كتب الكاتب الفاتح جبرا المتوفرة بمعرض الدوحة
|
Re: اللهم ..ارحم عصام الخواض.. (Re: Muhammad Elamin)
|
Quote: هناك قصة ظريفة حصل لي في الصف الثاني بشندي الثانوية.. كان معي بالصف الاخ انجلو شول يعني نحن نفرين من الجنوب بالصف..صاحبي انجلو شول قام بترشيحي لتمثيل الصف باتحاد المدرسة 1989 وقلت يا انجلو ما ترشحني لن افوز ابدا الا بصوت واحد وفعلا حصلت على صوت واحد وهو صوت انجلو فقد اعطيت صوتي لزميل كان اسمه طارق الذي كان يتحدث معي دائما باللغة الانجليزية وهو من ابناء المغترب |
أعزائي.... تحياتي لكم جميعاً، يا جوك... من الواضح ان أنجلو شول رشحك في الوقت الخطأ، فاتحادات تلك الايام هي اتحادات طلاب الجبهة، وإذا لم يتحقق لهم الفوز في تلك الانتخابات لصدر قرار من إدارة المدرسة بـ"تعيينهم" أعضاء في الاتحاد. صلف وعنجهية ووقاحة أتباع الجبهة وسط المعلمين خلال تلك الفترة لم يسبق لها مثيل. فقد كان منظرا معتادا أن ترى خضر طيفور يترجل من بص مدرسة البنات الثانوية أمام النادي الثقافي الإسلامي يتقدم أعضاء اتحادات طلاب مدارس شندي لعقد اجتماعات مشتركة في النادي الثقافي الاسلامي. خضر طيفور بشير حل محل الراحل الاستاذ المصري مصطفى سلمان مديرا لمدرسة شندي الثانوية بنات، وكان خضر طيفور من قيادات الجبهة الإسلامية التي اشرفت على قرارات التشريد من الخدمة (الصالح العام)، علماً بأنه كان استاذا فقط ولم يصل حتى مرتبة وكيل! فيما يلي مداخلة ذات صلة بموضوع هذا البوست كتبتها في Re: شندي يا ناس شندي 2005
Quote: سلامي وتحاياي للجميع، اتفق بداية مع قاله ود البشرى وأبو تقى حول مقترح تناول البوست لشندي وضواحيها.... ذلك ان تاريخ المدينة وحاضرها يرتبطان ارتباطاً وثيقاً بالمناطق والقرى المنتشرة حولها... ويمكن القول أن لهذه الضواحي دور رئيسي في صياغة هوية هذه المدينة ماضياً وحاضراً، ولولاها لما كانت شندي التي نعرف. ليس ثمة شك يا حليل ربوع شندي.... ولكن دعونا هذه المرة أن نخرج مؤقتاً من توثيق تاريخها الثر ونسيجها الإجتماعي الفريد ومعالمها وملامحها وشخصياتها وظرفائها الى تناول أكثر حقبها ظلاماً وقهراً. لا يختلف إثنان حول حقيقة أن أكثر حقب السودان ظلاماً وقمعاً وفساداً وعنجهية بدأ في 30 يونيو 1989 ولا يزال جاثماً على الصدور حتى هذه اللحظة، وشندي بالطبع ليست استثناء. فالقاسم المشترك بينها ومختلف بقاع الوطن هو مصادرة إنقلاب المشروع الحضاري المشؤوم لحرية الجميع وأذاقتهم مرارة التنكيل والقتل والذل والقهر والتشريد والعوز. سلّط نظام الجبهة على مدينة شندي مجموعة أطلق يدها في "إعادة صياغة" مدينة شندي (على غِرار إعادة صياغة المجتمع السوداني) بما يتوافق مع مشروعهم الحضاري الفاشل. ففي غفلة من الزمن باتت هذه المجموعة –غالبيتها من معلمي اللغة العربية والتربية الإسلامية بمدارس شندي الثانوية- تتحكم في مصائر الجميع وبات أعضاؤها يصدرون قرارات الإحالة للصالح العام وأوامر الإعتقال وتعليمات الذل والتخويف، بل بات من المألوف مشاهدة بعضهم بعد إنقلاب 30 يونيو 1989 يمشون في خُيلاء داخل مباني جهاز الأمن، التي كانت جزءاً من مباني رئاسة شرطة شندي، في أوقات كانوا من المفترض أن يكونوا خلالها داخل الفصول يدرّسون طلابهم. هذه المجموعة من قيادات تنظيم الجبهة بمدينة شندي-بالإضافة الى بعض كوادره الوسطية- كانت هي المسؤولة عن إصدار قرارات إعتقال كثيرين وتشريد كثيرين غيرهم من الخدمة لما يسمى بالصالح العام. اما صبية الجبهة في مختلف الأحياء، فقد عملوا في ما يسمى باللجان الشعبية وكانوا يرفعون تقارير يومية لهذه القيادات تُتّخَذ بناء عليها قرارات مداهمة المنازل ليلاً بواسطة عناصر الأمن. احتلت قيادات الجبهة هذه في وقت لاحق بعد الإنقلاب، ولا تزال، مواقع قيادية في أجهزة ومؤسسات تنفيذية في المدينة رغم انه ليس لدي أي منهم أدنى مؤهلات حتى لشغل صغار موظفين فيها. وفي خضم أجواء القهر والتنكيل والإعتقالات والتشريد التي خلقها هؤلاء وكانوا مهندسيها ضد كافة منافسي الجبهة السياسيين قبل إنقلاب 30 يونيو، باتوا بعبعاً مخيفاً، خصوصاً وان عناصر الأمن وصبية الجبهة في اللجان الشعبية بمختلف أحياء المدينة يأتمرون بالفرمانات والفتاوى والتعليمات التي يصدرها هؤلاء. مورس فساد واسع النطاق خلال السنوات التي تسلطت خلالها عناصر الجبهة هذه على مقدرات ومصائر الناس وأثرت غالبيتهم بين ليلة وضحاها. مفارقات التاريخ وغفلة الزمن التي سلّطت نظام الجبهة "الإسلامية" على رقاب السودانيين هي ذات مفارقات التاريخ وغفلة الزمن التي سلطت أتباع الجبهة "الإسلامية" من أساتذة اللغة العربية والتربية الإسلامية بمدارس شندي الثانوية (منهم من لا يميّز بين الهمزة على السطر والهمزة على الياء، واقسم إنني أقول هذا الكلام حقيقة وليس استخفافاً) وغيرهم من أتباع الجبهة الآخرين الذين يعرف القاصي والداني من أهل المدينة "أخلاقهم وتاريخهم وفسادهم". إلا ان هؤلاء (ومنهم من أصبح صاحب متاجر وأعمال تجارية في سوق المدينة ولم يكن لديه حتى يوم 30 يونيو 1989 سوى مرتب معلم بالمرحلة الثانوية) أصبحوا أصحاب سلطة وبطش لا يتورعون في الفتك بكل من يتحدث، بل ويهمس، عن الثروة التي هبطت عليهم بين ليلة وضحاها. لي عودة، مع الود،
ع ع |
لي عودات كثيرة، لكم الود،
ع ع
| |
|
|
|
|
|
|
الاساتذة ,,,ضباط الامن (Re: Adil Ali)
|
الاخ جوك
Quote: subject from gorashi to jok biong mailed-by shaw.ca
الصديق جوك بيونق هل انت شقيق كوال بيونق من اولاد مربع 9 درس معى بالاهلية المتوسطة و لكنى لا ارف اخباره |
============
الاخ عادل علي
شكرأ على المرور وكما يجب التوثيق للاساتذة الاعلام ، فيجب ايضا فضج من قاموا بدور قمئ وساندوا سلطة البطش والتعذيب والسجن ،وكما ذكرت الاخت سامية احمدفي هذا البوست ان الاساتذة المصري والزين الجمري قد تم اعتقالهم بسجن شندي ولن يتساوى هؤلاء الشرفاء مع " عسس" سلطة القهر من معلمين باعوا علمهم واخلاقهم مقابل "دريهمات". ولي قصة مشهورة زمن نميري مع استاذ كوز(لا اتذكر اسمه ولكنه كان بيدرس حساب مثلثات" وقد كادت ان تؤدي لفصلي لو لا تدخل المرحوم عثمان حامد..
ولي عودة
ودالبشرى
ودالبشري
| |
|
|
|
|
|
|
Re: اللهم ..ارحم عصام الخواض.. (Re: Adil Ali)
|
شكرا يا ود البشرى مليون سلام ليك يا شندى ليك يا حسين شندى وليك ياسيف الجامعة او بالاحق سيف شندى
والف رحمة ونور عليك يا استاذنا المصرى مصطفى الذى كانت المدرسة فى عهده ملئ السمع والبصر واذكر فى الدورة المدرسية حين لعبنا الكرة الطائرة مع مدرسة بيت الامانة ورحمك الله يا محمد سيد احمد كردمان اطل طالب فى المدرسة
وحين هتف طلاب بيت الامانة الثانوية ضدنا عرب عرب عرب انبرى لهم الاستاذ المصرى وقال لهم اسكتوا يا ناس لم ينجح احد
التحية لى ناس حجر العسل حسن صالح وعلى سالم وكمال محمد يس تحية من اولاد المتمة الريح السيد سنهورى سامى على عبيد الهرع سنهورى حسن رضوان النور بلى فيصل زين العابدين عصام الشخ المرحوم عثمان سرور المرحوم البخارى
| |
|
|
|
|
|
|
Shendi (Re: Adil Ali)
|
شكرا يا ود البشرى مليون سلام ليك يا شندى ليك يا حسين شندى وليك ياسيف الجامعة او بالاحق سيف شندى
والف رحمة ونور عليك يا استاذنا المصرى مصطفى الذى كانت المدرسة فى عهده ملئ السمع والبصر واذكر فى الدورة المدرسية حين لعبنا الكرة الطائرة مع مدرسة بيت الامانة ورحمك الله يا محمد سيد احمد كردمان اطل طالب فى المدرسة
| |
|
|
|
|
|
|
Re: اللهم ..ارحم عصام الخواض.. (Re: Muhammad Elamin)
|
Quote: احمد عبد واحد هجو
هل هو شقيق الدكتور حجو عبد الواحد ؟
مع تحياتي |
ممكن يكون شقيقه الذي كان موجود في لندن انذاك في دراسات عليا... احمدعبد واحد من مربع 8 شندي فوق وزميل كلية الاقتصاد خريجي 1995. جوك
| |
|
|
|
|
|
|
Re: مدرسة شندي الثانوية الأهلية (Re: abdelkhalig elgamri)
|
هيلا هوب سوا نرفع البوست لحدى ما (اطلع صليب) الذاكرة الخرفت سلام ياود الجمري ده ما خرف لكنو عرس الكبر لاأجد ذكرا للاساتذة الرطانه ياود الجمري دي عنصرية الجعليين المابتنفع معانا منهم الناظر ممد عبدالرحيم وسبقه محمد الفاتح والدطبيب العيون الآن دكتور إيهاب دفعه قدامنا بشندي الثانوية وآستاذ التاريخ الشاعر والذي لا يزال مقيما بشندي فوق أسمو عليك ياود الجمري تمرين للذاكرة وآيضا نترحم علي الآفاضل الآساتذة الآجلاء آحمد الفكي والحاج عوض السيد والذين لا زالو آحياء آمد الله في آعمارهم الزين فرح وبالمناسبة حسن فول وين تحياتي ويسكي
| |
|
|
|
|
|
|
Re: مدرسة شندي الثانوية الأهلية (Re: فيصل محمد خليل)
|
Quote: وآستاذ التاريخ الشاعر والذي لا يزال مقيما بشندي فوق أسمو عليك ياود الجمري تمرين للذاكرة |
الأستاذ هو استاذ مصطفى وهو حلفاوي كان قد عاش في مصر وتزوج بمصرية وكان يسكن في مربع 8 شندي فوق
هذه الحكاية سمعتها منه في مرة من المرات وهو يدرس مادة التاريخ في مدرسة شندي بنات وكانت عادته أن يجلس بالقرب من الشباك الأمامي في الفصل في درج وهو يدرس مرّت بنت ... قال هذه البنت مرّت من الشباك مثل طيف جميل غشاني وانا نائم فركت كتابي وخرجت أهرع ورائها وناديتها تعالي يا أمورة ... انت اسمك ايه ؟ قات أنا اسمي فرحة .. فقال لها واين أنتِ يا فرحة .. فقالت أنا من النوراب ... فقال يا فرحة أنا عاوز أقول فيك غنوة حلوة ممكن؟ .. فقالت قل يا ستاذ ... فقال لها يا نورة النوارب يا فرحة يا بنت يا أمورة يا سمحا أنا خايف البيخدك لتقضي عليه الفرحة
| |
|
|
|
|
|
|
Re: مدرسة شندي الثانوية الأهلية (Re: Mohamed Elboshra)
|
هذه ايميلات من الاخ قرشي
Quote: سلامات الصديق محمد عثمان والله ليك وحشة سنين طويلة طبعا استاذ التاريخ هو مصطفى خضر واشتهر بكتابة القصائد لمدح الحكام العرب ومن طريفه مدح المللك فهد ارسلت له السفارة السعودية مبلغ طخم و قام كرر الحكاية مع اليبين السارة الليبية رسلت ليهو نسخة من الكتاب اخضرلا..التحية لكم جميع الاصدقاء انا ذاهب للسودان اخر الشهر اتمنى ان الاقى الناس الموجودة هناك وكل سنة وانتم طيبين |
Quote: تحياتى منذ بداية هذا البوست اصبحت ذاكرتى نشطة على الدوام.تذكرت الاستاذ ارقاوى استاذ التاريخ. الاستاذ علام على ما يبدو استاذ انجليزى.والاستاذ عكام استاذ انجلزى و هو كان جريج اققتصاد ترك مهنة التدريس و كذللك استاذ السرر تاريخ |
وتحيات للجميع
ودالبشرى
| |
|
|
|
|
|
|
Re: مدرسة شندي الثانوية الأهلية (Re: Mohamed Elboshra)
|
Quote: to [email protected] date Dec 22, 2007 11:27 AM subject Re: تغيير اسم بوست mailed-by gmail.com
الاخ بكري لقد بح صوتي وايميلي وانا اطالبك بتغيير اسم البوست وقد نصحني البعض بفتح بوست جديد للمطالبة بتغيير اسم البوست ولكن مراعاة للباندوث لم افعل علك تستجيب والسلام - Hide quoted text -
On 12/21/07, M A Elboshra wrote: الاخ بكري شكرا لرفع البوست ولو تكرمت بتغيير الاسم اكون شاكر ومقدر ودالبشرى
On 12/17/07, M A Elboshra wrote: الاخ الكريم بكري اسف جدأ للازعاج وانا ادري حجم المسئوليات الملقاة على عاتقك ولكن لمطالبة العديد من الاخوة لي بيتغيير عنوان البوست ادناه لاشراك طلبة مدارس شندي الاخرى رجاء تغيير اسم البوست التالي
http://www.sudaneseonline.com/cgi-bin/sdb/2bb.cgi?seq=m...d=120&msg=1197154763
مدرسة شندي الثانوية الاهلية الى شندي الثانوية..عبدالله الحسن..حوش بانقا
كما ارجو ان تترك البوست مرفوعا بعد الارشفة
مع خالص الود محمد البشرى
-- -------------------------------------------------- Mohamed Elboshra
|
| |
|
|
|
|
|
|
Re: مدرسة شندي الثانوية الأهلية (Re: Adil Ali)
|
Quote: والتهنئة مقدما بأعياد الميلاد، المجد لله في الأعالي وعلى الأرض السلام وبالناس المسرّة. دمتم، |
شكرا عادل والتهنئة للاخوة المسيحيين باعياد الميلاد وللجميع بالسنة الميلادية الجديدة
ودالبشرى
| |
|
|
|
|
|
|
تغيير اسم بوست (Re: Mohamed Elboshra)
|
الاخوة الاعزاء
مازلنا في انتظار مشاركة الجميع من طلبة عبدالله الحسن والحوش وطالبات شندي الثانوية وقد طالبت بكري عشرات المرات بتغيير عنوان البوست ولكن لوطالب معي محموعة من الاخوة لاستجاب بكري فلو كل واحد مننا صور الاميل أعلاه وارسله لبكري لغيير اسم البوست
فبالله ياخالد وعادل والبقية يدكم معانا
ودالبشرى
| |
|
|
|
|
|
|
Re: تغيير اسم بوست (Re: Mohamed Elboshra)
|
سلام ود البشري و تحياتي الخاصة الي أقربائي طارق وقرشي وعمهم شيخ الدين و ابن خالتهم د.محمد الفاتح (( كوريق انجي نلي ))
وكل سنه وانت طيب
* ملحوظه :عباس البشري من أبتاء المغاوير وصديقه عبدالجليل ؟؟
| |
|
|
|
|
|
|
Re: تغيير اسم بوست (Re: خالد علي محجوب المنسي)
|
Quote: شكرا ليك أستاذ خالد ونحي أبناء عمومة فيصل محمد خليل الذين لا زالوا قابضين علي الجمر الأستاذ محمد أبراهيم داوؤد ابن الشيخ أبراهيم داوؤد شيخ الطريقه البرهامية |
وكيف لا نعرف علم من أعلام شندي يرفرف فوق سمائها
بس يا اخوي قرابتك بي فيصل دي دسها قول أنا قريب نادر حسن خليل وعزمي أحمد خليل وفرمل
تحياتي واحترامي
| |
|
|
|
|
|
|
Re: تغيير اسم بوست (Re: خالد علي محجوب المنسي)
|
Quote: بس يا اخوي قرابتك بي فيصل دي دسها قول أنا قريب نادر حسن خليل وعزمي أحمد خليل وفرمل |
وكل سنه وآنت طيب أخي خالد ويكفي فيصل فخرا إنه ابن الفاضل العمدة والذي أهتم بتعليم أبناء قبيلته ولم يفرق بينهم العمدة محمد خليل أبوزيد
| |
|
|
|
|
|
|
Re: تغيير اسم بوست (Re: خالد علي محجوب المنسي)
|
ألاخ العزيز عمر حسين عبدالماجد
Quote: أصلو المقيمين فى إنجلترا جنهم تسوق من دبى قوليهو من دفعتنا فى شندى الأهلية نصر الدين عبد الله وعبد الدائم عبد الرحمن وعبد السميع السيد المجذوب وعثمان السيد عبد القيوم وعبد الرؤوف المزمل وعادل الخليفة وعبد الجبار عبد الله وبكرى ود الجبل والسر عثمان الخير |
بالحيل كل الذكرتهم هم اولاد حلتنا واهلناوبعضهم لي سنين ماقابلتهم لاني شايل "عصاتي" فوق كتفي من 1987 وحايم ببلادالله الواسعة، واذا كان الجماعة ديل دفعتك فالفارق العمري بيننا ماكبير، عثمان السيد عبدالقيوم كان معي بانجلترا والان هو جاركم في الدوحة كمترجم بقطر...وعبدالسميع موجود بكندا ، عبدالرؤوف اخر مرة قابلتو في ليبيا 89-1990 /عبدالدائم اظنه بالسعودية ولو تحصلت علي اخبار ساوافيك بها
ودالبشرى
| |
|
|
|
|
|
|
Re: تغيير اسم بوست (Re: Mohamed Elboshra)
|
الاخ الريح السيد سنهورى
شكرا علي المشاركة وقد اتعبتنا بالبحث عن مداخلاتك لانها ظهرت في المداخلات المتفدمة رغم انك كنت اخر المتداخلين دحين يا الريح نحن ما دفعة والله ده سنهورى تاني؟؟؟؟؟ ومن دفعتنا كان عبدالعظيم الدرابي وحافظ محمدحسن وعبدالملك
ولك الود
ودالبشرى
| |
|
|
|
|
|
|
Re: تغيير اسم بوست (Re: Mohamed Elboshra)
|
from عمار عطا الفضيل ميرغنى زروق
Quote: date Dec 26, 2007 8:25 PM subject شندى الثانوية بنين mailed-by hotmail.com
عزيزى الأخ ود البشرى كم كنت سعيدا جدا وانا اتنسم عبير مدرستى العريقة من خلال ما سطره يراعكم ومن معكم من الأخوان الأفاضل الذين أعتز كثيرا بصداقتهم وزمالتهم ابان فترة الدراسة بذلك الصرح الشامخ وكم ازددت سعادة وأنا أرى أحرف أبناء دفعتى تزين صدر هذا البوست ( قرشى محمد اسماعيل وشيخ الدين اسماعيل ونزار حسين ) وسرحت مع أطيف الخيال وانا استذكر ذلكم العقد الفريد من الأساتذة الأجلاء الذين تم ذكرهم ولكنى هنا أذكركم بشخص مهم جداً ألا وهو مدير المخازن الحكم ( حسن فول ) صاحب الموتر الفيسبا ، وبالإضافة لما ذكره الأخ قرشى من زملاء الدفعة كان هناك الأخوان ياسر عمر الخواض و جلال حسن عوض واسامة تاج السر الجمرى وعبد الحى محمد الخير ومحمد ابوسن وطارق محمد اسماعيل وعمار الهادى احمد الشفيع والزبير نايل والكثير ممن غيبتهم الذاكرة ، فلكم الشكر الجزيل على هذه النفحة التى أصابت مكامن الوجد والهوى والشوق .... ودمتم عمار عطا الفضيل ميرغنى زروق ابوظبى-الأمارات العربية المتحده |
| |
|
|
|
|
|
|
Re: مدرسة شندي الثانوية الأهلية (Re: Mohamed Elboshra)
|
الأخ الأكرم ود البشري
نزف لكم التهنئه بنيل الأخ و الزميل الدكتور محمد الحاج عوض السيد بنيل الزمالة البريطانية لامراض الطب الباطن وهو نجل الأستاذ الحاج عوض السيد أستاذ التربية الأسلامية بشندي الثانوية وشقيق الأستاذه أسماء الحاج عوض السيد المعلمة بشندي الثانوية ود الحاج ورانا بدفعتين بشندي الثانوية ونزف التهنئه لأصدقائه و أهله ونتمني له التوفيق ونقول له شندي بانتظارك
| |
|
|
|
|
|
|
Re: مدرسة شندي الثانوية الأهلية (Re: محمد عثمان محمد طه)
|
Quote: وكل سنه وآنت طيب أخي خالد ويكفي فيصل فخرا إنه ابن الفاضل العمدة والذي أهتم بتعليم أبناء قبيلته ولم يفرق بينهم العمدة محمد خليل أبوزيد |
ما عندنا كلام في العمدة محمد خليل أبوزيد وأعماله العظيمة لشباب المجراب خاصة وبنو حلفا عامة .. لكن النار بتخرا الرماد يا محمد عثمان.
والله بأمانة يا محمد فيصل حبيبي شديد يوماً بيننا اتصال هاتفي عن طريق النت وبخرم لي لما يكون غير موجود في الخط . اسمع عنواني في البريد [email protected] ارسل لي رقم تلفونك الثابت في البيت
| |
|
|
|
|
|
|
Re: مدرسة شندي الثانوية الأهلية (Re: خالد علي محجوب المنسي)
|
ياشباب
وين المشاركات والذي اعرفه انو هناك مجموعة من الشباب عندهم عضويةبالمنبر وقد رايناهم يشاركون في بوست "ناس شندي" بقوة ومواظبة ولكنهم اختفوا من هذا البوست تماما.. بالله ياخالد شوف الجماعة ديل ...خليهم يثروا البوست بمشاركاتهم
وللجميع الود
ودالبشرى
| |
|
|
|
|
|
|
بكري ..مازال يمارس الخيانة..تجاه البوست (Re: Mohamed Elboshra)
|
استاذي عادل hoe gaat het ik hoop dat alles gaat het goed met je bedank voor je e-mailtjes
groetjes
Quote: الأخ الأصغر (تلميذي السابق ) ود البشري ....بشري و سلام و 1000 تحية مرة أخري ....و كل عام وأنت و شندي الثانوية و شندي العزيزة و بالذات قرية الفجيجة ! بخير ... سلامي للأخ خالد ود صولنا العزيز علي محجوب = علة يذكر أني كنت و زميلي جون هوزلر( الخواجة ) كنا نستأجر منهم منزلا بحي القرداب = لا أظنه يذكر ذلك ، ولا أظن أيضا أن يذكر الأبن قرشي أني حضرت خصيصا من عطبرة = حيث نقلنا = في معية المرحوم الاستاذ عربي لزيارة والده المرحوم محمد اسماعيل عندما سمعنا بتدهور صحته ، و كنا الي جوارسريره في مستشفي شندي حتي لحظاته الأخيرة و الي وقت دفنة و اقامة مأتمه و غادرنا بعدها قافلين الي عطبرة لا يحدث أحدنا الأخر حتي وصلنا !! . . .... ذكر أحد المتداخلين أخونا حسن فول = محاسب المدرسة ، هذا الرجل كان من أهم الشخصيات في المدرسة ، و لا عجب ، فقد كان هو من يقوم (بتضريب ) حساباتنا و مرتباتنا و علاواتنا و هو رجل طريف جدا و ( حكم دولي ) كذلك ، و كان بعد أن يدقق في الحساباب و يضبطها ، يكشف ( كشفا = الكشف هو نوع من الرقص تعبيرا عن الفرحة ! و كان في حالة حسن فول ، هو تعبير عن الفرحة بالانجاز الدقيق) و ينادينا للصرف ! ومن المأسي انه فقد بعض فلذات كبده في حادث حركة مؤسف بشندي سنة 86 علي ما أذكر ، و الرجل من أبناء الدامر ، و لكنه مثلي وقع في حب شندي ، و لافكاك ! و هنا أرجو أن أوضح لك ما ذكرته أعلاه بشأن سلامي (الخاص ) لأهل قرية الفجيجة البديعة ... فقد تزوجت منها بعد أكثر من 20 عاما من مفارقتي لأجمل مدن السودان قاطبة = شندي = ( بعد ) بربر طبعا ... و كان الأخ الزين الجمري (شاهدا) هنا في روتردام بعد سنوات طويلة .... التحية لكل الاْخوة المتداخلين ( من دون فرز). لدي الكثير، المثير، الخطر، عن تلك المدرسة و المدينة الرائعتين ، عن عبدالجليل و عم حسن و ختم و محمد علي عبود و حسن حامد محضر المعمل و عباس الباشكاتب العصامي الذي فلح في دخول جامعة الخرطوم و الطباخ مبروك و الفراش ابراهيم ووووووو.... و أتمني ان اْْجد الوقت (لاْمايلك ) بها.... ع.ب.السنوسي روتردام / هولندا |
| |
|
|
|
|
|
|
Re: بكري ..مازال يمارس الخيانة..تجاه البوست (Re: Mohamed Elboshra)
|
ود البشرى والمتداخلون....لكم التحايا جميعا، عاطر التهاني للاستاذ عادل بدوي السنوسي.... وبيت مال وعيال، وفي انتظار المزيد من جراب الذاكرة. رسالة عادل بدوي تناولت أسماء ورد بعضها في مداخلات سابقة في بوست Re: شــندي ياناس شـندي من ضمنها المداخلة أدناه للأخ نزار حسين حول العم محمد حسين (كسلا):
Quote: يا عادل...عايز تقول تركوا تدريس هذه الروائع في الثانوي العالي؟؟ طيب بقروهن شنو؟؟؟ ....ألم اقل لك انك اكثرنا عافية ذاكره...ذكرتني الآن اروع انسان بسيط مرّ علي بشندي...عمنا محمد حسين كسلا...رجل بسيط حد البساطه وبشوشا يجلب المطر...كان يتشرف بخدمة الآخرين ويستمتع بها...لا تجده واقفا عن العمل الي في حلقة نكته يضربها حوله الطلاب...وخصوصا طلاب الداخليه...يا عم محمد حسين مالو ما عندكم معالق في السفره...عايز تسوط بيها شنو يا ولدي...النيم دا بلا السواطه زرعوه لي شنو...امش اكسر ليك فرع نيم والله مسكيت وسوط العايز تسوطو....ويقوم يحكي نكته...مرّ في واحد زميلكم من ..... جابوه جديد هنا ...شوف عيني لقيتو يسوط بي اصبعو قلت ليه يا ولدي الشاي بحرق اصبعك شيل ليك ملعقه من السفره...قال لي المعالق جمعوهن للغسيل...قال قلت ليه طيب انت راجي مكوتن...ما تشيل ليك واحده تغسلا براك...ومن يوما الداير يسوط بقول ليه بس اقع الشدر دا اكسر ليك فرع وسوط... يا تري وين عمنا محمد حسين كسلا...
نسيت يا عادل علي حسن فول...هل تذكره؟؟؟ |
| |
|
|
|
|
|
|
Re: بكري ..مازال يمارس الخيانة..تجاه البوست (Re: Adil Ali)
|
مداخلة أخرى حول شندي الثانوية في نفس البوست المشار إليه:
Quote: عزيزي كوستا.... الربط بين هذه الأشياء الاربعة: شندي الثانوية والباستيل والناظر مصطفى (تقصد مدير المدرسة الراحل الأستاذ المصري مصطفى سلمان) واستاذ الكرونكي يعني، فيما اعتقد، إنك كنت في شندي الثانوية خلال فترة آخر السبعينات، ربما حتى 1979، وهو العام الذي انتدب فيه الكرنكي وعمر حسن للتدريس بكلية الآداب بجامعة امدرمان الإسلامية. ولكن دعنا نتعرض لهذه النقاط واحدة واحدة. شندي الثانوية بنين... صرح تعليمي عريق... أكاديمياً لم تكن أقل مستوى من المدارس الثانوية التي تأسست قبلها في حنتوب ووادي سيدنا ورمبيك وبورتسودان ومريدي ومروي وعطبرة. إلا أن أكثر الفترات التي برز خلالها نجم "شندي الثانوية بنين" عالياً كانت تلك التي عمل خلالها الراحل الأستاذ المصري مصطفى سلمان مديراً للمدرسة ابتداء من مطلع السبعينات وحتى عام 1981 قبل نقله الى مدرسة عطبرة الثانوية حتى عام 1986 ثم شندي الثانوية بنات حتى اكتوبر 1989 حيث أحيل الى ما يسمى بـ"الصالح العام" في أول شهور حقبة الإنحطاط التي بدأت نهاية يونيو 1989. فخريجوها خلال تلك الفترة ملأوا مدرجات الجامعات والمعاهد العليا وعملوا فيما بعد في مختلف المجالات داخل وخارج السودان. إلا أن الأستاذ المصري مصطفي سلمان ليس بالشخص الذي يمكن أن نذكر سيرته عرضاً فقط هنا، فعَظَمة هذا الرجل وسيرته العطرة وعلمه الغزير ومعرفته الموسوعية وحكمته وتواضعه الجم وعطائه الذي امتد عقود تستحق كتابة مؤلفات... عطر الله ثرى استاذ الأجيال المصري مصطفى سلمان ولا بد أن نفرد له مساحة معتبرة في هذا البوست. ليس ثمة شك في أن الحديث حول مدرسة شندي الثانوية بنين يكون ناقصاً إذا لم نذكر داخلية الباستيل. فهذه الداخلية، والمعلم التاريخي، بالقرب من مكتب الآثار وسوق القش وسق الفحم (سابقاً) وقعلة شنّان والطرف الجنوبي لـ"حلة البحر"، تختلف بعض الشيء عن بقية داخليات شندي الثانوية بنين –دقنة والنجومي ومربع 6 واخرى لا أذكرها- في بعض الجوانب. فبقية الداخليات عبارة عن مبان مدرسية اعد تصميمها كعنابر داخليات في الأساس مطلع عقد الستينات، فيما كانت داخلية الباستيل "بناء انجليز" وكانت خلال حقبة الاستعمار السجن المحلي لمنطقة شندي قبل تشييد السجن الحالي أواخر الخمسينات- ومن هنا جاءت تسمية "الباستيل"- كما ان عنابرها كانت اصغر حجماً وعدد الطلاب القاطنين بها أكبر مقارنة بالداخليات الأخرى ولم تكن تعاني من ظاهرة إزدحام العنابر كما هو الحال في الداخليات الاخرى، لذا فإن الطلاب الذين سكنوها كانوا يعتبرون أنفسهم أفضل حالاً من سكان الداخليات الأخرى. كوستا... طالما تطرقت إلى سيرة الأستاذ الكرونكي، شعبة اللغة الانجليزية، دعنا نمر مروراً سريعاً على من تسعفني الذاكرة الخربة على ايراد اسمائهم هنا من الاساتذة في بقية الشُعب والإدارة: مدير المدرسة آنذاك كان الراحل المصري مصطفى سلمان ووكيل المدرسة الراحل الاستاذ الشيخ محمد نور. شعبة اللغة الانجليزية: الاستاذ الكرونكي، عمر حسن، حيدر حامد الحسن، عثمان كايدون، عبد الله المساعد، Mr. Killiman –استاذ بريطاني لا أذكر اسمه الأول-شعبة الرياضيات: عباس حسن (عباس جتا) القاضي، السر ابركات، أحمد سعران، محمد السر عثمان ابنعوف، علي الماحي. شعبة اللغة العربية والتربية الإسلامية: الاساتذة أحمد موسى، يوسف عبد الله، بابكر عوجابي، محمد محمد خير، الباهي، عباس عبد الله فضل السيد، عبد القادر قرشي، اُرصد. العلوم: احمد الفكي، احمد يونس عطية (مصري)، زكريا (مصري)، حنا (مصري)، المطري، الخواض. الجغرافيا: أحمد سلمان، هاشم دفع الله: التاريخ: أمين عبد المنعم، السر قرمبع، مصطفى خضر، حسين جميل. الفنون: عثمان حامد، حسّـان. هؤلاء ليسوا كل من عمل في تلك الفترة وإنما فقط الذين ساعدتني الذاكرة على إيرادهم في هذه الكتابة المتعجلة. |
| |
|
|
|
|
|
|
Re: بكري ..مازال يمارس الخيانة..تجاه البوست (Re: Adil Ali)
|
الاخ عادل علي
شكرا لك علي اثراء البوست بتلك المساهمات القيمة والروح "التوثيقية" الهميمة وياحبذا لو شاركنا البقية بمالديهم من تجارب وذكريات ولو عن طريق الايميل وقد نسيت في مداخلتي السابقة ان أهنئ استاذنا عادل بدوي السنوسي وبت الفجيجةبمناسبة الزواج وانشاء الله بالرفاه والبنين
وتحياتي للجميع
ودالبشرى
| |
|
|
|
|
|
|
محسن خالد..فك الحصار (Re: Mohamed Elboshra)
|
الاعزاء
أثناء تصفحي لمكتبة الاديب بن شندي الثانوية محسن خالدبسودانيز اونلاين عثرت علي "كليمات" حزينة من محسن بحق استاذه عثمان وزميلاه عبدالرحمن التلب وعلاء الدين جمعة والذين غيبتهم يد المنون ن دنيانا(لهم الرحمة) ومطالبتكم معانا لاستدراج محسن لهذا البوست حتي يسهم في مزيد من التوثيق
تموليلت: سيرة وحَجَر
Quote: لأيام لم أرَ حياتي شاسعة بما يكفي،.. ناقصة وكئيبة، وإن تبدُ من الخارج مترفة وشَبِعة وبوسعها أن تغوي عروساً،.. تذكرتُ صديقي علاء الدين جمعة حين كُنّا طلاباً في مدرسة شندي الثانوية،... صديقي وقريبي عبد الرحمن أحمد التلب، منذ الابتدائية وحتى الثانوية،... أستاذي وصديقي عثمان حامد مدرّس الفنون بمدرسة شندي الثانوية،.. علاء الدين كان الأول في الرسم على مستوى المدرسة، لا منافس له أبداً،.. مدثر يحيى ومحسن خالد كانا رسامين ممتازين ولكن بمستوى أقل من علاء الدين بكثير كنا نجلس كثيراً في مكتب أستاذ عثمان فنون-حامد،... لا أدري ما الذي قادني ليلة أمس لذلك المكتب، ولأكتشف... حينما دخلنا الجامعة، تخلّف علاء الدين لأنّه تُوفي بعد الامتحانات، وحَقّق درجة عالية جداً، أصبحت عاطلة وأرملة بعد رحيله،.. مدثر يحيى دخل اقتصاد الخرطوم، وأنا اخترتُ اقتصاد الجزيرة من أجل دراسة التنمية الريفية وعبد الرحمن دخل اقتصاد أم درمان الإسلامية،.. قبل نصف عام تقريباً رحل عبد الرحمن أحمد تاركاً تلك الذكرى وحبيبة خلفه، ياما بكت قبل أشهر رحل عثمان حامد تاركاً خلفه أسرة ولوحات كتيرة، تلاميذ ودنيا لم يتبقَ إلا وغدان، مدثر ومحسن،.. البارحة حزنت جداً، لأنه لا يمكن استعادة تلك الجلسات التي ضمتنا معاً،.. رَكّز لدى كل لحظة يا قلب إذاً،.. وداعاً غالياً أيها الأصدقاء كل عام وأنتم بالساهرة |
مع تحياتي ودالبشرى
| |
|
|
|
|
|
|
Re: محسن خالد..فك الحصار (Re: خالد علي محجوب المنسي)
|
الأستاذ جون عندما نوى الزاوج طلبوا منه إعلان إسلامه قبل الزواج من مسلمة نطق الشهادة أمام القاضي الشرعي في محكمة شندي وبعدها أوضح له القاضي الإسلام وما عليه من واجب
بدء يعدد له خلاص من اليوم شراب عرقي مافي ومافي ... ومافي
فكان رد جون له يا مولانا أنا ماعاوز زي إسلامك انتَ انا داير إسلام زي إسلام عبدالحليم مرحوم واستاذ حافظ
| |
|
|
|
|
|
|
يازول..كلنا .شيبنا ..وماك براك (Re: خالد علي محجوب المنسي)
|
الاخ عوض عبد الله بخيت لك التحايا العطرة وشكرا على الايميل الظريف واتمنى ان يجد بعض زملاء الدراسة ايميلك وتتم مراسلتك عن طريقه وتحياتي عبرك لاهلنا بالصلوعاب
Quote: الأخ محمد البشرى تحية طيبة
أشكرك على فتح هذا البوست الجميل والذي أعاد لنا شذى جنائن شندي الفواح وعطر غربتنا الكئيبة بأريج هذه المدينة الجميلة وغسل عنا بعض أحزاننا بماء نيلها العذب الرقراق عند المشرع ، وكما أفرحني هذا البوست فقد زودني ببعض الأحزان لدى علمي بفقد بعض أساتذتي الأجلاء كالمربي الفاضل المصري مصطفى والأستاذ محمد إسماعيل والأستذ أحمد الفكي وغيرهم عليهم جميعا الرحمة والمغفرة من رب العالمين ، كذلك أحزنني فقد بعض الزملاء الذين لم أعلم بموتهم إلا من خلال هذا البوست كالإخوان محمد عثمان سرور والبخاري وكردمان والذين علمت بوفاتهم من مداخلة الدكتور الريح السيد السنهوري الذي أوجه له تحياتي العطرة فهو دفعتي في الأموي المتوسطة 1972- 1975م وشندي الثانوية 1975- 1978م ومداخلته هي التي شجعتني على الدخول لهذا البوست حيث أن أغلبية المتداخلين من الشباب ونحن أصبحنا من العجائز نسبيا غير أن هناك من هو أعجز منا مافي داعي لذكر الأسماء، وأود أن أغتنم هذ الفرصة وأسلم على كل دفعتي بشندي الثانوية وأذكر منهم بالإضافة إلى ما ذكرهم زميلي الريح سنهوري ، الإخوة : عبد الوهاب عبود ( قندتو ) ، ناصر مصطفي ( الكردة ) ، متوكل كرم الله ( كلي ) ، عبد الرحمن أحمد ( كمير العوضية ) ، بابكر سلومة وعوض الكريم علي حامد ( الكردة )، المرحوم سامي عطية ( القوز ) ، بالإضافة لأبناء الصلوعاب : ربيع بانقا عبد الرحمن محجوب ، عابدين موسى ، التوم إبراهيم ، مصطفى وأحمد وقيدي وغيرهم ، كما أوجه تحياتي للأخ الدكتور كمال محمد أحمد إدريس ( شندي ) وهو من الدفعة السابقة لنا وهو من الشخصيات التي لا يمكن نسيانها ، وكذلك الأخ الدكتور عصام عبد الله التوم ( الصلوعاب ) وغيرهما ممن لم أستطع تذكرهم الآن
وتحياتي لكل من شارك في هذا البوست وتحية خاصة لك وللأخ المنسي ، ولكل من علمني حرفا
أخوكم / عوض عبد الله بخيت / الصلوعاب / شندي الثانوية 1975- 1978م
[email protected] |
مع خالص الود ودالبشرى
| |
|
|
|
|
|
|
Re: العالم..قرية..والبعض يظن..انه سيخدع الكل (Re: Mohamed Elboshra)
|
أضم صوتي لصوت أخي ودالبشرى وأناشد كل درس في مدارس شندي الثانوية
- مدرسة شندي الثانوية بنين - مدرسة شندي الثانوية بنات - مدرسة عبدالله الحسن الثانوية - مدرسة حوش بانقا الثانوية أرجو المشاركة ولو بسطر حتى تحرك خلايا ذاكرة مخ من كانوا أيام دراستك ... أولهم أعنيك يا سامية أحمدونة ( سامية أحمد عوض الكريم سليمان ) .. أرجوك أن تذكرينا بأيام دراستك في شندي الثانوية أيام الزمن زين وحظيتن أنتنّ بنات القسم الخارجي بالمواصلات ببص شندي وسائقة العم الجميل محمد البشير عليه رحمة من الله. واعنيك يا جلال عمر الفضل والزين الجمري وحرمه أمال التوم ( ماحرم مرت خلف الله ودبلول ) أرجو منكم المشاركة وبطلو الكسل.
عنواني :::::
[email protected]
| |
|
|
|
|
|
|
Re: العالم..قرية..والبعض يظن..انه سيخدع الكل (Re: خالد علي محجوب المنسي)
|
أعزائي.... تحياتي لكم جميعاً، أعود الى تسليط الضوء مجدداً على بعض أساتذة اللغة العربية والتربية الإسلامية في ثانويات شندي...اولئك الذين أصبحوا في طرفة عين من علية القوم وأصحاب سلطات مطلقة، يعدّون قوائم الاعتقال والتشريد من الخدمة، بمن في ذلك زملاؤهم في المهنة وفي نفس المدرسة. تباً لمفارقات القدر التي جعلت هؤلاء أصحاب جاه وسلطان! مداخلة سابقة من بوست Re: شندي يا ناس شندي 2005
Quote: أعود مرة اخرى (وبالتأكيد مرات كثيرة مقبلة وبالتفصيل) الى مافيا الجبهة السياسية في شندي وكابوسها الذي أطبق على المدينة وعناصر أمنها وحملات الفصل والاعتقال التي طالت كثيرين غداة الإنقلاب المشؤوم في 30 يونيو 1989. المجموعة التي ذكرتها في بوست سابق (مجموعة من أساتذة اللغة العربية والتربية الإسلامية)، بالإضافة الى عناصر أخرى من أتباع الجبهة في مؤسسات أخرى في المدينة، أصبحت هي السلطة الفعلية المسؤولة عن "كل شيء" بالفعل في المدينة. كان منظراً مألوفاً أن ترى مدير مكتب الشؤون الدينية (شيخ الزين) واستاذ التربية الإسلامية بمدرسة شندي الثانوية بنين، صغيرون الشيخ (رئيس مجلس شورى الولاية فيما بعد) وهما يدخلان (يقدلان) عبر البوابة الرئيسية لمركز الشرطة باتجاه مكاتب الأمن داخل المجمع، وكان مكتب الأمن حينها، كما هو واضح، مسؤولاً أمام قيادة الجبهة في شندي. عباس أب دقينة (عباس عبد الله فضل السيد)، الذي أشار إليه ود المدفع، أصبح بعد بضعة أسابيع فقط من إنقلاب الجبهة على رأس سلطة مجلسي بلدي وريفي شندي، علماً بأنه كان استاذاً للتربية الإسلامية بمدرسة عبد الله الحسن الثانوية وليس له أدنى دراية بالإدارة أو التقسيمات الإدارية او شؤون المجالس والإدارات المحلية. حقيقة أتى هؤلاء في غفلة من الزمن!! وتسلطوا على رقاب الناس وبطشوا بهم في غفلة من الزمن، وباتوا يتحكمون في مصائر البشر في غفلة من الزمن، أوليس من العبث ومفارقات الدهر أن يتخذ أمثال هؤلاء قراراً بإحالة استاذ الأجيال المصري مصطفى سلمان لما يسمى بالصالح العام في 1989؟ أوليس الفوضى بعينها أن يحل محله في إدارة مدرسة شندي الثانوية بنات رئيس شعبة اللغة العربية خضر طيفور بشير (قيادي في الجبهة)، الذي كان رئيساً لشعبة اللغة العربية ولم يصل حتى إلى درجة وكيل؟ أي مفارقات هذه التي تجعل مصائر البشر تحت رحمة أمثال هؤلاء-الذين لم يكن يحلم معظمهم بالوصول الى الدرجات الوظيفية الخاصة بالإدارة المدرسية- وأي فوضى هذه التي تضع في يد استاذ للتربية الإسلامية أو مدير لمكتب الشؤون الدينية سلطة إحالة حتى الأخصائيين مثل سعيد الأقرع والخواض لما يسمى بالصالح العام؟؟ |
| |
|
|
|
|
|
|
Re: العالم..قرية..والبعض يظن..انه سيخدع الكل (Re: Adil Ali)
|
رسالة وصلتني من الجميل مصطفى حسن الفضل القاضي من أبناء شندي فوق مربع سبعة ( بالقرب من اللالوبا يا عادل عمر )
Quote: التحايا والاشواق من هنا لاعندك لك ولكل الذين كتبو عن شندى اتابع ما يكتب ويزداد الفخر با نكم من شندى ربما اعود للكتابة لك لاحقا دفعتى فى شندى الثانوية فقدنا فيها اميز واجمل ابناء شندى عمر عامر جمال الدين عمر سراج مدنى علاء الدين حسين |
| |
|
|
|
|
|
|
Re: انا..بقيت... زي.. ديك البطانة (Re: Mohamed Elboshra)
|
سلام يا قريبي ود البشرى كل عام وأنت بخير، وضيوفك الكرام، وتحياتي لمدرسة شندي وكلّ من مرّ بها سمح، بجيك تب كل ما لقيت فرقة من ليركس مصطفى، باقي في رقبتي ديون معرفية لأساتذة جميلين كانوا بمثابة الأصدقاء أولاً وممتداً كن بخير
| |
|
|
|
|
|
|
Re: يا جماعة...عندي عواسة (حلو مر) (Re: خالد علي محجوب المنسي)
|
Quote: من ابناء المسيكتاب الذين اتذكر القابهم:جحه وكوريناوفي الصف الاول استاذ رياضيات عوض الجد JOK BIONG
|
إزيك يا جوك، وكل عام وأنت بخير الزميل (جحا) من المحمية وليس المسيكتاب. الزميل (كورينا) من قوز الحاج. أستاذنا عوض الجيد من الجزيرة والله أعلم. إنت شكلك نسيت أولاد المسيكتاب الكانوا معاك في فصل واحد، خليهم الفي باقي المدرسة، أنذكّرك ليهم في فصل (جَمّاع). 1 – عبد البديع أحمد الخليفة. دا أصفراني كدا وكان قاعد يساري أنا. 2 – أبو عاقلة عبد الله المزمّل. كان بيلبس نظارات وما زال. ودا كان قاعد وراك إنت دا طوالي. 3- سامي الزين الأمين. ودا كان قاعد في الناحية التانية اللهي اليمين من الفصل. 4- محسن محمّد خالد، ودا ياهو أنا يا دفعة. وكنت قاعد أمام جارك من ناحية اليمين، وإنت قاعد بجوار النافذة طوالي، مطلاً على ملعب كرة السلّة. افتكرت وألا أنا خرفان؟
قلت يا جوك:
Quote: وفعلا حصلت على صوت واحد وهو صوت انجلو فقد اعطيت صوتي لزميل كان اسمه طارق الذي كان يتحدث معي دائما باللغة الانجليزية وهو من ابناء المغترب JOK BIONG |
أنذكّرك باسم طارق، اسمو طارق هاشم، كادر جبهة ديموقراطية شهير لاحقا، فقد دخل هندسة خرطوم وتركها وذهب للدراسة في روسيا. أنجلو شول طبعاً كان من أبناء منطقة جبال النوبة وليس الجنوب، ومن المستوطنين في شندي منذ زمن بعيد، وأبوه –والله أعلم- كان ضابطاً كبيراً في الفرقة الثالثة مشاة بشندي. أها لو متذكّر كلام طارق معاك باللغة الإنجليزية معقول تكون نسيتني؟ أنا كنت بتكلّم معاك باللغة الإنجليزية أكثر من أي شخص آخر في المدرسة كلها. وكنت تقول لي: أنت تتكلّف لا داعي لاستخدام الكلمات الصعبة، وألا نسيت وبقيت عجوز زيي كدا!؟ إزيك يا دفعة وأريتك بخير وطيّب، أها شن خبرك وكيف الدنيا عاملة معاك؟ عرّست وعملت وليدات وألا لساك طاشي زينا كدا؟
| |
|
|
|
|
|
|
Re: يا جماعة...عندي عواسة (حلو مر) (Re: محسن خالد)
|
الأخ الفاضل / محسن خالد تحية طيبة وسلااااام أنا من المعجبين والمتابعين لبوستاتك .. وأول مرة أعرف أنك من شندي من المسيكتاب ابقى قريب ولا تطول الغيبة عن هذه الدوحة الوارفة ظلالها( دوحة ودالبشرى ) للم شمل وتواصل كل من درسوا في مدارس شندي الثانوية.
لك أخلص التحايا والمودة
خالد محجوب
| |
|
|
|
|
|
|
Re: يا جماعة...عندي عواسة (حلو مر) (Re: خالد علي محجوب المنسي)
|
Quote: محسن محمّد خالد، ودا ياهو أنا يا دفعة. وكنت قاعد أمام جارك من ناحية اليمين، وإنت قاعد بجوار النافذة طوالي، مطلاً على ملعب كرة السلّة. افتكرت وألا أنا خرفان؟ |
خرفـان يا محسن ...الفصل المطل على ملعب كرة السلة أولى (مهدي)...بعدها طوالي جمـّاع ثم شعبة الرياضيات والبرندة الفاصلة بينها وشعبة اللغة الانجليزية وبعدها أولى (ترهاقا). كان عندك راي تاني قول لي...ونشوف الخرفان منو. كن بألف خير.... وبركة الشفناك أخيراً.
ع ع
| |
|
|
|
|
|
|
Re: يا جماعة...عندي عواسة (حلو مر) (Re: خالد علي محجوب المنسي)
|
مرحبتين يا خالد المنسي، كل عام وأنت بخير ولك أجمل المودّات وأحياها يا زول أخوك راعي من تلك الأصقاع ومدرسة شندي كانت وما زالت محطّة خالدة في حياة الكثيرين كن بألف خير
عادل علي إزيَّك وكل عام وأنت بخير والله "جمّاع" دي كتبتها وخايف منّها، إنت متأكّد إنو الفصل الطرفاني، المنّو والكشك الفي الكورنة اسمو مهدي؟ برضو شكّيت في كلامي عن أنجلو شول، ربما أنا أقصد أنور ود جبال النوبة، والله أعلم كان كدي غايتو نقوم نلحق نعرّس ساي. يضحك نهارك
الشعبتان بالطبع لا تُنسيان، القدّامية الإنجليزي وهذه شهدت أساتذة كثيرين ومشهورين أمثال: الزين الجمري وحافظ وعبد الله أبو قصيصة ومحمود –لا أذكر اسمه الثاني مستر جون البريطاني، لكن نحن ما قرّانا
أما شعبة الرياضيات: صلاح خراساني وسعران وعوض ضحيّة وعوض الجيد
الفيزياء: (إمام) الرجل الشاطر والنابغة
العربي كان أشهر أستاذ له هو الكتيابي ومحمود قبّاني وهاشم الخليفة
والله أنا فعلاً خرفان، لقيت روحي نسيت نسيان شديد
| |
|
|
|
|
|
|
Re: يا جماعة...عندي عواسة (حلو مر) (Re: خالد علي محجوب المنسي)
|
الزول الزين ودالمنسي
Quote: نـــــــــــــــــداء لكل من درسوا في مدارس شندي شندي الثانوية بنين شندي الثانوية بنات عبدالله الحسن بنين حوش بانقا بنين |
يازول يظهر دعوتنا للجماعة ديل فسروها بُخل مراكبية ما كرم مراكبية.. قول لي :....كيف؟ الجماعة بقولوا ليك دي "عزيمة مراكبية ساكت" فهم عندما يقصدون انك بخيل يقولوا ليك " الزول يعزم علي السمك ..وهو مركبو في نص البحر..يحصلو كيف ده؟" وده يظهر تفسير ناس المدارس الفوق ديل..
وبيقولوا "دي عزومة مراكبية" دلالة علي الكرم لانوا المراكبي يعزمك علي" السمك في البحر" وهو لسه م اصطادوا وانت يك الاخير ده وامسك في محسن خالد ده اهلو مراكبية و"بيشبعك" من نوادرهم
ويضحك نهارك
ودالبشرى
| |
|
|
|
|
|
|
Re: مدرسة شندي الثانوية الأهلية (Re: Mohamed Elboshra)
|
الأخ / محمَّد البُشْرَى :
لزميلِكَ الرحمةُ والمغفرة ،
أتمنَّى أنْ يُسْكنَـهُ اللهُ فسيحَ جِنانِهِ
، وألهَمَكُم ربِّي الصَّبرَ
وجميلَ العـزاءْ ..
وآملُ أنْ يَكُونَ " مَوْضُوعُكَ "
هذا بادرةً طيِّبةً تَلُمَّ شَمْلَ كلِّ مَنْ
لهَتْهُ الدُّنيا وآلامُها عنْ مُعانقةِ أصدقائهِ
ورفقاءِ دَرْبِه وأهلِهْ ..
والتحيَّةُ لشندي وأهلِها ومَدارسِها ،
ولكَ تحديداً كلُّ احترامْ ..
لديَّ طلبٌ بسيطٌ آملُ أنْ يَكُونَ لهُ مكانٌ بينَ
زحمةِ أشيائِكَ وُهُوَ :
إنَّ جَدِّي لوالدتي ( محمَّد الريَّح ) من هُناك قَدِمَ مِنْ شندي قبلَ قُرُون
واستقرَّ بأرضِ الجزيرة ، وحتَّى اليومَ نحنُ لا نعرفُ
عنْ أهْلِنا شيئاً وذلكَ بِحُكْمِ نشأتنا بأرضِ الجزيرة ، وانجرافُنا
وراءَ سيرِ الحياةِ اللاهثِ أفقدنا بَوْصَلةَ أهلِنا هُناك ،
فجدِّي محمَّد الريَّح " نفيعابي " أي من " النفيعاب " ،
وجدَّتي لوالدتي من العوضيَّة ويُقالُ إنَّهُمْ
" بالجُوير " ،
و" النفيعاب " أعتقدُ أنَّهم وكما يُقالُ مَوجودونَ بالسَّيَّالِ الكبيرْ ،
لذا أرجو شاكراً مِمَّنْ كانَ مِنْهُم
أوْ يَسْكُنُ السَّيَّالَ الكبيرْ ، أو يَعْرِفُ
عنهم شيئاً فليُخْبِرْني بهِ ، وقدْ يكونُ أحدٌ
منهمْ مَوْجُوداً بهذا المنبر فيجمعني الشَّمْلُ
بهِ وبأهلي مِنْ جديدْ ..
* نسبُ جدَّي لوالدتي مِنْ بعدِ اسمِها يبدو هكذا :
" الرَّيَّحْ عبد الدَّافع العبيد محمَّد الريَّحْ عبد الغفور عبد المنعم .... إلى .... نِفيعْ " ..
* ونسبُ جدَّتي لوالدتي مِنْ بَعْدِ اسمِها يبدو هكذا :
" مُصطفَى عبد الله حامد العَيْبَة ... " وهؤلاءِ مِنْ العوضيَّة ويُقالُ إنَّهُمْ " بالجوير "
أرجُو إفادتي ولكَ منِّي احترامٌ لا أطيقُ على حَمْلِهِ ..
وشاكرٌ لكَ كرمَ اهتمامِكَ وآملُ ألا أكونَ قدْ حَرَفْتُ الموضوعَ عن
منحاه الأساسيّ بغيْرِ قصْدْ .
ولكَ احترامي كُلُّهُ
وعَمِيمُ وُدِّي وحُبِّي ...
أخوك دَائماً وأبداً / محمَّد زين ...
| |
|
|
|
|
|
|
Re: مدرسة شندي الثانوية الأهلية (Re: محمَّد زين الشفيع أحمد)
|
Quote: الفيزياء: (إمام) الرجل الشاطر والنابغة |
الاخ الكريم الموسوعة / محسن خالد اخى طيب الله ايامك ولياليك وبعدين ياخ وين غبت من المنبر فقد كانت وحشتك لا توصف
استاذ (إمام) الذى ذكرته فى مداخلتك هو ابن خالتى لزم ان كنت تعنى (إمام الدين احمد حمد) وهو لم يدرسنى بتلك المدرسة العتيقة فقد تخرجت انا من قبل ان ينضم هو اليها.
كيمان من الود والتحايا لك وللاخوة المتداخلون ولصاحب البوست لكشفهم النقاب عن هذه التحف التى كادت ان تندثر.
تحياتى بلا حدود
| |
|
|
|
|
|
|
Re: مدرسة شندي الثانوية الأهلية (Re: محمَّد زين الشفيع أحمد)
|
الاخ الكريم محمَّد زين الشفيع أحمد شكرا علي المشاعر النبيلة
اتمني ان يقرأ هذا البوست من يفيدك بخصوص شجرة العائلة وغم ان والدتي من "الجوير" وهي بنت الفكي الطاهر ودالشيخ عبدالرازق والفكي حسين وبيننا وبين الجوير النيل لكن معلوماتي ضعيفة في مجال النسب ولو كنت بالسودان لاوصلت طلبك لعمنا"ودحامد" من سكان قرية "القليعة" جنوب شندي وهو مرجع في هذا المجال كما ان اصوله من الجوير
ولك تحياتي
ودالبشري
| |
|
|
|
|
|
|
عزومة.....مراكبية ساكت!! (Re: Mohamed Elboshra)
|
الاخوان ودالنعيم ودخالد ود على
يسعد نهاركم وزي ماقلت ليكم بكون فرحان زي "ام العروس" لمن ألقى البوست عامر بالشباب
Quote: يا ود البشرى خالد علي محجوب قال عنده عواسة حلومر، وهذا عذر مقبول ...إنت مالك مسجل غياب. |
يازول انت رغم انك بتذكر ناس عوض عمر في 1975 وبتحاجج في محسن دفعة1995 ، لكن يظهر انك مامركز لانو انا العندي عواسة ابري
ولله ياشباب اسعدتونا برفعكم للبوست..
ولكم الود
ودالبشري
| |
|
|
|
|
|
|
Re: عزومة.....مراكبية ساكت!! (Re: Mohamed Elboshra)
|
مرحب ود البشرى واريتك طيب، أنا مركِّز تماما، ولكن خالد في مداخلته لم يضع مداخلتك السابقة حول عواسة الحلومر داخل Quote.
Quote: الاخوة الاعزاء خالد ومحسن وع ع البوست ده حانقطع منو لانو عندي عواسة (حلو مُر) وامتحانات (كبر) فابقوا عشرة على العقاب ودالبشرى
موفق يا ودالبشرى |
لكم الود،
ع ع
| |
|
|
|
|
|
|
Re: عزومة.....مراكبية ساكت!! (Re: خالد علي محجوب المنسي)
|
Quote: وبيقولوا "دي عزومة مراكبية" دلالة علي الكرم لانوا المراكبي يعزمك علي" السمك في البحر" وهو لسه م اصطادوا وانت يك الاخير ده وامسك في محسن خالد ده اهلو مراكبية و"بيشبعك" من نوادرهم ويضحك نهارك |
الحبيب ود البشرى تحياتي سلاام تعرف عندي إقتراح لابد كل من درس في تلك المدارس له ذكريات عن المدينة سور المدرسة ولو أستمعنا لذكريات سوف تتضفي على البوست روح جميلة تشاطر الذكريات.
ونرجو من الأخ محسن أن يحكي لنا عن أهل المراكب ( المراكبية )
ولكم جميل ودي
| |
|
|
|
|
|
|
Re: عزومة.....مراكبية ساكت!! (Re: خالد علي محجوب المنسي)
|
رسالة وصلتني في بريدي الخاص من الأخ الجميل / عصام خضر وننتظر بفارغ الصبر مشاركته التي سوف تكون إضافة جميلة لحوش ود البشرى
Quote: الاخ الكريم خالد السلام عليكم ورحمة الله وبركاته رغم عدم وجود سابق نعرفة الا انني استاذنك في ان الدخول للمشاركة في بوست شندي الثانوية عبر ايميلك لانني لا اتمتع بعضوية منبر سودانيس اون لاين اسف جدا للازعاج وفي انتظار موافقتك الكريمة اخوك عصام الدين خضر احمد دفعة 1988 بشندي الثانوية برلين |
| |
|
|
|
|
|
|
Re: عزومة.....مراكبية ساكت!! (Re: خالد علي محجوب المنسي)
|
تحياتنا يا شباب يا علي النعيم، الموسوعة ياهو عادل علي دا أمسك فيهو شديد، أنا من النوع البكون شايل الحاجة في إيدو ويفتّش ليها. فعلاً الأستاذ هو إمام الدين أحمد حمد، ياهو ود خالتك تب، زول أصفراني كدا ومتديّن. دا طبعاً من جنس وصف أهلنا الما بوصّف حاجة داك. يقول ليك الزول دا والله خاتف لونين، لا هو أصفر ولا هو أخدر، وكمان زول ربعة، لا هو قصير ولا هو طويل، وزول مليان كدي، لا هو سمين ولا هو ضعيف. في النهاية تلقى روحك عندك أوصاف تنطبق على أي زول، أو كمان لا تنطبق على أي أحد. المهم يضحك نهارك. إنت ياخ تقول لي موسوعة وأنا الفصل القريت فيهو ودرت اسمو. يا النعيم أنا الأورينتيشن بتاعي زيرو، ومرّات جنب المستشفى رأسي يلف إلا أسأل من موقف بصّات المسيكتاب بوين، الكبر طاقيني من زماان. يا خالد المنسي أهلك الحواتة ديل قصصن ما بكملن، دايرين ليهم بوست براهم.
المهم في حكاية الأساتذة دي، أذكر من أصدقائي المقرّبين كان الراحل عثمان حامد أستاذ الفنون، وكذلك عبد الله أبو قصيصة أستاذ الإنجليزية. أبو قصيصة كان يزورني في المسيكتاب وأذكر أيضاً أنه زارني في مرة ومعه الأستاذ جيب الله أستاذ الكيمياء والأحياء. كنتُ أيضاً محبّاً للأستاذين حافظ محمّد زين والزين الجمري. أها في أوَّل أيام قدومي إلى إنجلترا رنّ هاتفي ذات أمسية، و-حق الله بق الله- يا قول أهلنا، قال لي المتحدّث: اسمي الزين الجمري، سألته: معقولة!؟ في هذه الدنيا "زين جمري" واحد، أستاذ الإنجليزية بمدرسة شندي الثانوية. الذي كان علماً شهيراً برغم وجوده القصير في المدرسة. فقد جاءت الإنقاذ وتمّ تقريباً اعتقال معظم شعبتي الرياضيات والإنجليزية، أذكر منهم تحديداً حافظ محمّد زين والزين الجمري وعوض ضحيّة وعموم آل شيوعي، عدّموهم الواحد. فاكتشفت أنّه صديقي وأستاذي نفسه، أوَّل سؤال سألته له عن الأستاذة آمال التوم، وهي أيضاً ممن حلّت عليها بركات الحزب الشيوعي. كانت تدرّس في مدرسة البنات الثانوية وتمثّل رمزاً للمرأة المستنيرة والقوية. المهم أنّهما كانا على ارتباطٍ ألهم أجيالاً كثيرة حينها، وخشيت على تلك المحبّة وذلك الكفاح المشترك أن يُراق، الأيام الغتمة التي تصبر فيها الأستاذة –أستاذتي، والمربية على اعتقال الزوج بالسنين وما تعرفون من بهدلة وتعب. فقال لي خذ وحدّثها، لا تدرون مدى سعادتي لحظتها بهما، منتهى الفرح. لأزورهما لاحقاً، في منزل الدكتور الزين الجمري حالياً وزوجته الدكتورة عمّا قريب –ربما-، تغيّر الزمن وتغيّرت الألقاب، لدرجة أنّني تلميذهما أصبحت صديق طفلتيهما فاطمة ونورا، وهكذا... تمضي الحياة. ("تمضي الحياة" دي، عاجباني من نوعية القصص الكلاسيك ومصرية ديك).
| |
|
|
|
|
|
|
Re: عزومة.....مراكبية ساكت!! (Re: محسن خالد)
|
مرحب سلام زوار البوست الجميل السيدو ما كمل عواست حلو مرو
في مكالمة هاتفية جاءني صوته فيه نبرة من حنان ناس شندي وضواحيها .. صوت يحمل في نبراته أصوات مراكبية سارديا والمسيكتاب .. في دفئه دفء محنة أهل جنوب شندي من قريش إلى الشلال السادس وودبليلو .. في إهتزازه رجولة وشهامة أهل غرب شندي حدادي مدادي ( ناس ود ضبعة والعمدة اب جديري )
كان المتكلم رجل بكل ما تحمل هذه الكلمة من معاني ( أخي محمد مختار ) متصل من جنوب أفريقيا تحدثنا أستعدنا الذكريات بين مدارس شندي هو من الدفعة التي درست في مباني شندي الثانوية الحالية ستة سنوات بحكم أنه درس في نفس المباني مدرسة شندي الأهلية ثم الشندي الثانوية.
نحن في انتظار مداخلات منه قريبا ما حبيت أن أذكر من هم دفعته وأترك هذا الأمر لحين يشرفنا تحياتي أحمد مختار
| |
|
|
|
|
|
|
Re: عزومة.....مراكبية ساكت!! (Re: خالد علي محجوب المنسي)
|
شكرا كتييير ود البشرى على هذا البوست جمعنا بأخوة والله طال بنا الزمن لا شوفتن تبل الشوق ولا رداً يطمّن
والجمعنا يجمع ديل
أولاد دفعة الستة سنوان في مباني شندي الثانوية
وأصدقاء قلّ ما أفترقوا
* الزين الجمري بريطانيا * عمر حسين عبدالماجد الأمارات * عوض حسن أحمد * محمد أحمد مصطفى * محمد مختار جنوب أفريقيا * عادل بدري
| |
|
|
|
|
|
|
Re: عزومة.....مراكبية ساكت!! (Re: خالد علي محجوب المنسي)
|
ياجماعة الحكاية شنو
رجعتونى للمربع الذى ذكرياته لازالت تؤرق مضاجعى ....
البوست أثار فى شجونا قديمة ... رائحة الكمائن ... صفارة القطر ... غبار الكاروهات ... البنطون ... السينما وزوغة المذاكرة ... ليالى السمر بالداخلية ... عم كسلا ... حسناوات الثانوية ملأن الشارع عفة وجمالا بعد الظهر ... حزقيال ... ومئات المشاهد والخواطر الجميلة ..
احبتى أنا زميل لكم ، آخر سنة لى فى طيبة الذكر شندى الثانوية 1995م
وبجيكم
محي الدين جبريل
| |
|
|
|
|
|
|
Re: عزومة.....مراكبية ساكت!! (Re: Mohamed Elboshra)
|
أخى د البشرى
شكرا جزيلا على هذه النافذة الحلوة ، أنا بسأل عن واحد من دفعتى الشنداوييين أسمه بشير محمد عبد الكريم السيد علمت انه فى لندن ، أما عمر حسين عبد الماجد من الإمارات فهذا الرجل خالى إبن عم والدتى ، أرجو إذا كان متواصلا معكم أن نلتقى ولو إثيريا ، طالما أننا لم نرى بعض حتى الان .
عنوانى الأليكترونى [email protected]
محي الدين جبريل
| |
|
|
|
|
|
|
Re: مدرسة شندي الثانوية الأهلية (Re: Mohamed Elboshra)
|
ناس شندي .... سلامات وعساكم بخير ..... نحن من دفعات شندي الثانوية منتصف التمانينات ... زاملت الكثيرين من أولاد شندي زاتا وأولاد ضواحي شندي .... وطالما إنت يا محمد البشرى -مسيكتابي- فقد كان من زملائي مساعد وتاج الدين عوض الكريم وسيف الدين محجوب .... وآخرين وغايتو المدة طالت .... وفي ناس بقدر أتذكرهم براي كدا .... زي شلتنا - فرح محمد أحمد وياسر كيس وطارق محمد عثمان والحاج حسين والمرحوم طارق عبد الماجد وهشام أبو السعود .... وتاني ناس النذير فضل المولى وطارق السمين وعبدالغني الخضر وطارق العكام والطيب عبدالرحمن والخواض سالم الشيخ و جلال صالح وطارق عثمان البدري وعبدالخالق بابكر وبشير العبيد وعلي الحسين وبدر الدين السر والارباب والرشيد باولو وسراج البشير ومحمد طه والزبير نايل وعبد الوهاب الباهي ومحمد أبراهيم كروم وزكريا عبدالوهاب وعبدالكريم حمدو ...... وشلة أولاد المحس ناس أيمن شعيب ... وشلة أولاد الجنوب ناس دانيال وقبريال ميثانق وقاسم طور .... وأولادالسيال الصغير والكبير - متوكل عمر والهادي بشير وعادل بلال وعبدالحكم الشيخ وعبدالقادر قطبي وياسر العامل وعمر محمد بلال ........... وعيييييك تاني ناس كلي وطيبة الخواض والكمير والجوير والكردة والمتمة والقبة والصلوعاب والهوبجي وسلوى وودالحبشي وحجر الطير وودحامد .... وبالشرق من التراجمة لي حجر العسل ...... وغايتو أياااااااااااااااام وزمنا داك شندي الثانوية ما كانت شاطرة شديييييييد كدة أكاديميا ... بس كنا فالحين في حوامة السوق والقهاوي والسينما ولعب الكورة .. وأذكر جيدا هتاف - الأهلية مدرسة بلعبوا كورة هندسة - ومشاهدة دوري شندي من سطوح عنابر نجومي المطلة على دار الرياضة ودخول الملح بين الشوطين ..... وغايتو نحن وبرعاية وتشجيع من أستاذنا المرحوم عثمان حامد دخلنامن شندي الثانوية لكلية الفنون شلة : أبراهيم عوض وعلي عوض وعمار الهادي وأحمد سعد وعبد العزيز كديس وشخصي .... وغادرتها إلى المغرب لألتقي هناك بناس شندي -محمد الفاتح مرحوم وأيمن السر وهشام أبوجوخ وعلي فزع .... لنغادر مرة أخرى آواخر التسعينات إلي بريطانيا مخلفين أيمن هناك ............. متمنيا أن أسمع أخبار عن زملاء شندي الثانوية ........
ياسيف بالله مابتبالغ !! أرفع تلفونك دا ياخي .... ويا محمد البشرى نحن في Newtown ....
| |
|
|
|
|
|
|
Re: مدرسة شندي الثانوية الأهلية (Re: عبدالله ميرغني)
|
Quote: أخى د البشرى
شكرا جزيلا على هذه النافذة الحلوة ، أنا بسأل عن واحد من دفعتى الشنداوييين أسمه بشير محمد عبد الكريم السيد علمت انه فى لندن ، أما عمر حسين عبد الماجد من الإمارات فهذا الرجل خالى إبن عم والدتى ، أرجو إذا كان متواصلا معكم أن نلتقى ولو إثيريا ، طالما أننا لم نرى بعض حتى الان . |
سلام محي الدين ها زول ها عمر حسين خالك أنا أول شي وديتك علي ناس البسابير تشبه ناس البسابير
عمر صديقنا وحبيبنا ولكما التحية
خالد
| |
|
|
|
|
|
|
Re: مدرسة شندي الثانوية الأهلية (Re: خالد علي محجوب المنسي)
|
Quote: زملائي مساعد وتاج الدين عوض الكريم وسيف الدين محجوب .... وآخرين وغايتو المدة طالت .... وفي ناس بقدر أتذكرهم براي كدا .... زي شلتنا - فرح محمد أحمد وياسر كيس وطارق محمد عثمان والحاج حسين والمرحوم طارق عبد الماجد وهشام أبو السعود .... وتاني ناس النذير فضل المولى وطارق السمين وعبدالغني خضر وطارق العكام والطيب عبدالرحمن والخواض سالم الشيخ و جلال صالح وطارق عثمان البدري وعبدالخالق بابكر وبشير العبيد وعلي الحسين وبدر الدين السر والارباب والرشيد باولو وسراج البشير ومحمد طه والزبير نايل وعبد الوهاب الباهي ومحمد عمر أبراهيم كروم وزكريا عبدالوهاب وعبدالكريم حمدو ...... وشلة أولاد المحس ناس أيمن شعيب ... وشلة أولاد الجنوب ناس دانيال وقبريال ميثانق وقاسم طور واكوك اكوك دينق .... وأولادالسيال الصغير والكبير - متوكل عمر والهادي بشير وعادل بلال وعبدالحكم الشيخ وعبدالقادر قطبي وياسر العامل وعمر محمد بلال ...........
|
Quote: جلست بالامس لكى اعتصر الذاكرة لاخرج باكبر مجموعة من دفعتى ومن زاملنى بمدرسة شنيدى .اسامة عبد المقصود..اسامة الطاهر;;اسامة الشيخ.خالد سين النور,احمد عثمان عمر,نزار عثمان حسين,الزبير نايل,عبدالسلام عابدين.محمد خالد العريس,سلمان حامد,عادل بلال,ابراهيم عوض,احمد سعد,يسن بلال,الخير حامد الخير,احمد محمد الحسن,سراج,عبد العظيم الشقالوة,عبد الغني خضر,كمال م احمد الامام,صلاح الزين,شيخ الدين اسمايل عمى,اشرف سيد بيومى,عباس عبد الحكم طيفور,مدثر على عثمان,ابشر عبدالرحمن ابشر,طارق السمين,عاطف قاسم,ياسر مدثر محمود,محمد دياب مختار,كمال احمد مختار,فيصل الشريف,اكوك اكوك دينق, افتكر الذاكرة ما قصرت معاى ويمكنها ان تذودنى بالمزيد لاحقا التحية لكم جمعيعا
محمد عبدالله ابوسن, ابراهيم عبدالله أحمد, حامدالفكي (قندتو), حافظ محمود حسين, ابراهيم عوض
قرشى محمد اسماعيل |
Quote: سلام ود البشرى.بحكم عمل المرحوم والدى معلما بشنندى الثانوية يمكننى تذكر ال الكثير من المعلمين الزين مروا ..المرحوم محمد درويش جعفر مدير المدرسة فى اوائل السبعينيات. الاستاذ محمد الامين صبير .حسان فنون.حيدر انجليزى.احمد سليمان جغرافيا.حسن مالك عربى.ود المبارك.محمدعبد الرحيم مكى مدير المدرسة فى اواسط الثمانينيات.الاستاذ اوشى.الاستاذ قرشى.عبدالعظيم انجليزى.عوض الجيد رياضيات .طه كيمياء.جيب الله احياء.عبد العزيز الطيب انجليزى.مستر جون و باتريك خواجات.محمد خير عنان اسلامية.خضر منصور اسلامية.عباس اسلامية.امين تاريخ.عبد الحليم كوريا جغرافية.حسن عابدون انجليزى.احمد سعران. السر بركات و عباس جتا رياضيات.امام فيزياء.ومن الاساتذة المصريين محمد ابوطويلة رياضيات منير كيمياء.جلال فرنساوى.فائز فيزياء.الاستاذ حران وكيل لفترة قصيرة.
ايضا الاستاذ بشير حالد من ابناء فداسى الحليماب.الاستاذ محمد ادم لغة انجليزية .الاستاذ ناسان مصرى رياضيات.الاستاذ شهدى مصرى.محمد عبد العال مصرى رياضيات.الاستاذ احمد السيد امام( كان معلما للتاريخ فى شندى الثانوية وترك التدريس وهو صاحب مغلق دنقلا بالسجانة).الاستاذ عوض الكرنكى.الاستاذ عمر حسن.الاستاذ محمد الحسن جغرفية.الاستاذ على المحى.الكتيابى استاذ اللغة العربية.الاستاذ احمد محمد صالح جغرافية.احمد جميل (ترك المدرسة وسافر الى جنوب شرق اسيا بعد ان حصوله على ماجستير العربية لغير الناطقين ) وسوف اوافيكم بكثيرا كلما اسعفتنى الذاكرة وقولوا ماشاء الله وما تسحرونى لاننى اخر شئ فى ذاكرتى هى المدرسة الاهلية و بعده ليس لى ذكريات تذكر فى السودان.وانا متاكد اذا دخلت حوش المدرسة الان سوف اتذكر كل شى.الرجاء منكم من لهو صور تذكارية انزالها فى هذا البوت التاريخى الممتاز زميلكم وابنكم قرشى محمد اسماعيل |
بي كده يا عبدالله ميرغني نكون لمينا ليك الاساتذة ومعظم ابناء الدفعة في حتة واحدة...
| |
|
|
|
|
|
|
Re: مدرسة شندي الثانوية الأهلية (Re: خالد علي محجوب المنسي)
|
خالد المنسى كيفك ولعلك طيب
أنا فعلا من ناس البسابير ولدت فيها وكل عشيرة والدى منها ، أما عمر حسين عبد الماجد فهو من أهل والدتى وهم من منطقة الكمر أو الجزيرة نسرى ، والكمر تقع جنوب محافظة المتمة فى خط حجر الطير وودالحبشى ، ومعظم أبناء هذه المناطق شرقا وغربا رضعوا من ثدى شندى الثانوية . انا موجود بالسودان حيث عملى بالعاصمة الوطنية امدرمان ، لكن قاد الدرب ساساقة طواااااالى للأهل فى الكمر والبسابير ومرة مرة المناسبات بتودينا للحبيبة شندى.
ودى وتحياتى للجميع
محي الدين جبريل
| |
|
|
|
|
|
|
Re: مدرسة شندي الثانوية الأهلية (Re: محي الدين جبريل)
|
Quote: أنا فعلا من ناس البسابير ولدت فيها وكل عشيرة والدى منها ، أما عمر حسين عبد الماجد فهو من أهل والدتى وهم من منطقة الكمر أو الجزيرة نسرى ، والكمر تقع جنوب محافظة المتمة فى خط حجر الطير وودالحبشى ، ومعظم أبناء هذه المناطق شرقا وغربا رضعوا من ثدى شندى الثانوية . انا موجود بالسودان حيث عملى بالعاصمة الوطنية امدرمان ، لكن قاد الدرب ساساقة طواااااالى للأهل فى الكمر والبسابير ومرة مرة المناسبات بتودينا للحبيبة شندى. |
والله يا جنى كان كدا ممكن نطلع أهل انتَ من الكلايين والعونية ؟
كان قلتا من الكلايين حبوتي منهم وكان قلتا من العونية فضل السيد ودالجاك ود زياد حقنا
تحياتي محي الدين
| |
|
|
|
|
|
|
Re: مدرسة شندي الثانوية الأهلية (Re: خالد علي محجوب المنسي)
|
خالد عساك بخير
بالمناسبة ياخالد ناس البسابير كلهم وإن كانوا من بطون مختلفة إلا أنهم متصاهرون وعلاقاتهم متداخلة ، نحن فى البسابير عائلة الجباريل إسال عنها ناسك ديل وبيوروك .
لكن ماقلت لى انت من وين
باقات من والود والورد
محي الدين
| |
|
|
|
|
|
|
Re: مدرسة شندي الثانوية الأهلية (Re: nazar hussien)
|
Quote: لكن ماقلت لى انت من وين |
الأخ محي الدين أنا من شندي ( شندي فوق .. القرداب ) جدتي لابي من البسابير من الكلايين أهل جدتي ناس آل القب .. آل محمد خير ( أكيد بتعرف بنات محمد خير ) أبناء عمتي ابوهم من البسابير والدهم فضل السيد الجاك ودزياد
ولك التحية أخي محي الدين
| |
|
|
|
|
|
|
Re: مدرسة شندي الثانوية الأهلية (Re: خالد علي محجوب المنسي)
|
كيف الحال والاحوال لكل المرو من هنا, والارسلو الايميلات, شندى , شندى فوق مربع 8, القرداب
خالد على محجوب كان عندهم (بوكس) فى الخط إسمه (الطويسة) ومكتوب عليه (شندى فوق السوق او المعهد السوق) والبسوقو (بابكر
الكويدرى) اتمنى انو يكون حى وما طالتو المنية كأغلب الاتذكروا بالبوست ده
المهم السبب الانا ذكرت فيهو البوكس الشهير ده هو انو لحدى الان ما اتكلمنا عن (معهد التربية) الصرح العظيم كنت فى وكت من الاوكات
بعتبر انو معهد التربية وسور الصين العظيم ذى بعض..
دى دعوة عشان تتكلموا فيها عن معهد التربية خصوصا وانو يا خالد عندك ذاكرة (دقر عينى , عينى باردة تب!!)
ودمتم جميعا
| |
|
|
|
|
|
|
Re: مدرسة شندي الثانوية الأهلية (Re: خالد علي محجوب المنسي)
|
يا ود البشرى سلاااااااام الله شكيت حلومرك علي القوي ما انتهيت
والله فتر محسن يصحا ساعة وينوم شهر وناس ماليزيا ولندن سجلو غيابا طوّل غايتو الله يجزي الأخ محي الدين مرات بطل لكن ليهو يومين أظن نشراتو كترت في التلفزيون
ها ناس مدارس شندي دا عنواني وما زلنا نتعشم في مداخلاتكم عبر الرسائل [email protected] خالد محجوب
| |
|
|
|
|
|
|
Re: مدرسة شندي الثانوية الأهلية (Re: خالد علي محجوب المنسي)
|
ود المنسى
كيفك ، أنا اليومين الفاتو كنت فى المستشفى مستقبلا مولودى الأول الذى أطل علينا بحمد الله عصر الجمعة الماضى 25 يناير بحمد الله .
بالمناسبة معزومين السماية يوم الجمعة الجاية بس ورونا عناوينكم ونرسل ليكم بال DHL مديدة البلح واللحم .
محي الدين
| |
|
|
|
|
|
|
Re: مدرسة شندي الثانوية الأهلية (Re: محي الدين جبريل)
|
Quote: كيفك ، أنا اليومين الفاتو كنت فى المستشفى مستقبلا مولودى الأول الذى أطل علينا بحمد الله عصر الجمعة الماضى 25 يناير بحمد الله . بالمناسبة معزومين السماية يوم الجمعة الجاية بس ورونا عناوينكم ونرسل ليكم بال DHL مديدة البلح واللحم . محي الدين |
من طلّ هذا يعني الولود ذكر أولاً ألف حمدالله على سلامة والدته وثاني مبروك لك أخي محي الدين الوليد ونسأل الله أن يكون أبن عامل بحق دينه الإسلامي وبارا بوالديه وجندي لوطنه. السامية يا حيل السمايات لينا زمن من السمايات والعِزمات السودانية بالمديدة ذكرتني التوم حمد عليه رحمة الله كان يحب مديدة الحلبة شديد
ولك تحياتي ومودتي أخي محي الدين
| |
|
|
|
|
|
|
Re: مدرسة شندي الثانوية الأهلية (Re: خالد علي محجوب المنسي)
|
خالد
جيتك راجع
اصلى مشيت السوق جبت بلح وفول ، المدام جهزت انواع مختلفة من البتفور والحلويات ، قطعت جيبى ، جات الحاجة والدتنا قالت لا لازم تجيبوا الفول والتمر زى ما حبوباتنا ربننا على تلك العادة فى الولادة ، قلت لها هن وينن الشفع البياكلوا ليك الفول والتمر ، حليلينا نحن زمااااان . الواحد يملا عبوا فول وتمر كل ما سمعنا واحدة ولدة نمشى نتلصق لامن يدونا حتى نمشى نلعب .
وانا بكتب فى الرد ده الجماعة بلوغدوا فى المرارة ، اخوا المدام حلف ضبح كرامة قبيل .
تحايا بنكهة شية الجمر وطعم الشطة بالدكوة
| |
|
|
|
|
|
|
Re: محي الدين..الوليد ..مبروك (Re: Mohamed Elboshra)
|
اخوتي اسف للتكرار ولكن هذا البوست يظهر فيه اخطاء(فنية) ماوساحاول انزال البوست مرة اخري
وصلني ايميل من دكتور محمد عثمان حجازي دفعة 1981
Quote: الاخوان ود البشري وخالد محجوب رغم انني كنت اعتبر نفسي قارئ من الدرجة الأولى وكاتب من الدرجة تحت الصفر إلا إن موضوعكم عن مدرسة شندي الأهلية حرك في الأشجان ودفعني أن أكتب لكم هذا الميل لانني ليست عضو في المنتدى رغم إنني اقراء هذا المنتدى بإنتظام ولم يدفعني أمر للكتابة كما دفعني هذا البوست فلكم مني التحية والتجلة وارجو نيابة عني أن تبلغوا كل الدفعة التي إمتحنت من شندي الثانوية في عام 1981 تحياتي وترفعوا ميلي لهم عسى ان نعيش اشجاننا في زمن غلبت فيه المحن وجرفتنا فيه المعايش لنهجرليست شندي فقط بل كل السودان. من محاسن الصدف أن أكون درست في مباني مدرسة شندي الأهلية 6 سنوات فنحن الدفعة التي درست الثانوي العام في شندي الأهلية كما يحلو لنا أن نسميها ثم نقلنا لمباني شندي الأهلية الحالية عند البيطري فدرسنا هناك فترة قصيرة ثم امتحنا للثانوي العالي لنعود لنفس المباني وندرس بها الثانوي العالي وشاءات الصدف أن ادرس في أحدى الفصول السنة الثانية ثانوي عام والثانية ثانوي عالي فأشجاني بشندي الاهلية تعادل اشجاني بكل السودان وأهله ويسعدني ان ألتقي بأبناء دفعتي سواء في المرحلة المتوسطة أو الثانوية ولكم بعد الله الفضل في ذلك
أخوكم حجازي
Dr. Mohamed Osman Hegazi |
ومن الاخ محمد سعيد محمد من دفعة 1985
Quote: سلام ود البشرى نحن امتحنا 85 ويمكن ننفض الذاكرة شوية ونتذكر من اولاد قرى التضامن جلال صالح (السعودية) حامد الامين (صاحب فرن فى عطبرة) عبد العال احمد المكى (استاذ متوسطة) طارق البدرى (صاحب مزرعة فى مدنى) ومن حجر العسل صلاح خال (معمل طبي) عبد الرحيم الشعرانى (منظمة الدعوة الاسلامية) من غرب شندى ابراهيم جبارة (استشهد فى العام 99 رائد بالقوات المسلحة) الزبير نايل بقناة الجزيرة احمد العربى بالقوات المسلحة ابراهيم العطا توفى لرحمة مولاه عبد الرحمن الزبير ضابط ادارى من شمال غرب شندى الخواض سالم الشيخ وحسن فضل الله مهندسان بالهيئة القومية للكهرباء سلمان بالقطاع الخاص [email protected] محمد سعيد محمد |
وايميل من الاخ محمدخير خالد من دفعة 1995
Quote: لأخ ود البشرى لك التحية والاحترام أنا من السيال الكبير غرب شندى ودرست فى مدرسة الشيخ مصطفى بالمتمة -1993-1992 ثم انتقلت الى شندى الثانوية 1994-1995 على ما اذكر ووالله كل ما أمر على هذين المكانين يلتفت قلبى الى أعزاء لن انساهم فى مدرسة الشيخ مصطفى (معتصم سليمان وعادل قسم من كلى والشبطاب-صالح محمد زين وعمار والزعيم واخوه من المكنية والحداحيد عبدالناصر وعبدالحفيظ وابراهيم فضيل من الصفر الحاج طلب والاخوان عاصم وياسر نوح وودالبشرى وحارس المرمى عوض من المغاوير وزرياب عبدالله وبشير الهادى وجبريل من الجبلاب واولاد الكمير بامسيكا عمر حمودة ومرتضى ابراهيم وفيصل عبدالله والصلوعاب محمد مجذوب ومبارك جعفر وعبدالرازق عبدو والاستاذ القدير جاكسون ومجدى مكى من الكرمك وموير أجانق تونج من الجنوب الحبيب وكنيدى عمر غردون ومرتضى الحقنة عليه رحمة الله وغيرهم وغيرهم من ابناء المسيكتاب وشندى والمتمة رامى فاروق وبله مهدى ومحمد عثمان السناهير وهيثم الجرماك ولاتستحضرنى ذاكرتهم الان كنا شبابا رتعنا من الصحراء والنيل والخضرة والقلب يعتصر الما أن لايعرف اين هم الان ولكنى الان تذكرت أن الكتابة التى نكتبها على حائط المدرسة رغم سؤتها أن الذكرى ناقوس يدق فى عالم النسيان قد ابكتنى عندما قرات ذكرى مرتضى الحقنة ومجدى مكى . أما بخصوص بابكر على حميدة (الخرطوم)والكاشف (عمر ام يحى)ومحجوب حسين (فى غرب السودان) ناس السيال انشاء الله اجمع ليك تلفوناتهم وارسلها لك |
مع طلب خاص لابناء السيال الكبير لمعرفة اخبار الاخ محجوب حسين محمد يوسف
ودي وتحياتي للجميع
ودالبشري
| |
|
|
|
|
|
|
Re: محي الدين..الوليد ..مبروك (Re: Mohamed Elboshra)
|
الأخ الفاضل / دكتور محمد عثمان حجازي تحية طيبة وسلااااااام على مايبدو أنك من أبنا مدينة شندي بحكم أنك درست في شندي الأهلية ودفعة ناس عمر حسين عبدالماجد والزين الجمري وبقاري. أأسف عندما هممت بإنزال رسالتك الجميلة وجدت الأخ ودالبشرى ما قصر وسبقنا بفعل الخير المهم لا تتحرج أبدأً في اي وقت نحن جاهزون لتظل في تواصل مع دفعتك في مددارس شندي ولك التحية والمودة وليتك تفصح أكثر من أين أنت في شندي ؟ وأين أنت الآن ؟
| |
|
|
|
|
|
|
Re: محي الدين..الوليد ..مبروك (Re: خالد علي محجوب المنسي)
|
Quote: وانا بكتب فى الرد ده الجماعة بلوغدوا فى المرارة ، اخوا المدام حلف ضبح كرامة قبيل .
تحايا بنكهة شية الجمر وطعم الشطة بالدكوة |
ود أهلي محي الدين تحية وسلااااااام والله خليتنا نتمطق ساااااااكت ونلوك في لسانا بالهنى والشفاء
وتحياتنا
| |
|
|
|
|
|
|
|