|
|
|
 Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: بدر الدين الأمير)
|
كيكي
الوصاة بالمهلة
المدام من ما سمعت بي سفرك دا ناقة فيني وقالت لي أكلمك عشان تجيب لينا دستتين ملايات (يعني 24 ملاية) معاك من الملايات الأمريكية المتحدة.
بالله ما تنسى.
وعليك الله جيب لملاسي معاك نضارة لحام تكون آخر ما انتجته تكنلوجيا العم سام.
وقول لي بكري يرجع الماسنجر.
وقول لجنيفر شماشي قال ليك والله ما باقدر أجي في البرد دا. خليها تدفأ شوية كدي.
وعليك الله كان ما مشيت إنت وكوستاوي ودينق وعضيتو لي بريمة في عنقرتو الماكنة ديك.
| |
 
|
|
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: shammashi)
|
Quote: المدام من ما سمعت بي سفرك دا ناقة فيني وقالت لي أكلمك عشان تجيب لينا دستتين ملايات (يعني 24 ملاية) معاك من الملايات الأمريكية المتحدة.
بالله ما تنسى.
وعليك الله جيب لملاسي معاك نضارة لحام تكون آخر ما انتجته تكنلوجيا العم سام.
وقول لي بكري يرجع الماسنجر.
وقول لجنيفر شماشي قال ليك والله ما باقدر أجي في البرد دا. خليها تدفأ شوية كدي.
وعليك الله كان ما مشيت إنت وكوستاوي ودينق وعضيتو لي بريمة في عنقرتو الماكنة ديك |
هلا يا شماسي
ووصاياك كل علي العين والراس..
بس وصية ملاسي دي اعزرني عليك الله
نظارة لحام ..؟؟؟
زي ما قالت النعمة بت مرفعين
لحمية يا يمة التقوم ليهو محل بوجعوا ملاسي ده
| |
|
|
|
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: غباشي)
|
Quote: بالله الـ Yankees ديل وريهم حاجة
وصيتي ليك .. شيل معاك سندوتشات و باقة موية لزوم 4 ساعات التفتيش المدفوع القيمة
و نسأل الله أن يثبتك عند السؤال |
هلا بصديقي غباشي وحبابك
وعشان التفتيش ده يا غباشي
اخوك اليومين دي قاعد يعمل (قبقبة) تست (زي التو بيغ تست بتاعة اللفل ديك)
واليانكس ديل غير الواحد يعمل ليهم (دراما في شكل وهمة ما في معاهم حل ابدا)
| |
|
|
|
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: Amira Elsheikh)
|
يا خوانا
شنو الحاصل؟؟
شايفاكم وزعتو الادوار ومرقتو ناس ماسيتشوستس بى قد الساكسفون ...يعنى عشان اسمنا طويل وجليدنا مكدب فى ريسين البيوت ؟؟
شنو يا دينق، الزول ده لو دخل بيت ناس الخردة نحن تانى الا اللوترى الجايى ...
كده يا كيكى انت قرر بى نفسك وما تخلى زول يقرر ليك وخلى شخصيتك قوية ....
واهلا وألف مرحب بمقدمك كان الشهر (الجارى) ولا الشهر الواقف (هو حسة فى شهر ما جارى ؟؟) ...
يللا أصلنا بالسلامة ...ومقامك فى رمش العيون ...
| |
|
|
|
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: Amira Elsheikh)
|
بت الشيخ
خشمك في اللبن(وحاجات تانيه)
تعرفي الدوحه ح ترتاح تماما من ضجيجه وشكرا للرب الذي سيمنحنا الهدؤ في غيابه
ولك الحمد يا رب وانك على شئ قدير(من الكمبو لي ناس جدو سام)
وياااااااااااااااا امريكا لمي جدادك وربنا يعنيك في شهرك -ال ح يكون فيه ضيف عندك- والله بردك ده الا تشوفي تاني حلم حلم..
كيكي الاميريكي (هتاف يصلح لاعوام قادمات)
ما تنسانا ياكيكي من صالح الهمبرغر واشياء اخرى (لايجوز ذكرها)
صلاح الامين التسوي كريت في الغنم تلقاهو في جلدا..
| |
|
|
|
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: فيصل عباس)
|
خلاص نويت يا أخو
الله يعدل خطوتك ، سافر وتعال متخارج سريع
البلد ديك الشغل فيها تمنتاشر ساعة (يا كافي البلاء)
بس أقبض في جوازهم ده وشتت سريع ، تعال للراحات والبلد أم سبعة ساعات دي
(ريالاتك بلمها ليك لحدي ما ترجع)
صاحبك (اليورو) الأيامات دي مطقطق ليك أبو الجورج (الدولار) ومغطس حجرو
عشان كده بطل حركاتك دي وأوعك تمشي تعمل فيها تاجر عمله هناك كمان
والله هناك لعب مافي ، بيستلموك ناس (السي آي أيه) ويرسلوك (هناك) طوالي
أسألني أنا من حركاتهم دي 
ونتحرج نحن بي هنا ونقوم نفتح بوست (إغاثة)
كيكي والله ح توحشنا ، العزاء انك ح تتخارج سريع .. مش؟؟
الفين وسبعة كانت سنة (كبيسة) بالنسبة لي (سنة البيات الشتوي القسري) جليد طول العام
وكنت محضّر برنامج للربع الثاني من الفين وتمنية (أرشفة بكري وكده)
وبي كده ح نضطر نأجل البرنامج الى حين عودة (رئيس الخيانة)
غايتو الا النائب (فيصل عباس) يوافق على القيام بدورك
الوصية في الذمة ، ما تنسى تفتح (فرع بورداب الدوحة بالولايات الكم وخمسين الأمريكية).
وأي راغب بالاشتراك من بورداب أمريكا (يتكفل) باحضار واحد من بورداب الدوحة (اقامة دائمة)
والله يا بورداب أمريكا يلحق كيكي ده يجيب معتز القريش عندكم ، الا تقوموا جارين
شكراً يا أميرة على الأخبار الزينة ، وشينة
ويا ناس الدوحة (مع كامل التقدير) الزول ده كان عجبو الحال هناك (وغنج) من الجية فـ(واطاتكم أصبحت)..
| |
|
|
|
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: Salah Abdulla)
|
| Quote: غايتو الا النائب (فيصل عباس) يوافق على القيام بدورك |
صلاح عبد الله
انت زعلان مني ولا حاجه
بالله مش حرام عليك تختني نائب لي زولا نكره
ويا دوبك ماشئ يتعرف بالامريكان وكده ...
انت ما عارف انو كيكي ده كان لمن يجي يعرف عن نفسه بيقول انا اخو صلاح اللمين الموديني
امريكا واحمد اخوي في السعوديه وصاحب ناس فيصل عباس وابوندرك...
لكن مافي مشكله يا حريف(بلقاك في شارع فاضي في غياب البودي قارد بتاعك)
ما انت زاتك وواحد
وزايد عليهو بنكرتين ..
بت الشيخ لمي بوستينك ده عليك ولا الزول سفرو ده الا يقراهو في روايات الطيب صالح.
سفر البن الدق ودق ..
يسقط يسقط كيكي الامريكي
والي حين اشعار آخر.
| |
|
|
|
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: Salah Abdulla)
|
هلا ابوصلاح
وايووه خلاص يا فردة عملنا النيات الصالحات
واخوك خاشي ليهو في كبوت اصلي وعامل تيك اووف باذن الله صوب بلاد اليانكي
مركب وش كبك وجاهز موية ونور لا عنبكة وعملنا تدريبات ايضا وصلحنا الابتسامة (لزوم المواكبة)..
برضو عملنا بروفة في شوارع ابوهامور (لاقيت لي زي كم كلب كده وكم كديس) وما طردتهم لاحاجة..
كلوا يهون يا ابو صلاح من اجل بلاد العم سام جون سام 7
ابقي عشرة علي العقاب والخاين فيصل عباس ده بالله (خليهو يخلص لي ديوني) بس ما يضربني كروبات...
ولو اخوك اتاخر اكثر من اللازم فتشو غونتامو طوالييييييي وكلموا ناس الجزيرة
| |
|
|
|
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: hammama)
|
الصاوي العزيز..
سلامات ومحبة..
حاولت من امبارح أرد عليك في مكان كتاباتك إلا إنه الصفحة أبت تتفتح الظاهر في غنية..
كييف ما بتذكرك. إنت أخو حامد الصاوي.. وكل مرة عايزة أعرف إنت ولا هو حامد..
وبتذكر يوم فطرتا عندكم في بيت أهلكم في أب روف يوم جمعة 2001. ومشينا بعدها لبيت خالة ليكم في الركابية.
وكانت جمعة ما بتتنسي.
تحياتي ليك ولكل آل الصاوي العرفتا يومها أنهم دمنا ولحمنا (عمراب الموردة).
عبدالكريم وأميرة سلاااام
| |
|
|
|
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: عزيز عيسى)
|
كيكى شخصيا ؟؟؟
يا مليون مراحب ...
بالباشمهندس عبدالكريم الأمين ...
و مشكورة الزميلة أميرة الشيخ على
هذا البوست فالزول وصل أهلو و بيتو ...
و مرحب بيو فى أى لحظة ....
معليش ما كنا متابعين من الأول ...
و اتلخمنا فى نهاية الإسبوع بقصة ( ود الصادق المهدى !) ...
و نتمنى يا كيكى أن تشرفنا هنا فى منطقة ميامى جنوب فلوريدالدافئة
و زى ما قال ليك دينق و هو مقيم فى نفس المنطقه بس أنا شويه
جيهة الصعيد منو زى نص المسافة تقريبا بين (ود هاشم و الديم ) ...
و كمان كان لقيت طريقة تشحن معاك أخونا د. يوسف حامد ( CARGO )
أو ( صحبة راكب ! ) ... بلغو تحياتنا ...
كسرة :
| Quote: ..لتهنئة اوباما... |
عشان كدى ! شايل ساكسفون ( كلنتون ) ؟؟؟؟
بس أخوك جمهورى ... ماعندو شغله لا ب ( أوباما ) أو ( هيلارى )...
انشاء الله الإتنين ( اضربو الدلجة ! )
عبدالماجد
| |
|
|
|
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: ABDELMAGID ABDELMAGID)
|
Quote: و زى ما قال ليك دينق و هو مقيم فى نفس المنطقه بس أنا شويه
جيهة الصعيد منو زى نص المسافة تقريبا بين (ود هاشم و الديم ) ...
و كمان كان لقيت طريقة تشحن معاك أخونا د. يوسف حامد ( CARGO )
أو ( صحبة راكب ! ) ... بلغو تحياتنا ...
كسرة : |
هلا يا دكتور
وبالجد يا ماجد حسيت بالحنين والدف في مداخلتك الشحمانة دي وطوالي سافرت عبر الخيال الي فيافينا ديك يا عبدالماجد (والدنيا فرندقس) تودي الناس بلاد بعيدة وتحملنا الخطاوي والمنافي الي بلدا طيرها عجمي وناسها لايسفون التمباك ولا يشربون المرايس ام عيش
صحبك دكتور يوسف بالف خير وضارب الروقة برفقة اسرته الوديعة في احدي مناطق الامنة تسمي (الخور)
وياريت لو بقدر كنت اجيبوا ليك بهناك في صعيد ميامي ده...
وبعدين يا دكتور انت يااخي في اي حتة (مريخابي) حسع عليك دينك سوات عمنا بوش ده ما ياها شغلة المريخاب ذاااتهم
والف شكر يا عبدالماجد ودمت اخا عزيز وود بلد ومنطقة
| |
|
|
|
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: عزيز عيسى)
|
Quote: أنحنا في تكساس بلد الكاوبويات..
يعني شايلين طبنجاتنا في كتفنا |
هلا يا عزيز وكل الشكر علي الترحيب
وتكساس دي ياها البلد الدايراها (سرورة) ذااتها
فترنا وزهجنا يا عزيز من كاسوري البلنجات وشغل الهوكات وحركات ناس جمال حامد ديك
كا فترنا ايضا من الكاسوري الاسفيري
وكدي شوفوا لينا (مسدس نابه كده) وشكلة مطرفة مع خواجات رعاديد نطقطها ليكم لمن يامنوااا ذاتتو
وكل الود وحتما سنلتقي يا عزيز
| |
|
|
|
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: haroon diyab)
|
هارون دياب
اغنيتك دي وجات عليها الكلمة الصغيرة التي كتبها دكتور عبدالماجد
وختاها بحنية ودف الكلام ده ولكنها فعلت بي الافاعيل وجننتي جن السنين وخلتني افكر بعمق وممكن اقول ليك العبرة سدت حلقي
فنحن يا يا هارون يا صديقي شعوب كتبت عليها الشقاء الجماعي
والناس في بلادنا يقطنون في قطاطي نعم انها جميلة وبسيطة ولكنها لايقيهم من غضبات الطبيعة والنيل
ويشربون مياه يصبيها العكر والفقر والقمل يمشي بين خصلات الشعر الهوينا
والانظمة والسلطان الفاسد هو الوحيد الذي يستاثر بالوجبة الدسمة الجاه والامان...
وفي نفس العصر ونفس العالم مكان اخر صار اكثر واعظم دهشة لانه امتلك اصول احترام الانسانية وفعل
دور الدول الحقيقي في ترقية المواطن واحترام حقوقه وتطويره واعطاه صكوك العدل...
ياااخ اقول ليك حاجة يا هارون يا صديقي
انا ما ماشي يازول لا حاجة خلينا في طين الطين بتاعنا ده (هههه)
| |
|
|
|
|
|
|
| |
نجوان
عبدالكريم الامين احمد
معتز القريش
ريهان الريح الشاذلي
غباشي
بدر الدين الأمير
Tumadir
محمد الطيب حسن
فيصل عباس
الصادق اسماعيل
khaleel
Haytham Abdulaziz
Kostawi
-1.jpg)
معاوية الطيب
محمد البشرى الخضر
hammama
Raja
عزيز عيسى
haroon diyab
أبو ساندرا
فيس بوك
تويتر
انستقرام
يوتيوب
بنتيريست