السلام عليكم بدون شك عبدالقيوم الشريفي يعد من أميز فناني الطنبور الحاليين وهو من يتذوق ويغني جيد الشعر ولو صحت ثنائيات الفن فلا شك انه وحاتم حسن الدابي كونا ثنائياً رائعاً قدما أجمل اغنيات الطنبور وأطن أن كثير من الناس لا شك استمعوا أو سمعوا بالقصيدة المشهورة التي نجح حاتم وعبدالقيوم في تجنيد جمع كبير من السميعة يشتركون معهما في البحث عن عوض
درويشاً من يا دوبو صغير عشرة أعوام الزول زول الله من الصلاح الرفعت عنهم الأقلام دي تركة الرسل الدارو الآخرة أم خيرن دام التركو نعيم الدنيا الزايل للعبدوها وللحكام
******
من يوم البحر الجانا تسب وقام يوم دخل الحلي هد بيوتا ترا وهدام صبحنا ضيوف ما خلاّ وراهو صلة أرحام يوم داكا عوض خلاها مرق .. في سفره طويلة مع الأيام
*******
متجلبب بي تيبان الرحمة غتا وهندام متنعلت بي أرض الله الواسعة خطى الأقدام متزود شايل خير الزاد وحي وإلهام يا ساري الليل ما شفت جناح جبريل غتاهو بقالو مظلة جلوس وقيام
******
فتشنا سما أرض ما شفنا منام في التمر الشايل تكا سبيطو مدلول خام في الجرف الأخضر في لوبيهو وفي النجام في جدول جاري بيسقى الحلي .. تسرسر مويتو نعيماً دام
*******
يبقالي نجع متوجه قاصد أرض الشام ما شفتو هناك مع الحجاج لابس الإحرام بين يثرب ومكة وفي بيت الله المكسي رخام يبقالي هناك يكون مندسي مع الخدام
*******
يا ساري الليل أنا داير أوصيك وأديك كلام الروح إين صعدت لي باريها وفي جنات الخلد مقام لو لاقيتو في إي مكان في إي زحام روح كلمو قولو الحلة بكت من شوقا إليك تغريك سلام
............................. وما الناس إلا هالك وأبن هالك *** وذو نسب في الهالكين عريق
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الزوول
فيس بوك
تويتر
انستقرام
يوتيوب
بنتيريست