مسادير يا أهل المسادير إلى ما شاء الله........

Quote: نادره محسنه ومعروف أصيل تيرابا ما دقولا رقصت نازله فى ربابا بت المقدرات نور من جميع أترابا والعامل جدى كاتحالو ضمه ترابا

Quote: عنكوليبه شربت رش وشبت دابا زى شربات متلجه قالوا سلم الجابا كل من شاف شرق فد مره قالو عجابا يا بخت البدوق ويتكركع إتلجابا

(عدل بواسطة nazar hussien on 01-26-2008, 12:46 PM)

Quote: فارعة ولينة, خضرا وملسا زي رقّابة لي حس الدليب في الليل تقوم تتشابي تنكع ديسها كل ما نقرشت ربّابة تتكي لا الارض وتشبّّل الدرّابة

Quote: رخصة خيدران واللين أصولو أسبابا يات من شاف وقع أو عض للسبابا مهرة معجزات بتبلو ميس ديدابا وإن لكعت تتل للديس تسوى حرابا منصور

Quote: بانا ولينى زي الرقيص ميلانّا الخِصر قبضة يد والعيون نعسانّا تجدع بي السِهام في الخُلوق جبخانّا الديس هدل الكِتيف زي الطيور ميسانّا

Quote: قصيبة التقنت العند اللرنبو مكانا لتيبه مفرهده الصيف والخريف سيانا الما جابت كديبوعقبان عليها رزانه سلبت نومي مبروك عليها فلانه

Quote: سلبت نومك المبروكه شاطره فلانه قاريه محققه وبحر العلوم فنجانه وارثة عظيم خصال سمح الفعايل زانه عابده موحده القديسه زايده رزانه

(عدل بواسطة munswor almophtah on 01-29-2008, 08:27 PM)

(عدل بواسطة munswor almophtah on 02-01-2008, 07:46 AM)

Quote: مهرت ود كلس جربا وكتير دبره ومطفوق صاحبا وكوز ملوه ما عبره عند شيط الضريس والعشره ديك دفره ومريوقه أم نصيب وكافر الجوع قهره

Quote: مهرة ودكلس زى آفه منتشره وخرابة تكل خاتياها ديك عشره يوم ترحل تموت بنزيعا فى النشره وكم زول بنبسط ويسيبا ديك كشره

(عدل بواسطة munswor almophtah on 02-13-2008, 08:43 PM)

Quote: زى نفس الغزال وقتين تحن لى سخيلا قلبت لهجتا وانا منى طارت الحيله ود جبريل أخوى طاعمه الأنيقه نحيله زى المشرق الخرتوها دابا الليله

(عدل بواسطة Saifeldin Gibreel on 02-13-2008, 03:26 AM)

Quote: دار نخب السمر بين الضجيع والحاس ورشفنا السلاف من غير زجاج أو كاس من مورد أكابر وخيرة الجلاس تامين النفايل ما بعانوا من إفلاس سمية