|
Re: خاص ببورداب المغرب... الرحلة السنوية والإفطار كمان (Re: زرياب كنيش)
|
الاخ د طارق جبريل رمضان كريم
يا دكتور ياخي انت بي قدراتك الادبية وتمكنك من طي ولي عنق ورجل ولسان الكلمات مما جعلني اتضامن معكم بشدة لعدم رفع بوست فطوركم ومعاملته مثل بقية البورداب
ولكن استغربت جدا ان الرحلة والفطور لحوالي خمسة او ستة بورداب واصدقاهم الذين لا يزيدون عن سعة حافلة امجاد او هايس علي احسن الاحوال
وبعدين ياخي انتو عندكم صيام ولا عندكم رمضان انتو عندكم هجير ولا سموم ولاكتاحة ولا تلقيحة زي يتاعة يوم 13 الجاي علي الجزيمة اجيكم واحد من الفلاتة البصومو تلاتة شهور في السنة الا يصوم رمضان المغرب بتاعتكم دي في ثلاث دفعات
اول شي يجرها مرة واحدة ويفطر يوم عشرة وتاني يوم عشرين واخيرا يوم العيد
قال صيام قال
| |
|
|
|
|
|
|
Re: خاص ببورداب المغرب... الرحلة السنوية والإفطار كمان (Re: صلاح الأحمر)
|
الدرارى سلام ورمضان كريم وتصوموا وتفطروا على خير الصور اعادة الزكريات الجميلة وطبعا كنا متوقعين ظهور الوجبات المغربية خاصة الحوت الذى تناقر بيه طارق جبريل مع بوردات الجبل الا ان الظهر هو حبييب الشعب الفول وهل مازال وجبة نادرة؟ طبعا الصور طلعت ناس كانت مختفية والحمد لله شفناهم طيبين امل مراسلتكم على صفحة اخبار الجالبات بالصحيفة المتواضعة (صوت النيل) وهى سودانبة تطلع بالقاهرة وتدخل السودان الابميل [email protected] فاكس 020223963092 ناجى فاقد الايصال بالاخ القادم من المغرب ارجو ارسال هاتفه بالقاهرة
| |
|
|
|
|
|
|
Re: خاص ببورداب المغرب... الرحلة السنوية والإفطار كمان (Re: طارق جبريل)
|
Quote: الاخوة الاعزاء مبروك العواشر يعني يا طارق الواحد حقوقو مهضومه بس الواحد لو كان رفع كلاش كان ذكرتوه اول واحد والله صدق اخونا محجوب البيلي ( رمضان كريم يا محجوب ومبروك عواشرك ) حين ما قال Quote: أما أنت فالفيك اتعرفت
صادق يا محجوب وتحياتي للجميع وإلى الملتقى |
معليش يا ناجي ما تزعل اكون طارق قايلك لسه من بورداب موريتانيا
| |
|
|
|
|
|
|
Re: خاص ببورداب المغرب... الرحلة السنوية والإفطار كمان (Re: طارق جبريل)
|
طارق لمتكم حلوة والله يوفقهم الطلبة الصغار ديل بجد لمتكم حميمة وناسكم قريبين للقلب
______________________________ ناصر ياصديقي سلام من هنا لغاية عندكم مشتـــــــــــــــاقين شوية شديد علينا
مابنسى عزومة رمضان الفات عند ناصر مشينا بعدها السوق وفي نص السوق صاحبتي قالت لي الاكل في الفطور كان حلو شديد قلت ليها ايوة قالت لي كدي اتصلي بيهم شوفي لو في باقيهو اتصلنا بناصر وبكل قوة عين رجعنا شلنا باقي الاكل اتعشينا بيهو
| |
|
|
|
|
|
|
Re: خاص ببورداب المغرب... الرحلة السنوية والإفطار كمان (Re: Amiral)
|
Quote: والله يا ود الاحمر عملت فيني جنس حاجات بالصور دي |
ازيك ياناصر وازي سلافة والبنيات، والله في غاية الشوق وخليتي بلاصتك ياناصر وكل الغايبين والذين رحلوا مازال مكانهم في القلب .وحقيقة افتقدناك وافتقدنا البيلي وبيومي ومحمد اللمين موسى وطلحة ،لآكين الحي بلاقي.وهل تتصور المغرب بدون الأحباء بومدين وأبوبكر ومعاوية؟دعواتنا لهم بالرحمة والمغفرة في هذا الشهر الكريم. لك مودتي ولكل الذين تركوا المغرب وماغادروا قلوبنا.
| |
|
|
|
|
|
|
Re: خاص ببورداب المغرب... الرحلة السنوية والإفطار كمان (Re: طارق جبريل)
|
Quote:
سلامات يا ناصر رمضان كريم الفطور كان كارب والشباب ما قصرو ومن محل الفطور مشينا حسان ودورنا كشاتين ، وتاني عندنا افطار يوم الجمعة
|
اسع عليك الله يا امير كلامك
دا ما اخير من الصور
يا حليل حسان والله مرت ثلاثة سنوات
تقريبا لكن واااااااااااااااااااااااااااااي
افهم براك
راواية
Quote: ناصر ياصديقي سلام من هنا لغاية عندكم مشتـــــــــــــــاقين شوية شديد علينا
مابنسى عزومة رمضان الفات عند ناصر مشينا بعدها السوق وفي نص السوق صاحبتي قالت لي الاكل في الفطور كان حلو شديد قلت ليها ايوة قالت لي كدي اتصلي بيهم شوفي لو في باقيهو اتصلنا بناصر وبكل قوة عين رجعنا شلنا باقي الاكل اتعشينا بيهو |
كل سنة وانت طيبة رايك شنو
انا عازمك في الرباط
ليك واحشة وسلملي لي علي صاحبتك
وعثمان بيسلم عليك وقال ليك منتظرنك بالفطور
ود الاحمر
Quote: ازيك ياناصر وازي سلافة والبنيات، والله في غاية الشوق وخليتي بلاصتك ياناصر وكل الغايبين والذين رحلوا مازال مكانهم في القلب .وحقيقة افتقدناك وافتقدنا البيلي وبيومي ومحمد اللمين موسى وطلحة ،لآكين الحي بلاقي.وهل تتصور المغرب بدون الأحباء بومدين وأبوبكر ومعاوية؟دعواتنا لهم بالرحمة والمغفرة في هذا الشهر الكريم. لك مودتي ولكل الذين تركوا المغرب وماغادروا قلوبنا. |
وانا لا اتصور حياتي بدونكم
| |
|
|
|
|
|
|
Re: خاص ببورداب المغرب... الرحلة السنوية والإفطار كمان (Re: ناصر جبريل)
|
طارق جبريل ابوصلعة:
ايامكم ساكوبيس ، بلد مافيها الاسد يرتع فيها الورل. يا حليل شلة وادزيز الذين تفرتقوا في مشارق الارض ومغاربها. افطارات زي دي دون شلة اكدال كانت ليس لها طعم، تعرف ليه لانو واد زيز في السنتر ماشي السفارة ماشي المدينة العكاري لازم تمر من هنا حيث ابوطويله الريح يلتقط اي شي،او الجنوبي الظريف فرانسيس. وبالمناسبة صور ود الاحمر ماظهر فيها ود المقدم، بيكون صائم لغاية هسه الحقوه ياجماعة.
تحياتي ومودتي للحلويين بالمغرب الحبيب
| |
|
|
|
|
|
|
Re: خاص ببورداب المغرب... الرحلة السنوية والإفطار كمان (Re: طارق جبريل)
|
Quote: الاخ د طارق جبريل رمضان كريم
يا دكتور ياخي انت بي قدراتك الادبية وتمكنك من طي ولي عنق ورجل ولسان الكلمات مما جعلني اتضامن معكم بشدة لعدم رفع بوست فطوركم ومعاملته مثل بقية البورداب
ولكن استغربت جدا ان الرحلة والفطور لحوالي خمسة او ستة بورداب واصدقاهم الذين لا يزيدون عن سعة حافلة امجاد او هايس علي احسن الاحوال
وبعدين ياخي انتو عندكم صيام ولا عندكم رمضان انتو عندكم هجير ولا سموم ولاكتاحة ولا تلقيحة زي يتاعة يوم 13 الجاي علي الجزيمة اجيكم واحد من الفلاتة البصومو تلاتة شهور في السنة الا يصوم رمضان المغرب بتاعتكم دي في ثلاث دفعات
اول شي يجرها مرة واحدة ويفطر يوم عشرة وتاني يوم عشرين واخيرا يوم العيد
قال صيام قال
|
ياخي انت ما تشوف الصور عشان تآمن بعدين ياخي انت رجل اثبت انك مع الخونة
عمر ازيك ياخ ورمضان كريم
| |
|
|
|
|
|
|
|