دعوة للتناظر حول حقوق المرأة في الإسلام( صبري الشريف كمال عباس ود العمدة )والجميع

Quote: والتعدد؟ لانك مش ممكن تكون مكي في بعضه ومدني في اخريات التعدد والرق والجهاد كلها نسخت ما قبله

القران ده كلو من الله سبحانه وتعالى وهو كلو واجب علي الايمان به والاقتداء به .. يا صبري مكي ومدني والتقسيم ده حقكم انتو .. انت ليه عاوز تلزمني انا اتخذ المنهج حقك ؟؟ ده موش فهم غريب ؟؟ هي دي الدوغمائية اللي نحنا بنرفضا ودي عيوب الافكار العقائدية عموما يا صبري وعشان كده بنرفض اي فكر عقائدي بيدعو لطبيق دولة دينية والفكرة الجمهورية زي ما انت قلت بتدعو للدولة الدينية وانا برفض الدولة الدينية طيب موش من حقي اني ارفض ؟؟

انا اكرر ليك تاني انا فهمي للنسخ ليس باعتباره لاغيا كله لما قبله .. لا
النسخ يعني ثلاثة :
*تجاوز حكم معين الى اخر احسن منه وهذا لا يعني ان الاول قبيح ولكنه جاء تماشيا مع الفهم الثاني وهو *التدرج .. التدرج ( وسوق المجتمع ) حسب مقتضيات فترة التنزيل والتغيير ما هو الدين اذا ما كان هدفوا تغيير المجتمعات نازل ليه من اصلو ؟؟؟
يبقى عشان ما يحدث التغيير ده .. لا بد كمان من مراعاة المجتمع وحالة المجتمع دي ( في لحظة التغيير ده ) قابلة للتكرار في مجتمعات اخرى في كل الامكنة والازمنة يبقى النسخ نفسو *( المفهوم الثالث ) وسيلة يمكن الاقتداء بها في تطبيق الاحكام باختلاف الزمان والمكان للمجتمعات وعشان كده كنت قلت لكمال قبل كده انو الحدود ما جاءت الا لحماية مجتمع الفضيلة ولم تاتي لتجعل المجتمع مجتمعا مشوها مقطوع الايدي او مجلود الظهور الخ
في دراستنا للمجتمعات يبنغي علينا مرعاة الحكمة من وسيلة وحكمة النسخ والاعتبار بها وليس استخدامها مقصا للالغاء والتطرف بكل اشكاله السلفي والجمهوري والعلماني
عشان كده همنا هو تبرئة الاسلام من كل هذا التشويه بعلم او بغير علم بقصد او بغير قصد

طيب يا صبري ..

انا سالتك قبل كده عن راي الفكرة الجمهورية في تفسير النفس الواحدة واصل المراة ولا ازال انتظر الاجابة فهلا تكرمت ؟؟!!



بعدين يا صبري شكلك بتجد تعب شوية في الكتابة لانو معظم المداخلات بتكون غير مرتبة وغير مفهومة ومتفهم لوضعية الكتابة عندكم لكن شوية كمان زيد التعب عشان نقدر نفهمك ؤبث