|
نعم ...
|
سلام يا جماعة،
من فترة وفكرة البوست ده في راسي. لكن حأقول الحاجة الشجعتني أكتر فيما بعد ...
الفكرة ببساطة إنو نحن دايماً بنشكي من أحوالنا، ولما زول يسألنا بنرص لستة طويلة عريضة بالحاجات المنغصة علينا العيشة ...
لكن قليل مننا البيفكر ويقارن الحاجات البيشتكي منها بنعم ربنا سبحانه وتعالي عليه ...
وعلي فكرة الموضوع ده لكل الناس، ما للمسلمين بس
لأنو نعم ربنا سبحانه وتعالي ما علي المسلمين بس
يبقي ليه ما نكتب جزء من نعم ربنا علينا، عشان نذكر نفسنا بنعمه وفي نفس الوقت تهون علينا مشاكلنا وهمومنا لما نشوف النعم النحن غرقانين فيها؟
طبعاً ما حنقدر نحصر نعم ربنا سبحانه وتعالي علينا. وعندنا نحن المسلمين في القرآن الكريم آية تقول: (وإن تعُدّوا نعمة الله لا تحصوها)
لكن خلونا نذكر جزء من النعم النحن عايشين فيها عشان ده يكون جزء من شكرنا لله سبحانه وتعالي علي نعمه، وهو القائل: (لئن شكرتم لأزيدنكم)
أها يا جماعة ..
كل واحد يكتب جزء من نعم ربنا سبحانه وتعالي عليه، وبعدين يقيف ويقارنها بالمشاكل والمصائب البيشتكي منها
ويشوف أي واحدة أكبر وأعظم ...
|
|
|
|
|
|
|
|
Re: نعم ... (Re: Khalid Osman Jaafar)
|
ابدأ بنفسي ..
أول نعمة من نعم الله عليّ - وعلي الناس كلهم - إنو خلقني
وكان قادر إنو ما يفعل
بس تخيل لو ربنا سبحانه وتعالي قدّر إنو ما يكون ليك وجود من أصلو!
| |
|
|
|
|
|
|
Re: نعم ... (Re: Khalid Osman Jaafar)
|
وممكن جداً كان ربنا سبحانه وتعالي يقدر إنو يخلقني إنسان ..
لكن من غير عقل
يعني مجنون ما بعرف بعمل في شنو ...
فتبارك الله أحسن الخالقين
والحمد لله رب العالمين ..
| |
|
|
|
|
|
|
Re: نعم ... (Re: Khalid Osman Jaafar)
|
طبعاً اعظم النعم التي أنعم الله بها عليّ هي نعمة الإسلام ...
بدونها مافي قيمة لأي شئ ..
يعني شنو لو أكون أغني من بل غيتس، لكنّي ما عارف منو ربّي؟
أو إنّي أكون أشهر من جورج بوش، لكنّي -والعياذ بالله - ملحد؟
أو إنّي أكون أقوي واحد في العالم أو أعلم زول علي وجه الأرض، لكنّي ما عارف إتخلقت ليه ولا نهايتي شنو ...
مأساة إنو الواحد يكون عايش يومو وبس. كل أهدافه مربوطة بالدنيا العايش فيها
والما مصدق يمشي يشوف حال الناس في الغرب بعد ما يطلعو علي المعاش والهدف الكانو عايشين ليهو ينتهي ...
فالحمد لله علي النعمة دي عدد خلقه ورضي نفسه وزنة عرشه ومداد كلماته ...
| |
|
|
|
|
|
|
Re: نعم ... (Re: Khalid Osman Jaafar)
|
بس حبيت أقول .. الحمد لله
اللهم لك الحمد، حمداً كثيراً طيّباً مباركاً فيه، ملء السماوات وملء الأرض وملء ما بينهما، وملء ما شئت من شئٍ بعد ...
| |
|
|
|
|
|
|
|