|
Re: عطبرة ,,,Atbara (Re: الملك)
|
![](http://photos-214.ll.facebook.com/photos-ll-sctm/v217/178/80/619786214/n619786214_1063666_5205.jpg) .. كحال كل السودان ,,ثقافة أهل البلد ومواضيعها الحية تكتب على العربات ,,وفى الأماكن العامة .. لكن هذه العبارة لا تمت للمدينة العمالية بى صلة,,!!
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
![](http://photos-g.ak.facebook.com/photos-ak-sf2p/v198/178/80/619786214/n619786214_1066902_8556.jpg) عيادة د. فلبس مرقس محروس
أكثر الأماكن التى دخلتها فى صغرى وأحاول على مدار أعوام قراءة تلك "اليافطة" ..بلغة سليمة,,!!
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
إرتبطت الذاكرة بعطبرة باغنية قطار الشوق والبلابل وهى اغنية كاملة الحنين والعطبراوى رحمة الله عليه واسمها الذى ارتبط بإسمه وأغنية مجموعة عقد الجلاد والقطار المر الخ تلك الأغنيات المليئة بالحنين والشوق,,!!
اخترت أنا .. .. "مولانا خدر بعد الإذن"
بعد الغياب ![](http://www.sudaneseonline.com/db/smilies/smile.gif) بصوت "طارق ابو عبيدة"
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: لؤى)
|
لؤي
.. حبيب الروح لمحتك ,,,من بعيد واعرف تماما أنك ستأتى ,,,ولم تخيب رجائ ![](http://www.sudaneseonline.com/db/smilies/smile.gif) "الأصحاب أذانهم واحدة" .. .. مشواركـــــ لسه طويل ,,,ما تغيب
![](http://photos-c.ak.facebook.com/photos-ak-sf2p/v198/178/80/619786214/n619786214_1066906_9796.jpg) .. ..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
مش قبل كده سألتك يا ناجي ، بتجيب الحنان ده من وين ؟
عطبره ، زي حلفا .. مدينة عندها في القلب مكان حفي وعجيب .. ولسه القلب مليان بأمنية أن أزورها ..
سيرتها الجميلة ، ومحبة ناسها لها ، حاجه تخليك تشعر إنها مدينة نادرة ، ولها فؤاد .
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: طلال عفيفي)
|
![](http://photos-d.ak.facebook.com/photos-ak-sf2p/v240/178/80/619786214/n619786214_1137307_3205.jpg) .. ..
Quote: مش قبل كده سألتك يا ناجي ، بتجيب الحنان ده من وين ؟ |
طلال ![](http://www.sudaneseonline.com/db/smilies/smile.gif) هل يوجد فى خارطة الكون مكان ,,,غرست فيها شجرة مثل هذه ,,!! فى يوم مولدكــ,,,وأًصبحت رفيقة الدنيا معكــ,,!! زى "الحبيبة" .. .. وما تكون مليان حنية,,؟ رغماً عن أنف الإغتراب
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: Hololy)
|
hololy ... ...
![](http://photos-214.ll.facebook.com/photos-ll-sctm/v217/178/80/619786214/n619786214_1063646_9721.jpg)
Quote: الاسم للمرحوم حاج .... الريح الفكي (السنهوري) والد العميد م. محمد الريح .... عضو اليورد ...
..... الحقيفه ... هو ليس السوق ... يل موقف بصات المدينه ...هو المسمي ... ..موقف بصات حاج الريح ..... لملكية الارض... و اطلالتها علي ارضه الواسعه جدا و مسوّره... (حوش كبير به غرف متباعدة التوزبع و بها وداخل الحوش ايضا تتوزع بعض العناقريب و تفرش بعض البروش) للبسطاء و المسافرين و السابله ...(تكيّه)...علي سور الحوش الغربي مظله تمتد بطوله ....للسيدات.ستات الشاي.... ...... و سائقي البصات. واللواري السفريه .... و بالجانب الشمالي ...الطاحونه ...( طاحونة حاج الريح).... ........ كان يديرها المرحوم فتحي ابو العلا و اولاده......وهاب ...سمير...بعشوم ....المرحم كمال .... ..في البدء ... قصر الاسم علي الموقف (موقف حاج الريح) ..... ثم تمدّد....
|
مثل هذه الأشياء لا بد ان تكتب يوماً ما ,,,ربما للتذكير,,,!! أنا أذكر "القشاشة" كانت على شرق السوق ,,وعادة ما تكون فى العصرية قِبلة أهل عطبرة شكراً جزيلاً لك وامنياتى أن تواصل .. ..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
عطبرة العظيمة عظمة اهلها كم احبها وزرتها آلاف المرات منذ مولدى ويتواجد بها اعمامى وعماتى متوزعين بين كدباس وبربر وعطبرة ولزاما على المرور سنويا بهذه الاماكن الرائعة روعة اهلها ,,,,,,, لك التحايا والى الامام ونحن معك بذكرياتنا ام وضاح
| |
![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: essam&amal)
|
![](http://photos-h.ak.facebook.com/photos-ak-sctm/v217/178/80/619786214/n619786214_1075879_9341.jpg)
مالك علينا يا ملك؟ فقد أثرتَ الأشجان...
الزونيا ... كنا ندخل خلسة لحدائق بيوت كبار ضباط سلاح المدفعية بشارع النيل ( قرب نادي التنس و المدرسة الأمريكية ) ... ثم نتسلل من فتحة في السور المسور بالأسلاك الشائكة .. و نأكل ثمار الزونيا التي كانت تلون ثيابنا و تبقى بها ألوانها البنفسجية إلى الأبد.
***
رحمك الله يا عطبراوي ...
شكرا يا ملك .. واصل
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: ابو جهينة)
|
ابو جهينة,,
![](http://photos-f.ak.facebook.com/photos-ak-sctm/v217/178/80/619786214/n619786214_1075901_9414.jpg) منزل رقم (1) ويسكنه مدير السكة حديد ,,
Quote: الزونيا ... كنا ندخل خلسة لحدائق بيوت كبار ضباط سلاح المدفعية بشارع النيل ( قرب نادي التنس و المدرسة الأمريكية ) ... ثم نتسلل من فتحة في السور المسور بالأسلاك الشائكة .. و نأكل ثمار الزونيا التي كانت تلون ثيابنا و تبقى بها ألوانها البنفسجية إلى الأبد.
|
كانت أيام بنفسجية إذن ,,,!! يا حليلا,,! للزونيا او لثمارها مذاق لازع وحلو "حاجة أقرب ما تكون للكمثرى" طاعمة ,,,وهشة وتملأ الفم بألوان فاضحة ![](http://www.sudaneseonline.com/db/smilies/smile.gif) ...
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: essam&amal)
|
أم وضاح ...
![](http://photos-214.ll.facebook.com/photos-ll-sctm/v217/178/80/619786214/n619786214_1063605_818.jpg) مدرسة عطبرة الجديدة .. .. لعطبرة طباع تطبع على نفس اى شخص ,,,تعلم او درس ,,او قضى بعد العمر هناك ولغالبية أهلها ,,,صفات الطيبة والسكون ,,,والخروج عن طوع العسكر,, ..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
عطبرة .. في غيابي أضناني الألم ..
عطبرة إنّني أنتظر ... في جفاف الغربة الذي يحيط بي .. مسائك الذي يبهج الروح ..
ياسلام عليك ياملك .. لكل صورة مما أنزلته عشق خاص .. ويالروعة ودف صوتك ياصديقي طارق ..
شكراً ياملك ... لك ولعطبرة تحيات الخلود .. أخوك/ خالد الأرباب عطبرة الدرجة الثانية من خلف شباكي الحزين
| |
![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: Khalid Saeed)
|
خالد سعيد الارباب
![](http://photos-h.ak.facebook.com/photos-ak-sctm/v217/178/80/619786214/n619786214_1075903_52.jpg) شباك على النيل .. من الداخلة "اعرق الاحياء فى عطبرة" فى منتصف نهار جمعة ما,,!
Quote: ياسلام عليك ياملك .. لكل صورة مما أنزلته عشق خاص .. ويالروعة ودف صوتك ياصديقي طارق .. |
فرحت لكلماتك ,,,كلنا ذلك الحنين ,,يا خالد
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: Abdalla aidros)
|
Quote: لكن كلامك ده ما صاح
(إرتبطت الذاكرة بعطبرة باغنية قطار الشوق والبلابل وهى اغنية كاملة الحنين والعطبراوى رحمة الله عليه واسمها الذى ارتبط بإسمه)
الغنوة دي اول من تغني بها فنان اسمو الزكار يسكن حي خليوة واظنه الان بالخليج |
عبد الله عيدروس ..
![](http://photos-214.ll.facebook.com/photos-ll-sctm/v217/178/80/619786214/n619786214_1063604_526.jpg) .. ود جيرانا "الحيطة بالحيطة" اما زلت تذكر "السوق الصغير" وجامع التوبة؟؟!!والله لو نسيت انا منو كمان ؟؟تبقى مشكلة سايبرية الاغنية تغنت بها البلابل على "ذمة"إسماعيل التاج فى حلقة تلفزيونية عام 1988 فى بوست قديم على ما أستحضر من الذاكرة .. العطبراوى أرتبط أسمه بالمدينة لزوم "المعرفة"ليس إلا,,
.. ناجى الزبير الملك ..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
الملك يا ملك اخبارك واخبار الاهل
صور اكثر من روعة تسلم وفى انتظار المذيد ملحوظة :
صورة المزيرة الرائعة دى ما قريبة على ....
| |
![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: معاوية الطيب)
|
Quote: صورة المزيرة الرائعة دى ما قريبة على .... |
.. معاوية كيفك وكيف الغربة نحن تمام وعال العال "المزيرة دى فى البيت "الحلة التحت" أصر "عمرو" على إنى لازم أنزلها ,,فى سودانييز اونلاين
,,,
![](http://photos-g.ak.facebook.com/photos-ak-sctm/v217/178/80/619786214/n619786214_1076142_984.jpg) بتذكر البيت ده تحديداً؟!
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
عطبره الجميله (Re: الملك)
|
شكرا يا ملك عطبره الجميله بلد الحبايب عطبره الجميله بلد القرايب كما كانت تغني لها فرقة جاز دانا وفرقة جاز السكة الحديد رغم أن الأيام ظلمتها ردحا من الزمان لكن هاهي الدورة تدور وعطبره تسطع كدرة تربط السودان وتشمخ كواسطة العقد التحية لكل الطيبين بعطبره خاصة المرابطين بالسكه الحديد بالمستشفي بالسوق الكبير سوق المورده الحصايا المحطه حاج الريح اسرة العطبراوي اسرة الرشيد مهدي ناس حبيب باسطا والسيرة تمتد وتطول
| |
![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
عطبرة الحكومية الجديدة(مدرسة الجلود) الحكومية الثانوية النيل الثانوية الاميرية المتوسطة ومسعود وعطبرة الجديدة الوسطي الداخلة حلة الحلب السوق الصغير(سوق الداخلة) فرن متولي دكان عقلان سوق الخضار وعم علي البدوي رحمة الله حي العمال المرحوم احمد بردان نادي العامل النادي الاهلي في حلة الصنفور العدوين اللدودين نادي الوادي والوطن نادي الجيل امام مدرسة الشمالية الابتدائية الحصايا والفكي مدني خليوة الامتداد الشمالي والشرقي حي المطار السيالة والسيالة الجديدة(الافران الالية) جامع نواوي الداخلة تحت استاذ يحيي محمد نور رحمة الله استاذ محمد حمد شلالي استاذ بحر والقامة استاذنا عثمان السيد ذلك الذي عرفنا علي الشاعر تاج السر الحسن شاعر اسيا وافريقياوغيرهم من افذاذ الادباء والشعراء الاستاذ زاهر في الحكومية الجديدة اه ما احلاكي يا مدينتي والبقية تاتي قريبا انشاء الله
| |
![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
العزيز / ناجي الملك أسعد الله مساك بكل خير
__________________________________________________
Quote: للأزقة والشوارع المألوفة,, لاشجار النيم و"اللبخ" فى السودنة للقطارات والمسارآت ,,, للناس ,,, |
وأنا في القطار اصغر صبي أمال تفيض متفجره ...
مدينة حتما تحيا في خاطر كل من ( مر ) بها لم أمر كانت مسقط رأسي ... وذكريات طفولتي المبكرة .. في حي (السودنة ) ذلك البيت ........ جوار (المطافي) وطريق عبر الكبري الحديد للدامر ... يمر من جانب النهر و( ماسبيو)
زمن لم يبقي منه غير أشتات ذكريات بعيدة ... أو بعض الصور في ألبوم ( قديم ) به أشياء كثيرة ... غيرها الزمن
لك خالص التقدير ,,,
| |
![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: عبد الناصر الخطيب)
|
عبد الناصر الخطيب .. .. تحية وود عطبرة تتعلق بناصية الذاكرة ,,,وتلصق,!
![](http://photos-h.ak.facebook.com/photos-ak-sf2p/v198/178/80/619786214/n619786214_1066903_8848.jpg)
الجامع الكبير,,!
(عدل بواسطة الملك on 04-12-2008, 10:45 PM)
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
الاستاذ الفنان الملك... سلامى ليك ولجميع من مر من هنا ... عطبره مدينه تستحوذ على كل الذاكره يا عزيزى ..وليس فقط ناصيه منها.. كل المدن السودانيه لها ما يميزها ..لكن عطبره كلها مميزه ومتميزه.. (العزه فيك يا عطبره)..الانسان فى عطبره جميل وولوف وصامد وحبوب.. حبووووب يفتح ليك قلبو قبال باب بيتو...اى زول عرفتو هناك احتل مكان خاص فى قلبى وذاكرتى .. (وايه يعنى مكان ما فيهو صديق.. او مشوار ما فيهو رفيق) زى ما بقول وهيب بكرى...كل ما اشتهى الان مشوار من السودنه لامبكول (كدارى) واجى شاقه السكه حديد (شايفه البوابه واقفه براهافى الصوره) ما ح اوريك انا ماشه وين لكن هناك ح اشرب اجمل شاى مع اجمل ناس... واصل... خالص الود غاده
| |
![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: غاده محمد موسى)
|
غادة
Quote: ...كل ما اشتهى الان مشوار من السودنه لامبكول (كدارى) واجى شاقه السكه حديد (شايفه البوابه واقفه براهافى الصوره) ما ح اوريك انا ماشه وين لكن هناك ح اشرب اجمل شاى مع اجمل ناس...
|
مشوارك ده عمومى واللا خاص غايتو أنا عجلتى لسه فى,,!! اهم ما يوجد فى عطبرة "لدعم الكدارى " الازيار ,,,والمزيرة فى كل ركن دى
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
الملك وجميع من مر من هنا تحياتى.. ابدا ما فى اى خصوصيات( والله)..ماشه لناس حنان الكور ولو وريت الشباب كلهم ح يتخمو ويجو هناك ..عارف واحده من الجماعه ديل اسمها( نوسه) قامت بقت صاحبة( احلام سمحون) بعد داك طبعا كلنا بقينا صاحباتا وزاحمنا ليك( نوسه) ..اها يقوم الاستاذ (محمد السنى دفع الله) يتزوجا وطبعا العرس استلمناهو زى الترتيب ما كمان العروس صحبتنا والبيت بيتنا..اها مش لى حق ما اوريك ماشه وين؟متاكده لو وريتك بلقاك قدامى وتصاحبم اكتر منى..
...تحياتى للاستاذه احلام والاستاذ محمد السنى..بيت احلام فى عطبره كان ملاذا امنا لنا فى تلك الايام..ليس هناك كلمات تعبر عن شكرى وامتنانى.. خالص الود غاده
| |
![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
لك الشكر الكثير الاخ الملك، فقد هيجت فينا كثير من الزكريات. والشكر للاخ الزبير الذي زكرنا بالاساتذة الاجلاء استاذ بحر، استاذ زاهر ، الاستاذ العلامة استاذ عثمان السيد وأضيف استاذ صلاح خرساني، استاذ عصمت (في مدرسة الشمالية المتوسطة)، وبقية العقد الفريد في ذاك الزمن الغريب في عطبرة.
التحايا والتجلة لكل أهل عطبرة فهي مدينة فريدة ذات طباع اصيلة سكانها.
عابدين - الخرطوم (حاليا).
| |
![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: محمد سنى دفع الله)
|
Quote: عطبرة بلد الحبايب والصحاب الأوفياء وين سينما عطبرة ومسرح عطبرة وجيب لينا شجرة الزونيا دي قريب محبتي |
محمد السنى "أستاذى" .. .. حاجيبا المرة القادمة "لو تبقى فى العمر بقية" لم اتم بعد ما بدأت ,,,حتى الأن حتى الان هى مقتطفات ليس إلا
![](http://photos-c.ak.facebook.com/photos-ak-sctm/v217/178/80/619786214/n619786214_1076098_1545.jpg) نادى الأهلى ,,,أنظر تاريخ التاسيس
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: Abdein Shahein)
|
حبيبنا الملك السلام ليك مطرز بالحنين .. ممزوج بمحبة عطبراوية صادقة ..
Quote: الاغنية تغنت بها البلابل على "ذمة"إسماعيل التاج فى حلقة تلفزيونية عام 1988 فى بوست قديم على ما أستحضر من الذاكرة |
فعلاً القول ماقاله أخونا العايدروس .. قطار الشوق هي رائعة فنان عطبرة المبدع الزكار .. التي عطر بها ليالي عطبرة .. وقد كان مقيماً بالسعودية .. لفترة طويلة بعدته عن الوسط الفني..وقد شهد الرعيل الأول في عطبرة أن الزكار .. أفضل من تغني بأغاني الحقيبة .. وكان ذو تطريب عالي . شاعر الأغنية أيضاً من عطبرة لقد سقط إسمه من ذاكرتي الخربة .. نظم هذه القصيدة عندما كان عائداً من بورتسودان إلى عطبرة لقضاء عيد الأضحية .. وقد تعطل القطار قبل محطة هيا ... وكان الحنين والشوق إلى عطبره يعتلج بدواخله .. فأتانا بهذه الرائعة الخالدة [ قطار الشوق ] .. ونشكر لحسين شندي عودته إلى الحق .. حيث أنه صرح في قناة شروق في السهرة التي بثت يوم الخميس الماضي أن ملحن أغنية قطار الشوق هو [ الزكـــــــار ] .. لكننا نصححه مرة أخرى ونقل بل صاحب أغنية قطار الشوق هو [ الزكــــــــار ] .. تحياتي ، أخوك/ خالد سعيد أدريس الأرباب عطبرة الدرجة الثانية ____________________________ ياريت ياملك لو تأتينا بصور من الدرجة أرض الأهل والحبابيب .. وصورة لمنزل الأستاذ / حســــبو مربي الجيال [ الإمتداد الشرقي ] .. حيث أنه مكان يحتل في القلب مساحات ومساحات .
| |
![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: Khalid Saeed)
|
Quote: .. وصورة لمنزل الأستاذ / حســــبو مربي الجيال [ الإمتداد الشرقي ] .. |
مدرس الإنجليزى تقصد,,!! يا إلهى ,,,لم أتمكن من ذلكـــ,,,لكن يبقى دين فى عنقى يا خالد فهو أول من نطقت بفضله ,,,لغة آخرى .. ..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: بكري الخير)
|
لا حوللاااااه... ياخي انا متابع اعمالك في البورد من زمن (عاصفة تقترب من الخرطوم) ولحدت حكايتك مع المسنجر والبنات البفتشو ليك في العروس .. اصلو ما خطر ببالي انو الفنان ابودقن ده ياهو ولد بت جيرانا الصغمبروتي الضعيف زي القصبة داك (لاحقا ولد جيرانا) وقسما اكان في الزمن داك قلتا تصور عاصفة زي دي في عطبرة الا كان اهلك بعداك يفتشوك في الصحراء الكبري .. ازيك يا ولد يا ناجي ... ياخي صورتك دي رجعتنا لي زمن عجيب وحنين سوق النص بحي الحصايا مطعم عمك علي الحسن واولاده جمال وحسن(الطاجون) وكمال وعثمان نورة .. ومدير المطعم جمال المنصوري.. دكان عمك الطاهر وعمك العيدروس ومطعم العربي ادارة الزبير ..جزارة مانديلا لصاحبها علي الجزار ودكان عمك حمزة العجلاتي وابوزيد العجلاتي ..ونادي الاتحاد.. وحظمر بائع الطعمية
نسال الله الرحمة للمتوفين والصحة وطول العمر للموجودين كما احي عبرك اخوالك ال حمدتو (اها لقيت الزاكرة كيف) يازول طلعتا ولدنا تب بعد ده بوستك ده بنجيك فيهو تاني لي زكريات عطبرة
عبدالله عيدروس
| |
![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: Abdalla aidros)
|
لك التحايا يا ملك ..
الاسماء اعلاه لا توجد الا في عطبرة وبمجرد ذكرها اعود الى العام 1980 حيث كافأني والدي برحلة الى عطبرة عقب تفوقي في الامتحانات وامضيت اكثر من شهر مع عمي في حي امبكول الذي كان عمي من اوائل قاطنيه .. واذكر انني قفزت من قطار كريمة برفقة ابن عمي قبل ان يدخل القطار الى المحطة كما كان يفعل غالب اهل امبكول عند قدومهم من الخرطوم وكانت ايضا اول مرة اركب فيها القطار .. واول مرة ادخل فيها السينما وايامها كان فيلم ( قرباني ) حديث عطبرة ..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: معتصم محمد صالح)
|
معتصم
قطر كريمة ده ممكن تنزل منو وتنطنط وتركب تانى ,,,عادى ![](http://www.sudaneseonline.com/db/smilies/smile.gif) "قطر براحة على قولهم"
![](http://photos-c.ak.facebook.com/photos-ak-sctm/v217/178/80/619786214/n619786214_1075754_45.jpg)
أكثر ما دخلت فى صغرى ,,,كانت سينما الجمهورية كانت ممتلئة عادة حين ظهور اى فيلم جديد "كانت ايام لا تعوض,,!!"
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: Abdalla aidros)
|
Quote: لا حوللاااااه... ياخي انا متابع اعمالك في البورد من زمن (عاصفة تقترب من الخرطوم) ولحدت حكايتك مع المسنجر والبنات البفتشو ليك في العروس |
البنات يفتشوا شنو ,,!! ديل طلعن حاقدات ساى
وخاصة دينا خالد ![](http://www.sudaneseonline.com/db/smilies/biggrin.gif) ![](http://www.sudaneseonline.com/db/smilies/biggrin.gif) ![](http://www.sudaneseonline.com/db/smilies/biggrin.gif) .. ..
Quote: اصلو ما خطر ببالي انو الفنان ابودقن ده ياهو ولد بت جيرانا الصغمبروتي الضعيف زي القصبة داك (لاحقا ولد جيرانا) |
انا لحدى اسى قصبة,,!! ما تغشك الصورة ![](http://www.sudaneseonline.com/db/smilies/smile.gif) بالمناسبة انا اتعرفتا على عماد "صدفة" فى الخرطوم فى صدف غريبة جداً,,!!
Quote: ازيك يا ولد يا ناجي ... ياخي صورتك دي رجعتنا لي زمن عجيب وحنين سوق النص بحي الحصايا مطعم عمك علي الحسن واولاده جمال وحسن(الطاجون) وكمال وعثمان نورة .. ومدير المطعم جمال المنصوري.. دكان عمك الطاهر وعمك العيدروس ومطعم العربي ادارة الزبير ..جزارة مانديلا لصاحبها علي الجزار ودكان عمك حمزة العجلاتي وابوزيد العجلاتي ..ونادي الاتحاد.. وحظمر بائع الطعمية
نسال الله الرحمة للمتوفين والصحة وطول العمر للموجودين كما احي عبرك اخوالك ال حمدتو (اها لقيت الزاكرة كيف)
|
بتذكر البستلة ,,, وصف الرغيف,,, وصوانى خبيز العيد,, وميدان الكورة ,,, وحواء ,,,ست التسالى والفول "المرروُ" ومدرسة المنطقة والنور,, وجامع التوبة,,, واولاد الجزازير ,,, ووووووووو
معظم من ذكرت ,,,أتلوا عليهم الرحمة,,"الله يرحمنا جميعاً"
![](http://photos-b.ak.facebook.com/photos-ak-sctm/v217/178/80/619786214/n619786214_1075753_7977.jpg) عطبرة مدينة الذكريات..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
عطبرة حيث ولدت بها اهلى و قبر جدتى و اجمل الذكريات
شكرا للاخ ناجى الملك
فهنا قد تنسمت هواء ات من اشجار الحناء المرشوشة فى عصر يوم حافل بالطيبة والودّ
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: nada ali)
|
Quote: عطبرة حيث ولدت بها اهلى و قبر جدتى و اجمل الذكريات
|
ندى ... فيها أكثر ما أملك "قبر أبى "
![](http://photos-d.ak.facebook.com/photos-ak-sctm/v217/178/80/619786214/n619786214_1076131_37.jpg) وأكثر الأيام ,,,بصحبة جدتى ,,كانت محببة يوم الزيارة "والتسوق على الطريقة العطبراوية" .. ..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
ناجى ياملك
سلام كتير وشوق وسلام خاص للاهل
Quote: "المزيرة دى فى البيت "الحلة التحت" أصر "عمرو" على إنى لازم أنزلها ,,فى سودانييز اونلاين |
تعرف برغم كل الصور الجميلة جدا لكن لما شفتا صورة المزيرة دى حسيت باحساس غريب جدا ..... وان تفاصيل هذة المزيرة محفورة فى وجدان ذاكرة من الزمن الجميل تنتمى اليها وتكاد تلمسها وتتحسسها . تعرف حتى نمل هذة المزيرة اعرفة تماما وصداقتنا عميقة وممتدة حيث كنا نقضى اجمل الاوقات تحت هذة المزيرة مع اكل الملح و الليمون من الشجرة الكانت مجاورة للمزيرة .
شكرا عمرو يا فنان والتحية للاهل والشباب
| |
![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: معاوية الطيب)
|
Quote: تعرف برغم كل الصور الجميلة جدا لكن لما شفتا صورة المزيرة دى حسيت باحساس غريب جدا ..... وان تفاصيل هذة المزيرة محفورة فى وجدان ذاكرة من الزمن الجميل تنتمى اليها وتكاد تلمسها وتتحسسها . تعرف حتى نمل هذة المزيرة اعرفة تماما وصداقتنا عميقة وممتدة حيث كنا نقضى اجمل الاوقات تحت هذة المزيرة مع اكل الملح و الليمون من الشجرة الكانت مجاورة للمزيرة .
شكرا عمرو يا فنان والتحية للاهل والشباب |
تعرف لكل مكان هنالك ذكريات صعبة جداً,,!!
والاف من أكوام الحنين
![](http://www.sudaneseonline.com/db/smilies/smile.gif)
![](http://www.sudaneseonline.com/db/smilies/smile.gif)
![](http://photos-a.ak.facebook.com/photos-ak-sf2p/v198/178/80/619786214/n619786214_1076248_2437.jpg)
بيت السكة حديد يا معاوية ,,!!
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
كان ما اكلت كبدة من جزارة حسن خليفة العطبراوى نص عمرك ضائع لكن كان ما اكلت منقة من الشجر الفى الحى البريطانى عمرك كله ضائع ام وضاح
اها المربعات كيف ؟؟؟؟؟؟؟ تحياتى
| |
![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
نسايم عطبرة الحلوة .. تهدينا وترسينا نقابل فيها ناس طيبين فراقهم كان ببكينا...
ياسلااااااام علي عطبرة .. منبع الجمال والحنان...
يديهم العافية جميعا..
| |
![AIM](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
Quote: نادى الأهلى ,,,أنظر تاريخ التاسيس |
انا دفنت فنلتي تحت سور الكتف الايسر من البوابة الظاهرة في السور دة عام 82 اذا لم تخني الذاكرة ايام بناء النادي ولعبت في اشبال الاهلي عام 84 ايامها السيد حسن عبد السلام امين خزينة نادي المريخ الان كان سكرتير النادي وقتها.
عطبرة نادي ابناء دنلا ذلك المكان الذي اقيم فية الاسبوع الثقافي لرابطة ابناء النيل بمعهد الكليات التكنولوجية.هل ما زال في مكانة.
| |
![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
بوست جميل ومفعم بذكريات المتداخلين .
شكراً ليك ياناجي على إمتاع الزملاء وشكراً ليك على إتاحة الفرصة لرؤية عطبرة .
تحياتي وتقديري
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
![](http://photos-e.ak.facebook.com/photos-ak-sctm/v217/178/80/619786214/n619786214_1076100_2267.jpg) هذا البوست على ما يبدو .. .. وجدت فيه أبن حلتى,,!! واولاد جيران,!!
وهنالك ليس بعيداً عن هنا
Quote: الابن / نـــــــــــــــــاجى الملك
تحية عطبراوية خالصة
شكرا على ردك والاهتمام
والدك عليه الرحمة دفعتهم 23 وانا انتمى للدفعة 24
بعد التمعن فى الصورة وما ذكرته من معلومات عن المرحوم الوالد
هل اسمك
ناجى الزبير الملك ؟؟
ومن منطقة الشايقية ؟؟ |
رفيقاً لوالدى ,, ,,
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
عزيزي ناجي لعل هذه الصور تثري البوست وتعيد ذكرياتك والإخوة الزملاء . ولست متأكداً هل هي لعطبرة أم لا؟
![](http://www.sudaneseonline.com/u/sudansudansudansudansudan68.jpg)
![](http://www.sudaneseonline.com/u/hostat1.gif)
![](http://www.sudaneseonline.com/u/sudansudansudansudansudan69.jpg)
![](http://www.sudaneseonline.com/u/hostat1.gif)
![](http://www.sudaneseonline.com/u/sudansudansudansudansudan70.jpg)
![](http://www.sudaneseonline.com/u/hostat1.gif)
![](http://www.sudaneseonline.com/u/sudansudansudansudansudan71.jpg)
![](http://www.sudaneseonline.com/u/hostat1.gif)
![](http://www.sudaneseonline.com/u/sudansudansudansudansudan73.jpg)
![](http://www.sudaneseonline.com/u/hostat1.gif)
![](http://www.sudaneseonline.com/u/sudansudansudansudansudan74.jpg)
![](http://www.sudaneseonline.com/u/hostat1.gif)
![](http://www.sudaneseonline.com/u/sudansudansudansudansudan75.jpg)
![](http://www.sudaneseonline.com/u/hostat1.gif)
![](http://www.sudaneseonline.com/u/sudansudansudansudansudan76.jpg)
![](http://www.sudaneseonline.com/u/hostat1.gif)
تحياتي وتقديري
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
Quote: هل تذكر إذن هذا الميدان |
نعم سيدي هذا الميدان هو ميدان النادي اِلأهلي ويقع شرق النادي وغرب مسجد الداخلة والذي علي ما اتذكر قدساهم في فكرة بنائة السيد ياسين شقيق ود السفير أحد قياديي النادي الأهلي وأحد أفذاذ اللاعبين في الشطرنج في السودان وقد بناة أحد شيوخ الخليج بناء علي طلب السيد ياسين بعد ان شعر بمعاناة أهل المنطقة مع صلاة الجمعة حيث كان علينا الهجرة لجامع نواوي او جامع السيالة وكلاهما بعيد عن الحي. وقد كان الميدان عبارة عن مكب نفايات الحديد الناتج عن الحداة في ورش السكة حديد في فترة سابقة.وقد ساهم البروفسير عبد الله احمد عبد الله وزير الزراعة الأسبق في بناء النادي ومنح أرض الميدان المذكور للنادي الأهلي ، علي ما أذكر.
| |
![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: عمرو كمال ابراهيم)
|
لا بديل للسكة حديد,,, إلا السكة حديد .. .. وشعارات ,,!! وفجاة انتهت كانها لم تكن
.. فى انتظار الفرج,,
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
عطبره
نسايم عطبره الحلوه
حي الفكي مدني
الحصايا شرق
المسرح
امبكول
الداخله
السكه حديد
صفاره القطار عماره جدنا عباس محمود
و الله يا ود الملك الليله فتقت ذكريات الطفوله
و اللعب تحت شجيرات بيت الجده زينب (رحمها الله)
و الجيران العطبراويييييييين
بالجد مدينه عطبره تمثل السودان المصغر
كل التباين و الالوان تواحدت في الاسره العطبراويه
و دمتي
| |
![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
عطبرة الرائعة بروعة اهلها طبعا هذه العبارة كان يرددها احد ابناء عطبرة الرائعين وهو يبيع باسطة من صنعه ليبيعها في محطة السكة الحديد وكان ينادى على ركاب قطارات السكةالحديد بمحطة عطبرة لااذكر اسمه جيدا ولكن اظن ان اخونا عبد الله عيدروس يعرفه لانه كان يقطن قريبا من منزلهم ... ومنع حقيقة في وقت لاحق بالنطق بهذه العبارة الجميلة كما عرفت من بعض الاخوة لاحقا ... وقد هاجر واغترب صاحب العبارة كحال الكثيرين من عطبرة ... التحية لك يااخ ناجى الملك والتحية لكل الاخوة المتداخلين من ساكني عطبرة الرائعين جدا كلما تذكرت عطبرة تذكرت كل تلك الاشياءالجميلة التى ذكرت من قبل وتذكرت معها سوق الحصايا وتلفزيون عطبرة الريفى وكبرى السكة الحديد وعمارة عباس محمود واستوديو النصر والعطبرواي الله يرحمه والرشيد مهدي وعوض الله دبورة الله يرحمه وموسى متى ومكاتب العموم وورش السكة الحديد والداخلة والسيالة و المربعات والسوق الكبير وسوق الخضار ويافطات السينما وقهوة ود البيه وموقف حاج الريح او سوق حاج الريح سابقا عطبرة مدينة جميلة جدا واجمل مافها اهلها الرائعين من امثالك اخى الملك كنت وما زلت من قاطني عطبرة بالاضافة لذلك كان الاخ محمد عبد العاطى زميلي في مدرسة مسعود المتوسطة اما اخ الشهيد فهو جارنا في الحي وزميل اخوتى مودتى
| |
![Yahoo](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: سيف الدين حسن العوض)
|
ما بالسمنة وكده ... عبارة عطبرواية تربينا عليها وكانت فى عبارة تانية على ما أذكر معناها تعال بكرة بدرى ![](http://www.sudaneseonline.com/db/smilies/smile.gif) ياخى الذاكرة ضرابة مرة واحدة عشان كده بنحاول ننعشا بالصور ,,!!
![](http://photos-c.ak.facebook.com/photos-ak-sf2p/v198/178/80/619786214/n619786214_1076258_2429.jpg) .. سوق القيقر ..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: الملك)
|
الاخ ناجي الملك دعنى احييك اولا على هذا البوست الرائع ثم دعني احيي عبرك زمرة من اهل عطبرة الاوفياء منهم على سبيل المثال لا الحصر الاستاذ / عثمان السيد الاستاذ / مصطفي بحر الاستاذ/ بولادي الاستاذ/ عيسي عبد السيد عيسي والاستاذ / احمد على او احمد بلاغة كما يحلو لنا ان نطلق عليه ومن الشباب الصاعد الاستاذ / الشيخ محمد الشيخ والاستاذ/ محمد الخير احمد محمد ابراهيم اوكما يحلو لتلاميذ عطبره ان ينادونه بود الخير ومن السكة الحديد المهندس / محمود عبد العظيم والبقية تاتى ان شاء الله تعالى
| |
![Yahoo](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: سيف الدين حسن العوض)
|
سلامات عزيزنا ناجي
وتحياتي لاستازنا سيف الدين حسن
Quote: ستبدال «صواني» الباسطة بكشك
صاحب العبارة الشهيرة «بالسمنة وكده» يتحول من محطة القطار بعطبرة إلى موقف البصات حوار :
صلاح الدين مصطفى
عثمان أنس شخصية معروفة في نواحي عطبرة، بل كل النواحي الشمالية، ولا نبالغ إذا قلنا إن شهرة هذا الرجل تجاوزت حدود السودان إلى الخارج وخاصة دول الخليج وقد اشتهر الرجل ليس لكونه بطلاً، أو لأنه اخترع جهازاً عظيماً أو لكونه شاعراً أو أديباً، ولكن لأنه كان يبيع «الباسطة» بطريقة مميزة في محطة السكة الحديد بعطبرة. في موقف البصات وبمجرد وصولنا إلى مدينة الحديد والنار سألت عنه، ليس باسمه بل بوصفه الذي اشتهر به، ودلوني على مكانه، ويا لغرابة الصدف فقد كان في أول مكان تطأ أقدامي فيه بعطبرة في محطة البصات، حيث ارتحل إلى هناك وفتح كشكاً تناسب بضاعته راكبي البصات السفرية الحديثة التي تعمل بين عطبرة والخرطوم. ليس من رأى كمن سمع ولقد دهشت حقيقة عندما أشار لي أحدهم نحوه فقد كنت أظنه هرماً مسناً بسبب الشهرة وطريقة تقليد الناس له في مناداته وهو يرغِّب راكبي قطارات الشمالية وبورتسودان صائحاً بطريقة مميزة «ما بالسمنة وكده». بعيداً عن المايكرفون رحب بي ترحيباً حاراً وكنت أظن أنه سوف يقابلني بفتور، ولكنه طلب أن نبتعد قليلاً من المحل الذي يضج فيه مايكرفون الاذاعة بصوت جهوري وجزيرة الفيل تتلاعب بالمريخ وتتقدم عليه بهدفين والجميع يتابع هذه الملحمة عبر سماعات كبيرة لجهاز تسجيل وراديو في المحل، فانسحبنا إلى مكتب أحد البصات السفرية.
حكاية «باسطة»
حكى لي قصته ببساطة شديدة فقال: كنت أبيع «الباسطة» في محطة القطر التي كانت تمثل عالماً متكاملاً ومجتمعاً له تقاليده وعاداته في الحل والترحال، وحتى أبيع بضاعتي فكنت أصيح على الزبائن بطريقة معينة «حيث أن صوتي به قطعات»: (ما بالسمنة وكده»!! فانتشرت العبارة بسرعة وعمت القرى والحضر وأصبحت على كل لسان وصارت تقال في مناسبات مختلفة وبايحاءات مختلفة، ولها دلالات ورموز وكما يقولون «يغني المغني وكل يبكي على ليلاه». «ما منعونا وكده»! وعندما استفحل الأمر وسط المجتمع استدعوني «الجماعة» وطلبوا مني عدم ترديد هذه العبارة، ولكن لم يتقبل الركاب وزبائن هذا الصمت فكانوا يسألونني عن العبارة الشهيرة وبنفس الايقاع كنت أقول لهم «ما منعونا و كده».. والغريب في الأمر أن العبارة الأخيرة انتشرت أيضاً واصبحت لها معانٍ ورموز ودلالات.
من القطارة إلى البصات يقول عثمان أنس وبتدهور السكة حديد اختفت «الباسطة» من محطة القطار واختفت كل العبارات الخاصة بها ونسى الناس الموضوع هنا في عطبرة ولكن في نواح كثيرة لا يزال الناس يتذكرون «ما بالسمنة وكده» وفي الفترة القريبة الماضية كتب الصحفي عثمان ميرغني مستشهداً في مقاله بهاتين العبارتين وقد كان يكتب عن منع الصحافيين من الكتابة ولم يذكر اسمي ولكن اعادني إلى ذاكرة العطبراويين من جديد. لكل مقامٍ مقال وعن الوضع الجديد يقول: طبعاً الباسطة لا تناسب ركاب البصات السياحية وقد كانت احدى مميزات محطة السكة الحديد بعطبرة وعندما تدهورت المحطة كان لا بد من البحث عن مهنة أخرى فكان هذا الكشك الذي يوجد بمحطة البصات السفرية، وقد يرى البعض أن هذا تطور، ويحزن آخرون لانهيار امبراطورية السكة الحديد.. ولكن هي الاقدار على كل حال..
اجرى الحوار الزميل الصحفى صلاحا الدين مصطفى
| |
![Edit](https://sudaneseonline.com/db/blank.gif)
|
|
|
|
|
|
Re: عطبرة ,,,Atbara (Re: Abdalla aidros)
|
نحن قبيل شنقلنا ما قلنا عبدالله عيدروس بيدلنا وكده شكرا جزيلا لك ياأخ عبدالله وحقيقة الحديث عن عطبرة يحلو ويطول ولكن اذكر ان تاريخ عطبرة مدون في رسالة دكتوراه باسم عطبرة من اعداد الدكتور الناصر عبد الله ابو كروق وهو حاليا استاذ مشارك بكلية التربية جامعة افريقيا العالمية اما رسالة الدكتوراه فقد كانت بكلية التربية جامعة امدرمان الاسلامية ليت احدابناء عطبرة البوردابين كان قريبا من هذيين الموقعين فيفيدنا بما جاء في تلك الرسالة الرائعة كما ان استاذنا الجليل عثمان السيد قد كتب عن هذه المدينة الرائعة ليتك اخى ناجى تطلعنا على هذه الدرر بجانب صورك الرائعة جدا
| |
![Yahoo](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
| |