شعراء وشاعرات منبرنا معا كل يوم قصيدة

Quote: وجع الزمن يا جاية من وجع الزمان القاسي هداكي حيل مهمومة ليل قلبك الكبير فاقد الوفاء مجروح في الضهر من اقرب قريب كفاك حزن سيبي البكا ووجع الضني واكشحي جراب حزنك ضحك في وجه الغروب وامليهو من نور الصباح حبة امل شوية فرح وتعالي للحاضر الجميل نبوة عشق بغناوي الريد مشاعر صدق تخاصم الزيف ونسمة ضؤ للتائه دليل في ظلمة ليل وللفاقد امان لحظة حنين ضل غيمة عز الهجير وانا الراجيك من عمرا طويل اتاوك لي حلمك المستحيل فاجة لقيتك بتنبعي من جواي بحرا فائض حب موجو عليا دفق بطعم البنفسج ورحو النقية احساس بجنة فرحي بيهو فات اي حد وانا في عيونو اغرق اغرق 3/3/2006

Quote: تحفـــــــــة عيونك تحفة أسطورة مركبة بانسجام لأمن أعاين ليها وحاتك يا غالية يغلبني الكلام وأنبهم ما اقدر أقول أي كلمه بعد السلام يا نخلة من خير أرضنا عالية أنت شاقة صدر الغمام والطير المهاجر بعد سفرا طويل حط فوق كفك ونام وأنا ما قادر أطول واحصل هامتك ولا أسرع عشان الحق ضل ايدك أتمني لو اتمدد في فضاك وأتوسد من التعب لحاك واحكي ليك حكاية زول شرب من سلافة تمرك كاس معتق بنخب حروفك لأمن سكر بي هواك تعرفي لآمن قلت ليك داير ألقاك وطلعت قولة إنشاء الله خير من خشمك ساهرت الليل اتونس باسمك لحد ما طلع النهار وأشكل من نجمو لوحة تحمل رسمك فيها البنفسج للضوء خط انكسار وكبت ليك في الزمن أسرع قطار عشان اجيك وسبقني ليك قلبي المن زمان مشتهيك ياربتو كان يلحق وساعة لقيتك لا قدرت أشيل خطاي وامشي عليك لأقدر صوتي يطلع ووبنده ليك ورجعت منكسر ولي بعدك هميت لكن يارايعة بس داير أقول ليك كل ما يطول سفري لي مدن عينيك واقطع ليها سهول وبحار وألاقي في سكتك عجائب وأشوف الخضرة على ضفة الأنهار بحس بي متعة الترحال وفي خاطر عيونك مابيغلبني الانتظار لان خطاي في دربك الأمل احتمال يمكن اصل... يمكن اصل ابريل 2001

Quote: رسم عينيك قريت في عيونك معنى الوجود ورسمت فيها وطن من غير حدود ضل على الجميع ممدود أطفال بتلعب بالورود الضحكة تملى الخدود وطن مخاصم الجوع الكضب ممنوع عرش الظلم مخلوع صوت الهوس مفجوع محمد اخو اليسوع علم السلام مرفوع صوت الفقراء هو المسموع والحرية تسود وطن جايهو من واقع بالحرب موجوع ومن زمن مشاتر تأني ما في ليهو رجوع بونس بيهو شافع حبك في قلبو هو المزروع وطن رسمتو بي قلم مكسور في زمن مجنون وبجرح منخور في قلب محروم وطن واسع بصدر حنون بيت الناس كلمة ريد بالحب مسكون والرسم في عيونك من أجمل الفنون وطن عيونك لابد من يوم حايكون يوليو 2001

Quote: وردة حب تكوين يا الجننتي عيونك سابح في مداها وتايه في شجونك كنت ضايع في ألدنيا وضجيج الكون واهتديت لسكونك بستلهم طعم الدنيا من وجودك يا نجمه بتضوي طريقي في ظلم الليل وحاتك ضايع من دونك وعيونك تروي أجمل معاني إنسان نابع من تكوينك بحكم على قلبي بالموت لوزر عتو في ارض آماها أرضك وفي تراب ماهو ترابك ليه كل ما قلبي ليك يشابي يحلم بي موعد يلقى التأجيل مكتوب على بابك يرجع مكسور وفية عشم في باكر يقول يصبر ويستني حتى لو لي آخر العمر برضو شانك بتين يا يوم بكره تجي عشان ازرع أجمل وردة حب في بستانك سبتمبر2000

Quote: أنت أول كنا بنتجادل عن الوهم والحقيقة ونتساءل المادة أول أم الفكره لقيتك أنت أول قبل ما ملامحك في خيالي تتكون وقبل ما حروفك في مبادئي تتدون لقيتك أنت أول مانت قائمة معاي من زمان بالفطره بحسك جواي يحيني مع الدعاش ريح أنفاسك العطرة لا من تغيبي عن دنياي بشتاق ليك شوق الزرع للمطرة ساعة مجيك تجيب معاك فرحتنا ولحظة لغاك أجمل غنوة منتظرة ولقيتك أنت أول في عيون طفل جائع مفطوم بالوجعه في هم مسافر على دربك شايل عيونك زاد ومآبي الرجعة وفي خطة الجيل الأول العن حبك ما أتحول وأخطار الموت كانت ذكراهم عطرة ولقيتك أنت أول غيمة للمزارع لما يزرع في ارضو وعي للعامل لما يبني في مجدو حكمة للطالب لما بذاكر في واجبوا حلم الشعب لأمن يسير في دربوا ولقيتك أنت أول وحياتنا من دونك كيف تصير ما قادر أتصور مهما قالوا برضو أنت أول وتأني أول لأني لقيتك جواي أنت أول مارس 2001

Quote: ادما قلبي الترحال والسفر من جرحا الى جزنا وانا اله عشق ونبيا برسالته كفر انا من قائض الحياة بصدق حب خسرت تجارتي ولم احصد غير الفشل انا من عاش غريب في دنياه يصنع من الطين وهم حبيبات ودجل انا الغريق والبحر انا من مات على اعتاب باب حلمه سربا زابحا نفسه ولم ينتحر انا من كان يشخبط علي الاوراق ويهذّي بالكلامات هلاويس جنون ظنها الناس شعر انا الشيطان رافعا لواء الخير ضد الحب والشر انتصر معي و ضدي لم افهم الا الان معنى كلامات قالها شيوخ العشق في الازل (حياة العاشق في الموت لن تملك قلب الحبيب الا بفقدان قلبك ) فلن اسلك هذا الدرب بعد الان فكلهو خطر 24/8/2007

Quote: يا قمر ضوي يا قمر ضوي بالفكرة ألجواك خلينا نذاكر ونمسح عن دنياك وجمع الماضي ونرسم فيها بالألوان أجمل حاضر ونكتب للأطفال غناوي الحب ألجوه الخاطر وألم الناس الباين في عيونك حيروح يوم باكر ضحكت يوم داك ترجع من تأني والفرح يتواصل ويزول الظم الكان حاصل ما الدنيا أجمل من غير سجان من غير جلاد ومن غير عساكر ونبقى كمان أجمل لما تزول ما بين الناس أي فواصل بالحب تناصر والخير ألجواك بيناتم يتباصر ودربك لوطال بنمشيهو ونتشايل يا قمر تضوي بالحلم ألجواك تلقي هناك في ناس تحت الظلمة قاعدة وراجياك للخير ألجواك دايرة تذاكر يا قمر ضوي بالأمل ألجواك يا قمر ضوي أغسطس 2001

Quote: بحسك بحسك نغمة في جواي تهز طربانة منسجمة بسيماتك شعاع النور شموس ضواية في العتمة شعاعك أجهر الأنظار تبارك خالق الرسمة وجيهك منبع الإشراق حضورك و انتي مبتسمة يهدهد قلبي و اشتاق لي و احلق فوق مع النجمة يا نسمة هاشة و طلتك بهجة حياتي و بلسما انتي الأمل فيك و الرجى يا روح حياتي و توأما نورك غمر دنيا الخيال صوتك عبر وصل السما سامع صداهو مع النسيم شايف طيوفك حالمة تنعش فؤادي و تنجلي و تبقى الجروح المؤلمة و مشيتو فيك درباً صعيب وداني للمجهول رمى كايس أفتش لحنان يبري الجراح .. يروي الظمأ لو شفتي في بعدك خطاي كيف واهنة .. تايهة .. و مبهمة و لا النجوم الضاوية منّك كيف بدونك مظلمة كان حنّ لي يمكن قليبك و في حضن قلبي ارتمى ضيعتو ريدك من إيديّ الحسرة ما قادر اكتما ضاعت وراكي الأمنيات زي التقول صابني العمى طعم الفراق أتعبني حيل فرقتنا لابد نعدما أنا راجي قلبك يهفو لي طامع يكون لي الحمى من قسوة البين و البعاد يحميها روحي و يرحما استاذ الصحافة 30

Quote: يا قمر ضوي يا قمر ضوي بالفكرة ألجواك خلينا نذاكر ونمسح عن دنياك وجمع الماضي ونرسم فيها بالألوان أجمل حاضر ونكتب للأطفال غناوي الحب ألجوه الخاطر وألم الناس الباين في عيونك حيروح يوم باكر ضحكت يوم داك ترجع من تأني والفرح يتواصل ويزول الظم الكان حاصل ما الدنيا أجمل من غير سجان من غير جلاد ومن غير عساكر ونبقى كمان أجمل لما تزول ما بين الناس أي فواصل بالحب تناصر والخير ألجواك بيناتم يتباصر ودربك لوطال بنمشيهو ونتشايل يا قمر تضوي بالحلم ألجواك تلقي هناك في ناس تحت الظلمة قاعدة وراجياك للخير ألجواك دايرة تذاكر يا قمر ضوي بالأمل ألجواك يا قمر ضوي أغسطس 2001

Quote: عيديه شوفتك كانت لي عيدية وأنت لابسة الأحمر وهج القضية ببسمة صافية وإشارة من أيدك حيتني بأجمل تحية طفت شوقا كان مولع جواي ناراً حية طار من الفرح قلبي وسبق في رد السلام ايديا عيونك بنلقى في ضلو حنية عيونك وطن شوارعوا عديلة دغرية تطير وتحلق في سماه جنب الصقر قمرية يا شايلة من الظلام الليل سمره لونك الزنجية أغنيك لحن جميل في غنى الطيور القايمة من أوكرا دقشية تردد مع الأطفال حرية حرية وأنت في مشيك مع غناه تميلي زى وردة بترقص مع النسمة الصباحية يا غايبة عن ديارنا وهاجراها طال بعدك بتين ألجية راجيك حمل منسوج على ضوء الشمس يديني شعاع الإنسانية بتين نسعد بالجية ونفرح بيها وتصير دنيانا بي حبك مروية وتصبح أشجاره الجافة بالخضرة مكسية وتكوني فيها غنوة حب دايمة وأزلية وشوقتك كانت لي عيدية يناير 2001

Quote: قصة سماحة وطيبة فى أول حكاية