|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: والله يا ود الموج ما عرفتك أقول الوجيه ده أنا شايفو وين ؟ وين ؟ وين؟ طيب ما إنت كويس ياخي ،، والله في (السوق) عديل .. عيني باردة الله يبعد عنك (المحبطين) ناس هناي ، وهناي ، وودهناي , وكلاماتهم والله يا ناس الرياض بي حركاتكم دي ، ود الموج ده بكرة تلقوه من (بورداب الدوحة) أصلو نحن قافلين عليه من زمان وكايسين لينا سبب.. |
صلاح الظريف سلام تربيع انا زاتى داير لى فيكم كده.. لكن فى اتنين مكرهنى قطر.. لو طارو بجيكم.. الاول بهاء بكرى.. والثانى الثقيل ابوشنب الاسمو عماد ود التاجا.. كان عملوا خروج نهائى وحاتكن بفيزة خدام اجيكم،،،،
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: حاشية: فى ناس لايهمنى رايهم...بورداب الرياض من طرف،ماعدا عبد المنعم عمر ،ادريس علم الهدى،خالدالارباب،خالد المحرب،طارق نقد، |
حبيبنا الموج والله تصدق أنا الجمال ده كله فاتني .. كنته مشغول مع أم الوليدات من دكتور لي دكتور وماقدرته أتفكه منها إلا بعد ما هددتها قلته ليها تعرفي أنا بي جياتي الكتيرة للمستشفى حأتزوج تاني .. قالت لي كيف .. قلته ليها والله في دكتورة سمحه كده كل ما أشوفه تسلم عليه وتقول لي أزيك يادكتور .. من اليوم داك المرة بقت كويسة وماشكت من حاجة تانية . أما بالنسبة للزهور .. والله عبيرها وصلنا في مكتبنا .. تصدق أنا لي كم يوم بتنسم العطر الجميل .. وكمان أقول ليك سر .. تعرف أنا ممما سمعت غنية الليمونــة وين ياناس .. بالذات في المقطع : أمــونة لامن جات .. شايله القلوب عاجات .. تصدق قلبه رفه .. وأمي كانت بتقول لمن قلبك يرف معناته في زول حيفرح .. وأسع أهو عيني بارده لايقين على بعض إنته وأمونة .. وماعليك من الحاقدين الباقين ديل .. ديل شباب بتاعين حنك ساكت .. الزمن ده مابياكلوا عيش ولا بأكلوا عيش .. معك نشد من أزرك .. أنا ومن خلفي قبيلة المكنية وجميع الحلال من الخرطوم إلى شندي ومن شندي لغاية عطبرة بكل زهورها .. ورياحينها .. تحياتي ، خالد الأرباب
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
[U]صاحبى وصديقى ود الموج مبروك النيو لوك سحقا لكل الحاقدين والاوغاد ومن اليوم انا فى حلفك ومن اوائل المقاتلين فى صفك وحاضرين لاى مساعدات ....... ليس طمعا فى غنائم ( بس البجى منك كويس ) اها نجى للموضوع احتراما لمشاعرك لا سلمنا ولا رحبناولا وصفنا بيتنا بس شايف بيسالوك مننا
نطلب الاذن ( لو سمحت ظروفك ) Quote: انت يا موج الكلام ده بتجيبوا من وين الله يجازي محنك والله انا بخش البوست بتاعك وع اول كليك بكون بضحك الله يجازيك
بالمناسبة وين صاحبك |
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: حبيبنا الموج والله تصدق أنا الجمال ده كله فاتني .. كنته مشغول مع أم الوليدات من دكتور لي دكتور وماقدرته أتفكه منها إلا بعد ما هددتها قلته ليها تعرفي أنا بي جياتي الكتيرة للمستشفى حأتزوج تاني .. قالت لي كيف .. قلته ليها والله في دكتورة سمحه كده كل ما أشوفه تسلم عليه وتقول لي أزيك يادكتور .. من اليوم داك المرة بقت كويسة وماشكت من حاجة تانية . أما بالنسبة للزهور .. والله عبيرها وصلنا في مكتبنا .. تصدق أنا لي كم يوم بتنسم العطر الجميل .. وكمان أقول ليك سر .. تعرف أنا ممما سمعت غنية الليمونــة وين ياناس .. بالذات في المقطع : أمــونة لامن جات .. شايله القلوب عاجات .. تصدق قلبه رفه .. وأمي كانت بتقول لمن قلبك يرف معناته في زول حيفرح .. وأسع أهو عيني بارده لايقين على بعض إنته وأمونة .. وماعليك من الحاقدين الباقين ديل .. ديل شباب بتاعين حنك ساكت .. الزمن ده مابياكلوا عيش ولا بأكلوا عيش .. معك نشد من أزرك .. أنا ومن خلفي قبيلة المكنية وجميع الحلال من الخرطوم إلى شندي ومن شندي لغاية عطبرة بكل زهورها .. ورياحينها .. تحياتي ، خالد الأرباب |
الارباب الما كضاب ود عمى الكلس.... ..هيييييييييع ....اهلها جو... يازول وينك انت مقطوع وتخلينى كايس النصيحه عند ناس حمزاوى ومصطفى سرى..ديل الواحد زمته خنزيرة عديل. المهم انا عارفك زول نصيحة والحق بتمرقو..بالله لايقين على بعض قلت لى؟؟ وحاتك انا كان لقيتك من يوم فتحت البوست ده،يوم الليله اظنى كنت فى شهر العسل. يعيش الارباب.. الموت والدمار لدكين وصحبه...
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: صاحبى وصديقى ود الموج مبروك النيو لوك سحقا لكل الحاقدين والاوغاد ومن اليوم انا فى حلفك ومن اوائل المقاتلين فى صفك وحاضرين لاى مساعدات ....... ليس طمعا فى غنائم ( بس البجى منك كويس ) اها نجى للموضوع احتراما لمشاعرك لا سلمنا ولا رحبناولا وصفنا بيتنا بس شايف بيسالوك مننا
نطلب الاذن ( لو سمحت ظروفك )
Quote: انت يا موج الكلام ده بتجيبوا من وين الله يجازي محنك والله انا بخش البوست بتاعك وع اول كليك بكون بضحك الله يجازيك
بالمناسبة وين صاحبك |
معاوية الطيب صاحبى فى الزمن الجميل كيف حالك يا حليلك والله ....ياسلام تصدق قدر ما امنه سالتنى ووصفتك لى ما عرفتك؟؟ قالت لى صاحبك الثقيل البايخ ابوفنيله رصاصيه واحده ومخططه وقادينا بيها فى الحفلات ماعرفتك.. طيب العامل فيها دمه خفيف وهو برميل مويه ما يخففوا ماعرفتك.. قالت لى المتصلبت وجنوا قواله داك ،وديتك على دكين اتذكرت دكين ده ولا تى شيرت واحد ماعندو قلت يكون دينق والا مصطفى سرى برضو لا.. يا حليلك والله مشتاق ليك يا معمع يا حليلك..وخليت الشربه وسف التمباك والا لسه والله زمن..تتذكر يوم طرشت فى الباص فى توب المرة الكبيرة يا سلام..داك كان يوم اسود. ياخى ما تنقطع ..ومشتاق ليك جنس شوق .. وبعدين المرة ست الطعمية الشردت بى قروشها بتسال منك وقالت ليك رجع ليها البستله القروش ما دايراهن..يا حليلك يا معاويه.. وبعدين شنو الغيبه..شرده واحده من عملت العمله ديك ياخى ارجع الناس نسوها ..لاحوله ودعتك الله يا صاحبى السالت منك امنه..الحمد لله اعترفت براك لانو ماكنت حا اعرفك اصلو..انت ما زول امين وصادق،،،
| |
|
|
|
|
|
|
|