|
Re: (4) امتداد الدرجة الثالثة ذلك الحي المتفرد (Re: طارق جبريل)
|
وتتواصل الافراح بمربع واحد
سوف يتم بعد غدا الاثنين زفاف اخونا وعضو المنبر عادل محمود على احدى حسان امدرمان
والدعوة موجهه للجميع داخل السودان لتناول وجبه العشاء بمنزلهم العامر بمربع واحد
الف الف مبروك اخونا عادل محمود وبيت مال وعيال
وببلغكم خالص التحايا وهو طبعا ما قادر يدخل المنبر
على حسب كلامه لنسيان الباسورد
وده رقم تلفونه 00249919776531
ونتمنى ان تتواصل الافراح في الامتداد
د طارق بركه الجيت بركه الجيت
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
اول حاجه وقبل السلام .. ((((((((((((معليش يا دكتور)))))))))))))) ........................ احححححححح
Quote: الراجل وكتين يابا يمشي يمثلنا في الحاره بيقولولوا شنو يا كع |
((( وفي قانون الوست الانسحاب احسن من السيك (7) لو التسميه عندك مربوطه)))
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
اهم الشروط المطلوبة عشان تكون مشجع مريخابي : 1. تكون كويس في الرياضيات . او تكون خاتي جنبك الة حاسبة . 2. يكون دمك صلصة . تقيلللللللللللللللللللل وبارد وبتتحمل . ممكن برضو تبلع ليك كم حبة مهدئة قبل الكورة . 3. ما تحضر اول عشرة دقايق من الكورة ويستحسن برضو ما تحضر اخر عشرة دقايق . علشان ما توجعك بطنك . 4. ما تحضر الكورة مع مشجعي الفريق الخصم . علشان ما تتبهدل وتتغم . يفضل تحضرة براك . قافل الباب وطافي النور وتحت البطانية ان امكن علشان تنوم احسن ليك .
5. ما تكون من النوع المتفائل . تكون متشائم طوالي 6. تكون شاغل نفسك بي تسالي ولا ترمس علشان الافلاسات اثناء الكورة 7. يكون معاك كتاب نفسيات . افتح صفحة الغلب . الفصل السابع . الصفحة السابعة برضو . الموضوع : سبعة طرق لعلاج اكتئاب المغلوبين بي بسبعة .
8. تحزير : يجب على كل من يشاهد مباريات فريق المريخ ان لا تذيد اعمارهم من الخمسين ( صحتكم تهمنا ) المريخ السوداني سبب رئيسي لامراض القلب والضغط والزهج والقرف الشديد .
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: وتتواصل الافراح بمربع واحد
سوف يتم بعد غدا الاثنين زفاف اخونا وعضو المنبر عادل محمود على احدى حسان امدرمان
والدعوة موجهه للجميع داخل السودان لتناول وجبه العشاء بمنزلهم العامر بمربع واحد
الف الف مبروك اخونا عادل محمود وبيت مال وعيال
وببلغكم خالص التحايا وهو طبعا ما قادر يدخل المنبر
على حسب كلامه لنسيان الباسورد
وده رقم تلفونه 00249919776531
ونتمنى ان تتواصل الافراح في الامتداد |
* مليون مبروك للاخ عادل محمود ,,, وانشاء الله يارب ايامه كلها تكون سعاده وهناء ابوقصي ,,, مع فضيحة موقعة رمي النجم والبهدلة والسبعة بعشرة ,, نقول لكم هاردلكم وانشاء الله
في العام الجديد مع الورغنة والكلتشي ماتشربو من السفن اب ده تاني .
* عماد محمود وين ياراجل انا خائف شربوت العيد بكون طلع في راسك ,,, ياراجل انتي فاضي
من البكاء والكتشينة ,, بعد ماشاب دخلو الكتاب ,,, زمان كنت بتاع خرخرة في الكورة والعمر بعد
مافات اصبحت بكاي ذي ماقال عماد عويس ,, بالله عليك هاك السبعة الممطرة دي .
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: بدرالدين يعقوب)
|
Quote: دا بوست الامتداد والا عالم الرياضة
|
اظرف ماقيل يافيصل ‘‘‘
بس اوع تكون مريخابى (7) ‘‘‘‘‘
ــــــــــــــــــــــــــــــــــــــــــــــــ
مـــــــــــــ1000ـــــــــبروك ...
لحبيبنا العريس عادل محمود ‘‘‘
بيت مال وعيال ‘‘‘
سواها ولايخاف عقباها
ــــــــــــــــــــــــــ
كع ومعاذ وراشد ابنعوف ‘‘‘‘
الضرب فى الميت حرام
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
سلام للكل
حبيبنا تيتاوي الف حمدالله على السلامه
ومنور البوست ان شاء الله تكون قضيت
اجازة سعيدة
ومنتظريين الصور على احر من السبعه اقصد
الجمر وعاوزين نعرف منك شمار العقرب
الكلام ده صاح ولا تخدير من الارباب
دكتور طارق كيفنك خلى الجماعه التانين
يظهروا انت ظهرت عقبال جومو وعماد محمود
وباقي السبيعاب
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: دكتور طارق كيفنك خلى الجماعه التانين
يظهروا انت ظهرت عقبال جومو وعماد محمود
وباقي السبيعاب |
يا راشد ياخي الناس الديل بيتأملوا في حب النجمة العظيم النجمة دي حبها يا سيدي شي فوق الوصف مهما عملت تزيد هياما فيها
ـــــــــــــــــــــــ نتقابل في بوستات الكورة هناك عشان ما نحول الامتداد لاستاد المريخ
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
ود جبرين وراشد ابنعوف وكعوك الحمد لله رجعنا لقيناكم وكل الامتداداب ورواد البوست بخير ويارشد وكع للاسف انا ما حضرت عرس سبعاوى بيه فى السودان وشاهدنا الكورة انا واحمد خدر فى بيتنا فى الدوحة وقد عاد احمد خدر الى امريكا امس الاول لكين طوالى معاهم بالتلفون الجماعة قالوا البرد شديد وكمان اكرم بوحة ما قصر خلاها خل معليش اصلها كورة وبس لكن المناكفات بتاخد وكتها وتمشى ياو دجبرين لكين بصراحة السبعة كتييييرة سبعة تفوت ولا حد يموت
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
الف مبرحب بيك يا حبيبنا ابراهومه .. والله سعدته كتير برسالتك . ولو تكرمت داوم علي الكتابه علي اميلي او اميل الامتداد الموجود اسفل البوست .. لك الاف المحبه والاحترام
Quote: الاخ كع السلام عليكم ورحمة الله انا ابراهيم محمد احمد العوض كيف اخبارك يا كع انا والله متابع جداً للمنبر العام وبالاخص بوست الامتداد ومتابع الاخبار من خلاله تحياتى لجميع بورداب الامتداد بدايه من طارق لى اميقو امير الجمرى بكرى الخليفه احمد جمعه تيتاوى اكتب اليك من بكين ومن عجايب الصدف فى واحده من السفريات الى الصين كان الترانسيت فى الدوحة وجدت الاخ تيتاوى فى نفس الطائره المتجه الى الصين والصدفه الثانيةوفى سفريه اخرى اجد الاخ محمد حسبو فى نفس الطائره بالمناسبة لماذا لا اجد مشاركة من محمد حسبو فى بوست الامتداد تحياتى للجميع ابراهيم محمد احمد العوض الامتداد مربع 4
|
والله نتمني ان ياتي الي الي هنا محمد حسبو واناس اخرين !!
يا خونا سلمو علي زول الامتداد ابراهيم ود العوض الحايم في الصين وسط المليار ونص صيني !!
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: عماد محمود وين ياراجل انا خائف شربوت العيد بكون طلع في راسك ,,, ياراجل انتي فاضي من البكاء والكتشينة ,, بعد ماشاب دخلو الكتاب ,,, زمان كنت بتاع خرخرة في الكورة والعمر بعد مافات اصبحت بكاي ذي ماقال عماد عويس ,, بالله عليك هاك السبعة الممطرة دي |
يازول يطلع كيف ؟ وبعدين البكاء ده ماركة مسجلة باسم عماد عويس لو عايز تعرف تعال لي بي هناااااك ، أها ياعمده أتفتوا ولا تسد خشمك الخفيف ده ؟ . بعدين السبعة دي يعني غريبة عليكم ،،، ما أخدتوها في الجبل الأخضر !! ولا حقكم حلال وحقنا حراااام . متذكرين المقاولين ( 7 / 3 ) ولاّ خلاص نسيتوا ... قال سبعة قااااال يارااااجل .... بعدين يازول نحن كبرنا على الشغلانيات ديك وخليناها للريس يخوجج بيها برااااه ....
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عماد محمود علي)
|
ياعمده هم السباقون ونحن بهم لحقنا والغريبة أنو عماد عويس يطلع رشاشه بي غناهوا الجميل داك
ونحن النجوم لم نغيب أبداً في سماء الكرة السودانية نتلآلاء ومن المستحيلات السبعه لن ولن نغيب
بس الكلام علي الهليل الأنسحب من أول شهيدين من المليون ويختفي وراء النجوم ،لو ماقال الريس
البوست يبقي نادي المريخ كان شتلنا ليهم السابق والحاضر وحتي الفي الجبل الأخضر وحضر موت كمان
،،،،أبوقصي،،،،
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: محمد البشرى الخضر)
|
Quote: السبعة الجاية - أووبس - السنة الجاية على أمنياتك إن شاء الله |
سبعة قنابر التقوم ليك في رأسك القليت ده .... ما أخدتوها من المقولون ولا نسيت ...
Quote: ياخي عندي سؤالن بايخ كدي يتعلق بعنوان البوست , ما عارف اسالو هنا ولّ أضايرو في حتة تانية |
اسئلتك دائماًُ بايخة أحسن تداريها .. عارفو سؤالك المسيخ ذي كورتكم ديك .. السؤال : الخلى الامتداد حى متفرد شنو ؟ مش ده سؤالك يارشاشة .. خلاص قوم لف ... بجاوب ليك بعدين ... عالم ... ياخي ماقلنا ليك أرمينا بي رقم جوالك .. بالله التقول جوال الوالي ...
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: محمد البشرى الخضر)
|
Quote: طارق جبريل إزيك ياخي و كل سنة وانت طيب السبعة الجاية - أووبس - السنة الجاية على أمنياتك إن شاء الله ياخي عندي سؤالن بايخ كدي يتعلق بعنوان البوست , ما عارف اسالو هنا ولّ أضايرو في حتة تانية |
ود البشرى يا حبيبنا ياخي السبعات دي اتعلمناها منكم لو ناسي افكرك عارف سؤالك يا ود الشرى البخلي الامتداد دة متفرد شنو؟؟؟؟؟؟؟؟ نحن شايفنه كدة ياخ مالك حاكيها انت
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
بسم الله هيا ديل مالكم قاهمني كدا وقت عارفين السؤال طيب و فايت أضانكم مالكم ما جيتو افتيتو محل سألتو خليتو كع فور دمي
يا عمدةQuote: ما أخدتوها من المقولون ولا نسيت ... |
نسيت والله أكضب عليك اخوك كبر و ذاكرته بقى حدها سبعة قون - هّي معليش - سبعة يوم بس التلفون في البروفايل يا عمك *
جبريل يا عمك ايوة ناسي راجع كلامي لعمدة اها بالنسبة لإجابة السؤال يا عمك دا حالتو إنت سيد الشي زاتها , انا قلت زول غيرك بفشني مافي ياخوي كان كدا كتر خيري على الإجتهاد الإجتهدته براي ياكم متفردين بي بريكم و بكاكم و عبدالله كع
سلام آ متفردين
هامش ... * مِس كول ما من دامة ما بشتغل به
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: جبريل يا عمك ايوة ناسي راجع كلامي لعمدة اها بالنسبة لإجابة السؤال يا عمك دا حالتو إنت سيد الشي زاتها , انا قلت زول غيرك بفشني مافي ياخوي كان كدا كتر خيري على الإجتهاد الإجتهدته براي ياكم متفردين بي بريكم و بكاكم و عبدالله كع
سلام آ متفردين
|
ود البشرى يا قريبك ياخي انت ناس بحري والشعبية وبري ديل ما شايفهم ولا حقارتك فينا يعني
شوف يا سيدي انا اشرح ليك القصة لو رجعت للارشيف حا تلقاني اول واحد كتب عن الاحياء عشان كدة لمن كتبت عن الامتداد وناسه كنت عايز اميزهم عن غيرهم فلقيت انه الامتداد دة ما زي احياء ام درمان العريقة نشأ في بداية الستينيات من اسر في غالبها الاعم كانت من الغلابة يعني يا حبيب بيتنا دة اشتراهو الوالد بـ35 جنيه بس وحاتك الحاجة الله يرحمها باعت دهبها كله (احفظ مالك) شفت كيف حتى قدر الحاج يشتري البيت دة وانا اتولدت فيه ومعظم المتداخلين هنا نفس الحكاية عشان كدة الامتداد دة قطعة من الواحد ودة سبب تفرده يا سيدي وفي شي حصل يا ود البشرى انا لي هسي محيرني تعرف الامتداد كله بقى نسايب الاولاد يجكسوا في اي مربع وبعد سنتين تشوف صيوان العرس مدقوق
حبيبنا ود البشري مرحب بيك في ((المتفرد))
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
جبريل يا عمك ناس بحري و الشعبية و الصحافة و بري و غيرو و غيرو ما قالوا الحي المتفرد في عناوينهم غايتو سببك الذكرتو دا ينطبق على أغلب الأحياء لكن يمين ما بغلِّط عليكم و أخرب البوست في النقة و الغلاط خلاص متفرد متفرد إن شاء الله يكون وحدات - سوري - وحيد امو و ابوه و سبب تاني عشان خاطر الرصيد الح يحولو لي كع كمان سلامات يا شباب و نشوفكم في سبعة - هَي معليش - ساعة خير
هامش ... كع النبي كان تزعل
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: ناس بحري و الشعبية و الصحافة و بري و غيرو و غيرو ما قالوا الحي المتفرد في عناوينهم |
بي بساطه كدي .. لانهم ما متفردين و لا حاجه !
بالله تعال لكن ما تسال نوع اسالتك ,, الاجابته محسوسه دي .. تمام يا قلب
هويمش : تاني عملته لي شلل اطفال!
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: غايتو سببك الذكرتو دا ينطبق على أغلب الأحياء لكن يمين ما بغلِّط عليكم و أخرب البوست في النقة و الغلاط خلاص متفرد متفرد إن شاء الله يكون وحدات - سوري - وحيد امو و ابوه
|
يا ود البشرى يا قريبنا كرهتنا السودان ياخي نحن عاجبنا انه متفرد ههههههههههههههههههههههههههههه
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
صورة اولى الشارع الرئيسى ( شارع الزلط المنطقة المحاذية لمربعات 8 و4 و 1 ) والجانب الواضح من الصورة لما يسمى حى النزهة .. العشش زمان والناس الواقفين ديل قصاد شارع ناس فاروق سعيد والنقابى العجوز هذه الصورة والصور التالية جميعها اخذت فى الاسبوع الماضى
ابراهيم ابوخليل لو عارفين كده كنا رسلنا ليك مع احمد خدر .. النبق ياخوى بقى فارسى فى السودان .. شفت المحن دى .. كل سنة وانت طيب اهلا بحبيبنا ود البشرى فى المتفرد ياخى كل سنة وانت طيب والاسرة وحتوت بالف خير شنو يعنى عامل لينا ( سبعة ) بى قرش
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عامر تيتاوى)
|
صورة ثانية شباب صغار من اولادنا فى الامتداد يقومون بتركيب الشبك فى المرمى الجنوبى لرابطة الامتداد يوم السبت الماضى ورغم ذلك لم تقم اية مباراة يومها بسبب العزاء فى وفاة والدة اخواننا على اللورش وعبد الحفيظ عكود وعرب وعبد السلام وفق ما قاله لى الاخ الباقر الخير فى سرادق العزاء لها الرحمة والمغفرة ولالها الصبر وحسن العزاء
هناك مشروع مهم ورائع وطموح بخصوص الرابطة وسنشير اليه فى مشاركة قادمة
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
الاحبة اخونا عامر حمد لله على السلامه المريخ زارع الفرح يابو قصى من غيرنا كرم بالانجازات ونحن مهزومين الجماعه ناس كع اخرجناهم من الهم والحزن وبالمناسبه يادكتور طارق المحصلة النهائيه للمباريتين 11للمريخ مقابل 9 كما ننعى لاهل الامتداد الشيخ مصطفى بمربع 4 والد دكتور محمد وبهاءالين بالسعوديه وعبدالله وعامر وعصام وهو من الشيوخ والورعيين وامه المصلين بمجسد الامتداد الكبير وهو كذلك من الذين كانت لهم حلقة للفقة نسال الله له الرحمه والمغفرة وسوف نعود
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: احمد جمعه)
|
Quote: كما ننعى لاهل الامتداد الشيخ مصطفى بمربع 4 والد دكتور محمد وبهاءالين بالسعوديه وعبدالله وعامر وعصام وهو من الشيوخ والورعيين وامه المصلين بمجسد الامتداد الكبير وهو كذلك من الذين كانت لهم حلقة للفقة نسال الله له الرحمه والمغفرة
|
خالص التعازى لاسرة الشيخ مصطفى
وتقبلة قبولا حسنا
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: كما ننعى لاهل الامتداد الشيخ مصطفى بمربع 4 والد دكتور محمد وبهاءالين بالسعوديه وعبدالله وعامر وعصام وهو من الشيوخ والورعيين وامه المصلين بمجسد الامتداد الكبير وهو كذلك من الذين كانت لهم حلقة للفقة نسال الله له الرحمه والمغفرة |
للفقيد الرحمة وتعازينا لاسرته
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: كما ننعى لاهل الامتداد الشيخ مصطفى بمربع 4 والد دكتور محمد وبهاءالين بالسعوديه وعبدالله وعامر وعصام وهو من الشيوخ والورعيين وامه المصلين بمجسد الامتداد الكبير وهو كذلك من الذين كانت لهم حلقة للفقة نسال الله له الرحمه والمغفرة |
انا لله وانا اليه راجعون
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عامر تيتاوى)
|
سلام مربع مبروك لى اختنا نسرين واخونا عادل محمود وانشاء الله بيت مال وعيال اجمل شى انو الواحد يكون من الامتداد الحى المتفرد وتاكدته من ذلك بعد زيارتى لى الامارات وقطر سعدته بى لقاء اخوه اعزاء بعد طول غياب , وغمرونى بى كرمهم الفياض وزكريات جميلة عن الحى المتفرد..... من دبى.. فى مقدمتهم صديقى واخى معتصم عبد الرحيم ( العربى) جميل لاعب الاهلى والهلال السابق عماد ابو الروس وشقيقة ود عبود جمال الحبر وشمس الدين عبد الرحيم ( الشميس) وتحدثت بالتلفون مع عثمان خضر مربع 11 وعصام ميرغنى مربع 1 و عمر محمد الحسن ( القرضابى)
وفى دوحة الخير
حبيبنا وصديقنا عامر تيتاوى الزول الجميل . والكفيل بابكر التوم . ومعاز السر . مفخره كل ابناء الحى المتفرد الذين التقيتهم حسن الضيافة والكرم الاصيل .
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
الحبان سلام
مليون مبروك للوجيه عادل محمود
مع الامنيات الطيبة له بحياة زوجية سعيدة
وعقبال العزابة
الجميل عامر تيتاوي حمدلله علي سلامة الوصول الاخ امير الجمري أنشاء الله تكون بالف خير وصحة وعافية
الحبيب كع الرئس القادم بقوة سلام وتحية ( اها الانتخابات متين )
بدر البدور ود يعقوب الغياب طال مشتاقين اتصلت عليك جرس وما حد يرد
وزير الاتصالات ود ابنعواف كتر خيرك علي حبل المودة والوصال
ابو قصي والقبيلة الحمراء الجايات اخير من الرايحات وما عليك من ناس الشمار
كان اتلمو ماشين علي نمط المابتلحقو جدعوا والمريخ ياهو المريخ مزروع فينا حب وعشق وهيام
الاخ عمار والاخت نسرين مليون مبروك وبيت مال وعيال
وسلام وتقدير للجميع
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
الاخوة الحبايب كنا بالامس فى كرنفال افراح اخونا الحبيب عادل محمود ولو كنتم معنا لاكتملت الفرحة بالرفاء والبنين كنت قد كتبت بات هنالك خبر سعيد لاحد من الربعة واهوعادل اسعدنا واسعدكم اما الفرح الكبير للامتداد هو مشورع الاضاءه وتنجيل ملعب الرابطة التى ربطتنا جميعا وقد قطع العمل شوط كبيرا وفى انتظار مداخلة اخرى من عامر بالامس كذلك كنا نتجاذب الحديث عن الامتداد وتحدث معاويه وديدى عن عظمة الامتداد وبقول ان ناس الامتدادكلهم رجال ويثنى على معتصم العربى وبقول ارجل الرجال فى الامتداد لكى ودى معتصم ولكم الود جمعيا كع رقم التلفون
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
عامر صباح جميل .. الصورة دي زكرتني شارعنا ودكان صالح بانقا رحمة الله عليه والكبري وقعداتو والناس احمد السنجك عبدالله فرح (كاجومه) والسر علي خليفه و الصادق ود المرين و عادل شاويش واحمد كركدني وعادل صالح سعيد ............... الخ الي ان وصلنا نحنا والكبري هو نفس الكبري .. والزبادي بالطحنيه وبسكويت كرم وهو نفسو .. الي ان تركناهو للورانا .. اكيد هسي بقي مهجور .. مأذنة المسجد الجديد ودرتني في البدايه و ما عارفته مربعنا !! اما الرابطة شكله حاتبيقي حاجه تانيه .. .. سؤال : نادي الامتداد كيف نفس الشي القديم زاتووو و الا التغير شمل عمرانه ؟؟؟
شكرا تيتاوي ...
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
النقابي .. احمد خضر .. عوض كمباء الحمد لله انكم تمام.. وسلام معتصم العربي و عبدالرحمن عبيشي - محمد عبدالحليم - وعادل عوض بلال ( وصلتني عيدتك ولكن بصراحه نسيت اتصل عليك ) وبكري الخليفه- وصديق حمدتو - ليهم مدة .... وباقي العقاب الما ظاهر ازيكم
ـــــــــــــــــــــــــــــــــ 0556457726 ( ده الجواني ) يا جومو وكميه اشواق ..
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
العين تدمع والقلب يحزن على فراقك يا برهاني توفي صباح اليوم برهاني فصهاي بمنطقة السلمة جنوب الخرطوم اخي وصديقي ورفيقي عمري اكثر من 25 عاماً وهو يسكن امتداد الدرجة الثالثة ، كل من عاشره شهد له بحسن المعشر وطيب الخلق ، كان اخاً ,وصديقا مخلصاً لجميع افراد مربع 13 و14 بالامتداد ، وكل من زامله فى مدرسة الامتداد 2 الابتدائية ، ومدرسة المرضي المتوسطة والتدريب المهني بالخرطوم. التعازي موصولة لاسرته بالسلمة ، وللاخ المهندس مجدي حنا بلندن ولخالتة ملو بكندا ولجميع الاهل بالامتداد . معاذ
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: بابكر التوم)
|
الرحمة لبرهانى ولكم حسن العزاء اخى معاذ السر
حبيبنا كعوك الصورة اياها فى ناصية شارعكم اما نادى الامتداد فاالحال ياهو نفس الحال
وياجومو بخصوص موضوع الدعم لاكمال مشروع التنجيل والاضاءة للرابطة فقد طرح الموضوع على اساس دعم بسيط حيث لم يتبق لاتمام المشروع سوى غرفة التحكم والكهرباء والمبلغ فى حدود السبعة ملايين جنيه بالقديم وقد اتفقت مع اخونا الباقر على طرح الموضوع لابناء الامتداد فى البوست ولكنه لم يزودنى برقم الحساب كما اتفقنا فى اخر يوم بالاجازة لذلك لم استطع طرح الموضوع بالصورة المطلوبة كما اننا نتمنى ان تم تزويدنا برقم الحساب فى البوست ان نحى مشروعنا القديم بخصوص دعم العمل الاجتماعى والانسانى لاهل الامتداد من خلال مساهمات الامتداديون بالخارج وهم قطعا لن يبخلوا على اهلهم فى الامتداد الحبيب واراجو ياجومو ان تساعدنا فى الحصول على رقم الحساب وتولى الموضوع بحكم علاقاتك وتحركك الفاعل فى الامتداد عوض كمبا كل سنة وانت طيب وشكرا على التحية ياجميل ونسال الله نشوفك فى الامتداد السنة دى 2009 ابراهيم محمد احمد شكرا على التحية من بكين ولك الود الحبيب احمد خدر ياخى انت نورت ايامنا فى الدوحة وبصراحة افتقدناك بعد سفرك ياحبيب ومنتظرين متين تعود تانى وفعلا معتصم العربى يستحق منك ومننا جميعا التحية لحبه لاهل الامتداد وكرمه الفياض وروحه السمحة ربنا يديه العافية ويحفظوا دخرى لينا
تحية للجميع وتهنئة مجددة لابنتنا نسرين ونتمنى لها حياة ملؤها السعادة والتوفيق ونسال الله لعزابة البوست بقيادة ( الراشدين ) ان يقتحموا العالم الجديد مع تباشير 2009
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
يا كع صباح الخير ،،
Quote: اليوم فتحت بوست باسمك "الهلال والمريخ يطاردان عبد الله كع عضو سودانيز اونلاين"!
|
اتذكرت حميده كان عندو شغل فى العشرة ولقي نفسه قريب من نادي العشرة دخل وقال ليهم ان جايب ليكم سيردباك مويه ما تمشي منه! وكانت المفاجاة انو السيردباك كان الجيلي ! • يا كع انت بتلعب شنو ؟ زمان فى رابطة الامتداد كنت بتلعب باك يومين. • يعني اقول ليهم بتلعب شنو باك ولا طرف يمين؟ • يا كع ما تنساني بعدين عاوز 100,000 $ عمولة ومن هسي ما بتعامل مع الشيكات. • ممكن ادي بكري منها 10,000 $ مصاريف دعاية واعلان. معاذ
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: moaz elsir)
|
اللهم أرحم العم الشيخ مصطفي وأسكنه فسيح جناتك مع الصديقين وحسن أؤليك رفيقا ولأبناؤه الصبر والأحتساب ولكل الأمتداد ومصلي الجامع الكبير ولسكان مربع 4 وكل جيرانه ولا نقول إلا كمايقال لاحول ولاقوة إلا بالله له ماأخذ وله ماأعطي والحمدلله رب العالمين.
كما نرسل طيب التعازي لأبن حلتنا الأخ برهان ولجميع أهله خالص تعازينا في فقد هذا الشاب الجميل نسأل الله أن يتقبله قبولا حسن ولأخ مجدي حنا وأسرته تعازينا القلبية ولك أيها الجار والصاحب معاز ولكل معارف الفقيد بالداخل والخارج.
،،،،أبوقصي،،،،
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: بابكر التوم)
|
كل عام والجيمع بخير... وربنا يحقق امنياتكم .
يا عربى سلام من مربعنا ما ح اقول الرقم عشان ما ازعل اخوانا المريخاب الهنا لكن هديتى ليهم 7up لزوم عدم الزعل كويس زكرتنى بى صوره جميلة الاخوان رحمة ومعاوية وديدى وحقيقة كانت فرصة جميلة الواحد يقابلهم بعد زمن طويل التحية ليهم من على البعد مع التمنيات الطيبة
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
سلام للجميع...
رجعنا من ارض الامتداد الجميلة الى الغربة تانى
اجازة كانت روعة الواحد كان فى احضان الامتداد والعيد روعة
لو انت فى الامتداد
الاخ تيتاوى تشرفنا بزيارتك لينافى الدرابزين انت والعريس
عادل محمود وواحمد كانت جلسة جميلة
وكل عام وانتم بخير
الاخ كع وبا بكر التوم رجعنا بشنطة السفر وما عاوز اى سؤال
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: بابكر التوم)
|
حباب العائدين إلي أغصان مهاجرهم وشجرة الخلود تحتضنهم بأوراقها وتظلهم إلي حين وقت معلوم
وبعد أن أخذوا من شهد الأمتداد صافيه نقول لهم حمداً علي سلامتكم جميعاً ،ومنهم أحمد خضر ورحلته
الماكوكية التي لم تهبط مظلته عندنا في خير بقاع الأرض مكه ونتمناها قريباً ،عامر تيتاوي ،راشد
جبريل عليك بأتفاقية الطائف ؟ ونحن حضور إن شاء الله ،والعريس الرائع عادل محمود،والرفاعي حجر
ومني خوجلي وكل من أستجم من وعثاء الغربه هاهنا بأرض الأمتداد كل عام وأنت أكثر تجمع أن شاء الله
كانت النية موجودة ولكن حال حائل المنع وأن شاء الله قريباً نأخذ قسطنا من الشوق الذي طال مودتي
للجميع.
،،،،أبوقصي،،،،
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: Adam Omer)
|
يا جماعة اذيكم عيد مبارك علينا و عليكم وكل سنة طيبون طيبون --------------------- مجدي و معاذ وكع السنة دي علي السودان وبعدها ود جبريل و ابوخليل والبعدها لكل الحلوين ------------------ احمد جومو كل سنة و انت طيب
الاخوة والاخوات رفقاء الدرب ابقوا طيبين
ابوخليل
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: مجدي و معاذ وكع السنة دي علي السودان وبعدها ود جبريل و ابوخليل والبعدها لكل الحلوين |
ابو خليل .. ازيك صدقني يا فرده انا داير امشي السودان السنه الفاتت لو لقيت طريقه يا قريبك الشوق بهدلنا يا خوي .. وبعدين ناس السعوديه ديل ماكلين هواء ساااااكت . بتعرف ( الميته وخراب الديار ) ديل مواهيم السودان القاعدين في السعوديه
.
والحاجه الغريبه .. اليومين ديل البوست حقنا سلحفائي للطيش .. المشكله وين ؟؟ فينا و الا في البوست البقي (تقيل) ده !!!!!! خليها علي ربك .. يا ابو خليل ..
سؤال علي الماش كدي .. ارباب واللا بابان واللا عمر شيخ الدين وينو ؟؟
| |
|
|
|
|
|
|
Dears Emitdaadb: Shabab & Shabat : Happy New Year 2009 (Re: طارق جبريل)
|
My Dearest Elmitdad Group: Kull sanaa wa intto teeben & whole the best for coming year, I would like to greeting all of you especially on the start of this year which we hope to be better that previous one. Firstly : our leader Tarig Gabreel & his small family & the extended ones @ Elmitad & Alshabia & shibba ( Karima County) also Secondly to those still keeping writing on this post & they are in our minds whole the time: 1/Magdi A/Rahim Fadul 2/A/Alla Koa 3/Amer Titawai 4/Babker Eltoum 5/Imad Shamat 6/Imad Mohamed Ali 7/Magdi Yagoub 8/Sarra Ali 9/Sarra Mahgoub 10/Faisal Mohamed Khalil 11/Nagabi Agooz 12/Mohamed A/Magid Alsiam 13/Siddig Hamatto 14/Moaiz Ali 15/A/Haleem Hamed Naiem 16/Nasreen Gamal 17/Izzeldin Osman 18/Mustafa Sirri. 20/mohamed Ahmed Sedna for the rest whom iforgott : my apology & we will be on touch
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
كل عام والجميع بالف خير وصحة وعافية
ونقول للعائدين من ارض الامتداد حمدلا علي السلامة وانشاء الله عام سعيد
وايضا نقول للاخت محاسب مرحب يبك واحدة من كوكبة ابناء الامتداد ,, ورسالتك وصلت
وانشاء الله الامتداد واهله بقدم هذة السنة الجديدة يكونو في رفاهية وسعادة ونحن
كلنا جنود من اجل رفعة وشان هذا الحي المتفرد .
* عامر تيتاوي واحمد خضر حمدلا علي السلامة وانتم تعودون من الاجازة وانشاء تكونو تمتعتو
بها بين الاهل والاصدقاء .
وياتيتا الصور معبرة عن روعة وجمال الامتداد وانشاء نشهد كمان وكمان تطور في كل المباني
والميادين ونهضة عامه في جميع المرافق السكنية والرياضة والخدمية .
ومبروك ايضا لكل الذين تزوجو ونتمنا لهم حياة سعيدة وعقبال الباقين
وايضا نواسي كل من فقد عزيز لديه ونتمنا من الله القدير ان لا يري اي انسان مكروه في عزيز لديه
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
وكل سنه وانتي طيبه اختنا محاسن .. لو تعرفي الكتابه البتنجليزي بتودرنا كيف .. نعمل نسخ ونشيله ونمشي قوقل حق الترجمه وننتظرو لمن يفتح نقوم نشيل الكتبتيهو ونعمل ليهو بيست . وبعداك نعرف انتي قلتي شنو ...... !!! و اخوك حريف في الفرنساوي !!!
كل عام وانت طيبه ...
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
الامتداداب الحلوين كل سنة وانتم طيبين وتامين يا رب اختنا محاسن وينك ياخ منتظرين حكاويك هنا ناس سارة ونسرين شكلهم باعوا الماتش
يا جماعة امير الجمري دة مالو كان عجز خلاص كلمونا حبينا ابو السيد بيتاوق مرة مرة كدة وغتس د. حاتم حمدتو قاطعنا كله كله والعجب صديق حمدتو طلاتو بقت زي هلال رمضان
احمد خضر (الرشاشة) اجازتك كانت كيف (خنتني ياخي) يا تيتاوي وين باقي الصور (بعتها ولا شنو)
عمر الارباب مالك سمعتو ولا جابوه ليك
الناس المحاربننا: - راني السماني - منى خوجلي - اشرف الباقر - عبد الحليم
اها منتظرين الجميع وسنة سعيدة علي المتفرد ان شاء الله
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
كل عام وانتم بخير تحيه طيبة مرحب بمحاسن دا شنو ياعماد عويس يا عمى ادم كع/تتيتاوى /كنا باالامس بالموقع وربنا يوفق(الازهرى) ابراهيم ابن عمى تحياتى لموسى ابقاوون ودجبرين الراقى ابو قصى راشد حمدلله على السلامة لكن اتلومت لما تسافر ما تزورنا العربى احمد خضر بابكر عمر شيخ وكل الرايعيين المتداخلين كزو ابراهيم محمد احمد وغير المتداخلين اميقو /اولاد حمدتو امير الجمرى حنعمل ليك اعلان فى الجرايد عبدالحليم/القرضابى خالد المنسى والقائمة طالت اتمنا لكم جمعيا العافية جومو
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: يا تيتاوي وين باقي الصور (بعتها ولا شنو) |
بالله يا تيتاوي خلي الشحفته وحريق الروح ده .. نزل العندك .. طارق جبريل بركب البحر بجيك اليوم قبل بكره عن طريق راس الرجاء الصالح .. يا قريبك طارق ده مشتاق ياخي ...
راشدابنعوف ( الرادار ) ارحم نفسك يا خي اكتب اي حاجه. عارفنك صحفي كبير وكاتب لا يشق له غبار مقالتك دي خليها لي بوست خاص وبراها . دي من الوكاله يا قريبك !!!
| |
|
|
|
|
|
|
| |