|
يوم فى الغربة .. لقيت وحيدة زى أمي
|
.. .
يوم فى الغربـــة هدية لامي ولكل ام فى عيدها
يوم فى الغربة ماشي براى وشاقي الحّـى لقيت وحيدة زى أمي ترضع فى وليدها صبّي ويعصر فى ضريعها شديد .. يناتل فوقه يصرخ وّى وجيتها قريب ..لقيتو ضريعها ضرع أمي داري غزير أظنو لبّي *** وقفت شوية وأتملت فوقها كتير لقيت فى وشيشها أغرب شئ !! عيــون أمي وقت ما تغوص جفون الليل .. تفتش لي وفى حدقاتو تلقاني .أحفظ فيهو أشعاري ويدمدم بقصيدة لّي وأشــوف فى قمره وش أمي *** وأشوف دمعاتها فى شلاخها جاريات لي بقيت كن شفتو بادي هلال .. تجرى الدمعة فى عيني وأتذكر دمـوع أمي يقالدوني يوادعوني يشابن لي وتنقص دمعة من شلاخها ..ترقد لي فوق خدّي *** مافي أحن من أمي أجيها صغير .. أجيها كبير تفلينى ،، وتقردن لي تحجينى وتوسوس لى : تكبر لى يا ولـدي ,اشوفك ضاوي مثل الضّي تحجيني وتشيل كبري واشوف اولادك يفرحوا بّي احجيهم الوليهم ينومواالعافية فوق إيدّي *** يوم أسمع كلامك داك يوم اسمع كلامك داك أحس العبرة تخنقني وتحسي جوابي فى عينّي واقع فوق حضنك الدافئ .. وأسلم ليكِ فوق رأسك وأضمكِ إنت بين إيدي وأحقق ليك أمنيتك مهما تقسي تصعب لي أوديك مكــة .. ألفين مره ..كن الألف يبقي شوي *** وكن كــبرك!!؟ أساهر الليل اشيلك بين أيدي وتكبر لي ..تحضري عروسي واولادي ويفخروا بيك ..متل ما كنت تفخري بي ولو ما الدنيا فوقها شويه اكاما ما الدنيا فوقها شوية متل أمي أكان القمري يبقي حدّي ويعيش الناس ضلام فى ضلام يفتشـوا شمعة بس للضّي *** شمعة بتفني زى أمي عشان نورها يفضل حي أكان ماجيتها من بطنك ! أكان ما جيتها من بطنك أكان الدنيا حتى الأخرة ضاقت بّي عشانك إنتِ يا أمي وعشان بأبوك متسمي وأبوك العارفو ما زول نّي عشانك أنتِ قلبي كبير وضيو كتير وماخد من شمعتك ضي *** بـنــده الله إنتِ تعيشي يا أمي وكل الباقي خلي علّي عشانك إنتِ وعشان ما إنتِ نور عيني تشيخي تعيشي بيناتنا وأشوفك غيمة ماشه علّي غيمة بتقصد المحتاج ..وفضلة خيرك يبقي هو حيّ وخيرك يغشي كل الناس .. من الماشي بالعكــاز لى عند البيحبي حبّي *** وأشوفك فى عيون الناس عبيراً صافي جاي نقّي أحس نسامه فى جوفي ،، تخش بسهولة فى رئتيي شعري القلتو يمه حزين شعري القلتو يمه حزين وكله مآسـي مرت بّي *** إلا غناك يا أمي زفرة ونبضه نبضه وزفره زفره ونبضه.. فى دمي وبسمه عريضه فى شفتي .. . رحم الله الاستاذة/ ليلي المغربي فهى من جعلنى احفظ هذه التحفة ...
|
|
|
|
|
|
|
العنوان |
الكاتب |
Date |
يوم فى الغربة .. لقيت وحيدة زى أمي | Tabaldina | 03-20-04, 08:29 PM |
Re: يوم فى الغربة .. لقيت وحيدة زى أمي | سجيمان | 03-20-04, 08:34 PM |
Re: يوم فى الغربة .. لقيت وحيدة زى أمي | Tabaldina | 03-21-04, 12:19 PM |
Re: يوم فى الغربة .. لقيت وحيدة زى أمي | فتحي الصديق | 03-20-04, 08:40 PM |
Re: يوم فى الغربة .. لقيت وحيدة زى أمي | Ahmed Elmardi | 03-20-04, 09:12 PM |
Re: يوم فى الغربة .. لقيت وحيدة زى أمي | Tabaldina | 03-21-04, 12:25 PM |
Re: يوم فى الغربة .. لقيت وحيدة زى أمي | Tabaldina | 03-21-04, 12:22 PM |
Re: يوم فى الغربة .. لقيت وحيدة زى أمي | ASAAD IBRAHIM | 03-20-04, 09:41 PM |
Re: يوم فى الغربة .. لقيت وحيدة زى أمي | Tabaldina | 03-21-04, 12:34 PM |
Re: يوم فى الغربة .. لقيت وحيدة زى أمي | ودقاسم | 03-20-04, 09:43 PM |
Re: يوم فى الغربة .. لقيت وحيدة زى أمي | ودقاسم | 03-20-04, 09:44 PM |
Re: يوم فى الغربة .. لقيت وحيدة زى أمي | ودقاسم | 03-20-04, 09:47 PM |
Re: يوم فى الغربة .. لقيت وحيدة زى أمي | Tabaldina | 03-21-04, 12:56 PM |
Re: يوم فى الغربة .. لقيت وحيدة زى أمي | ودقاسم | 03-20-04, 09:48 PM |
Re: يوم فى الغربة .. لقيت وحيدة زى أمي | DKEEN | 03-20-04, 10:46 PM |
Re: يوم فى الغربة .. لقيت وحيدة زى أمي | معتصم دفع الله | 03-21-04, 01:17 AM |
Re: يوم فى الغربة .. لقيت وحيدة زى أمي | ابو جهينة | 03-21-04, 08:38 AM |
Re: يوم فى الغربة .. لقيت وحيدة زى أمي | abuguta | 03-21-04, 09:06 AM |
Re: يوم فى الغربة .. لقيت وحيدة زى أمي | shiry | 03-21-04, 12:34 PM |
Re: يوم فى الغربة .. لقيت وحيدة زى أمي | Tabaldina | 03-24-04, 12:51 PM |
Re: يوم فى الغربة .. لقيت وحيدة زى أمي | Tabaldina | 03-21-04, 01:04 PM |
Re: يوم فى الغربة .. لقيت وحيدة زى أمي | Raja | 03-21-04, 03:08 PM |
Re: يوم فى الغربة .. لقيت وحيدة زى أمي | wadaldeem | 03-24-04, 01:03 PM |
|
|
|