|
Re: بورداب الرياض والسادة والسيدات النظارة من الرياض (Re: يوسف السماني يوسف)
|
Quote: مبروك ياعريس قضي شهر العسل وانا بحجز ليك شقتي وبرحل لشقة ثانية وقسطها قيل ماكتير |
هيييييع يوسف تجلى..
تخيل امس مشيت لي بتاع عقار قال لي عديل ماباجر لي سوداني.. قتا ليهو ليه فينا كشم نحنا؟!! مالنا عيبنا؟؟ قال لي ابدا يا استاذ ما قصدي بس السكان بنزعجو من الحاجة البتسموها دخان.. قتا ليهو :ايواااااا..المابعرف يقول عدس.. والله لو جربوها لحفروها تحت اسرتهم .. ومشيت من جنبو وانا بدندن بي غنية : الفارقت ما لقيت ..اللييييييييل وين ياروحي..
| |
|
|
|
|
|
|
Re: بورداب الرياض والسادة والسيدات النظارة من الرياض (Re: DKEEN)
|
غرفتين 4 × 5 وصالة 5 × 5 نضيفة جدا مدخل منفصل + مدخل مع العمارة حوش كبير ،، شارع القمر - حي الإزدهار الزول حلف بدينو ما ينزل ريال من ..... وستة شهور ستة شهور،، وأنت تستاهل الواحد يتبرع ليك بالسعي حقو!!
اتصلت علي في المكتب ،، عفوا كنت في مهمة خارجه!!
| |
|
|
|
|
|
|
Re: بورداب الرياض والسادة والسيدات النظارة من الرياض (Re: DKEEN)
|
Quote: عبد العزيز (دكين) رجل خطير واحد في ثلاثة قدرت ببوستك تقول حاجات كتيرة مش واحد في تلاثة .. قول عشرة أو اكثر المهم اكيد الريس في مشوار المغربية يكون جابت نتائج وطبعا نقدر نقول ان ناس الرياض والبورداب بالذات موعودين بليلة وحفلة كاربة.. قبل وبعد ويا دكين انت مش قليل وساهل من ناس عملو ليهم حفلات .. وبعدين نتكلم في بقية النقاط |
تسلم يا ولياب ياخي .. دي المحرية فيكم .. انتا كده قبل الحفلة شوف لينا حلفاوية .. عشان الجرار ده في الحفلة مايديك الدرب.. واوعدك انها حتكون زفة نوبية زي المارقة من بوهين.. سلامي لي الاسرة الكريمة..
| |
|
|
|
|
|
|
Re: بورداب الرياض والسادة والسيدات النظارة من الرياض (Re: DKEEN)
|
العزيز عبد اللطيف (اب عاج) قال لي شوف يادكين - وبدون ما تسالني اسئلة- انتا حرم معزوم عشرة يوم في اي فندق تختارو من فنادق الرياض في شهر عسلك.. قال لي كده في التلفون بدون اي تفاصيل ومشى قال ماشي يعزي دكتور كرار التهامي(حسن الله عزاءة في الفقيدة)
طبعا انا ماعرفتا العزومة دي على حسابو؟؟ على حساب بوردا بالرياض ؟؟ على حسابي؟؟ اها لامن قتا ليهو انتا شغال وين يا اخينا؟؟ قال لي مقاطعاً.. قتا ليك بدون اسئلة ناس الامن بتاعتك دي..قمتا قطمتا.. قتا عشرة يوم ..عشرة يوم وانا لاقي.. وطوالي اتصلتا قبل شوية بي ناس (ماريوت)وناس (راديسون ساس) عشان اعرف ياتو فندق فيهم ممكن يقدم خدمان حفرة دخان مع السيرفيس.
يا اب عاج ياخي حرم ماكتيرة عليك.. وانت اهلٌ لها وزيادة.. وحرم كان سويتا ولا كان بتهظر ساي زي العسلنا في (راديسون) بالعدم كده حنقضيها خمسة يوم (منفوحة بلازا)جنب ناس الموج..
| |
|
|
|
|
|
|
Re: بورداب الرياض والسادة والسيدات النظارة من الرياض (Re: DKEEN)
|
Quote: العزيز عبد اللطيف (اب عاج) قال لي شوف يادكين - وبدون ما تسالني اسئلة- انتا حرم معزوم عشرة يوم في اي فندق تختارو من فنادق الرياض في شهر عسلك.. قال لي كده في التلفون بدون اي تفاصيل ومشى قال ماشي يعزي دكتور كرار التهامي(حسن الله عزاءة في الفقيدة)
طبعا انا ماعرفتا العزومة دي على حسابو؟؟ على حساب بوردا بالرياض ؟؟ على حسابي؟؟ اها لامن قتا ليهو انتا شغال وين يا اخينا؟؟ قال لي مقاطعاً.. قتا ليك بدون اسئلة ناس الامن بتاعتك دي..قمتا قطمتا.. قتا عشرة يوم ..عشرة يوم وانا لاقي.. وطوالي اتصلتا قبل شوية بي ناس (ماريوت)وناس (راديسون ساس) عشان اعرف ياتو فندق فيهم ممكن يقدم خدمان حفرة دخان مع السيرفيس.
يا اب عاج ياخي حرم ماكتيرة عليك.. وانت اهلٌ لها وزيادة.. وحرم كان سويتا ولا كان بتهظر ساي زي العسلنا في (راديسون) بالعدم كده حنقضيها خمسة يوم (منفوحة بلازا)جنب ناس الموج.. |
عزو ،، التحايا والأشواق العراض للشخص العزيز ،،
طبعا حركاتك أمنجية 100% (ملخبتة) بحركات تجار العيش،، أنا طبعا ما قلت ليك عشرة أيام ،، ذكرتني واحد سمسار أراضي سعودي ظريف زيك كدا يعرفو لي 20 سنة لا قيتو قبل اسبوع ، قلت ليه ياأبو فيصل تشرفت والله بمعرفتك 20 سنة أسأل الله ربنا يديم المعروف دا بيننا كدا تاني كمان 20 سنة!! تصدق الراجل بتلقائية المهنة : يارجال!!! قول 40 عشان تصفى على 20!!! والله ضحكنا وكان جنبنا ناس بيصلوا كلهم فقعوا بالضحك وأعادو الصلاة!!
هسة أنت كمان ياحبيب أنا قلت ليك أسبوع ، وانا عارفك عايز الحكاية تصفى على الأسبوع دا ،، وأنا عند كلمتي ، وكمان عشان تطمئن : 7 أيام في الإنتر موش رادسون ولا غيرو ،، فندق الوفود الرئاسية ياحبيب،، وما في زول سألك من الحساب عشان ما تبيع الأصول كلها (الإنتا خابرها)عشان ليلة في الإنتر ،، شوف باقي التجهيزات موضوع العسل دا أطلع منو!! وبالمناسبة ، يعني ما تفتكر العرض دا مفتوح كدا على طول ،، الإكسبايري ديت يو هاف تو فيكس إت يورسيلف!! أوكي؟ يلا ادينا اقتراح !!!
| |
|
|
|
|
|
|
Re: بورداب الرياض والسادة والسيدات النظارة من الرياض (Re: عبد اللطيف بكري أحمد)
|
اب عاج
Quote: في زول سألك من الحساب عشان ما تبيع الأصول كلها (الإنتا خابرها)عشان |
الاصول الانا خبرها يا حبيب امس استلمنا من مدير اعمالنا سبعمية ريال.. تخيل المسالة دي بس عايزة مدير ادارة موارد بشرية جيد.. وقد تم تعيين حمد فتح الرحمن (بيرسونيل منجر) والحق يقال فقد ابدى مهارة فائقة في ادارة الكوارث التي كادت ان تحيق بي ..
| |
|
|
|
|
|
|
Re: بورداب الرياض والسادة والسيدات النظارة من الرياض (Re: DKEEN)
|
Quote: الاصول الانا خبرها يا حبيب امس استلمنا من مدير اعمالنا سبعمية ريال.. |
ممتاز جدا و دا بمثابة سند استلام اسفيري ... كدا يكون باقي السلفة و دي طبعا متفقين على ان السداد يكون باقساط على مدى 12 شهر من تاريخه ... تمام يا حبيب
امضاء مدير ادارة الموارد البشرية حمد فتح الرحمن
| |
|
|
|
|
|
|
Re: بورداب الرياض والسادة والسيدات النظارة من الرياض (Re: عصام علي أحمد)
|
عزيزي دكين...سلامات
تسلم كتير على كلماتك الحلوة...
آسفة على الغياب...لكن قصة سناء أحزنتني جدا...
تعرف...لما تجي سويسرا ح تكتشف أنو في جماليات كتيرة بتحتشد في دواخلك...
ح يكون عندك مفهوم مختلف عن الجمال والبرتقال...
أنا مؤمنة بيك وبحس أنك ح تكون حاجه كبيره انا لازم أساهم في إكتشافها....
العرض ساري حتى نهاية مارس...
بعدين عمد سويسرا وافقوا ليك بالإجماع...
مودتي
| |
|
|
|
|
|
|
Re: بورداب الرياض والسادة والسيدات النظارة من الرياض (Re: عصام علي أحمد)
|
Quote: والله يادكين لو كنت فى دبي شقتك تجهز فى ثوانى ونشيلك فى عيونا ياعسل |
زمان كنتا بقول لي ود عمتي والله تجي الخرطوم دي انا اشغلك في القصر الجمهوري.. وكان عندو زراعة وبوابير وشغلات من الصعب يخليها عشان يجي.,. اها اول ما جا الخرطوم بعد زمن..انا زحيت جيت الرياض..
ياعصام ياخي مودتك وصلت تب والفيك اتحرت والاف تشكراتي.. بس اعمل حسابك فمادبي على الله ببعيدة..
| |
|
|
|
|
|
|
Re: بورداب الرياض والسادة والسيدات النظارة من الرياض (Re: DKEEN)
|
يقول العرب ان من منتهى الود ان يصف الانسان اخاه وصفا ويتبعة بياء (تملك الود) كنحو عزيزي وصديقي وحبيبي وعديلي إذ انه يمكن للانسان ان يتخير من هذه الوصوف تراكيب اخرى فيقول عوضا عنها العزيز فلان او الصديق فلان او الجميل فلان مانحو ذلك.. ولذا فان الصاق (ياء منتهى الود) في اسماء الموصوف هي دلالة على انتهاء الود عنده وفائق الإلف والمودات.. وعلى هذا النهج سار اخواننا في حزب الامة فنرى الاخ وراق يقول فيما يقول الحبيب عادل والحبيبة لنا والحبيب نقد.. لان الود بينهم ودٌٌ مرسومٌ بدقة وصرامة التنظيم وهو ودٌٌ صنعه اول ما صنعة الامام المهدي وكان بادي الامر وداً وإلفاً في معنى الود والإيلاف .. وبمرور زمان السودان وهرج الناس ومرجهم تحول الود المنتوج من الف لام التعريف الى ودٍ املته ظروف الساسة والسياسة فصار لقباً لافراد الجماعة لا وداً نابعا من معاني مسميات الاشياء.. وذلك امرٌ لاغبار عليه ولا رد.. فان ود الجماعة المسيسة هو ودٌ له اطار معلومٌ وحدٌ محدود.. لايجوز تجاوزه الى ودٍ اخر وإلا اشتبه الامر على عموم العامة.. والاحزاب عموما امرها عام إلا الاحزاب السرية واحزاب زمان التوالي.. فان امرها اغتم على الناس وصار ضبابيا فلا يعرف الانسان في زمان الناس هذا الخارج منها والقادم اليها والهارب الى غيرها والى الله المُشتكى ..وذلك امر اخر له حديثٌ اخر.. وعودا الى الوصوف المعرفة بالالف واللام.. فإن قال وراق مثلا الحبيبة فلانة فان ذلكم امرٌ معتاد.. ولكنه ان قال (حبيبتي فلانة)فان ذلك يقع في وادي اخر غير الوادي المعلوم.. وقد تقع حرابات على اثر ذلك وقد تهدر دماء.. باختصار كده .. ما اود قوله ايها الاحباب -وانا قد اطلت عليكم بهذه المقدمات -اود ان اقول ان من الود ان يقول لك احدهم (لعزيز دكين) ولكن من منتهى الود والإيلاف ان تقول لك احداهن
Quote: عزيزي دكين...سلامات |
افرايتم كيف هذه الياء تمضى موغلة في ياسمين ايامي؟؟ اورايتم كيف ان هذه الياء تتعرج في ثنايا المودة يلحقها السلام؟؟ هل راى احدكم ياءً ذات إيلاف قريب كده في الايام الفاتت دي؟؟ هل راى احدكم عظيم الشبه مابين هذه الياء ومابين كبري الحديد بتاع بحري كلاهما يسيطران على حالات الوجد والولف والمحنات.. تلك يا احباب ياء منحة موغلة في زنبقة هذا المساء الجميل.. خصوني بها في مساء الله البديع هذا.. الا ليت كل المساءات آسرةٌ مثلها ..
شكرا يا سحر على هذه المودة البليغة التي اسرتيني بها.. وياخي قتا ليكي انا جادي جااااااااادي نبكي ليك يعني هنا ولاشنو؟؟ في زول بقولو ليهو ارح سويسرا وبقول لا خليني افكر؟؟ يعني لو في زول بقدر يقول كده إلا يكون واحد من اتنين يا إما به مس من جنون يا ساكن جنب النبي.. وانا زول ساكن جنب ناس تمبس .. وليس بي شي من جنون..وعصام يشهد..
| |
|
|
|
|
|
|
Re: بورداب الرياض والسادة والسيدات النظارة من الرياض (Re: DKEEN)
|
Quote: افرايتم كيف هذه الياء تمضى موغلة في ياسمين ايامي؟؟ اورايتم كيف ان هذه الياء تتعرج في ثنايا المودة يلحقها السلام؟؟
|
الإنهيار الدكيني!!! أحمد الله أن أحيانني إلى زمنٍ أشهد فيه إنبهال ((الياءات الثلاثة))!! == على كل أنحنا برضو عندنا من الياءات الكثير ،وطبعاً كنا عند كلمتنا إلى أن دق فينا (بضم الدال) هذا الناقوس في ساحة عامة ، واليوم فقط أفهم قولاً كثر ترداده في الأخبار والأنبار : ((الأجندة الخفيفة))،، خاتينا طعم ها؟ لذا (أتخذنا ماهو آت يتدحرج عرضنا إلى 15 مارس (والفندق : فندق الجنوب - حراج بن قاسم)،، = كان ما متوضي فيها تلحق وفيها ما تلحق ، وخليها نضارات خدر تنفعك!!
| |
|
|
|
|
|
|
Re: بورداب الرياض والسادة والسيدات النظارة من الرياض (Re: عبد اللطيف بكري أحمد)
|
Quote: يتدحرج عرضنا إلى 15 مارس (والفندق : فندق الجنوب - حراج بن قاسم)،، |
تاني الجنوب يا اب عاج.. في اي حتة نحنا الجنوب ده مبارينا؟؟
نكتة مهداة الى العزيز دينق
قالو واحد جلابي بسمع في الرادي قام سمع المذيع بقول: (..هذا ولاتزال الاوضاع متوترة في جنوب لبنان).. قام قال لي الجلابي القاعد جنبو : ياخي الدينكا ديل في اي حتة عاملين شمطة... خخخخخخخخخخخخخخخخخ حلوة موش؟؟
| |
|
|
|
|
|
|
Re: بورداب الرياض والسادة والسيدات النظارة من الرياض (Re: DKEEN)
|
..... رب شقتة يبحث عنها أحدكم، فتقوده لشقة لم تكن في الحسبان أو كماقالت الشيخة نفسية ناصحة أحدهم في تكية البورسعيدي ابن الفقيه - موطأ البخت و النصيب يا صابت يا تخيب ... يا دكين يا عزيزها، الأيام دول، و دول أيامك الآن تيمم نحو الشمال فلا تفلت الفرصة لأنها لا تأتي لأمثالك إلى مرة واحدة و هم نيام، و استثنتك السماء لنعيمها و ساقت لك الفرصة و أنت صاحي و بتكتب في س أون لاين و مستني الأمل من قلة عينها بصيرة و ايدها قصيرة و آخرون مستكثرون ... يا مؤمن، عليك بالتوكل، ومن ثم أعقلها، و من ثم اركب السويس اير ما تقيف إلا في زيورخ و تم الباقي قطار و باصات حتى تصل مرابع جنيف و ضواحيها ...
يا دكين يا و لدي، لا تكن كقوم جاءهم قوم بعرض و رفضو عرضهم فقعد القوم الأولون نادمون على تفويت القوم الآخرين ....
| |
|
|
|
|
|
|
Re: بورداب الرياض والسادة والسيدات النظارة من الرياض (Re: عزاز شامي)
|
Quote: رب شقتة يبحث عنها أحدكم، فتقوده لشقة لم تكن في الحسبان |
لوووووووووووووووووووولوز وغدة بي جدارة احسبك لم تقصدين ما يجول بخاطري اللطيف..
ياعزوز يابتي لقد وافقنا على العرض وحزمنا حقائبنا وهانحن ننتظر عمودية سويسرا والجميلة التي ترافقهم.. الاشكال انو عصام وسحر ديل زي( بيوتي اند زه بيست) ما مصدق انهم يكونو في حتة واحدى..
عزوز مشتاقين.. ردي على التلفون..انعل ابو شكلك..
| |
|
|
|
|
|
|
|