|
Re: بيتهوفن العصر الحديث .. إمرأة .. (Re: Saber Abdelhadi)
|
Quote: تعتبر من أصغر عظماء الموسيقى على مر العصور (من مواليد 1972).. مثل بيتهوفن تعاني من صمم خفيف (أضانها تقيلة).. |
.. Quote: ومثل بتهوفن .. تمتلك Gaby واحدة من أندر الملكات الطبيعية على الإطلاق .. وهي الـ Absolute Pitch أو الـ Perfect Pitch .. أي معرفة الحرف الموسيقي وموقعه على الـ Pitch بمجرد سماعه .. ودون مقارنته بـ أو الرجوع لأي مصدر موسيقي معروف .. كالالآت الموسيقية مثلا .. وتشمل أيضا معرفة أي سلم وأي مفتاح لأي قطعة موسيقية تسمعها وكذلك تسمية كل النغمات المضروبة في chord واحد وتدرجها,, وبالطبع يمكنهاإخراج وغناء أي حرف موسيقي دون الرجوع إلى مصدر .. وتقول أنها عندما كانت صغيرة كانت تسمع صوت الهواء وهو يخرج من فم والدتها عندما تغضب وتصرخ في وجهها.. بل تمتد مقدرة الـ Absolute listener ليستطيع تسمية أي صوت كغناء الطيور وصوت (بوري) العربات .. إلخ.. |
.. يا صابر ياخي ما عارف اشكرك كيف .. والله .. لمحت البوست دا قبل أيام .. في نفس الوقت كانت حمى الكلاسيك مسيطرة .. لانو بالصدفة كنت بتابع في بعض القنوات .. ووجدت عمل جميل جدا لي دويتو .. كلاسيك بيانو مصاحب لي آلة الكمــان .. عازف البيانو يعاني من فقدان نعمة البصر .. وعازفة الكمان صبية خلابة جدا .. وجيدة القراءة لذاكرة الكمان .. تابعت الحوار الموسيقي لاكثر من ساعة لعدة قطع موسيقية دون ان اغير من وضعي مرتكزا على التربيزة .. الـ Perfect Pitch دا يا صابر اساس الموسيقى . مع السمع الجيد طبعا مع المقارنة من المصدر لكن الالهام الموسيقي الفطري والتحليل والرصد والنتيجة دون الرجوع للمصدر دي حاجة بتحير عديل كدا .. والاحير انو اضانه تقيلة .. ياخي الاضان الطبيعية دي علشان تصل مرحلة المتابعة الخطيرة دي عايزه ليها مرحلة متقدمة خالص لو قارناها بيس عمرها الصغير دا .. معناته دي مفترض تكون الاربعة وعشرين ساعة دي ما بتكفيها سمع بس .. تعرف الوالد قال لي زمان في بداياتو مع آلة الترامبت . كان احد الخبرا الكوريين بيعمل ليهم الصولفيج اللحني في شكل ( إمــلاء ) .. بيكون في غرفة مجاورة .. وبقيت الطلبة في غرفة ومعاهم الالة النوتة الموسيقية والاقلام .. بيضرب الاستاذ الحرف .. وعليهم الرصد والتدوين . قال لي علشان نصل المرحلة النهائية للدرجة الكاملة .. قعدنا شهور طويلة جدا علشان نكمل لينا جملة موسيقية واحدة مكونة من عشرة مازورات .. طبعا المتعب فيها مسالة ( السكتات ) ( والرباطات ) اللحنية لاحظ الزرزرة دي وحالتهم ناس بيسمعوا وبيشوفوا وآلة واحده بس مستعملة بي صوت واحد .. ياخي Gaby دي حاجة عجيبة جدا .. استاذنك في الملفات المرفقة دي .. وشكرا لنافذة المعرفة دي
|
|
|
|
|
|
|
|
|