ياسين عبد العظيم : مغنى الشجن

مرحبا Guest
اخر زيارك لك: 05-03-2024, 08:05 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثاني للعام 2008م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
04-20-2008, 11:40 AM

بدري الياس

تاريخ التسجيل: 11-29-2004
مجموع المشاركات: 904

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسين عبد العظيم : مغنى الشجن (Re: عز الدين عثمان)

    ،
    Quote: بعد ده تشيل شيلتك، سأترك لك أمر هذا البوست

    وأنا قبلت يا عزيز،
    ودي المرثية الكلمتك عنها، وبهديها ليكم كلكم وأخص الأحباء: عادل عثمان وصابر عبد الهادي.
    وجزيل شكري للصديق الشاعر: صديق محمد طه، الذي لولا ذاكرته التي ما زالت كروحه على نقائها، ما تحصلنا على هذا النص. والله صديق ده فعلاً "ولي" من الصالحين، وإلا فكيف يكون زوج "لمرتين" وقاعد في جده ويحفظ القصايد في نفس الوقت؟ يا كم نحبك يا رجل.
    ،
    ،

    مرثية الراحل ياسين عبد العظيم
    شعر حميد



    حُزُنّا عليك بيبقى غضب
    غضب مشروع
    تدودي حمامة في دبش الغنا الفاسد
    مناحاتو
    ضَرَاعاتُو التّضاضِي تئن
    عشان قلب الحبيبة يَحِنْ
    أجل، لا حنّ لا كانت حبيبة آ خوي
    ولا لما الحبيب إن كان
    مسبّب عبرتو وراجيكا يا خايب الغناوي البيش
    تنوح وينوح..
    ويسقط حُبْ إذا ما حُولَقْ الرقراق عليهو يموع
    ويسقط لحنك الرّاكد ..
    كمنجاتك
    سلوك طمبورك المرخية
    يا مزوِّر جواز العشق يا ذاك المغني الياهو
    يا مُنْدَشْ وكِت فتق القوافي الجوع
    تسقط غنوتك تسقط..
    وأقيف شاهد عليك وعلي
    أنا البشّرت لحظة طيش
    والبت الأبت ترقص، تعيش واسقط..
    ،
    أيا هادي المُغني الفنجري المعلوم
    نخيب نسقط إذا قصّرنا يا وتر الفقارى وراك
    وغيّرنا الغنا المحموم.
    غناك الدّغري
    يا دغريتك المبثوثة شِقّيشْ ما مشيت باراك
    غناك العينو ملياني
    وشيهو محل يروح واحد
    سمح مشروح
    وإنت محل تروح واحد، وِشَيْ مطروح..
    ،
    سلام في سلام
    تمام في تمام..
    تمام فلاح.. تمام عامل
    تمام إنسان وماك ساهل
    متِلْ ما شعاع نزل داخل، بيوت ناساً غبش بالهم،
    ملاها ثبات وراح راحل،
    جناح الحِن ويوم الليلي بات مجروح
    أيا فارساً يا مجهول، وراك كيفِنْ؟
    سَمِحْ. كيفن غنيواتنا؟
    إذا مرقت براها بلاك، منو اليسرح معاها بلاك..؟
    تصل لي مِيسه زي الغيم. تَضُل ما تضِل
    واللا براها يتلقاها دابي الجو ..
    هجاير الليل ..
    طشاشات الصعيد. وسموم تسوي الهوْ..
    تجفل غادي.. تجفل جاي..
    تقع لا حيلة بين بلدين
    بلد جملة غُنا الطمبارة
    بلد بي جاي: نشيد ياسين.
    ،
    نشيدك كالتعب مارد
    مهبهب بالغضب واقد
    غضب يا وليد، حُزُنّا عليك، تغيب يطلع بدل فاقد..
    أيا ولداً حزُنّا عليك يقولّك: عَمِّرْ الطمبور..
    وسِنْ سِلْكَاتُو بين نغمين
    وجُزْ رقبةْ غناوي الزِّيف ..
    ونَشِّن تالا ليل الرِّيف:
    ظلاماتو..
    عذاب أهلو..
    معاناتم محل رحلو..
    وأمش ما تقيف .. أمش ما تقيف..
    فيا "عفّاضي" ديل فِقَرَاً عمار بيتم خراب بيتنا
    فيا طمباري يا ود الدِّويحية الغبش جاهد
    أيا ولداً مستّف بي تَرَا العفّاض .. ملفّح بي سماواتو
    معمَّر بي غد الأطفال .. مدرَّع بي معاناتو
    هيا انسِف قبرك الكاذب
    وخُط بالدّم علي الشاهد:
    تموت يا هادم الغنوات .. تطق بالهكمة والدّكمة
    يبق في محلتك إنسان
    يشر ضو الحياة الواعد
    نشيد راعد
    كما الياسين..

    نشيد:
    تَفْضَلْ غُنْوَاتَكْ ضُل قيلَةْ
    ضد شمس الفجعة القلاية
    ترتاح أو تاخد أنفاسه الناس الجاية من الورشة .. التُرَب .. السوق .. الطّاحونة
    الجّامع وطرف الانداية..
    فزعوك الفُقَرَا أياديهم
    تالاها امتديت كارديق.
    إنطرحت أصابعيك رابون ..
    طالت آهاتك بنبون
    يا سَكْرَة وحضْرَة ومُصلاية
    من لاقيناك عرفناكْ .. تربال أيامنا وغنّاية
    طلّاع النخل الكَدْرُومِي
    الضام على قلبو قضيتنا
    كالأرض كما الجرح اليومي
    ضافرين رامْلِنْبُو هويّتنا
    **
    مشهد حواري سمج:
    - الغنوة دي ظاهرة سياسية، وحا تودي رقبتك في داهية..
    ولو مرّت بكرة البرنامج
    في ناحية وكلّنا في ناحية..
    - طيِّب والتاني؟
    - أقول ليك:
    أمسك طمبورك ده عليك..
    غن في القعدات .. في الرحلات .. في الحفلات المختصرة
    غن...
    ،
    وغنّيت في كل الساحات..
    بالنّفَس الحار الإنساني
    برّدت حشا أولاد الفقرا ..
    رقّصت بناتا السّمحات
    أبشِر يا باشِر من تاني ..
    عُقُبْ رجَّعتَ الرّايحات
    يااا الله عليك يا ياسين .. أقْفُر خُطا غيمتاً ما جات
    **
    فاض نهر قضيتك فاض فاض
    ضد سِكّةْ عرق الإجهاض
    مركب شهدانا الجايين .. هدّن بنا قَبَلْ "العَفَّاض"
    نلقاك يا قاعد تنوضا .. فوق قيف الغُبُشْ الفيَّاضْ
    يا واقف حيلك وتِنْقَضّ .. على آفةْ الزّمن الرَّضْرَاض
    ويا إمّا رَتُوتيكْ والعرضة .. وقدّامك عرب العفّاض
    الزّحف الصحراوي.. الأرضة ... المرض.. الهدّام العاضّْ
    تاريخ الجُزُر المنقرضة ..الفقر الهتك الأعراض
    عينيك تطشِّشْ منقبضة .. العالم ينشرَّ بياضْ
    تتلفّحُو خالي من الفوضى .. والعسكر وكل الأمراض
    زي زيَّكْ زيّك ماب نرضى .. الموت يا عريس العفّاضْ
    يا مقدّم باطفال الرّوضة .. شُويِمْ يا عريس العفّاض
    يا سِبْحَةْ أُسُرْ الطمبارة
    والأيدي الشّهرت جيتارا
    للآخر نازفة محاجرنا
    بالغضب الدينو دفاترنا
    والطبقة وأمي وجيفارا
    قُمنَا وشدّينا حناجرنا
    ما بينك وبين "فكتور خارا"..
    *
                  

العنوان الكاتب Date
ياسين عبد العظيم : مغنى الشجن عز الدين عثمان03-23-08, 01:09 PM
  Re: ياسين عبد العظيم : مغنى الشجن بدري الياس03-24-08, 02:11 PM
    Re: ياسين عبد العظيم : مغنى الشجن عز الدين عثمان03-25-08, 06:17 AM
  Re: ياسين عبد العظيم : مغنى الشجن الطاهر عثمان03-24-08, 03:56 PM
    Re: ياسين عبد العظيم : مغنى الشجن عبد العظيم احمد03-24-08, 06:22 PM
      Re: ياسين عبد العظيم : مغنى الشجن عز الدين عثمان03-25-08, 07:30 AM
    Re: ياسين عبد العظيم : مغنى الشجن Yasier Elsayed03-24-08, 06:51 PM
      Re: ياسين عبد العظيم : مغنى الشجن Abdelmoniem ALHAJ03-24-08, 10:04 PM
        Re: ياسين عبد العظيم : مغنى الشجن معتصم ود الجمام03-24-08, 10:25 PM
          Re: ياسين عبد العظيم : مغنى الشجن عز الدين عثمان03-25-08, 08:03 PM
        Re: ياسين عبد العظيم : مغنى الشجن عز الدين عثمان03-25-08, 09:53 AM
  Re: ياسين عبد العظيم : مغنى الشجن Alsa7afa_3003-25-08, 10:58 AM
    Re: ياسين عبد العظيم : مغنى الشجن عز الدين عثمان03-25-08, 11:24 AM
      Re: ياسين عبد العظيم : مغنى الشجن عز الدين عثمان03-26-08, 05:33 AM
  Re: ياسين عبد العظيم : مغنى الشجن Alsa7afa_3003-26-08, 09:48 PM
    Re: ياسين عبد العظيم : مغنى الشجن عز الدين عثمان03-27-08, 01:33 PM
      Re: ياسين عبد العظيم : مغنى الشجن عبد العظيم احمد03-27-08, 05:48 PM
        Re: ياسين عبد العظيم : مغنى الشجن Isam Widaa03-27-08, 07:05 PM
          Re: ياسين عبد العظيم : مغنى الشجن عز الدين عثمان03-28-08, 02:48 PM
        Re: ياسين عبد العظيم : مغنى الشجن عز الدين عثمان03-28-08, 02:41 PM
      Re: ياسين عبد العظيم : مغنى الشجن Alsa7afa_3003-28-08, 00:11 AM
        Re: ياسين عبد العظيم : مغنى الشجن بدري الياس03-28-08, 11:05 AM
    Re: ياسين عبد العظيم : مغنى الشجن عز الدين عثمان03-28-08, 02:53 PM
  Re: ياسين عبد العظيم : مغنى الشجن بدري الياس03-27-08, 11:49 PM
    Re: ياسين عبد العظيم : مغنى الشجن عز الدين عثمان03-30-08, 11:47 AM
  Re: ياسين عبد العظيم : مغنى الشجن Adil Osman03-28-08, 11:03 PM
    Re: ياسين عبد العظيم : مغنى الشجن عز الدين عثمان03-29-08, 10:59 AM
      Re: ياسين عبد العظيم : مغنى الشجن Adil Osman04-01-08, 08:54 AM
  Re: ياسين عبد العظيم : مغنى الشجن عبد الغفار عبد الله المهدى03-29-08, 03:10 PM
    Re: ياسين عبد العظيم : مغنى الشجن عز الدين عثمان03-30-08, 11:09 AM
      Re: ياسين عبد العظيم : مغنى الشجن معتز الامين03-30-08, 11:48 AM
        Re: ياسين عبد العظيم : مغنى الشجن عز الدين عثمان03-30-08, 12:01 PM
          Re: ياسين عبد العظيم : مغنى الشجن عز الدين عثمان04-06-08, 08:35 AM
            Re: ياسين عبد العظيم : مغنى الشجن بدري الياس04-13-08, 09:10 AM
              Re: ياسين عبد العظيم : مغنى الشجن عز الدين عثمان04-13-08, 06:06 PM
  Re: ياسين عبد العظيم : مغنى الشجن Saber Abdelhadi04-13-08, 09:45 AM
    Re: ياسين عبد العظيم : مغنى الشجن أيزابيلا04-13-08, 07:14 PM
      Re: ياسين عبد العظيم : مغنى الشجن عز الدين عثمان04-14-08, 10:49 AM
    Re: ياسين عبد العظيم : مغنى الشجن عز الدين عثمان04-14-08, 06:22 AM
      Re: ياسين عبد العظيم : مغنى الشجن أيزابيلا04-14-08, 04:50 PM
        Re: ياسين عبد العظيم : مغنى الشجن عز الدين عثمان04-15-08, 12:51 PM
          Re: ياسين عبد العظيم : مغنى الشجن بدري الياس04-15-08, 11:09 PM
            Re: ياسين عبد العظيم : مغنى الشجن أيزابيلا04-15-08, 11:56 PM
            Re: ياسين عبد العظيم : مغنى الشجن عز الدين عثمان04-16-08, 12:45 PM
              Re: ياسين عبد العظيم : مغنى الشجن بدري الياس04-17-08, 08:28 AM
                Re: ياسين عبد العظيم : مغنى الشجن يحي ابن عوف04-17-08, 09:31 AM
                  Re: ياسين عبد العظيم : مغنى الشجن عز الدين عثمان04-17-08, 04:59 PM
                Re: ياسين عبد العظيم : مغنى الشجن عز الدين عثمان04-17-08, 04:51 PM
                  Re: ياسين عبد العظيم : مغنى الشجن بدري الياس04-20-08, 11:40 AM
                    Re: ياسين عبد العظيم : مغنى الشجن عز الدين عثمان04-20-08, 05:08 PM
                      Re: ياسين عبد العظيم : مغنى الشجن بدري الياس04-24-08, 01:27 PM
                        Re: ياسين عبد العظيم : مغنى الشجن عز الدين عثمان04-25-08, 04:35 PM
                          Re: ياسين عبد العظيم : مغنى الشجن وجدي الكردي04-25-08, 10:56 PM
                            Re: ياسين عبد العظيم : مغنى الشجن وجدي الكردي04-29-08, 08:42 PM
                            Re: ياسين عبد العظيم : مغنى الشجن أيزابيلا04-29-08, 11:21 PM
                              Re: ياسين عبد العظيم : مغنى الشجن عز الدين عثمان04-30-08, 06:32 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de