|
|
 Re: دعوة لاحتفال معنا يوم 22 يونيو 2006 (Re: Al-Sadig Yahya Abdall)
|
السـادة أعضـاء اللجـنة..
تحيات مبسـوطـة بيكـم
أعتقـد أن فكـرة الإحـتفال تهـدف الي الإجـتفال بالمناسبة...والمناسبة هنـا تـعني المـركـز الذي وصـل اليه موقـع سـودانيز أونلاين .....وبالتالي هي تعني بالضـرورة الاحتفال ب ومـع كـل عضـوية سـودانيزأون لاين بجـانب صـاحـب المـوقـع والزوار..
أود هنـا مـن مـوقـع عضـويتي وحـبي لكـم جـميعا أن اتقـدم للجـنة بعـدة مقترحـات..
أولا النظـر بإعتبار جـاد لتأجـيـل الإحـتفـال لأول خميس في شـهر يـوليـو أوسـبعة...هـذا مـوسـم بـدايةالإجـازات كما اتضـح مـن كـثير... ربمـا غـالب المـداخـلات هنـا...
وبمـا أن الحـديث هنـا في المنبر قلبه "الأسـرة".."الوطـن".. فـإنه يكـون مـن المهم للغـاية أن يتقابـل أفـراد الأسـرة والوطـن لتكـون نظـرياتنا قـد تحققت تطـبيقا..وبالطـبع ليس في إمكـان الجـميع الحضـور..ولكـننا هنـا نسعي لحضـور الأغلبيـة..
ثانيا..أتمني أن يمتـد المهرجـان فيشـمل عـدة لقاءات نـدعـمها جميعا بما يتوفـر لنـا مـن امكـانيات مادية ومعنـوية..وعلي المستوي الخـاص ..أحـلم بعـازمـاكم رحـلة ..وعنـدنا حـفلة حـقيقة وجـزء مـن المهـرجـان..
وهـذا يقـودني الي ..
ثـالثـا... وهي الإهـتمام أيضـا ببرنـامج لأطفالنـا يختلف عـن برنامج الكـبار..وأيضـا يـدعمه ...مـاديا ومعنـويا مـع تنظـيم اللجـنة أسـر الأطفال ومن يـود معهم مـن سـودانيزأون لاين..
رابعا... وأرجـو ان لا أكـون قـد أثقلت عليكم ..ارجـو ان يكـرم الآتي أسـمائهم أيصـا..
أسـتاذ محجـوب شـريف..
دكتور سـعاد ابراهيـم أحمـد..
وسـأضـيف للقائمـة فيما بعـد...وربمـا رجـعت بمقترحات أخـري آيضـا!
Muna
| |
 
|
|
|
|
|
|
|
 Re: دعوة لاحتفال معنا يوم 22 يونيو 2006 (Re: Muna Khugali)
|
الاخوات و الاخوة الكرام
تم تعديل يوم الاحتفالية الى يوم السبت الموافق 24 يونيو 2006 باجتماع ضم من الخضور شخصى الضعيف
الاستاذ حسين ملاسى
الاستاذ طارق الامين
الاستاذ سهيل سعيد
المهندس عثمان احمد
الاستاذة عبير خيرى
الاستاذ الجريفاوى
الاستاذ الفاتح وديدى
| |
|
|
|
|
|
|
|
|
|
Re: دعوة لاحتفال معنا يوم 22 يونيو 2006 (Re: Muna Khugali)
|
عزيزي بكري
تحياتي و أمنياتي بمزيد من التوفيق.
أؤيد مقترحات الأخت منى خوجلي و خاصة في موضوع التوقيت.
كما أرجو أن لا ننسى دعوة أسرة المرحوم زميلنا ميرغني حمزة و أسرة المرحوم حبيب شامي .
كما أضيف دعوة الرعيل الأول من الفنانين و العازفين و الموسيقيين و أسرة المرحوم هاشم ميرغني و إبراهيم عوض.
دمتم
| |
|
|
|
|
|
|
|
|
|
Re: دعوة لاحتفال معنا يوم 22 يونيو 2006 (Re: Muna Khugali)
|
الاستاذ الباشمهندس بكري
وكل الاحباب كتاب وقراء المنبر
مليون مبروك لهذا التمييز المنقظع النظير
ولدي مقترح محدد يتمثل في :- ان يحتفل كل بورداب المنبر في كل بقعة من انحاء العالم
في تفس توقيت الاحتفال الرئيسي بالخرطوم وليكن يوم يتواثق عليه جميع الذين يكتبون قي البورد
ويحتفل البوداب حسب امكانبات كل مدينة ودولة وقارة المهم في الامر ان يحتفل ويبتهج الكل بهذا
النجاح المشرف والتمييز الفريد
والتهانئ موصولة للجميع
معزرة للتاخير في المشاركة
وحتي هذة اللحظة لم تتضح الزؤية حول مشاركتي مع بورداب القاهرة ام بالخرطوم نسبة لظروف العلاج
ىوامل لاان اكون ضمنلا بورداب الخرطوم
ودمتم ودام تميذكم
| |
|
|
|
|
|
|
|
|
|
Re: دعوة لاحتفال معنا يوم 22 يونيو 2006 (Re: زول ساكت)
|
اخونا صاحب الحوش الوسيع
وسع الله عليك دنيا واخره لميت كل الاخون فى هذه الساحه
واعمرت بها النقاش والمحاوره ، الف مبروك وللامام ونحن
معاك وسودانا فوق هام السحب باذن الله0
اها كمان ما انسى الزول الماهين قدم ليكم الزلابيه
السودانيه الاصليه تحت النيمه العامره0
مبروك عليكم بس عندى سؤال واحد مالكم ما عملتوا
استفتاء لتحديد الزمان لان كثير من المغتربين على
اعتاب قضاء الاجازه بالسودان وما احلى ان نجتمع مع
اخوه اجتمعنا واختلفنا معهم لنظهر السودانيه الاصليه
اننا فى ساعة الحاره اخوان كمان وكمان0
تحياتــــــــــــــــى باشـــــــــــــمهندس
وعقبـــــــــــــــــــــــــــــــــال الاول
ســـــــــــــــــــــــــــــــــــــــــيد
| |
|
|
|
|
|
|
|
|
|
Re: دعوة لاحتفال معنا يوم 22 يونيو 2006 (Re: بكرى ابوبكر)
|
عمر الفاروق ولدنا البتقضي غرضنا ..
Quote: شفت شي غير الفهم ده مغطس حجر غنانا ماف
ياخ اسة Kenny G ده ما عازف ساكس !!!! والله لمن تعاين ليهو بيعزف تحلف تقول ده قاعد يقبّل ليهو في وردة ..رااااااااايق وهااااااااااااااااااادئ ..إلا ناسنا ديل الواحد ينفخ لمن تقول عايز يطرشق ..
تعرف يا مان انا خلاص عرفت فرقتك دي عاملة كيف ..
انت النوع البيكون بتاع البنقز طواااااالي بيورنش جزمتو السودا الفيها طرابيش بي فوق ديك ..
وبتاع الطبلة النوع العندو منديل البشكير داك ورابطو في لياقتو وبتاعين الكمنجة بيلبسوا شرابات لونا ابيض
تخريمة :
معليش يا شباب مداخلة ليست في موضعها بس حبيت اسلم على ناذر .. |
بالمناسبة يا داقس كني جي دا زاااتو من أبناء المناطق المهمشة في بلدو !! هو صاح ما عندو جضوم ينفخ بيها وماعارف السر في دا شنو !! أمكن ما بيشرب الشي النيشربوهو باقي العازفين هنا(ما كلهم طبعا) !!
ما فضل الا تقول لي (وبتاع الجيتار البيخت على شمالو قزازة بيبسي (مخلوطة) وكل شوية والتانية بياخد منها بقة !! 
صنفرة :
تعرف صحبتنا تراجي شكلها قدمت طلب غير مباشر عشان تنضم لي فرقتي بس والله ما عارف أخليها تعمل شنو لاني ما أظنها بتعرف تعزف (شيلو) !!
| |
|
|
|
|
|
|
|
|
|
Re: دعوة لاحتفال معنا يوم 22 يونيو 2006 (Re: بكرى ابوبكر)
|
الف مبروك للزعيم بكرى
ولك اعضاء المنبر الحر
ويا بورداب الخرطوم جات حوبتكم
خلونا نشوف احتفال خرافى
وبكره يكون على كل لسان
يقينى انكم ستفعلوا المستحيل لانجاح ذلك الاحتفال
نحن من على البعد معكم بقلوبنا
وموفقين إن شاء الله
| |
|
|
|
|
|
|
|
|
|
Re: دعوة لاحتفال معنا يوم 22 يونيو 2006 (Re: منتصر حسن محمد)
|
Quote: الاخت مني خوجلي والمتداخلون
الاخ بكري سوف يغادر عائد
في نهاية هذا الشهر
دلونا ماذا نفعل في هذه
الحال |
هـذا أملنـا فيـكم 'كـلجـنة' تـدافـع عـن فكـرة اللقـاء بين الأعضـاء.... وتؤمـن بحـقهم في المشـاركة بالحضـور...
علي كـل حـال نتمني أن ينظـر اسـتاذ بكـري لإقـتراح التأجـيل بإعتبـار..
تحياتي لك أخـي المهنـدس ولأعضـاء اللجـنـة...
مـني
| |
|
|
|
|
|
|
|
|
|
Re: دعوة لاحتفال معنا يوم 22 يونيو 2006 (Re: Muna Khugali)
|
وهـل يعقـل ياحسـين أن يقام إحـتفالا دون خـالق الجـسـم المحتفي بـه?
أدبيـا الأسـتاذ بـكري هـو المحتفي به.... وهـو الذي يجـب أن يكـون في أعـلي قائمـة الحـضـور!
فـإن كـان الوضـع كـذلك..فإنني (بما أني اتحـدث الآن عـن نفسـي) أتمني لـكو مـن قلبي أهلي المقيمـين داخـل السـودان ...ولهـؤلاء القادريـن علي المشاركـة مـن "بعض" الحـاضـرين مـن الخـارج..إحـتفالا رائعـا جـميلا..
لـكم التحـايا دائمـا...
مـني
| |
|
|
|
|
|
|
|
|
|
Re: دعوة لاحتفال معنا يوم 22 يونيو 2006 (Re: بكرى ابوبكر)
|
ألأحباب البورداب
سلام يسد عين البكرهنا وتسد باب البتاوق في حلمنا الداب
تهاني تسع الجميع وتصافح في الحضور من غير فرز
صفقة شترة وسط صمت حزن لكل من رحلوا وما ماتوا ...
صفقة لهذا الدفق ..
"وسكبت حنين الشوق لعينيها
أقسمت لأغزل من خيط الشمس ثياب العرس
أقسمت لأجزل من لهب الأفق حريرا
أقسمت أضمخ من عطر الفردوس ضريرا
أمزق أشلاء الخوف .... أقاوم غضبان الحيث
أسطر ملحمة العشق بأقدس آيات الحرف
والحرف شقيق الروح .. فكيف تخون الروح التوأم فيها كيف تخون"
أسعدني خبر هذه الإحتفالية
ولكن أضم صوتي لأصوات التأجيل حيث أنني سأضع أضع ورقة امتحاناتي للماجستير يوم 25/06/06 أي بعد يوم واحد...
يا لجنة كفاي الإنتو عارفو ...
كلي أمل يا لجنة
| |
|
|
|
|
|
|
|
|
|
Re: دعوة لاحتفال معنا يوم 22 يونيو 2006 (Re: يحي ابن عوف)
|
خالص التهانى و التقدير ....للباشمهندس بكرى أبوبكر
لعضوات و أعضاء المنبر اللائى /الذين أسهموا فى سطوعه و بريقه...
و من لازالوا يفعلون....
كتب أستاذنا (المهندس) عمدة بورداب الخرطوم.. بل عمدتنا جميعاً:
Quote: الاخت مني خوجلي والمتداخلون
الاخ بكري سوف يغادر عائد
في نهاية هذا الشهر
دلونا ماذا نفعل في هذه
الحاله |
....... بصفتى أحد هؤلاء أقترح على سيادتكم بوجهة نظرى المتواضعة آملاً
أن تجد القبول...
الإحتفال فى وجود الأستاذ /بكرى أبوبكر له طعم يختلف حيث أنّه المالك و المؤسس
لهذا الصرح... فلتكن فرحتكم فرحتان....
و لنا .... عزاء الوعد بصوركم التى ستنقل للعالم ما بقى فينا من إلفة و مودة...
و السلام على الجميع؛؛
| |
|
|
|
|
|
|
|
|
|
Re: دعوة لاحتفال معنا يوم 22 يونيو 2006 (Re: Emad Abdulla)
|
في البدء التهنئة لنا جميعاً على ما تحقق، والمأمول أكبر، ولكنه ليس مستحيل.
الأخ حسين ملاسي
تعجبني قيادتك لهذا البوست، وقدرتك على تفادي المطبات، وكمان إستخلاص الوعود من البدر وعماد
وهم قدرها.
بعدين يا أخي إنت لسه من زمن لافتات القماش:
Quote: 2. لافتة من القماش عليها شعار سودانيز اون لاين و تاريخ المهرجان و شعار للمهرجان.
|
دي ناس بدرالدين وعماد بقوا يدلعوها ويسموها (البنرات) (Banners).
أتفق معك تماما في تكريم أستاذة الأجيال سعاد إبراهيم والأخت هالة عبدالحليم، ,اضيف لهم الصحافي الأستاذ محجوب محمد صالح، وفقيدا الوطن والفن إبراهيم عوض وهاشم ميرغني.
| |
|
|
|
|
|
|
|
|
|
Re: دعوة لاحتفال معنا يوم 22 يونيو 2006 (Re: الواثق تاج السر عبدالله)
|
طلبت من زميل عزيز يتميز بالشاعرية المفرطة
ان يقترح لنا شعار للمهرجان؛ فاقترح:
سودانيزأونلاين
صباح من ضلام ليلين
حلم يسع الجميع
&
صباحا من ضلام ليلين ...
ليل الغربة والعسكر
حلم جواك .. وطن يكبر
يسع للكل .. شمال وجنوب
غروب وشروق بحر أو بر
يسافر بيك لمقرن ملتقى النيلين
تسالم تنتشي وتسكر
وتغزل من ضياك منديل
تقشقش حزنا اتحكر
| |
|
|
|
|
|
|
|
|
|
Re: دعوة لاحتفال معنا يوم 22 يونيو 2006 (Re: Hussein Mallasi)
|
حسين ..
Quote: مساهمة الفرد ستكون عشرة الف جنيه؛ و ستسلم لإدارة اللجنة المالية المكونة من:
الأخت عبير خيري
الأخ ناجي الملك |
عبير عرفناها زولة اتخطبت و كده .. مضمونة غايتو .
ناجي ده .. زول عزابي ساكت 
الضمان شنو ( تسول له نفسه بارتكاب الزواج ) 
و يكبر اللفة بالغلة ..
و يخليكم طرزانات ؟؟؟ 
| |
|
|
|
|
|
|
|
|
|
Re: دعوة لاحتفال معنا يوم 22 يونيو 2006 (Re: بكرى ابوبكر)
|
الاخت سودانية ..
Quote: اهل العوض ديل عاوزين باصات و حجوزات سكن القصة دي في الميزانية كيف معاك يا ناذر الخليفة ؟؟؟
|
وبما ان هذا اليوم هو يوم زف البشريات ..
فيسعدني ان أزف البشرى لجميع أهل العوض (ومن جاورهم) من بورداب السودان بأن هنالك اتفاقا قد تم على استضافتهم جميعا بمنازل بورداب الخرطوم وتكفلهم بكل واجبات الضيافة وسهرهم على راحتكم لحين أنتهاء الحفل !!
صنفرة :
وربما لما بعد (حين انتهاء الحفل أيضا)
| |
|
|
|
|
|
|
|
|
|
Re: دعوة لاحتفال معنا يوم 22 يونيو 2006 (Re: عزيز عيسى)
|
الاخ الباشمهندس بكرى وكل اعضاء ورواد سودانيز اونلاين
اطيب التهانى بمناسبة المكانة المتميزة التى تبوأها موقعنا المتميز
واجمل الامنيات بنجاح الاحتفال المقرر فى الخرطوم بهذه المناسبة
اكرر التهانى للاخ بكرى وللجميع ومزيد من التقدم والرفعة والازدهار
حاتم السر
| |
|
|
|
|
|
|
|
|
|
Re: دعوة لاحتفال معنا يوم 22 يونيو 2006 (Re: shazaly gafar)
|
الاخ الباشمهندس
بكرى ابوبكر
لك التحية والتقدير
الف الف الف مبروك لسودانيز اون لاين
وانشاء الله سوف نسجل حضور لاننا هذه الايام فى ارض السودان
بابالتاكيد سوف يكون الاحتفال رائع بروعة الوطن والجمال
ارجو ان تحددوا لنا مكان الاحتفال ...
تسلم
| |
|
|
|
|
|
|
|
|
|
Re: دعوة لاحتفال معنا يوم 22 يونيو 2006 (Re: بكرى ابوبكر)
|
الشاذلي جعفر ..
Quote: يعـــنى هسَّعْ الواحــــد يجـــيب
حــــبيبتو والاَّ مـــا يجيبها ؟؟ |
جيبا ودخلا قاعة الصداقة تحضر الفلم الهندي بتاع الساعة 7 ولمن الحفلة تنتهي بيكون الفلم ذاتو انتهى تقوم تمشي تسوقا
شنكل :
انت جنيت يا شاذلي ؟ تجيب حبيبتك بيختفوها منك طوالي اليوم داك ؟ خليك حريف
| |
|
|
|
|
|
|
|
|
 Re: دعوة لاحتفال معنا يوم 22 يونيو 2006 (Re: بكرى ابوبكر)
|
الأستاذ / أبو بكر
تحية لك ولجميع الأحباء ،
وتهانينا للجميع
أتمنى أن يكون الإحتفال ببرنامج حافل
بتنوع كل البساط السوداني بنقشه الفخيم ،
وأن تتم برمجة دقيقة ليكون مهرجان للفرح
والفأل ...
أنا أعتقد أن الحفل بهذا المحتوى يتطلب الكثير
من الإعداد ، والترتيب ..
وإلا يصبح كإحتفال زواج عادي (لواحد كُراعُو واصلة ):
ناس كُبار بيسلموا على بعض و شُفَع يتجاروا في المنصة )
( وجه ضاحِك )
شكراً لك وللجميع
| |
|
|
|
|
|
|
|
|
 Re: دعوة لاحتفال معنا يوم 22 يونيو 2006 (Re: بكرى ابوبكر)
|
عزيزنا الباشمهندس بكري
ليكن احتفالنا الأعظم بك، نعم بك أنت،(فرشت السباته لي عرس السودان) أمتعتنا جميعابآلاف الفرص للتواصل. لك ألف ألف تحية ودمت عظيما.كنت أتمنى لو كنت حاضرا بمدينة الرياض في وداع الأخ ود قاسم. لم يمض علينا ربع ساعة دون أن يذكر أحد بورداب الرياض فضلك. وردت في حديث الأخ مرغني الشايب ودكتور عز الدين عمر موسى ، في حديث إسماعيل وراق، في تعقيب ود قاسم في كلمة زوجته العظيمة فوزية والتي لم تكملها لأنها شرقت بالبكاء. أضفى عليك ود الباوقة كثير الثناء، جلابي ... كثيرون كثيرون وقال صديق الموج : شكرا للأخ بكري الذي أدار بهجتنا من أمريكا.وقال إسحق بله الأمين: والله إنه لرجل ولم يزد... ماذا أقول وقد كان إحساسي عميقا بأنك كنت سيد الموقف، المحتفى به وصانع بهجتنا ولك كل أمنياتي بالصحة والعافيه على صبر تبذله وجهد قد بذلته فعلا.
| |
|
|
|
|
|
|
|
|
 Re: دعوة لاحتفال معنا يوم 22 يونيو 2006 (Re: Tumadir)
|
الأخت تماضر
تحية ومشكورة على الاهتمام
رغم أنني لست من الفاعلين، وهذا عيب طبعا، لكن كأن الإحتفال نفسه كان غاية. أقصد ما تمخض عنه الحفل وللأسف لم أتمكن من متابعة اليوم المفتوح لظروف.
ما تتكلمي ده كلام سر! العاجبني إنو الأخت عزاز مرشحة خالة المنبر ، رغم طعن الطاعنين بصغر السن والخالة (حاجة) في نظرهم دائما. لكن كان خالدة ولا عزاز قدها وقدود. شابات يفخر بمثلهن. نشاط حيوية ثقافة. لمن ظهرن في الحفل وبعد تقديمهن طبيعي إنو الناس تصفق لي كل داخل. لكن صفقت من قلبي، رفعن راسنا وشرفنا. أما خال المنبر برضو كلام سر... قالوا فلان الفلاني....أما أنا شايف كل البورداب مؤهلين ولهم ودي.
بالمناسبة كل الشمارات مع إسماعيل وراق وصديق الموج وتمبس. إنت سامعة شمارات ولا شنو؟
| |
|
|
|
|
|
|
| |
Muna Khugali
تيسير عووضة
بكرى ابوبكر
سجيمان
أحمد أمين
ابو جهينة
عفاف ابوكشوه
محمد مختار جعفر
سيد محمد احمد سيدنا
ناذر محمد الخليفة
المكاشفي الخضر الطاهر
قرشـــو
بدر الدين الأمير
خالدة البدوي
Hussein Mallasi
محمد الأمين موسى
Elmosley
طارق جبريل
Samer Osman
Mamoun Zain
يحي ابن عوف
عبدالرحمن عزّاز
Emad Abdulla
nadus2000
الواثق تاج السر عبدالله
الملك
عاصم الحزين
سامي عبد الوهاب إدريس
أيزابيلا
talha alsayed
معتز تروتسكى
Waly Eldin Elfakey
عزيز عيسى
سفيان بشير نابرى
shazaly gafar
عاصم ابوبكر حامد
الزاكى عبد الحميد
ايهاب نميري
يوسف السماني يوسف
munswor almophtah
ابوعسل السيد احمد
عبدالله الشقليني
فضيلي جماع
ابي عزالدين البشري
Tumadir
فيس بوك
تويتر
انستقرام
يوتيوب
بنتيريست