|
|
|
 Re: الصحافيون فى المنبر..مشاركة ضعيفة..السبب شنو؟؟ (Re: طلحة عبدالله)
|
أخى محمد عبدالقادر
لك التحية والتقديرات
مرة أخرى أعود وأذكرك بخوفى الشديد بأن يأخذ هذا
البوست منحنى أخر وينسينا العنوان أعلاه فقط للتذكير
وللجميع محبتى وشوقى وأحترامى ايها الزملاء
لازلنا فى إنتظار الاستاذ البدوى يوسف ..والتحيات مرة أخرى
لشقيقى الاصغر ودالشيخ ..( عبدالمنعم )
تاج السر
| |
 
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: تاج السر محمد حامد)
|
Quote: أخى محمد عبدالقادر
لك التحية والتقديرات
مرة أخرى أعود وأذكرك بخوفى الشديد بأن يأخذ هذا
البوست منحنى أخر وينسينا العنوان أعلاه فقط للتذكير
وللجميع محبتى وشوقى وأحترامى ايها الزملاء
لازلنا فى إنتظار الاستاذ البدوى يوسف ..والتحيات مرة أخرى
لشقيقى الاصغر ودالشيخ ..( عبدالمنعم )
تاج السر
|
الاخ تاج السر
نطمئنك ان البوست لن ينحرف عن مساره
ونحتاج كثيرا لجرس تنبيهك
تحاياك وصلت لود الشيخ الصغير
ومنتظرنك
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: محمد عبد القادر)
|
محمد عبد القادر
وضيوفه الكرام من الزملاء والمشاركين
تحياتي لكم جميعا
من بين ميزات هذا المنبر العديدة أنه كشف لنا عن مواهب لا تحصى في شتى مجالات الكتابة، اضافة الى انه ساهم بشكل كبير في اعادة الالق لكثير من النجوم في مجالات مختلفة.
نتنمى ان لا ينقطع مثل هؤلاء عن هذا المنتدى.
كما نتمنى مشاركة الزملاء الصحفيين، خاصة الذين لديهم قدرات ابداعية وتكبلها المعايير المهنية او سياسات التحرير او ضيق الوقت.
خالد سعد
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: khalid saad)
|
Quote: كما نتمنى مشاركة الزملاء الصحفيين، خاصة الذين لديهم قدرات ابداعية وتكبلها المعايير المهنية او سياسات التحرير او ضيق الوقت.
|
الحبيب خالد سعد
يحفظ للمنبر اكتشافه لكثير من المواهب
وهذه حقيقة
بالمنبر متسع لابراز القدرات الابداعية لاخوانا الصحافيين
واكيد وقوالب التحرير لا تحتمل كل المواهب
شكرا على المرور
وبرضو بندعو معاك
نتمنى مشاركة فاعلة للصحافيين
خالص الود
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: محمد عبد القادر)
|
الاخوة محمد عبدالقادر وطلحة وبخارى
لكم جميعا التحيات مرة أخرى
شنو ياأخوانا الكلام خلص وأصبحتوا تشربونا فى السفن آب
أم هذه استراحه فقط من أجل الراحة والاستجمام ..
لازلت فى إنتظار الاجابه على ماطرحناه من مقترحات فى هذا البوست
أفيدونا .. أفيدونا حتى يتسنى لنا الابحار فى هذا البوست وإلا فسوف
نرجع سالمين الى أجحارنا .. فهل هذا يرضيكم احبتى العزاز ..
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: تاج السر محمد حامد)
|
Quote: لازلت فى إنتظار الاجابه على ماطرحناه من مقترحات فى هذا البوست
أفيدونا .. أفيدونا حتى يتسنى لنا الابحار فى هذا البوست وإلا فسوف
نرجع سالمين الى أجحارنا .. فهل هذا يرضيكم احبتى العزاز .. |
حبيبنا تاج السر
اقدر حرصك على الوصول لخلاصات من هذا البوست المحضور
سننتقل الى مرحلة ثانية نحشد فيها المقترحات
لاتخاذ خطوة عملية اقدر حرصك
مع فائق تقديري
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: محمد عبد القادر)
|
محمد
ود عمنا شكله مشغوووووووول كما عرفت
يومين تلاته بيمرق........نرسله ايميل
كااااااااارب......
اتذكرت ليك كمان شاعرنا المرهف
المكاشفى عمر بخيت .....
من قدامى البورداب هنا......
ياربى تانى منو
منو
منو
كدى
اغتس واجيك..... اجيب لى واحد
انت مسؤول من الخير...
اللقيتهم زاتهم وينهم
اقعد عافيه
الاستاذ تاج السر
كل التحايا لك وللاسره
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: طلحة عبدالله)
|
Quote: طيب أقترح أن يكون هناك بوست ثابت لمشاركات الصحافيين .. مقالات .. اعمدة .. افكار صحفية .. قصص خبرية .. خواطر .. الخ .
ولأبأس من مشاركة الاعضاء بالتعليقات والمداخلات والردود .
أب . |
حبيبنا طلحة
دى الاقتراحات ولا بلاش
افتكر التاكيد على ضرورة وجود مشاركة مستمرة
للصحافيين عبر منفذ محدد دة مقترح مية المية
بعد داك لو فشلنا مع ناس بكري فى منحنا جانب مخصص
يمكن الاستعاضة عن طريق البوست المفترض يكون ثابت كما تفضلت
خالص الودو(شية انقاذ) ان اردت
تحياتي للاسرة
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: طلحة عبدالله)
|
الاستاذ محمد عبدالقادر
لقد كتبت تعليقاً هنا واظن في الصفحة الثانية ولم احظى برد او تعليق عليه
لا اطالبك الان بالرد ولكن لا تتجاهل مثل كنت تعلق على الاخرين الا اذا كان لديك
راي في ما ذكرته في تعليقي ، ومن الافضل ايضا ايضاحه هنا اذا كنت تبحث عن
الصحافيين في المنبر حسب البوست الذي افتتحته ، عموماً شكراً على التجاهل .
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: مصطفي سري)
|
أخونا محمد عبد القادر
تحياتي
هذا المقال نشر اليوم الخميس في الصحافة وآمل أن يحظى بالنقاش إذا كان له علاقة ببعض ما أثير هنا من بعض الاخوة الزملاء.
صحافة تحرير..أم صحافة راي..؟
صلاح شعيب
هناك فرق كبير بين المحرر الصحافي والكاتب الصحافي.. ليس بالضرورة للأول أن يكون كاتباً متميزاً وبالمقابل ليس بالضرورة للثاني أن يكون صحافياً خارقاً. ولكن هناك تجارب لصحافيين تألقوا في عملهم التحريري وتفننوا في الكتابة الصحفية أو الإبداعية. هناك تجارب شحيحة لكتاب مميّزين دخلوا الصحافة من موقع الكتابة ونجحوا فيها. والحال هكذا فشل صحافيون كبار في أن يصبحوا كتاباً بمستوى يليق بتجربتهم الصحفية.
طبعاً الأمثلة لهذه المقاربات يمكن أن تصدق في العالم العربي أو الافريقي أو السوداني ولكن لا تصدق في الدول المتقدمة. ففي الولايات المتحدة وأوربا لا تجد أنه قد تم تعيين شخص من خارج الطاقم التحريري رئيساً لتحرير صحيفة. والملاحظة الأخرى أن معظم إن لم يكن كل كتاب صفحات الرأي هم من الصحافيين ذوي الخبرة الذين عركتهم تجربة ملاحقة الخبر وصياغته لفترة لا تقل عن ثلاثين عاماً.
وحين تقرأ الأعمدة الصحفية في «الواشنطن بوست» أو «النيويورك تايمز» أو «لوس انجلز تايمز» أو «بوسطن قلوب» أو «شيكاغو تربيون» أو «فلادلفيا انغوري»... إلخ، ستجد أن كتاب الرأي والرياضة والأذواق والسياحة والصفحات الثقافية والاقتصادية والمنوعات وحتى الصفحات العلمية هم من قدامى المحررين الذين اكتسبوا التجربة الصحفية من خلال تغطيتهم للأحداث التي نذروا أنفسهم لها منذ زمن بعيد.
ومع ذلك تستعين هذه الصحف ببعض المتخصصين أو الأكاديميين، كل في مجاله، وتستكتبهم بشكل غير منتظم ولا تقصر الاختيار أو تحتكره على عدد معيَّن من هؤلاء الخبراء، وإنما تنوع في كل مراحل الاستكتاب الشخصيات والخلفيات. إضافة إلى هذا فإن القنوات الفضائية لا تعين رئيساً لها إلا من خلال تجربته في التغطية الإعلامية. سواء تغطية الحروب أوالتغطية المقتحمة لأوكار المخدرات أو التغطية للأحداث الخارجية في مدينة مثل لندن أو بانكوك أو ريودي جانيرو. فالصحافي الذي غطى حرب فيتنام أو الحرب العراقية الايرانية أو اقتحم معاقل ثوار السانديستا أو انتزع حديثاً صحفياً من رئيس الجيش الاحمر الايرلندي بعد خلوصه من معركة لا يمكن أن يضيع جهده المغامر سدى بأن يتم اختيار مدير جامعة أو بروفيسور رئيساً عليه لمجرد مكانة الدرجة العلمية التي لا علاقة لها في المفاضلة بين مهنية هذا أوذاك، كما أنني لم ألمس ربطاً بين رأي الكاتب ودرجته العلمية، ولعل صحيفة «الحياة» اللندنية هي المطبوعة العربية الوحيدة التي لا تعطي الكاتب حقاً في تبيان درجته الأكاديمية. وكأن لسان حالها يقول أن إهمية الاعتبار للدرجة العلمية تبدو في مدرجات الجامعة وحجرات الدرس وليس في ما خص الشأن العام.
بتوضيح ثان فإن حقل الإعلام ورأيه يقوم على جهد المحترفين في صناعة الصحافة والإعلام. فالصحافي يكافأ بأن يكون كاتباً متفرغاً للجريدة حين يبلغ درجة من الخبرة. وعليه تتيح له الصحيفة سكرتارية لإعانته ومده بكل المعلومات. أما إذا لم يلق بالاً لإمكانية تجريبه للكتابة فإنه يبقى مترقياً في سلم الوظيفة الإعلامية حتى يتقاعد.
وفي سنين ما بعد التقاعده يمكن لزميلنا أن يحترف التعليق التلفزيوني أو ينصرف لكتابة الكتب المتعلقة بأسرار تجربته أو قد يتفق مع دور نشر ليتولى تحرير الكتب ذات الصبغة التقريرية. وربما يستفيد منه قسم صحافة وإعلام في جامعة ما ليحاضر عن تجربته للجيل الناشئ، خصوصاً إذا كان قد تحصَّل على الماجستير قبل احترافه أو أثناء الاحتراف. إذن ليس مهماً لهذا المتقاعد أن يكون كاتباً كما بقية زملائه.. فالصحافي المعني نفسه قد يرى أن موهبته قد تتحقق بشكل أفضل داخل مجال التحرير، وليس من الأهمية بمكان أن يصبح كاتباً محترفاً للرأي في صحيفة ما. وأحياناً قد يصبح هذا المتقاعد «فري لانسر». يواصل في عمل التحقيقات للصحف والمجلات المتنوعة دون أن يتقيد بالوظيفة.
إذن، فإن كتابة الرأي وقوله يعتمد بشكل أساسي على من لهم تجربة في العمل الإعلامي، وكما قلنا هناك هامش ضئيل لمن هم غير اعلاميين. والحقيقة أن كتابة الرأي وقوله في الصحف والقنوات الفضائية يقوم على «فن» وليس هو كما نشاهد في صحفنا وقنواتنا الفضائية. فكتابة الرأي لصحيفة مثل النيويروك تايمز يختلف عن كتابة البحث الاكاديمي أو النقد الادبي أو كتابة القيم الفلسفية. إذا رجعت إلى ارشيف هذه الصحيفة للمئة سنة الأخيرة فإنك ستجد أن لغة الكتابة في صفحات الرأي السياسي او الاقتصادي أو الاجتماعي أو الثقافي حتى يقوم على لغة واضحة لا مجال فيها لما يقارب الجناس أو الطباق، أو إن شئت التقعر اللغوي الذي يجعل القارئ يحس أن الكاتب يستفز جهله باللغة أكثر مما يشرح له مضمون الكتابة.
هذا يعني أيضاً أنك يمكن أن تكون «سيبويه اللغة الإنجليزية» وستجد الاحترام والتقدير اللائق في الحقل الثقافي والادبي ولا يسقط حقك بالتقادم. ولكن أن تحس أن مجرّد هذا النبوغ يتيح لك ميزة حضور حتمية في صفحة الرأي فإن هناك من يقول لك بكل أدب: مهلاً إن لكل مقام مقال. وإذا عنّت الفكرة لهذا «السيبويه» الفكرة لإرسال تعقيب لإفتتاحية «الواشنطن بوست» فإنه بلا شك سيتوقع -من خلال «السيستم»- أن هناك محرراً للصفحة -نظارته قعر كباية كما نقول- سيفعل في تعقيبه فعلاً يقربها إلى لغة «التعقيب الصحفي» دون أن يخل بالمضمون. وإذا أراد رئيس قسم اللغة الانجليزية بـ«هارفادر أو ييل» أن يرد على تكليف بكتابة رأي لملف متخصص حول توليد الجيل الجديد لمفردات غريبة من اللغة الانجليزية فإنه لا يتوقع أن ما سيكتبه سيجد طريقه للنشر دون مرور بالصحافي القديم الذي أصبح متخصصاً في صناعة «الرأي الصحفي» إن جاز التعبير.
هذا هو التخصص الذي يفتقده العرب والافارقة والسودانيون، أو بإختصار العالم الثالث المجازي. وسيكون من عجائب الدنيا العشرين لو تطابق الواقع المهني لصحافتنا مع صحافة العالم المتقدم. والسبب بسيط، وهو أن الصحافة هنا -ليست بنت السماء كما قال التيجاني يوسف بشير- إنما هي بنت الواقع. تتطوّر بتطوره وتنحط بإنحطاطه. والاستثناءات نادرة، وفي ذات الوقت مضللة للناس إن لم يقرأوا الأشياء بتعمّق.
الطرق التي بها يتم تعيين رؤساء التحرير أو وزراء المالية أو السفراء أو مديري الفنادق أو مديري شركات البناء تختلف بين العالم المتقدم والمتأخّر بطبيعة الحال وهذا ما يجعل نعتنا بالعالم الثالث أقرب إلى الحقيقة ولا أدري إلى أي مدى نستطيع المحافظة على هذا الترتيب، والذي إذا انطوى على إهانة لعقلنا فإنه ينطوي أيضا على اسباب لمواجهة تحديات ضدم النهوض والتقدم.
هذا الاعتراف بالحقيقة هو المدخل لتصحيح أوضاعنا كسودانيين، إذا خصصنا الامر، وإلا فإن المكابرة ستزيد حطب النار للحرائق التي أشعلها واقع عدم التخصص في التوظيف، فلا حل لقضية أبيي إذا كان الوزراء يتجولون في التوزير كما يتجول السائح الاوربي بين المدن الافريقية والآسيوية.
الواقع مرعب من حيث تأخره.. ومع ذلك يجب ألا يصاب الكاتب الصحافي بالقنوط أو الإحباط، فهو المفكر الذي يصوغ عباراته بالسهل الممتنع الذي يستفيد من مضمونه ذلكم الفيلسوف والرئيس والأكاديمي والطالب والعامل والخفير والسباك والنجار وغيرهم.
الكاتب الصحافي يختار اللغة الوسط التي تشبع نهم كل هؤلاء، ولا يعني هذا بأي حال من الاحوال أن يقوم بإبتذال التبسيط في المبنى والمعنى أو التدني باللغة إلى مستوى لغة الكلام. فقدرة الكاتب المبدع تتجلى في صوغ المعاني الكبيرة بلغة رشيقة يحس القارئ أنها «قطيفة جميلة من الكلام» مع الاعتذار للسرياليين.
المفهوم الذي تعارفنا عليه حول الكاتب الممتاز هو أنه ذلك الشخص الذي يستخدم العبارات الفخمة التي يصعب للعامة فهمها، وهذا خطأ كبير فتجربة الأستاذ محمود محمد طه دلت على لغته البسيط التي يشرح بها أفكاراً هي من العمق بمكان. ولكن أعتقد أن الكاتب الصحافي كتعريف هو المنتج للأفكار بجانب آخرين من حقول الادب والاكاديميا والفلسفة وتتوقف الريادة الفكرية للكاتب الصحفي برصيده لا بوظيفته الاعلامية، فلا يغني الكاتب الصحافي شهادته الاكاديمية أو موقعه وسط القبيلة أو ريادته السياسية أو جرأته في احتراف شتم الحكومة أو المعارضة ليل نهار.. هذا الاحتراف الذي يسدر فيه بعض الكتاب يمثل «انتحارا عقلانياً» فلا الحكومة وحدها هي سبب البلاء ولا المعارضة بجناحها المهيض أدخلتنا إلى فم البقرة.
إن حجم المقاربة بين الكاتب الصحافي والمفكرين في مجالات العمل العام يتم من خلال كيفية مراءاة الرصيد في الانتاج وفي هذا الجانب أرى أن «الافتتاحيات» الصحفية للأستاذة محجوب محمد صالح وبشير محمد سعيد ومقالات سيد أحمد نقد الله والتيجاني عامر وحسن نجيلة «عبد الله على إبراهيم في نسخته القديمة» تنهض دليلاً على حيوية شاغلهم الوطني فكرياً ولعل التاريخ يدلنا على أن الصحافة السودانية أسهمت في إثراء وعي عامة الناس عن طريق كتابتها ولا تجدن سودانياً متعلماً إلا وبدأ إثراء وعيه الباكر بها ومثلت له مدخلاً للمعرفة والإعلام والتواصل.
ولعل عدم الاهتمام بالتراتيبية في الوظيفة الصحفية أثر كثيراً في ضعف التحرير الصحفي. وبدا طغيان الرأي ملاحظاً على حساب الاهتمام بالجوانب المهنية الصحفية الاخرى. وللأسف فإن الاهتمام بالكاتب لم يشمل كل القطاعات الصحفية واصبح الكاتب السياسي هو الاكثر تفضيلا في الصفحات. ولو سألنا عن دور الكاتب الاقتصادي أو الثقافي او الفني أو المتخصص في تناول القضايا الاجتماعية والتربوية وغيرها لما وجدنا أدنى تفكير في تفعيل دوره في الكتابة الصحفية.
وصحيح أن الكاتب الصحافي هو المتخصص بطرف من أجل أن يحدث الناس عن الهموم التي تمسهم، بمعنى أنه ينتقد التفكير السياسي والمظاهر الاجتماعية الضارة ويناقش مشروع الموازنة العامة ويتناول مشكلة اهمال الدولة للمؤسسات الثقافية والصحية وينتقد المناهج التربوية الجديدة والقديمة إذا ما اكتشف أنها تضر بحاضر ومستقبل السكون الاجتماعي أو لا تحقق الغرض العلمي أو التربوي... إلخ.
ولكن لا بد من وجود الكاتب المتخصص كما كان الحال حين وجدنا بعض رؤساء التحرير انتبهوا لهذه المسألة ووفروا مجالاً للأساتذة عثمان سنادة وعثمان سوار الذهب والراحل صلاح عبد الرحيم بالتفرغ لتحرير المادة الاقتصادية.
لا أعتقد أن الكم الهائل من الصحف اليومية والاسبوعية يسهم في تجويد التحرير الصحفي، ولا أدري هل يهتم مجلس الصحافة والمطبوعات بأمر تقييم المادة التحريرية أم أن وظيفته هي تحصيل الرسوم لإصدار المطبوعات، وانجاز الجزاءات علي الصحفيين، وستكون المشكلة أكبر لو علمنا أن المسؤولين في المجلس المذكور أبعد عن الدراية بفن العمل الصحفي، والسؤال الاهم هو ما هو دور نقابة الصحافيين والاتحادات المعنية الاخرى في مراجعة الاداء المهني ولو من باب الحوار عبر منتديات الاتحاد إن وجدت. وأعتقد أن من مهمام الاتحاد أن يبدأ بفحص عقودات العملية الصحفية لمعرفة انصافها للصحافيين ومدى إمكانية المساعدة في استقرارهم المادي والاجتماعي، حتى لا يكونوا عرضة للاستغلال من قبل المستثمرين الصحافيين والمؤسسات الحزبية والشركات.
إن تجربة صحيفتي «الايام» و«الصحافة» وكذا سونا -ولاستمرار هذه المؤسسات لفترة طويلة من الزمان- خرّجت كوادر صحفية متدربة لا تزال هي الأكثر تدريبا في العمل الصحفي ومعظم الذين يديرون الصحف العربية خلف الكواليس هم من مدارس «الصحافة» و«الأيام» و«سونا» وأعتقد أن عالمنا العربي استفاد من هؤلاء الخبراء في التحرير الصحفي أكثر من بلادنا، وذلك بسبب الموقف الحاد من نظام مايو والموقف الآخر من استمرار الصحف الحكومية بعد إنهيار النظام. وما بعد زمن الانتفاضة توفرنا على تجارب صحفية متطورة ومتنوعة وكان فيها الاهتمام بالتحرير الصحفي أولوية للتنافس ولو استمرت صحف الانتفاضة لوقفنا على تطور لأنواع من المدارس الصحفية ولشهدنا تفتقاً لمواهب صحفية متعددة.
وبرغم أن الاهتمام بالكاتب يعتبر أمراً طيباً ويساعد الصحف على القيام بدور تنويري أو تثقيفي إلا أن المبالغ التي تبذلها الصحف لغالبية الكتاب يعتبر مثل عطية المزين ولا تحقق أي قدر من التشجيع اللازم.
وللانصاف فإن القارئ للصحف الصادرة اليوم يرى تطوراً فردياً في التحرير الصحفي ولكنه لم يصبح جماعياً ونلحظ وجود اسماء معتبرة في دنيا الحوار والتحقيقات والتحليلات والملفات الثقافية والفنية ولكن المشكلة أن هذه المواهب متناثرة في هذا الكم الهائل من الصحف وتمثل أقليات وسط الضعف المهني لكثير من المحررين.
الشيء الاخير الذي اود التنبيه إليه هو أن الصحافة الرياضية، برغم محاولات السخرية من أدائها ورموزها، إلا أنها تضم خبرات متميِّزة في التحرير الصحفي والسبب يعود لرسوخ التجربة في بلادنا، ولذا نجد أن الصحف الرياضية تحظى برواج للتغطيات الصحفية المتميزة للمحررين واهتماماهم بالمنوعات، والتي تمثل حجر الزاوية في اهتمام القارئ، كما أن التجربة تتيح للمحرر صقلاً متواصلاً، فالمحرر الرياضي يبدأ مخبراً ثم مغطياً للنشاط الرياضي وزيارات الفرق محلياً وخارجياً ويقضي وقتاً في اجراء الحوارات الصحفية ثم معلقاً على المباريات ومتمرنا في المطبخ الصحفي حيث يتعرَّف على فنون التصميم وكيفية عرض المادة وإخراج الخطوط.
ولقد بدأت بالصحافة الرياضية واستفدت كثيراً منها، وما زلت أرى ان مهنيتها متقدمة بالقياس لمهنية الصحافة الثقافية والفنية أو حتى الصفحات الدينية التي تظهر مرة وتختفي مرات والغريب أن بعض الصحف التي أشرف عليها إسلاميون خصصوا صفحات دينية في «فصل تام» بينها والصفحات الأخرى.. واللبيب بالإشارة يفهم!!
وإن كان بعض الناس يصفون مضمون الصحافة الرياضية بالضعف أو الركاكة فالصورة ليست قاتمة كما هو حال الكتابة السياسية التي وجدناها في أزمان مختلفة تؤسس للشمولية وتحض الآن على العنصرية وترتهن بعض الأقلام للسفارات الأجنبية وتنحاز غيرها للتعبير عن الأحلام الحزبية أكثر من الوطنية ولعل كل هذا لم يفعله الصحافيون الرياضيون، والذين مهما علت مهاتراتهم وتجاوزوا الأعراف الصحفية. ويجدر بالذكر النجاحات التي حققها الصحافيون الرياضيون في دول الخليج حيث أشرفوا على الملفات الرياضية ورأسوا تحرير بعض المجلات ونذكر منهم كمال طه وكمال حامد وتاج السر أبو سوار واسعد يوسف وكفاح علي حسين وعلم الدين هاشم وقاسم نايل ونصر الدين منزول وعلي سيد احمد وياسر قاسم وعامر تيتاوي وعوض أحمد عمر وإبراهيم عوض.. والقائمة طويلة.
أعتقد أن هناك جوانب خلل كثيرة تتعلق بصحافتنا ونأمل أن تسهم هذه الكتابة في فتح ملفات الصحافة السودانية.. وربما حاولنا في مقالات سابقة تناول جوانب أخرى من القضية الصحفية وهي لا تقل أهمية عن القضية الحزبية.
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: مصطفي سري)
|
الاخ الفاضل والصديق الحبيب مصطفى سري
يشهد الله انني احتفيت جدا بمداخلتك
اولا: لانك زول عزيز جدا على
ثانيا: لاني والله مشتاق ليك
ثالثا:لان اسهامك انت بالذات مفيد لكونك عاصرت
المنبر من داخل وخارج السودان
رابعا: اعلم ان تجاربك المهنية ثرة جدا
وانك من اساطين المنبر وارى ان المزاوجة بين الامرين تنتج
اراء نوعية.......
طبعا يا سرى انا علقت على مداخلتك
فور وصولها - فى الصفحة الثانية وتحت تعليقك مباشرة
ولكن العتب على النظر ياسرى يا خوي
عامل السن واللا المشغوليات
عموما اعتذر ليك برضو انابة عن نظرك
واعيد تعليقي على ما تفضلت به
ياخي نحنا لاقنك وين يا حبيب
والله ليك وحشة
Quote: حبيبنا مصطفى سرى
ليك وحشة
وشوقنا ليك بحر
يا صديقي دعنا نتناجي فى واقع لانملك مفاتيحه
فليس امامنا سوى المناجاة لتدبر حالنا ومعرفة مالانا
Quote: يا صديقي :الصحافة السودانية تعيش في ازمة ومتهاتها والعجب ان عمرها تجاوز
المئة بقليل ، ونعلم ان كثيرين من صحافيننا ساهموا بقدر فعال في دول البترودولار
في كل الاجهزة الاعلامية مع شعوب دول اخرى لكن كانت هناك ميزة للسودانيين ، والاسباب
التي جعلت اخوتنا الصحافيين الذين سبقونا في هذه المهنة وهم كثر ولا داعى لذكر
الاسماء حتى لا نغمط حق احداً منهم ، ان يتغربوا وما زالوا هو ما قلته عن تراجع
الصحافة السودانية وما تعانيه من كبوات بفعل انظمة فاقدة الشرعية ، وما ادخلته
الحكومات الشمولية في مهنة الصحافة تجعل قدراً كبيراً من الارزقية في علية القوم
وليس المجال لذكرهم -
اوافقك الراي حول ما ذهبت اليه بشان تميز الصحفيين السودانيين
وتردي واقع الصحافة السودانية
وما فعلته فيها الانظمة الشمولية
وارى ان الاجواء الصحفية مسممة بكثير من الممارسات
التى تحتاج لمعالجة
ولكن دعنا نقول ان سودانيز اون لاين مثل رئة تنفس عبرها كثيرون الصعداء
وشكلت مساحة التناول فيها خريطة لوطن حدادي مدادي تظلله قيم العدالة وحرية التعبير
فكان ان توافد عليه السودانيون ومن بينهم صحافيون ارادوا الاضافة غير ان كثيرا من الاسباب
حالت دونهم والمشاركة الفاعلة.
Quote: الصحافيون هنا او هناك يعيشون في متاهتهم ... قلم مكسور ، واخرون يعتقدون انهم افضل
الصحافيين في الدنيا وليس السودان مع انهم لا يفرقون بين ملدوفيا واوكرنيا ..
المشاركة ضعيفة هنا لاسباب تعلمها ... اقلها ما ذكرته ... انا ليس لدي مقترح
ولا احبذ ذلك لسبب لان المقترح مقتول في حينه - في السودان فقط - لكن شئ عملي
واحد ان يفتح لنا بكري ابوبكر سودانيز اون لاين مصدر رزق ديموقراطي - بقروش
طبعاً - لوكالة انباء سودانية حقيقية تنقل عما عفا من الصحف ، وليصبح استثماراً لنا
صحافيو سودانيز اون لاين ... الامر متروك للنقاش وسبق ان ناقشت الاخ حمزة ابوبكر
شقيق سيد الحوش لشئ في نفسي ,,, شكرا محمد عبدالقادر
لقد لمست سرى كثيرا من الحقائق التى شكلت نفسية الصحافيين
ولكنك تعلم اخي ان الركون لهذا الواقع من شانه ان يضاعف من ماساة الصحافة وهذا ما يريده منها
مكممو الافواه لذا وجب استثمار اجواء المنبر فى نظري للخروج من قوقعة الوضع النفسي الخطير
الذى دخل فيه الصحفيون.
وليكن هذا المنبرا ملاذا امنا لتلاقح الافكار وتبادلها لما تتوفر فيه من بيئة جيدة للتعاطي مع الراي والراي الاخر.
Quote: لكن شئ عملى واحد ان يفتح لنا بكري ابوبكر سودانيز اون لاين مصدر رزق ديموقراطي - بقروش
طبعاً - لوكالة انباء سودانية حقيقية تنقل عما عفا من الصحف ، وليصبح استثماراً لنا
صحافيو سودانيز اون لاين ... الامر متروك للنقاش وسبق ان ناقشت الاخ حمزة ابوبكر
شقيق سيد الحوش لشئ في نفسي ,,, شكرا محمد عبدالقادر
ما اجمل هذا الاقتراح مصطفى سرى
ويارب بكري رايو شنو
شكرا صديقي سري تحياتنا للصغيرة ربيكا وامها
وتقبل فائق الاشواق |
شفت كيف........ فائق المودة
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: محمد عبد القادر)
|
عزيزي محمد عبدالقادر ، الف تحايا لك والاسرة
اسف للغضبة التي اعترت لغتي معك ليس في الامر شئ - مثل اغنية الكابلي الذي تحبه انت- وذلك
انني قفزت مع الصفحة الثالثة مباشرة لغياب لفترة وجيزة ، وهذا يعبر ان البوست الذي ابتدرته
انت فتح قضية نعانيها اليوم ومن قبل ، الحرية الصحفية يا صديق ، ومع ذلك كنت اتمنى ان
يتداخل اخرون في قضيتنا الراهنة بكلام يدخل في صميم الشغلة ، كما يقول صديقنا ( الحاج )
عليه اننا امام قضية شائكة لكننا نستطيع بما لدينا من موروث نضالي - طبعا نخرج المرجفين
وهم بينك ومن امامك - ونفتح كوة لعمل صحافي المهنية طابعها وعظمتها ... اكرر اسفي لك
وعيوني برضو قوية ... تحياتي للجميع ...
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: مصطفي سري)
|
اولا ..سلام للجميع ..
عزرا لتأخرى فى المشاركة بسبب سفرى خارج البلاد مع بعض المشغوليات
صحيح ان عددمقدر من الصحفيين مشتركين في المنبر ..وصحيح ايضا ان مشاركتهم
في كتابة المداخلات والمواضيع ضعيفة وانا منهم والاسباب لا تخرج عن ما ذكر
اضافة الى ان الصحفي في الخرطوم يختلف عن الصحفي الذي يعمل من الخارج والجميع يعلم
الظروف التي نعمل بها يعني ببساطة ممكن تكون في الجريدة من الساعة 9صباحا
وتتابع خبر تكتمل اركانه الساعة 9 مساء وتجي بكرة تلقاه ما نزل في الجريدة
او المصدر يزعل منك عديل ويفقد ثقته فيك من تكرار هذه المسالة ..هناك عموما
احباط كبير لدى الصحفيين ..محتاجين صراحة زى اللمة دي وفرحانين بقرب زملاء
بعدوا مننا ولقيناهم هنا يشاركونا في همومنا.
مقترح الوكالة جيد الا انه يتعارض مع عمل البعض في الصحف خاصة في مجال الاخبار
التي لا تقبل القسمة علي اتنين ..
مصطفي سرى ..كنت قبل ايام في بريطانيا وزرت مانشستر وفشلت في ايجاد تلفونك
عموما الجايات اكتر ..وشكلي راجعة ليكم تاني .
شكرا محمد عبد القادر علي هذا البوست
اميرة
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: اميرة الحبر ادريس)
|
اميرة الحبر
حمدا لله على السلامة
نعلم الظروف القاسية التى تواجه عمل الصحافة بالداخل
اعاننا الله جميعا على هذه المهنة
ونامل ان يكون سودانيز اون لاين واحة فيحاء
تظللنا جميعا...
ونتمنى ان يكون جرعة توفر تطعيما ضد الاحباط
لان ظروف النشر المتوافرة
اعتقد انها مثالية
وتحتاج لاستغلال امثل
يعني مشيتي ما نشيستر وما لاقيتي سري
تمشي الحج وما تقيفي بي عرفة
لكن تعال يا سرى انت غاشينا واللا شنو
اوعا تكون قاعد فى كوستي وخامينا بحكاية ما نشيستر دي
اميرة - ما تنقطعي
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: محمد عبد القادر)
|
وين يا شابة
Quote:
الصحفي في الخرطوم يختلف عن الصحفي الذي يعمل من الخارج والجميع يعلم
الظروف التي نعمل بها يعني ببساطة ممكن تكون في الجريدة من الساعة 9صباحا
وتتابع خبر تكتمل اركانه الساعة 9 مساء وتجي بكرة تلقاه ما نزل في الجريدة
او المصدر يزعل منك عديل ويفقد ثقته فيك من تكرار هذه المسالة
|
القال ليك منو ..؟؟
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: الطاهر ساتي)
|
دة بوست صحافيين ياالطاهر ساتي
.............................
انتو برضو لحقتو تصنفو الصحافيين
لى حناكيش ومجاهدين وكدة
؟؟؟؟؟؟؟؟؟؟؟؟؟؟؟؟؟؟؟؟؟؟؟
ياايها الكاتب المحترم
قل خيرا او اصمت
؟؟؟؟؟؟؟؟؟؟؟؟؟؟؟؟؟؟
اعلم ان بعض الكتاب الذين دخلوا الصحافة
عبر بوابة السياسة ينظرون الى الصحافيين
من ابراج عاجية متوهمة... سرطان ينهش فى جسد المهنة
والمهنة بريئة منه..
واربا بك ان تكون منهم.....
واذا اصبحت منهم بالمعايشة حبابك(دوركن جايي)
...........
ننتظر مقترحات تعزز من اسهام الصحافيين
وتجمعهم (على صعيد متصل)
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: محمد عبد القادر)
|
| Quote: واذا اصبحت منهم بالمعايشة حبابك(دوركن جايي) |
قل : دوركم
ولاتقل : دوركن
برضو تقولى ماحناكيش ..؟
Quote: اعلم ان بعض الكتاب الذين دخلوا الصحافة
عبر بوابة السياسة ينظرون الى الصحافيين
من ابراج عاجية متوهمة... سرطان ينهش فى جسد المهنة
والمهنة بريئة منه..
واربا بك ان تكون منهم..... |
خطاب معتمد برئاسة ولاية ........................
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: الطاهر ساتي)
|
| Quote: واذا اصبحت منهم بالمعايشة حبابك(دوركن جايي) |
انت (دوركن) دي اتعبتك ولا شنو
اها يا سيبويه الدنقلاوي
اقول ليك النون دي مقصودة
دة طبعا اذا بتعرف عربي
لكن العارفو انا انك رطاني
علاقتك بالعربي زي علاقة الكتاب بالطب
حتى اللغة بقت جزء من ارثكم الديمقراطي
...................................
بعدين اتخيل لى انت جايي بمهمة
ل(فركشة البوست)
خلاص فرتقتو البلد قبلتوعلى الصحافيين
يا (اخي الكريم) مش بتقولو كدة
منتظرين مقترحاتك..
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: محمد عبد القادر)
|
أبحميد
سلامات ورشايدة
ما تفهمني غلط.."كوشيا" من كوش وليس من يكوش تكويشا فهو مكوش، بضم الميم..ناس ساتي ديل ما بتعرفهم إنهم أهل دولة كوش البعيدة في التاريخ..يا زول أنا خايف أخونا بشاشا يجيك ويقول ليك حتى الجلابة مخبين المعرفة حول "كوشيا"..وبالراحة شوية على أخونا ساتي فهو الآن من آل البيت..منا..واحتمال يكون مننا أيضا..وما تخلوها مجادعة بين ناس الري العام والصحافة..ولو بقت كده يا خوي تلقاني مع أخوي الكاشف ساتي..والمعايش جبارة يا ابحميد..والله يستر.
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: صلاح شعيب)
|
| Quote: ما تفهمني غلط.."كوشيا" من كوش وليس من يكوش تكويشا فهو مكوش، بضم الميم..ناس ساتي ديل ما بتعرفهم إنهم أهل دولة كوش البعيدة في التاريخ..يا زول أنا خايف أخونا بشاشا يجيك ويقول ليك حتى الجلابة مخبين المعرفة حول "كوشيا"..وبالراحة شوية على أخونا ساتي فهو الآن من آل البيت..منا..واحتمال يكون مننا أيضا..وما تخلوها مجادعة بين ناس الري العام والصحافة..ولو بقت كده يا خوي تلقاني مع أخوي الكاشف ساتي..والمعايش جبارة يا ابحميد..والله يستر. |
يا صلاح شعيب
معايش شنو البتخليك مع (الكوشيين)
الطاهر طبعا ارجع التصريف الى (الكوشة)
عموما عاذرك يا صديقي
ربنا يستر........ انا الوداني شنو
كان تكلمني بدري قبل ماطول لساني على
المناضل الطاهر ساتي.............
واكيد هو مننا
خالص الود
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: اميرة الحبر ادريس)
|
Quote: طلحة ازيك
والله الرأى العام فاقداك ياخي ..
قبيل اتزكرناك صالة التحرير كانت مليانة هلالاب
وصلاح ادريس واخرين ..واخر غنا مع سيف الجامعة اتخيل طلع
هو زاتو هلالابي لمن مريم ابشر زعلت منو ..بس لمن غنى
أعزريني سامحناهو كلنا.
مريم بتسلم عليك .
اميرة
محمد ..معليش للخروج عن النص
بس بجي راجعة ليهو تاني |
؟؟
مالك يا بت الحبر على طلحة
انتي ما عارفة سيف الجامعة دة
بيقوم نفسو... بالله سمعتي اعذريني دى غناها كيف
وبكينا معاهو فى ابكي
قلت ليهو عندنا اخونا مدمنك قال لى خليني النشوفو
قلت ليهو(سافر مع طير الجروف الموسمية)
ربنا يرد غربتك يا صديقي
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: طلحة عبدالله)
|
Quote: الشمير يعني رفع أكمام العراقي القصير أعلي الكتف وربما ربطها من الخلف .
حاشية أخيرة :
لما الزول يصل مرحلة الكفكيف يعني مرق للربا والتلاف .. (وش عيونو حمر بضم الحاء) |
الموضوع مابيستحق يا طلوح
دة خليهو انا كفيل بيهو
خلينا فى القضية الاساسية
وش شين ودشن وعيونو حمر
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: الطاهر ساتي)
|
محمد عبد القادر
سلامات وعساك بخير
وعبرك التحايا لكل الزملاء والاصدقاء... وشكرا لفتحك هذا النادي الاسفيري الجميل
الذي جمعنا بأصحاب الشتات وغرباء الوطن..
ويا عزيزي المشغوليات وأعباء العمل المتزايدة وحدها هي التي تمنعنا عن المشاركة والتواصل
بل وعن الطلة والمرور العابر ..
عموماً أمل أن تتاح الفرصة للتواصل مع احباب فرقت بيننا وبينهم المسافات ، وزادت الأشواق للقياهم
وسماع صوتهم ، أو بأضعف الايمان قراءة حرفهم عبر سودانيز اون لاين..
وللجميع محبتي.
العزيزان
طلحة وصلاح شعيب
مشتاقييييين كتير..
جمال
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: جمال ادريس)
|
Quote: ويا عزيزي المشغوليات وأعباء العمل المتزايدة وحدها هي التي تمنعنا عن المشاركة والتواصل
بل وعن الطلة والمرور العابر ..
عموماً أمل أن تتاح الفرصة للتواصل مع احباب فرقت بيننا وبينهم المسافات ، وزادت الأشواق للقياهم
وسماع صوتهم ، أو بأضعف الايمان قراءة حرفهم عبر سودانيز اون لاين..
وللجميع محبتي.
|
الحبيب جمال ادريس
ياخي شرفت البوست حبابك الف
وبركة الشفناك طيب
مقدرين يا عزيزنا المشغوليات
وعايشنها لكن برضو محتاجين نعمل لينا واحة ونستظل بتواصل
مفقود بين قامات صحفية كثيرة فى هذا المنبر
والله من نعم ربنا علينا انو هذا التجمع الاسفيري
جمعنا بي ناس كتار افتقدناهم
ومعا من اجل تواصل دائم
منتظرنك
فائق الود
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: محمد عبد القادر)
|
الاخوة الزملاء .. محمد عبدالقادر .. بخارى .. كردى.. طلحه ..صلاح شعيب
ولكل الاحباب .. محبتى لهم جميعا .. لازالت مخاوفى تزداد يوما بعد يوم
وأنا ارى هذا البوست قد أخذ منحنى جميلا ورائعا لكنه سوف ينسينا لب الموضوع
على كل حال أخوتى الافاضل أنتم أدرى وكما قيل أهل مكه أدرى .....
ارجع بكم قليلا للعنوان أعلاه .. الصحافيون فى المنبر .. مشاركة ضعيفة ..
السبب شنو ؟؟؟ أسمح لى أخى محمد عبدالقادر أن أسأل من هو الصحافى ؟
ماالذى يصنع الصحافة العظيمة ؟ والصحافيين العظام ؟؟ ومعذره زملائى الصحفيين؟؟
ولنا عودة
تاج السر
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: تاج السر محمد حامد)
|
Quote: ارجع بكم قليلا للعنوان أعلاه .. الصحافيون فى المنبر .. مشاركة ضعيفة ..
السبب شنو ؟؟؟ أسمح لى أخى محمد عبدالقادر أن أسأل من هو الصحافى ؟
ماالذى يصنع الصحافة العظيمة ؟ والصحافيين العظام ؟؟ ومعذره زملائى الصحفيين؟؟
ولنا عودة |
العزيز تاج السر
مقدرين حرصك على البوست
والله هذا السؤال مهم جدا غيرا ني ارى ان فتح الباب
للرد عليه سينسينا الموضوع الاساسي
هو موضوع يحتاج الى بوست منفصل
نحن الان ندعو كل من يمتهن الصحافة.. وهذا يكفي
الى حين اشعار اخر
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: محمد عبد القادر)
|
عن اذنك يا حودة ومعليش يا تاج السر ( وش زول ماشي جنب الحيط )
العزيزة اميرة الحبر سلامات حارة وأشواق عظيمة لك ولكك الرائعين والرائعات هناك .
قريبا جدا ساكون بينكم باذن الله
وحتي ذلك الحين فأرجو ان تتأكدي أنني إفتقدكم وأحن بشدة للقياكم ولكن العزاء انني ما زلت احتفظ بدفء ذكراكم وأطيافكم تقيني وحشة الغربة الرهيبة .
العزيز جمال ادريس أما آن الآوان اياه يا حبيب ..؟؟
في إنتظار العديلة وبيضاء ياخ .
حودة الحبيب كيفنك وكيف ايامك ياخ .
فتت (بضم الفاء يعني إتخارجت بسرعة )
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: طلحة عبدالله)
|
Quote: العزيز جمال ادريس أما آن الآوان اياه يا حبيب ..؟؟
في إنتظار العديلة وبيضاء ياخ .
حودة الحبيب كيفنك وكيف ايامك ياخ .
فتت (بضم الفاء يعني إتخارجت بسرعة ) |
الاخ جمال ادريس طلحة دة مالو عليك
لكن بيني وبينك العديلة وبيضاءسمحة
عقبالك يا جميل
والله ايامي فاقداك يا طلوح
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: مصطفي سري)
|
مصطفى سرى ..والله سالت عنك كتير
وهم عرفوك خاصة ناس لندن بس ما عندهم تلفونك
ومانشستر ما قعدنا فيها كتير ..اتغدينا وتجولنا في المدينة فقط
وكنا مارين متجهين ركسم في الشمال ..وبعد مدة عرفت انك هناك
بس لكن يا مصطفي اكتر حتة عجبتني جد كارديف وجامعتها المشهورة
عمومامناطق ويلز جميلة وهادية ..وانا كنت قاعدة اغلب الاوقات في برستول
سنتر التكاسة السودانين ..
طبعا موبايلك عند هنادي اتوقع مني تلفون لمذيد من التفاصيل .
اميرة
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: اميرة الحبر ادريس)
|
Quote: محمد عبد القادر
انت بكرى ده مهمشنا ليه ؟
ولا يكون ساكت فوق رأى..
الله اعلم
اميرة |
والله يا اميرة سؤال فى الصميم
البوست دة كلو ما حرك طرف اضانو
ان شاء الله المهندس بكري دة يكون راقد لو فى راي
مع انو فى حاجات مقترحة مفروض يجاوب عليها صاحب الدار
المهم فى انتظارو... وراهو والبوست طويل
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: محمد عبد القادر)
|
يا مرمر (أسم الدلع لأميرة ) .. والله كونو بكري فاتح لينا حوشو دا عشان الواحد يلاقيكم دي حاجة ما هينة ونشكرو عليها شديد ياخ .
إلا بمناسبة جمال إدريس دا يا حودة ياخ .. معقول كادر صحفي كفوء زيو كدا يكون لسة مجرد محرر زينا كدا حتى الآن ..
غايتو يوم أنا يا رفعت قضية يا ولعت في المنطقة دي كلها باللي فيها ..
عليك الطلاق بالتلاتة صدق من قال لا كرامة لنبي بين بني وطنه ..
يا جمال ادريس من أسي لو لقيت لى قروش حاجزك رئيس تحرير الجريدة اللي ح أعملا ..
بالمناسبة ياخ سلم لي كتير علي أستاذك احمد نصر .
سرت ( بكسر السين يعني مرقت برآآآحة )
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: طلحة عبدالله)
|
طلحة عبد الله سلامات
مشتاقين ليك والله كتير ولي أيامك الخوالي..
سعيد انا لطلتك في المنبر وتواصلك الواضح
وهكذا عهدتك دوماً أينما تحل تحدث أثراً وتخطف الاضواء
وطبعاً ما حأعلق على كلامك الأخير لأنك بتبالغ شوية..
عموماً اتمنى انو نلتقي قريباً في الخرطوم "أم غباراً شح"
واتمنى أن تكون سعيد وموفق في الغربة ..
ولك وللعيال تحياتي....
ويا محمد عبد القادر آسفين على إستغلال المساحة في الخاص
بس أوعدك بمقال كامل عن موضوع حيوي ضاقت عنه صفحات الصحف
ولك ودي...
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: جمال ادريس)
|
الشفيف الحسيس كعادته جيمي قال لحودة هنا:
Quote:
ويا محمد عبد القادر آسفين على إستغلال المساحة في الخاص
|
ولا يهمك يا جيمي فحودة مدينا الضوء الاخضر والدليل ردو لتاج السر دا :
Quote:
العزيز تاج السر
مقدرين حرصك على البوست
والله هذا السؤال مهم جدا غيرا ني ارى ان فتح الباب
للرد عليه سينسينا الموضوع الاساسي
هو موضوع يحتاج الى بوست منفصل
نحن الان ندعو كل من يمتهن الصحافة.. وهذا يكفي
الى حين اشعار اخر
|
خليك قريب بلاي يا جيمي راجع ليك .
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: وجدي الكردي)
|
Quote: يا محمد بطل عادتك الكعبة دي.....
عارف بكري زعلان من البوست ده ليه؟
عشان قاعد تقصقص أي كلام وتلصقو تاني..
يا خي حتلقي بكري حيعطل خاصية الاقتباس في البوست ده، أصلو اليومين ديل بقى زول شرّاني..ّ
شراني بالنون يا طلحة، ما بالميم، أحسن يقوم يرفدنا......! |
كدة كيف ياوجدي
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: وجدي الكردي)
|
Quote: يا محمد بطل عادتك الكعبة دي.....
عارف بكري زعلان من البوست ده ليه؟
عشان قاعد تقصقص أي كلام وتلصقو تاني..
يا خي حتلقي بكري حيعطل خاصية الاقتباس في البوست ده، أصلو اليومين ديل بقى زول شرّاني..ّ
شراني بالنون يا طلحة، ما بالميم، أحسن يقوم يرفدنا......! |
كدة كيف ياوجدي
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: محمد عبد القادر)
|
Quote: الاخوة الزملاء .. محمد عبدالقادر .. بخارى .. كردى.. طلحه ..صلاح شعيب
ولكل الاحباب .. محبتى لهم جميعا .. لازالت مخاوفى تزداد يوما بعد يوم
وأنا ارى هذا البوست قد أخذ منحنى جميلا ورائعا لكنه سوف ينسينا لب الموضوع
على كل حال أخوتى الافاضل أنتم أدرى وكما قيل أهل مكه أدرى .....
ارجع بكم قليلا للعنوان أعلاه .. الصحافيون فى المنبر .. مشاركة ضعيفة ..
السبب شنو ؟؟؟ أسمح لى أخى محمد عبدالقادر أن أسأل من هو الصحافى ؟
ماالذى يصنع الصحافة العظيمة ؟ والصحافيين العظام ؟؟ ومعذره زملائى الصحفيين؟؟
ولنا عودة
تاج السر |
الأخ / محمد عبدالقادر
بالرغم من أنني قرأت ردك علي الأستاذ تاج السر إلا أنني أرغب في تكرار ما قاله للعديد من الإخوة الذين أخشي أن تحرف مشاركاتهم ( اللطيفة) هذا البوست عن مساره.. دي واحدة
تاني ..أرجو ألا تهتم بالتوزيع ( ضخامة عدد المشاركات و رفع البوست ) ، الطبع هنا- يا صديقي - مجاناً و المتعاونون متطوعون لا يكلفون الناشر ( الذي هو أنت ) قرشاً واحداً . إذن ليست ليست هناك حاجة للإعلان.
سأعود بعد قليل،،
مع مودتي و إحترامي،،
محمد عثمان
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: محمد عثمان ابراهيم)
|
الاخ محمد عثمان
اشكرك على ما كتبت
وانا احرص الناس على عدم انحراف
البوست عن مساره
ولكن اخي محمد ليس بامكانك منع مشاعر الناس
من التحليق فى عوالم الخاص لان الامر اولا واخيرا
محاولة لجمع الناس
اطمئنك ان كل مشكلة ذكرت او مقترح قيل فى الحفظ والصون
وبالنسبة لى زيارة هذا البوست تعني الكثير
لم افهم بالطبع ما عنيته بمسالة الناشر والاعلان
ولكن احاول ما استطعت ان ارد على كل مداخلة
وقد اكون(برلوم) طبعا فى التعامل مع البوست
ولكن القصد ليس الاعلان باي حال من الاحوال
اتمنى تصويبي ان اخطات
مع خالص الود
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: khalid abuahmed)
|
Quote:
موضوعكم بقى قديم الصحفيين الآن اكتسحوا المنبر. |
الاخ خالد والله دة المنى
ولكن مازال السؤال مطروح
انا الاحظ ان هنالك مشاركات متفرقة
ولكن فى اغلبهاتواصل اجتماعي اكثر من كونها طرح
له علاقة بلهث المهنة اليومي
نرغب فى نشر جاد فى زاوية مخصصة داخل المنبر حسبما
اقترح بعض الاخوة
هنالك تحفظات ذات صلة بالهجوم على الصحفيين
ايضا تحتاج الى مدارسة
نحن الان فى مرحلة حصر المقترحات
ونتمنى تفعيل المشاركة
لك ودي يعني من ةيوم سباق الفورمولا والجوالبديعداك
ماشفناك
| |
|
|
|
|
|
|
|
|
|
Re: الصحافيون فى المنبر..مشاركة ضعيفة..السبب شنو؟؟ (Re: محمد عبد القادر)
|
محمد عبد القادر سلامات ..
وشنو الغيبة دي ...
انقل ليك هنا الفقرة دي من بوست كورة الهلال .. *****************
Quote: العزيز محمد عبد القادر
اوجعت قلوبنا هذا الصباح بعرضحالك المبكي على اخيرة حكايات عن الفقيدة"عجوز" تلك النسمة التي رحلت في هدوء تاركة مساحات من الحزن في قلب كل من يعرفها ..في بلد مفطوم على المآسي والاحزان ..
رحمها الله رحمة واسعة واخذ بأيدي خلفها ... وسلمت يداك يا اخي ..
**********
اسف على الخروج عن موضوع البوست .. ولكن امام حروف محمدتلك لاتملك إلا أن تبكي معه ولو بالحرف
فذلك اضعف الايمان ... |
********
ولك تحياتي..
| |
|
|
|
|
|
|
| |
طلحة عبدالله
تاج السر محمد حامد
محمد عبد القادر
khalid saad
ناهد بشير الطيب
مصطفي سري
صلاح شعيب
اميرة الحبر ادريس
الطاهر ساتي
جمال ادريس
محمد عثمان ابراهيم
khalid abuahmed
عبد الواحد أبراهيم
ايهاب اسماعيل
فيس بوك
تويتر
انستقرام
يوتيوب
بنتيريست