|
|
 عروس الفواكه " القشـطـة" صور..حكايات..استمتاع
|
لم اصدق صاحبى عندما هاتفنى انه لقى القشطة فى مدينتنا,,,
لم اصدقه....قلت اسمها ايه؟
قال لى ما عارف ..لكن حلوة حلا شديد..
قلت لى وصفها لى ..
بدا يوصف ...وعلى حسب الوصف مشيت المحل الصينى لشرائها لم اجدها ,,,
رجعت بعد كم يوم ..برضو ما لقيتها ..
بقيت كل مرة امشى بتلك الجهات اقيف فى المحل وافتش عنها ..
للاسف لا اعرف لها اسما ولم يستطع العاملون فى المحل مساعدتى ....
امس الاحد اتصل بى صاحبى ...اركب تعال القشطة فى المحل ,,,
اخيرا الحلم حيتحقق ....الغموض الذى يلف تلك الفاكهة السحرية حينقشع ..
الفضول الذى لازمنى طيلة حياتى حيزول خلال دقائق ..
لفحت مفتاح العربية ..وطيران على المحل ..
وكان اللقاء التاريخى
نواصل بعد بعض الصور
<>
<>
<>
<>
|
|
 
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: النصرى أمين)
|
Quote: الشئ البغيظ ان موقع ويكيبيديا يقول ان نبات القشطة يزرع فى السودان واليمن
طيب انا سودانى ...عمرى ما شفت القشطة دى ..... |
الحبيب النصري
اولا حمد الله على سلامة الحصول على القشطة البتهاتي بيها
القشطة مزروعة في السودان وموجودة من زمااااااااااااااان واعتقد في منطقة ابوجبيهه ولست متأكد
لكن نحن صغار كانو قاعدين يجوبها لينا باللوري من الغرب.
غير كدا مزروعة في بعض البيوت السودانية و غير كدا في بعض الجناين في الدويم توجد بها.
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: الصادق خليفة)
|
| Quote: غير كدا مزروعة في بعض البيوت السودانية و غير كدا في بعض الجناين |
وبعض البيوت و الجناين في كســـلا الوريفـــه
وكذلك بعض البيوت في القضارف
( يعني ممكن تنبت في أغلب الأراضي في السـودان )
في مصـر لما ســمعت ( قشــطة ) افتكرتها بتاعنا دي ذاتها
طلعت قشـة المصــرين هي حاجة تانية ( جمادة اللبن )
النصري
بركة انك حصلت على ما كنت تهاتي به
بالله ادعو لنا بأن نلقى ما نهاتي به
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: عبدالله احيمر)
|
عملت في فترة بإدارة البساتين بالمقرن.
مكاتب الإدارة تحيطها أشجار فواكه مختلفة، وجزء منها (مشتل المقرن).
أحياناً يتجوّل الموظّفين بين الأشجار (معظمها مانجو) ليصيبوا ما تيسّر.
في مرة، إكتشفت وسط الأشجار شجرة قشطة، وكانت سعادتي غامرة، فأكلت منها ما أشبع شوقي لها، ثمّ حدّثت بعض الزملاء، رأوها في يدي وقالوا أنهم رأوا هذه الشجرة منذ زمن ليس قريب، لكن منظر الفاكهة لم يشجّعهم ليجرّبوها، لكني أصرّيت على أحدهم ليجرّب (قضمة) مما في يدي، وليتني لم أفعل. بعدها كلما حاولت الحصول على بعضها لا أجد ولا حبّة واحدة. لقد بدأوا يتسابقوا نحوها، فقد اكتشفوها منذ ذلك الحين.
ثمرة القشطة، ليس كمثلها ثمر.
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: محمد علي البصير)
|
سلام يا الصادق
Quote: القشطة مزروعة في السودان وموجودة من زمااااااااااااااان واعتقد في منطقة ابوجبيهه ولست متأكد
لكن نحن صغار كانو قاعدين يجوبها لينا باللوري من الغرب. |
ياالصادق انت حسى فرقك منى شنو؟
انا زاتى بسمع بيها من وانا صغيرونى...
ونحن اطفال كان صاحبى عبود يحكى لى عنها اثناء وجود اسرته فى جنوب السودان ..
كان بيقول لى انها قايمة فى الشوارع وواقعة فى الواطة .مافى زول شغال بيها ....من
ديك انزرع الفضول عندى ..وكبر ..وترعرع ...
الحمدلله ...يوم الاحد كان يوم تاريخى....
طبعا فى حاجات تانية بهاتى بيها لكن ما زى القشطة
فقد كنت اخاف ان اموت قبل ان اكشف سر هذه الفاكهة العجيبة
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: محمد علي البصير)
|
سلام عبدالله
Quote: في مصـر لما ســمعت ( قشــطة ) افتكرتها بتاعنا دي ذاتها
طلعت قشـة المصــرين هي حاجة تانية ( جمادة اللبن ) |
صدقنى مافى فرق كبير بين قشطة الفواكه وقشطة اللبن
الاتنين بتشابهو فى اللون والشكل و دسامة الطعم وحتى فى ال texture ..
هل تصدق ان القشطة بتتاكل بالمعلقة زى ما واضح فى الصور
Quote: بركة انك حصلت على ما كنت تهاتي به
بالله ادعو لنا بأن نلقى ما نهاتي به |
ما عارف ليه جانى احساس انك بتهاتى بعروس ...
غايتو نحن بنهاتى بحاجات بسيطة ..قشطة ..دليب ...
بندعو ربنا يحقق ليك امنياتك بالعروس الاولى (او الثانية)
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: النصرى أمين)
|
الاخ النصرى امين لك التحية
فعلا القشطة فاكهة جميلة وطاعمة جدا
كانت توجد ايضا فى منازل السودنة- السكة حديد عطبرة
بكميات قليلة ممكن يكون جابوها الانجليز معاهم ..
................................
البوست كده شكله ما لافق بنتكلم عن القشطة والناس فى السودان
مقاطعيت اللحمة ( basic needs ) ولا شنو !!
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: ندى صالح الطيب)
|
سلام يا ابوريش
بالله حتى موظفى ادارة البساتين ما بعرفوها!!
كان كده انا ماخاتى اذا وصفتها بالفاكهة الغامضة...
نوصف الحاجة بانها حلوة زى القشطة ومعظمنا ما عارف طعم القشطة كيف ...
لمن مشيت المحل اشتريها معاى صاحبى سالت البنت الشغالة فى السوبر ماركت
عن اسم الفاكهه ..قالت لى اسمها مانقاو او منقاو قلت ليها الاسم ده صينى
قالت لى فلبينى ...ان شاء الله الناس الفى فلبين ياكدو المعلومة ....
بعدين يا ابوريش انت غلطت غلطة كبيرة جدا ...كان مفروض تلبد بالشجرة دى وما تكلم اى
زول ..... بعد تزهج ممكن تكلم اصحابك ولازمو يحتفظو بالسر ...
الحاجات دى ما فيها استهوان .......
دلوقت انا محتفظ بالحبوب (السوداء) تفتكر حتقوم لو زرعتها ؟
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: النصرى أمين)
|
سلام يا البصير
| Quote: فقد سمعت عنها من خلال أحاديث أقرباء لنا يقيمون في تلك المناطق ، ولديهم اعمال تجارية من حقب طويلة هناك |
ده المشكلة ذاتها يا البصير ..انو معظم الناس سمعت بيها ..وانها تزرع فى مناطق النيل الازرق وجبل مرة وفى الجنوب الخ ...
السؤال وينها ؟ وليه بقت زى الاسطورة ..... حكاوى وزكريات زى زكريات الصادق الفوق دى ...
ما شفناها يوم فى سوق ....ولا سوبر ماركت....
حتى الناس البجو من مناطق زراعتها ما بكلفو نفسهم يجيبو ليهم شوال شوالين ....
انا غايتو حليت المعضلة وفكيت الطلاسم وعشت التجربة ....
والماضاق القشطة حقه رايح ساكت ..
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: النصرى أمين)
|
سلام يا ندى..
والله يا ندى نتابع ناس السودان ديل نموت مغصة ساى.....
الناس دى قصتهم بايظة شديد وما عندنا حاجة نعملها غير
نهتف بسقوط الانقاذ(طبعا نحن ما بتاعين سلاح وكده)
طبعا الحياة ماشة ومدورة وكل الناس برغم الماسى والظروف داخل السودان بتعيش حياتها ...
بنسمع موسيقى وبنحضر تلفزيون ونشاهد مباريات ...الحياة ماشة يا ندى وناس السودان
المقاطعين اللحمة فى الامسيات بقعدو وبتونسو ولو فى حفلة كاربة بغنو وبرقصو كمان ....
برضو القشطة دى رغم الاسطورة حولها فى ادمغة السودانيين الا انها فاكهة مثل باقى الفواكه
ولو كان فى البلد قليل من التخطيط لامتلات بها السوبرماركات ,,,,
الناس قاطعت اللحم لكنها لم تتوقف عن اكل الموز والمنقة والجوافة والبرتقان ,,,ولو
توفرت لهم القشطة المحلية لاشتروها دون تردد..
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: النصرى أمين)
|
سلام يا النصري
بالله هسع دي حالة يا النصري؟ زول يمرق من جنة الله في الأرض اللو أكلت فيها القشطة دي و رميت بذرتها في الحوش تقوم براها و في خلال سنة تثمر و يمرقها في بلد يفتشوا فيها القشطة تفتيش في دكاكين الصينيين؟ أكيد يا النصري في حاجة غلط و غلط شديد كمان! عارف اليومين دي أنا راكبني وهم إنه السودان دا بلد ملعون ولا حاجة. أصلا ما ممكن البحصل دا كله يخش ليه راس زول. على ذكر إدارة البساتين يا أبو الريش بتذكر عندي ولد عمي الله يرحمهم الاتنين كان شغال هناك. الكلام دا طول شديد والله العظيم كانوا عاملين بحوث لزراعة الفراولة... تصدق الفراولة و نجحت كمان و جاب منها و أكلناها. من الزمن داك الكلام دا لو كان في دولة تانية كانت بقت أكبر مصدر للفراولة لكن فراولة شنو ياخي و الطماطم عندنا أغلى من التفاح. سترك يا رب.
معليش يا النصري قلبنا ليك البوست حزايني لكن دا الخطر ببالي.
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: النصرى أمين)
|
سلام يا ياسر...
ودعمك ده (الله يرحمه) اكون مرضوه مرض عشان فكر فى مشروع الفراولة...معاكسات من جميع الاتجاهات..
احباط و رغبة شديدة فى تدمير امنيات الاخرين من قبل المسئولين.....
ده اذا ما غرقوه عليه وعملوه ضحكة عشان داير يزرع فراولة ...
مافى شئ فى السودان بينجح احسن من صناعة الفشل ....
ممكن ناخد الميدالية الذهبية
القشطة الاشتريتها انا وظاهرة فى الصورة قيمتها قرابة الثلات دولارات (تستحق اكتر من كده مقارنه
بالاستمتاع البتقدمو ليك)
اشترينا تلات حبات ب حوالى 8 دولار ونصف ....
لكن الشى اللاحظتو انها بتبوظ بسرعة فالقشرة الخارجية ما سميكة جدا
اظن ان عمرها فى الرف لا يتعدى بضعة ايام ...لكن برضو التجار استوردوها
من الفلبين ولقت البشتريها فى كندا .....
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: النصرى أمين)
|
العوض سلام ..
| Quote: على ذكر إدارة البساتين يا أبو الريش بتذكر عندي ولد عمي الله يرحمهم الاتنين كان شغال هناك. الكلام دا طول شديد والله العظيم كانوا عاملين بحوث لزراعة الفراولة... تصدق الفراولة و نجحت كمان و جاب منها و أكلناها |
إحتمال أكون بعرف ود عمّك ده، لأني كنت هناك بدري شديد. أذكر إنو إدارة البساتين كانت زرعت الفراولة في مزرعة تجريبية في شرق النيل، ونجحت نجاح كبير (في ظروف معملية). في إحدى المناسبات كان حاضرها سئ الذكر (أبعاج) قدمو ليهو الفراولة، كان المسئول عن المشروع أخصائي بساتين إسمو د. بهاء الدين (رحمه الله)، قام نميري سألو قال ليهو: ليه ما بتنتجوا الفراولة دي بشكل تجاري وتنزل السوق؟ طبعاً حكاية إنو يشرحوا ليهو إنها لسة في طور التجارب، ودي فاكهة أنتجت في ظروف معملية ..إلخ. كانت كبيرة على أبعاج. كان د. بهاء الدين معروف بالفكاهة، قام قال ليهو: سيادتك هسي بالله (قداديم) شعبك دي قداديم فراولة؟ ضحكوا وإنتهى الموقف.
بالمناسبة، الفراولة برضو أكلتها (فريش) في جبل مرة - منطقة نيرتيتي.
السودان ده عجيب ياخ.
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: Gamal Abayazid)
|
يا ياسر ما تشتغل لى بمنصور ده
هو لا بتقع ولا بيجيب الحجار...
لمن ضربنا القشطة يوم الاحد (طبعا بعد الدجاج التندورى) قلت
لمنصور ..القشطة دى دايرة ليها بوست بمزاج....
طالما منصور جا بجاى خلى يحكى لينا كيف هو نفسه اكتشف
القشطة ...وهى قصة مؤثرة جدا تحكى عن بلد ضاع من بين ايدينا
اها يا منصور المكرفون عندك
احكى لينا حكاية القشطة..الوطن ...الوفاء..الامانة والكرم
اتفضل خد المايك
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: النصرى أمين)
|
النصري خم وصر
ط يالفالح اديت الصينيين بذرة القشطة
بكرة يملو العالم قشطة زي ما ملوها بالكركدي
تجارنا الشاطرين باعو الكركدي بي بذوروا عشان يكون تقيل في الوزن
اها اولاد الصين ما صدقوا نظفوا وزرعوا البذور وهاك يا كركدي الصين الما خمج
نحن في بيوتنا في القطينة ومدني كان عندنا قشطة ايه رايك
وتاني عندنا ثمرة ممتعة اسمها الزونيا
اكلتها اذا اكلتها معناتو بتمش البحر لانها مزروعه في مدني جنب البحر
مودتي
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: SAIF MUstafa)
|
| Quote: حتى الناس البجو من مناطق زراعتها ما بكلفو نفسهم يجيبو ليهم شوال شوالين . |
النصـري أنت قايلها دوم يشـيلوها بالشـوال
والله يشـيلوها في شـوال الأ تصـلك مريســة
لأنها بتبوظ بسـرعة و ممكن تتخمـر
زمان زمن الزمن زين كنا كل يوم الصباح نجي نفتش
الشـجرة و لما تصل مرحله معينة نقطعها و نغملها
في شـوال العيش ولا في براد الشـاي الفي الفضية
ولو غفلت منها مرات تلقاها صوفنت و مرات تلقاهانشــفت
اما لو تركتها في الشـجرة حتى تنضج فالطير نادرا
ما يديك فيها فرصة.
ياخي القشـطة دي حسـاســة أكتر من النعناع ســقاية الليل
عارف في الشــجرة دي كان في حربوية ( حرباء )
معارف علاقتها شـنو بالشـجرة دي , وتاني اصلو
ما شــفت حربوية الأ ناس
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: النصرى أمين)
|
النصري يا قطشه!
يا اخي رغم الاحزان دخلت بوستك ده.
احزان منبريه ومحليه في مديتنا جايه من دفن!
الا زي ما قلت مجبرين نعيش ونتعايش مع احزان.
بوستاتك ما بفوتها لانه زول طريف!
رغم انك عافص لينا ومتجنب الكتلاكتيتح البنقومها كما يبدو(هههههههه)!
وعارف حكاية وكيدبيا هي الدلتك على انه القشطه بتنمو في السودان
فلك ان تتخيل كم فعلا هو متنوع وغني بلدنا هذا.
القطشه يبدو انها تنموا في مناطق السافنا
انا شخصيا ضقتها في نيالا ولاحظت معظم المتداخلين الحكوا عنها عرفهوا باقاليم فعلا اقرب للسافنا.
من زمان كنت بقول مافي زول بيسب الاجزاء الجميله من بلاده ويسكن اقبحها الا السودانين.
وزي ما قال لك ود الاحيمر ما بتترحل
لانه مافي طرق ولا كباري جيده!
في جبل مره تنمو الفراوله و العنب و التفاح
وفي اركويت كذلك.
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: Tragie Mustafa)
|
النصري سلام و تحياتي
Quote: لم اصدق صاحبى عندما هاتفنى انه لقى القشطة فى مدينتنا,,,
لم اصدقه....قلت اسمها ايه؟
قال لى ما عارف ..لكن حلوة حلا شديد..
قلت لى وصفها لى ..
بدا يوصف ...وعلى حسب الوصف مشيت المحل الصينى لشرائها لم اجدها ,,,
رجعت بعد كم يوم ..برضو ما لقيتها ..
بقيت كل مرة امشى بتلك الجهات اقيف فى المحل وافتش عنها ..
للاسف لا اعرف لها اسما ولم يستطع العاملون فى المحل مساعدتى ....
امس الاحد اتصل بى صاحبى ...اركب تعال القشطة فى المحل ,,,
اخيرا الحلم حيتحقق ....الغموض الذى يلف تلك الفاكهة السحرية حينقشع ..
الفضول الذى لازمنى طيلة حياتى حيزول خلال دقائق ..
لفحت مفتاح العربية ..وطيران على المحل ..
وكان اللقاء التاريخى
|
هسة يعني الهيلمانة دي كلها عشان القشطة !! هههههه
طبعا" انا واحدة من المحظوظين الاكلوا القشطة دي من زماااان خالس و كمان كانت مزروعة
في بيتنا في جوبا.
Quote: . هو المرحوم هشام بابكر الشيخ العوض. سافر بعدها إلى السعودية مغتربا و توفي رحمه الله شابا إثر حادث حركة.
|
الف رحمة و نور علي هشام فقيد الشباب و الف رحمة علي العم بابكر كبير الحلة و زعيم نادي المريخ وفاكهة المباريات .
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: heba Elmahi)
|
حبيبنا السنى
قلت لى
| Quote: تجارنا الشاطرين باعو الكركدي بي بذوروا عشان يكون تقيل في الوزن |
طبعا بكونو فاكرين روحهم عفاريت وتفتيحة ......
مرة كنت فى مصر ..وفى السوق شفت فواكه ال Kiwi ..سالته البائع عن سعرها ..
لمن قال السعر ..قلت ليه وبدون تفكير (وبغباء) ياخ دى البشتريها ليك منو؟
قال لى : المصرييين ...
غايتو جنس احراج ...
يعنى لازم نحن نلقم الحاجة جاهزة للناس عشان تشوت ....
طبعا اى مصرى حتى لو كان فلاح صغير مستحيل يعمل حاجة زى غلطة التجار السودانيين....
بالرغم من انهم حبرتجية(المصريين بصورة عامة) الا انهم بتهمو مصلحة بلدهم ...
اما بالنسبة لالزونيا ..فلم اسمع بها ولم اهاتى بيها
لكن ممكن لو حكيت شوية عنها ويا حبذا لو فى صور....
المرحلة الجاية يالسنى
قشطة بالقشطة..
يا غرقت يا جيت حازمها ....
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: النصرى أمين)
|
شكرا يا سيف على الوصلة الرهيبة ....لقيت فيها اسامى القشطة بكل لغات العالم
لكن اهم اسم هو الاسم الفيتنامى mang cau مان كاو (اتخايل لى حرف الجيم ساكن)
ضربت قبل دقيقتين للمحل ..رفعت لى السماعة بت صينية الانجليزى بالتلته
قلت ليها عندكم مان كاو ...والله لمن قالت لى لحظة اشوفها ليك ..امنت عديل,,,
بقينا نتكلم لغات عديل ,,,
قالت لى حسى مافى لكن بتجى بكرة الجمعة ...
قلت ليها الصباح؟
قلت لى بعد الظهر ..
غايتو انا بكرة مستمتع شديد ...
طبعا لن اعلن عنوان الدكان الفيهو القشطة (عشان ما اندم زى ابوريش) لغاية ما اشبع منها
وبعدين حاخت العنوان هنا للناس البوظ اعصابهم البوست ده ..
مان كاو ياقشطة
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: النصرى أمين)
|
كلامك صاح يا احيمر..
القشطة دى عندها زى 36 ساعة فقط لاكلها ..
قبل كده بكون ناشفة
وبعد كده تبقى مريسة عديل ...
هى فاكهة حساسة وعندها كرامة وعزة نفس ....
كلمة كلمتين بتزعل و تصوفن ....
الحربوية قلت لى كاسرة ركبة تحت الشجرة ... لول..
ليها حق ..
تلقاها باقى الحربويات ما كلمتهم بالقشطة دى
لابتة ساكت ...
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: النصرى أمين)
|
والله يا تراجى بالغتى
والله عمرى مافى جكس قال لى كده ...هااههههها ههههههها ههههههها
طبعا لانى صحراوى عمرى كلو هااااااهااا
| Quote: رغم انك عافص لينا ومتجنب الكتلاكتيتح البنقومها كما يبدو |
هى لكن يا تراجى النيران البتولعى فيها دى نيران نصاح ....
غايتو الواحد لو تابعك الا يكون شايل معاهو
fire extinguisher
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: النصرى أمين)
|
سلام يا هبة
حمدلله على السلامة
| Quote: هسة يعني الهيلمانة دي كلها عشان القشطة !! هههههه |
تعرفى يا هبة اى واحد فينا بكون عنده حاجات افتقدها وهو طفل صغير وظلت معلقة فى نافوخه
ما قادر ينساها ....
طبعا ما اى حاجة الزول بكتبها هنا ....لكن في حاجات ظريفة
اديك مثال تانى
ونحن اطفال ..طلع فى السينما فيلم سودانى اسمه امال واحلام
اولاد البيت كلهم دخلوه فى السينما الا انا .. وتانى يوم بحكو لى عنه....
لحسى بزازى بيهو مع انى عارفو يكون منتهى و ما بستاهل المزازاة
لكن تقولى شنو؟ عقلية شفع صغار
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: النصرى أمين)
|
يا صاحب الزمن الجميل يا قشطة
يا النصري لأني عارف ذوقك في الأكل عالي وما قاعد تشكر حاجة إلا إذا بتستاهل . لي يومين لافي بفتش لي القشطة ولسة ما لمي فيها وطبعا زيك ما حصل شفتها قبل كدا
غايتو بعد ما جريت ريقنا لو يومين تاني ما لقيناها لازم ترسل لينا منها بال DHL
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: أسامة البلال)
|
يا اسامة قبل يومين اتصل بى واحد صاحبنا ..قال لى جهجهت دفاعاتنا كلها..
وين نلقى النصيبة دى؟
نصيحتى ليك تمشى محل فيتنامى (وتصاحب العاملين فيهو) تقوم تسالهم عن
فاكهة فيتنامية اسمها mang cau
مان كاو (اتخايل لى حرف الجيم ساكن)
ولو كنت desperate شيل معاك صورتها (اصلو انا لمن اكونdesperate بعمل اى حاجة)
اذا برضو ما قليتها ..ادينا خبر
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: النصرى أمين)
|
السلام عليكم الأخ النصري وأصدقاء القشطة
القشطة موجودة في القضارف وأذكر يا النصري كنا بنقطعها قبل ما تنضج نظام claim it من بدري وبعد
داك تندفن في شوال عيش عشان تنضج. و برضوالتين والرمان والتوت و الزونيا يا سلام علي قضروف سعد
يعني الواحد كان منعم محض صدفة هههه.
و زي ما قال الأستاذ السني حقك راح لو ما بتعرف الزونيا لازم تقوم عليها وتفتشها.
الزونيا جميلة ورائحتها مميزة شديد.
تحياتي
| |
|
|
|
|
|
|
|
|
|
Re: عروس الفواكه " القشـطـة" صور..حكايات..استمتاع (Re: فردوس جامع)
|
سلام عليكم اخت فردوس
مرحب بيك فى البورد
نتمنى ان يطيب لك المقام بيننا.....
القشطة بالنسبة لى مش فاكهة طعمها لذيذ..
هى غموض .. سحر ..خيال ....Fantasy
حاجة بتسمع بيها عمرك كله و ما شفتها ...
الزونيا فى الجانب الاخر قد تكون الذ من القشطة
لكنها تفقد الجانب المعنوى ....
عشان نلقى الزونيا دى احتمال نحتاج لعشرين سنة تانية
فالصدفة وحدها ساعدتنا فى اكتشافها هنا فى كندا ..
بالمناسبة انا بكتب فى المداخلة دى وقدامى
4 قطشات رهيبات يعاينو لى واعاين ليهم ...
الخامسة التهمتها قبل حوالى ساعة
اما الاربع الباقيات فانا عندى date معاهم عطلة نهاية الاسبوع
| |
|
|
|
|
|
|
| |
الصادق خليفة
محمد أبوالعزائم أبوالريش
محمد علي البصير
ندى صالح الطيب
Elawad
munswor almophtah
Gamal Abayazid
محمد سنى دفع الله
SAIF MUstafa
Tragie Mustafa
heba Elmahi
أسامة البلال
سيف اليزل برعي البدوي
فردوس جامع
فيس بوك
تويتر
انستقرام
يوتيوب
بنتيريست