بوست لقراء سودانيز أون لاين

Quote: أخونا العزيز طارق جبريل والاخ المحترم حيدر الف شكر على البوست ده واتمنى ان تجد رسالتي طريقها للنشر وحتى اذا لم تنشرها فالشكر اجزله لكما انا ممكن جداً اكون احد أكثر الناس مداومة على الاطلاع على سودانيزاونلاين على مدى الخمس سنوات السابقة وان كنت لم اتقدم اطلاقاً بطلب عضوية للمنبر وما اظن اني افكر في ذلك لكن لمن تكون متابع مع الناس نقاشاتهم بالشكل ده مرات كتيرة بيكون عندك احساس انك عايز تقول رايك كتير بيحرقني كلام كده واقعد افتش ايميل احد المشاركين في بوست ما عشان ارسل ليه رايي في موضوع معين عشان كده تاني حاشكركم على البوست ده ( حليل ابوي ههههههه ) كمثال اخر مرة جاتني رغبة شديدة في ابداء رأيي كانت بعد ما قريت كلام للعضو ( الشيخ سيد أحمد ) خلاني لا عرفت أضحك لا أبكي يوم 5 نوفمبر وفي بوست لصلاح البندر ده الرابط بتاعه بعد الفرح على الهجوم الاسرائيلي على اليرموك ... وزعانف المعارضة !! كله شتائم لاولاد الـ ...... ( على حد تعبير البندر) الاظهروا فرحهم بالاعتداء على اليرموك تداخل الشيخ سيد احمد مشيداً ببوست البندر ومرسلاً تحياته عادي جداً بغدها بخمسة ايام ولانه الدنيا دي ( سداية ورضاية ) خاصة فيما يتعلق بقوش تحديداً جانا البندر تاني ببوست عن ( الجقة قوش ) على حسب تعبير البندر طوالي أخونا الشيخ دخل شاهراً سيف الفضيلة معترضاً ( كما يبدو وكما يدعي ) على استخدام كلمات على شاكلة جقة لا وكمان مشى فتح ليه بوست عن سلوك المتعلمين !!!!!! كانه البندر ده حضر الدكتوراة بتاعته وبقى من المتعلمين خلال الخمسة ايام الفاصلة بين ( يا جزم يا منحطين يا خرفان يا اولاد الـ ..... ) و ( صلاح قوش الجقة ) ياخ معقولة بس ؟؟!!!! هسي لو جاك دينق وطلعك كوز تزعل وتقول تنميط وشنو ما تعرف ده للاسف نموذج ( وليس نموزج ههههههه ) للاعضاء البتكتب بدون أدنى احترام للقراء مع لزوم توضيح اني لا أحب لا صلاح قوش ولا صلاح البندر ولا احب في دينق الا كونه مريخابياً, لكني أحب القراية لمن يحترم عقلي حتى وان اختلفت معه في رأيه أنا شخصيا ًمدين لسودانيزاونلاين بالكثير خاصة في الحتة بتاعت تطوير نفسي للتخلص من أمراض العنصرية الاتغرست فينا من نشأتنا في البلد الشقي ومجنون ووجعه خرافي وزول بريده زيي مافي ودي حاجة تخليني أشكر كل أعضاء سودانيزاونلاين بدون فرز عليها بالنسبة لكتاب سودانيزاولاين, ورغم اختلافي معه في العديد من المواقف لكني احترم جداً جداً محمد سليمان احترم فيه اخلاصه لقضيته عقلانيته في طرحها تهذيبه الشديد في خطابه ( دائما ما يبادر بالتحية والاحترام ) وده بيدل على حسن تربيته واخلاقه واقدر تعصبه ( او ما اراه ويراه غيري تعصباً) لأني دائماً لمن أخت نفسي في موقفه كانسان أحرقت قريته وقتل عدد كبير من أهله الأقربين ويعيش من تبقى منهم في ظروف سيئة جداً بلقى اني لو لا قدر الله وضعت في نفس الحال لطلعت على الناس شاهراً سيفي ربنا يسلم أهله وأهلنا وأهل السودان جميعاً من كل أذى من الكتاب المميزين في المنبر العام بلة موسى ودينا خالد ومحمد المشرف (كتاب ومريخابي كمان) و حيدر قاسم ( ما عارفه بقى مقل ماله) ومحسن خالد طبعا وقصي مجدي سليم بدون شك وحمور زيادة وامين محمد سليمان وعمران حسن صالح ومعتصم دفع الله وعادل عبد العاطي ورحاب خليفة وسناء خالد وهدير الزين ومعاذ حسن ( من عرس بقى مقل جداً ) وود البشرى والباشمهندس الرائع ابوبكر ربنا يطراه بالخير والفنان خدر وعصام جبر الله و دكتور احمد طراوة والقرشي وبدرالدين احمد موسى في ناس عندهم امكانيات كويسة لكن عندهم عيوب اظنها منفرة زي قيقراوي مثلاً فهو ذكي ولماح لكن بحس بتكلف كبير جداً في كتاباته او ( استظراف على ما اظن ) مافي ليه اي داعي كذلك محمد الحسن سليمان فهو انسان متمكن من اللغة وزاده الله علماً لكنه يصر على ( التعميه ) وده للاسف من أعراض التعالي الممقوت واتمنى اكون مخطئ لكن حتى الان هذا ما يبدو لي للاسف في المنبر الكثير من الكتاب السيئيين على رأسهم معاوية الصائم ( ويستمر فقيع ال... يا مواطن ) وصلاح غريبة وان نسيت لا انسى اولاد المسلمي واخص بالذكر كبيرهم الذي علمهم سؤ الكتابة العوض المسلمي وبدرالدين الأمير ومعتز القريش وتبلدينا وبريمة و حميدة وتمبس وعمر الفاروق وتراجي وامنة مختار ونجاة ( بيان) وابوحسين بالانجليزي ودينق وكوستاوي وخضر الطيب والسيدح ( أح ثم أح) ووضاحة وعبد العزيز حسن عبد الرحيم وسيف مساعد وميادة كمال وصبري الشريف وجمال السنوسي وعباس واكيد بكري ابوبكر طبعاً مافي داعي للحديث عن عزالدين الفحل ومحمد عادل وذي اليد من اسوأ الكتاب ايضاً ناج السر محمد حامد ومن زمان متمني القى فرصة اسأله ليه في بعض بوستاته بيلون كلمات معينة بالاحمر رغم انه مافي اي سبب واضح لذلك أخيراً عايز أسلم على جنابو عمر وأقول ليه المريخابي البيريد عبد الحميد السعودي اخير ليه يبقى هلالابي وكوز كمان هههههههههههه أخوك محمد عبد الرحمن جدة