|
كيف نحمي { أولادنا } من ماكينة النقود الحمراء
|
نحن نعشق الهلال
لانه الرئة التي نتنفس منها
لانه المتنفس الوحيد من كوم الاحباطات من حولنا
لانه حبة الاسبرين الذي يداوي صداعنا المزمن
الا يشكل هذا سببا وجيها للدفاع عن اولادنا الشرعيين وليسو اولاد بالتبني
|
|
|
|
|
|
|
|
Re: كيف نحمي { أولادنا } من ماكينة النقود الحمراء (Re: yasir Abdelgadir)
|
أحتفظ بتسجيل لمباراة الهلال والاهلي القاهري باستاد الهلال بالخرطوم في كمبيوتري المحمول
وكلما وجدت سانحة من الزمن اشاهد بعضا منه....ركزت علي اداء عمر بخيت في هذه المباراة
لو كانت هناك درجة اكبر من عشرة علي عشرة لمنحتها له دون تردد
أحسست بأن ريكاردو يمسك الريموت كنترول ليحرك عمر بخيت...او أن عمر بخيت { ماشاء الله } يحفظ
تعليمات ريكاردو عن ظهر قلب ويطبقها بحذافيرها...
كل هجمة توجهت نحو مرمي الهلال...تجد عمر بخيت
أداء قوي ...أنضباطي ..تكتيكي عالي وسط هجوم شرس يعرف ما يريد ويطبق كل أنواع الاساليب
القانوني وغير القانوني ليصل لمرمي الهدف...ولكن ولدنا{ الشرعي }...قطع الماء والكهرباء
والانترنت عنهم...
أواصل لاحقا وأنتظر دعمك يا احمد الريح
| |
|
|
|
|
|
|
Re: كيف نحمي { أولادنا } من ماكينة النقود الحمراء (Re: yasir Abdelgadir)
|
Quote: أحتفظ بتسجيل لمباراة الهلال والاهلي القاهري باستاد الهلال بالخرطوم في كمبيوتري المحمول وكلما وجدت سانحة من الزمن اشاهد بعضا منه....ركزت علي اداء عمر بخيت في هذه المباراة لو كانت هناك درجة اكبر من عشرة علي عشرة لمنحتها له دون تردد أحسست بأن ريكاردو يمسك الريموت كنترول ليحرك عمر بخيت...او أن عمر بخيت { ماشاء الله } يحفظ تعليمات ريكاردو عن ظهر قلب ويطبقها بحذافيرها... كل هجمة توجهت نحو مرمي الهلال...تجد عمر بخيت... أداء قوي ...أنضباطي ..تكتيكي عالي وسط هجوم شرس يعرف ما يريد ويطبق كل أنواع الاساليب القانوني وغير القانوني ليصل لمرمي الهدف...ولكن ولدنا{ الشرعي }...قطع الماء والكهرباء والانترنت عنهم |
... تصدق بالله يا دكتور ياسر
أمس "القريبة دي" كنت بحضر في تسجيل "مباراة الموسم" بين الهلال والأهلي مركزا على أداء لاعبين: داريو وعمر بخيت! الأول لتراجع مستواه مؤخرا، والثاني لأنه -كما تفضلت- قدم عرضا فنيا ومهاريا مدهشا يؤكد استحقاق هذا الفتى للقب "المـعلـم"!
اليوم كتب الصحفي الهلالي ياسر عائس:
Quote: * مناورات المريخ حول مكوك الهلال عمر بخيت ماهي الا محاولات يائسة ومعزولة لإلهاء الجماهير وصرف أنظارها عن الخسائر المتكررة والهزائم المتلاحقة في الصعود لمنصة الممتاز. * وقد قطع لي الاخ عمر بخيت بلسان حاسم استحالة التفكير في مغادرة الهلال وبيع الجماهير التي شجعته وآزرته. * ويرى الضابط أن الهلال خلق منه اسماً ونجماً وعلماً.. أما من الناحية القانونية فيستحيل على المريخ تسجيل (محور) الهلال للانتقام من ثلاث غارات هلالية سابقة نفذها باتقان في اللاعبين إدوارد، حمودة وعلاء يوسف. |
هذا مع قناعتي بأن كثير مما تنقله الصحف على ألسنة اللاعبين لا يعتد به، حتى لو صحت نسبته لهم.
لي عودة.
| |
|
|
|
|
|
|
Re: كيف نحمي { أولادنا } من ماكينة النقود الحمراء (Re: Ahmed Alrayah)
|
Quote: أمس "القريبة دي" كنت بحضر في تسجيل "مباراة الموسم" بين الهلال والأهلي مركزا على أداء لاعبين: داريو وعمر بخيت! الأول لتراجع مستواه مؤخرا، والثاني لأنه -كما تفضلت- قدم عرضا فنيا ومهاريا مدهشا يؤكد استحقاق هذا الفتى للقب "المـعلـم |
سبحان الله ياهندسة...توارد خواطر عجيب....فعلا عندما كتبت هذه الملاحظات كنت قد فرغت لتوي من مشاهدة مباراة القرن الهلال والاهلي...مركزا فقط علي اداء المعلم عمر بخيت
أما عن كلام الصحفي ياسر عائس
Quote: أما من الناحية القانونية فيستحيل على المريخ تسجيل (محور) الهلال |
ياسيدي نحن اناس نفصل القانون للغلابة فقط....وهذا القانون لا يطبق للفي أيدو القلم
أو الفي أيدو الكاش البيقلل النقاش.....وألا فبماذا تفسر فشل الهلال في تجنيس أي لاعب من محترفي
الهلال كلما قدم ملف احدهم بالرغم من مرور اكثر سنتين علي كل محترفي الهلال...بينما يجنس نادي
المريخ كل من يريد حتي ولو لم تطأ قدم اللاعب ارض البلاد كما حدث في حالة اللاعبين كوني واليجا
تانا {والذي تم تكسير كل اللوائح عشان خاطره و بعد دا كلو طلع فشوش} بينما لم يتم مساعدة نادي
الهلال لتسجيل اللاعب الوطني حافظ في وقت احوج مانكون فيه للمساعدة وكان بأمكان المساعدة لو كانت
هناك نية اصلا...ويجي يقول لي قانونا
| |
|
|
|
|
|
|
Re: كيف نحمي { أولادنا } من ماكينة النقود الحمراء (Re: yasir Abdelgadir)
|
نرجع لعمر بخيت:
لعب هذا اللاعب معظم مباريات الموسم السابق وبريثم واحد وبنفس واحد....أداء ثابت قدرات عالية وقراءة صحيحة للملعب...لا ينافسه احد في مهمته...
لم يغب سوي في مباراة الاهلي المصري والتي ربما كان غيابه هو ماندفع ثمنه حتي الان
لعب مباراة النجم الساحلي الاخيرة بنقص واضح في التركيز...نتج عنه الهدف الثاني الذي لو كان في مستواه الطبيعي لما ولج هذا الهدف والذي بسببه ربما لم نتأهل
ربما بسبب التشويش الذي درج اخوتنا علي ممارسته في صحافتهم ضد كل من يخافون منه وربما يمارسه بعض مشجعيهم الواصلين.... وهذه ظاهرة دخيلة وأفكار من نبت الشيطان تنحو بالرياضة مناحي جديدة لم نعهدها من قبل...وهي اللعب خارج الميدان بما تيسر لهم من الكاش البيقلل النقاش...واولادهم البيقبضوا وهم مازالوا لاعبين لاندية اخري...لم تكن الرياضة عندنا هكذا
| |
|
|
|
|
|
|
Re: كيف نحمي { أولادنا } من ماكينة النقود الحمراء (Re: ثابت محمد)
|
وانت مالك زعلان كدي ياللخو...
بديت كويس بعدين شالتك الهاشمية ولا شنو؟
علي العموم حأرد ليك عن ما يستحق واترفع عن مالا يستحق
Quote: علموهم الولاء للهلال قبل الولاء للمادة .. وبسسسس |
كدي اسأل طمبل مالو لسة مجهجه.....
Quote: طيب وتاني مالك خايف وبتفتش للحماية ؟؟ |
حق مشروع
Quote: المريخ عندو إتنين مجنسين ( إيفوسا .. أليجا |
)
والنونو وكوني ديل كانو بدون ولا شنو
Quote: كل ما حدث هو مرض كوني بالقلب وتبديل التجنيس من كوني إلى أليجا |
بالله...طيب عندي صاحبي بيموت في الجنسية الزامبية ممكن تكلموا ليهو اليجا يبدل معاهو؟؟
قال تبديل قال
أحذية هي؟؟؟
دي جنسية يعني رمز بلد ..أمة
[Quote: QUOTE]كل ما حدث هو مرض كوني بالقلب |
بس كدا بالبساطة دي...طلع مريض بالقلب
بعدين قبل ماتدوها هاملة كدا قبل ما يصلوا البلد.. ماتفحصوا علي ناسكم ديل....مش يمكن يكون عندهم بلاوي متلتلة....
Quote: الهـلال عندو إتنين مجنسين ( داريو كشافات .. بيتر جيمس ) |
الاول جنسوهو بعد طلوع روح...والتاني مصاب يعني لم يستفيد منو الهلال ..وكان من باب اولي التعامل بالمثل وتجنيس لاعب اخر
Quote: وريني المريخ سجل منكم منو خلال هذه الفترة |
بالله أنت بتشجع المريخ السودان ولا مريخ جزر القمر {يمكن يكون في مريخ هناك}
ياأخي الكريم بنهاية تسجيلات هذا الموسم سيكون تيم المريخ عبارة عن لاعبي الهلال زائدا المحترفين الاجانب
الباقي اترفع عن الرد عليه
| |
|
|
|
|
|
|
Re: كيف نحمي { أولادنا } من ماكينة النقود الحمراء (Re: yasir Abdelgadir)
|
Quote: والنونو وكوني ديل كانو بدون ولا شنو |
ممكن تركز معاااي عشان أفهمك ؟؟ لم يتم تجنيس كوني إلا بعد شطب إو إنهاء التعاقد مع الننو ولم يتم تجنيس إيفوسا للمريخ إلا ليتساوى مع الهلال ( الهلال كان مجنس داريو كشافات وبيتر جيمس ) يعني انتم السابقون في التجنيس إختراعاً وعدداً بقول ليك سقف التجنيس بيكون إتنين البسمع منطقك ده يقول هسي المريخ عندو أربع مجنسين ويلعبون للمريخ في وقت واحد يعني بمعنى أوضح لو الننو وكوني موجودين ماكان إيفوسا وأليجا أخدو الجنسية كده واضح ؟؟
Quote: كدي اسأل طمبل مالو لسة مجهجه..... |
لو مجهجه ماكان علّق المعز في الشبكة لحدي ما طلعوهو اخوانو لو مجهجه ماكان هداف الدوري لحدي ما ألمت به الإصابة لتهدي اللقب لغيره ولو في حبة جهجهة ح تروح بالقرآن والسبع المنجيات
Quote: الاول جنسوهو بعد طلوع روح...والتاني مصاب يعني لم يستفيد منو الهلال ..وكان من باب اولي التعامل بالمثل وتجنيس لاعب اخر |
مش قلت ليك ركّز ؟؟ طيب الخلاكم تجنسو المصاب شنو ؟ وتجي تقول كوني عندو القلب ليه جنستوهو ؟؟ لعلمك بيتر جيمس مصاب قبل أن يلعب للهلال .. من زمن كان إسمو إسرائيل .. بتتذكر ؟؟ وليييه إنتو ما شطبتوهو وطالبتو بتجنيس غيرو ؟؟ عشان تكشفو أنو ناس التجنيس متواطئين مع المريخ ؟؟ ولا عاوز تحتفظ بجنسية داريو هدايا وجنسية بيتر جيمس رغم الإصابة وتجنس واحد تالت ؟؟ يعني ناس المريخ يفحصو على كوني قبل يجيهو القلب وناس الهلال الزول ركبتو معوووجة ظاااهرة يدوهو الجنسية ده منطقك ؟؟
Quote: بعدين قبل ماتدوها هاملة كدا قبل ما يصلوا البلد.. ماتفحصوا علي ناسكم ديل....مش يمكن يكون عندهم بلاوي متلتلة |
كلامك صاح بس مرض القلب ممكن يجي فجأة .. الكلام إنتو بتر جيمس ده جاي ركبتو معووجة .. ليه ما فحصتو عليهو ؟؟ عليك الله بيتر ده لعب للهلال خمسة ساعات ؟؟ ماهو قاعد عندكم وحايم بالجنسية قبل كوني المسكين يتجنس ويعرف السودان
Quote: بالله أنت بتشجع المريخ السودان ولا مريخ جزر القمر يمكن يكون في مريخ هناك |
أنا بشجع مريخ السودان .. مريخ المحمولات جواً مريخ كاس مانديلا .. بتعرفو ؟؟ سؤااالي كان واااااااضح .. من هو اللاعب الذي سجله المريخ من الهلال ( مباشرةً ) ؟؟؟ أنا كنت عااارف إنك ح تزوغ منو عشان لا إنت لاغيرك عندو إجابة
Quote: ياأخي الكريم بنهاية تسجيلات هذا الموسم سيكون تيم المريخ عبارة عن لاعبي الهلال زائدا المحترفين الاجانب |
والله .. يازووول .. إنت متاكد ؟؟ يعني معناها ح تخطفو مننا .. العجب .. سفاري .. السعودي .. الزومة .. قلق أمير دامر .. عنتر .. بهاء الدين .. وصلاح الأمير .. جيمي ناتالي .. سعيد السعودي عشان نلعب بي باقي خردتكم مع المحترفين .. مش ؟؟ ولا يمكن ديل يكونو إحتياطي لناس مرق وزرياب وجوليت ومعنز كبير ؟؟
يا حبيبنا في حاجة إسمها منطق .. خليك منطقي
| |
|
|
|
|
|
|
Re: كيف نحمي { أولادنا } من ماكينة النقود الحمراء (Re: yasir Abdelgadir)
|
Quote: أنا ضد أن يسجل المريخ أي لاعب من الهلال او حتى أي لاعب سبق وأن لعب في الهلال لأنو ببساطة لو فيهو خير ما رماهو الطير |
سلامات يا ثابت محمد
يا أخي:
* هذا المقال يعبر عن قناعة كاتبه بأن القائمة الحالية لفريق الهلال بلغت مرحلة من الانسجام بفضل الاستقرار، ويرى -كاتب المقال- ضرورة الاحتفاظ بهذه القائمة أمام التطلعات المشروعة لفرق أخرى من بينها المريخ.
* حرصنا على تمسك الهلال بلاعبيه لا ينفي قناعتنا بحق المريخ المشروع في محاولة ضم بعضهم.
* من بين لاعبي الهلال الحاليين: في الموسمين الأخيرين فقط، سعى المريخ جادا -كما قرأت لكتاب مريخيين- لضم كل من المعز محجوب، ، كرنقو، عمر بخيت، حمودة، مهند الطاهر وقودوين. وسعى قبل ذلك لضم كل من أبوبكر الشريف، ريتشارد جاستن وهيثم مصطفى. ولو وجد سبيلا لضم كل من يوسف محمد وكلتشي لما توانى.
* أكرر ما قلته لك من قبل عن أن "تأريخ أحداث كرة القدم "البعيد نسبيا" لا يصلح لاستقراء الحاضر وتوقع المستقبل"، ولذلك تنتفي الحاجة لاستحضار هذا التأريخ، ولكن، وإن كان لا بد من ذلك، فإني أذكرك بأن المريخ سبق له أن ضم لقائمته من اللاعبين الذين ارتدوا شعار الهلال كل من: عز الدين الدحيش، الريح كاريكا، حاتم جمال الدين، حسين الضو، جمال سانتو، نزار الشعب، الرشيد فيصل، علاء الدين بابكر، مجاهد، هيثم طمبل. هؤلاء 10 لاعبون، وهم من تذكرتهم. ويسعى المريخ هذه الأيام لضم لاعبي الهلال السابقين محمد آدم وأحمد الباشا.
* هؤلاء اللاعبون ال10 ظهرت نجوميتهم في الهلال، ولو كان المريخ قد ضم بعضهم عقب شطبهم من الهلال، فهذا يعني أنه لو وجد سبيلا لضمهم أثناء لعبهم للهلال لما تأخر. وأنت تعلم ما يعنيه مصطلح "الضربة أو الخبطة الإدارية" في صحافتنا الرياضية.
* كتبت أنت في مقال آخر:
Quote: من القائمة أعلاه يتضح أن الهلال هو الأكثر خطفاً وهرولةً خلف لاعبي المريخ على عكس ما تدعي صحافة الهلال من مطاردة فريق المريخ للاعبي الهلال
لذلك لا أستبعد أن يقوم المريخ برد هذه الديون للهلال خلال هذا الموسم
ربما بلاعب أو لاعبين ربما (1) إستعادة حمودة بشير (2) تسجيل عمر بخيت .. رغم مستندات احمد الريح (3) مهند الطاهر .. بدليل أن صلاح أدريس يريد التجديد رغم تبقي عامين من عقده خوفاً من ( الفسخ ) (5) خالد جوليت .. ليكون للمريخ مدافع في كنبة الإحتياط |
طيب ياخي: إنت لو قلت "ربما" يكون المريخ عاوز حمودة وعمر بخيت ومهند وجوليت، ونحن عاوزين الهلال يحافظ على اللاعبين ديل وغيرهم... المشكلة شنو _________________________
فكرة المقال واضحة، ولا أظن أن "الغلاط التأريخي" يخدم غرضا فيه، يعني يا أخي لو عاوز الهلال يحافظ على لاعبيه -زينا كده-: ألف مرحب بيك، ولو عاوز تثبت "حاجة تأريخية"، من الممكن تخصيص مقالات أخرى، مع وافر احترامي لوجهات نظرك وحقك في التعبير عما شئت، متى شئت.
| |
|
|
|
|
|
|
Re: كيف نحمي { أولادنا } من ماكينة النقود الحمراء (Re: Ahmed Alrayah)
|
والله يادكتور ياريت لو الواحد كان بيعرف يرص الكلمات مع بعضها .. أو لو كان شاعــر .. أو كان اديب يا متبحر في علوم اللغة .. كان كتب ونحت مخــو وقال ما لم يقال . مش في لعيبة الهــلال بس .. إنما في هذا الانسجام اللوني الغريب جدا الأزرق الذي يطرز السماء بمد البصر .. والأبيض العاجي .. المسالم.. يعجبني الغزال الأسمر .. مهند الطــاهر وهو يرسم توقيعه في بهلوانية يؤكد بها رشاقته المتناهية في مغازلة الجلدة المستديرة .. وترويضها واسكانها الشباك .. يعجبني قودوين الساحــر .. يحاور في ذكــاء .. واصرار لإسعادنا، ويرسلها تسكن الشباك .. كلتشي الفنان ملك المراوغة في حصون الخصم .. يرعب ويرهب ويترجم تمريرات الماسيترو والولد الفنان هيثم سيدا .. الاسد معز محجــوب .. حامي العرين .. قلب الأسد ريتشارد صمام الأمان .. إبن الوزير طارق .. لمبــات يوسف اليمانية التي تحلق داخــل الطمنطاشر بميزان الموية الذي لا يخذل مهندسي المعمار.. .. تحملوا يا دكتــور نفسيات اخوتكم في الأحمـر .. فهذا الموسم كانت سنته كبيسة عليهم.. وكعادتهم سيسعون إلى تبخيس انتصاراتكم ويسعون في محاولات فاشلة إلى تجنيد من زرع الهلال في قلبه .. ورضعه مع حليب الأم .. فالهلال عقيدة وعشق ازلي لذلك يظهروا بهذا الهزال .. وهذا التخبط .. والصقور دائما تعشق االعلى .. فكل من غادر هذا العالي تجده يهيم في السهــول كما ضعاف الطير.
| |
|
|
|
|
|
| |