|
|
 بــــوســــــــتـــــات وكدايــــــــــــــــس
|
وانا سغير ..حوالى عشرة سنوات ..تحصلت على جوز ارانب ..
لا ازكر بالضبط كيف تحصلت عليهم ..هل اشتريتهم؟ ام كانو هدية من
احد افراد الاسرة ...
المهم الارنبين ديل كانو تحت رعايتى....
فى الليل كنت اخفيهم فى الضلفة السفلى من دولاب الهدوم وكانت هناك
فتحة صغيرة للتهوية ......
بعد فترة قصيرة تكاثر الجوز و تضاعف عدده ...
الا ان بعض كدايس الحلة اكتشفوا الوجبة المجانية الدسمة التى يحصلون عليها
يوميا ....
كل يوم اكتشف ان الارانب الصغيرة تنقص عددا وارى بقايا صوف بجوار الدولاب ...
راجعت فتحة التهوية عدة مرات وتاكدت انها اصغر من تسمح للكديس ان يدخل عبرها ....
استمرت المعادلة الغريبة..
الارانب تتوالد
والكدايس تتعشى مجانى ....
ازكر ان بلدية امدرمان اصدرت مرسوم بقتل كل الكدايس الضالة ..اظن انها
عرضت 5 قروش (او ماشابه) مقابل راس كل كديس (ناس امدرمان القدام ممكن ياكدو
او ينفو المعلومة دى )
الكدايس فى النهاية انتصرت فى المعركة واكلت كل ارانبى الوديعة ......
تلك الحادثة ولدت فينى كراهية مبالغة تجاه الكدايس ....
بعدها بفترة قصيرة رايت كديسة كبيرة فى الزقاق الذى يفصل بيتنا وبيت عمتى ام كلثوم..
بدون تفكير قررت قتلها ...
بجوار الباب كانت هناك مرزبـــــــة ضخمة متكلة على الحيطة ...
رفعت المرزبة واتسحبت بهدوء وطاخ ضربت الكديس فى راسه ..
اترترع بصورة غريبة ومات فى الحال ...
دخلت فىنى خوفة غريبة وانا ارى الكديس يلفظ انفاسه...
دخلنى وهم ...ان الكديس بسبع ارواح ....
وان اقرباء الكديس الميت سيعودون للانتقام منى.....
ليالى طويلة ونومى كله هلاويس .....خاصة عندما اسمع صوت الكدايس الذى يشبه صوت الرضيع
(اظن ان ذلك الصوت تصدره الكدايس لمن تكون فى حالة جماع)
|
|
 
|
|
|
|
|
| العنوان |
الكاتب |
Date |
| بــــوســــــــتـــــات وكدايــــــــــــــــس | النصرى أمين | 03-19-12, 06:42 PM |
| Re: بــــوســــــــتـــــات وكدايــــــــــــــــس | النصرى أمين | 03-19-12, 06:47 PM |
| Re: بــــوســــــــتـــــات وكدايــــــــــــــــس | النصرى أمين | 03-19-12, 08:45 PM |
| Re: بــــوســــــــتـــــات وكدايــــــــــــــــس | النصرى أمين | 03-19-12, 08:59 PM |
| Re: بــــوســــــــتـــــات وكدايــــــــــــــــس | النصرى أمين | 03-20-12, 03:15 AM |
| Re: بــــوســــــــتـــــات وكدايــــــــــــــــس | النصرى أمين | 03-20-12, 03:48 AM |
| Re: بــــوســــــــتـــــات وكدايــــــــــــــــس | munswor almophtah | 03-20-12, 04:02 AM |
 Re: بــــوســــــــتـــــات وكدايــــــــــــــــس | munswor almophtah | 03-20-12, 04:05 AM |
| Re: بــــوســــــــتـــــات وكدايــــــــــــــــس | أسامة البلال | 03-20-12, 07:58 AM |
| Re: بــــوســــــــتـــــات وكدايــــــــــــــــس | النصرى أمين | 04-07-12, 00:30 AM |
| Re: بــــوســــــــتـــــات وكدايــــــــــــــــس | النصرى أمين | 04-08-12, 04:52 PM |
| Re: بــــوســــــــتـــــات وكدايــــــــــــــــس | النصرى أمين | 04-08-12, 04:58 PM |
| Re: بــــوســــــــتـــــات وكدايــــــــــــــــس | النصرى أمين | 04-09-12, 05:22 AM |
|
| |
فيس بوك
تويتر
انستقرام
يوتيوب
بنتيريست