هل الشموليه هي الوجه الاخر للعقل والسلوك السوداني

Quote: آمنة، بقراءة مجمل مداخالاتك اعتقد ان ما سأقوله لك الآن يعد نثرا للورود في مقياس الحدة . لا يمكنك محاسبة الآخرين بحسب ما يدور في ذهنك فقط. لقد خلطت بين موقفك مما قالته نور تاور في مقام آخر و ما علقت به تيسير و اتبعتيه بعنف لفظي غير مبرر بدون إيراد أي دليل ولم تفندي ما ردت به تيسير من توضيح للخلفية التي ذكرتيها للخلاف فيما بينكم ولم يفتح الله عليكي إلا بسيل من الشتائم تنقص من قدرك انت فقط. الشتائم و ذم الآخرين لا يصدران من ذي رؤية حصيفة و متروية كما ذكرت عن نفسك . كما لا أجد لك مبررا لتقيم الآخرين و مشاركاتهم بهذا الشكل الجارح فالحكيم الحق محب للحكمة ولا يدعيها. ولو اتفقنا جدلا في حقك في تبخيس مجهود الآخرين وددت لو أوضحت ذلك بدون تحميل الكلام ما لا يحتمل كذريعة لإبداء رأيك.

Quote: فالحكيم الحق محب للحكمة ولا يدعيها

!!!!!!

فالان فقط..(فهمت)...و ( استوعبت)..
سبب نقمتك على ..

لأن البعض هنا وهناك أطلق على( رغما عنى) لقب ( حكيمة )..

قيبدو ان هذا اللقب أغاظك جدا..وأوغر صدرك ضدى من حيث لا أدرى ..

والا..
متى ( ادعيت ) أنا( الحكمة) يا شاطرة ؟؟؟!!!!!

فشخصيا..أكره الألقاب جدا..
لأنها تحصرنى فى (قالب معين ) ..وأنا عايزة أكون ( حرة نفسى وأخرمج براحتى )..

لذلك يشهد على هذا المنبر اننى كتبت بوست كامل أناشد فيه الجميع
بالكف عن مناداتى بالألقاب..

وكذلك أحرجت الأخ ( عادل عبد العاطى ) فى بوست من بوستاته..
طالبة منه أن يكف عن مناداتى ب ( الحكيمة )..

وفى منبر آخر ..تم اختيارى ضمن (لجنة الحكماء) فسخرت من هذا اللقب..
وطالبت تغييره الى ( لجنة التحكيم )..

بل وتمردت على اختيارى ضمن هذه اللجنة ..رغم ان الاختيار كان ب(الانتخاب)..
واستقلت من هذه اللجنة ولم أمارس مهامى فيها ولا يوما واحدا..

حتى أسألى الشهود ..وهم :
عادل عبد العاطى
ورأفت ميلاد
وأبو جهينة
ومحمد مكى محمد

يعنى باختصار يا عزاز..
أنا لا أدعى شيئا..
وانما الأشياء تدعينى
ولو كنت من المدعين
لكنت مثل (مفرمة الملوخية ) زى ما قالت صحبتك ..محلك سر..
ولما تقدمت خطوة واحدة للأمام..

يا عزاز..
أمثالى لا يهمهم رأى الناس فيهم..
لأنهم عندهم قضايا يحاربون من أجلها..
وليس لديهم وقت أو رغبة ل( تلميع الذات)..
فهذا ترف غير متاح الا ( للفارغين )و ( عاشقى ذواتهم)من المغرورين ..
اليدهم فى الموية ..
أمثالكم..

مفهوم...,لا ما مفهوم..
_______

أما موضوع تيسير ..فيكفى انها عارفة وأنا عارفة والله عارف..
وبصراحة ليس لدى وقت لنكت ( غمزها ولمزها ) العبيط زيها..
واذا وقف معها جميع من فى هذا المنبر ..
فسيكون أمر طبيعى..ولن يدهشنى..
فهكذا هى الأمور فى هذا المنبر..
منذ أن وطأته قدماى ..
ولن يؤرقنى أمر محاولة الدفاع عن نفسى كثيرا..
فقد تخطيت هذه المرحلة زماااان..
والعارف عزو مستريح ..جدا

_______

أما أنت يا عادل عثمان..
فاياك ثم اياك أن تتحدث معى بهذه اللهجة الآمرة مرة أخرى..
وليس لك أى حق فى أن تطالبنى بالاعتذار لفلانة ولا فلان..
فأنت لست قاضى القضاة هنا..
والفيك بدربو...
( هل نسيت شتيمتك العجيبة لسارة عيسى )؟؟!!

على رأى المثل : الجمل ما بشوف عوجة رقبتو..

وبصراحة زهجنا ..من الفلهمة العورا وشيل البطارية فى القمرا ..


_____
معليش يا زهرة..
زى ما انتى شايفة..كان لابد من العودة..
لأن ( بعض الجهلاء ) ظنوه هروبا..

Quote: ثانيا : انت أساسا واحدة من الشخصيات التى تحيرنى كثيرا فى هذا المنبر وعندى فيها راى (قدر الليلة وبكرة)

Quote: لأنك واحدة من الكاتبات التى كثيرا ما ابديت اعجابى بكتاباتهن علنا .. وايضا فى الماسينجر..( بكل الطيبة والنقاء والوضوح الذى تربيت عليه ) ولكن موقفك تجاهى كان غريبا جدا.. ( منتهى البرود والتعالى ).. تداخلت لك فى أكثر من بوست.. ولم تتداخلى الا فى بوست واحد لى ( من باب المجاملة ) وتعاملك معى كان باختصار ( التجاهل التام).. ولم أدر حتى الان : هل الأمر تعالى من قبلك لأننى ( غلطت ) وأبديت اعجابى بكتاباتك؟! لذلك أعطيتك فرصة حتى ترسمى نفسك على ..وتعملى فيها مهمة ؟! أم ان هذا الأمر وراثى فى ( زمرتك) من ناس الشمال فى تعاملهم المعتاد مع أهل الهوامش والأطراف؟! ( يعنى عرقية وجهوية ببساطة ) لأنك لست وحدك فى هذا التصرف ( الغريب) و( المتعالى ) .. فقد لمست هذا السلوك ( العبيط ) فى كذا شخصية فى هذا المنبر.. فهذا المنبر أتاح لى الاحتكاك بالسودانيين من كل الجهات .. كما لم يتحه لى مكان آخر.. وهذا الطبع ( الغريب) لمسته عند أخل الشمال والوسط ( خاصة )..

طبعا في موسيقى رومانسية على خلفيةالاقتباس ده مع بداية الجملة بتاعت الطيبة و النقاء blah blah
ردك الفوق ده تحفة فنية والله غالبني ابتدي من وين! المهم اللي قدرت افك شفرته هو الآتي:
انا من الشمالية بالتالي متعالية ولازم كنت اقدم فروض الولاء و الطاعة لانو انت اتعلمتي القراية و قادك القدر لطريقي علشان تقري لي. عموما ما تقلقي، الآلهة حطلع ميتين اهلي لأنو انا ما شاكرة نعم و ما قدرت انو جهلولة العصر و الزمان اعجبت بي وانا ما قدرت.
ثم ثانيا، مع انو ما قدرت افهم علاقة الماسنجر بالتربية، بس الفهمتو (والفهم قسم زي ما انتي ست العارفين) انتي حصة التربية الوحيدة الحضرتيها كانت ( 101 الصراحة في الماسنجر ) و ما تميتي الكورس.

طبعا يا آمنة مختار الانا عندك وارمة ورم السنين .. وارمة اكتر من فشتي الي ورمتيها انتي بردودك المهلهلة دي و تفترضين في نفسك قيمة لا يراها أحد سواك. نظاراتك الكبار ديليك كانو نظر ولا شمش؟ غالبا شمش لانو الطشاش ده ما نصيح.

Quote: لكن عارفة يا عزاز.. الليلة حيرتى حول شأنك ( انت بالذات ) انتهت .. عارفة ليه؟ من هذه العبارة التى (أفلتت ) منك عفوا وكشفت عمافى دواخلك تجاهى : Quote: فالحكيم الحق محب للحكمة ولا يدعيها !!!!!!

لا! (وش خاتي ايدو فوق خشمو من الصدمة) كشفتيني! لا ياخ

دواخلي دي انتي ما ليك فيها مليمتر واحد! حتى لو سموك عشتار رمز الألهة المؤنثة دواخلي دي إلا تخشيها لوتري

Quote: لأن البعض هنا وهناك أطلق على( رغما عنى) لقب ( حكيمة ).. قيبدو ان هذا اللقب أغاظك جدا..وأوغر صدرك ضدى من حيث لا أدرى ..

لوووووووووووووووووووووووووووووووول دي عسل! يا بت انتي خسارة في البورد عليك الله ما تضيعي مواهبك الفكاهية في السهلة ساي.

Quote: فشخصيا..أكره الألقاب جدا.. لأنها تحصرنى فى (قالب معين ) ..وأنا عايزة أكون ( حرة نفسى وأخرمج براحتى )..

وانا ابصم بالعشرة انو انتي خرماجة

Quote: لذلك يشهد على هذا المنبر اننى كتبت بوست كامل أناشد فيه الجميع بالكف عن مناداتى بالألقاب..

اسمحي لي بالرقصة دي

Quote: وانما الأشياء تدعينى ولو كنت من المدعين لكنت مثل (مفرمة الملوخية ) زى ما قالت صحبتك ..محلك سر.. ولما تقدمت خطوة واحدة للأمام..

وانتي مشيتي وين حسي؟ الأمام ده قصدك الاسفل؟
والله تيسير احسنت الظن فيك لما سمتك مفرمة الملوخية لانو مفرمة الملوخية بتدينا ملوخية مفرومة تسر الناظرين انتي بتدينا شنو؟؟

Quote: نظاراتك الكبار ديليك كانو نظر ولا شمش؟ غالبا شمش لانو الطشاش ده ما نصيح.

ده حقد شنو ده يا ربى المركب ده ؟!
والأدهى من ذلك انو ( من غير سبب معروف)..

نضاراتى الكبار ديل يا فالحة من القراية والعلم..
مش من روتانا سينما ولا الال بى سى ..

شهاداتى ( تلبسك توب) ..قولى ماشاء الله

Quote: نضاراتى الكبار ديل يا فالحة من القراية والعلم.. مش من روتانا سينما ولا الال بى سى .. شهاداتى ( تلبسك توب) ..قولى ماشاء الله

وعلى سيرة القنوات الفضائية، ايه رأيك ارشحك لبرنامج مع جويل احلى؟
البرنامج ده ما جابو فيهو إلا سودانية و احدة بس
شاركي و تأكدي انو بساندك و بعمل ليك حملة دعم شديدة خلاص
وبكده نكون خدمنا ا لبوست ده و حاربنا الشمولية بمثال حي.

Quote: غايتو الله يسامحك يا عادل عبد العاطى .. فى داعى كان للقب ( حكيمة ) وما حكيمة ..نحنا ناقصين أحقاد..

حكيمة و بتدي حقن ؟
شكيتك لالله ياعادل عبدالعاطي اللي فكيت فينا حكمة الله دي!

ثم ثانيا، على قولة خالتي انتي موش محارباني؟ دخلتي رديتي ليه تاني؟ انت لسة بتحبيني يا امونة؟
انا بقولك كلام جد، انا لا حاقدة عليك لا بعرفك وانا بحكم عليك من كلامك و تعاملك مع الآخرين اللي كلو غباين و أوهام.
انا زاتي كتبتي فيني عريضة وانا كنت مفتكرة انو انا كنت على خط الحياد وسمعتيني كلام فارغ علشان ارسلتي لي رسالة
أو كنت مقلة في التداخل معاك في حين انو انا اصلا ما بتداخل كثير حتى مع اعز اصدقائي و اللي كلامهم عليه القيمة
وما جيت المنبر ده علشان اعمل اجتماعيات و احابي فلان و فلتكان ...
اقعدي كده بينك و بين نفسك وفكري في كلامك القبيل لتيسير و حتلاقي انو انت فعلا تجنيتي
و اتذكري انو المشاعر السلبية بضر صاحبها اكثر ...
ما ترهقي روحك ووجودك بالشكل ده و راحمي نفسك ...
يا بخت من بات مظلوم و لا بتش ظالم وما تسرقك السكينة لانو الهلمة دي كلها لزوال
و تاريخك البتخافي عليهو اغلبه ظلم و تجني على الآخرين.
لنصيحة اخيرة خديها او ارميها البحر انتي حرة،
ما تفتكري انو النضال بيكون بنوع التصرفات دي ولا انو في حق بيرجع بالطريقة دي ...
و ما تنسي انو الأدب فضلوه على العلم!

Quote: أما أنت يا عادل عثمان.. فاياك ثم اياك أن تتحدث معى بهذه اللهجة الآمرة مرة أخرى.. وليس لك أى حق فى أن تطالبنى بالاعتذار لفلانة ولا فلان.. فأنت لست قاضى القضاة هنا.. والفيك بدربو... ( هل نسيت شتيمتك العجيبة لسارة عيسى )؟؟!! على رأى المثل : الجمل ما بشوف عوجة رقبتو.. وبصراحة زهجنا ..من الفلهمة العورا وشيل البطارية فى القمرا ..

Quote: الليدى ديانا.. وتحية بطعم الباذنجان و سلطة الدكوة وملاح ام فتفت، أيوة كده أرجعى لأصلك.. وخليكى من أسلوب مذيعات القنوات الفضائية اللبنانية.. بصراحة كدة يا امونة ردك ما على مستوى الحدث (وش قلقان عليك شديد) لياقتك ما ياها ... والله انت فعلا مسكينة.. لياقتى انت بتعرفى عنها شنو.. يا زولة أنا نفسى طويييييييل.. وزى سمكة القرش ..بغيب براحتى..وأرجع كل مرة انتش منك حتة.. أمانة ما تعبتى معاى ..( بجد شفقانة عليكى).. وما كنت بتمنى ليكى الموقف ده ..أبدا نو نو ميرسي .. انا ما بلبس توب دوماج..كيل دوماج .. خسارة حقيقى ..مع ان التوب كان حا يكون لايق عليكى.. وحا يغطى( العيوب كلها)..ويطلع ليكى بس (وشك).. اللى هو راسمالك كما يبدو ..الماعندك غيرو.. عشان كدة موزعة للجميع ألبوم صورك الملطخة بالمكياج وعاملة زى البلياتشو.. وقراية شنو دي اللي بيلبسو ليها نظارات تغطي الحواجبين؟ اعترفي انو ذوقك في النظارات زي ذوقك في الكتابة وانت العرفك كمان فى الزوق والموضة والنضارات شنو..؟! والله كتر خير السعودية والقنوات الفضائية الخلت ( أمثالك) كمان يفتوا لينا فى الموضة.. ناس مولودين فى قرى فى الخريطة زاتو ما موجودة..لدرجة انو تاريخ ميلادهم مجهول ( باعترافهم).. ولمن شطحوا ونطحوا راحو سكنو فى مضارب اعراب الخليج .. والدنيا ما شافو فيها شى ..الا على كبر لو عايزة يا شاطرة تعرفى عن الموضة ..تعالى لى ..مستعدة أديك كورسات مكثفة.. أصلى مولودة فى ( بورسودان) عارفة يعنى شنو بورسودان ..؟ كان ما عارفة أسألى.. والدرس الأول فى الموضة : ان موضة النضارات الكبيرة رجعت تانى.. اضافة الى انى عندى( ست كامل) من مختلف أنواع وأحجام النضارات والعدسات اللاصقة.. ولا أدرى عن أى نضارة تتحدثين ..وتهضريبن.. على راى المثل المصرى قال ما لقوا للورد عيب قالوا عليه يا أحمر الخدين).. وعلى سيرة القنوات الفضائية، ايه رأيك ارشحك لبرنامج مع جويل احلى؟ البرنامج ده ما جابو فيهو إلا سودانية و احدة بس شاركي و تأكدي انو بساندك و بعمل ليك حملة دعم شديدة خلاص وبكده نكون خدمنا ا لبوست ده و حاربنا الشمولية بمثال حي. Quote زى ما توقعت تماما..شكلك مصاقرة القنوات الفضائية اللبنانية..وبتستمدى ثقافتك بتاعة الموضة منها.. يختى أنا ( من غير جويل) أحلى.. وكرهتى فى الدنيا لطيخ الوجه بالمساحيق زى البلياتشو.. فالميك اب زاتو ( فن ) كمالا تعلمين.. وانا من أنصار الميك أب ( الخفيف).. معليش..طبعا انتى الحاجات دى جديدة على ( أمثالك ).. عشان كدة فرحانة بيها..وشكلك كدة ..من طريقة وضعك للمكياج من النوع العندو شنطة مكياج زى شنط العرايس ..( وش ساخر) حكيمة و بتدي حقن ؟ آآآى بدى حقن .. انت لسة بتحبيني يا امونة؟ يا زولة الحكاية ما وصلت لدرجة ( الحب).. انت شكلك فهمتينى غلط ( أحىىى الوجوه الضاحكة عندى عطلانة ).. ده كللو من العيش فى ( السعودية )..بتخلى الزول أفكاره تسرح لبعييييد.. وما جيت المنبر ده علشان اعمل اجتماعيات و احابي فلان و فلتكان ... مع ان الواقع غير كده.. غايتو زمان قريت ليكى بوست بعوان ( صورتى الشالو منو ) غايتو البوست ده قطع مصارينى بالضحك.. كتر خير عادل عبد العاطى وحزبه الليبرالى .. الخلى أمثالك انت وتيسير ..يكتبوا بوستات عن( العنصرية وقضايا المرأة).. كأنكم اكتشفتو يا دوووووب ان السودان غرقان فى مشاكل زى دى و اتذكري انو المشاعر السلبية بضر صاحبها اكثر ... الكلام ده بوجهو ليكى انت .. الواجهتى احساسى الايجابى تجاهك بكل سلبية وحقد غير مبرر.. لأ وكمان افتكرتى ( حب)..( ابتسامة كبيرة ساخرة) نقطة على السطر.. سطر جديد.. بعدين غايتو كومة نصايحك الأخيرة دى ضحكتنى ضحك.. بالذات الحتة اللذيذة دى : و ما تنسي انو الأدب فضلوه على العلم! بصراحة ( أدب) زى ستايل (أدبكم) ده.. أنا ما دايره.. ( ديشليون جمجمة تقهقه).. لأن ( الأدب) زاتو خشم بيوت.. وكلو زول ..ومفهومه عن الأدب..بيختلف عن التانى .. حسب ( البيئة ) و ( التنشئة ) و ( الثقافة ) كما تعلمين.. أبقى سلميلى على الأدب .. وكمان على ( رزان مغربى)

Quote: اولا . لا اجد ما يدفعني او يدفع اي من المتداخلين في موضوع الحوار وجوهروا انو ينصبوا روحهم حكام على الموقف.. قدمت رجاء لتسير وامنه .. وانا بالجد شاكره لتيسير لقبول رجائي ومتفهمه ايضا لاضطرار امنه للعوده عل نفس النسق ..بعد المداخله التي حملت وجهة نظرك للموضوع

Quote: اوه ديشكاه ديشكا ديشكا ديشكاه نحن ما صعاليق نفرش الملايات نعاين بالشبابيك اوووه ديشكاه

ياخ قوم لف واسمع لوردي او حقيبة او فنان يستاهل ...
شمولية ام ضيق بذوق الاخرين والذي قد يفرض علينا احياناً من اصحاب الحافلات واكشاك المرطبات ما عارف لكن هكذا ( نحن ) ..

بل بذكر انه في واحدة من المرات كنت مع الصديق كمال طمام في مشوار من ام درمان للخرطوم والسواق مشغل كاست الكابلي مع البلابل في زمن كتر فيهو الفنانين ( اصحاب جني ) وبعد نزولنا في محطتنا لم
يتمالك كمال نفسه من ايقاف الحافلة مرة اخري وذهب للسواق :
شوف يا ابو الشباب والله احيك تحية خاصة على الفهم الراقي والشريط النادر دا
يا خ انت زول بالجد فاهم دا الغناء والا بلاش مش الجلابية البيضاء ( كانت اغنية الساحة حينها )


..

Quote: تمخض الجبل (المجوف) فولد فأراً (ميتا)

......

المتناضل الأمى ( أبوبكر صالح )..
طبعا جاى هنا( تتسدى) ..لكن مافى ليك طريقة..
وأهدى لك هذا البوست حتى تذاكر فيه جيدا..
عل وعسى أن تمحو به أميتك ..حول الهامش والتهميش ومؤسسة الجلابة :
رسالة إلى مؤتمري الشيوعي والحركة…وحدة مهمشي الريف والمدن هي المخرج الوحيد
وبطل تجى تبيع الموية فى حارة السقايين ..

تحذير :أوعى تسرق موضوع البوست الجبتو ليك ده ..وتمشى تفتح بيهو بوست تقشر بيهو ..اوكى ؟!

..........

ملحوظة : رابط البوست الذى جلبته مفيد جدا لاثراء موضوع البوست الأساسى ..

كما أرى ان ( شكلتنا ) أيضا ..مثال حى يمشى على رجلين للشمولية والعقل والسلوك السودانى..فى نظرته وحكمه على الآخر
يعنى جات بى فايدة برضه ..

..........

Quote: وهي بالمناسبة ليست عضوة في الليبرالي ؛ ولا اعتقد ان موقفها من الليبرالية والليبرالي يختلف عن موقفك كثيرا

هل تعرف يا عادل عبد العاطى لماذا لن تنضم عزاز شامى و ( أمثالها ) الى الحزب الليبرالى ..؟
لسبب واحد فقط :
لأن رئيسته من( جبال النوبة)..وليست من الشمال أو المركز ..
الكلام ده أسمعو منى...وكان ما عجبك أرميهو البحر..
واعتبروا كلام زول مجنون .

Quote: : كيف ترى القشة في عين اخيك وتطالبه بنزعها يا منافق؛ ولا ترى الجذع في عينك ؟؟

صدق سيدنا المسيح عليه السلام..
فما أسوأ( النفاق )و( المنافقين)..

ان بضاعة النفاق هى بضاعة كاسدة..حتى لو كانت باسم ( الأدب ) و ( التهذيب)..و ( التدين)..
فالحياة قصيرة..لماذا نضيعها فى التمثيل والادعاء والمجاملات ؟!

عارف يا أخ عبد العاطى ..
بالرغم من دخولى البوست أكثر من مرة كان بسبب الشكلة الدايرة
والتى أعترف باننى أشعلت أوارها..
الا اننى كنت مستمتعة جدا بالحوار الدائر بين زهرة واصدقائها..
فانا عادة من النوع العندو أكتر من بالين ..
فممكن أكون متابعة شكلة ساخنة ..وفى نفس الوقت اكون متابعة بوست فيهو شعر أو قصة

وأستسمح الأخ وائل أحمد خلف الله اننى استعرت احدى مداخلاته ( الخاصة بقصة التحرش الجنسى فى الجامعات )
ونشرتها فى مدونتى ( موجود عنوانها فى البروفايل) طبعا يا أخ وائل لا تخف ..فلم أنس الاشارة الى
اسمك وسنك وعنوانك ورابط البوست


* أما بخصوص تيسير يا أخ عبد العاطى ولقب ( الحية الرقطاء) فأنا أرجوك فقط أن تذهب الى بوستها
بعنوان ( أخيرا اتجوزت )
الذى جلبت رابطه انا فى بداية هذا البوست...وتتأمل ..فى عدم الموضوع ..والهيافة ..والخباثة العجيبة.

وبس..







____________

الأخ وائل أحمد خلف الله : طبعا نشرت مداخلتك فى مدونتى بدون استئذان..
فاذا أردت أن احذفها فأخبرنى رجاءا وسأحذفها فورا..

هناك أمر آخر : أوعى تجى تتغرى على فى يوم من الأيام وتعمل فيها مهم زى ناس واحدين
بسبب اعجابى بمداخلاتك فى هذا البوست ..

.

(عدل بواسطة AMNA MUKHTAR on 04-30-2008, 02:11 AM)

Quote: هل تعرف يا عادل عبد العاطى لماذا لن تنضم عزاز شامى و ( أمثالها ) الى الحزب الليبرالى ..؟ لسبب واحد فقط : لأن رئيسته من( جبال النوبة)..وليست من الشمال أو المركز .. الكلام ده أسمعو منى...وكان ما عجبك أرميهو البحر.. واعتبروا كلام زول مجنون .

Quote: عارف يا أخ عبد العاطى .. بالرغم من دخولى البوست أكثر من مرة كان بسبب الشكلة الدايرة والتى أعترف باننى أشعلت أوارها.. الا اننى كنت مستمتعة جدا بالحوار الدائر بين زهرة واصدقائها.. فانا عادة من النوع العندو أكتر من بالين .. فممكن أكون متابعة شكلة ساخنة ..وفى نفس الوقت اكون متابعة بوست فيهو شعر أو قصة

يا ستي انت كثيرا ما تحكي عن احترامك لزهرة حيدر
ولكني لم ار الكثير منه في هذا البوست؛ فزهرة طلبت منك الكف وانتي لا تكفي؛ ومساهمتك في هذا البوست سلبية ولا تضيف اليه الكثير ولا تضيف اليك؛ بل تسحب منك يا امنة؛ فما معني انك ولدتي في بورتسودان واخر ولد في قرية مجهولة لا توجد على الخريطة كما قلتي ؟؟ ليس هناك قرية مجهولة يا امنة فكل قرية وفريق وحي في بلادي يسكنه ناس لهم تاريخهم وتراثهم وحياتهم؛ سواء كان هذا في جبال ووديان الشرق او في قرى النوبة الشمالية او في قرى دارفور او الشمالية او الجنوب الخ؛ ولا يضيرهم ان الخريطة لم تشملهم .. وأمي يا امنة لم تكن تعرف تاريخ ميلادها؛ ولم يضيرها هذا في شيئ ان تكون انسانا مفيدا منتجا جميلا؛ وواقع عدم وجود اجهزة الاحصاء في الريف تًسأل عنه الدولة المركزية ولا يُعاير به سكان الريف او من ولدوا في الريف؛ وحديثك هذا فيه اساءة لكل اولئك الناس ممن تتحدثي عن النضال لانهاء تهميشهم؛ فلم تعودي المرة بعد الاخرى لتوضيح انك من مرتاحي بورتسودان وان الاخرين من القرى المجهولة ؟؟ هل يساهم هذا الموقف الطيقي الفوقي المتعالي في تكريس وعي جديد يا آمنة ؟؟ ام هو منطق ولغة النخب المنبتة والتي اهملت ريفنا واحتقرته حتى اوصلوا السودان الى ما هو عليه ؟؟

Quote: * أما بخصوص تيسير يا أخ عبد العاطى ولقب ( الحية الرقطاء) فأنا أرجوك فقط أن تذهب الى بوستها بعنوان ( أخيرا اتجوزت ) الذى جلبت رابطه انا فى بداية هذا البوست...وتتأمل ..فى عدم الموضوع ..والهيافة ..والخباثة العجيبة. وبس..

يا ستي ذهبت للبوست الذي اشرت اليه ولم اجد اي شيئ مما اشرتي اليه من عدم الموضوع والهيافة والخباثة العجيبة؛ بل وجدته بوستا خفيفا لطيفا فيه فكرة؛ ولا اجد فيه اي تبرير لتسميتك لها بالحية الرقطاء او غيرها من النعوت والشتائم التي الصقتيها بها .. ويا ستي انا ايضا فتحت بوستات خفيفة وترفيهية وكذلك تراجي مصطفي واغلب اعضاء البوست؛ فهل كلنا نعاني من انعدام الموضوع والهيافة والخباثة ؟؟ يا امنة هل يجب ان يكتب كل الناس مثلك حتى لا يكونوا خبيثين او هايفين ؟؟ يا ستي في الاثر جاء السؤال أفأنت تكره الناس حتى يكونوا مؤمنين؟؟) والموضوع هناك غليظ يتعلق بالايمان؛ وليس بفتح بوست في منبر عام؛ فهل تكرهي انت الناس حتى يكتبوا ما يروق لك او مثل ما تكتبين ؟؟

هذه هي لب العقلية الشمولية يا آمنة؛ رفض الاخر بناء على الانطباعات والمزاج؛ ورميه بما ليس فيه؛ وتصويره في صورة العدو المبين والشيطان الرجيم او الحية الرقطاء دون دليل.. وتيسير التي اعرفها برئية تماما من كل الذي تلصقينه بها؛ وهي واحدة من افضل بنات السودان؛ ومن افضل عضوات الحزب الليبرالي؛ ولا نعرف لها شيئا غير المودة والاحترام؛ فلا تحاولي تلطيخ صورتها بلا ذنب يا امنة؛ لانك حينها تلطخي صورتك انت؛ وتقللي من مقامك انت في عيون من يودوك ويحترموك؛ واحسن تسمعي كلام مبكيك ما تسمعي كلام مضحكك .

مع التحية.

Quote: إننى مشفق عليك فى عزلتك القاهرة فى القاهرة. فالحياة ليست شاشة كمبيوتر افتراضية. وليست صفحات كتاب او مجلد. وليست معارك دونكيشوتية مع خصوم يجب مسحهم بالارض وابادتهم الكترونيآ. الحياة اكثر من هذه المرارات وتسجيل الانتصارات الوهمية.

هذه نصيحة لوجه الله ..

.....

كما ان صديقتى ماريا لامتنى لوما شديدا على تسمية عزاز بالليدى ديانا..
لأن فى رايها ان الليدى ديانا كانت امرأة ( كلاس ) و ( أنيقة بدون مبالغة )..
وقالت ان اللقب الذى يناسب عزاز هو ( هيفاء وهبى )...

.

(عدل بواسطة AMNA MUKHTAR on 04-30-2008, 02:23 AM)

Quote: عادل عثمان.. لا تشفق على من عزلة ( تتوهمها) فى القاهرة.. وكف عن ( اسقاط ) حالك على حالى .. فيبدو من كلامك هذا انك تعانى من عزلة ( مضنية ) فى عاصمة الضباب والبرود.. أولا : شخصى الضعيف من النوع الذى ( يشتهى ) العزلة ولا يجدها.. فهذه القاهرة التى ربما تكون ( قهرتك) انت زمان .. حنينة على أنا أكتر من اللازم ..والحمد لله محاطة فيها بأسرتى الممتدة وصداقاتى المتنوعة مع مختلف الجنسيات ..لدرجة الحصار..والاختناق

Quote: ناس مولودين فى قرى فى الخريطة زاتو ما موجودة..لدرجة انو تاريخ ميلادهم مجهول ( باعترافهم).. ولمن شطحوا ونطحوا راحو سكنو فى مضارب اعراب الخليج .. والدنيا ما شافو فيها شى ..الا على كبر

..
شايفك يا مهمشة .. عفصتي لي الرد بتاعي كالعادة .. وهمشتيني .. وإنت البادرتي وجبتي الرابط دا ما تشوف شر يا تمبس .. .. ولما دخلنا معاك في السستم عملتي مجنونة وشبكتي في اي واحد عض وخربشة من طرف .. ياخي انت مدام (متقريفه) لي ما تدخليني معاك في الصورة .. إن شاء الله الصورة بتاعتي الزمان بتاعت الخرفان ديك .. مالك بتضربي وتجري ..

Quote: هل تعرف يا عادل عبد العاطى لماذا لن تنضم عزاز شامى و ( أمثالها ) الى الحزب الليبرالى ..؟ لسبب واحد فقط : لأن رئيسته من( جبال النوبة)..وليست من الشمال أو المركز .. الكلام ده أسمعو منى...وكان ما عجبك أرميهو البحر.. واعتبروا كلام زول مجنون .

..
بريه إنت من الجــن .. غنت تجني ..؟ ونحن ديل العاقلين ليها شنـو..؟
يرميهو البحــر وغنت بعد كدا بكري يعمل ليك ايقونة بتاعت ودع .. ترمي لينا ودع هنا دا .. بقيتي بتاعت غيبيات .. وبخرات .. معقوله بلاي ؟؟ همك كلو دا من المركز ودا من مربع الوتر .. ياخي المركز دا لو عامل ليكم ارضي كدا .. انا عندي قطعة ارض ف المركز باني فيها تلاتة طوابق حجــر .. وقزاز سحاب في الطابق الوسطاني .. شوفي اي واحد معاك عندو مشكلة بتاعت مركز وبتاع جيبيهو انا متبرع لي ناس ثورة الهامش البياخدو المسالة بي طريقتك الارقوزية دي خليهم يجو متبرع ليهم بالقطعة دي .. إن شاء الله توزعوها حجر .. حجر .. غايتو اللحقــو العرض دا قبال الدور الاول ينتهي .. لانو كان جا استيف .. على راس الفيلق بتاعو .. والله تاني تشموهـا (جبنه)..

Quote: * أما بخصوص تيسير يا أخ عبد العاطى ولقب ( الحية الرقطاء) فأنا أرجوك فقط أن تذهب الى بوستها بعنوان ( أخيرا اتجوزت ) الذى جلبت رابطه انا فى بداية هذا البوست...وتتأمل ..فى عدم الموضوع ..والهيافة ..والخباثة العجيبة. وبس..

والله النصيحة لي الله .. إنت عندك لقمه واقفه ليك في حلقك .. ما قادره تبلعيها .. ولا قادره تنزليها .. محتاجه (ام دلدوم ) يا (دلدوم) (هيم سيلف) .. وبالعدم .. (أم قيردون) .. غايتو لقيتك مقيماتيه بشكل .. قيمة مطلقة عديل كدا ..
طيب يا (تقييموريختر) البورد .. ما تصدري لينا مجلة شهرية بتاعت تقييم مع كل ارشيف .. تفرزي لينا الهابط من الصاعد من البشيل الكاس بتاع الدوري الممتاز دا .. انا منتظر التقييم بتاعي للموسم الجديد دا .. بعد تقييمك الفات داك والخاص بي مطاردتي للبنات .. ومن كوني ما لاقي لي راجـل يلمني ..
علماً بأن آخـر موعد لتسليم التقييم .. على كيفك .. وكان لقيتي لينا معاك مزيكة حسب الله .. أو اي حاجة لي حسب الدائم ابو اسماعيل .. جيبيها لينا معاك ..
وبلاي شوفي لينا معاك البوست بتاع العملية دا .. جايباهو هنا دا لييه من دون البوستات .. علشان الناس دي تعرف حاجة ..
غايتو الا اكون انا بقيت دمغـة وما عارف ..
ياربي اكون بقيت دمغة جريح ..؟

Quote: وقع حصان أحد المزارعين في بئر مياه عميقة ولكنها جافة، وأجهش الحيوان بالبكاء الشديد من الألم من أثر السقوط واستمر هكذا لعدة ساعات كان المزارع خلالها يبحث الموقف ويفكر كيف سيستعيد الحصان؟ ولم يستغرق الأمر طويلاً كي يُقنع نفسه بأن الحصان قد أصبح عجوزًا وأن تكلفة استخراجه تقترب من تكلفة شراء حصان آخر، هذا إلى جانب أن البئر جافة منذ زمن طويل وتحتاج إلى ردمها بأي شكل. وهكذا، نادى المزارع جيرانه وطلب منهم مساعدته في ردم البئر كي يحل مشكلتين في آن واحد؛ التخلص من البئر الجاف ودفن الحصان وبدأ الجميع بالمعاول والجواريف في جمع الأتربة والنفايات وإلقائها في البئر. في بادئ الأمر أدرك الحصان حقيقة ما يجري حيث أخذ في الصهيل بصوت عال يملؤه الألم وطلب النجدة. وبعد قليل من الوقت اندهش الجميع لانقطاع صوت الحصان فجأة، وبعد عدد قليل من الجواريف، نظر المزارع إلى داخل البئر وقد صعق لما رآه، فقد وجد الحصان مشغولاً بهز ظهره !كلما سقطت عليه الأتربة فيرميها بدوره على لأرض ويرتفع هو بمقدار خطوة واحدة لأعلى وهكذا استمر الحال، الكل يلقي الأوساخ إلى داخل البئر فتقع على ظهر الحصان فيهز ظهره فتسقط على الأرض حيث يرتفع خطوة بخطوة إلى أعلى. وبعد الفترة اللازمة لملء البئر، اقترب الحصان من سطح الأرض حيث قفز قفزة بسيطة وصل بها إلى سطح الأرض بسلام..... وبالمثل، تلقي الحياة بأوجاعها وأثقالها عليك، فلكي تكون حصيفًا، عليك بمثل ما فعل الحصان حتى تتغلب عليها، فكل مشكلة تقابلنا هي بمثابة عقبة وحجر عثرة في طريق حياتنا، فلا تقلق، لقد تعلمت توًا كيف تنجو من أعمق آبار المشاكل بأن تنفض هذه المشاكل عن ظهرك وترتفع بذلك خطوة واحدة لأعلى ، يعني الق بالإساءات والمكائد تحت رجلك ارتفع فوقها

Quote: أضاع شخص خاتمه في ليلة ما فأخذ يفتش عنه تحت مصباح الشارع. مرّ صديق وسأله عما يفتش قال عن خاتم أضعته فسأله هل أنت متأكد أنك أضعته هنا قال: لقد أضعته هناك في العتمة، ولكن لا يوجد مصباح هناك، لذا أفتش عنه هنا ا

Quote: العزلة لا تعنى الوحدة. العزلة التى اقصدها انا هى السوليتيود solitude وما يصاحبها من اوهام delusions

Quote: * وكذلك هناك عزلة أخرى ..تصاحبها أوهام ..هى العزلة التى تكون مصحوبة بمؤثرات خارجية مثل ( المواد المسكرة والمخدرة ).. وهى التى تجعل ( البعض) فى هذا المنبر يكتبون ( أحيانا) مداخلات لا تشبه أسلوبهم المعتاد ..وغاية فى الغرابة ..بل وتصل الى درجة( الهضربة ) .. ثم عندما يفيقون فى اليوم التالى ..يسارعون بالاعتذار عنها بخجل شديد.. ( وهذا النوع من العزلة لابد أنك تعرفه جيدا ولدى دليل على كلامى هذا )

Quote: ذكرتني بحبوبتي يا امنه .. اللي برضو فقدناها قبل ثلاثه اعوام كانت ايضا بجمال حبوبتك شعرت بان علي تكريمها في ذاتي تكريما خاصا واحتفاءا بفقدي لام اخرى شعرت بالتقصير دايما كنت بفكر في انو الاعظم قاعد يمر من بينا بدون ما نعرفوا ... فقط لحظة فقده تصبح لحظه تكريمو لهن الرحمه الحبوبات العظيمات

Quote: امنة مختار طبعا انتى دقستى دقسة عمرك و انفضحتى فضيحة كبيره سوف تلازمك ما ظللتى على قيد الحياة فى هذا المنبر

Quote: ... يا حضرة الجلابية

Quote: اخيرا يا حضرة المناضلة شايفك كم مرة تقولى انا سرقتا افكار البوستات و الله بكون سعيد جدا جدا لو قلتى لى سرقتا شنو و من منو... انتى موفرانى لى شنو افضحينى يا شيخة امام العالمين... عشان تانى ما أسرق كويس؟ و دا موضوع تحدى بينى و بينك يا شيخه

أما دى ..فأنت عارف طبعا..
سرقت فكرة يا تو بوست ..ومن منو ..
والناس برضه عارفين ..فبطل استهبال
انت قايل الناس ريسانهم فيها قنابير..؟!

Quote: و الله لا افضحن جهلك و ضلالك فوق روؤس العالمين... فمرحبا بالتحديات اٍن كنتى اهل لها.

بصراحة ..أنا لست أهلا للتحديات ..ولا حاجتين
وبصراحة خفت منك ..
فكل شئ.....ولا الفضيحة على رؤوس العالمين


ده شنو البيض ده..!!

Quote: وائل أحمد خلف الله

Quote: تاريخ التسجيل: 10-08-2003

ومجموع مشاركاتو بس تكون :

Quote: مجموع المشاركات: 75

وزول مخو جايط زى ده :

Quote: abubakr salih

وتاريخ تسجيلو:

Quote: تاريخ التسجيل: 27-12-2007

ويكون مجموع مشاركاتو قدر ده:

Quote: مجموع المشاركات: 691

!!!!

فعلا على قول ( محمد سليمان ) :
منبر يقدل فيهو الورل..

Quote: اتدرى يا عزيزى باننا كنا مغفلون مغفلون اخذنا الاشياء بمسلماتها دون تمحيص وكنا نعتقد دوما بان ما بين الابيض والاسود يقبع الفراغ الاخرون كانوا يؤمنون بأن ما بينهما مئات الالوان وها نحن نغادر عالم الالوان الملى بالمغالطات والحجج الى الوان ذواتنا

Quote: * وكذلك هناك عزلة أخرى ..تصاحبها أوهام ..هى العزلة التى تكون مصحوبة بمؤثرات خارجية مثل ( المواد المسكرة والمخدرة ).. وهى التى تجعل ( البعض) فى هذا المنبر يكتبون ( أحيانا) مداخلات لا تشبه أسلوبهم المعتاد ..وغاية فى الغرابة ..بل وتصل الى درجة( الهضربة ) .. ثم عندما يفيقون فى اليوم التالى ..يسارعون بالاعتذار عنها بخجل شديد.. ( وهذا النوع من العزلة لابد أنك تعرفه جيدا ولدى دليل على كلامى هذا )

Quote: العزيزة رجاء.. لا رغبة لى فى اكتساب عدو جديد اليوم.. فيكفى الاعداء الذين كسبتهم خلال اليومين الماضيين.. عموما اذا كنتى مصرة .. أستنى فى الطابور