|
Re: عـصـام مـحـمـد نـور ... ســلـطـان زمـانـه (Re: هاشم أحمد خلف الله)
|
Quote: المرثية الاولى مرت سنة بعد مرور عام على رحيلك يا غالى فى جنات الخلد باذن الله يا ابى العزيز مرت سنه ...
مرت سنه كانت الم.. كانت ضنى ... دمعات تقطع فى الحشا... زى ام حنون فقدت جنى ... انات وجع تحكى الفراق.. تحكى اليتم مر العنا ... آهات بتعصر فى القليب هنا وهنا ... تفتح جرح ما بند مل... مليون سنه .. ومليون سنه .... كيف اندمل كيف احتمل ... صورتك معاى.. جواى هنا... انت الابو انت الاخو... كنت الصديق كنت المنى... كنت الرفيق طول الدرب .... كنت الاهل كنت السنا.... مشيت بعيـــــد يتمتنا .. حسيت براى انا ما انا ... كيفن اكون كيفن انا ... بعد الفقد .. بعد الفنا ... كنت الفرح .. كنت المرح .. بعدك خلاص البسمه… راحت مننا …. حتى الطيور فوق السماء ... رحلت بعيد من حينا ... والفراش خلى الزهر .. سافر رحل من زهرنا .. كل الحروف رثتك شعر ... والنيل بكاك مايل دنا ... دمعو سال زى الجمر... يبس خدارو و انحنى ... حتى الجروف لبست سواد... عم الحداد فى شرقنا.. وكل غربنا ... وبيتنا داك ما بتوصف... لا ضاق فرح .. لا حس يوم بالهنا.... عم الحزن كل الارض... حتى الشدر .. عرف الحزن مال و انتنى .. صغار الفريق عرفو الدموع.. لا يوم نسوك .. لا صدقوا يوم فتنا ... سؤالم عليك فى كل صباح .. الهب شجونا ولوعنا ... ابكوه يااهل العلم.. رحل القلم ..جف الحبر.. ما عاد يسطروجعنا ... ابكنو ياخالات ويا عمات .. و بنوت عمنا . ابكن معاى عز القبيله وعزنا ... ابكوه يا دخرى الجدود .... غابت شمسنا.. وضلم بدرنا فقداً عظيم مو لى براى .. فقد الاهل كل الاهل كلنا.. مهما كتبت وقلت فيك... كل الكلام ماظن يضمد جرحنا ... سفرك بعيد من غير رجوع ... دعواتنا ليك من قلبنا .. الرحمه ليك يا فقدنا .. ولينا الصبر من ربنا .. ولينا الصبر من ربنا ..
|
يا إلهى يا أسماء لكم أنتي رقيقة غفر الله لوالدك ورحمه وللمؤمنين والمؤمنات والمسلمين والمسلمات الأحياء منهم والأموات
لكي الشكر الجزيل على إشراكنا في هذه القصيدة وفي إنتظار المرثية الثانية وفي تشوق لسماعها بصوت الفنان عصام محمد نور
ودي الكثير ومحبتي العميقة غادة
|
|
|
|
|
|
|
العنوان |
الكاتب |
Date |
عـصـام مـحـمـد نـور ... ســلـطـان زمـانـه | يسرى معتصم | 09-07-07, 06:24 AM |
Re: عـصـام مـحـمـد نـور ... ســلـطـان زمـانـه | غادة عبدالعزيز خالد | 09-07-07, 11:53 AM |
Re: عـصـام مـحـمـد نـور ... ســلـطـان زمـانـه | soma | 09-07-07, 12:16 PM |
Re: عـصـام مـحـمـد نـور ... ســلـطـان زمـانـه | غادة عبدالعزيز خالد | 09-07-07, 12:32 PM |
Re: عـصـام مـحـمـد نـور ... ســلـطـان زمـانـه | soma | 09-07-07, 01:04 PM |
Re: عـصـام مـحـمـد نـور ... ســلـطـان زمـانـه | هاشم أحمد خلف الله | 09-07-07, 01:26 PM |
Re: عـصـام مـحـمـد نـور ... ســلـطـان زمـانـه | غادة عبدالعزيز خالد | 09-07-07, 01:35 PM |
Re: عـصـام مـحـمـد نـور ... ســلـطـان زمـانـه | هاشم أحمد خلف الله | 09-07-07, 01:37 PM |
Re: عـصـام مـحـمـد نـور ... ســلـطـان زمـانـه | يسرى معتصم | 09-07-07, 11:50 PM |
Re: عـصـام مـحـمـد نـور ... ســلـطـان زمـانـه | يسرى معتصم | 09-08-07, 02:05 AM |
Re: عـصـام مـحـمـد نـور ... ســلـطـان زمـانـه | الفاتح الجنيد | 09-09-07, 10:35 AM |
Re: عـصـام مـحـمـد نـور ... ســلـطـان زمـانـه | Elsheikh Mohd Aboidris | 09-09-07, 10:41 AM |
Re: عـصـام مـحـمـد نـور ... ســلـطـان زمـانـه | Hatim Yousif | 09-09-07, 11:03 AM |
|
|
|