|
Re: صياح .. وعويل .. وصراخ .. داخل قنصلية جدة !!! (Re: تاج السر محمد حامد)
|
الاخوان : تاج السر محمد حامد
محمد على حسن تحيه طيبه وكل سنه وانتو طيبين ,,,
حقيقة والله حال مبنى قنصلية السودان فى جدة صار غير مشرف على الاطلاق كمبنى يحمل
اسم وعلم السودان فى وقت صارت فيه مكاتب محلية ام كداده أو ام بريبيطه فى اقاصى السودان
يزينها السراميك والبورسلين والجرانيت من مداخلها وحتى اصغر مكاتبها .
ناهيك عن الخرطوم التى اصبحت الوزارات والهيئات تتنافس وتتسابق لمكاتب المهندسين والمصممين
وشركات الاثاث لتجهيزها وكأننا فى دوله عظمى وفرت كل شى لشعبها .
قنصلية جده اوسفارة السودان سابقا والتى افتتحها الزعيم اسماعيل الازهرى عقب الاستقلال مباشرة
اظنها من اقدم السفارات فى المملكه , ومن اعرق المبانى فى مدينة جده ,
لكن يظهر ان المبنى ليس له وجيع فالدبلوماسيين مدة اقامتهم فى اى بلد لاتزيد عن اربعة سنوات
هى غير كافيه لقضاء اعمالهم . خاصة فى قنصلية كبيرة مثل قنصلية جده , فعليه اتمنى لو تتبنى
الجاليه السودانيه فى منطقة مكه المكرمه مشروع مبنى جديد يليق بتاريخ ومكانة الجاليه فى
المملكه العربيه السعوديه . خاصة وقد علمت ان ايرادات قنصلية جده تفوق ايرادات ادارة المرور
الخرافيه فى السودان , وفى رواية اخرى ( ايرادات البترول ) ,
واذا عجزتم عن تحقيق ذلك بالطرق السلميه فما عليكم الا حمل السلاح والدخول لاقرب غابه فى الهنداويه اوباب شريف والمطالبه بقسمة الثروه وعدم التهميش .
اسأل الله ان يحسن الحال ولايغير الله مابقوم حتى يغيروا مابأأنفسهم , ولكم تحياتى ,,
اخوكم : كمال سالم
نا
|
|
|
|
|
|