|
Re: نادى العزابة الاسفيرى ....... (Re: Amira Elsheikh)
|
بت الشيخ كيفك لو خليت كل واحدة في مداخلة بروحها او جمعتهن سوا ما بتفرق برضو غنية صحافة حتستقبلك لأنو هو اختار الست أب بتاعها كدا autostart = true فكلفي حالك و تعالي على نفسك شوية و أضغطي للتشغيل وكدا
تمام أمي
| |
|
|
|
|
|
|
Re: نادى العزابة الاسفيرى . (Re: محمد البشرى الخضر)
|
منكِن ؟؟
إشا الله مراقب !!! و أقعد في المنصة جنب أميرة الشيخ .. هو ده إجتماع ؟ ما يكون مؤتمر كمان ؟!! أنا سمنار ما بطال معاي .. لكن بشيل الصرفة الأولى .. نجي ؟؟ بتنفعكم/ن الخبرة يا وهم .
قلتو شنو ؟؟ ( ولا بِغِم يا ود البشرى .. و لا بِغِم , إنطم بس ) .
| |
|
|
|
|
|
|
Re: نادى العزابة الاسفيرى ....... (Re: محمد البشرى الخضر)
|
Quote: فكلفي حالك و تعالي على نفسك شوية و أضغطي للتشغيل وكدا
|
ود البشرى .
دى ماالمشكلة ..
الاغانى فى السلك وكنت دايراك تختها لينا واحدة واحدة لزوم القزقزة
مش بالكوتة زى الزعلان مننا ..تردمنا بيها مرة واحدة كدا...
ما تخاف حاجى على نفسى ..وحاجى وحاجى ..
الاغنية الاخيرة اسى ابت تنزل معانا ..نعمل شنو?
| |
|
|
|
|
|
|
Re: نادى العزابة الاسفيرى ....... (Re: محمد البشرى الخضر)
|
Quote:
فاتني ان أشيد بفلان على مساعدته الكريمة لنا في موضوع الأغاني وابلغكم تحياته و تعاطفه مع النادي و أعضائه
|
غايتو بس الله غالب ..
نحن من خلفه ونشد من ازره فى اسره واقامته الاجبارية
ونيابة عن كل اسرة النادى العزابة منهم والاموات نعلن كامل
دعمنا له..
افلا نامت اعين ود البشرى
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
ياخ بت الناس دي خليناها كويسة .. كانت بتقول : هذا المشترك لا يمكن الوصول إليه الآن ..!!!
غايتو .. الله يغيظك يا المره القاعدة في التلفون .. مكرفون ناديكم بطاريتو نازلة ؟؟
.... حاول الإتصال في وقتٍ لاحق .. بيييب .. بيييب .. بيييب
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
سجلنا في هذا النادي ويبدو إنكم أكتفيتم يا أميرة ياخ مشتاقين جداً جداً (للغاية ياستي)
ومالو ومالو ومالو هكذا نحن في هذا العالم نظل متجولون وعاملين زي (صالح آشة)
...........
صالح آشة : من أراد منكم أن يعرفه فليسأل عنه صديقي قمر بوبا
| |
|
|
|
|
|
|
Re: نادى العزابة الاسفيرى ....... (Re: خضر حسين خليل)
|
Quote: سجلنا في هذا النادي ويبدو إنياخضر... |
ياخضر...
انت سجلت وزغت ...ولا شفت الحاصل علينا شنو..
اقول ليك ياخضر انا دايرة اقعد فى الضل بتاع بوستيك( بتاع الليل
والبنات وشنو كدا ما عارفة.. ) تمشى وتخلينى قاعدة فى الحر...حرام عليك ياخ
Quote: يا أميرة ياخ مشتاقين جداً جداً (للغاية ياستي) |
وشوقاتنا كوتارات....نتحداكم
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
Quote: آآجيي يا حمودي !! جابت ليها زغاريد كمان ? قلنا نادي عزابة ما ( بييييب !! ) دمت يا ود الطيب |
ابشروا بالخيـر,
يا اميرة وهبة طوروا النادي دا واعملوا مجموعة بريدية طالما انه مافي مسنجر
بنفتش على كم ايميل كدا ؟؟؟؟
تحيـة
أحمــد
| |
|
|
|
|
|
|
Re: نادى العزابة الاسفيرى ....... (Re: أحمد الشايقي)
|
هنا اعلن انسحابي التام لأن البوست بقي يعمل لي مشكلة نفسية لأغاني ودالبشري ذات الطابع الزواجي وبما أن تلك الاغنيات أنا زايغ منها حتي في الاعراس بمشي في الربع ساعة الاخيرة وبنهنئ ونتخارج لكن ما لدرجة اغاني سيرة في بوست عزابة .
يظل هذا الانسحاب مقرونا بوقف اطلاق النار واعلان مبادئ جديدة من الاخوة المتزوجون.
ويا أميرة ما هاين علينا نخليك ونمشي لكن ظرروف
اخونا خضر صالح آشة صمد حتي رحل رحمه الله ...ولو في عزابي قوي في الدنيا كان صالح آشة.
وعزابة وبنحبك يا سلاف فواخرجي
| |
|
|
|
|
|
|
Re: نادى العزابة الاسفيرى ....... (Re: GamarBoBa)
|
آها يا جماعة انا جيت ، القاعد منو و المافي منو ?? الناس دي وينها ? ما شايفة اي زول !! يا ربي طفشوا وين ? يا اميرة انا مش قلت ليك اعملي لينا غفير لي بوابة النادي عشان يضبط لينا الطالع و الداخل ? و اي زول ما عندو بطاقة ما يدخل ، هسة الجاب ود البشري دا هنا شنو ? ========================================================================= *** بجهز ليكم في نصائح للعزابة من الجنسين عصارة خبرة طويلة ( ما طويلة شديد عشان انا ما كبيرة شديد ) أو بالاصح هي عصرة غربة قامت عملت خبرة ، انتظروني يا شباب ****
| |
|
|
|
|
|
|
Re: نادى العزابة الاسفيرى ....... (Re: GamarBoBa)
|
يا قمر بوباوهبة..
البوست دا ما حقى ...كلنا زملاء مهنة...
انت غايبين كم يوم فاتو كدا وخليتونى براااى شغالة مصدات مع نظام ود البشرى التحريضى...
وانتو ولا على بالكم ...
ماتبقى عليكم حكاية المسبل بتبكى الريشة...
عليكم الله ماتخوفكم حركات ود البشرى وصلاح واسبة.. دى حركات متزوجين ساى..
انا مسكنى الشديد القوى يوم امس دا.
| |
|
|
|
|
|
|
Re: نادى العزابة الاسفيرى ....... (Re: heba Elmahi)
|
Quote: بجهز ليكم في نصائح للعزابة من الجنسين عصارة خبرة طويلة ( ما طويلة شديد عشان انا ما كبيرة شديد ) أو بالاصح هي عصرة غربة قامت عملت خبرة ، انتظروني يا شباب |
يااااخ البرد نفخنا ونحن منظرين يا هبة...
شغالة معانا بنظام غيب وتعال..
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
أميرة الشيخ
كيفنك ؟؟
ما زلت منتظر الباسورد لعضوية ناديكم ... فقد وعدتيني بالنظر في ذووي الحالات الخاصة !! وغايتو كان ما أديتوني لالعضوية بفتح فيكم نار عدييييييييييييييييييييل !!
وأول النار دي المثل الدارفوري الشهير ...
ونسة الدكير للدكير ....النوم أخير !!!
وراجيك يا بت الشيخ
| |
|
|
|
|
|
|
Re: نادى العزابة الاسفيرى ....... (Re: GamarBoBa)
|
القمر بوبا
Quote: هوي ود شيقوق... الرطاني طلعك عزابي وله شنو |
مالك عايز تشبكو فيني انا هسع جاى بهنا اغطى راسي منو - وعارفو ما عندو فراسة تجيبو يكتب هنا .
انتو عارفين البوست ده غير راجل متزوج فارس ما بعتب عليهو حد الا انا وود الملك لانو امات اولادنا ما بتاوقن لكتابة رجالهن في المنبر.
هيييييييييييع اها شنقت ودقيت كراعي الرجال يجي هنا .
تخريمة :
دحين يا القمر بوبا ما في عشم الواحد يلقى ليهو طبقة من عذبات هنا انشاء الله حقت شهيد ؟
| |
|
|
|
|
|
|
Re: نادى العزابة الاسفيرى ....... (Re: الطيب شيقوق)
|
Quote: غير راجل متزوج فارس ما بعتب عليهو حد الا انا وود الملك لانو امات اولادنا ما بتاوقن لكتابة رجالهن في المنبر. |
هييييييييع أها إيه رايك بقى أم حتوت بتاوق و تقرا و ما عاجبها الكلام لكن بغم ما بتقولها في "افرس" من كدا لاقاك
| |
|
|
|
|
|
|
Re: نادى العزابة الاسفيرى ....... (Re: محمد البشرى الخضر)
|
Quote: Quote: غير راجل متزوج فارس ما بعتب عليهو حد الا انا وود الملك لانو امات اولادنا ما بتاوقن لكتابة رجالهن في المنبر. |
Quote: هييييييييع أها إيه رايك بقى أم حتوت بتاوق و تقرا و ما عاجبها الكلام لكن بغم ما بتقولها في "افرس" من كدا لاقاك[/QUOT
البوست بدا يثمر ...
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
Quote: هييييييييع أها إيه رايك بقى أم حتوت بتاوق و تقرا و ما عاجبها الكلام لكن بغم ما بتقولها في "افرس" من كدا لاقاك |
ابقى عليها مليون دى خزنة يا ود البشرى لكن عشان ما تجرحها خليها تنوم ويلا اتلهم النت عواسة .
اميرة :
شغلك ده شغل طرد عدييييييييييييل البوست حقك انت وليك الحق تحددي ال Road map بدون استشارة احد فاهماني ولا نوريك عرض اكتافنا ؟
هييييييييييييع ات قايلاني ود بندر بتمشيهو سااااااااااااااااى
| |
|
|
|
|
|
|
Re: نادى العزابة الاسفيرى ....... (Re: الطيب شيقوق)
|
Quote: شغلك ده شغل طرد عدييييييييييييل البوست حقك انت وليك الحق تحددي ال Road map |
ود شيقوق...
وحاة ابوى انا انطردت قبالك...قال البوست حقك قال..
انطردت وكمان بالانجليزى ..
عليك الله ود شيقوق كدى ارجع مداخلتين تلاتة كدى لورا فى شان تشوف طردتى ...
| |
|
|
|
|
|
|
Re: نادى العزابة الاسفيرى ....... (Re: الطيب شيقوق)
|
Quote: عليكم الله ماتخوفكم حركات ود البشرى وصلاح واسبة.. دى حركات متزوجين ساى.. |
بخ بخ بخ
على رأي زكيا زكريا ( عبقرينو خلك بعيد )
يا أميرة والله إنتو ناس ما يطمر فيكم خير حسع أنا وأخوي الكاشف
ده هارشننا وهابشننا في الطالعة والنازلة ليييييه ?
ناس غلابة وجايين هنا volunteers في ناديكم عشان نفكليكم الكج
وتعرسوا/ن تجو تلبعونا جنس ده صحي خيرا تعمل شر تلقى !!!!
جاتكم نيييييله عزابة/يات جربانين/نات نات نات نات
صلاح واسبه
| |
|
|
|
|
|
|
Re: نادى العزابة الاسفيرى ....... (Re: Salah Waspa)
|
Quote: جاتكم نيييييله عزابة/يات جربانين/نات نات نات نات |
صلاح واسبة..
ازيك وينك مسجل غياب من النادى دا..
وبعدين انت محرشك ود القريش ولا حاجة... كنت مضامن كويس..
جربانيين ... بس بقت عليك حكاية الكديسة..
| |
|
|
|
|
|
|
Re: نادى العزابة الاسفيرى ....... (Re: Salah Waspa)
|
انا جييييت و معليش يا جماعة اعذروني لو غبت عنكم بس دا حال البلد دي جري شديد و ما بخلص ، فوق شنو انا ذاتي ما عارفة !! المهم انا دايرة اقول انه النادي دا ما حق زول ، صحي البوست حق ست البنات الاميرة بت الشيخ و نحييها علي الفكرة لكن النادي حقنا كلنا بحقوق عضوية متساوية و من غير مناصب المنصب الوحيد العاوزنو غفير لي باب النادي ، أها في زول عاوز يترشح للمنصب دا ? أما المتزوجين المرازين بينا ديل يا اميرة و عازوين يموتوا عشان يخشوا النادي ( ناس بتحدوا في نسوانهم و ناس بتحرش في النسوان بي هناك ) و غايتو حالة عجيبة !انا بقترح نديهم عضوية بي صلاحيات محدودة ، بمعني ممكن يدخلوا النادي و يتناقشوا معانا في كل المواضيع المفتوحة للنقاش بس ما يتدخلوا لينا في القرارات النهائية ، رأيكم شنو عزابة و متزوجين ?
| |
|
|
|
|
|
|
Re: نادى العزابة الاسفيرى ....... (Re: الطيب شيقوق)
|
Quote: لانك طماعة ما عايزة تشركي ناس حزبك معاك - |
ود شيقوق....
ازيك ...
خليك قاعد ويبدو انك عندك اجندة خفية
كان ما خايفة من قمر بوبا كنت جبت ليك عنقريب وخليتك تقعد فى ضل النادى
دا..وبرضو تقول لى طماعة ..
| |
|
|
|
|
|
|
Re: نادى العزابة الاسفيرى ....... (Re: heba Elmahi)
|
Quote: البوست ده فيهو ناس بتاعين شمارات وسدنة ناسات من اندنا . |
برضو بفتك....
اميرة البوست بتاعك العامل زي الكباية المليانة وشايلها شافع احول تعالي استلميه... انا عندي مشوار سوبا وبجي راجع....
هبة طيب انتي واصلي في نصايحك لكن فتيتي النسوان فت شديد برضو...كدة العزابة بتهرشوا....
| |
|
|
|
|
|
|
Re: نادى العزابة الاسفيرى ....... (Re: heba Elmahi)
|
Quote: عاوزة اسمع تعليقاتكم يا شباب عشان اعرف استمر في مدخل النصائح دا ولا ما بعرف ? تحيااااااتي للجميع عزاب و متزوجين |
هبة الماحى يا اختى
دى كلها هوب ليس كيسس يعنى ما عصرتى علينا شدييي..
لو فى انواع للرجال برضو جيبها..
انتى بتغيبى كدا مالك.؟؟؟
| |
|
|
|
|
|
|
Re: نادى العزابة الاسفيرى ....... (Re: عثمان دغيس)
|
Quote: ما زلت منتظر الباسورد لعضوية ناديكم ... فقد وعدتيني بالنظر في ذووي الحالات الخاصة !! وغايتو كان ما أديتوني لالعضوية بفتح فيكم نار عدييييييييييييييييييييل !!
|
عثمان دغيس..
احييك على ثباتك ودفاعك المستميت فى انك تكون من اهل الحظوة(العذابة)
وهذا ان دل انما يدل على وضعنا المرموق كعذابة فى هذا الفضاء الاسفيرى
خليك متابع التطورات وما تيأس...
شكرا لثقتك...
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
انتو قايلني مشيت إتحننت غايب منكم كم يوم واحد فيكم سأل مافي ..
غايتو المزازاة ولا عدم الجية .. عزابة جبانات ..
يا ودالبشرى انت دي الحفلة ولا الصبحية
Quote: الفنانة.. والحنانة.. والحردانة.. المدرسة.. والمدبرسة.. والمفلسة.. النوامة.. والحوامة.. واللوامة.. البوبارة.. والكوبارة.. والخبارة.. الممحوقة.. واللايوقة. |
والله يا هبة الماحي ديل كان إنطبقن في واحدة أخير عزوبيتنا دي ..
يا أميرة بت الشيخ دا كلو ما بحلك .. قال طرودوني قال
ولا نامت أعين العزابة
| |
|
|
|
|
|
|
Re: نادى العزابة الاسفيرى ....... (Re: معتصم دفع الله)
|
خليناها سوبا....
Quote: غايتو المزازاة ولا عدم الجية .. عزابة جبانات ..
|
معتصم انا قايلك في سوبا عشان كدة ما سألت منك...لكن وديني وايماني نحن عزابة ما بنتهرش كله كله...
ياه هبة دي برضواصناف البنات قريب لتقسيماتك الفوق دي لكن بوجهة نظر كمبيوترية حديثة شوية...نقلتها من ايميل جاني بدري كدة.
Quote: *~Types Of Girls~*~
Types Of Girls
HARD DISK GIRLS:
she remembers everything, FOREVER
RAM GIRLS: she forgets about you, the moment you turn her off
WINDOWS GIRLS: everyone knows that she can't do anything right, but no one can live without her.
SCREENSAVER GIRLS: She is not worth much but at least she's fun
INTERNET GIRLS: Difficult to access.
SERVER GIRLS: Always busy when you need her.
MULTIMEDIA GIRLS: She makes horrible things look beautiful
CD-ROM GIRLS: She is always faster and faster.
EMAIL GIRLS: Of every ten things said, eight are nonsense .
VIRUS GIRLS: Also known as "wife'' when you are not expecting her, she comes, installs herself and uses all your resources.
|
ويا جماعة في نوع حذفته خايف...الدايره يخت ايمله هنا....
| |
|
|
|
|
|
|
Re: نادى العزابة الاسفيرى ....... (Re: GamarBoBa)
|
Quote: ويا جماعة في نوع حذفته خايف...الدايره يخت ايمله هنا.... |
قمر بوبا..
ما قلتو عذااابة وين الشجاعة..
ولا خايف يفرمطوك ويطيرو ليك العزوبية دى من راسك,,
وبعدين انت وهبة ليه شغالين اصناف بنات بس???
شوفو لينا اصناف التانين...
| |
|
|
|
|
|
|
Re: نادى العزابة الاسفيرى ....... (Re: معتصم دفع الله)
|
Quote: انتو قايلني مشيت إتحننت غايب منكم كم يوم واحد فيكم سأل مافي ..
|
الحنة التقوم ليك فى راسك..
حالك دا ما حال زول بيقولو عليهو اتحنن.. والا البوست دا يكون مافى ليهو داعى..
قايلنك شنو.. دا نحن عارفنك شغال وزير مفتوق المحبة..
خلاص لملمتة حاجات الكرامة ورجعت...
البوست دا طالبك وبطل جقلبة..
| |
|
|
|
|
|
|
Re: نادى العزابة الاسفيرى ....... (Re: معتصم دفع الله)
|
قمر بوبا...
غايتو شايل حالى ومطلعنى مطالبة من البوست دا..
وردية الضهر كلها انا حارسة البوست دا ..انت بتجى متين النادى دا??
عشان نشتغل ون وتو ونشوف المقصر منو..
لو رجعت لوراء بتلقانى محولة ليك cases كتيرة بس انت ما شغال بيها الشغلة
| |
|
|
|
|
|
|
Re: نادى العزابة الاسفيرى ....... (Re: انعام عبد الحفيظ)
|
Quote: إخترتو مجلس الإدارة ولا لسه؟؟؟
قسمتوا الوزارات ولا أجلتوها شويه؟؟؟
ورونا ياخ وصلتو لشنو
عشان الواحد يقرر يستمر معاكم
ولا يفارق العزوبية دي |
انعام هو زى عينتكم دى بتجهجه لينا فكرتنا...
غايتو نحن لسة جادين فى موضوع عوزبة البورد دا..
عليك الله فارقى العزوبية اسى دى..
قال شنو قال عشان الواحد يقرر
| |
|
|
|
|
|
|
Re: نادى العزابة الاسفيرى ....... (Re: abubakr)
|
Quote: عن اذنكم يا ناس النادي بس شغلة بسيطة وطالع .. انتو ما عندك غفير لنادييكم دة؟؟ ... هسع العجوز المخرف دة الجنيات جنياتو بيلعبو دافوري في حوش بيتم في الدندر وكمان بيتم التاني في امبدة واااام عبدالله غلب حمارا وهي تفتش عليهو كيفن تخلوه يدخل نادييكم ؟؟؟
قال ما عندو قراسة !! الفرسة التفلق قريعتك "راسك في زمااااان سابق" .. قوم اطلع وخلي سواية الوليدات البتسويها دي ....
خليتكم بعافية وواع تخلو مثل الشواب دييل يدخلو النادي تاني .... |
يجازي محنك .
بقيت تصنع في جيوب استخباراتية .
القمر بطل البوستات كلها وصار يعمل بكل السبل لتغويض الابداع الفني والادبي والعاطفي كمان . يا اخونا نحن الان نكذب لنتجمل امام العزبات بغية الحصول على واحدة تتوفر فيها الشروط الاتية :
اولا : جمال نص نص لزوم التخفيف من غلواء الغيرة عليها ثانيا : تكون مشأية بشرط تفدّع سواعدها مع مشيتها السنّيد . ثالثا : خفيفة الروح بس معاى برااااااااااااى - رابعا : ان تكون لها خبرة في قومة الدغشية لزوم حليب الغنم لان الدرار الكتير بتاع اللبن !! بيكون دائما مع الصباحية . خامسا : الالتزام بالمحافظة على برتمانية زيت السمسم لزوم المسوحة من الغبشة .
نواصل انتو معاى ؟
| |
|
|
|
|
|
|
Re: نادى العزابة الاسفيرى ....... (Re: الطيب شيقوق)
|
Quote: رابعا : ان تكون لها خبرة في قومة الدغشية لزوم حليب الغنم لان الدرار الكتير بتاع اللبن !! بيكون دائما مع الصباحية . خامسا : الالتزام بالمحافظة على برتمانية زيت السمسم لزوم المسوحة من الغبشة .
نواصل انتو معاى ؟ |
اها زيد على كدا..
الورود للالمى.. فزعان الحطب.. علوق الحمار..
وحاجات تانيات كتار ...
بس الشرط الاساسى ما متوفر يا ودشيقوق..
| |
|
|
|
|
|
|
Re: نادى العزابة الاسفيرى ....... (Re: محمد البشرى الخضر)
|
Quote: وردية الضهر كلها انا حارسة البوست دا ..انت بتجى متين النادى دا??
عشان نشتغل ون وتو ونشوف المقصر منو..
لو رجعت لوراء بتلقانى محولة ليك cases كتيرة بس انت ما شغال بيها الشغلة |
8ونص كدة انا رخيت الجهاز امس المساء
ماتنسي ترسلي لفت نظر لكم زول كدة وتعيني معتصم دفع الله مستشار امن قومي..ودالبشري ثقافة واعلام وبالمرة ارفدي كم زول كدة.ليك زمن ما اشتغلتي حاجة
| |
|
|
|
|
|
|
Re: نادى العزابة الاسفيرى ....... (Re: GamarBoBa)
|
ازيكم ...
بت الشيخ كيفنك ... لكن والله اتلومتي.. يعني "المطلقين" والمطلقات" ديل فرقهم منكم شنو في حالتهم الراهنه دي؟؟ مفروض تدوهم نصف عضوية .. ارتدينا اي نعم .. لكن اثبنا الى رشدنا
وبعدين النادي دا ما دايرين تعينو ليهو مكتب للاستشارات .. اها المكتب دا احسن ناس يمسكوهو ليكم المطلقين .. لسبب .. لانهم ح ياكدوا لكل "العزازيب" و "العزازيبات" انو "العزوبية" اخير من العرس مية مرة ودي مشورة بتكون مدعمة بتجارب وقصص وفبركات والذى منو..وعليه انتو ح تستفيدو جدا بانو عضوية النادي ح تكون في حالة ارتفاع نتيجة *"للمشورة المهببه" بتاعت المكتب "الاستشاري".
اها قلتو شنو؟؟؟؟ نقول بسم الله ندخل باليمين ولا عندكم راي؟؟
*تعكس وجهة نظر الرجال المتزوجين فقط
| |
|
|
|
|
|
|
Re: نادى العزابة الاسفيرى ....... (Re: Randa Hatim)
|
Quote:
وبعدين النادي دا ما دايرين تعينو ليهو مكتب للاستشارات .. اها المكتب دا احسن ناس يمسكوهو ليكم المطلقين .. لسبب .. لانهم ح ياكدوا لكل "العزازيب" و "العزازيبات" انو "العزوبية" اخير من العرس مية مرة ودي مشورة بتكون مدعمة بتجارب وقصص وفبركات والذى منو..وعليه انتو ح تستفيدو جدا بانو عضوية النادي ح تكون في حالة ارتفاع نتيجة *"للمشورة المهببه"
|
الاستاذة / Randa
تحية وتقدير
سبق وتقدمت بطلب الانضمام للنادي بصفة استشارية باعتباري متزوج الآن بعد أن مررت بفترة العزوبية وأكملت كل فصولها بامتياز مما
يؤهلني لهذه الدرجة , وأحالت الاخت أميرة الشيخ أوراقي الى هبة وقمر بوبا للنظر فيها .
تقديمك لطلب عضوية استشارية يدعم موقفي كثيرا باعتبارك مستشارة لشريحة العزابيات وأكثر دراية بهذا الجانب , مما يجعل الحوجة
ماسة لمستشار للعزابة .
وأقترح أن يضم المكتب الاستشاري :
1 / المتزوجين / ت ( طالت عزوبيتهم ثم تزوجوا )
2/ مطلقين / ت ( عن قناعة وما ندمانين / ت )
3/ عزابة / ت رانكر ( قدام لمن تب )
| |
|
|
|
|
|
|
Re: نادى العزابة الاسفيرى ....... (Re: البشير دفع الله)
|
والله يا البشير دا كلام صاح ..
عارف في "شرائح" كدا لو قدرو استقطبوها ح تنفعهم شديد....
Quote: سبق وتقدمت بطلب الانضمام للنادي بصفة استشارية باعتباري متزوج الآن بعد أن مررت بفترة العزوبية وأكملت كل فصولها بامتياز مما يؤهلني لهذه الدرجة , وأحالت الاخت أميرة الشيخ أوراقي الى هبة وقمر بوبا للنظر فيها . |
اما الجزئية دي فكلا والف كلا انا لا اتفق معك فيها ابدا.. انت ناسي انو المطلق/ه اجتاز/ت مرحلة العزوبية واكمل/ت فصولها بنجاح كما وانه/ا امتلك/ت الشجاعه لاقتحام عالم المتزوجين/ات ثم عاد/ت الى قواعده/ا سالم/ه.. لا حولا الله الواحد نفسو قام .. الله يجازي الجندر.
اها يعني بالله يا اميرة وقمر بوبا انظرو في طلبات الفصيله "ط" قبل طلبات الفصيله "ز" الله يرضى عليكم ..
| |
|
|
|
|
|
|
Re: نادى العزابة الاسفيرى ....... (Re: Randa Hatim)
|
الاستاذة / رندا التحية والتقدير كتبتي :
Quote: انت ناسي انو المطلق/ه اجتاز/ت مرحلة العزوبية واكمل/ت فصولها بنجاح كما وانه/ا امتلك/ت الشجاعه لاقتحام عالم المتزوجين/ات ثم عاد/ت الى قواعده/ا سالم/ه..
|
ما عندي اعتراض على الكلام ده , وبالتأكيد كلها خبرات ويحتاجها هذا النادي وحيستفيد منها كتير , ومؤسسة الزواج لا تحتاج لشجاعة واقدام طالما الواحد كمل فصول العزوبية وبتبقى مرحلة مكملة او لا بد منها ( نظام بريستيج اجتماعي وكده ) .
Quote: اها يعني بالله يا اميرة وقمر بوبا انظرو في طلبات الفصيله "ط" قبل طلبات الفصيله "ز" الله يرضى عليكم .. |
يعني شنو التحيز ده ,
ما دام هم جلسوا للنظر في طلباتنا المانع شنو ينظروا فيها الاتنين مع بعض ( ط + ز ) وكلهم مكملين لبعض , وكلها خبرات .
| |
|
|
|
|
|
|
Re: نادى العزابة الاسفيرى ....... (Re: البشير دفع الله)
|
Quote: وأقترح أن يضم المكتب الاستشاري :
1 / المتزوجين / ت ( طالت عزوبيتهم ثم تزوجوا )
2/ مطلقين / ت ( عن قناعة وما ندمانين / ت )
3/ عزابة / ت رانكر ( قدام لمن تب )
|
البشير دفع الله
تعال اجتماع يوم الخميس ..
خليها تكون اجندة اجتماع ..
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
رندا والبشير دفع الله ..
تعظيم سلام....
شغالين ون تو عجيب ..
لمن كيفنى...
مستمتعة بالعزف بتاعكم دا...
رندا اخدت المكتب الاستشارى بمؤامرة مع قمر بوبا.
البشير دفع الله..
اسمع ادخل النادى وشيل ليك اى مكتب يعجبك وتعال مارق
لحدى يوم الخميس فى الاجتماع مع مولانا الطيب شيقوق نشوف القصة دى..
| |
|
|
|
|
|
|
Re: نادى العزابة الاسفيرى ....... (Re: GamarBoBa)
|
Quote: ماتنسي ترسلي لفت نظر لكم زول كدة وتعيني معتصم دفع الله مستشار امن قومي..ودالبشري ثقافة واعلام وبالمرة ارفدي كم زول كدة.ليك زمن ما اشتغلتي حاجة |
الزولة دي ياها دي فرمالته قمر بوبا .. أنا حارسه البوست دا وماسكه وردية .. التقول المعز محجوب
بعدين مستشار متشار غرامة غرامة ..
| |
|
|
|
|
|
|
Re: نادى العزابة الاسفيرى ....... (Re: الطيب شيقوق)
|
الطيب اخوي ...
انا مما كتبت مداخلتي وقلبي دا في يدي، قلت هسي انا الدخلني حوش العزابه والعزابيات دا شنو؟؟ اميرة مما فتحت البوست الله وكيلك اتلمو كلهم التقول دقوا ليهم جرس، وان شفت المداخلات يعلم الله من شدة ما فايرين ومعورشين نفسهم قايم "بس الكديس العفصو في ضنبو" ... قلت انا كان ماااالي ومال الشلاقه دي.
Quote: لو عندهم راي حنعتصم ونحاصر البوست طواااااااااااالي |
وبعدين الكلام دا ما برموهو تخ ترخ كدا، انت ناسي اننا في "عقر دارهم" وانهم في حالة انتفاضه.
***ملحوظة: كل الكلام الفوق دا مكتوب بالحبر السري .. وكدا
| |
|
|
|
|
|
|
Re: نادى العزابة الاسفيرى ....... (Re: Randa Hatim)
|
Quote: انا مما كتبت مداخلتي وقلبي دا في يدي، قلت هسي انا الدخلني حوش العزابه والعزابيات دا شنو؟؟ اميرة مما فتحت البوست الله وكيلك اتلمو كلهم التقول دقوا ليهم جرس، |
الاستاذة / Randa Hatim
تحية وتقدير
ايدك في قلبك ليه ؟
تعرفي البوست ده من أجمل وأرقى و ( أنضف ) البوستات في المنبر ده , يعني ما بتلقى
كلمة تفلقك زي الصاقعة من شاكلة ( عنصري ) ( جلابي ) ( مهمش ) , وقائمة الشتائم والسب
يعني الواحد بكتب براحتو خالص , مع انو الناس المتداخلين كتيرين , والآراء متباينة
وبرضو كلامهم سمح . . . . والله العزازيب / ت ديل ناس راقيين
| |
|
|
|
|
|
|
Re: نادى العزابة الاسفيرى ....... (Re: البشير دفع الله)
|
لا لا لا كلامي ما وقع ليك يا البشير ....
الناس الهنا ديل العزوبية طايرة ليهم في راسهم وسمهم فاير ... يعني الواحد تقول ليهو ازيك يقول ليك بتكتح مالك
بالله ما تنسى تصوت لي اختك ... ـــــــــــــــــــــــــــــــــــــــــ Say it laud ... Say it straight Randa for the Consultancy Office in 2008
| |
|
|
|
|
|
|
Re: نادى العزابة الاسفيرى ....... (Re: sama7)
|
اميره هووووي وباقي الشباب... ما تضيعوا وقتكم... الفالانتاين فضل ليه اسبوع بس.. كل واحد فيكم يكتب لنفسه كرت سمح.. ويشتري علبه شوكولاته..ومعاها ورده سمحه.. ويرسلهم لنفسه علشان يصلوه في نفس اليوم.. ويقعد يوم 14 يسمع أغنيه حلوه ويحتفل بالعيد.. وأصله مافي مستحيل في الدنيا دي.. بلا متزوجين بلا عزابه..الأصل القلوب
| |
|
|
|
|
|
|
Re: نادى العزابة الاسفيرى ....... (Re: الطيب شيقوق)
|
ٌِRANDA
Quote: انا مما كتبت مداخلتي وقلبي دا في يدي، قلت هسي انا الدخلني حوش العزابه والعزابيات دا شنو؟؟ اميرة مما فتحت البوست الله وكيلك اتلمو كلهم التقول دقوا ليهم جرس، وان شفت المداخلات يعلم الله من شدة ما فايرين ومعورشين نفسهم قايم "بس الكديس العفصو في ضنبو" ... قلت انا كان ماااالي ومال الشلاقه دي. |
لالالالالالالالالا عيب يا رندو انت اصلك مع الطيور الما بتعرف ليها خرطة ولا في ايدها جواز سفر .
Quote: وبعدين الكلام دا ما برموهو تخ ترخ كدا، انت ناسي اننا في "عقر دارهم" وانهم في حالة انتفاضه. |
تحسبهم جميعا وقلوبهم مولعة نار عشان كده نديهم تاخ تاخ ليتفرقوا ايدى سبأ
Quote: ***ملحوظة: كل الكلام الفوق دا مكتوب بالحبر السري .. وكدا |
برضو نغوص جواهو باشعة الليذر
لقيتي اخوك كيف؟
| |
|
|
|
|
|
|
| |