|
|
 Re: لاح لي من صعيد برقاً كتم تعّالو (Re: الطيب شيقوق)
|
عفوا إذا غبت عنكم
ففى حضرة الشمس تستحي الأنجم
فنحن الظلام ونورنا(برقنا)أنتم
الأعزاء:ـ
على أحمد النعيم
شيقوق
أبوبكر
الماجدة ماجدة
عبد الله ودداعة الأمين
ود المحرب
الخال بكار
مدثر ابراهيم سعيد
فاروق حامد النار
النبيلة منى
إليكم جميعاأهدى تحايا عطيرة مطيرة وأسعد بملازمتكم
وسلام عليكم ماسرى النسيم مني إليكم
برسل ليك سلامي مع النسيم يوماتي
يامهرة عكود البى الدرع بتـّتاتي
أكان الحظ يساعدني وتلازمي حياتي
بنقد حب قنيديلا سرقلو الشاتي
يلا ياجماعة أشرحوا اللوحة الجميلة دى وفتفتوها كلمة كلمة
ودمتم
| |
 
|
|
|
|
|
|
|
|
Re: لاح لي من صعيد برقاً كتم تعّالو (Re: على احمد النعيم)
|
استكناه لأسرار البرق
Quote:
وياأهل الله نجدتكم متل البرق جاوبو ود النعيم ...لماذا يهيج البرق الذكرى؟؟؟
|
طبعا معروف على نطاق واسع أن البرق عند شعراء العرب الأقدمين وعند شعراء البطانة يذكر بديار المحبوبة والأحباب.لأنه يدل في لمح البصر ومن مكان بعيد على الديار القديمة التي كانت تقيم فيها المحبوبة أو الأحباب. أو المقيمة فيها المحبوبة في الوقت الراهن. هو رسالة من النور من جهة المحبوب إلى جهة المحب. ثم لا يلبث أن يأتي "بدعاش" من المحبوب ودياره. وهو بكشفه ظلمات ليل اليأس الدامس أو ظلمات المجهول، بنور يخطف الأبصار، يثير الشوق والأمل في لقاء المحبوب.. لمعان النور في الظلمات يرمز إلى كشف حجب الجهل والمجهول. الله نور السموات والأرض..
البرق من أكبر الظواهر الضوئية وأعجبها على وجه الأرض. ولعله أول شيء عرف منه الإنسان سر النار. وربط فيه بين غضب السماء أو رضائها وبين ما يحدث على الأرض. "وهو الذي يريكم البرق خوفا وطمعا"، خوفا من الصواعق، وطمعا في السقيا. خوفا من أن يكون برقا خُلّبا، وأملا في أن يصدق فيأتي بالغيث.
البرق يحمل الوعد بالمطر والماء. والماء سر الحياة . "وجعلنا من الماء كل شيء حي". "وترى الأرض هامدة فإذا أنزلنا عليها الماء اهتزت وربت وأنبتت من كل زوج بهيج ". المطر يحي الأرض بعد مماتها. الأرض الحسية "التراب"، الأرض المعنوية "الجسد" يحييه الله بالعلم، والماء أيضا رمز العلم في الأحلام وكذلك البحر.
الحب الإنساني قبس من الحب الإلهي،ووسيلة إليه. وهذا ما أطنب فيه الصوفية غناء لم يغنه أحد في محبوبته. هاموا بليلاهم ولبناهم كما لم يهم أحد بليلاه ولبناه.. و قالوا نحن في لذة لو علمها الملوك لجالدونا عليها بالسيوف.
(نواصل)
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: b_bakkar)
|
Quote: طبعا معروف على نطاق واسع أن البرق عند شعراء العرب الأقدمين وعند شعراء البطانة يذكر بديار المحبوبة والأحباب.لأنه يدل في لمح البصر ومن مكان بعيد على الديار القديمة التي كانت تقيم فيها المحبوبة أو الأحباب. أو المقيمة فيها المحبوبة في الوقت الراهن. هو رسالة من النور من جهة المحبوب إلى جهة المحب. ثم لا يلبث أن يأتي "بدعاش" من المحبوب ودياره. وهو بكشفه ظلمات ليل اليأس الدامس أو ظلمات المجهول، بنور يخطف الأبصار، يثير الشوق والأمل في لقاء المحبوب.. لمعان النور في الظلمات يرمز إلى كشف حجب الجهل والمجهول. الله نور السموات والأرض..
البرق من أكبر الظواهر الضوئية وأعجبها على وجه الأرض. ولعله أول شيء عرف منه الإنسان سر النار. وربط فيه بين غضب السماء أو رضائها وبين ما يحدث على الأرض. "وهو الذي يريكم البرق خوفا وطمعا"، خوفا من الصواعق، وطمعا في السقيا. خوفا من أن يكون برقا خُلّبا، وأملا في أن يصدق فيأتي بالغيث.
البرق يحمل الوعد بالمطر والماء. والماء سر الحياة . "وجعلنا من الماء كل شيء حي". "وترى الأرض هامدة فإذا أنزلنا عليها الماء اهتزت وربت وأنبتت من كل زوج بهيج ". المطر يحي الأرض بعد مماتها. الأرض الحسية "التراب"، الأرض المعنوية "الجسد" يحييه الله بالعلم، والماء أيضا رمز العلم في الأحلام وكذلك البحر.
الحب الإنساني قبس من الحب الإلهي،ووسيلة إليه. وهذا ما أطنب فيه الصوفية غناء لم يغنه أحد في محبوبته. هاموا بليلاهم ولبناهم كما لم يهم أحد بليلاه ولبناه.. و قالوا نحن في لذة لو علمها الملوك لجالدونا عليها بالسيوف.
|
الاخ الفاضل بكار تسلم والله لقد افصحت وابنت لله درك , واسعدتنا حقيقة بهذه الدرر وكيف يكون الحب الالهى.
تحباتى بلا حدود
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: على احمد النعيم)
|
Quote: برسل ليك سلامي مع النسيم يوماتي
يامهرة عكود البى الدرع بتـّتاتي
أكان الحظ يساعدني وتلازمي حياتي
بنقد حب قنيديلا سرقلو الشاتي
|
دايره ترجعينا لجراسة ود الشلهمة تانى يا بت طلحة، وتلك الجروف بعد ان يهب الشاتى الحنين . لانو للشاتى عندنا كما ذكرت آنفا وقع خاص فبنجاحه ينجح المسور وبكساده يكسد.
اما القنيديل السرقلو الشاتى فهى والله لوحة بديعة .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: على احمد النعيم)
|
Quote: هاهو سلطان العاشقين ابن الفارض، يحدثنا عن البرق وعماأهاج لديه
أبرق بدا من جانب الغور لامع
أم ارتفعت عن وجه ليلى البراقع
أنار الغضا ضاءت بذى الغضا
أم ابتسمت عما حكته المدامع
|
لاأملك سوى الصمت...وتحكى مدامعى محاكية الطرفة
عندما أتصفح ديوان ابن الفارض هذا العاشق الذى
تتيمنا بقوله وهمنا بعشقه...فما ألذ ( حب هذا القندول الذى صادف أول الشتاء )
لعمرى سنتذوق طعمه حيث أسعفنا الحظ بملازمة بكار ...فى حضرة سلطان العاشقين...
أكان الحظ يساعدني وتلازمي حياتي
بنقد حب قنيديلا سرقلو الشاتي
ياله من برق!!! جلب من الخير والسعد فوق طاقتى وإحتمالى
لكم سحب محبتى تهمو ماهمى دمع عاشق.
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
| Quote: بنقد حب قنيديلا سرقلو الشاتي |
هلا هلا ود النعيم جننتني عدييييييل
النقدة هي تناول الدجاجة للطعام بمنقارها
عادة بيقلب الهواء من سافل لصعيد وبيجيب لو نساما حلووووو والنسام ده عندما يكون في وقت المداخلة بين الخريف والشتاء او الفواصل بنقول الشتاء زرق بفتح الزاي والراء والقاف .
وسرقلو الشاتي برضها يمكن تكون هي المقصودة واذا كانت هى المقصودة فتكون اكثر بلاغة في معناها لما بها من تشبيه بليغ جدا حيث يشبه الشتاء بالحرامي السارق وقت الخرف قبل حلول اوانه اى اوان الشتاء.
اما قنيديلا سرقلو الشاتي ( قنيديل تصغير قندول ) دى تجنن بكون قنيديلا مفرهد وهيف قصبته يجنن وربما تجد البودره البيضاء على ورتابه القصبة وكمان ربما نداها هتف والقندول في الحاله هذه ربما يكون لبنه - ويا ريت خاتي النقدة _ وحبته بيضاء تضيق بها رحم البتابة ( البتابة ابو بكر هى الجزء الخارجي من قشرة الذرة او غيره )
وطبعا انظف انواع الذرة هو المشاتي لانه بيكون خاتي التتلو (والتتلو يا ابا بكر تغيير لون الذرة الابيض ليكون اسودا بسبب هطول الامطار عليه وهو مستوى اى جاهز للحصاد ) وفي حالة قنيديلا سرقلوا الشاتي بيكون قطع شك نضيييييييييف .
لكم اطيب المنى
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
| Quote: اما قنيديلا سرقلو الشاتي ( قنيديل تصغير قندول ) دى تجنن بكون قنيديلا مفرهد وهيف قصبته يجنن وربما تجد البودره البيضاء على ورتابه القصبة |
أحسنت يا ود شيقوق ، وانا شميت من وصفك لهذا القندول انو قصبتو قصبة تقنت
"قصيبة التقنت الدفق البصير ماروقك"
تســـــــــــلم
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: على احمد النعيم)
|
| Quote: وانا شميت من وصفك لهذا القندول انو قصبتو قصبة تقنت |
تقصد يا سمح الرجال قصبة التقنت النداها ينقط؟ ( ابو بكر التقنت جمعها تقانت وربما يكون مقصود بيها محل السيداب بعد دق العيش بتكون عالية الخصوبة وقصبتها بتكون مفرهدة خاصة اكانت قائمة في التقاء وكمان في هكعة( الهكعة المرنع والمرنع الارض المنفذرة لالا تحت لحدى تعمل توقه والتوقه هى الحفيرة البتمسك موية بعد المطرة )
ايام وصفي للمطرة بتذكر طوالى بقول لاهلى والله المطرة ما تقيلة يا داب توقت
انشاء الله شيخ الزبير متابع يا اخوانا
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: قال لك :ـ
شرحك زاد الشعر حلاوة
واصل |
كتر خيرك شيخ الزبير خليني احكي لابي بكر عن البتابة (بضم الباء وتشديد التاء) نحن زمان ايام مدلى العيش اكان باللواري او الجمال في القراف ( الفاروق الاوعيةالتي ينقل بها العيش بالجمال اسمها القراف) بكون عملنا نحن الصغار تعبئة بعض الشوالات بالبتاب .
السؤال للكل لماذا تعبئة البتاب ايام مدلى العيش من الخلاء؟؟؟؟؟؟؟؟؟؟؟؟؟؟؟؟؟؟
طبتم
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
Quote: دايره ترجعينا لجراسة ود الشلهمة تانى يا بت طلحة، وتلك الجروف بعد ان يهب الشاتى الحنين . لانو للشاتى عندنا كما ذكرت آنفا وقع خاص فبنجاحه ينجح المسور وبكساده يكسد.
اما القنيديل السرقلو الشاتى فهى والله لوحة بديعة . |
ود النعيم انا كان راي بوست ود الشلهمة اكان ممكن يكون امتداد لبوست برق الصعيد حتى لا تشتت افكار المتابعين في عدة بوستات .
مودتي
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
التقنت جمعها تقانت وربما يكون مقصود بيها محل السيداب بعد دق العيش
التقنت هو المكان المرتفع في طرف الجدول او الحوض او الانقاية او السراب
وما ينبت فيه يكون جيد الشراب يشرب بالنز يعني
اما مكان دق العيش فيسمى التّقَا حيث يتم تسطيح الارض ثم تدليجها وفي وسطهاعود النوريق
والله اعلم
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
Quote: ود النعيم انا كان راي بوست ود الشلهمة اكان ممكن يكون امتداد لبوست برق الصعيد حتى لا تشتت افكار المتابعين في عدة بوستات .
|
الاخ ود شيقوق سلام
مع احترامى لوجهة نظرك لكن ارى ان يفرد بوست بحاله لهذا النموذج الفريد ود الشلهمة.
تحياتى.
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: خالد المحرب)
|
Quote: الليل البرق جاب الهبوب مقلوبه
وطرانى الاهل والجلسه فى الراكوبه |
هييييييييييييع ود المحرب
الليلة الصعيد جاب الهبوب مقلوبة
طراني ام شليخ والجلسة في الراكوبة
اوعي ود المحرب تحرف الكلام ( طراني ام شليخ عدييييل كده ) اوع تتهرب بجاي وبجاى ( طراني الاهل مافي) انت خايف من ام احمد ولا شنو ؟
شنو يا ود النعيم رايك في الكلام ده
ربما نتفق مع ود المحرب لو قاصد الارتقاء بعبارة (الاهل) ليكون المقصود بها ام الاولاد . كما جاء في حديث الرسول صلي الله عليه وسلم ( خيركم خيركم لاهله وانا خيركم لاهلي)
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
Quote: كتر خيرك شيخ الزبير خليني احكي لابي بكر عن البتابة (بضم الباء وتشديد التاء) نحن زمان ايام مدلى العيش اكان باللواري او الجمال في القراف ( الفاروق الاوعيةالتي ينقل بها العيش بالجمال اسمها القراف) بكون عملنا نحن الصغار تعبئة بعض الشوالات بالبتاب .
السؤال للكل لماذا تعبئة البتاب ايام مدلى العيش من الخلاء؟؟؟؟؟؟؟؟؟؟؟؟؟؟؟؟؟؟
طبتم |
ود شيقوق هووووووووووي أرعى بقيدك !!!!!!!!
أت جايي تعلمنا القراف ...نحن أولاد القراف !!!!!!!!!!
والمثل بقول (دق القراف خلي الجمل يخاف)....
فلا تبيع لنا التمر ... ونحن أصحاب نخل البصرة...
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: فاروق حامد محمد)
|
| Quote: والمثل بقول (دق القراف خلي الجمل يخاف).... |
ووووووووووووب ووووووب منك قطع شك اتصلت بالفزارية شيخة العرب وانت هسع العاجبك في المثل ده شنو حقكم يا ناس البندر ولا لبط ساااااااااى ؟؟؟؟؟؟؟ ووب مش ممكن نكتفي بمثل تمر البصرة الحلووو ده وبس وتخلى الحت الكتييييييييير؟؟؟؟؟؟؟؟؟؟
حبة تخريمة
دحين الفاروق اخوي هسع تهم الادعاء العام ، في محكمة الجزاء الدولية ، لاحمد هارون ، مش ممكن تصنف دق قراف عشان حكومة الجبهة تخاف؟
اعمل لينا بوست بعنوان ( دق القراف خلى الجمل يخاف )
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
[Quote: B] دحين الفاروق اخوي هسع تهم الادعاء العام ، في محكمة الجزاء الدولية ، لاحمد هارون ، مش ممكن تصنف دق قراف عشان حكومة الجبهة تخاف؟
اعمل لينا بوست بعنوان ( دق القراف خلى الجمل يخاف ) |
الطيب أخوي
الاستراتيجية الأمريكية هي "دق الجمل ذاااااااااتو" وليس القراف ...
وفي هذه الحالة فإن (القراق) هو الذي سيخاف !!!!!!!!!!
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: فاروق حامد محمد)
|
فاروق أخوي
ود شيقوق قريبي
سلام
أول حاجة اللمّ إسم "فاروق" دا مع "القراف" شنو؟ لم أشهد في حياتي "فاروقا" سارح ليهو بي غنيمات ولا معزة..
ثانيا: أي نوع من القراف التي يخيف دقها الجمل؟ قراف القماش ولا قراف الجلد؟؟
المثل ما زال منطبقا على الحالة الراهنة. دا دق قراف فعلا، بس يا ريت الجمل إخاف المرة دي، وإسرع نحو الغاية. يا ما دقوا قراف كتير قبل كده، لكن الجمل ولا بِشّّوّّط بيها( بكسر الباء وتشديد الشين وتشديد الواو)، كأنه بسمع في نبيح كلاب (الكلاب تنبح والجمل ماشي)
أسوأ القراف كانت قراف الاتحاد الأفريقي.. يبدو أنها كانت من قماش كاتم للصوت. الجمل برك واتمرغ وقام وهدر، فما كان من صاحب القراف إلا أن ولي مدبرا..
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: b_bakkar)
|
فاروق،
معليش، أنا كنت بهظر معاك ساكت
يبدو أنك جيل بعدنا على كل حال
البتاب يا سيدي بختوه في المطمورة (أو المطمارة عند بعضهم) فوق سطح العيش قبل الدفن، ليحجز التراب.
لكن خل نسألك عن بعض الأشياء في البيت البدوي القديم، النشوف كان إت حاضرها:
القدنة
الزغو
العتنيبة
القشاط
المنتباب
اللكيب (سهلة هذه)
الغردة
الحقو
وما نسيناه كثير
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: بشير الخير)
|
Quote: الطيب أخوي
الاستراتيجية الأمريكية هي "دق الجمل ذاااااااااتو" وليس القراف ...
وفي هذه الحالة فإن (القراق) هو الذي سيخاف !!!!!!!!!! |
معليش الفاروق
ود بكار
الباشمهندس ابو بكر
الخير
واخيرا بت طلحة ست الراكوبة الجمعتنا دى
اول بالتبادي السيرفر حقنا كان معيون .
تاني التبادي انتو لقيتونا ممكونين بالسيرفر وبقيتوا تتضرعوا سااااااااااااى في المدرسيب ده ( ابو بكر المدرسيب ده وووووووووب منو زمان كنا صغار بنقدم بقيراتنا من الصباح ليهو ونسلمها الراعي ومرات ناخد لينا قعيدة كلنا نتونس لحدى يجي زمن السدرة والسدرة دى ابا بكر هي وقت تشيل مخلايتك بلقيمتها وبصلتها وزيتتها وتشنق طاقيتك وتقدل على الضهاري والضهاري البلدات البعااااااااااد والبتخمج الطين خمج عشان تصلها وكان مافي مطرة تكتلك الكركجة والكركجة دى يعنى وقت الارض تكون عملها ليها ذليلمات بعد الطين يجف الذليلمات ديل .......... ام حفرك )
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
| Quote: يا جماعة ما تشغلو ليكم مترجم .. ودشيقوق راجع عدمان المليم من الاجازة ومستعد يشتغل مترجم بنص اجر .... |
والله انت عراف بالحيل الحاري ناس البطانة يدو قرش لترجمة ديل اهلي وانا بعرفهم قرشهم ما بطلع الا لخمس:
اولا : الفقراء للمحاية
ثانيا : البوليس للرشوة
ثالثا : دواء ابو نيني
رابعا: لضيف الهجعة
واحيانا لعرس السموح واكل القموح
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: ود النعيم انا كان راي بوست ود الشلهمة اكان ممكن يكون امتداد لبوست برق الصعيد حتى لا تشتت افكار المتابعين في عدة بوستات .
|
البوست دا خاااااص بالبروق
ات شتتك الكلام السعلوك منو دا ولا شنو؟
كان غلبتك الترجمة بنديك محاية مجان تفتح مخك وتكشف ليك العلوم الخفية
قول يامعلم آدم الأسماء كلهاويامعلم داؤود علمنى ويامفهم سليمان فهمنى.ِ
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: خالد المحرب)
|
Quote: : ]الغردة تربط في رقبة الجمل
may I offer to you my help |
اللللللللللللللللللللللللللللللللللللللللللللللللله يا الطيب !!!!!
وقعت وما سميت !!!!!!!!!!
الغردة بقوا يربطوها في رقبة الجمل ؟؟؟؟؟!
يا لشماتة أبي بكر فيك 1!!!!!!!!!!!!
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: خالد المحرب)
|
| Quote: may I offer to you my help |
البقت ما بقت بعد دا يا رفيقي..
دي بعد دا ما بتقدر تلحق شيخ الطيب فيها بالمسنجر فقد سُجلت عند رقيبٍ عَتِيدْ
لكن حقو إنت يا أب احمد ما تستعجل ، يمكن ناس الدندر بربطوا الغُردَه في رقبة الجمل...
نظام تباين ثقافي وكده
طيب بعد دا نجي للغُُرده بت الكلب دي..
الغُرده يا شيخ الطيب حسب ما هو سائد عندنا هي حزام عريض منسوج نسج غالبا من الصوف وإن كان مؤخرا بقى يسووها من التيل الجاهز وفيها خُرس عند أحد أطرافها والطرف الثاني بيكون مربوط بدائر المخلوفة المصنوع من حبل قِد وتربط في صدر الجمل وهي الحاكم الأساسي للمخلوفة على ظهر الجمل ومن الناحية الثانية بيكون في سير من الجلد التخين متدلي من الجانب الآخر لداير المخلوفة فيربط خُرس الغُرده بهذا السير المتدلي من الدائر وبي كدي بيكون (الشديد مخلوفة أو حَوية) قد احكم ربطه على ظهر الجمل..
إنت ظنيتك يا شيخ الطيب قاصد المَحَاقِبْ...وهن اثنين واحده تربط في رقبة الجمل والثاني في صلبه..(في صلبه مش ضنبو)...عشان ما تجي تاني تخلط بين المَحْقَبَة والضَنّابْ...
ولك المحبة من قبل ومن بعد
يا أخوانا أبوبكر قاعد يسجل الأهداف دي ولا لأ ؟؟
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
قال العرريب السكة ودشيقوق :| Quote: الغردة تربط في رقبة الجمل |
واجاب العرريب الاوريجنال احمد بن ابوحريرة مايلي :
Quote:
الغُرده يا شيخ الطيب حسب ما هو سائد عندنا هي حزام عريض منسوج نسج غالبا من الصوف وإن كان مؤخرا بقى يسووها من التيل الجاهز وفيها خُرس عند أحد أطرافها والطرف الثاني بيكون مربوط بدائر المخلوفة المصنوع من حبل قِد وتربط في صدر الجمل وهي الحاكم الأساسي للمخلوفة على ظهر الجمل ومن الناحية الثانية بيكون في سير من الجلد التخين متدلي من الجانب الآخر لداير المخلوفة فيربط خُرس الغُرده بهذا السير المتدلي من الدائر وبي كدي بيكون (الشديد مخلوفة أو حَوية) قد احكم ربطه على ظهر الجمل.. |
وهكذا بتاعيين الشهادات العربية المزورة ظهروا ..وشابكنا يا "اولاد البندر " وات ما عارف الغردة شنو ؟؟؟
لقد استغنينا عن خدماتكم الترجمية وسنعيد النظر في كل الكلمات التي "ادعيت" بانك ترجمتها ...واصلو ات فاضي من الحت في حفلة عصام ؟؟ معقولة تنسي مفتاح بيتك بشان الحت والهندي يسكر البيت وانت صاحي لحد هسع ..؟ دة كلام مترجم حتات ومسطح ....
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: ماجدة عوض خوجلى)
|
| Quote: لقد استغنينا عن خدماتكم الترجمية وسنعيد النظر في كل الكلمات التي "ادعيت" بانك ترجمتها ... |
شكرا يا أبا بكر
| Quote: واصلو ات فاضي من الحت في حفلة عصام ؟؟ معقولة تنسي مفتاح بيتك بشان الحت والهندي يسكر البيت وانت صاحي لحد هسع ..؟ دة كلام مترجم حتات ومسطح .... |
لكي لا ننسى
---------
ولك الحب من قبلً من بعد
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: Ahmed Yousif Abu Harira)
|
| Quote: قول يامعلم آدم الأسماء كلهاويامعلم داؤود علمنى ويامفهم سليمان فهمنى.ِ |
بسم الله وتهليل وتكبير عليكم كلكم بالفاروق انا عارف التهليل ده بطفره من المنبر ده
اقول ليكم حاجة الغردة التي وردت في مداخلتي اعني بها الغردة بضم الغين وتسكين الراء وفتح الدال وهى تعني نفص التفسير الذي خصصتها لها وفقا لاعرافنا وثقافاتنا .
اما الغردة الواردة في خطابكم - ساتي - وهي بفتح الغين والراء والدال فلا ادري ماذا تعني عندكم
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
Quote: طيب بعد دا نجي للغُُرده بت الكلب دي..
|
نحن التشكيل الفوق ده ما سويناهو عشان شيطنة ناس قيلي التحت دي
| Quote: اعني بها الغردة بضم الغين وتسكين الراء وفتح الدال وهى تعني نفص التفسير الذي خصصتها لها وفقا لاعرافنا وثقافاتنا . |
| Quote: اما الغردة الواردة في خطابكم - ساتي - وهي بفتح الغين والراء والدال فلا ادري ماذا تعني عندكم |
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
| Quote: يا ودشيقوق ...لغة واللا معسكر جيش .. تشكيلات وخلافو ..بس قول الروووب انا ما بعرف وارجع للبندر بتاعك واقعد في البلكونة وحت |
انت قول ليهم بتعرفوا الحتي ؟ مش الحت بتاعك الحتي دى لها علاقة بثقافة العرب الرحل
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: Ahmed Yousif Abu Harira)
|
| Quote: إذا كنت مولود في الدندر ذاتها - ما بلومك تب.. الدندر دي ما بندر!! |
ود بكار انا يا ود عمي من حلة هنااااااااااااك اسمها البردانه
والشقيانة يطول عمرك لبستها انا لكن ما كتير راحتها من جلد البقر وسيرانها من جلد البقر ومبطحة ومصفحة من الضريسة .
ود ابو حريرة
الحتي (فتح الحاء وكسر التاء) يلا قول ومعاك ود بكار ذاتو حلوها .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
| Quote: لكن نحن العريب ديل والحمد لله حاشا أصلا ما تنكرنا لتلك الأصول. بس لما دخلنا المدارس و البنادر اضطرينا نتكلم بلغوة أهلها.. بي قلبة لسان شوية، و لكن أهلنا الحلفاويين والمحس والدناقلة حرموا الرطانة على وليداتهم، مع المعذرة إذا كان في واحد هنا حلفاوي أو محسي أو دنقلاوي |
اها جيت تساعد ود عمك الحتات بقيت زيو حتات ... اها لغوة البنادر الاتعلمتوها في المدارس شنو ؟؟؟
اها في نوبي هنا ( يعني فيهو التلات سوا حلفاوي ومحسي ودنقلاوي) وما عندنا مدارس بالرطانة اصلا بشان لغوتنا تتبدل ؟ ولغوة شنو البتبدلا المدارس ؟ ات وبن عمك عراريب قشرة ؟ اها ودالمحرب وقوم ابوحريرة وطلحة دييل ما دخلو مدارس في البندر بشان يتكلمو بلغوة اهلها ؟؟؟
اخير ليك خلك من ودعمك الخربتو البنادر والمقاه الامهرية وحت الليالي ونومة التسطيح وارجع قواعدك هناك في البادية وخلك مني الرطان لانك ما بتقدر علي رطانتي ..؟ الحق ودعمك اليويو دة ...
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
Quote: اها جيت تساعد ود عمك الحتات بقيت زيو حتات ... اها لغوة البنادر الاتعلمتوها في المدارس شنو ؟؟؟
اها في نوبي هنا ( يعني فيهو التلات سوا حلفاوي ومحسي ودنقلاوي) وما عندنا مدارس بالرطانة اصلا بشان لغوتنا تتبدل ؟ ولغوة شنو البتبدلا المدارس ؟ ات وبن عمك عراريب قشرة ؟ اها ودالمحرب وقوم ابوحريرة وطلحة دييل ما دخلو مدارس في البندر بشان يتكلمو بلغوة اهلها ؟؟؟
اخير ليك خلك من ودعمك الخربتو البنادر والمقاه الامهرية وحت الليالي ونومة التسطيح وارجع قواعدك هناك في البادية وخلك مني الرطان لانك ما بتقدر علي رطانتي ..؟ الحق ودعمك اليويو دة ... |
ود بكار اخوى ماتستعجل النوبي ده انا ساعيهو لا قدام وخليني ادودرو ليك بالطوالة لحدى اقطع ليك نفسو طااااااااااااااااااب .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: بت طلحة البوست ده اطلعي منو خليهو بقى محل دواس مع النوبيين حرمة تحوم بهنا مافي طاااااااااااااب
نحن شنقنا الطواقي وعمينا وطرشنا ومسكنا السيف والدرقة وقادلين بفد كراع في الصقيعة دى . |
يا زول دة الملكة ؟ كيفن تقول ليها تطلع ؟ انت خربت تب ؟؟ البندر والامهريات وتسطيحة اخر الليالي خربتك ؟؟؟ طواقي شنو الشنقتها .. في قمبور بيشنق بالطواقي ؟؟؟
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
| Quote: يا زول دة الملكة ؟ كيفن تقول ليها تطلع ؟ انت خربت تب ؟؟ البندر والامهريات وتسطيحة اخر الليالي خربتك ؟؟؟ طواقي شنو الشنقتها .. في قمبور بيشنق بالطواقي ؟؟؟ |
وووووووووووب منك فيك الكرة والدرة
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
| Quote: يا ودشيقوق ...لغة واللا معسكر جيش .. تشكيلات وخلافو ..بس قول الروووب انا ما بعرف وارجع للبندر بتاعك واقعد في البلكونة وحت |
يا رطاني في بندر فيهو بلكونة رواكيييييييييييييييييب ساااااااااااى ومويتها في القرب تنقط ساااااااااااى
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
Quote:
سلامات سميه
اخبارك حبيبه
مشتاقين شايفه ابن الفارض مشرف بى هنابرضو طبعا اى انسان بيقرى ليه مابيملك الايحبه ويكون مهوس بيه
تحياتى |
مرحب ماجدة ومرحب كل الحبايب المتداخلين وفارضين علينا حب يضاهى حب ابن الفارض
ود المحرب :ـــاتو شيقوق دا قال داير يمرقنى سكتوا ليهو !! البركة فى خالى بكار جاب لى التار
أها هسع قبل عليك داير يمرقك رأيك شنووو؟؟؟
الفاروق:ـــ حقك بان على صاحبك أها كدى اليقدر يحامى لى رقبتو..عامل فيها محامى..
أبوبكر:ــــ مد يدك لأهنيك على الضريبة اللقيتا فى شيقوق دى فرصة ما تفوتا
أحمد :ـــــ بطل شيطنة ناس قيلى دى ( غايتو انت مسلط ) ذكرتنى حاجات ضحكت لمن الله غفر لي
خالى بشير :ـــ تسلم شكلت الزول أب لسانا طلق دا .
لكم كل الود
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: مرحب ماجدة ومرحب كل الحبايب المتداخلين وفارضين علينا حب يضاهى حب ابن الفارض
ود المحرب :ـــاتو شيقوق دا قال داير يمرقنى سكتوا ليهو !! البركة فى خالى بكار جاب لى التار
أها هسع قبل عليك داير يمرقك رأيك شنووو؟؟؟
الفاروق:ـــ حقك بان على صاحبك أها كدى اليقدر يحامى لى رقبتو..عامل فيها محامى..
أبوبكر:ــــ مد يدك لأهنيك على الضريبة اللقيتا فى شيقوق دى فرصة ما تفوتا
أحمد :ـــــ بطل شيطنة ناس قيلى دى ( غايتو انت مسلط ) ذكرتنى حاجات ضحكت لمن الله غفر لي
خالى بشير :ـــ تسلم شكلت الزول أب لسانا طلق دا .
لكم كل الود |
اكان ديل فزعك بت طلحة ووووووووووووووب وطاتك اصبحت طاااااااااااااااب خمي وصري . والرجال شرادة وورادة ولا شنو جنى بكار ؟
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
| Quote: ياخي رووووووووووووووووووووووووح..............اها الخميس الجاي مسطح وين ؟؟؟ |
ابو بكر وقعت في وثيقة الكوشيين التي تطالب برفع التهميش عن اهلك ولا انت لازم تشاور ام اولادك لانها شايقية ؟
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
| Quote: ياخي رووووووووووووووووووووووووح..............اها الخميس الجاي مسطح وين ؟؟؟ |
وردنا من مصدر موثوق ان صديقي ود شيقوق
قد تاب توبة نصوحا ولزم مساجد الشيعة وله
طوبة يصلي عليها ... وقد تزوج وفقا لمذهب
الاثنى عشرية يوم الخميس الفائت زواجا
قابلا للتجديد والتحديد !!!!!!!!!!
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: فاروق حامد محمد)
|
Quote: وردنا من مصدر موثوق ان صديقي ود شيقوق
قد تاب توبة نصوحا ولزم مساجد الشيعة وله
طوبة يصلي عليها ... وقد تزوج وفقا لمذهب
الاثنى عشرية يوم الخميس الفائت زواجا
قابلا للتجديد والتحديد !!!!!!!!!! |
الفارووووووووووووووووووووووووووق صدقت لكن عارف السبب شنو يا حلو ؟؟؟؟؟؟؟؟؟ لتلك الحللها ابن الخطاب وحرمها وليدو فكيف لهذا الوليد تحريم ما احله ابوه .
(ولا جناح عليكم .............) صدق الله العظيم
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
Quote:
Quote: ياخي رووووووووووووووووووووووووح..............اها الخميس الجاي مسطح وين ؟؟؟
ابكر .......
الراجل ما قال بتهجد !!!!!!!!! |
شيقوق تقول لى أنا !!! وطاتك أصيحت !؟
طيييب بوريك المكشن برا بصلة... أنا كنت ساكتة لى 3 أيام لكن أ،ت الوطاتك أصبحت ..خم وصر ..
تهجد شنو ياالفاروق ياخوى والله ياأبوبكر أنا سمعت بى أضانى من زول شاف شوف العين ما قول قالوا :ــ
شيقوق لابس أفرنجى يوم الخميس ويحت فى حفلة عصام لى وش الفجر وما خفى أعظم ,
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: Ahmed Yousif Abu Harira)
|
| Quote: شيقوق لابس أفرنجى يوم الخميس ويحت فى حفلة عصام لى وش الفجر وما خفى أعظم |
حرم الخبر جاك ما مركز وزولك متلحنى ساااااااااااااى انا مش كنت بحت انا كنت بعرض في مدحة عصام محمد نور البقول فيها (طيبة) وقام الفنان قلب المدحة للطير المهاجر ولقيتها حلوة وواصلت قلبتها حت بدون اشعر .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
| Quote: حرم الخبر جاك ما مركز وزولك متلحنى ساااااااااااااى انا مش كنت بحت انا كنت بعرض في مدحة عصام محمد نور البقول فيها (طيبة) وقام الفنان قلب المدحة للطير المهاجر ولقيتها حلوة وواصلت قلبتها حت بدون اشعر |
مش كان الاول تغطس في البحر وتتطهر من حتيت الخميس والتسطيحة قبلما لسانك يورطك مع شيوخ العرب ؟؟؟
اها مدحة طيبة والطير المهاجر عرضتم واحدة ياخلبوس ؟؟؟
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
| Quote: اها مدحة طيبة والطير المهاجر عرضتم واحدة ياخلبوس ؟؟؟ |
لالالالالا اها اقول ليك انا كنت بذكر ذكر مع المدحة وعندما قلب الفنان للطير المهاجر لقيت النوبيين والنوبيات عاملين صفين متقابلين ويرقصوا رقيص اهلكم الزى الذكر ده وواصلت طوالى هم عندهم حت وانا فاكرو ذكر لله .
كمان يا ابا بكر في واحد من اهلكم لما شافني بذكر جاني مسكنى من يدى ووقفنى في صف النوبيين البيرقصوا والناس يضحكوا ساى واصلت ليكم معاهم انا بقول حى قيوم حى قيوم وهم مع طيرهم المهاجر . اقسم بالله مافي فرق لقيتها حلوة وسريت معاها لكن اي منا كان يرقص على انغام ليلاه .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
| Quote: لالالالالا اها اقول ليك انا كنت بذكر ذكر مع المدحة وعندما قلب الفنان للطير المهاجر لقيت النوبيين والنوبيات عاملين صفين متقابلين ويرقصوا رقيص اهلكم الزى الذكر ده وواصلت طوالى هم عندهم حت وانا فاكرو ذكر لله . |
ات قايلنا بقنابير ...؟؟؟ دحين موضوعك رفعناه الي الملكة ؟ شيل شيلتك ...
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: ممنوع وساطة دولية
ممنوع دخول قوات اممية
ممنوع محاكمة خارج البوست
انا وجماعتى على قلب رجل واحد
شيل شيلتك ياأيها القانونى العتيق |
ده كلام زولا محرش ساااااااااااى اها انا تصالحت براى مع ود المحرب بس اوعوا تكلموهو يعمل بوست لالغاء عضويتي انا .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: b_bakkar)
|
Quote: نحنا سيوفنا براق السوارى الساطعة
ماها جديدة ميراث الجدود القاطعة
نحنا أنعامنا فوق شرف البطاين راتعة
نخت فرقتنا فوق واحدين وتنزل باتعة |
بت طلحة كت عايز افسر الابيات دى للرطاني لكن شامي فيها مطاعنة عديييييييييييل اخليها عشان الرطاني ما يعرفها خليهو في سجمو .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
ود شيقوق الله إدينا خيرك
الحمد لله الفكّ عوّتك مع البطاحين قبال ما أعرف
كُت بتختني في موقف صعب
كان لابد كبيت فوقك، مو لأنك سري، البطاحين برضهم أسراري وخاصة الملكة.بس لأنك براك والبطاحين جماعة.
يازول إت ما دام وحّّدك الخلاك تدخل مع البطاحين في عوة شنو؟؟
على العموم، الحمد لله الكضب الشينة
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: Rabab Elkarib)
|
Quote: عليك بها صرفـاً وإن شئـت مزجهـا فعدلك عن ظلـم الحبيـب هـو الظلـم
فدونكها فـي الحـان واستجلهـا بـه على نغم الألحـان فهـي بهـا عنـم
فلا عيش في الدنيا لمن عاش صاحيـاً ومن لم يمت سكراً بهـا فاتـه الحـزم
على نفسه فليبك مـن ضـاع عمـره وليس لـه فيهـا نصيـب ولا سهـم
|
بشير الخير كمان خالى !
ما أسعدنى بأخوالى
بيهم تتباهى أحوالى
والناس يتمنوا لفالى
أسعدتنا ياخال بإبن الفارض وشربنا من الدنان فما أرتوينا
فزدنا عشقا أسعدك الله .
| |
|
|
|
|
|
|
|
|
 Re: لاح لي من صعيد برقاً كتم تعّالو (Re: سمية الحسن طلحة)
|
| Quote: Quote: لالالالالا اها اقول ليك انا كنت بذكر ذكر مع المدحة وعندما قلب الفنان للطير المهاجر لقيت النوبيين والنوبيات عاملين صفين متقابلين ويرقصوا رقيص اهلكم الزى الذكر ده وواصلت طوالى هم عندهم حت وانا فاكرو ذكر لله . |
الملكة بت طلحة سلاما جاك ..
والحمد لي الله ... كمبيوتري اتصلح وجيتكم
أشوف كضوبات ود شيقوق الفوق دي !!!!!!!!
يا حتات زي ما قال ليك أبوبكر قايل عندنا
قنبور زي قنبورك بتاع زمان داك ,,,,,
من الله ما خلقك شفت ليك (زكر) "الزال ضاربة عندي"
فيه نسوان ؟؟؟؟ وكمان تعاين للكنداكات وتقول حي قيوم !!
وانت البوديك محل الناس الراقيين دول شنو ؟
سلام حناوي !!!!!!!!
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: فاروق حامد محمد)
|
Quote: الملكة بت طلحة سلاما جاك ..
والحمد لي الله ... كمبيوتري اتصلح وجيتكم
أشوف كضوبات ود شيقوق الفوق دي !!!!!!!!
يا حتات زي ما قال ليك أبوبكر قايل عندنا
قنبور زي قنبورك بتاع زمان داك ,,,,,
من الله ما خلقك شفت ليك (زكر) "الزال ضاربة عندي"
فيه نسوان ؟؟؟؟ وكمان تعاين للكنداكات وتقول حي قيوم !!
وانت البوديك محل الناس الراقيين دول شنو ؟
سلام حناوي !!!!!!!! |
حاولت اعمل كوتكنج لى سطر واحد من كلامك الحلووووووو ده لكن الكوتنج الجزئي ضارب ؟؟؟ عندي برضو يا الفاروق اخوى
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
نعم شلع يا ود شيقوق ولكن اظنه برقا خلب وهو الذى لا يرجى مطره لاننا كنا منتظرين الرى منك ومن بت طلحة التى غابت عن ساحتنا "ود الشلهمة" و "ودلويا كابس العتبة وختا النشال" ومن هنا اقول يا بت طلحة وينك ويا النقاط الشارحة غامض المعانى الغايسة وينك.
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: فاروق حامد محمد)
|
| Quote: لا حول ولا قوة إلا بالله !!!!!! |
الفاروق
محمد رسول الله ورسالتك وصلت طاااااااااااب الله يكفينا شرك .
انا حاسي اى حد يعمل بوست انت بتتداخل فيهو ظاهرا وباطنا ولا يستطيع سبر اغوار هذا الباطن الا الله ومن اختصهم بفضله ونتضرع الى المولى عز وجل ان نكون من هولاء .
نناشدكم لتزويدنا بمزيد من الشفافية والافصاح حتى لا يضل الاخرون من متابعة خارطة الطريق التي اختارها البوستجيون .
لك عميق ودييييييييييي
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: Rabab Elkarib)
|
وفــي مغزى الكــلام تلميــح
لــروح آمالــنا الوافيــة
ونيــة أُمــنا الصـــافية
والجغرافيــة والعــافية
وفـــي لحـــن الكـــلام قافيــة
كلام جميل يارباب الكارب ياجميلة ياأصيلة
أنا غصبا عنى الغيبة الطويلة ورجعت لقبتكم
قاطفين الورود الجاية من أجمل خميلة
نسعد د وما بتنسم عبق صلحة الكارب الذى تحملينه إلى دارنا.
كل الود
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: الملكة بت طلحة سلاما جاك ..
والحمد لي الله ... كمبيوتري اتصلح وجيتكم
أشوف كضوبات ود شيقوق الفوق دي !!!!!!!! |
حباب فاروق النار
أنا كنت مستاءة من الكمبيوتر لكن مادام انت كمبيوترك
خربان فلا أسفا علينا نحن
ود شيقوق دا كضبو ما بتحدد وكان باريتو بودرك ساكت
دحين فك دربو... وأكان درت لك فزع ما بفزعك يسوى
أضان الحامل طرشا... برى لمست منو الوطا.
دمت معافى ياالنار .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
البريق ناجانى
فى السحر بنسيمو هيج الأشجان
عددت حالى مانى
فى الأحيا ولست ميتا فان
الشيخ الحسن محمد طلحة
وهكذا تبدى لي لون حرفه
فمن ذات الإخضرار
سر إخضرارك
هي النعمة..
هنياك
فمن النبع يولد النهر
فيابخت حقولنا
بنهرك الطمي
مودتي
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
البريق ناجانى
فى السحر بنسيمو هيج الأشجان
عددت حالى مانى
فى الأحيا ولست ميتا فان
الشيخ الحسن محمد طلحة
وهكذا تبدى لي لون حرفه
فمن ذات الإخضرار
سر إخضرارك
هي النعمة..
هنياك
فمن النبع يولد النهر
فيابخت حقولنا
بنهرك الطمي
مودتي
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
البريق ناجانى
فى السحر بنسيمو هيج الأشجان
عددت حالى مانى
فى الأحيا ولست ميتا فان
الشيخ الحسن محمد طلحة
وهكذا تبدى لي لون حرفه
فمن ذات الإخضرار
سر إخضرارك
هي النعمة..
هنياك
فمن النبع يولد النهر
فيابخت حقولنا
بنهرك الطمي
مودتي
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
سمسمة وين وكيفيك انا بس قلت اسلم عليك ومافى اجمل من السلام والتحيه بابن الفارض
هلْ نارُ ليلى بَدت ليلاً بِذي سَلَمِ، أمْ بارقٌ لاحَ في الزَّوراءِ فالعلمِ
أرواحَ نعمانَ هلاَّ نسمة ٌ سحراً وماءَ وجرة َ هلاَّ نهلة ٌ بفمِ
يا سائقَ الظَّعنِ يطوي البيدَ معتسفاً طيَّ السّجِلّ، بذاتِ الشّيحِ من إضَمِ
عُجْ بالحِمى يا رَعاكَ اللَّهُ، مُعتَمداً خميلة َ الضَّالِ ذاتَ الرَّندِ والخزمِ
وقِفْ بِسِلْعٍ وسِلْ بالجزْعِ:هلْ مُطرَتْ بالرَّقمتينِ أثيلاتٌ بمنسجمِ
ناشَدْتُكَ اللَّهَ إنْ جُزْتَ العَقيقَ ضُحًى فاقْرَ السَّلامَ عليهِمْ، غيرَ مُحْتَشِمِ
وقُلْ تَرَكْتُ صَريعاً، في دِيارِكُمُ، حيّاً كميِّتٍ يعيرُ السُّقمَ للسُّقمِ
تحياتى
| |
|
|
|
|
|
|
| |
على احمد النعيم
الطيب شيقوق
مدثر ابراهيم سعيد
أبو الحسين
خالد المحرب
فاروق حامد محمد
abubakr
Ahmed Yousif Abu Harira
ماجدة عوض خوجلى
Rabab Elkarib
فيس بوك
تويتر
انستقرام
يوتيوب
بنتيريست