مؤامرة حدائق خزام (بجدة) تفرز رابطة أعلامي المنطقة الغربية

Quote: From : tota tota Sent : Thursday, June 7, 2007 3:13 PM To : Subject : السيد الاستاذ الرفاعي الرجاء قبول مشاركتى انا ابو منتصر الاسكافي | | | Inbox -------------------------------------------------------------------------------- Attachment : الضرببالكلمات.doc (0.03 MB) الضرب بالكلمات: الاخ صاحب القضية والمكان الرفاعي المحترم ...كنت اراقب الحديث الخطير في هذا المكان والان جاء دورى للمشاركة من منطلق محاربة الكيزان من سرقة حاجات غيرهم ..ولوقفهم في حدهم راح اشارك بالمعلومات الكثيرة وراح ابدأ خفيفا خحتى تسخن الحلقات ولانامت اعين الجبناء من الصحفيين الذين رفضة ان يدافعوا عن حقوقهم في هذا المكان ولك تقدير اخي الرفاعي ومع الحلقة الاولى من الضرب بالكلمات. على نفس الطرقة التي بدأها الصحفي كمال ادريس في شكل مسلسل شد العديد من المتفرجين والمهتمين ، راح ابتدى معاكم من هنا مسلسل بسميهو الضرب بالكلمات وراح اوضح لكم الاسباب ضمن مجريات الحديث. الكواعب الضرار، والسابحات عصرا، ونرقص مما نسمع والادبيات المستجدة ...على وزن كلمات الشيخ المرحوم وهو حي الترابي المتصابي.. ظهروا لينا ناس في المنتدى الشجاع ده اللى عمله الزول الراجل الرفاعي. اعتقد ان هنا في ناس رجال وناس "وناسة"، الرجال ديل كلامهم ظاهر وكل كلمة قعدوها في رفها الصحيح ..لكن ناس ابو جبة ابو تفة ديل استميحكم عذرا لابدأ بضربهم بالكلمات واللكمات كمان لو احبوا. ياسادة ياكرام...اعتقد ان السادة اهل خزام هؤلاء هم الاحق باسم الصحفيين والاعلاميين لانهم الوحيدين المتفرغين لهذا العمل الكبير وهو بالجد يحتاج الى ناس متفرغين. لكن الجمعة ديل طريقتم في الشغل ماهي مظبوطة والدليل انهم قالوا ننتظر لما صاحب الدبابير ينتهى من النكش بعدين هم يخشوا ويوضحوا للناس وجهة نظرهم لكن يظهر انهم زاغوا من الحارة لما الكلام بقى جدجد...لكين من هم جماعة خزام. الدكتويور محمد طه رئيس الجماعة: الراجل ده في دواخلو زول طيب ومافي اتنين بيتغالطوا في كده لكنه بيحاول ان يكون زي ساتي صالح اول رئيس لجاليتنا في جدة لكن كيف ..بالكضب... وانا دايما بشبهو بقصة هجم النمر القديمة في كتب الابتدائي هو اطلق كذبة وصدقها قال انه دكتور ومعبئ الحيطان في بيتو بصورو مع المسؤولين في الدولة وصورو مع شيخ المشايخ المهندس قرشوم ...خلوني أسألكم سؤال بريء جدا هو قرشوم ده تبع الدولة ؟؟؟ المهم في ناس كده تحب تساعد البشر عشان يقولوا فلان ده ياسلام عليهو...وده زي محمد طه دة لايترك اى زاير من السودان الا ويستضيفوا ويفسحوا وينزلوا في واحدة من الشقق العديدة المؤجرها لهذا الغرض مفروش وغير مفروش...طيب الراجل ده ماشغال اصلا من وين بيجيب الفلوس دي لوحسبناها كده بالراحة ان اجار الشقة في الاسكان ما اقل من 20 الف في السنة كم دخله عشان يغطى حق السكن بس ...بعدين قبل ده وداك الراجل حتى لا وجهوا ولا طريقة كلامو حقة اعلامي. بعد الهجوم الكاسح والفضايح الكبيرة اللي اتكشفت هنا نجد ان هؤلاء الناس اختاروا يردوا على الاخرين باسم جهينة ...كلهم اتلموا في اسم واحد جيهينة لكنهم ظاهرين وما راح يختفوا على زول. بعدي راح نعود للدكتور المزيف لغاية ماينطق او ينزل من الجسم المسموم اللي عملو. نجى لزول تاني اسمو تاج السر وهو من سماهو احد المتحدثين هنا بابو تفة...انا عندي سؤال ليهو ..لو انت صحفي ليه مابترد على الاتهامات ولله الجماعة ماسكين عليك حاجة ...وبعدين سؤال تاني ما سبب فصلك وايقافك من العمل مع جريدة الراي العام...وسؤال اخير خالص ما سبب مشكلتك مع الاستاذ الصحفي محمد شيخ العرب؟؟ الزول في السلم بعد الاسمين دي يجي شيخ العرب الكبير او جبة احمد الدالي الراجل ده كان حزب امة على السكيت\ن القلبوا مؤتمر وطنى شنو،، ولله يمكن المساعدات في الاستثمار في البسطات في عدد من اسواق جدة ...ولله كيف يا شيخ العرب. وسؤالى ليهو ...لماذا يم ابعادك من المكاتب المؤثرة في المكتب التنفيذي ...هل شعروا انك من المؤلفة قلوبهم؟؟؟ لغاية كده نقيف ونجيكم في الحلقة التانية وجيبوا معاكم بيبسي بارد لانها حتكون بطعم الشمار الشطة الحارة. ابو منتصر الاسكافي