|
مساحة الريد
|
مساحة الريد تمد للأخر الباتع وتتطاول على الاشواق تصحى النيل وتغويهو يقوم يتغنى بى شهقة حروفو على وبهواك رقم واقعك جاف وواقعى انطمر بالليل بناديك فى السكة تمى القول دحين الذكرى بتصابح غنا الاطفال وبتواعد شمس بكرة وبالفكرة مسافة الغير يوافيكى ويتابعك فى الشجن دوبيت وانمك بالى خاطر الشوق مستف بالوله متروس سواقى الهم تكب تزرح تكب تجرح اوديك ابعد الخرطة وادسك من خيوط الحر تقومى تعلمى الاجيال سؤال النيل وطمى النوح اقيفى معاى حداك دليل شوارع مابتودى على تخارجنى تمرجحنى وتتوقد لهيب الروح على شهر السماح فى القول بنادى الشوق يجينى خجول من اهاتو يزيد فى قلبى دقاتو يجيب سيرة الصباح الشح ويتوالف عليك الله البحر بسزاك ومابنساك زيدى الروح مدى الذكرى وادفنى ظلمة التاريخ مقبرة الشقا الطواف ومابنشاف سواك عبرة تمر النمة بالحسرة خمج معنى الفتات ناداك واتوهطت بالكسل النحيب الكتمة والتاريخ سمح معناك بحبو شقى سمحة الغنية فى خشمك تعب حرف الشوارع ديك يجيبك اخر الموال وينعت سيرتك بالضهب السمع نمى اقيفى وروقى وانجمى تعب حرف الشوارع صاح صباحك نام واتناسى صباحك غاب عن الحفلة سيرة جرتق التاريخ عديلة الليلةفرح الروح صباحك نى شمس معناهو محبوسة آهات فينى مدسوسة اقول ابداك من الاول وابعد من شقاى خجلك اقول انساك واتحول يفتح قلبى حس وجلك واتدردر مداى مسنوح ومفتوح فى خيال باكر احبك انت دون الكل احبك انت ابقى الضل وافتحى شارع التاريخ على النيلين وزغردى بكرة يبقى الصوت ملان نمة سلامتك من غبار السم ومن وجع المواعيد المطششة والنواح اقول اكتب مواقيتك وارسم فيها حس زجلى واسامر ر ليالى الشوق لحدى الفكرة ماتجلى اشوف العين تفتح ماتغمض ليه ومن غير شوقك انت بتدردر وارحل من اساى ولهان دحين البوح يجيك دغرى ويكتب فى دروب حرفك بداية الشمس والهبة نجوم بتضوى تتوهج وتتمازج مع القمرة براك تبقى المدى اليقرا دروس الليلة والماضى وبترصد زغاريدك سيرة النيل بتكتب للحرف معناو وترسل شوق عبور الروح الى ملكة فراش الروح
ياسر زمراوى محمد عثمان جامعة العلوم والتقانة 14\4\و 15\4\2008 الساعة 10 والساعة 11
|
|
|
|
|
|
|
العنوان |
الكاتب |
Date |
مساحة الريد | zumrawi | 04-20-08, 09:44 AM |
Re: مساحة الريد | zumrawi | 04-21-08, 07:18 AM |
Re: مساحة الريد | محمد المعتز | 04-21-08, 08:36 AM |
Re: مساحة الريد | zumrawi | 04-21-08, 08:59 AM |
Re: مساحة الريد | zumrawi | 04-23-08, 08:28 AM |
Re: مساحة الريد | فتحي البحيري | 04-23-08, 08:59 AM |
Re: مساحة الريد | zumrawi | 04-23-08, 03:27 PM |
Re: مساحة الريد | zumrawi | 04-27-08, 08:38 AM |
Re: مساحة الريد | zumrawi | 05-23-08, 05:24 PM |
Re: مساحة الريد | هند محمد | 05-23-08, 05:45 PM |
Re: مساحة الريد | zumrawi | 05-24-08, 07:12 AM |
Re: مساحة الريد | zumrawi | 05-25-08, 11:46 AM |
Re: مساحة الريد | zumrawi | 06-02-08, 11:56 AM |
|
|
|