|
صور من امدرمان(مشروع مكتبة)
|
الاخوه و الاخوات
هذه دعوه لبناء مكتبة صور لمدينتنا الحبيبه...امدرمان...هى محاوله لحفظ تاريخ هذه المدينه الساحره للاجيال القادمه و لنا.
دار الرياضه....سوق الخدار..خورابوعنجه..بوابة عبدالقيوم...سوق ام سويقه...شارع الدومه.....مقابر احمد شرفى...الصادق نصرالدين...سوق الجلود.....البحر....بيت اذهرى..الاذاعه ....نادى الهلال والمريخ...و غيرها من المعالم استاذن الاخ و الاستاذ شوقى بدرى فى كتابة بكائيته "اربعين سنه من الحبيبه" فى بوسته: أربعين سنه بعيداً عن الحبيبه و التى يقول فيها
Quote: بعد التحيه و السلام و البكاء و الحنين و احلي الكلام و شية الجمر بي طعم الدعاش و الاهل فيهم الرضيع والنزل المعاش و الشوق بحر لا ليه راس و لا قعر . و الناس هناك عزاز لا بعرفوا غش و لا بطر و مع الدغش يدق الباب كو ككو ، اقوم احمر لي سيد اللبن اقول ليه دق براحه يا متخلف يا ما عندك فهم يضحك و يقول انت الزول الكان بعيد غايب و ما عندوا هم اقول ليه لبنك يطير . يضحك و يقول ما ضقتوا ساكت بالفطير في الزيفه ديك وين تلقاهوا وين ساخن مقنن بالمنين في المورده اطلب صحن فولا كبير ما فيه غير شمار ، زيت و يمكن كمان جرجير احرد اقول . ليه مكسروا ؟ ما قلته ليك ما تكسروا ؟ الناس تقول سمعناك قلته كسرو و ده فولا سمح الكسير ما بخسرو عاوزو حب و ما تهبشو و احلف ياكلوا معاي و اقول عشان تاني ما تدخلوا في الناصيه تحت الشجره راجلا كلس بطيخوا ينسي الزول فلس بعد التالته يقول ماني قاطع ليك خضار انته زولا ما بحس بطيخي كلو احمر . ادفع للتلاته و اقع فيهم نخر وسط البهايم اشوف لي جضعا سخي اتالف و اقول ده ما تني ؟ يقولوا لا ده جضعا سخي حتي بعد فتح الخشم اقول تني يقولوا انته راسك قوي اكان غلوا و دخلوا الفرن ما بستوي و الله راسي ما قوي بس بدور أناكف ناساً بتفهمني اربعين سنه رطانه بعيد من بله توم روحي و عثمان رفيق دربي افتح عيني اشوف الكمساري يعاين زي كانو يسال ماك نازل هني اغمض تاني و اقولو كو . يهزني و يقول هلو اعاين من الشباك و اشوف قضيب السكه الحديد لكن الارض مغطيها الجليد اتاري انا حلمان و لسه بعيد من امدرمان . شوقي |
على الاخوه و الاخوات القراء ارسال صورهم على بريدى [email protected]
النصرى امين
|
|
|
|
|
|
|
العنوان |
الكاتب |
Date |
صور من امدرمان(مشروع مكتبة) | Elnasri Amin | 09-14-04, 06:28 AM |
Re: صور من امدرمان(مشروع مكتبة) | Adil Osman | 09-14-04, 06:40 AM |
Re: صور من امدرمان(مشروع مكتبة) | Elnasri Amin | 09-14-04, 06:44 AM |
Re: صور من امدرمان(مشروع مكتبة) | طلال عفيفي | 09-14-04, 06:55 AM |
Re: صور من امدرمان(مشروع مكتبة) | Adil Osman | 09-14-04, 07:11 AM |
Re: صور من امدرمان(مشروع مكتبة) | Elnasri Amin | 09-14-04, 07:24 AM |
Re: صور من امدرمان(مشروع مكتبة) | Elnasri Amin | 09-14-04, 07:30 AM |
Re: صور من امدرمان(مشروع مكتبة) | Adil Osman | 09-14-04, 07:52 AM |
Re: صور من امدرمان(مشروع مكتبة) | Elnasri Amin | 09-14-04, 07:33 AM |
Re: صور من امدرمان(مشروع مكتبة) | Elnasri Amin | 09-14-04, 07:36 AM |
Re: صور من امدرمان(مشروع مكتبة) | Elnasri Amin | 09-14-04, 07:40 AM |
Re: صور من امدرمان(مشروع مكتبة) | Elnasri Amin | 09-14-04, 07:57 AM |
Re: صور من امدرمان(مشروع مكتبة) | Elnasri Amin | 09-14-04, 07:59 AM |
Re: صور من امدرمان(مشروع مكتبة) | Elnasri Amin | 09-14-04, 08:02 AM |
Re: صور من امدرمان(مشروع مكتبة) | Raja | 09-14-04, 08:33 AM |
Re: صور من امدرمان(مشروع مكتبة) | Elnasri Amin | 09-14-04, 10:25 AM |
Re: صور من امدرمان(مشروع مكتبة) | Elnasri Amin | 09-15-04, 08:06 AM |
Re: صور من امدرمان(مشروع مكتبة) | تاج السر حسن | 09-15-04, 10:01 AM |
Re: صور من امدرمان(مشروع مكتبة) | هاشم نوريت | 09-15-04, 10:19 AM |
Re: صور من امدرمان(مشروع مكتبة) | Elnasri Amin | 09-15-04, 10:42 AM |
Re: صور من امدرمان(مشروع مكتبة) | Elnasri Amin | 09-15-04, 09:07 PM |
|
|
|