المطلقة .. بين مطرقة الإخفاق وسندان المجتمع.

Quote: يا بنوت تعالن نوصيكن الرجال ديل شفع -------------------------------------------------------------------------------- والله دي وصايا لو مشيتوا بيها حتعيشوا بامان0000 دايرة اوصيكن على رجالكن صدقوني لو جى يوم واتفارقتوا لا قدر الله ما بتندمن ولا بتحسن بي تانيب ضمير لأنكن سويتن العليكن وما بقدر الراجل يمسك عليكن مثقال ذرة وبس امشي بي شعار احم احم ارمي ارمي لي قدام 1) من اول يوم زواج لابد من تغيير طريقتك واسلوبك انتي الان مع شريك عمرك يعني خمجك ال في بيت ابوك ال كنتي بتسوي تخلي وخليك عاقلة وواعية 2) اوصيك ما تدي زوجك اسرار بيت اهلك مهما كانت الدغايس والمغايس تموتي بي براك تموتي بي مع اخواتك 000امك000اخوك00ابوك00انشالله مع ضلك 00عارفة ليه عشان ما يجي يوم تهرجلو وتبرجلو يطلع ليك القديم في ساعة غضب ويقول ليك زمان ماكان اختك سوت وامك فعلت وحبوبتك تركت00لا تشركيه في اسراركم العائلية فهو عندو ما يكفي 3) لا تتحشري في طريقة معاملتو مع اهلو مالك ومالو ما ديل اهلو برضو ومحتاجين ليهو يسوي البسوي -يصرف عليهم 00يدلعهم00يفرش الارض ورد ما غرضك000يعرس لي اختو يسلف اخوة ما يخصك ال ما فيهو خير لي اهله ما فيهو خير ليك ولي عيالك 4) احترمي مواعيد زوجك وزمن رجوعوا البيت ما يلقاك مافيشة لافحة توبك وشباشبك وحايمة في الحلة وحتى لو مع امك000كدة زعابيرو بتمرق وليهو حق000جاي ياكل لقمة وياخد غمضة والمسا كباية شاي لبن مقنن ومعاها نضمة نضمتين دقاق 00اها الواحد كان ما لقى راحتو في بيتو يلقاها وين في حدايق 6 ابريل؟؟؟؟ 5)حذاراك ثم حذاراك تفتحي خشمك بالطلبات في اوقات غير مناسبة زي راجع من الشغل عينو طالعة 00اكل لقمة00خت راسه لي غمضة 000مارق مستعجل محصل ليهو عقد او دافنة00كدة بتكوني هبلة وعبيطة وما بتلقي الدايره 000اختاري لمن تكونوا في ساعة صفا وما تطلبي منو بي صوت عالي ولهجة آآآمره خليك رقيقة الحضور تصدقي في اللحظة دي ممكن يجيب ليك لبن الطير 6) اهتمي بمظهرك الداخلي بقصد الجوهري يعني ما تقابليهو صارة قدومك وقارنه حواجبك ونافخة جضومك واف اف اف اف لا اااااااااا حبيبتي كوني هاشة باشة مرنة طرية ندية الروح وخلي صدرك رحب ونضمك فيهو السكر والله يدوب وينسى هم الدنيا ما قلت ليك شفع بس الصبر والمرونة 7) اهتمي بمظهرك الخارجي 00خليك قيافة وكلك لطافة يا طعم الجوافة على قدر ما الله اداك اتجيهي ولو بي البسيط ممكن 00ما سمعتي يخلق من الفسيخ شربات 8 )خلي بيتك مريح للنظر دة بديهو روح الاستقرار البيتي وصدقيني بكون مشتاق متين يرجع بيتو لانو مرتاح فيهو وبي كدة تكوسي للطريقة ال تفكك منو يعني يبرك تحت رجليك وشبيك لبيك مش قلت ليك شافع بس كبير 9) ما تكوني مرة نقناقة النقة بتقصر العمر والله يطفش من علامه لي ضلامه يجيك زول نوم وتكبي الجرسة وتكوسي لي ال بهمدوا في بطن البيت (في داعي لي جنس دة) 10) خلي كلماتك جميلة تدغدغ الاحساس يعني لسانك لا يلفظ الا الخير اديك مثال (نعم000جدا000حاااضر000تسلم000ود امي انا0000يخليك لي ربي000ودوما لمن يمرق للشغل قدميهو للباب ودعيهو بي دعاء بالتوفيق ويعود ليك سالم من شر الطريق وكلام دقاق كدة يعني خليك حنينة 11) زي ما بجاملك في اهلك جامليهو في اهلو دة بخلق ليك جو وتمسكي الجو عند اهلو ويحلفوا بحياتك ويعتبروك بنتهم الزي حشاهم لكن كان تقولي ليهو دي سغيلة ودي زمان كانت خاته عينا عليك00ودي بتغير مني00ودي محروقة علي اني عرستك اكسبي اهلو حتكسبي الكتير وما تخلي عقلك هوائي فكري صح 12) خلي بيتك مفتوح للجميع وخليك مرت ضيفان البيت الفيهو ضيوف خيرو ما بقل ولا بنقطع والبيت مرة ما راجل وتسوي كرمك وانتي باسمة وما تبقي كتالت الضيفان زي كتالت الضبان لان الناس بالناس ما بنبقى بلاهم والله يشيلك في راسه مدى الحياة 13)خلي عينك ملانة ومدي رجلك قدر لحافك وارضي بي قسمة الله نجري جري الوحوش وغير رزقنا ما بنحوش000القروش بتجي وتمشي لكن القناعة درع نحمي بيهو نفسنا والعين ما يملاها الا التراب اذا المشاعر الصادقة هى الابقى واقوى000شدي من ازره وخليك مدبرة وامسكي دفة مملكتك بوعيك حتسعدي انا متاكدة 14) احفظي سرك مع زوجك في كل شئ حتى امك ما تكلميها ولا تملكي زول معلومة ولو تافهه عن حياتك 15)الاحترام وصدق اللسان دة عمود بيتك لو اتفقدوا بيتك انهدا وقع احذري ودمتن عافية وسرور