|
|
 يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !!
|
والله يا جماعة بقيتوا تشفقونا وكل يوم هارموني في حالة توقيع عقود مع ناس امبارح نادية والليلة لبنى وبكرة ما بعيد دينا خالد (دي غايتو إلا يمسكوها برنامج الأطفال أو برنامج الأسرة)..
انا من زماااان عندي فكرة في راسي لي برنامج رياضة بي شكل معين من المستحيل تنفيذه في التلفزيون القومي (يعني يا سامي لو قالوا لي تعال بدل عمر النقي بررررضو ما بجي  )..
قناة هارموني قناة خصبة لتقديم برنامج رياضي طموح يلبي حاجة الرياضيين (الهلاليين أولاً والباقي ملحوق)...
قناة هارموني حالياً تفتقر لبرنامج بهذه اللونية ..إمكن الجعيلي لابد بيها فوق رأي وإمكن ما عندو فيها الرغبة وموجه القناة لشكل معين من البرامج ..
لكن يا الجعيلي من أسسسسة انا خاتّي طوبتي لي برنامج الرياضة بتاعك ده وجاهز لي توقيع العقد وما بنختلف في السعر يعني معاك لحدددددي 10 مليون في الشهر والسعر ده والله عشانك بس ما بندّيهو إلا لي الحبايب
البدل جاهزة والكرفتات كذلك وحا أنافس ليكم مصطفى الأغا في الأناقة لكن بس ما تركزوا في الوش واللون كتير سمح ؟
الصلعة ما بتوقع إنها مشكلة ويكفيني فخراً علي شمو مصلّع وأهو حاور أم كلثوم ..أي نعم ما كان عندو صلعة لكن النية كانت واصلة ..
البرنامج إسمو الدافـــــــــــــــــــــــــوري ..
وأهو مش هارموني قناة سودانية ؟ الدافوري ده إسم سوادني قُح (يا سلااااام ياخ إتوفقت في كلمة قُح دي)
ضيوفي جاهزيييين وحا يكونوا من المشجعين العاديييين ناس أحمد الريح وسيف كلي وتيتاوي وإحححححححتمال ناس سامي عبد الوهاب وعلي البشير أستضيفهم في حال إعتذار الضيوف ديل ..
أها يا جماعة إنتظروني على قنـــــــــــأة هارموني قريباً وقريباً جداً مع بداية الألفية الرابعة وحا أعمل ليكم زي ناس نادية مختار يجيبوني ليك كدي يا يمة محككككككككككر مع هيثم مصطفى صلاة النبي عليهو في بيتو وأسألوا ليك عاد جنس أسئلة وأقوووووم كده بعدو أمشي لي العجب وأدق الباب برااااااااحة وماف زول يسمعني وأشيل الكاميرات وأقول لي المخرج الناس ديل مافيشين شكلهم رحلوا كدي خلّينا نغشى كليتشي مادام جينا كوبر
أها يا الجعيلي غايتو انا كلّمتك ولا عذر لمن أنذر وكان ما أديتني برنامج الرياضة ده فأنا مضطر يا عزيزي بالموافقة للعمل في الشو تايم لتحليل الدوري الإنجليزي أو اليورو سبورت وبالميييت كده ربما أرضى بالموافقة برئاسة قناة الجزيرة الرياضية خلفاً لأيمن جادة ..
ياخ أقول ليك حاجة ما عايز معاك زاتو ومن دربي ده انا ماشي الحلاق لا كورة ولا يحزنون ..
هو زاااااااااتو وينا كورتنا عشان نعمل ليها برنامج ؟
قال الدفوري قال !!!!
|
|
 
|
|
|
|
|
| العنوان |
الكاتب |
Date |
| يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !! | عمر الفاروق | 05-06-08, 04:23 PM |
| Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !! | محمد الطيب حسن | 05-06-08, 04:33 PM |
| Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !! | اساسي | 05-06-08, 04:35 PM |
| Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !! | عمر الفاروق | 05-06-08, 04:36 PM |
| Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !! | عمر الفاروق | 05-06-08, 04:46 PM |
| Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !! | عمر الفاروق | 05-06-08, 04:49 PM |
| Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !! | عمر الفاروق | 05-07-08, 06:17 AM |
| Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !! | سامى عبد الوهاب مكى | 05-07-08, 06:18 AM |
| Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !! | عمر الفاروق | 05-07-08, 06:22 AM |
 Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !! | معتصم دفع الله | 05-07-08, 07:07 AM |
| Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !! | عمر الفاروق | 05-07-08, 07:42 AM |
| Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !! | معتصم دفع الله | 05-07-08, 08:57 AM |
| Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !! | Maawya Hussein | 05-07-08, 08:48 AM |
| Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !! | محمد الطيب حسن | 05-07-08, 12:23 PM |
|
| |
عمر الفاروق
فيس بوك
تويتر
انستقرام
يوتيوب
بنتيريست