كوستاوي يضبط الكوز عمر التاج متلبسا بسرقة وتزوير من النت.

Quote: طالما جلالدونا وصل وجانا ايدو فاضية، فدي فرصة نرحب بيه لأن صاحب البوست لايرحب بضيوفه أصلا، حتى وإن كان حليفا مؤقتا.. واحدة من مشاكل صاحب البوست انه عنده عداوات تليده مع عدد كبير من الزملاء.. ولو حضر نصفهم لهذا البوست فتاني دينق الا يشوفولو منبر تشادي هههه، وان لم تخني الذاكرة فإن جلال ده واحد من الناس الوصفهم دينق قبل كده بالمونساتية البيعملوا في المنبر لصالح الكيزان.. وانا بعتبر اضافته مهمة حتى ولو كانت مع الادعاءات الفارغة للانفصالي صاحب البوست.. طيب انا قلت قبل شوية تشادي ليه؟ لاني على يقين بأن دينق ما بشمها تاني مع الجنوبيين لو نقرط وهو أصلا ما بيعرف عن الجنوب حاجة عشان يتكلم عن عربي جوبا ولا واو، جوبا لولا اتفاقية السلام لكانت رؤيتها عصية حتى يومنا هذا على اي متمرد أو مرتزق امريكي.. كلنا نعرف أن التمرد قبل نيفاشا كان في تخوم نمولي.. وان غرب الاستوائية وشرق الاستوائية وبحر الغزال والبحيرات و باقي الجنوب ده كله كان مفتوح للسودانيين وامتداد حقيقي للسودان عشان كده لما قلت لك بعرف في الجنوب اكتر منك كنت بقول حقائق ولما قلت لك عاشرت الجنوبيين أكثر منك دي برضو حقائق وكان العشم اكبر من نزعتك الانفصالية؛ ولما قلت اني شفت الجنوب اكتر منك دي برضو حقائق؛ ولو وريتك المدن والمناطق الأنا شفتها في الجنوب كان راسك شاب وودوك التوج يا جورج. أما موضوع عربي جوبا فما تحرف الكلام عن موضعه (ده تضمين لأية قرانية عشان ما تتعب تقوقل) خلافنا ماكان عن لغة أو لهجة أو بيدرسوه في المدارس ولا بلقنوه الناس انت في البداية قلت عربي جوبا خاص بجوبا فقط، وانا قلت دي لغة التواصل الكانت سائدة بين كل الجنوبيين.. وكان معترف بها على المستوى الرسمي قبل الانفصال وبعده، وقلت لو في اختلاف بيكون اختلاف لهجات ولكنات. فلستوب. يلا ارجع لموضوع البوست أو حدثنا عن اسباب رغبتك الانفصالية أو شمع البوست خلي الناس تستفيد من زمنها. نقطة بوست جديد.