|
|
 أمنة عبد الكريم ......
|
بنت حلتنا وجامعتنا الاهلية .... اتت المنبر بكل هدوء
بكل بساطة وطيبة أهلنا الرائعين ودون استئذان ببوستات
بسيطةخفيفة وظريف وعفوية تتلمس معرفة الناس وفجاءة ودون
سابق انذار الهبت المنبر بعد......دى
|
|
 
|
|
|
|
|
|
|
|
Re: أمنة عبد الكريم ...... (Re: فيصل نوبي)
|
شكرا فيصل نوبى
على المرور
والنظرات البريئة طبعا
وانا بردد معاك لكن جهرا ععععععععععرررروك
رسلت ليك ..... عشان تظهرى
وياتومة من ... وجعى العنيد
والقومة ليك يا امتدادنا الرائع
| |
|
|
|
|
|
|
|
|
|
Re: أمنة عبد الكريم ...... (Re: انعام حيمورة)
|
الزهرة انعام حميورة
سلامات
طبعا الزهرة دى كماشبهكن شاعرنا المرهف ابوقصى بوصف بنات حينا
وصورهم كاجمل صورة معبرة
كما تعلمين بانة لا توجد فوارق جغرافية بين الامتداد والصحافة واركويت
لانها كلها تبدا من مربع1 الامتداد مربعى .
وانتى من الزهروات التى نعتز بخوتهن
شكرا لمرورك الانيق اناقة ورقى وبساطة وجمال ذلكم الاحياء الروعة
وكنت امنى نفسى عند مرورك بطمانتنا عن زهرتنا اليانعة كينعانك
| |
|
|
|
|
|
|
|
|
|
Re: أمنة عبد الكريم ...... (Re: بكري الخير)
|
بكرى الخير
مرورك يهمنا
وكلا يغنى على ليلاها
Quote: في انتظار صديق الموج ليدلو بدلوه
وهل يفتي ومالك في المدينة؟؟؟؟ |
مرحب بك مرة تانية وبالرائع خفيف الظل صديق الموج
| |
|
|
|
|
|
|
|
|
|
Re: أمنة عبد الكريم ...... (Re: Tabaldina)
|
تبلدينا
Quote: بالله هى بت حلتكم !!؟
بس والله محل ساكنه دا ما عارف كلو ما اجى بهناكـ بتجنى انقباضة فى القلب
|
سلامة قلبك
المرة الجاية لما تمر
أسال ورد الجواب
| |
|
|
|
|
|
|
|
|
 Re: أمنة عبد الكريم ...... (Re: Tabaldina)
|
Quote: بالله هى بت حلتكم !!؟
بس والله محل ساكنه دا ما عارف كلو ما اجى بهناكـ بتجنى انقباضة فى القلب
يا ربي السبب شنو !!؟؟
|
غايتو تبلدينا حيرنا شديد 
هسه قلبك دا يدق في الإمتداد وفي الصافية في وقت واحد ؟
بابكر سلامات
| |
|
|
|
|
|
|
|
|
|
Re: أمنة عبد الكريم ...... (Re: انعام عبد الحفيظ)
|
انعام عبد الحفيظ
اهلا وسهلا
| Quote: هسه قلبك دا يدق في الإمتداد وفي الصافية في وقت واحد ؟ |
تعرفى يا أنعام تبلدينا ودقة قلبوا دى تذكرنى
حبيننا الانيق ابوبكر أبا الدفعة القدامنا فى الاهلية لو لحقتى علية
لو ما لحقتى ايمن بحكى ليك عنو
| |
|
|
|
|
|
|
|
|
|
Re: أمنة عبد الكريم ...... (Re: عثمان دغيس)
|
عثمان دقيس
سلامات
Quote: لا يعني شنو المقصود
المطلوب
الموضوع أساساً شنو يعني ..
ما بياخة مكني لكن بالجد ما فاهمك عايز تقول شنو يابابكر ...
فهمنا بس ..!! |
انت ياخى راجل فنان مفروض تكون زول شفاف وتفهمها طايرة
وبعدين ياخى انت شكلك انقدت مع مداخلة اخونا الملك
بخصوص الخبرة وكدا
طيب لتقريب المسافة برد عليك فى نفس مجالك واهواء المتداخلين
افتقدتك ..... ياصباى عمرى وشبابى
انتظر المثير قادم
| |
|
|
|
|
|
|
|
|
|
Re: أمنة عبد الكريم ...... (Re: انعام حيمورة)
|
..
.
Quote: غايتو تبلدينا حيرنا شديد
هسه قلبك دا يدق في الإمتداد وفي الصافية في وقت واحد؟ |
لا لا فهمتونى غلط!!
قلبي دا دقاتو متعددة ومختلفة دبدنت على الازمنة والامكنة..
كل ايريا ليها ايقاع يا نعوم.. دقة قلبي فى الصافية تختلف تماماً
عن دقة شارع زلط ..
شفت الصورة بتاعت حيمورة دى شايفة البترينة بتاعت الشية فى اليمين دى
اها يمنها فى زقازق بعد الزقاق فى مجمع سكنى .. قبال الطلمبة
اها المجمع دا انا من اجى ماشى بجنبو قلبي بدق ..
ليه يا ربي فيهو اشباح ولا أمنه !!؟
____________
طمنونى عشان دقات قلبي تنظم
| |
|
|
|
|
|
|
|
|
|
Re: أمنة عبد الكريم ...... (Re: انعام حيمورة)
|
..
.
مبالغة
أوع تكونى انت من سكان المجمع 
ياخى انا طلمبة النيل بقيت اجليها وكشك الجرايد بزوغ منو ..
رأيك شنو فى الفايكس
____________
اوع حافة الصدام فى يسار الصورة تكون من عندنا !!؟
| |
|
|
|
|
|
|
|
|
|
Re: أمنة عبد الكريم ...... (Re: انعام حيمورة)
|
..
.
Quote: نوبي
مخسوس عشانك .. |
نوبي دا زول الله ..
كان تقولى مخصوص للموج للود الوجية داك
عشان نعرف الاول بقدر يطلع الدور التانى
ولا التانى بقدر على التشطيب ..
_____________
غايتو باب الحديد قلعة محمد على باشا بس
صعب الاختراق الا بمأذون
| |
|
|
|
|
|
|
|
|
|
Re: أمنة عبد الكريم ...... (Re: بابكر التوم)
|
Quote: في انتظار صديق الموج ليدلو بدلوه
وهل يفتي ومالك في المدينة؟؟؟؟ |
الزول ابو صلعة ده عايز يكرهنى المنبر...
قول لا يفتى وبابكر التوم فى الامتداد..
بكرى بالجد امنه واحشانى..انت برضو
ليك وليها التحيه وين ما كنتوا..
بابكر ان شاء الله يذكروك بالخير،،،
| |
|
|
|
|
|
|
|
|
|
Re: أمنة عبد الكريم ...... (Re: صديق الموج)
|
صديق الموج
سلامات
Quote: بكرى بالجد امنه واحشانى..انت برضو
ليك وليها التحيه وين ما كنتوا..
بابكر ان شاء الله يذكروك بالخير،،، |
انت الخير (والد بكرى) والبركة
شكرا على المرور كما عودتنا بخفة دمك
| |
|
|
|
|
|
|
|
|
|
Re: أمنة عبد الكريم ...... (Re: بابكر التوم)
|
..
.
Quote: غايتو انا متبرعة بجهاز لتنظيم ضربات القلب
من عيادة في شارع النقطة بالصافية |
من غير جهاز بتنتظم
بس انتو قولو خير .. يا الاخوات
_____________
احساس شارع النقطة زى احساسي لمن اجى بالمجمع السكنى
فى شارع زلط ..
| |
|
|
|
|
|
|
|
|
|
Re: أمنة عبد الكريم ...... (Re: بابكر التوم)
|
..
.
| Quote: البوست دا مش امتدادي؟؟ |
انت من زمن الإمتداد
قبيل .. طلعنا الكبري
ونزلنا بحرى ..
سمحة بحرى ..
حلوة بحرى ..
اموت فى بحرى ..
_______________
ايجار السندباد كم ؟؟
| |
|
|
|
|
|
|
|
|
 Re: أمنة عبد الكريم ...... (Re: Tabaldina)
|
تبلدينا
شُفت إختبار السايت لوود داكـ !!
الزول ده ما باصاهو .. و ألذ شي انه مواصل في تسجيل المشتركين ..
شكلو الانتينا دي ح تلحق انتينتكم ديـــــــــكـ
يجي شافع شايت ليو كورة يجيب خبرها
_
ود البشري..
فطير شنو يا عمكـ .. طحين ما حصلو زولكـ ده
| |
|
|
|
|
|
|
|
|
|
Re: أمنة عبد الكريم ...... (Re: بابكر التوم)
|
| Quote: الموية واضحة وضوح الشمس |
طيب هاك دي عشان انت سيد البوست وكدة ..
وبمناسبة سؤال نوبي عن العمال
ويا تبلدينا .. الجماعة عملوا احتياطاتهم واحد بالجنبة كدة عشان الاختراق يكون ساهل ..
قال باشا قال ..
_______________________________________
انا غايتو بديهة شوف الباقين 
| |
|
|
|
|
|
|
|
|
|
Re: أمنة عبد الكريم ...... (Re: طارق جبريل)
|
يهيأ لي انه الناس وصلت (2)
و الليلة خميس و خميس ضارب و كده ..
اها يا شباب أظن بعد (3) دي بيكون في إنطلاق ..
نبداء ولا كيف !!!
_
يا طارق ياخ اخوكـ صامت من شهر 12 ياخ .. القُحة و لا صمة الخشم ياخ
| |
|
|
|
|
|
|
|
|
|
Re: أمنة عبد الكريم ...... (Re: بابكر التوم)
|
بابكر اخوي تحياتي
والله المنبر ده فيه ناس لو جيت شايل معاك سيف يكرهوك المنبر
خليك من ناس جايه شايله احاسيس ورقه وحسن نيه
ديل ياكلوا حقهم وحق غيرهم
الله لا وراك ليهم
| |
|
|
|
|
|
|
|
|
|
Re: أمنة عبد الكريم ...... (Re: العوض المسلمي)
|
المسلمى
سلامات
| Quote: والله المنبر ده فيه ناس لو جيت شايل معاك سيف يكرهوك المنبر |
Quote: ديل ياكلوا حقهم وحق غيرهم
|
مرورك اسعدنى جدا
| Quote: خليك من ناس جايه شايله احاسيس ورقه وحسن نيه |
شكرا لشعورك النبيل
| |
|
|
|
|
|
|
|
|
 Re: أمنة عبد الكريم ...... (Re: انعام حيمورة)
|
Quote:
تبلدينا
شُفت إختبار السايت لوود داكـ !!
الزول ده ما باصاهو .. و ألذ شي انه مواصل في تسجيل المشتركين ..
شكلو الانتينا دي ح تلحق انتينتكم ديـــــــــكـ
يجي شافع شايت ليو كورة يجيب خبرها
_
ود البشري..
فطير شنو يا عمكـ .. طحين ما حصلو زولكـ ده |
| |
|
|
|
|
|
|
|
|
|
أمنة عبد الكريم ...... (Re: بابكر التوم)
|
الحبان
طارق جبريل
عامر تيتاوى
مجدى عبد الرحيم (ابوقصى)
عبدالله كع
راشد جبريل
منى خوجلى
اخوتى بامتدادنا الرائع الذى ترعرعنا ونشأنا فية كمجتمع متماسك مترابط
بيننا كشباب وشابات منذ نعومةاظافرنا ونحن شركاء فى السراء والضراء ومن
التعليم الابتدائى ونحن واخوتنا ننتهل العلم بالاجازة الصيفية بمعهد الامل
بمعية المربى الاستاذ صديق ايمانا منة باهمية التعليم المختلط لتكوين شخصيات
معافى للمجتمع ويتواصل النهج بالمراحل المتوسطة والثانوية ويستلم الراية
طلاب الامتداد بالجامعات والمعاهد العليا باقامة دروس التقوية برغم من وجود
اكبر المعاهد الخاصة بالخرطوم انذاك (معهد صلاح - معهد بحر - مدارس فاطمة
عبد الرحيم) التى تحولت الان لمدارس خاصة وقبلةلكل طلاب العاصمة . ذلك التلاقى
افرز علاقات قوية فرخت جمعية التحول الاجتماعية الثقافية التى ساهمت فى رفع الوعى
بنشاطاتها القوية واصبحت رقم يأرق السلطات انذاك . وجمعية مربع واحد الثقافية
التى احتفلت باول ذكرى لاانتفاضة أبريل عام 90 وأعتقد بانها الاوحد تعرضت فيها
اخواتنا لالوان عدة من المضايقات من أجهزة الامن النظام وكان صمودهم الكبير مما
حير كلابهم . استصحبنا تلك المواقف لاستبيان من هم شقيقاتنا وكيف هى الحياة فى
ذلك الحكى الرائع الذى اصبح الانتماء لة أعمق من مناطقنا التى اتينا منها اصبح
(وطن) . هذة الاخت الرائعة التى نحن فى معيتها وكما ذكرت سابقا اتت وهى تحمل كل
هذا الارث من واقع حياتها اليومى ببساطتنا وطيبتنا السودانية دون اى عقد (بضم العين)
وواجهت ما واجهت وكانت مواجهتها لكل ذلك بأدب جم دون اى ثبات انفعالى وقوة وصلابة
وحنكة فى الردود برغم كثر تباينها .
استرعى انتباهى باخر بوست لها حوش عبد الكريم رد لاحد المتداخلين يحمل كثير من
المضامين يلخص تلك الفترة يمكن وبل من المؤكد بان الكثير مر علية دون التمحص
بمحتواها
Quote: لم اقصد المضايقة او الاهانة
ولكن..
استمرا البعض صمتي وصبري علي مضايقاتهم
لضنهم بانني ساكون صيدا سهلا
وكان لابد من رد عنيف حتي تستقيم الامور
وللاسف
انت من تلافيت القطر زي ما بقول حميد
لك العتبي حتي ترضي
صدقني..
لم اكن اقصدك شخصيا
ولكن كان لابد من معالجة الامر بصورة قاطعة
وحتي اتفرغ للقضايا التي دخلت الي هذا المنبر من اجلها
عذرا مرة اخري
ودي الاكيد
|
شكل كثير من اعضاء المنبر لانفسهم شخصيات مرحة اشتهروا بها واصبحت صفة لهم
تقبلهم الناس ونحن بطبيعتنا كسودانيين نحب النكتة وروح الدعابة . ولكن المشكلة
فى الذين يعيشون فى جلباب غيرهم وهم كثر وتفشى ظاهرةالتقليد الذى هو جذء من حياتى للاسف واستشرى
فى كل شى فى حياتنا بالسودان . الدعابة وروح المرح مطلوبة ولكن كل شى عندما يزيد عن حدة يصبح
ممل .
مع احترامى لكل المتداخلين والذى اثق بان الجميع لا يحمل فى دواخلة اى سوء فهم فى
النهاية أخوة جمعهم هذا الحوش الفسيح الذى يمثل السودان الجميل اتمنى ان يتمعن الجميع
فى ذلك الرد والتروى فى محواة وان اصبت هذا هو المقصد وان اخطيت لكم كامل اعتزارى
لكم محبتى جميعا المرور الكرام والذين لم يمروا
وكل أرشفة وانتو بخير
طبعا البوست ماشى خور جانقى ولا خور الصحافة ما عارف
| |
|
|
|
|
|
|
|
|
|
Re: أمنة عبد الكريم ...... (Re: بابكر التوم)
|
أمنة عبد الكريم ..
أين انتي ؟؟
وين ساكنة ؟؟
منو أنتي ؟؟
امنة عبد الكريم
جاءت كالنسمة وفتحت هذا البوست انت ساكن وين في السودان؟؟؟ خش ووصف لينا بيتكم
ووصفت بيتهم كالاتي :
الحبان كيفنكم...
انا ساكنة الامتداد مربع 7 منزل رقم 5
شفتو ركن جحا بس تاني بيت منو
يعني شارع الصحافة زلط خطوتيت مننا
وسوق العشرة اخر الشارع
دي انا
--------------------------------------------------
ودي مداخلتي ليها في البوست الفوق دا :
يا دينق البت دي برضو ما قالت (كش) !!
وبما انو حسي الامني (عالي) ..
البوست دا شرك
وبما انو آمنة دي جارتنا بمشي أسال منها في الحلة ..
انتو وقفوا الوصيف لحدي ما اجيكم ...!!
غايتو انا متيتة من الضحك .. !!
لكن بالجد يا أمونة تتحبي ..
-------------------------------
وقلت خلاص لقينا بت شابة جديدة نشيطة ممكن تشارك ناس الخرطوم في افراحهم واتراحهم ... ومن خلال الصورة ذي ما بترسم صورة لي كل الناس في الاذهان (رسمت صورتي ليها) ...
وقلت لازم اصلها ...
وبالفعل مشيت عشان اسال منها في الحلة ..
وعلى فكرة .. نحن ساكنين احياء شعبية (الصحافة) (والامتدادا) يعني الجار دا بطقطق ليك ناس المربع بي تفاصيلهم كلها..
دورت عربتي ودخلت بالشارع القبل شارع جحا .. لقيت عمك قاعد في الشارع قدام بيته مع اسرته و تاني بيت من ركن جحا
اداني تفاصيل المربع كلها ..
وانو مافي اي آمنة عبد الكريم في هذا الحي .. وقلت ليه انت بس وريني بيت رقم (5)..
..
ومشيت بيت رقم خمسة في الصورة الفوق دي الباب اللونه أخضر ..
بيت تحت الصيانة ..
دقيت باب الجيران يا جماعة في زولة هنا ساكنة في البيت دا اسمها امنة عبد الكريم .. ا كانت ساكنة ..
الجيران ... قالوا نهائي ما سمعه بالاسم دا في حياتهم ..
وجات بت ماشة .. سالتها بتعرفي أمنة عبد الكريم .. قالت لي أبدا الحلة دي لي فيها سنين ما سمعت بي أمنة عبد الكريم ...
اهة يا أمنة ممكن ما يكون الوصف صاح .. ممكن كمان الاسم ما يكون صاح ..
اذا قلنا الاسم حركي .. البيت برضو حركي ؟؟؟
تعالي مرقي نفسك من الورطة دي ورينا انتي منو ؟؟
وتعالي وريني احساسي في محلو ولا لا !!!!
| |
|
|
|
|
|
|
|
|
|
Re: أمنة عبد الكريم ...... (Re: فيصل نوبي)
|
الإجابة واضحة يا إنعام
...
...
Quote: Quote: اذا قلنا الاسم حركي .. البيت برضو حركي ؟؟؟
تعالي مرقي نفسك من الورطة دي ورينا انتي منو ؟؟
_
يا حليلكـ يا دكين |
...
...
وتانى ما تصورى شقق الامن العام
بودونا فى داهية يا إنعام
...
...
| |
|
|
|
|
|
|
|
|
|
Re: أمنة عبد الكريم ...... (Re: الملك)
|
..
.
الملك خلعك لمن مسحت صور .. شارع زلط !!
Quote: وتانى ما تصورى شقق الامن العام
بودونا فى داهية يا إنعام |
كانت بتصور فى الفايكس يا ملك
قلت لى ما مركز !! والله انا كنت مركز فى الحروف اكتر
من عنوان البيت زاتو .. الكلام على ناس الملك .. والخموم
__________________
حتجي البت الحديقة فارده انسام في طريقها
وشايلة ألوان حتجي البحدث بريقها ضجه الضوء في المكان..
حتجى المن بدرى جات .. !! ؟؟؟؟
وبعد ما يشطبو البيت ..
يا ربي الصورة بالاحمر دى والزولة دى شفتها ووين ؟؟
شفتها ووين ؟؟
أكيد
اكيد
حتسعفنى الذاكرة ..
| |
|
|
|
|
|
|
|
|
|
Re: أمنة عبد الكريم ...... (Re: الملك)
|
..
.
| Quote: الإجابة واضحة يا إنعام |
حسي بقت واضحة !!
وووب من الكبكبية
رجعوا لينا الماسنجر
ادونا ماسنجر
عايزين ماسنجر
اها منو الجاهو ماسنجر ؟؟
_______________
غايتو ذات الرداء الاحمر دى ؟؟
ما غريبة على !!
| |
|
|
|
|
|
|
|
|
|
Re: أمنة عبد الكريم ...... (Re: بابكر التوم)
|
يا جماعة ابشركم الخظوبة تمت
والعرس قرب والبت حبسوها
انعام حيمورة يا ثقيله ممكن تقفلى البوست ده؟؟
جنك وصيف!!
التوقيع النفض الكيس..لوووووووووووووول،،،
حاشيه:
ممكن بالله تدونا اقتراحاتكم لشكل كرت الدعوة،،،
| |
|
|
|
|
|
|
|
|
|
Re: أمنة عبد الكريم ...... (Re: بابكر التوم)
|
يا جماعة ازيكم
وامنة دي كنت معاهم قبل شوية
وقالت ليكم هي اليومين الفاتت دي كانت بس مشغولة شوية
بتجهز لي عرس داليا صاحبتا وكدا
وكلها يومين وبتجيكم
وكمان بتشكر كل من سعل عنها وكدا
لقيتوني كيف بللاي .. صدقتوني موش
| |
|
|
|
|
|
|
|
|
|
Re: أمنة عبد الكريم ...... (Re: بابكر التوم)
|
Quote: يا جماعة ازيكم
وامنة دي كنت معاهم قبل شوية
وقالت ليكم هي اليومين الفاتت دي كانت بس مشغولة شوية
بتجهز لي عرس داليا صاحبتا وكدا
وكلها يومين وبتجيكم |
مازن الجمال ..كيفك
الغريبه فى العلوميه ما قاعد اشوفك؟؟
تالتن....
قالو ليك الكرت،،،،
| |
|
|
|
|
|
|
|
|
|
Re: أمنة عبد الكريم ...... (Re: بابكر التوم)
|
Quote: ومازلنا ماسكين العصاية من النص
لانوا نحن لسة قليلى خبرة وبكرة اخر يوم
(الارشفة وكدا ) |
بابكر ياعمك
مراقتك دي ما خاااالص كدا
شوف ليك مدخل - أوووبس - مخرج آخر
وكدا
(وششششششك يا ابكرش )
| |
|
|
|
|
|
|
|
|
|
Re: أمنة عبد الكريم ...... (Re: فيصل نوبي)
|
| Quote: بنت حلتنا وجامعتنا الاهلية |
إنعام حيمورة سلامات..
(بت حلتنا)ونجضتيها وطلعتيها شمار فى مرقة..
أها (وجامعتناالأهلية) دى كيف..
وله على قول عادل إمام..
(أوول إنت بأه)
ـــــــــــــــــــ
اللهم لا تخوزقنا ولا تعولقنا
| |
|
|
|
|
|
|
|
|
|
Re: أمنة عبد الكريم ...... (Re: بابكر التوم)
|
تمام ما قلنا حاجة
لكن دا بالنسبة للسيك الحاكمك ورقك فيها
لكن شغلك دا كعب بالحيل
تبوش آساتك و تسمي غلط و ما عندك ورق
و في النهاية مراقتك مجلودة عينك ليها
و برضو تقول لي السيك ما عيب
اقول ليك حاجة
دكها يازول
| |
|
|
|
|
|
|
|
|
|
Re: أمنة عبد الكريم ...... (Re: بابكر التوم)
|
Quote: اللقب: بابكر التوم
عدد البوستات: 382
تاريخ التسجيل: 04-01-2008
محل الاقامة: الدوحة
الاسم الحقيقى: بابكرالتوم
الحالة الاجتماعية: Married |
ما قلت ليكـ يا عمكـ
_
قلت لي ماسكـ من النص !! لا بالله جيب ضقلها يكركب و تعال
| |
|
|
|
|
|
|
|
|
|
Re: أمنة عبد الكريم ...... (Re: بابكر التوم)
|
نوبي والبشرى وبابكر (الماسك العصاية من النص ) تعالوا احكي ليكم دي قوية خلاص
اليوم زول اتصل بي من الصباح قال لي (عندك تحويلة من دكين) ..
قلت الله دي تكون آمنة عايزة تعمل مقص ..
قلت اجيب ضقلهاذاتو
اهة مشيت على حسب الوصف ( لقيت التحويلة من بكين)
ضحكت على نفسي ضحك !!
وقلت الا احكي ليكم
| |
|
|
|
|
|
|
|
|
 Re: أمنة عبد الكريم ...... (Re: بابكر التوم)
|
خليت بت حلتكم و بقيت في البِحلّكـ !!
Quote: يانوبى الظاهر عليك ماركزت بالبروفايل كويس
فية شى ما بذكرك (بحاجة كدى) |
تخيل ما فيو شيء مفيد أصلا خليكـ من يذكرني !!
غير ولدكـ ده ربنا يحفظو ليكـ ..
_
شوف بروفايل بت حلتكم يمكن يحلّكـ و كده !!!
| |
|
|
|
|
|
|
|
|
 Re: أمنة عبد الكريم ...... (Re: بابكر التوم)
|
الناس الوصفت و الإتدردقت تشيل شيلتها الربع الجاي
وما في واحد يعمل حريف و يمشي يعدل و لا يمسح حاجة
مكبشر في الحفظ و الصون من داي ون و كدا
(وششششششششششششك يا اب شنب )
| |
|
|
|
|
|
|
|
|
|
Re: أمنة عبد الكريم ...... (Re: محمد عبد الماجد الصايم)
|
Quote: الناس الوصفت و الإتدردقت تشيل شيلتها الربع الجاي
وما في واحد يعمل حريف و يمشي يعدل و لا يمسح حاجة
مكبشر في الحفظ و الصون من داي ون و كدا
|
غايتو دى ما حصلت ولا حتحصل..
سوركتى اخيير
ود البشرى ..
لقيتنى كيف ياعمك.....
الكلام دا حددنا زمااان..
| |
|
|
|
|
|
|
| |
بابكر التوم
فيصل نوبي
انعام حيمورة
طارق جبريل
عامر تيتاوى
الملك
بكري الخير
مجدي عبدالرحيم فضل
انعام عبد الحفيظ
عبدالله كع
صديق الموج
محمد البشرى الخضر
hanouf56
العوض المسلمي
Muna Khugali
مازن الجمّال
محمد عبد الماجد الصايم
فيس بوك
تويتر
انستقرام
يوتيوب
بنتيريست