|
|
 Re: سكة حديد (Re: sama7)
|
عمرووووووووو
Quote: البوست ماشى فى مسار رائع بس يا بشير
40 سنة لوراء دا حلم صعب خلاص.. كدى حاول أحلم بالعكس
يا عمرو نزلهم واحدة واحدة ما مشكلة بس جيب لينا أول بتاعة السيول دى... حكاية والله |
البنية دى جاتكم ناطة بهنا . بس ابقوا عليها عشرة وركبوها قمرة ( القمرة يا سموحي لانك صغيرة وما حاضرة القمرة والتابلت والسيمافور ) القمرة هى ارقى انواع عربات السكة حديد المخصصة للركاب .
صححنى يا عمرو اكان فكيت الدرب
| |
 
|
|
|
|
|
|
|
|
Re: سكة حديد (Re: عمرو كمال ابراهيم)
|
إختفت الصورة التى تفضل بها عبد المحمود متشاغبا.. ما هى ؟؟
وسماها ابو بكر مطية عمال الدريسة
ويبقى السؤال.. عارفين قصتها مع ابو داؤد؟
| |
|
|
|
|
|
|
|
|
|
Re: سكة حديد (Re: sama7)
|
اوووو بححح
واحدة واحدة
زوغتى وين...
شنو كل مرة تخشى تعلقى بس وتطلعى
احنا البيجى هنا بيكتب معانا
شايفة اعمامك فوق ماشاءالله
راجينك
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
حضور وتأمل في اتبرا..والأتبراوي..والسكة حديد..وقطار الشوق ..وتيمان عطبرة..وذكريات سمحة وعزيزة ..و
كيف دامر المجذوب علي حسك..حليها وحليل الضريح و"والأنسية" وموس العذب وحسين ود حمد..
و.. الزارعنا غير الله خلي اليقلعنا ..دا شعار الأتبراويين زمن نميري وفي كل ألأزمان
| |
|
|
|
|
|
|
|
|
|
Re: سكة حديد (Re: انا بنت النيل)
|
Quote: حضور وتأمل في اتبرا..والأتبراوي..والسكة حديد..وقطار الشوق ..وتيمان عطبرة..وذكريات سمحة وعزيزة ..و
كيف دامر المجذوب علي حسك..حليها وحليل الضريح و"والأنسية" وموس العذب وحسين ود حمد..
و.. الزارعنا غير الله خلي اليقلعنا ..دا شعار الأتبراويين زمن نميري وفي كل ألأزمان |
يا بت النيل
حبابك
حسه كان قلتى بسم الله.. واذكرتى حته حته من كلامك السمح ده
ما كفاية؟؟
انا ما من أتبرا
ولا سكنت بيوت السكة حديد
لكن بحبها
لانها بنت البلد دى
ولمن زرتها كبير وعيت اكتر عليها
وهزتنى حالتها
دايرين نتذكرها دايما
ومع بعض
سكة حديد
!!!!!!!!
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
ابو داؤد
... بربر وعطبرة
لولا السكة حديد لما كان ابو داؤد
يحكى انه كان يعمل ضمن ألآف من عمال السكة حديد
واظن انه فى بربر
وكان يهوى الطرب والغناء
سمع بحفل فى عطبرة لحد فنانى حقيبة الفن، ولعله سرور او كرمة
امتطى تلك المطية ( كما سماها ابو بكر) وطار صوب عطبرة
وحضر حفله المرتجى
فانتشى وامتلئ طربا
ومنها انطلقت انفاس الفنان لتملا المكان،، وعموم السودان
وعاد يقود تلك المطية ( والتسمية لابوبكر) عائدا نحو الورش
فكان الرفت عند استقباله
وهجر الورش ولكنه إحتضن الفن
فلولا المطية لما سلك درب الطرب
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
عمرو كمال يا حبيب وينك غاتس
يا أخى فضحتنا بالمطية أصلو أنا حاولت أزوغ من حكاية إنو نسيت الإسم وإفتكرت الزوغة عدّت على خير ، تعرف الليلة من قريت كلامك دا مسكت الصلاة على النبى حتى تذكرت الإسم ( الترولى ).... الرجاء القيام باللازم نحو الإستبدال المطلوب.
بالمناسبة علاقتى بالسكة الحديد إنو الحى بتاعنا مجاور للسكة الحديد، وقضينا أغلب الأوقات فى صهريج الماء وهو يقع أول محطة السكة الحديد فى الحصاحيصا....حيث كان يتم تعبئة عربات الصهاريج بالماء لكل القطارات المغادرة سواء شرقاً أم غرباً.
المرة الجاية نحكى ليك قصة التابلت.
| |
|
|
|
|
|
|
|
|
|
Re: سكة حديد (Re: أبوبكر أبوالقاسم)
|
الترولى
تنويه:-
للكافة، قراء ومتداخلين
المطية هى الترولى
وهذا ما لزم توضيحه
( نمام كده يا ابوبكر؟؟)
بالمناسبة،، ذكرتنى قصة عادل امام فى شاهد ما شافش حاقة...
اتذنق فى الاستجواب وداير يزوغ.. قالوا ليه اتاكد انو ده ياهو المجرم قال ما أأدرش احكم بدون ما البس النضارة..
طيب وفين هى النضارة؟؟
نسيتها فى الترولى،، أروح أقيب الترولى وآجى!!
اذاً.. لولا الترولى لربما ما استطعنا معرفة ابو داؤد!!
سكة حديد
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
عمرو يا صديقى..
سلامات..
نتابعى فيض الزكريات..
فقد عشنا فى مجتمعات تحاكى مجتمعات السكة حديد..
عشنا فى مشروع الجزيرة وجبنا تفاتيشه شرقا وغرباً..
تتشابه الحكاوى والمآسى بجامع الإنهيار فى كل..
أفكر فى فتح بوست عن مشروع الجزيرة
وما أدراك ما مشروع الجزيرة وتفاتيش مشروع الجزيرة
وسرايات (وتنطق صرايات)مشروع الجزيرة..
والبوستة..
والصرف ..وما أدراك ما يوم الصرف...
والخزنة..
كل ذلك إن كان فى العمر متسع
وإن راق المزاج المزاج لذلكً..
ــــــــــــــــــــــــ
لكل من مر/ت من هنا محبتى
| |
|
|
|
|
|
|
|
|
|
Re: سكة حديد (Re: azhary awad elkareem)
|
| Quote: تتشابه الحكاوى والمآسى بجامع الإنهيار فى كل.. |
لذا .. كان هذا البوست،،
| Quote: والصرف ..وما أدراك ما يوم الصرف... |
يوم تنشرح النفوس
وتنفرد الوجوه
وتتسع الصدور
تعال.. ففى العمر بقية ولو ساعة
سكة حديد
!!!!!!!!
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
حقيقة..
لم اكن اتوقع ان يكون البوست بقدر هذه الحفاوة والمشاركة رغم اهمية الموضع
واستطعت الإستمرارية بمداخلة الأعضاء الكرام
وتعليقات القراء.. أصدقائى داخل وخارج الوطن
واعرف قدر الكثيرون منهم.. ومدى دقتهم
ومعرفتهم بالموضوع
وكم تلقيت هاتف منهم
او تعليق خلال الونسة
ولولا اراء القراء والتى لمست منها الصدق لما قدمت على هذه المداخلة الأخيرة
والتى ما قصدت منها التعظيم.. بل شكر كل من شارك ... ولو بالقراءة
وليتنى اكون قد قدمت بعض الخواطر التى تعيد الى الذهن
ايام السكة حديد
/عمرو/
17مارس2008م.
سكة حديد
!!!!!!!!
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
يا عمرو مالك علينا
وجعت قلبنا
قلنا الدنيا لهتنا
رجعت الذكريات الألهبتنا
السكة حديد- الخلوة
والطاحونة
وزريبة الفحم
ونادي البوليس وكاس العالم
ونادي العمال والبينق بونق
ونادينا الجنب ورشة العربات
والمركز الصحي الورا بيتنا
وجنينتنا وشجرة البسكيت
والقطاطي
والمرطبات وصف العيش والونسة وال
والليمونادة والبسكويت بالجنزبيل
وكافتريا السكة حديد وسهرات وحفلات راس السنة
وصعلوق المحطة وازعاجو
ومشترك حلفا وكريمة والابيض وقطر عطبرة والعمال
وكشك عمك سعيدوجريدة الصحافة والايام ومجلة عمك تنقو
ريحة الزيت والديزل الأحلى من عطور باريس كلها
وناس توفيق وعلي طابونة وناس درملي وحريقة والدحيش واولاد مختار
اقول شنو واخلي شنو
| |
|
|
|
|
|
|
| |
الطيب شيقوق
عمرو كمال ابراهيم
أبوبكر أبوالقاسم
منزول محمد توفيق
فيس بوك
تويتر
انستقرام
يوتيوب
بنتيريست