|
Re: عودة الميرغنى غدا الى السودان .... هل العباءة تسع ????? (Re: abdelmonim bakhit)
|
Quote: وما تقولون عن من سيخرج غدا لاستقبال رمز هذا الدمار الذى حدث فى السودان ومن دافع ثمنه ولكم تحياتي ..... |
الاخ عبد المنعم ود الري تحية طيبة 1- كل زول حر في اتخاذ قرارته الشخصية متى يبقى خارج السودان ومتى يعود..وكل الكائنات الحية لها موقف من الحياة نفسها ..هناك سودانيين اختارو الموت على العودة امير عجيب تحت ايدي الجنود الالمان والسودانيين في ميدان مصطفى محمود وقصص كتيرة غايبة عنك....وكل زول عاجبو الصاري 2- ثانيا انت في حاجة لفرمتة للوعي بتاعك...ما عرفناك قاصد الحزب الاتحادي الديموقراطي ام قاصد السيد محمد عثمان الميرغني شخصيا.... وفى كل الحالين لم تنصف اقرا الكتب التحت دي كويس وهي بتغطي ليك بكل دقة العلة الفاعلة في تعاسة الشعب السوداني من 1956-2005 , 1- الديموقراطية في الميزان للمحجوب 2- سقوط االاقنعة لفتحي الضو 3-الجنوب في مخيلة النخبة العربية لمنصور خالد وهؤلاء كتاب اكاديميين حقيقيين وكمان اتذكر انو السيد محمد عثمان الميرغني هو رئيس التجمع الذى يحوي كل الفصائل السودانية بتاعة اعلان اسمرا الا من ابي..واعلان ومؤتمر اسمرا ومقرراته هو نفس اتفاقية نيفاشا...وهذا الرجل لا زال قابض على القضايا السودانية الحقيقية بكل صدق ولازال عند موقفه الثابت من قضايا التحول الديموقراطي في السودان وبعدين اذا كانت لك اي ادانة موثقة لانو السيد محمد عثمان الميرغني تسبب في وفاة وبائية لعدد كبير من السودانيين في اركان السودان الاربعة جيبا لينا..لان هناك من هم اسوا بكثير في الساحة السياسية السودانية ومارسو الصعود على جثث الناس حتى هذه اللحظة ومتذبذبين وكل يوم هم في شان.. وينقصهم الوازع والحياء ايضا.... ........... اما عن الاستقبال...انت لست وصي على الشعب السوداني..واخلاق هذا الرجل هي راسماله في زمن عزت فيه الاخلاق وكثر اللغط الفارغ وغير المفيد واتذكر لازالت الحركة في التجمع ولم تستقيل منه ولازال التجمع يدعم الحركة والتجمع هو مكان القوى الحقيقية التي ستخدم مستقبل السودان ان فقهو.... وبينا بينكم الزمن والانتخابات والخيل الحرة تظهر في اللفة
|
|
|
|
|
|
|
|
|