هوية هشام هباني

Quote: الاخ الحبيب / هشام سلامات وتحايا عطرات طبعا انا ما خبير في الاجراءات والقاعد التى تخول للحكومة ان تأخذ منك او تسحب الجواز ولكن افتكر ان اى شئ عنده اجراء معين وعنده قواعد والا يكون الامر كله فوضى واعتقد ان الانسان لو خان وطنو ينبغى ان تسحب منه الجنسية وكذلك الذي يبيع وطنه ينبغى ان تسحب منه وهكذا وكم زول باع وطنه وكضب على وطنه وفي النهاية بدل ما .... نراه يدخل القصر او تضع الحكومة يدها في يده مثل الاخ مبارك الفاضل والصادق المهدي وعبد الرحمن الصادق وآخرين طبعا انا ما عارف انك يمكن تكون كضبت علشان تحصل على حق اللجوء السياسي او خلافه وامريكا وبريطانيا واسرائيل ما غباينة زينا علشان تعطى كل من هب ودب حق اللجوء وانما في الامر شئ من حتى ولانها تعرف تماما ان الذين يأتون اليها من الغباء بحيث سيكونون هم مطيتها للدخول في شان السودان كلمة (سردبوا ) دى والله ما بعرفها لكن اذا كان معناه خيانة الوطن فالكثيرين قد خانو الوطن ولكن كثيرون ايضا تابوا وآبوا بعد ما عرفوا كم هو باهظ جدا ثمن الخيانة ودونكم د. جون قرنق عرف الحق وعندما اراد ان يجهر به اغتالوه Quote: وانت رايك شنو ياسيف الدين كمواطن سوداني عاقل وحقاني رايك في المظالم البتحصل في البلد ...ناس ماتت مكتولة ظلم.. وناس اتعذبت وناس فصلت للصالح العام وناس انسجنت وناس اتشردت واسر سقطت ومال عام ينهب كل يوم وفساد اداري مخيف..هل اتخذت موقف يوما ما زيك وزي كتيرين من الشرفاء ودي مسئولية بسالك عليها الله يوم القيامة والله افتكر انو مافى مظالم بتحصل في السودان وحتى لو افترضناجدلا انو في مظالم فهي ممكن تحصل في اى بلد ولكن في السودان الظلم ما بيعدى ساكت والسودانيين ناس حقانيين ما بيعرفوا الحقارة .. وحتى لو افترضنا جدلا انه بيحصل فهو من قبل شرذمة قليلة يحاسبها الله في الدنيا قبل الآخرة وما علينا الا ان نرفع اكفنا بالدعاء ان يزيل كل ظالم..ومقارنة بامريكا هناك المظالم خشم بيوت ولكن ..... اى زول انفصل من عملوا صالح عام وجد احسن منو ..ومش كده اى واحد انفصل صالح عام افتكر انو استفاد اكثر مما خسر لانو اكيد بيكون كان20 سنة في وظيفة واحدة لا تطور ولاتقدم ولما جات الفرصة بالانفصال وجد فرص كثيرة احسن والمفروض يشكر الحكومة لانو لولاها لما وجد فرصة افضل للعمل ...بالنسبة للفساد المخيف اى فاسد خلى جزاؤه على الله ... ان الله سبحانه وتعالى يمهل ولايهمل ويؤخر عذاب المفسد الى حين وفاته فلماذا انت تتعجل عذابه في الدنيا احتمال يتوب واحتمال يرد المال لاصحابه واحتمال واحتمال .... اذن علينا ان لانقول ان فلان فاسد او ان فلان حرامى احتمال سرق علشان يعطى آخرين تضرروا Quote: هل لديك مواقف بائنة وواضحة وشجاعة تعبر عن نخوتك ورجولتك واخلاقك وانت تنحاز لمظاليم وطنك!! انا لاادعى بطولات زائفة ولعلمك انا فصلت للصالح العام سنة 1998م ولكن لم اخن وطنى او اهرب من مسؤوليتى بل انتقلت الى عمل آخر افضل منه وقلت فقط حسبى الله ونعم الوكيل .... وطنى السودان اخير مليون الف مرة من اى وطن في العالم وحتى المثل الانجليزى بيقول East or West Home is Best واذا كنت اليوم انا بعيد عن وطنى طلباللعلم فانا اتمنى من كل قلبى ان اكون فيه اليوم قبل الغد لاغنى بلادى وان جارت علي عزيزة *** واهلي وان ضنوا على كرام فتك بعافية ياود هبانى وياليتك تعارض باخلاق علشان يحترمك الآخرون