|
|
 تبلدينا ... قالوا متألم شوية
|
إشتد البرد هذه الأيام فى مدينة الرياض مما تسبب فى أن يتوعك الأخ الحبيب تبلدينا ويصاب بتلكم النزلة المزعجة تصحبها حمى طفيفة فقد عرفت ذلك قبل قليل عند إتصالى عليه على هاتفه النقال فرد علىّ بصوت مرهق فيه بحة واضحة أكاد أحس بدرجة حرارته المرتفعة قليلا والرجفة الخفيفة المصاحبة لذلك وبالتالى يكون أول مريض للمنبر فى مطلع الساعات الأولى من عام 2003م وأتمنى له من كل قلبى عاجل الشفاء
قالوا متألم شوية
ياخى بعد الشر عليك
|
|
 
|
|
|
|
|
|
|
 Re: تبلدينا ... قالوا متألم شوية (Re: يازولyazoalيازول)
|
الأستاذ الكريم تبلدينا
ألف لا بأس عليك والجاتك في نخرتك سامحتك وأسأل الله لكم وللجميع دوام الصحة والعافية وعليك بالكركدي الحار والليمون وكذلك البرتقال وأن تلزم السرير ما أستطعت وأن تتدثر وتتبخر ببخور تيمان مضافاً إليه لبان ضكر وأن تتمسح بزنت سمسم وإن لم تجد فبزيت زيتون بكر.
شفاك الله وعافك وجعلها أجر وكفرة
| |
|
|
|
|
|
|
|
|
 Re: تبلدينا ... قالوا متألم شوية (Re: يازولyazoalيازول)
|
سلامتك
وألف من عينة هناي كرامتك
أجر وعافية ان شاء الله
بعد تنفيذ وصايا الحبايب
ما تنسى ترم عضمك بي شوربة كوارع سخنننننننة
النزلة دي لقتك خفيفوني فحقرتك الكوارع دي مجربة
أسمع كلام المدغلب ما تسمع كلام الرقيق
تحياتي
| |
|
|
|
|
|
|
|
|
|
Re: تبلدينا ... قالوا متألم شوية (Re: ولياب)
|
...
..
.
الكردفانى الجميل
سلامتك .. وكل أركان المنتدى
كرامتك ..
صار لزاما عليك ياصديقى بالرفقة
الطيبة .. فاكمل خطواتك .. خطوة ...
لك الود .. والأمنيات الطيبات بعاجلية الشفاء .
| |
|
|
|
|
|
|
|
|
|
Re: تبلدينا ... قالوا متألم شوية (Re: hero)
|
حبيبنا تبلدينا
ياخوى سلامتك وبورد العرب المجاورنا كله كرامتك
ربنا يجعلها لك اجر وعافية وكما تعلم فان المرض يكفر السئيات وقد كان الصحابة رضوان الله عليهم سابقا عندما لا يمرضون يحملون هما بان الله غير راض عنهم لان فى المرض كفارة للذنوب ولذا نقول دوما الحمد لله ..
وسلامتك يا العزيز وما تشوف شر يا الغالى
نسأل الله لك العافية والصحة التامة وان تقوم افضل مما كنت سابقا..
اهلنا فى السودان سابقا كانوا يقولون ان النزلة مرض عافية وليتهم رأوا النزلة اللعينة الان كيف اصبحت فتاكة وقاسية المزار فهى تصحب معها رفيقتها الحمى والتى قال فيها المتنى كانها تزور حياء فلا تجىء الا ليلا لتجعل الليل اطول من ليل العاشقين او ليالى ناس جوانتمالا..
شفاك الله اخى الحبيب ولا بأس طهور بأذن الله
| |
|
|
|
|
|
|
|
|
|
Re: تبلدينا ... قالوا متألم شوية (Re: noha_g)
|
تبلدينا العزيز
سلامتك وكل ناس البورد كرامتك
سحروك عيال الجلابة الشنينين الما بشبهوك ... ناس ياسر الشريف وولاد اعمّا يا كردفاني يا أصلي
دي بالكردفاني يا ياسر ما أظنك حتكون فهمتها
أدام الله نعمة الصحة والعافية على كل شباب البورد ... آمييييييييين
| |
|
|
|
|
|
|
|
|
 Re: تبلدينا ... قالوا متألم شوية (Re: يازولyazoalيازول)
|
..
.
ويجى الزمن الموسم
بي فداية فاطنه .. والدلوكة
والنمه
خدار .. وعمار
.. وكوم عمال
زغاريد تشربا اللمه
ويجى وتقدل خيول اهلى
البسدو الجوعه بي نّمه
الغباش لونن
سمح كونن
يجوا ويملوا الشوارع نم
غبش نتلم..
نحاسنا يدق .. يهز البلا ذمه
الاعزاء الافاضل
يازول yazoleيا زول
الاخ المقدر يا هشام
دوما لك الود اجزله والدعوات اطيبها
وان شاء الله يوم شكرك ما يجى
دمت اخاً متواصلاً
تملا المكان كرما وحبورا
Tumadir
الاخت الفاضلة تماضر
وردة وصلك ..جنة اصلك
دمت وما تشوفى شر
يا استاذة
Almulaomer
الاخ المحترم الملا عمر
تسلم يا حبيب
الا قول لى انت شغال فكى ؟؟
بخور تيمان ، زيت زيتون ولبنان دكر؟؟
دمت
AzZa
المتألقة عزة
تسلمى لينا يا عزوز والله يديك العافية
Singawi
الشفيف سنجاوى
اها يا المدغلب
شوربة الكوارع دى جربناها
بس والله ما ليها نكهة الصحافة
يديك الصحة والعافية
Waleed500
وليد يا متعنصر
هو انتو بقيتو تكفروا للغرابة
j/k
بنهزر والله يا حبيب .. وشكرا ليك
بس عليك الله طوروا البلد عشان نرجع اهلنا
من هنا ومن هناك
Omermadadi
عمر مهدى
يا خرفان
انا البرجع البيت متأخر .. ما انتى بتجى انصاص الليالى
حسع الواحد لو مات عديل كدا
ما يلقه البكفنو
شاكوش قال ان شاء الله تشكك نزلة زى حقتى دى
غدى
ايتها الساجدة .. المتعبدة
دعواتك عليك الله
مش للحمى والنزلة وبس لحاجات كتيرة حاميانى
ما عارف ليه كل ما اقراء ليك مداخلة بحس
بروحانيات وتقى و.... وربنا يحفظك
وتسلمى
أساسي
والله انت زى صحبك
شنو اكل جرجير واجرى عكس الهواء
انا بعمل فى سويدى ولا داير تقد صدرى
كفر الله سيائتك الكتيرة ديك
Timbs
تمبس
الله يسلمك وكفر الله سيائتك
انت يا حبشتى انت
الصورة دى بتاعت مدلينا ؟؟
Sharnobi
المحترم صلاح شريف
شكرا ليك يا استاذ شرنوبي
ان شاء الله تكون انت خلاص بلغت الصحة
يأخى قالو انت اصغر من كدا ؟؟ شنو جايب صورة جدك؟؟
Solara
الذوق سولارا
Eyesight is agift,,can't replacced
AND U TOOO???
Thanks 2 U.
رحيل
لينا زمن نفتش ليك !!
آه .. وتانى آه لو بتفيد مجروح
حليل زمن الاتكاءات واسير الشوق
دمت
Asaay
آســاى
ربنا يديك العافية
ويضمد الاسا والالام
ودمت مع الشكر اجزله
مشتاق
وشوقنا بحر وشكرنا برد وصقيع
وصفتك لكن ما فى السلك ..عارف طبقها لي واحد مشوكش كدا
تحياتى
وجن
متشكرين يا فردة
والله عندى سؤال انت فى الرياض بالسعودية؟؟
بعرف لى واحد هناك اسمو وجنه
وتسلم فى كلا الاحوال
ولياب
شارع الخزان كرامتى ؟؟ والله كرامتى دا ما كتيره
خلى بالك من الكباب والريش زالمشاوى البهناك
ووين انت يا عزيزنا
والله يديك العافية
Hero
أيها الامير الازرق
كم اسعدنى ان اراك هنا ؟؟
لا ادرى اشتهك فاقراءك فى الاشتهاء
ويا ليتها تكتمل تلك الخطوة فقد طال امدها
وارى نفسي اخطو واحدة واتقهقر اثنتين
خوفاً .. تردداً .. اختياراً
وفقنا الله واياكم
تسلم
قرشو
أيها الاصيل ..طيب المعشر والكلمة
لا تكفيك كلمة شكرا ولكن لا اجد لها بديلا
هكذا قالها الككخ يوما ما
المريود
استاذنا المبدع .. الحضور
لك تحية الود والاجلال والاكبار
وان شاء الله تغشاك العافية
دمت للامام زخرا
ود عزة Wadazza
من اعماق قلبي
انثر الاشواق ..شلالا رويا
لك الود اجزله والحب افضله
يا ابنها البار
Elsagiq
الصادق
الله يسلم .. يا روعة
ويديكم الصحة والعافية والذرية الصالحة
بالله لمن تزوا الزول اللابس كوت ابيض
افيدونا اول باول
تحياتى وتقديرى لكم دوما
المبدع .. استاذنا بكرى ابوبكر
الله يسلمك يا ود حبيب ودمت زخرا للوطن
ولسودانيز اون لاين وربنا يوفقك فى كل خطوة
لك التحية اطيبها والتقدير اجزله
Doma
مامتنا دومه
ان شاء الله ما تشوفى شر
وشرك مقسم للدغشم
تسلمى وربنا يخلى ليك وليداتك وبنياتك ويحفظهم من كل شر
وبالله تزورونا مره
MODIC
محمد الشاعر المرهف
تسلم يا ابو الشباب وربنا يديك فى كل خطوة بركة
يا رائع
عبدالله
تسم يا ود ابوى
ان شاء الله ما يغشاك مرض ولا غربة
قول امين
Ghariba
الباشمهندس صلاح غريبة
سلام يا حبيب
انا موجود .. لكن هو فى رابطة لمن تعرف منو العيان ومنو
الغايب ؟؟
لا ارى جديدا تحت الشمس
سوا بخصوص الرابطة او عبد الرحمن عبدالله
بخصوص القضيم ؟؟ كدى شوف لي ستو ؟؟
OmerGoda
أيها المتلفح السواد والخفاء
انتظرت تلفونك ولم يرن هلتفى لللحظة
ساظل اتوقعك يوما ما
دمت ودام الود
Elkhawad
الخواض .. الشاب المهذب .. المكتمل الروعة والابداع
وحسن الحديث ..لك التحية يا حبيب
والشكر على كل شئ ونسال الله الوصل والمداومة
لك دوما تقديرى الخاص
Noha_g
نهى .. بت ام الرائع الخواض
لك التقدير ايتها المرهفة الحس وتسلمى
من كل شر
ودمت ودام الود
التحية لكل الاخوة والاخوات الذين راسلونى عبر الايميل
او اتصلو بي عبر الهاتف
او زارونى بشقتى المتواضعة
او بالسؤال عنى بالشركة
لهم دوما كل الاجلال والتقدير
ودمتم جميعا
ودام الود
بينا
حتى اراكم حول هذه الواحة التى جمعتنا
لكم الامتنان
| |
|
|
|
|
|
|
|
|
 Re: تبلدينا ... قالوا متألم شوية (Re: يازولyazoalيازول)
|
بيان من سينتمنتال حول احداث بوست (حوار الذات)
ya zoal ya zoal last image
طيب يا جماعة طبعا كلكم عرفتوا المؤامرة السيئة التي قام ويقوم وسيقوم بها صديقي اللدود يا زول ضد مكتسباتى البوردية. فقد قام بحزف كل رسائلى وتوقيعى الشهير ومن ثم وضع رسائله الخاصة به التي تظهر خضوعى وامتثالى لاوامره الديك تاتورية .
نحن من هنا نهيب بكل قطاعات الشعب البوردى للوقوف يدا واحدة فى وجه الجبروت والظلم والاقطاعية والرد بيد من حديد على كل من تسؤل له نفسه الاخذ من مكتسباتنا واغتنام فرصة ذهابه للغداء لارسال شجبهم وإداندهم للهجوم الغاشم على سينتمنتال الطيب الذى لا يؤذى احدا الذى تعرض للظلم والارهاب (فى صمة خشمو) وهو الان يرقد طريح الاندهاش والفزع بعد أن اتصل به يا زول يا زول مرارا وتكرارا مهددا ومتوعدا بمذيد من القهر والارهاب وحجر الفكر المستنير.
أن ما يقوم به ناظر البورد لهو اعتداء صارخ على الديمقراطية التي تأسس عليها ومن اجلها البورد. اعتداء صارخ على مؤسس البورد نفسه وتهميش لدوره المتقدم فى الاداره والمحافظة على سلامة الاعضاء حتى يعودوا الى اهلهم سالمين غانمين بما اتاهم الله من فضله وما اغتنموه من فرص اللقاء والمفاهمة عبر العالم.
ايها البورداب الاعزاء. لنقف صفا واحدا ونتحد ضد النميرى الجديد (كلهم دناقلة) وان لا ندع التاريخ يعيد نفسه والا هوينا الى مزابله العديدة.
لووول لووول يا زول يازول
يسقط يسقط حكم الزول
| |
|
|
|
|
|
|
| |
يازولyazoalيازول
Tumadir
almulaomar
waleed500
اساسي
tmbis
sharnobi
raheel
مشتاق
وجن
ولياب
قرشـــو
Elsadiq
بكرى ابوبكر
doma
ghariba
omergoda
noha_g
cantona_1
فيس بوك
تويتر
انستقرام
يوتيوب
بنتيريست