|
|
|
 Re: مفاجاة لبوردب الامارات..بكري ابوبكر بيننا !!! (Re: ندى الأمين أحمد)
|
Quote: وكتين زولة123 معزورة ما بتعرف أنت مالك ما أتذكرتنى
|
هشام انا حاسه اللوم دا لي انا زاتي
عموما انا مانسيتك لكن قلت بتكون مسافر ولا مشغول
وبالمناسبه انت اختفيت من يوم جيت مالك
عموما امسحا لينا في وشنا ومعليش
اتمنى انك تستمتع بالليله
محمد سيد احمد
تجيب ليناmenu( مينيو)العشا عشان نشوف صحي فاخر ولا لا
تمنياتي للجميع بليله هانئه
| |
 
|
|
|
|
|
|
|
 Re: مفاجاة لبوردب الامارات..بكري ابوبكر بيننا !!! (Re: zola123)
|
تحية طيبة للجميع
نتمنى للسيد بكرى ابوبكر اقامة جميلة فى ذلكم البلد المضياف
و خصوصا بين اهلنا السودانيين
لكن يا جماعة سؤال ، الناس الما اعضاء فى البورد معزومين برضو ولا كيف
ناس الامارات الداير يدخل البورد و هو ما عضو ، يجى و هو شايل
السيرة الذاتية حقتو 
فرصة
تحياتى
| |
|
|
|
|
|
|
|
|
|
Re: مفاجاة لبوردب الامارات..بكري ابوبكر بيننا !!! (Re: خال فاطمة)
|
خال فاطمه هاك اخر قصائدى طبعا مسروقه
احترامي.. للحرامي
احترامي.. للحرامي!!
صاحب المجد العصامي..
صبر مع حنكة وحيطة..
وابتدا بسرقة بسيطة..
وبعدها سرقة بسيطة..
وبعدها تَعدى محيطه..
وصار في الصف الأمامي..!
احترامي.. للحرامي..!!
* * *
احترامي.. للحرامي..
صاحب المجد العصامي..
صاحب النفس العفيفة..
صاحب اليد النظيفة..
جاب هالثروة المخيفة..
من معاشه في الوظيفة..
وصار في الصف الأمامي..
احترامي.. للحرامي..!!
* * *
احترامي.. للحرامي..
صاحب المجد العصامي..
يولي تطبيق النظام..
أولوية واهتمام..
ما يقرب للحرام..
إلا في جنح الظلام..
صار في الصف الأمامي
احترامي.. للحرامي..!!
* * *
احترامي.. للحرامي..
صاحب المجد العصامي..
يسرق بهمة دؤوبة..
يكدح ويملي جيوبه..
يعرق ويرجي المثوبة..
ما يخاف من العقوبة..
صار في الصف الأمامي..
احترامي.. للحرامي..!!
* * *
احترامي.. للحرامي..
صاحب المجد العصامي..
صار يحكي في الفضا..
عن نزاهة ما مضى..
وكيف آمن بالقضا..
وغير حقه ما ارتضى..
صار في الصف الأمامي..
احترامي.. للحرامي..
* * *
احترامي للنكوص..
عن قوانين ونصوص..
احترامي للفساد..
وأكل أموال العباد..
والجشع والازدياد..
والتحول في البلاد..
من عمومي للخصوص..
احترامي للصوص..!!
احترامي.. للحرامي!!
صاحب المجد العصامي..
صبر مع حنكة وحيطة..
وابتدا بسرقة بسيطة..
وبعدها سرقة بسيطة..
وبعدها تَعدى محيطه..
وصار في الصف الأمامي..!
احترامي.. للحرامي..!!
------------------------------
خال فاطمه بكرى ابو بكر عدلان عبد العزيز فرح دكتور المعز سجيمان
مصلحه البريد والبرق
1965
زمن والله يا حليو
| |
|
|
|
|
|
|
|
|
|
Re: مفاجاة لبوردب الامارات..بكري ابوبكر بيننا !!! (Re: zola123)
|
كل المتداخلين بدوووون فرز
تحياتي وتقديري
وعاجزة عن شكركم على الاهتمام بالموضوع ورفع البوست
بس مشغولة لشوشتي
وتلفوني عامل زي بدالة مؤسسة الاتصالات 181
بافكر اعمل مسج: اذا كان الرقم مشغول وكنت من بورداب الامارات , رجاء معاودة الاتصال
مكالمتك تهمنا جدا وسنعود لك لاحقا 
عايزة اضحكم بشوية طرائف من واقع التجهيز للحفل والاتصال بالمشاركين:
* زولة : ألو, يا شلبي عليك الله ما تنسى تتصل بسموؤل ده, , ما عندك تلفونه
شلبي: يا زولة بسم الله, سموؤل ده ما انا زاتي قلت ليك
* زولة: ألو ممكن اكلم خال فاطمة
المتلقي: لا انا ابو القنفذ (لخبطت الارقام مع اسامي الناس)
* زولة: الو في زول اتصل بي على الرقم ده؟
المتلقي: لا انتي المتصلة بس, منو معاي؟
* اتكلم مع احد الاعضاء يرن الهاتف اثناء المكالمة ولا ارد لانشغالي في الحديث, يرن مرة اخرى ثم اخرى
النتيجة, اتحدث وهناك 4 اشخاص يتصلون بي في نفس الوقت (اول مرة تحصل لي في حياتي)
* (مشهد يتكرر مع معظم الاعضاء)
زولة: سلام عليكم, معاك د. ايناس من سودانيز اونلاين
المتلقي: اهلا وسهلا ( بصوت جاد جدا)
زولة: انا زولة 123
المتلقي: أيوااااااااااااا ما تقولي كدة من الاول( يتحدث ضاحكا)
* عندما اترك هاتفي في غرفة في المستشفى واعود اليه بعد ساعة اجد حوالي 5 مكالمات
عادة قد يمر يوم كامل دون مكالمة واحدة
* في صندوق بريدي الصوتي حوالي 12 رسالة حتى الان ما فضيت اسمعهم
---------------------------------
حصلت على ارقام هواتف لبعض الاشخاص الذين ابحث عنهم والحمد لله
ووتبقى هؤلاء: أحمد عثمان أحمد الطيب, ايهاب المهاجر, عثمان عووضة, ديمقراطي, شبيب , عباس محمود, أحمد عبدالله , عاطف عبدالله
--------------------------
فرح
حرام عليك, باضحك لمن ما قادرة اكتب
| |
|
|
|
|
|
|
|
|
|
Re: مفاجاة لبوردب الامارات..بكري ابوبكر بيننا !!! (Re: Shalabi)
|
ازيكم يا بورداب
كان عارفين انو بورداب الامارات القدام ح يتلم شملهم تاني
بحضور بكري كان قدمنا ليهو الدعوة زمان عشان نشوفكم تاني
ولا شنو يا زولا 123 سنتين من اول اجتماع لبورداب الامارت
وبكرة ليكم مفاجأة مني للذكرى
والله يعينك يا زولا على التلفونات .. خايفة يوم الخميس ما تجي لما نتصل عليك
يتضح انك فاكرة اللقاء في اي مكان تاني غير الشارقة ركزي شوية اوكي
باي
| |
|
|
|
|
|
|
|
|
 Re: مفاجاة لبوردب الامارات..بكري ابوبكر بيننا !!! (Re: zola123)
|
الاخ محمد الامين،،
تحياتي ،،
Quote: لكن يا جماعة سؤال،الناس الما اعضاء فى البورد معزومين برضو ولا كيف
|
الدعــوة مفتوحة للجميع من البورداب والقراء ، وقد بادر الكثير من المتابعين للبورد بالاتصال من اجل المشاركة والحضور للحفل وهو مايسعدنا ،، فقط نرجو الاتصال وتأكيد المشاركة حتى لايتسبب عدم الدقة في حصر عدد المشاركين في الاخلال بالترتيبات المرافقة للحفل ..
رجاء من جميع الراغبين في المشاركة الاتصال حتى يتم تنويرهم بالمساهمة وتفاصيل البرنامج والـف مرحـب بالجميع وفق المشاركة المنظمة وحبابكم عشرة في حضرة الريس بكرى ..
العزيز خال فاطمة،،
تحياتي والف تحية للهمة العالية وعلى عهد التواصل نلتقى،،
ولي قدام،،
| |
|
|
|
|
|
|
|
|
|
Re: مفاجاة لبوردب الامارات..بكري ابوبكر بيننا !!! (Re: zola123)
|
الأعزاء :
اليكم هذا التوضيح البسيط بخصوص الطريق الى مركز المبارك:
1/ سكان الشارقه
يقع مركز المبارك في شارع الرةله في الأتجاه الى عجمان وبعد الجسر الثاني في الروله اذا كنت قادم من دبي
ومقابل مركز اللولو
2/ القادمين من دبي وأبوظبي
اذا سلكوا الطريق بتاع النهده او طريق الجسور الموصله الى الروله فحيكون المركز على الجهه اليمنى بعد تاني جسر
3/ القادمين من عجمان وراس الخيمه وأم القيوين
بأتجاه الشارع الرثيسي من عجمان الى الشارقه بعد الجسر الاول عليهم الاتجاه الى الامام في طريق الجسر التاني ومن ثم الدوران من تحت الجسر التاني والرجوع ليلاقوا المركز على يمينهم بعد 500 متر
وهذا توضيح بسيط
| |
|
|
|
|
|
|
|
|
|
Re: مفاجاة لبوردب الامارات..بكري ابوبكر بيننا !!! (Re: zola123)
|
و الله تبغروا يا يا بورداب الامارات
برنامجكم ما اعتيادي ابدا ودي لفته بارعة تشبهكم
و تمسح من بكري كتير من العنت و الحزن الذي يلم
به من ورا ادارته للمنبر،،،يديكم و اياه العافية
مافي طريقة تنقلوا لينا الاحتفال حي علي البالتوك؟
الحكاية كلها راسمالا نوت بك و واحد حريف من ناس
البال يظبط الحكاية من وقت كافي كدي حاولوا
و بما أن بين بورداب الامارات اعضاء متميزين جدا
و هممن عالية نتمنا أنكم تنتهزوا الفرصة دي لتدعموا
العزيز بكري بافكار من شأنها تطوير المنبر زيادة
يمكن واحد من الاخوة او الاخوات يجمع اقتراحات و اراء
الاعضاء الاخرين و يصيغها في شكل ورقة عمل تقرئ و تناقش
بما لا يفسد جو الاحتفال و تعطي الورقة مع ملخص النقاش
البدور للاخ بكري و يمكن دي تكون حجر زاوية لنقاش علي
المنبر او لحوارات يبتدرها اعضاء المنبر في المناطق
المختلفة
و نتمني لكم لحظات سعيدة و انس جميل
| |
|
|
|
|
|
|
|
|
|
Re: مفاجاة لبوردب الامارات..بكري ابوبكر بيننا !!! (Re: zola123)
|
أولا : ديارنا نورت بى سيد الحوش
وألف مليون مراحب
وحبابك عشرةانت والأسرة
وشنظل فى شوق حتى نلقاكم فى الموعد
**
زولتنا الغالية
دكتورة ايناس
وكل الفريق الشبابى
لكم شكرى وامتنانى على هذا المجهود الرائع
وحقيقة آسف لانشغالى الأيام الماضية وعدم مرورى بالبورد
***
معاكم على المواعيد
ستتأهب (العين) من الآن للتواصل معاكم
لمزيد من التواصل وحتى اللقاء
هاتفى
4938269
| |
|
|
|
|
|
|
|
|
|
Re: مفاجاة لبوردب الامارات..بكري ابوبكر بيننا !!! (Re: abookyassarra)
|
يا الزنجى
لوكنت رشاشه بنوصلك وأشيلك الرأس قبل العين
ولو ماكنت رشاشه برضو بنوصلك بس تقول (يارب مطره)!!
والشارع بتاع سينما الماسه مش هو
والشارع الى بعدى ما ليكش بى دعوه
والبقيه فى العدد القادم.
نصار العزيز
فى (البال) مش توك ... فى البال فى حاجات كتيره
وغدا القاك يا خوفى فؤادى من غد.
| |
|
|
|
|
|
|
| |
خال فاطمة
Rawia
محمد الامين احمد
zola123
فرح
Dia
بنت الاحفاد 2001
Tumadir
mahdy alamin
معتصم دفع الله
الزنجي
نصار
Mohammed Tirab
abookyassarra
المسافر
فيس بوك
تويتر
انستقرام
يوتيوب
بنتيريست