس هين
قامت الراء اتزلقت
العزيز قرشو تحية طيبة
| Quote: امشوا اتعرفوا كويس ... |
والله لى هسى مامشينا
لكن هى هواجس بس
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
Quote: في ظل العولمة موضوع التعارف دا مافي داعي ليه .. لأنه الزول المتقدم دا بيكون حاسم أموره يبق التعارف لي شنو
عقد والسلام |
اكيد فى داعى ليهو
هى دايرة تقدمو لى اهلها الهو مابعرفم
و فايس فيرسا = نفس الشئ
ام قولك عقد و السلا
انا ذكرت فوق انو العقد من أهم المراسم فلا يعقل ان لايحضره اخوك المسافر و خالى المريض و عمى الماعارف شنو
المهم لحظة العقد ترغب فى ان يكون هناك لفيف من احبائك
او هكذا اظن
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
Quote:
فهو من امدرمان وذهب لخطبة احداهن من شندي فقالو ليه ما عندنا كلام زي ده
عندنا عقد طوالي .. طبعا صاحبنا اتكيف جدا ...عقدو ليه .. انتهى العقد دايرين
يطلعو ...قالو ليهم سوقو مرتكم معاكم...يا خوانا الكلام ده كيف؟ الكلام ده كده البت
المتزوجه تقعد في بيت راجله...
صاحبنا اتوكح وجا طابق المرا.
اها دا كلام دا؟ |
طيب يا وليد رأي العروس شنو في الحالة دي ؟!!!
يعني ممكن برضو تطبق شنطتها وتكسح معاهو طوالي ؟؟!!!
ولا كيف ؟؟!!!
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
ابوبكر
موضوع ظريييييف جدااا...وواقعى تسلم عليه
هسى فى الزمن ده ان بقى الشاب ساى لمح ......يجروه بنعلاته
للعرس .....
عندى اخوى شاب كده قول كم وعشرين كده عمره......
معاه بت فى الكليه زميلته ابوها مهندس ...فى السودان ......
وكنا فى الاجازة فى السودان...وكنت دايرة مهندس للبيت ....المهم
كلمته ...يشوف لى مهندس...قال لى خلاص ابو صاحبتى مهندس خلينى اكلمها
وارجع ليك ...ضرب ليها تلفون وتمت المحادثه دى...
الو ريهام ازيك
اهلا يا محمد
ناهد اختى جات من برة الاسبوع الفات
والله حمدلله بسلامتها
اها ...عشان ماعندى رصيد( ناهد اختى دايرة تجى تقابل ابوك....)
جدا يامحمد حددوا بتين وخليها تجى ....تشرفوا والله...الاربعاء كيف معاكم ؟
خلاص نقول الاربعاء على 8 كده ياريهام
خلاص يامحمد مع السلامه
جاء اليوم واتلبسنا انا وهو وبتى الكبيرة ومشينا
لقينا االبيت ده مستف عن اخره ناس...وتورتات وبارد وفطائر
قلت لى محمد اخوى :اسمع كيف حنتكلم مع الراجل ده عن البناء وسط الجماهير دى!!!
قمنا سألنا مرة قاعدة جنبنا عن زميلة محمد قالوا مافيشه .....برة البيت ....
المهم ضيفونا واكرمونا وماخلوا شىء..........
نادينا الاب المهندس بالجنبه كده واتأسفنا ليه(نطط عييونه من ناديناه)
وقلنا ليه نحن .... شكلنا جينا فى وقت مامناسب وكده للموضوع
الراجل هب فينا انا ومحمد ...وقال كيف الكلام ده ....!!!!!!!!
.نان انتوا جايين لى شنو......ومحددين ميعاد ....معاى لى شنو !!!!!!
قلت ليه بسرعه عشان الخرطه ....قال لى بنهرة خرطة شنو .....؟؟؟
.ثم انه ريهام قالت لينا انه محمد زميلها اخته جات من السعوديه وعايزه تقابلنى ...
محمد اخوى قال ليه:: ايوة ياعمى ...نقابلك عشان الخرطه
باين انه ريهام مافهمت الكلام ...وكده ياعم....ومعليش
الراجل كورك فينا واسكت ساكت من الحصل......
واخوى ده لسه طالب وفى تانيه جامعه
والتكتح ماعنده ......
مرقت طبعا شاكلت ليك محمد شكله ....
قلت ليه اسمع الزمن ده يامحمد تقول الكلام كله كاااااامل...كده...
(نحن ياريهام جايين نقابل انا وناهد اختى ومعانا بتها الكبيرة
ابوك المهندس عشان موضوع خرطة بيتها ...الحتبنيه فى حى كده)
شنو التمشى تقول ليها (دايرين مواعيد مع ابوك اختى عايزة تقابلوا )
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
| Quote: العزوبية تاج رائع على رؤوس العزاب لا يراه الا المتزوجون |
ابوبكر على
سلااااام...
الكلام دا هندريت بيرست صاح...
بس انت مش ملاحظ مواضيعك كلها بقت عرس ..ولا انا غلطانة..
حدد موقفك ياخ..
| |
|
|
|
|
|
|
|
|
|
Re: تمشى تتعرف يعقدو ليك (Re: Rihab Khalifa)
|
اميرة سلامات
ماجيناكم فى النادى و قطعتو معانا ستة صفر
موقف ثابت لا يتزحزح قيد أنملة
العزوبية هندرت بيرسنت تاج رائع البريق
اما الحديث عن كثرة هضربتى بالعرس
دى اشاعات مقرضة تبث هنا و هناك لن تفت فى عضدى
المجد و ...
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
| Quote: ابوبكر، دي اسمها يعقدو عليك، ما ليك |
صدقتى يارحاب
جاء فى القاموس الوردى
عقد الشى - اى تعنقد حتى لم يستطع الفكاك منه
و فى المحيط الجامع
العقد - اى بمعنى الربط بدون فرفرة
| |
|
|
|
|
|
|
|
|
|
Re: تمشى تتعرف يعقدو ليك (Re: طارق جبريل)
|
| Quote: ما تملوا بطاطيركم من بعيد |
تحياتى يادكتور
دايرين نحاول نتاهل
حتى مابينها لينا
ناس نقط نقط يتشرفون بنقط نقط لتأهيل ابنهم نقط نقط
كلمة تأهيل دى زاتا مخيفة
اميرة جواب نهائى عزوبية لمن بى هناك
لو لاحظتى معظم المتداخلين متزوجين حاسدننا على عزوبيتنا السمحة دى
عشان بندقس نعرس
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
Quote: طيب يا وليد رأي العروس شنو في الحالة دي ؟!!!
يعني ممكن برضو تطبق شنطتها وتكسح معاهو طوالي ؟؟!!!
ولا كيف ؟؟!!! |
والله يا ابو عبيده انا رايها ما عارفو... لكن طبقت شنطتها
و كسحت معاه زي الما في حاجه... تقولي شنو؟
| |
|
|
|
|
|
|
|
|
|
Re: تمشى تتعرف يعقدو ليك (Re: د.محمد حسن)
|
| Quote: يادكتور دى قوية دى |
والله ردينا
لكن يبقالى كنت بتشرب فى شاى و جريت الصفحة تحت سريع
ردى كان كدا لانو اول مرة اسمع بتعبير عالم البامبرز
و عجبتنى شديد
كمية كدا من الوشوش الخجلانة
| |
|
|
|
|
|
|
|
|
|
Re: تمشى تتعرف يعقدو ليك (Re: فدوى الشريف)
|
سلامات استاذة فدوى
| Quote: نحن ناس الاقاليم عزاااز |
ماقريتى قصة شندى الفوق دى و لا شنو؟
بالمناسبة الكتالوج دا فى شمال السودان كتير شديد
بس بخاف من الزرزرة
عشان كدا بلاى بدون داع لذكر الاسماء
أو هكذا اظن
| |
|
|
|
|
|
|
|
|
|
Re: تمشى تتعرف يعقدو ليك (Re: معاوية الطيب)
|
سلامات يامعاوية
| Quote: اخوك فى نفس حالتك دى |
لا حولا و انت ماشى متين؟
غايتو يامعاوية الشهر الافرنجى يادوب فى بدايتو يعنى تتحجج بالدعومات المادية مافى طريقة
غايتو يامعاوية الواحد بس مايمشى عديــــــــــــــل كدا
لكن العوجة يجوك ناطين يتعرفو عليك و كدا
و ماتخاف الخمسين الف بتاعت المأذون برضو لا اتحججت بيها بدبروها سريع
تتخيل اى شئ بكون محتاطين ليهو
كم قلم للماذون
كمية من الرخص و البطايق و الجوازات
أنس بس
| |
|
|
|
|
|
|
|
|
|
Re: تمشى تتعرف يعقدو ليك (Re: Shamael Elnoor)
|
ما بقول فوق ساكت
سنة 97 صاحبي كان عاوز واحدة وقافل عليها - أهلها قالوا دا ما في طريقة - زعل ورشحوا ليهو واحده من بعيد شافه مرتين - قالوا يعملوا تعارف (( وإنبرى له واحد )) من عائلتهم وعقدوا ليهو - صاحبنا أسبوعين بس دق الخلف راجع وبحت وبحت وعافر ودافر لمن رجع لي ديك تاني ...!!!
ذنب البنت الإنبرى قريبها دي شنو ؟؟؟؟
هشام
| |
|
|
|
|
|
|
|
|
|
Re: تمشى تتعرف يعقدو ليك (Re: Hisham Ibrahim)
|
| Quote: ذنب البنت الإنبرى قريبها دي شنو ؟؟؟؟ |
سلامات ياهشام
تقول شنو
بس فى ناس بيحبو بعدين يحكو و يقولو
والله فلان عفيت منو, حسم ناس العرس و قطعو معاهم ستة صفر
نحن بنحب الشكر شديد ياهشام
الخيل تجقلب متل الشرى فى القندول
الواحد مننا لمن يطرو سيرتو ويشكروهو
هيــــــــــــــع بيتنفخ لى فوق
( عفيت منو فلان الفرتكانى , بس جا داخل و و الما\ون معاهو, ما اداكلك ناس العريس فرقة يقولو بغم )
جملة زى دى لمن تتقال فى اسماع الناس , الممدوح ( المنبرى) بيحس بى الجقبك الجقبك
كما قال محمد موسى
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
Quote:
كلام الجكس كلو تردوه
بس كلامي انا الابيتوهو |
وينك يادكتور ماجيت صادى
نان كلامك ماكلام حسادة
ترحيب بعالم البامبرز
بعد مرات انا بحس انو العرس دا شرك كبير
الداخلو داير يتخارج
لكن حسادة بيتغاتت على العزاب
بلاى يا اميرة الشيخ افتحى بوست لنادى العزابة الاسفيرى
بلا عرس بلا تعارف
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
والغريبة يا أبوبكر لما العريس يكون ماشى ومتأبط العقد يقوموا أهل العروس
يعملوا فيها مجانين ويشبكو ليك نحن جدنا كان فلان الفلانى جاء بالبحر من الأبيض وحبوبتنا
جدها الشيخ فلان كان بروب الموية عديل....
المهم صحبك يرجع البيت ويكون يتعرف على كل أهل السودان
وفى النهاية يطلع جد العروس ود خالة حبوبة أمو
| |
|
|
|
|
|
|
|
|
|
Re: تمشى تتعرف يعقدو ليك (Re: صلاح أبودية)
|
أبوبكر يا أخوووووي ،،،
قول لى الناس اللى بتعقد طوالى ديل وين عشان أمشي ليهم على طول ،،،
يااااااااخ ديل أحسن ناس ،،، مالكم خايفين وبتجغلبوا كده ،،،
الموضوع ده جايييييكم جاييييكم ،،، وماااافى منو فكاااااااك ،،،
تخريمه صغيره ،،،
ابوبكر جاييك نهاية مايو ده عبر سواكن ،،، إنتظرني عشان تعرفني على ناسك ديل ،،، وأنا جاااااااهز .
| |
|
|
|
|
|
|
|
|
|
Re: تمشى تتعرف يعقدو ليك (Re: محمد خليل ساني)
|
| Quote: يعملوا فيها مجانين ويشبكو ليك نحن جدنا كان فلان الفلانى جاء بالبحر من الأبيض وحبوبتنا |
سلامات ياصلاح
دى أنا متاكد منها, لأنى حضرت طلبات و تعارفات كتيرة
لمن عندى خبرة , يعنى كيف تبدا الحنك, و التنحنح, وطقطيق الاصابعين
بذكر قصة , يوم كنت فى طلب, و بعد ان دارت كؤوس البيبسى و الخبيز و الفشار, أنشغل الجميع بالحديث عن السوق و امور تجارتهم, و فجاءة انطلق صوت مدوى ( الولد ولدنا, و البت بتنا, الفاتحة)
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
| Quote: قول لى الناس اللى بتعقد طوالى ديل وين عشان أمشي ليهم على طول ،،، |
سلامات يامحمد
يازول هوى الكلام دا ببقا ليك تركوازى بعدين
تعال بس فى سواكن دى بجيهك
و متبرع ليك من اسة بالفنان
و طوالى ياجامد يسلموك المدام و تبقى زاحى بطريق عطبرة
| Quote: ابوبكر جاييك نهاية مايو ده عبر سواكن ،،، إنتظرني عشان تعرفني على ناسك ديل ،،، وأنا جاااااااهز |
حبابك الف
وكل البورداب مستعدين لكافة الخدمات التخليصية
لكن بلاى ماتبقو زى معتصم الجمام, عزمناهو غدوة سمك ناجل,
تخيل يامحد سمك ناجل ودراك و صيادية, و رفض بحجة الاستعجال
مسكين ماهو عارف الناجل و طعم الصيادية فى سواكن
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
Quote: لكن بلاى ماتبقو زى معتصم الجمام, عزمناهو غدوة سمك ناجل,
تخيل يامحد سمك ناجل ودراك و صيادية, و رفض بحجة الاستعجال
مسكين ماهو عارف الناجل و طعم الصيادية فى سواكن |
يا أبو بكر .. الزول عارف طعم الناجل والدراك والصيادية وكل حاجة ..
بس يظهر عليه خاف لما يصلكم يلقى ..
Quote: كم قلم للماذون
كمية من الرخص و البطايق و الجوازات |
أها بعد داك حكاية (خلوني أجيب أهلي) ما بتنفع ..
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
| Quote: انا شخصيا لو كنت العريس ، وحصل لى كدا ، بفكر فى حاجة واحدة بس ، انو العروس فيها مشكلة وحكاية العقد دى كمين |
غايتو ياشمائل بينى و بينك مرات بتحصل, لكن غالبا عرس البت صعب عشان كدا بتخارجو منها.
واحد قريبنا مشو يخطبو حمولة هايس, لقو تجهيزات لخمسمية ضيف. العريس حكى راسو و سرح و قالو ابتسم بشراهة فى اغنية ( فى الليلة ديك)
قالو ...
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
نحن كعزاب اولاد, غايتو بنطمن فى روحنا انو نحن بقينا غاليين و بفتشو لينا بالفتاشة
عشان كدا دا ينبغى على اهل العروس يقدمو تضحيات هائلة عشان يكون عش الزوجية (جاذب)
يعنى هى ماحاجات كتيرة
العروس تجيب شيلتا و دهبا براها
و يجيبو للعريس شيلة متكاملة
و يدفعو حق المأذون و الفنان و التصوير
و يرجعو ناس الكلاكلة و الثورة و الحلفايا
و يدفعو للعريس بدل رهاب (mania) صرصرة وش من ام العروس
و بدلات اخرى
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
Quote: تسوق اهلك عشان تمشى تتعرف و كدا
فجاءة ينبرى احدهم و يلقى خطبة عصماء يختتمها بخير البر عاجله
و فجاءة يظهر الماذون و يعقدو ليك
|
السلام عليكم يا جماعة
الموضوع هادف وجادى وجميل وانتوا حولتوهو لى دعابة وما خليتوهو يمشى فى المسار
الصحيح الكلام ده زمان او قبل فترة زمنية محددة ما كان بحصل ابدا ما سالتوا نفسكم
ليه انا اجاوب ليكم لانه الاهل هم البختاروا العروس فى كتير من الحالات بمشى العريس
عشان يشوف العروس ويتعرفوا على الاهل لكن الان كل الشباب هم بختاروا ويحددوا كل شىء
وبعدين الاهل بمشوا بس لاكمال المراسيم انا شخصيا ونسبة لكل الظروف الفى البلد من غلاء
ومن مبالغات لا ارفض ان اعقد لى بتى او ولدى بهذه الصورة وليه افكر ان العروس بها
عيب اذا اصلا ولدى اختارها وبحبها طوالى امشى اعقد ليه واخلى العلاقة مشروعة ويجهزوا
للزواج كل حاجاتهم مع بعض والعروس تختار حاجاتها بى راحتها ويطلعوا يخططوا لمستقبلهم وياسسوا بيتهم مش احسن من الناس تظلم البت طالعها ونازلها مع العريس ده بعد كده حتزوجها
ولا لا ليه نحن نستهزأ ونضحك على التصرف الصحيح ونخلى التصرفات الخطأ ونمشى عليها ونشوفها عادية حصلت لينا كتير فى اسرتنا نمشى نخطب لولدنا ونجد اهل العروس خسرانين عشاء على مستوى ومرطبات وطوالى نستشير اهلها ونعقد ونخفف على ابوها الدعوة بتاعت الزواج لان الحكاية مكلفة شديد والزمن ده الشاب لو ما مقتنع بالعروس اصلا الهله ما بمشوا معاهو وفى نفس الوقت بكون اهله عارفين وسالوا عن الاسرة والبنت من بدرى .
والقالت اذا قالوا نعقد بتشك انه البنت فيها شىء بقول ليها خافى الله وبس .
وبالمناسبة حكاية نعقد دى فى الغالب بتجى من اهل العريس ومرات كتيرة اهل العروس برفضوا يقولوا ما كلمنا اهلنا كلهم .
ولى عودة
تحياتى ليك ابو بكر
ام وضاح
| |
|
|
|
|
|
|
|
|
|
Re: تمشى تتعرف يعقدو ليك (Re: essam&amal)
|
أم وضااااح ،،،
عشره على عشره والله ،،،
كلامك زين وجميل و موزون كمان ،،،
عشان كده يا بخت اللى يناسبكم ،،،
نسيبته تكون بمستوى الفهم الراقى ده ،،،
تسلمي عن جد والله ،،،
ريحتينى من الإجابه على كلام شمائل ،،،
بالفعل الكلام فيه تجني شديد ،،،
بس ما أظن هى قاصده المعنى ده ،،،
يا شمائل الكره فى ملعبك ،،، يلا أخلى ساحتك من المسؤوليه ،،،
| |
|
|
|
|
|
|
|
|
|
Re: تمشى تتعرف يعقدو ليك (Re: محمد خليل ساني)
|
تحياتى ام وضاح
الغرض الاساسى من البوست, انو بيحصل حزن لام لم تحضر عقد ولدها للاستعجال. و لأب كان مسافرا و لم ينتظروه. تمر على البنى ادم خلال حياته ثلاث مناسبات هامة, واحدة منها الزواج. التى ينبغى ان تكون كما يحب و يشتهى ,قولك اماانو ناس العروس خسرو, فهم مفترض يصرفو على قدر التعارف , مافى داعى للمبالغة لدرجة تحسسك انو طالما كدا أنعقد ياخوانا.
| |
|
|
|
|
|
|
|
|
|
Re: تمشى تتعرف يعقدو ليك (Re: محمد خليل ساني)
|
Quote: أم وضااااح ،،،
عشره على عشره والله ،،،
كلامك زين وجميل و موزون كمان ،،،
عشان كده يا بخت اللى يناسبكم ،،،
نسيبته تكون بمستوى الفهم الراقى ده ،،،
تسلمي عن جد والله ،،،
|
محمد خليل
سلامات
سيدنا عمر قال اخطب لبنتك
نحن فى الانتظار
تحياتى ليك
ام وضاح
| |
|
|
|
|
|
|
|
|
|
Re: تمشى تتعرف يعقدو ليك (Re: essam&amal)
|
صباحك زين ،،،
يلا وانا جاهز كمان ،،،
ما عندي مانع ،،، قولى بس أجيكم وين ،،،
بس ما تنطوا بعدين ،،،
وما تقولوا لى العريس شييين وكبيييير وكده ،،،
أهااااااا الكوره فى ملعبكم ،،، ح تقولوا شنو ،،،
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
Quote: نحن كعزاب اولاد, غايتو بنطمن فى روحنا انو نحن بقينا غاليين و بفتشو لينا بالفتاشة
عشان كدا دا ينبغى على اهل العروس يقدمو تضحيات هائلة عشان يكون عش الزوجية (جاذب)
يعنى هى ماحاجات كتيرة
العروس تجيب شيلتا و دهبا براها
و يجيبو للعريس شيلة متكاملة
و يدفعو حق المأذون و الفنان و التصوير
و يرجعو ناس الكلاكلة و الثورة و الحلفايا
و يدفعو للعريس بدل رهاب (mania) صرصرة وش من ام العروس
و بدلات اخرى |
شكرا ابو بكر على تعقيبك
لكن كلامك الفوق ده بلو واشرب مويته
البنات بقو دهب مجمر تعليم ووظائف تحيرك والشباب هم البتجارو يمين وشمال
اقعد قول بيفتشوا لينا كده لمن تلقى واطاتك اصبحت .
متغايظة من كلامك ده لمن رجعت ليك البوست من الصفحة الخامسه .
اها رايك شنو ؟؟؟؟؟
عندنا بتنا اتعينت فى زين بسبعة مليون اها دى كيف تفتشوا ليها ولا
تفتش ليكم منتظرين ردك يا حبيب ؟
تحياتى ليك وزوارك الظريفين
ام وضاح
| |
|
|
|
|
|
|
|
|
|
Re: تمشى تتعرف يعقدو ليك (Re: essam&amal)
|
العزيز ابوبكر وضيوفه..
سلامات ومحبة
الموضوع جميل وشيًق وفيه الكثير البيتقال..
وحسب رأيي إنه الأشكال والتعقيدات البتحصل في خطوات الزواج مرات كتيرة مافي داعي ليها وزيادة تكاليف.
وإتخيل لي ما دام الإتنين بيعرفو بعض وموافقين. يفرق شنو العقد في ساعاتها أو تأجيله..؟
* أم وضاح يا حبيبة.. سلامات وإعجاب بكلامك الفوق ده
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
عندنا قريبنا (ود اختنا اسمو زهير، ولا داعى لذكر الأسماء) كنت متهمو بانو بدس المأذون جنب الموتر ....مما يسمع بى تعارف ولا قولة خير، يربط المأذون فى الموتر ويفتح .... أول مما يصل ينبرى (البرية إياها) ويقفل بى خير البر عاجله ويفرتق المأذون فى الجماعة ....
المداخلة دى طبعاً مقصود بيها فضيحة لى زهير
المهم .....
| |
|
|
|
|
|
|
|
|
|
Re: تمشى تتعرف يعقدو ليك (Re: تبارك شيخ الدين جبريل)
|
| Quote: لكن كلامك الفوق ده بلو واشرب مويته |
شكرا أم وضاح للتعقيب
هو فعلا كلام هضربة ساكت, لى زول غالبو العرس. هى صارت مقولة شائعة نخدر بها انفسنا و ادعاءنااننا مرغوب فينا و بشدة. و كذبنا ايضا عن عن عدم تكافؤ عدد البنات للاولاد الشئ الذى يعمى عيوننا و يسلمنا للخدر اللذيذ.و تمر السنوات و يكثر الشعر الابيض و نكابر و نكابر.
لو قرأت بين السطور لتبينت انها سخرية مريرة لعجز يطوق الشباب لاسباب معروفة تماما, تعترض طريق زورقهم بصخورها الحادة, بعضهم ينجح و بعضم يفشل.
| Quote: متغايظة من كلامك ده لمن رجعت ليك البوست من الصفحة الخامسه |
ارجو ان تزول اسباب غيظك بعد هذا الدفق الحنين.
| Quote: عندنا بتنا اتعينت فى زين بسبعة مليون اها دى كيف تفتشوا ليها ولا |
هو جنس فتيش
كدى اول شئ نحاول نعمل ليها باس ويرد هنا
بعد داك المسنجر بتم الباقى
شكرا كتير ام وضاح
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
| Quote: وإتخيل لي ما دام الإتنين بيعرفو بعض وموافقين. يفرق شنو العقد في ساعاتها أو تأجيله..؟ |
سلامات يارجاء
هنا مافى مشكلة و دا شئ جميل , لكن تقاليدنا بتقول الكبار يحضرو, و من الجميل انو نعزهم بالتوكيل و الشهادة على العقد.
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
| Quote: والله المثل ده اول مره اسمع بيهو |
تحياتى السنوسى
دا ريمكس للامثال
| Quote: تعرف الحاجات دي يا ابوبكر اخوي... ذي التيرموميتر لاختبار مدي تحمل الرجل لمسؤليته |
قطعا تحمل المسؤلية شئ رائع. لكن المحزن انو البعض بيفتكرو انو كلما مالراجل دفع, بيكون اكمثر تمسكا.
دا كلام ماسليم
لانو الماديات لاتحدد شكل العلاقة و تمساكها, و انما الحب
بجى لى دى بالتفصيل
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
| Quote: عندنا بتنا اتعينت فى زين بسبعة مليون اها دى كيف تفتشوا ليها ولا |
؟؟؟؟؟؟؟؟؟؟؟؟؟؟؟؟؟؟؟؟
_____________________________________
انا براى الإتخيلت انو الزول دة بتكلم عن العرس؟
المهم ....
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
Quote: يلا وانا جاهز كمان ،،،
|
طيب نوصلك للنهاية طالما انت جادى
| Quote: ما عندي مانع ،،، قولى بس أجيكم وين ،،، |
من نزلتك من الباخرة بنتلافاك يدقو ليك فى جوازك دخول و فى القفص الدهبى برضو دخول
Quote: وما تقولوا لى العريس شييين وكبيييير وكده ،،،
|
ياخ بالغت ياخ, شين شايفنك شوف عين , كبير بنمشى نفتش ملفاتك يمكن ناسى صورة شهادة ميلاد جاى جاى
| Quote: أهااااااا الكوره فى ملعبكم ،،، ح تقولوا شنو ،،، |
كل المذكور اعلاه
و الله ياسانى انا خايف تزوغ تجى بالخرطوم
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
D:
تعرف ياسانى انا بالخطا رديت عليك , انت موجه كلامك لام وضاح
لكن برضو مابسحبو
تخيل ياسانى عقدك يكون شهود عليهو كل المسافرين فى الباخرة و ضباط الجمارك
ويشهد عليهو البحر اللحمر و جزيرة سواكن تعاين ليك
ياخ شهيتنى العقد
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
( الغالى بغلاتو)
تغوص هذه العبارة كالمدية حين اسمعها, و اتخيل رباط الزوجية كله رهن للذهب الذى اهدى و لفاخر الثياب. سمعتها كثيرا تتردد هنا و هناك, حتى كدت اصدق كلمة صديقتى الاوربية التى تلمح الى اننا نشترى زوجاتنا (purchase), و التى طالما فندتها.
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
الحبيب أبوبكر ،،،
كويس اللى رديت إنت ،،،
أصل أم وضاح طقعت لى ومحل ما مشت ما عارف ،،،
ما لقيتها تاني ،،، الواحد جهّز نفسو ،،،
أم العروس تهرب ،،، يا الله ،،، أكون كبير وشين فعلا ولآ شنو ،،،
ع العموم ،،، شوف يا أبوبكر لو جهزت لى عروس تحت سلم الباخره حأعقد عليها ،،،
عشان شهودك دييييييل ما يروحوا شمار فى مرقه ،،، شفت كيف ،،،
ما داير أوقع كلامك الواااااااطه ،،،
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
Quote: عليكالله وصفو لى
عشان لو لاقانى انا زاتى افتح |
هو ما بتوصف وصف واضح كدة، لاكين انت بتشوف ليك موتر فاتح وبى وراو دخاخين عاكلة، بعد الدخاخين فى "دُلقان" ابيض برفرف (غالباً عمة المأذون) بعد داك بتسمع ناس بقولوا "الفاتحة" طوالى تعرف انو زهير وصل!
__________________________
خلينى احكى ليك قصة عقدى:
2006 كنت فى رودآيلاند فى إجازة الـ Thanks giving الأمريكية (بما اننا كأجانب ما عندنا إجازات خاصة بينا) فى بيت شقيقتى عائشة وزوجها زميلى الفنان التشكيلى إسماعيل فرح. كنت بصحبة ابنى "أمجاد" وكان الحضور يحتوى شقيقتى تماضر وأسرتها، والتشكيلى صلاح فرح (شقيق اسماعيل) وأسرته، يعنى لمة أسرية حلوة ومأمونة ....
أتصال هاتفى مع السودان (مع المعقود عليها الدكتورة عائشة عبدالباسط)
- إزيك يا عشة ..
- تبارك؟ ... وين انت؟ بضرب ليك تلفونك مقفول ...
- آى انا مسافر وبطاريتى خلصانة وما معاى شاحن. ليه ؟ فى حاجة مهمة؟
- طبعاً فى حاجة مهمة! الليلة العقد بتاعك، وانت ما معزوم!!!!!!!!!
........
- ها ها ها ها .........
- تضحك شنو؟ الناس ديل ماشين الجامع ودايرنك تضرب ليهم!
...........
ونواصل
| |
|
|
|
|
|
|
|
|
|
Re: تمشى تتعرف يعقدو ليك (Re: تبارك شيخ الدين جبريل)
|
| Quote: ع العموم ،،، شوف يا أبوبكر لو جهزت لى عروس تحت سلم الباخره حأعقد عليها ،،، |
سلامات
معليش للغياب مشيت رحلة اركويت
دى نظام توجيع و كدا
ام بخصوص اشوف ليك عروس
بعد الشفتو فى صورك ديك ريهام عبدالغفور و سيرينا و درو باريمور, مااظن تعرس قريب
تخريمة : درو باريمور ماشفتها لكن متمنيك تلاقيها
بكون زى الاقيتا انا ياخ
انتظر صور اركويت , انس بس
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
أبوبكر
كيفنك ... واحد أخونا الجماعة خمخم مشوا معاهو للتعارف ، قااام واحد قال ياجماعة نعقد ، قوووووم ياخال البت قول : ياجماعة أحسن خلوهم يضوقوا حلاوة فترة الخطوبة ... قلنا خيييييييير ... الخترة بعد تلاتة شهور الموضوع طرشق .. صاحبنا عرس بعد داك .. والمسكينة لليلى بايرة ...
أها عاد نبقى فى الزى ده ...
معا من أجل مأذون خلف كل باب
______________________
قواسيب محبتى للجميع ، خصوصا العزابة من الجنسين
| |
|
|
|
|
|
|
|
|
|
Re: تمشى تتعرف يعقدو ليك (Re: محي الدين جبريل)
|
| Quote: معا من أجل مأذون خلف كل باب |
تحياتى محى الدين
يامتزوجين بطلو الحسادة
تخريمة:
يازول انا ماقريت معاك سنة واحد (تالتة ثانوى) و علقت ليك فى بوست طارق جبريل
غايتو جنس ناس نسايين
تحياتى
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
Quote: الحبيب أبوبكر ،،،
كويس اللى رديت إنت ،،،
أصل أم وضاح طقعت لى ومحل ما مشت ما عارف ،،،
ما لقيتها تاني ،،، الواحد جهّز نفسو ،،،
أم العروس تهرب ،،، يا الله ،،، أكون كبير وشين فعلا ولآ شنو ،،،
ع العموم ،،، شوف يا أبوبكر لو جهزت لى عروس تحت سلم الباخره حأعقد عليها ،،،
عشان شهودك دييييييل ما يروحوا شمار فى مرقه ،،، شفت كيف ،،،
ما داير أوقع كلامك الواااااااطه ،،، |
العريس محمد خليل
ما عاش من يطقع ليك
وانا اقدر يا ابو النسب
بعيد عنك جارتنا اتوفت لرحمة الله ده سبب تاخيرى
وبعد كدة ما لقيت البوست الا قبل شوية ..
يا اخوى وقع ليهو كلامو فى الواطة وتعال للعقد
نحن ما عندنا بنات بنعقد ليهم فى سلم الباخرة
لكن بنعقد ليهم بالفاتحة ...
معا لتسهيل الزواج لابنائنا ..
من اسمك ده حلفاوى
ومن هنا ارسل التحية لاحبائى ابناء حلفا هنا وبالامارات
كابت شريف وعصام طلسم وعادل شريفة والاخ العزيز سليمان سرى
تحياتى ليك
ام وضاح
| |
|
|
|
|
|
|
|
|
|
Re: تمشى تتعرف يعقدو ليك (Re: essam&amal)
|
ابوبكر الجميل كيفنك
والله موضوع جميل وشيق وعايشنو بكل تفاصيلو
ولو عملت استفتاء حاتلقي نص البورد واقع في المشكله دي
قبل كم شهر هنا في الدوحه مشينا مع ولد خالتنا
عشان التعارف والكلام البقولوه ده
اها ياحبيب اهل العروس طلعو زي صحبك ده ( امسك لي واقطع ليك )
واللزيز انو الشقه المقابلاهم كان مأذون
بالله في رمشه عين صحبك شغلنا ليه اغنيه
( راجل المره ده حلو حلا )
بس في رائي موضوع تحديد زمن العقد
ومراسم الزواج وما ادراك من التفاصيل دي
لازم تكون من الطرفين ( العريس والعروس )
ومامفروض الاهل يتدخلوا في الحاجه دي
...
والمصيبه الكبري في ابوبكر البقول انو الاولاد
بقوا غاليين وبفتشوا ليهم بالفتاشه
لكن الحمد لله جات ام وضاح شايله سوط العنج والجمتو وبلعتو لسانو
لانو دي مشكلتنا نحن الشباب نفرط في البت
بأسباب منطقيه او حتي غير منطقيه
ونجي نندم في النهاية
ونقول ياريت وياريت
بس ياريت لو كل الامهات زي ام وضاح
بالتفكير الراقي والجميل ده
ويخلو التطلع والعجرفه الزائفه
ويشوفو مصلحه بناتهم واولادهم
لك التحيه ام وضاح
وماتقولو خير وباركوالعرس يالامهات
| |
|
|
|
|
|
|
|
|
|
Re: تمشى تتعرف يعقدو ليك (Re: essam&amal)
|
أم وضاح ،،، نسيبتي الغاليه ،،،
أولا : تقبل الله عزاؤكم فى جارتك وربنا يدخلها الجنة مع الأبرار ،،،
سلامات ،،، الواحد كان بعيد عن البوست وإنتى عارفه السبب الم الوطن ،،،
بعدين أقوليك حاجه ،،، كلامك حلو شديد ،،،
كده يا دوب ترجعى للواحد ثقته فى نفسه ،،، بدل الطقيع داك ،،،
إنتى عارفه الكثير من أصدقاء المنبر قالوا لى مالك مطقعين ليك كده ،،،
لكن كلامك ده خلى الواحد يمشي نافخ (نخرتو) فى السماء ،،، حلو التعبير ده مش كده ،،،
إنشاء الله على نهاية شهر خمسه ده حأكون فى طريقى لبورتسودان تحديدا ،،،
سأكون على تواصل معكم ونشوف برنامجنا ده حيمشي لى وين ،،،
جميع اللى ذكرتيهم من ابناء حلفا فى الخرطوم والإمارات سلامك وصل ليهم ،،،
يلا ما تنسي كملى معانا بوست العزيز أبوبكر على ،،، مع تقديري وإحترامي .
| |
|
|
|
|
|
|
|
|
|
Re: تمشى تتعرف يعقدو ليك (Re: محمد خليل ساني)
|
يا أهلنا اللى هنا واللى هناك ،،،
أخونا أبوبكر على ،،، ما مّر من هنا ،،،
الزول ده عقد ولآ شنو ،،، مالو مختفي كده ،،،
ولآ إحتمال يكون هربان من جماعته اللى مشى يتعرف عليهم ،،،
أظهر وبان عليك الأمان ،،،
لو فى زول شافوا أو بيعرف أخبار عنه يكلمنا يطمنا عليه ،،،
بالجد بتكلم أنا ،،، الحبيب ده طول ما دخل المنبر ،،،
والبوست دى رجعته من الصفحه الخامسه ،،، معقول بوست زى ده بيمشي هناك ،،،
تحت تحت
__________________________________
هاتفى الجوال معاكم 9745864399 ما تنسوا تطمنونا ،،،
| |
|
|
|
|
|
|
|
|
|
Re: تمشى تتعرف يعقدو ليك (Re: محمد خليل ساني)
|
يا شباب (أبوبكر على) ده قبضوه أهل العروس ولآ شنو ،،،
طولنا ونحن بنسال عليه ،،، وما فى رد ،،،
يكون الناس لسه جاريييين وراه ولا الحاصل شنو ،،،
ختينا التلفون ما فى فايده ،،،
سألنا كتير ما فى فايده ،،،
تاني نعمل شنو ما عارفين ،،،
بعد ده ما لينا إلا نجى سواكن عشان نسأل عليه ،،،
خلاص يا ناس سواكن جايييين عليكم عشان نشوف الحاصل ايه ،،،
إنتظرونا ولو فى أى أخبار ما تنسوا تكتبوها هنا ،،،
وفى حالة العدم ،،، رنه بس أو رساله بتقوم بالواجب ،،،
منتظرين ،،، ويا ابوبكر ،،، والله حيرتنا ،،، يا ريت تطمنا ،،،
| |
|
|
|
|
|
|
|
|
|
Re: تمشى تتعرف يعقدو ليك (Re: معاذ حسن)
|
و الله ياسانى المنبر دا من حالو انقلب فى الاحداث انا هجرتو تماما
يازول ماتخاف اخوك صامد
و لا مشيت اتعرفت و لا قبضونى
لكن اصاب احيانا برهاب المنبر فاهجره حينا و اعود
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
| Quote: واللزيز انو الشقه المقابلاهم كان مأذون |
الحبيب محمد الطيب سلامات
اها جالك كلامى و طوالى الماذون لفح جلابيتو و عمتو و دفترو
Quote: والمصيبه الكبري في ابوبكر البقول انو الاولاد
بقوا غاليين وبفتشوا ليهم بالفتاشه
لكن الحمد لله جات ام وضاح شايله سوط العنج والجمتو وبلعتو لسانو |
الكلام دا بتقال مننا اكيد كشباب, لكن هو زفرات حرى نطلقها لعجزناالمالى ربما.
Quote: بس ياريت لو كل الامهات زي ام وضاح
بالتفكير الراقي والجميل ده |
صدقا كلام ام وضاح جميل للغاية, لكن لازلن الامهات هنا يتمسكن باتمام كافة المراسم و انت تعلم جيدا كم تكلف.
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
| Quote: يا شباب (أبوبكر على) ده قبضوه أهل العروس ولآ شنو ،،، |
ياسانى ياخ انا لسة سغير سبعتاشر سنة و تلاتة شهور عرس شنو؟
| Quote: منتظرين ،،، ويا ابوبكر ،،، والله حيرتنا ،،، يا ريت تطمنا ،،، |
الحمد لله ياسانى انا بخير و منتظرنك ياجامد
و الله حسدتك ياخ
شايفك قبل ماتجى البروبوزالس نازلة عليك زى المطر
بختك ياعم ربنا يديك الفى مرادك
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
اللهم زد وبارك ،،،
اللهم لا حسد ،،،
يا ريت بعد ده يا أبوبكر نقدر نكمل الصوره دى ،،،
لكن لقيتك خطير ،،، وما بتقع بالساهل ،،،
كنت مفتكر أهلك قبضوك وعقدوا ليك ،،،
وإنتهت السالفه من أولها الى آخرها ،،،
قلت يا محمد إنت لمن تجي سواكن صحبك ده حـ يكون فى شهر العسل ،،،
طبعا ده ما كلامي ،،، ده كلام الناس كلهم يا جميل ،،،
يلا جهّز العروس والمأذون بتاعكم على سلم الباخره ،،،
مع عظيم محبتي وتقديري.
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
Quote:
بس ياريت لو كل الامهات زي ام وضاح
بالتفكير الراقي والجميل ده
ويخلو التطلع والعجرفه الزائفه
ويشوفو مصلحه بناتهم واولادهم
لك التحيه ام وضاح
|
الغالى محمد الطيب
شكرا ليك ........
لكن والحق يقال اذا تركن النساء العجرفة والطلبات الفارغة
كانت مشكلة الزواج دى انتهت من زمان ولكن ؟؟؟؟؟؟
ابقوا رجال فالحين واتفقوا من نخناروها شريكة لحياتكم ولن
تجدوا من يعرقل مسيرتكم يا محمد كم حضرت فى الايام الفاتت عدد
من عقودات الزواج الامهات ما قدرن على تغيير راى بناتهن مهما
فعلوا واتكلموا وزعلوا وكانت اعراس مختصرة شديد وبرغبة البنات
تمسكن برايهن وقالوا هن اولى بصرف القروش على تاثيث بيوتهن زالله
كم اعجبت بعدد من البنات تصرفن كده وعندى صديقة عزيزة على لازم
احكى ليكم عملت شنو ؟ عندها زواج بنتها الشهر الفات واخواتها
طلبوا منها تجهيزمبلغ خمسة مليون لفطور العريس اقل من كده ما حيمشوا
معاها عشان يكونواضحكة قدام الناس قالت ليهم عندى تلاتة قالوا ليها
ما بنفع قالت ليهم انا ما عندى فطور للعريس عشان النسوان يتلموا
ويقطعوا فينى جابت وما جابت واكملت الميلغ العندها للخمسة مليون
ودفعتوا قصد للسيارة من البنك واهدتها للعرسان { اصلا ما عندهم عربية }
والزموا بتقصيد باقى المنلغ للبنك وكانت فرحتهم لا تقدر قالت لى كل يوم اشوف
بتى العروس راكبة مع العريس يوصلها ويرجعها من مكتبها ابكى من الفرح واقول
البركة فى العربيةالنسوان ياكلوا السم .
التحية لصديقتى فاطمة خلف الله ولتصرفها السليم وعقبال باقى الامهات .
ابو بكر ومحمد الطيب اها رايكم شنو ؟؟؟؟؟
تحياتى ليكم
ام وضاح
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
جاتنى كمية من التلفونات من الصديقات ومعارفهن من المتصفحات للمنبر
محتجات شديد انهن يضرب بيهن المثل فى الطريقة التى زوجن بناتهن بيها من
تقليل للمهور او تفاصيل الزواج نفسه مفروض اذكرها هنا زى صديقتنا الاشترت
العربية بدل فطور العريس وانا بدورى ما عارفه انشرها هنا بعد اذن ابوبكر
ولا اعمل ليها بوست براها .
اها يا ابو بكر ومحمد الطيب ومحمد خليل مستعدين ؟؟
تحياتى ليكم
ام وضاح
| |
|
|
|
|
|
|
|
|
|
Re: تمشى تتعرف يعقدو ليك (Re: essam&amal)
|
العزيزه أم وضاح ،،،
والله أنا مستعد جنس إستعداد لمن داير أدوّر براي ،،،
خليك من الشباب الفوق ديك اللى بيساهروا فى سوق واقف حتى الصبح ،،،
شوفى ليك زول بينوم من الساعه 9 كده ،،،
الساعه 9 ،،، قال الساعه 9 ،،، والله دى وسعت منك يا محمد ،،،
شايفه كيف بكتب وبرد على نفسي ،،، أصلوا صاحب المكان غايب ،،،
ضربوا ليهو جرس عدييييل كده ،،، عشان كده مسجل هروب ،،،
على العموم أنا جااااي السودان ،،، وحالف ما برجع إلا وفى إيدي واحده ،،، عقد ممكن كحد أدني ،،،
غير ده ما برضى أبدا أبدا ،،، والحمدلله شايف العرايس موجودين بأمهاتهم الحلوين كمان ،،، نسيبات المستقبل
يا ابوبكر ،،، جهزت المأذون مع وجبة السمك الكاربه ،،، ولآ بقيت تخاف من السيره دي يا بطل ،،،
تخريمه صغيره
--------------------
أم وضاح سعدت كثيرا وتشرفت بالتحدث إليكي وسماع صوتك ،،،
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
سلامات يا ابوبكر
والله موضوع جميل جدا..قلت لى خايف
تدقس بس خلينى اقول لناهد
فى موضوع اخوها الكتبتو
Quote: ابوبكر
موضوع ظريييييف جدااا...وواقعى تسلم عليه
هسى فى الزمن ده ان بقى الشاب ساى لمح ......يجروه بنعلاته
للعرس .....
عندى اخوى شاب كده قول كم وعشرين كده عمره......
معاه بت فى الكليه زميلته ابوها مهندس ...فى السودان ......
وكنا فى الاجازة فى السودان...وكنت دايرة مهندس للبيت ....المهم
كلمته ...يشوف لى مهندس...قال لى خلاص ابو صاحبتى مهندس خلينى اكلمها
وارجع ليك ...ضرب ليها تلفون وتمت المحادثه دى...
الو ريهام ازيك
اهلا يا محمد
ناهد اختى جات من برة الاسبوع الفات
والله حمدلله بسلامتها
اها ...عشان ماعندى رصيد( ناهد اختى دايرة تجى تقابل ابوك....)
جدا يامحمد حددوا بتين وخليها تجى ....تشرفوا والله...الاربعاء كيف معاكم ؟
خلاص نقول الاربعاء على 8 كده ياريهام
خلاص يامحمد مع السلامه
جاء اليوم واتلبسنا انا وهو وبتى الكبيرة ومشينا
لقينا االبيت ده مستف عن اخره ناس...وتورتات وبارد وفطائر
قلت لى محمد اخوى :اسمع كيف حنتكلم مع الراجل ده عن البناء وسط الجماهير دى!!!
قمنا سألنا مرة قاعدة جنبنا عن زميلة محمد قالوا مافيشه .....برة البيت ....
المهم ضيفونا واكرمونا وماخلوا شىء..........
نادينا الاب المهندس بالجنبه كده واتأسفنا ليه(نطط عييونه من ناديناه)
وقلنا ليه نحن .... شكلنا جينا فى وقت مامناسب وكده للموضوع
الراجل هب فينا انا ومحمد ...وقال كيف الكلام ده ....!!!!!!!!
.نان انتوا جايين لى شنو......ومحددين ميعاد ....معاى لى شنو !!!!!!
قلت ليه بسرعه عشان الخرطه ....قال لى بنهرة خرطة شنو .....؟؟؟
.ثم انه ريهام قالت لينا انه محمد زميلها اخته جات من السعوديه وعايزه تقابلنى ...
محمد اخوى قال ليه:: ايوة ياعمى ...نقابلك عشان الخرطه
باين انه ريهام مافهمت الكلام ...وكده ياعم....ومعليش
الراجل كورك فينا واسكت ساكت من الحصل......
واخوى ده لسه طالب وفى تانيه جامعه
والتكتح ماعنده ......
مرقت طبعا شاكلت ليك محمد شكله ....
قلت ليه اسمع الزمن ده يامحمد تقول الكلام كله كاااااامل...كده...
(نحن ياريهام جايين نقابل انا وناهد اختى ومعانا بتها الكبيرة
ابوك المهندس عشان موضوع خرطة بيتها ...الحتبنيه فى حى كده)
شنو التمشى تقول ليها (دايرين مواعيد مع ابوك اختى عايزة تقابلوا ) |
تلقى اخوكى دا منجد امورو تحت تحت
وعملها فيك......قال المغتربة
دى لمن اختها فى الامر الواقع ما حل غير
العقد
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
العزيز ابوبكر ( اوسوك )
Quote: شمائل انا كان مانى خايف الزرزرة
بقول
والله لانادرة لا شئ
|
قوق قول يااااااااااااااخ الحبه ما بتجيك
تحياتى لك ولكل اهلنا بسواكن وبالاخص عز الدين يسن ..........
محبتى
حسين
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
سلامات يا حلوين
موضوع لذيذ
والله افتكر لو البت بت قبائل واهلاء عينن مليانة دا ما بحصل يلصقوها فى الماشى والغاشى
انا غايتوا اتزوجت قبل سنة وثمانية شهور راجلى رجولوا اتكسروا من الجرى
لندن كندا قطر والعكس بسافر ويجرى ويفتر وشى هدايا وشى تلفونات
قرب يبكى حتى ابوى رضى وعرسنى شفتوا كيف
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
Quote: على العموم أنا جااااي السودان ،،، وحالف ما برجع إلا وفى إيدي واحده ،،، عقد ممكن كحد أدني ،،،
غير ده ما برضى أبدا أبدا ،،، والحمدلله شايف العرايس موجودين بأمهاتهم الحلوين كمان ،،، نسيبات المستقبل |
ان شاء الله يا رب ده يوم المنى
وعقبال الباقين كلهم
ونحن فى الانتظار انت لحد الان ما اتحركت ولا شنو ؟؟
انا ما مستعدة كل يوم اشترى اكل للخروف ده دى ميزانية
اسرع والسودان كله فى انتظارك .
وسعدت كتير بسماع صوتك يا اصيل
تحياتى
ام وضاح
| |
|
|
|
|
|
|
|
|
|
Re: تمشى تتعرف يعقدو ليك (Re: ابوبكر على)
|
Quote: والله افتكر لو البت بت قبائل واهلاء عينن مليانة دا ما بحصل يلصقوها فى الماشى والغاشى
انا غايتوا اتزوجت قبل سنة وثمانية شهور راجلى رجولوا اتكسروا من الجرى
لندن كندا قطر والعكس بسافر ويجرى ويفتر وشى هدايا وشى تلفونات
قرب يبكى حتى ابوى رضى وعرسنى شفتوا كيف |
اولا استاذة وضاحة العبارة الفوق دى ما جميلة اطلاقا نحن ما اتكلمنا عن الغاشى والماشى نحن اتكلمنا عن زواج متكافىء وعريس تم باختيارها واى عريس قبل ما يوصل لاهل البت بكونوا عافتوا هو منو وود منو والبنت هى كلمت اهلها بان فلان ده جاى مع اهله لخطبتها بقولوا ليها ادينا فرصة بنحدد اليوم وبسالوا كعادة السودانيين من كل صغيرة وكبيرة اذا وجدوه كفء تماما بحددوا ليهو يوم واذا وجد فيه اى عيب او ما قبلانين بيهوا دى مسوؤلية البنت تنسحب منه بالطريقة البتكون مناسبة من غير جرح مشاعر وحصلت كتير جدا .
يعنى موضوعنا ده ما فاشى وماشى نحن بنتكلم عن بنات اسر ما بدوا لكل من هب ودب .يعنى لما اهلوا يجوا بكون اصلا تحصيل حاصل الموضوع منتهى ومرتب مع اهل البت ابوها واخوانها واعمامها واخوالهابقية الاسرة بنادوهم فى يوم التعارف .
وبعدين راجلك الرجولوا اتكسرت ده فى النهايى عرستيهوا طيب ما تعملوا بالسنة وتعرسيهوا من اول مرة لانه ده اختيارك وعارفه انك فى النهاية ختعرسيهوا المشى والجية فوق كم ؟
نحن زى البنقول ليهوا امشى وتعال ده ما بنديهوا بناتنا ده بنكون عاوزين نطفشوا النكون عاوزنوا بنعقد ليهوا طوالى بكون ده النسيب التمام بنخجل لما نوديهوا ونجيبوا .
| Quote: قرب يبكى حتى ابوى رضى وعرسنى شفتوا كيف |
اها البقرب يبكى ده ما مننا ما بمسك ايد بنات الرجال نظامنا كده .
Quote: والله افتكر لو البت بت قبائل واهلاء عينن مليانة دا ما بحصل يلصقوها فى الماشى والغاشى
|
والله بناتنا بنات قبائل واسياد بلد وعينن ملانة لمن مفضله وما بجونا الا الرجال الواثقين من نفسهم والما واثق من نفسه اصلا ما بصلنا ابدا ورجال القبائل الصحى هم البعقدو طوالى .
وقال نبينا { ص }
خير البر عاجله
واقلهن مهرا اكثرهن بركة
وراجعه ليكم يا احباب
ام وضاح
| |
|
|
|
|
|
|
| |
خالد الجبل
عمران حسن صالح
waleed dawash
انتصار محمد صالخ بشير
قرشـــو
ابوعبيدة حسن محمد
عبدالله كع
د.محمد حسن
انعام عبد الحفيظ
Elawad Eltayeb
ناهد بشير الطيب
Rihab Khalifa
طارق جبريل
فدوى الشريف
-1.jpg)
معاوية الطيب
Hisham Ibrahim
صلاح أبودية
محمد خليل ساني
الصادق صديق سلمان
essam&amal
Raja
Elsanosi Badr
تبارك شيخ الدين جبريل
محي الدين جبريل
محمد الطيب حسن
معاذ حسن
حسين عوضاى
وضاحة
فيس بوك
تويتر
انستقرام
يوتيوب
بنتيريست