|
Re: هنالك 1 رسالة خاصة(ماسنجر) لك (Re: Ahmed musa)
|
Abubaker Ahmed شُكراً مسنجرياً خالصاً
لكن تعرف يا صديق أنا مُشكلتي إني {بجاوي} وبجاوي دي طبعاً شرف مؤكد لكن برضه{مُشكلة} وبرغم إني من مواليد الخرطوم لكن أبت العربية إلا ان تكشر لي أنيابها مادة لساناً عربياً فصيحاً لي ولميلادي الخرطومي وبعد زي قُومة نفس حِفظتها آكليشيهياً وقبل أن {أتشهود} مشيت الثانوي العام و{هوب} لغة تانية قيل حينها أنها الإنجليزية أم إسبيلنق {لا حول الله} صبجك واك , صبجك واك , صبجك واك جلد تسبب مستقبلاً في بدايات الإعلان العالمي لحقوق الإنسان والثورة الفرنسية وأخوك من جبنه لو الأستاذ سالوا من كلمة يجاوب {فُريرة} وإحتياطياً {أسبلّْ ليهو القبلها والبعدها} عشان كدة اعذر أخوك وكدة
|
|
|
|
|
|