|
Re: امتداد الدرجة الثالثة ذلك الحي المتفرد (Re: Muna Khugali)
|
وليد طه، ازيكـ..
Quote: رانى إزيك ...إنت اخو عادل حلاوة ولا انا غلطان؟ |
انا اخو يوسف حلاوة... وود حلت ناس عادل حلاوة تسلم كتير علي السؤال . .---------
محمد يا حسبو..
كيف اخبارك والحالة عموم؟
Quote: ثم يا راني ،
لو انت زي ما انا مصدق ، راني احمد اخو يوسف حلاوة ، ياخي مرحب بيك كان قاصدني انا و متذكرني يا شقي ، و انحنا طبعا اتلاقينا في القاهرة برضو لو انت متذكر كويس ، يوسف اخوك دة زول حبيبنا ، وناس تلتاشر ديل بيننا وبينهم الفرن و عيشو و كمين ملح ، ربنا عالم وشاهد |
ياني زي ماياكـ مصدق و معقولة بس، مااتذكر ياصديق، انتم تتربعون اقصي نواحي الذاكرة.. ولي في ذلك حديث حبي وتعال نتواصل
[email protected] 13065294066 Canada http://ranimarley.jeeran.com/ . .------------
عزالدين كونكة
Quote: ورانى ده ود ناس ثريا بانقا؟ |
ياني زاتو يا زول يازين وين الحي بيك؟ دايما في سؤال عنك.. ودايماً تتخلل ونستنا انا والصديق اشرف سعد ومرات نور الدين بنتذكر الايام الجميلة ديكـــ، وكيف كانت وبقت ذكرى.. بنتذكر ليك يوم الطربيسة الفي الصالة( تلقاك ناسي اليوم داك). لكن ما عندك مشكلة بذكرك ليهو لمن نتلاقي في التليفون. كنت في زيارة مدينة تورونتو قبل فترة..لوداع صديق رحل عنا، فقابلت هناك صديق اداني خبر رحيل الصديق عادل يوسف فانتكست مرة اخري البركة فيك ، رغم انو الحزن طول. ونتكلم تلفوني وايميلي، فوق اسمع منك والباقي علي ودي . .---------
Quote: فيـك الخـير ياراني..
|
تسلمي كتير يا منـي وصلني ايميلك،وشكرا ليك كتير.
ودي وكل ما تيسر من احترام وسلام كتير للاهل
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
جيناكم يا حبايبنا لكم جميعا الود والاحترام اخي طارق جبريل ذكرت Quote: التيمان حسن وحسين: كانوا يلعبون في فريق الجزائر وكانوا حريفين جدا وكنت قد سمعت ان احدهم توفي ان كان الخبر صحيح فله الرحمة وان لم يكن كذلك اطال الله في عمرهم حيث درسوا معي في الابتدائي.
|
ارجو منك اولا ومن كل المتداخلين ثانيا تاكيد هذا الخبر ان كان صحيحاً وهو وفاة احد التيمان اسال الله ان يكون الخبر غير صحيح فقد كانت عائلة ازيرق وهو اسم والدهم نعم العائلة ونعم الجيران التيمان وعبدالمنعم ووالدتهم الحاجه نفيسة جاورناهم لاكثر من عقد من الزمان فكانوا نعم الجيران اكرر الرجاء ممن يعرف اي شئ عن هذا الخبر اين الاخ وليد طه ؟؟؟ اعتقد انه يمكن ان يفيدنا في هذا الموضوع وقد طلبت منه جوال الاخ محمد فريني وانتظر الرد
مع تحياتي
| |
|
|
|
|
|
|
Re: امتداد الدرجة الثالثة ذلك الحي المتفرد (Re: Muna Khugali)
|
طارق يا سلام ... امتداد الدرجة التالتة قضينا فيه احلى الايام عمي الطيب الخضر يسكن مربع 11 ابنائه المرحوم كمال ( دقدق ) ونصر الدين وعادل وعزالدين وعن طريقهم عرفت الكثير من الاخوة الاعزاء بالامتداد والصحافة .. منهم فيصل ( بالونة ) مرتضي بدر الدين .. عوض بد الدين .. المرحوم احمد ( كنب ) ابن عمي طبعا .. حسين مرسيدس .. ود العطا .. خالد عثمان .. عادل الساحر .. صلاح ود الحاجة .. ودملاح .. عبد الله ( ابوترية ) عبد الله محمد جابر .. وأخرون لا يسع المجال ذكرهم ....
طارق مسؤول من الخير اين مصطفي ( ام بعلو ) ..
ود الباوقة
| |
|
|
|
|
|
|
Re: امتداد الدرجة الثالثة ذلك الحي المتفرد (Re: Muna Khugali)
|
إزيك يا رانى إنت الشابى وين؟ انا سعيد بهذا البوست لأننى أكتب من الإمتداد،وكنت قد وعدت أن أتحدث عن أسماء عظيمة وها أنا أفعل: عطيات
روضة عطيات كانت فى البيت ، بيتها ذاته،مزيجا من الحضانةوالتعليم،لقد كنت أقرأ الجرايد قبل أن أدخل المدرسة،وعطيات كانت مدرسة.كنا نقصد بيتهاالذى كان يطل على نادى الإمتداد،والآن تفقأ عينه مكاتب للدفاع المسمى الشعبى،كنا نقصده فى الصباح الباكر،فنجدها قد فرغت للتو من إعداد الشاى،ونشرب،شاى باللبنفى كبابى أو فى برطمانيات المربة؛منا من شرب فى بيته فيدبل ،ومنا من لم يشرب،ثم نخرج مع سعد ،شقيقها لشراء الحاجات المنزلية من دكان عنترالذى يفصل بينه وعثمان الترزىـ الذى كنا نشترى منه الزراير الكبس ـمنزل واحد.وكانسعد يغدق علينا الحلوى وأبوة قلبه الكبير،لا أذكر الرسوم فلم تكن من شاغل عطيات ولاسعد،ويقينى أنها كانت تدفع أكثر مماتأخذ،ولاأذكر حضورا نظاميا،فقد كنا نجئ على كيفنا وعلىه نمشى،وهى فىذاكرتى شاى وحلوى ولغة عربية جميلة.لقد رحلت عطيات فى بداية التسعينات،و كانت جمعية التحول برئاسة محمد بوب قد كرمتها على أيام الديمقراطية. أدعوكم أن تفكروا معى فى طريقة لنحفظ لهذه الأسماء النادرةرنينها.وعن حنا سأحكى فى المرة القادمة
| |
|
|
|
|
|
|
Re: امتداد الدرجة الثالثة ذلك الحي المتفرد (Re: Muna Khugali)
|
ياجماعه والله هيجتوا اشجاننا رغم انى لم اعرف اى منكم ولكن كل الشواهد التى ذكرت تعنى الكثير بالنسبه للى رغم انى كنت اجى الأمتداد فى الأجازات لكن اشعر بأن اجمل الفترات فى حياتى وصباى كانت تلك الفترة كنت اسكن مع خالتى فى محطة خمسه واذكر ناس السمين وناس ازهرى مكى والسر مكى وناس محمد وبدر الدين وناس عبد الجليل محمد نصر ومحمد اليمانى وديل كانوا جيران ناس خالتى وعلى فكرة زوجها العم عبد الرحمن المهندس مربع 11 على مااذكر والتحيه لكل سكان ذلك الحى المتفرد وان انسى لاانسى الأكشاك وعمك عبد القادر رحمه الله والجلسه فى البروش قدام الكشك من العصر البدرى قبل مايبنوا المدارس الفى محطة خمسه اللهم ارحم الأموات واطل اعمار الحياء والتحيه واتمنى ان يقرا لى شخص اعرفه حتى استعيد معة ذكريات ذلك الحى الجميل وايام الصبا التى لن تعود ابدا والسلام عليكم يااحلى ناس اخوكم / الحارث سرالختم
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
Quote: - كمال الطيب الخضر { دقدق } |
هذا توئم روحي
Quote: والراحل معاوية خوجلي الوسيم بتاع الجمارك لكني أرجأت الكتابة عنهما عشان نسيت باقي إسم معاوية للأسف ، |
وهو أخي بن خالتي !.. معاوية خوجلي دفع الله .. توفي بسلطنة عمان في june 12,1999 ..الإمتداد مربع واحد , أحاول المساهمة هنا بذكريات عزيزة .. إلي حين !
| |
|
|
|
|
|
|
Re: امتداد الدرجة الثالثة ذلك الحي المتفرد (Re: Elmuez)
|
لمن لا يعرفون الامتداد
امتداد الدرجة التالتة . . يقع حي امتداد الدرجة الثالثة بولاية الخرطوم يحده من الغرب حي العشرة وحي العشش سابقاُ ( او الامتداد الغربي) وفي شماله يقع حي الديوم ثم شماله الشرقي حي العمارات او امتداد الدرجة الثانية ومن الشرق حي اركويت ثم جنوبا يحده حي الصحافة. يوجد بالحي 14 مربع لم أتمكن بعد علي الحصول لعدد المنازل بالحي او التعداد السكاني لأهالي المنطقة ربما لاحقا. كما يوجد بالمنطقة عدد 4 مساجد وعدد 14 زاوية لأداء الصلاة، كما يوجد هناك عدد ثلاثة أسواق يجلب منها سكان الحي جميع مستلزمات المنزل وعدد ستة مدارس منها الثانوي والابتدائي، و أيضا عدد ثلاثة معاهد عليا وكلية واحده، وقسم للشرطة ومحكمة ومجلس و عدد واحد مركز صحي، كما يوجد بالحي مركز جهاز شؤون العاملين بالخارج( المغتربين). . . يقع داخل الحي الكثير من المعالم التي يذكرها أهالي المنطقة أينما وجدو خارج الوطن او داخله، نذكر منها علي سبيل المثال رابطة الامتداد التي كانت تجمع اغلب سكان الحي و الأحياء المجاورة لمشاهدة المباريات التي كانت تجري آنذاك. يجتمع اغلب سكان الحي في حميمة ليلاً بنادي الامتداد لتناول كباية الشاي المدنكلة مع شيشة تفاح او جراك عادي من يد المعلم صلاح شيشة، والبعض الآخر يلعب الكوتشينة والضمنة، وآخرون يرفعون الأثقال بقيادة علاء الدين الجبار ومجاهد ومحمد لطفي، وفي ميدان كرة الطائرة تجد هيثم ابوشارب ومؤمن الطويل يهمون ببداية قيم جديد، كما ينهمك آخرون بلعب البون بونك، كما كان يوجد بالنادي قسم للعبة التايكندو بقيادة المعلم محمد ألفلاتي، أيضا لم يبرح مخيلتي صوت البعيرة وهو يجادل آخرون حول كرة القدم واللعيبة ودي واحده من أعظم اركان النقاش التي كانت تدور في النادي. كان النادي عبارة عن اسرة صغيرة كبيرة المعني تضم كل من الموظفين ، الرياضيين، العاملين في مجال الصحافة ، الطلبة، أصحاب الأعمال الحرة، و العاملين في مجال السياسة. وبرغم الاختلافات العرقية، الاثنية، الفكرية، السياسية، والسنية، كان الجميع يوفر مقدار عظيم من الاحترام للأخر. . . ونواصل راني السماني
| |
|
|
|
|
|
|
Re: امتداد الدرجة الثالثة ذلك الحي المتفرد (Re: rani)
|
مواصلة
. . يضم الحي الكثير من المنتمين للأحزاب السياسية منهم المنتمي لحزب البعث الاشتراكي، والحزب الشيوعي السوداني، الحزب الاتحادي، وبعض من أعضاء حزب الامه، كما كان الكثير من ابناء وبنات جيلي ينتمون للجبهة الديموقراطية، لم أتذكر وجود للحركة الشعبية آنذاك، ولا حق او ما يسمي بالعدل والمساواة بل اذكر كان القليل من كلاب الجبهة المسعورة يقيمون بالحي. . . شيدت اغلبية منازل الحي المتواضعة الدواخل من الطوب الأحمر، يعمل اغلبية سكان الحي في مجال التدريس، التجارة، موظفين بدوا ير الحكومة المختلفة، وعمال مصانع ومهن حرفية, لم اتذكر ان كان هنالك تربالة. . . في موسم الخريف تجد جميع سكان الحي يحملون الكواريك والطواري لفتح مجاري تصريف المياه التي كانت دوما تغفو عنها حكومة السجم الرمـــاد، الصغير، الكبير، الخريج، والبدون كان الجميع يساعد بعض دون مقابل. كان يقطن بالحي الكثير من المهاجرون الأحباش الذين سمحت لي ظروف غربتنا المستاءة بمقابلة الكثير منهم، ومن خلالهم عرفت أين تكمن عظمة شعبنا المكلوم وبالأخص سكان حي الامتداد ولي في ذلك حديث آخر. . . ونواصل راني السماني
[email protected]
| |
|
|
|
|
|
|
Re: امتداد الدرجة الثالثة ذلك الحي المتفرد (Re: احمد العربي)
|
تشكر اخي العربي . . قصدك باسطة، الصمدي؟ البجوار ناس الجمري وهشام عبدالفتاح؟ . . كنت اتناول منها وجبت فطاري يومياً حينما كنت ادرس بمدرسة الامتداد (1) قبل ان انتقل لمدرسة الامتداد (4)، مدرسة بشير لتصير وجبتي المفضلة من يد عمنا احمد ابو حسن كوارك وحجة زليخة.. يا لها من ايام. . . راني السماني
| |
|
|
|
|
|
|
Re: امتداد الدرجة الثالثة ذلك الحي المتفرد (Re: محمد السر)
|
منفذ للدخول..
. . حاجة فيك
حاجة في شرف المدائن ... في غرف كل السفائن ... جوه في عمق المناجم والعيون ... حاجة زي ما تكون محلق في العواصف ... فجأة تهبط للسكون ... حاجة زي نقر الأصابع لما ترتاح للموسيقى ... حاجة زي أخبار تناغم في جريدة ... حاجة زي وتر المواني لما يصدح لي سفينة ... حاجة فيك ... لابتبدي ... لا بتنتهي خلتني أرجع للقلم وأتحدى بالحرف الألم ... وأضحك مع الزمن العريض ... وأنسف متاريس الطريق ... وأعرف متين أبقى المطر ... وافهم متين أصبح حريق ... حاجة فيك ... . . كانت تحكي لي جدتي ( ثريا بانقاء موسي الشيخ موسي) طول الله عمرها، الكثير عن الحي وكيف تكونت المنطقة ومن هم السكان الاوئل ومن اين اتو، كانت تقول لي ناس فلان جو من اشلاق البوليس او اشلاق السكة حديد...الخ. كانت تحكي لي عن من كان يملك تلفزيون في الحي او تلفون وكيف كانت ملامح الحي والمناطق المجاورة، وعن كيف اترسمت اغنية باختصار كانت بتدينا حصة للدرس الاول في التاريخ وجرعة سلام عاطفي ، لوطـــــن..... . . واحده من الحاجات الكانت دوما تلفت نظري هي ذاك الارتباط العاطفي الذي يربط من يرحلون الي مناطق اخري بالحي، اغلبيتهم كانو يرحلون الي مناطق الصحافة، اركويت، عد حسين، العشرة، جبرة، الكلاكلات، وام عشر. وبرغم وضعهم الجغرافي الجديد كانو يتواصلون مع أهالي الحي بالزيارات المتكررة والاتصال بأصدقاء لهم، واحده من هذه الاسر عائلة ناس ابساعة كانت غاده، عمار، حماده، وخالد ابساعة دايما التواجد بالحي بالرغم من انو منزلهم الجديد كان بحي اركويت. . . فمن هنا بدت تتكون جوي ذواتي الجوانية خطوط اضافية، لملامح البعد العاطفي لحي الامتداد. كنت ادرك تماما ان هنالك شيء ما، شيء صلب يربط ذاك القوم الطيب بهذاالحي. وهنا ومن مداخلات الكثير من زوار البوست عرفت ماهو ذاك الشيء، وأيضا عر فت ماذا تعني كلمة امتداد، ( امتداد الدرجة الثالثة). . .
باختصار هو حب أزلي تحمله دواخل كل من عرف الامتداد مقيما بها او زائرا كان. . . . .
ونواصل.. راني السماني .
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
الاخ العزيز رانى
تحياتى لك وشكرا كتتتتتتير لانك دائما تتطلع
لينا باسماء ضاعت فى الذاكره الخربه ودى طبــعا
من الكبر والنكد فى الغربه 0 والاسماء كلما تمر
عبر البوست تجدنى تواق لذكرى اخرين منهم من سلف
( رحمهم الله) ومنهم من جار به الزمان واصبح بعيد
المنال رد المولى غربتهم0
لكن يا رانى انا انشط فى الذاكره لاعرفك وربما كنت
اصغر منا بالطبع عشان كده انا اعرفك بشخصى الضعيف
عن طريق اخى الشقى نجم الدين(محطه7) وزين العابدين
وصلاح الدين ونميرى وكلهم درسوا الابتدائيه فى الامتداد
وكبيرنا نوالدين البحيره مع ناس ازهرى البكاى وصالح
جلال والعميد صلاح حسين وانا كنت مع الهدف ومتخصصين
فى كل الفرق واولهم سلام 11 عشان قرب المسافه بينا
وازيدك من الشعر بيت اننا عملنا الهدف عشان هزيمة
السلام اولا وثانيا وثالثا ونقيظ ناس ابراهيم حمـــد
ومن لاعبينا البارزين اولاد محى الدين د0عامر واخوانه
وجورج (ما خواجه لكن من اهل سنجه) وفتحى ابو شعر
لاعب الامتداد الكبير وصعدنا كل الادارين لفريق الامتداد
وهم الان من ركائز الاداره ورغم ذلك كانت الحساسيات
تنتهى مع صافرة الحكم لاننا سنجتمع بعدها كابناء حى
ونشرب شاى الطيب المدنكل مع باسطة عبدالجليل وهاك
يازمان فرقت الاخوان0 تحياتــــــــــــى للجميــــــــــــع
(ســـــــــــــيد)
| |
|
|
|
|
|
|
Re: امتداد الدرجة الثالثة ذلك الحي المتفرد (Re: nazar hussien)
|
نزار حسين مرحبا كيف ياخي ما نتذكر دكان عم رمضان الله يرحمه وبكسيه العجيب داك في مربع 3 وانا من سكان نفس المربع وكان اشهر حاجة في الدكان انه بناته بيبيعوا معاه ودا كان في الزمن داك شئ غريب. ومحطة البراميل دي كانت من السوامق في الامتداد ورحم الله المعز خالد الربيع كان دفعتي. وشكرا على مرورك
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
سلام يا ناس الامتداد بالله تاكدوا لي من موضوع التيمان دا لانه ذكروا لي احد الاخوان من دبي واتمنى انه تكون معلومة خاطئة لانه التيمان ديل من معالم الامتداد. يا راني والله عافي منك يلا واصل طوالي. اسعدتني جميع المداخلات. وصلتني رسالة من صديق عزيز عن طريق الايميل ولانه لسا ما عضو في المنبر سوف انزل رسالت كما هي لمزيد من التواصل
Quote: بسم الله الرسالة الأولى: الامتداد لمسة وفاء وشمعة تضيء الطريق الامتداد آآآآآآآآه لو أن عنوان البوست كان هكذا لكان أجمل يا سيد طارق. الكثير من الذين جاء ذكرهم في المداخلات يستحقون أكثر بالطبع مما قيل وهذه بعض الملاحظات على سبيل الذكرى العطرة ومجرد لمحة وفاء لهم وللامتداد: 1/ راشد فريجون واسمه سيد أحمد فريجون سيد أحمد (مربع 2) كان من أوائل الذين دخلوا جامعة الخرطوم من أولاد الامتداد وقد كانت صرحاً عالي الأسوار آنذاك لا يتيسر دخوله إلا على قلة من النابهين والمجدين ومن يحسنون التغلب على الكثير من ظروف حياتهم. وقد رحل رحمه الله وهو في السنة الثالثة في كلية الهندسة. وقد كان انتقاله مفاجئاً جداً على أسرته وأصدقائه. وكان يومٌ لا ينسى من أيام الامتداد.. وعند تقبل العزاء انتحب بعض أصدقاء راشد كالأطفال اليُفع ومن بين هؤلاء من ذكرهم أبو ساندرا مثل صلاح محمد إدريس (صلاح إحيمر) وله شقيق يكنى أيضاً بالحلبي وانظر طرافة الأسماء ومعاوية خوجلي والذي انتقل في التسعينات هو الآخر رحمه الله وكان مغترباً بسلطنة عمان وأبو زيد جاد كريم وهو متزوج الآن ويسكن شارع الظلط بالديم وفعل بالمثل كثير من زملائه بالجامعة يوم كانت القلوب حليب كما يقولون. وتأثر كثيراً كذلك طارق فريجون (المخرج التلفزي المعروف) وهو ليس شقيق لراشد كما يتوهم البعض وإنما ابن خاله فالاسم البطاقي لطارق هو طارق الأمين حمزة الأمين مثلما مرسوم بخط جميل ومنمق على باب دارهم بامتداد الدرجة الثالثة مربع (1). وقد أقيمت دورة رياضية بالرابطة باسم راشد. وهذه فرصة للتساؤل إن كان هذا النوع من الفعل الجماعي ما زال يحافظ عليه. وقد فقد أخوة راشد لاحقاً للأسف شقيقاً آخرا لهم هو حسن (التوم) وقد كان يوماً حزيناً أيضاً من أيام الامتداد حيث أنه توفي رحمه الله بالغرق في رحلة كعادة أهل الامتداد في الأعياد وعند اشتداد موجات الحر. وعلى ذكر معاوية خوجلي دفع الله فقد كان هو الآخر مثال للالتزام وحسن الخلق وطيب المعشر. قال لي صديق لما توفي معاوية جملة وقفت أمامها طويلاً: " الله يرحمه كان دوغري شديد". والواقع أن الكثيرين تلمسوا ذلك حيث أنه كان يساعد الكثيرين في تخليص الأمتعة من مخازن الشحن بالمطار مثلاً ولكنه كان يحرص ويصر رحمه الله على عدم تخطي أي قوانين أو لوائح لصالح أي منهم أو أن يحمل التزامه بعمله أي تجاوز. ولعل في ذلك الكثير مما أزعج زملائه من مرؤوسيه والذين ربما فكر بعضهم في تجاوز تلك الالتزامات فلا يجد لذلك سبيلا حيث أن وجود معاوية كقدوة يحملهم على الحياء من أن يطلبوا منه شيء من هذا القبيل. وسلوك معاوية هذا في زعمي إن طبقه بضع عشرات فقط من العاملين بالخدمة العامة ممن يرعون مصالح الناس لكان ذلك كفيلاً بتحقيق ثورة حقيقية في العمل العام. 2/ العملاق مصطفى سيد احمد أيضاً سكن الامتداد حتى آخر أيامه بالسودان حسبما أذكر. وقد كان شمعة وضاءة بين مربعي 1 و2. ومن جمايل مصطفى التي لا تعد وإشراقاته المتعددة ما يحكيه أولاد الامتداد من أنه كان قد وعد أحد أصدقائه بأن يغني له يوم عرسه. ولعله الأخ عادل نجيلة إن لم أكن مخطئاً. وقد شاء الله أن يكون مصطفى مريضاً مرضاً شديداً يوم العُرس إلا أنه أصر أن يحمل حملاً إلى المسرح. وغنى مصطفى بآخر أنفاسه كما يقولون. ولا شك لديّ أنه قد تحمل بعد ذلك الكثير من المرض نتيجة لهذا النبل. وقد سعد جيران مصطفى كثيراً وهم يزاحمونه منزله المتواضع للاستماع له وهو يعالج ألحان الحماس الأخيرة قبل أن يغادر الامتداد في التسعينات يدغدغ أنامل إحساسهم " شوك الشوق" ولا يعبئون أن يلتقطوه – أي الشوك- بأي منقاش. ويتأوهون مع "سافر" ولا يعلمون أن مصطفى هو مسافرهم القريب. ويمسحون سوياً "عرق الجباه الغر" و"سحابات الهموم". ويتأملون السمحة والسمرية في غناء مصطفى تماماً كخلاسية ود المكي وأبو عركي. وأحياناً كان جلساء مصطفى يستمعون فقط إليه وهو يعزف العود بيدين رقيقتين. ولا أدري لماذا تخيل بعضنا آنذاك أن العود كان يبكي رغم أن مصطفى رحمه الله كان يطلق بين الحين والآخر القفشات المضحكة قبل أن يترنم بإحساس مفعم وعميق "الدنيا ليل غربة ومطر". ولم أعجب أن جلساء مصطفى كانوا يعاملونه بأدب جم وكأنه النبي في رواية جبران خليل جبران الشهيرة. ولا أحسب أن ملازميه في الغربة قد منحوه شيئاً أقل من هذا نظير ما قدمه من عطاء خالد وأصيل. 3/ جاء كذلك في أكثر من مداخلة ذكر الحكم المقتدر رحمه الله فتحي محمد عبد الرحيم الملقب بودأبرق وهو شقيق سيف محمد عبد الرحيم (اللاعب الشهير بالرابطة). وقد رحل فتحي أيضاً في يوم عصيب آخر من أيام الامتداد. وخرج فتحي من داره صباح ذلك اليوم كالمعتاد إلى مكان عمله أمام مركز جمارك مخازن الشحن بمطار الخرطوم وقد أصيب وهو يؤدي عمله بذبحة قلبية للأسف لم يستطع الموجودين آنذاك أن يفعلوا شيئاً حيالها. وفتحي رحمه الله كان مشجعاً قاطعاً (كما يقولون) لأحد فريقي القمة بالخرطوم. وأذكر أنه كان يبكي أحياناً بكاءاً مراً عندما ينهزم الفريق الذي يشجعه.. وفي ذلك حسبما اعتقد نقاء سريرة لا يضاهى رغم أن الكثيرين كانوا يعتبون عليه رحمه الله في ذلك. 4/ سكان مربع واحد فقدوا كذلك الكثير من اليافعين مثل سيف الدين آدم لاعب سلام 4 والذي توفي في سن مبكرة بخطأ في المستشفى وهو يتعالج من قارديا فسكبوا في عروقه الجلوكوز دون أن يكشفوا السكر في الدم. وهو أخ الميكانيكي المرح وخفيف الظل إبراهيم آدم الملقب بجارمية. ثم فقد المربع لاعب فريق الامتداد الماهر خالد محي الدين رحمه الله الملقب برومينيقا. وقد كان الامتداد في زمنه قاب قوسين من الصعود إلى الأولى لولا بعض الأخطاء التي لا تغتفر في مباراة الامتداد مع التحرير والتي أبلى فيها رومينيقا بلاءاً حسناً. وفقد نادي الامتداد أحد أعمدته بالمربع وهو الراحل حسن عثمان قمر الدين الملقب بحسن بكش. وقبله أخيه سمح الخلق وطيب المعشر عبد الله عثمان عميد فريق حلة الأمراء والذي كان يلعب أسبوعياً تقريباً مع الشق الآخر من المربع في مباريات حماسية كان يحضرها الكثيرون من خارج المربع خاصة بعد أن وهن بريق الرابطة. وفي مربع 1 من يزعم أن له الفضل الكثير على الكثير من المجموعات المسرحية الفكاهية التي نمت في الخرطوم خلال الثمانينات والتسعينات فقد كون أبناء المربع فرقة مسرحية فكاهية في نهاية السبعينات تعمل تقريباً على نظام المسرح الحر أو مسرح الشارع وربما تطلب الأمر تدخل مختصين للتعريف الصحيح. وكان هؤلاء يقدمون فقرات فكاهية في الغالب خلال حفلات الزواج أو الوداع التي راجت آنذاك لمن ينوي الاغتراب بغرض العمل أو الدراسة بالخارج أو حفلات تكريم الناجحين من أبناء المربع والذين تخرج قسم منهم من جامعة الخرطوم وآخر من جامعة القاهرة فرع الخرطوم وغير ذلك. وكانت الطرفة تطرح في شكل نكات مباشرة أو مونولوج أو تقليد للهجة أجنبية دون أن يكون للكلمات معنى حقيقي وإنما المقصود فقط خداع المتلقي وكأنه يستمع إلى هذه اللغة. وكانت اللغات تتغير من الاريترية إلى الإثيوبية إلى الحلفاوية إلى الانجليزية وغير ذلك. كما كانت تقدم استكتشات مسرحية صغيرة أخرى. وأميل شخصياً إلى تصديق زعم دور المربع في الحركة المسرحية على قلته حيث أن أغلب رواد المجموعات التي تنشط الآن كانوا يزورون المربع ويصادقون زملائهم من أبناء المربع وربما يسعفني البعض بالأسماء لاحقاً. ختاماً يا سيد طارق فقد تجمع أهل الامتداد من أطراف أحياء الخرطوم القديمة من الديوم الشرقية والديوم الغربية (الحلة الجديدة والسجانة). وسمي الامتداد في البداية بامتداد عبود حيث أن أراضيه قد وزعت في الواقع قبيل ثورة أكتوبر. وعندما جاء الناس إلى الامتداد كانت أرضه على ما أذكر لا تزال بكراً وتطرح بعض الخضر بعد هطول الأمطار لاسيما الطماطم. وكنا ونحن أطفال نركض خلف عمال الكهرباء وهم يملأون مساحة الحي بأعمدة النور. وكان هؤلاء يدفعون بكرات السلوك الكهربائية الضخمة أمامهم وهم يرددون ترنيمة ما زال صداها يتردد في أذني وهي: صلوا عليه النبي صلوا عليه يا محمد صلوا عليه. هذا ما كان من أمر شهيتنا الآن وإن وجدنا مشهيات كافية من المتداخلين فربما نوافيكم لاحقاً بمقالة ثانية تتناول من بين ما تتناول صحن الفتة بدكان صالح المملح بالخماسين. ود المبروك (مربع 1)
|
| |
|
|
|
|
|
|
Re: امتداد الدرجة الثالثة ذلك الحي المتفرد (Re: nazar hussien)
|
أخـي جـني والذي بي رغبـة مجنونـة لأن أراه منـذ التحاقي بالبورد!
وجـدت دمـوعي تتسـاقط وانـا اقـرأ كـلماتك أعـدت لي ذكـري حـياة بأكـملها عـن الامتـداد الذي قضـيت فيـه حـياتي كـلها تقريبـا قبـل ان اغـادر السـودان في 1992 وقبلها حـوالي 6 سـنوات توزعت بين دراسـتي وبين بورتسـودان..أتمني ان اري مـاكتبته عـن مصطـفي تاج رأسـنا وعـزنـا.. امـا محمـد فهـو كمـا قلت ..نراه غـير البشـر..نحبه كـثيرا ونعـزه كـثيرا واخـاف انـا عليه كـثيرا..بناته اسـراء وآلاء ودعـاء وامنيـة..
ويا عادل فقـاد التيمـان كـويسـين وكـل شـئ تمـام الحمـد لله وكـذلك الحـاجـة نفيسـة أطـال الله في عمـرهـا...
وانـا سـعيـدة يانـزار انك بتعرف شـارع البراميـل لأنه ده كـان شـارعنـا! خليتكـو بعافيـه إخـوانـي..
مـني
| |
|
|
|
|
|
|
Re: امتداد الدرجة الثالثة ذلك الحي المتفرد (Re: Muna Khugali)
|
طارق يا سلام ... امتداد الدرجة التالتة قضينا فيه احلى الايام عمي الطيب الخضر يسكن مربع 11 ابنائه المرحوم كمال ( دقدق ) ونصر الدين وعادل وعزالدين وعن طريقهم عرفت الكثير من الاخوة الاعزاء بالامتداد والصحافة .. منهم فيصل ( بالونة ) مرتضي بدر الدين .. عوض بد الدين .. المرحوم احمد ( كنب ) ابن عمي طبعا .. حسين مرسيدس .. ود العطا .. خالد عثمان .. عادل الساحر .. صلاح ود الحاجة .. ودملاح .. عبد الله ( ابوترية ) عبد الله محمد جابر .. وأخرون لا يسع المجال ذكرهم ....
طارق مسؤول من الخير اين مصطفي ( ام بعلو ) ..
ود الباوقة
| |
|
|
|
|
|
|
Re: امتداد الدرجة الثالثة ذلك الحي المتفرد (Re: ود الباوقة)
|
وانـا سـعيـدة يانـزار انك بتعرف شـارع البراميـل لأنه ده كـان شـارعنـا!
حا تلاقي يا مني ان معظم اهالي وسط السودان وشماله وشرقه قد مروا يوما ما علي احد أحياء الامتداد اما ساكنين او زوارا لساكنين وانا مريت بالتجربتين...
لذلك دعوني استعين بصديق وأرجع ليكم لكوني سأحكي عن نهاية الستينات وبداية السبعينات...
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
اولاد الامتداد لكم التحايا وعبر بوستكم العامر احيي الاصدقاء الخزين علي و عبدالمنعم عزالدين و فتحي محي الدين (دقه) اولاد مربع 12 وناس الهدف وسلام 11 وسيوبر 7 احيي العزيز حسين مرسيدس اين ما كانوالاخ شهاب الزبير
تخريمه يا اولاد الخرطوم الجديده حسين مرسيدس و عماد عبدالله ديل احرف من يرسم وهما صاحبيي لوحة الهكسوس الفرعونيه الشهيره بمعمل الفنون لمن الفنون كان عندها معمل
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
الاعزاء الاصدقاء
منى خوجلى/ نزار حسين/ ودالباوقه/ابراهيم عدلان
والله فيكم الخير وربنا يقدركم على الوفاء للامتداد وكل مداخلاتكم
فيها شوق وحنين لتلك البقعه الجميله من ارض المليون ميل مربـع
التى اجتمعت فيها كل قبائل السودان ووصفتها بانها خرطوم كبير
وسودان صغير فى اول البوست0
يامنى وهل يخفى القمر ذكرتى فى احد مداخلاتك لى بيتمك موازى
للمجلس والمحكمه ونحن كنا شبه ساكنين فى بيت عمنا المرحوم
على مرزوق وناس ناديه ما كانوا يمشوا اى مكان الا برفقتــنا
واذا كنا غير موجودين حاجه نفيسه لاتسمح لهم يعنى وجودنا مع
بهاء كان جواز مرور لمشاويرهم وما انسى الصديق الصدوق اخونا
صلاح حسن الظريف فى كل شىء واخونا بدوىمحمد عثمان اخو الحكم
الطاهر ( دا من زمانى به قبل الاغتراب كان جنو سفر لحدى مـا
استقر به المكان فى ليبيا)
نزار ذكرت حقيقه كبيره من لا يمر بالامتداد مثل الذى لــم
يزر الخرطوم وربنا يديك العافيه0
ود الباوقه اولاد عمك شمعه مضيئه بالامتداد ولكم العزاء فى
دقدق وكنب (رحمهم الله) وعبدالله(ابوتيريه) الان ابو اولاد مــا
اجمله العمل البيت المسجد0 بالمناسبه فى مداخله اعلى تتطرقت
لاخيه احمد(توفى فى حادث) عشان كان احتكاكى به كثير(ص1) والان
الموجود صلاح حمد كاشهر القدماء وام بعلوا تقريبا رحل امبده0
وعوض بدرالدين ليبيا واخوانه مرتضى والصفار فى الرياض وصلاح
ودالحاجه فى كندا ومحمد ملاح فى امريكا وكلهم الان محمولين0 ابراهيم ربنا يوفقك والاخ حسين مارسيدس موجود فى القصيم ودقه
فتحى فى هولندا ومارسيدس لازال ذاك المرهف بالجمال0
تحياتــــى لكم جميعــــا
(ســــيد مســـــــى)
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
الاخت منى خوجلي اشكرك على طمأنتنا على التيمان اطال الله في عمرهماوحقيقي ما عارف زولي بتاع دبي دا جاب الخبر دا من وين عموما المهم انهم بخير.
استمرارا في سرد الاشياء الاجميلة التي كانت تميز الامتداد استحضرني الآن كثرة الألقاب: - حنيني - حمبية - امير كراكة - صلاح حسو - صلاح جلودي - حاتم جريمة (صديقي ودفعتي من مربع 12) - نصر الدين جوطات - نصر الدين النمتي - محمد كجاجا - ياسر طرنزينو - جمال ابو الريش - اسامة القرعي - ياسر جني - عماد عيونو - محمد كجول - سمير ركب -الدحيش - نصر الدين بعيرة - خالد كبارة - محمد البربري - عصام البعيو - مطاعيمو - هشام زرقة - موسى ود الزهرة - عائلة ابو الروس (مربع 11) - عبد الرحيم جغلب - رفعت الفار (ابن عمي مربع 11) - اسامة سلك (تنقم) - فتحي فلاش (رحمه الله) - اسامة بغبغ - الصيني - تمساح - علاء الدين القرد - سمير عفنة - تعريفة - الفريني - السناري - معتز كرونديس - محمد كرودي - اللارا - محمد قلاب - معتصم زومو - الخير فطط - خالد صهيوني - ياسر البزار - معاوية طمبل باي (الله يرحمه) - ياسر الحبشي
والقائمة طويلة وسوف اواصل ان شاء الله
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
العزيز الغالي / فيصل محمد خليل : كيف أنساك ياحبيب ، والله متذكرك جدآ وكلما يجيبني الطريق بي عند بيتكم بتذكرك ويخفق القلب لذكرى أيام مجيدة ، يعني أنت أبدآ مامحتاج تذكرني بيك عن طريق عبدالحفيظ شنان ، الحلفاوي الحمريطي واللغة تتوجع في لكنتك العجمية المحببة متذكرك وكمان متذكر معاك من اولاد الإمتداد على ناحية محطة البراميل ، شرق الإمتداد : 1- فرح جار النبي الضابط الإداري وقريب الشهيد الشفيع أحمد الشيخ 2- عصام علي أحمد أبودية أخو الشهداء عبدالمنعم محمد أحمد { الهاموش } وودالزين
أما من الناحية الغربية فمتذكر : 1- البشيري شيخ الدين 2- حافظ الكان رئيس إتحاد الخرطوم الجديدة وأخوهو عبدالرحمن 3- أولاد الخزين خاصة عازف الجيتار وده مرة ركبت مع ولدو في الطيارة كنت جاي من دبي وبقول في نفسي الولد ده شايفو وين لغاية ماسألتو ، نفس الملامح والشبه 4- حسن أبوليفة وبرضو كان بيعزف في فرقة جاز الجديدة وكذلك في فرقة زكي عبدالكريم وله طرفة مع زكي ، كانوا بيرددوا { بيشيلو} معاهو ككورس في أغنية { إنتي جميلة ومالكة كونك ... والله سمحة ... إنتي في قلبي وانا بصونك ... والله سمحة ،، الغيره عندك باقية عادة ، وهنا غير أبوليفة المقطع والله سمحة إلى دوله سمحة فكسر زكي العود في رأسه فدوله زوجته وكانت رائعة الجمال ، ولم يفعل أبوليفة شيئآ سوى تأكيد ماهو كائن
وكمان يافيصل نذكرك صديقنا المشترك محمد عوض حاج أمان وده كانت هويتو ذائبة كان بيسكن في بيوت إساتذة الكلية المهنية { الجناح الجنوبي لجامعة السودان } وهي كما تعلم تقع في منطقة وسطى بين الديم شمالآ والإمتداد جنوبآ فتشتت محمد عوض بين الديم والإمتداد وضاعت هويته المكانية
هسع أنا مش كتبت هنا أكتر من أولاد الإمتداد؟
| |
|
|
|
|
|
|
Re: امتداد الدرجة الثالثة ذلك الحي المتفرد (Re: أبو ساندرا)
|
Quote: 4- حسن أبوليفة وبرضو كان بيعزف في فرقة جاز الجديدة وكذلك في فرقة زكي عبدالكريم وله طرفة مع زكي ، كانوا بيرددوا { بيشيلو} معاهو ككورس في أغنية { إنتي جميلة ومالكة كونك ... والله سمحة ... إنتي في قلبي وانا بصونك ... والله سمحة ،، الغيره عندك باقية عادة ، وهنا غير أبوليفة المقطع والله سمحة إلى دوله سمحة فكسر زكي العود في رأسه فدوله زوجته وكانت رائعة الجمال ، ولم يفعل أبوليفة شيئآ سوى تأكيد ماهو كائن
|
أبوساندرا الله الله حسن أبوليفة! حسن أبو ليفة والفاضل ود آمنة قمر الدين (فضولى) كانا في فرقة زكى عبدالكريم وكان حسن عازف ايقاع لزكى وفضولى كوراس شيال اشتكى فضولى لولدته آمنة قمرالدين من زكى لأنه كان يفرق بينه وبين حسن أبو ليفة فى العداد فتوجهت الوالدة آمنة قمر الدين لزكى وكان جارا لهم ولامته لأنه كان لا يمنح فضولى عداد اسوة بحسن أبوليفة فرد عليهازكى والله يا خالة فضولى عشاء الفنانين عليهو كتير ولدك بقول شنو غير حلال إشارة الى رد الكورس على زكى عندما يقول : العرس بالفاتحة يا ناس ما حلال! فيرد فضولى وصحبه الميامين: حلال رعى الله تلك الأيام جنى
| |
|
|
|
|
|
|
Re: امتداد الدرجة الثالثة ذلك الحي المتفرد (Re: jini)
|
أبوساندرا كمال الدين الطيب الخضر دقدق
من الإرشيف
وداعا كمال دقق النحيل العملاق رحيل النيازك شديدة الضياء قصيرة العمر
Quote: قيل لأحدهم لم أبلغ أشعاركم الرثاء؟ قال لأننا نقولهاوقلوبنا موجعة فهي تصدرعن عاطفة صادقة في فراق من لا نرجو لقائه او مكافئته! ألجمت الفجيعة لسان يحى فضل الله وأسامة خواض فمن أنا!! كمال الدين الطيب الخضر (دقدق) الخلوق المرهف الشفيف رفيق الصبا الكلمات اعجز وأتفه من أن تعبر عن الرزء أيها البرولتارى النبيل دمعى لا مدادى أيهاالنحيل العملاق وداعا ايها الجميل عزائي لأسرتك الصغيرة والكبيرة ولوطنك الحلم السودان فقد فقد إبنا جسورا ولأصحابك في المنافي ولرفاق الصبا عادل الساحر يحى نضافة,حسن عبيد, عوض بدرالدين,سيد محمد أحمد, محمد ملاح ,حسن عثمان,صلاح ود الحاجة,عوض سكينة,بهاء مرزوق, جابر ,..... جني الحزين بإفرادى هذا البوست لم اقصد ان أقيم سرادقا منفصلا للعزاء في الراحل المقيم فحزني عليه لن يبليه الدهر فساظل أذكره ما حييت.أفردت له هذا البوست وهو جهد المقل فما عساى ان اقدم غير ذلك بعض مداد ودموع كبد حرى كاد يفطرها الحزن وزفرات ينفثها مرجل أضرمه فراق لا لقاء بعده وكيف لى أن أسلى أو أسلو حبيباوعزيزا فما أصدق القائل : النسمة التى تطفئ الشمعة تزكي النار وهكذا حال الفراق يقتل الحب التافه ويحي الحب العظيم وياله من فراق وياله من حب !! هزتني مداخلة لعطبراوى عن الراحل المقيم كمال دقدق وهي فعلا تعبر عن مثابرته في البحث عن أصدقاء متميزين كمال أصغر مني بحوالي الثلاثة سنوات ولكنه كان صديقا لي وكنت أعاونه في مادة الرياضيات وهو يستعد للشهادة الثانويةوابادله كتب القراءة والحوار فقد كان قارئا نهماوكان يكن لي ودا وإحتراما لا يوصف وعند عودته من العراق مارا بالسعودية بحث عني حتى وجدني في مزرعة في قرية نائية بين مكة المكرمة وجدة كنت يومها أنزل عند اقارب لي عند بداية قدومي للسعودية!! كان محبا متفانيافي عشق وطنه وابناء وطنه! مضى وفي نفسه شيئا من حتى!!لم يرى وطنه الحلم! جني
|
جنى
(عدل بواسطة jini on 12-20-2005, 04:03 PM) (عدل بواسطة jini on 12-21-2005, 01:15 AM)
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
(وكمان يافيصل نذكرك صديقنا المشترك محمد عوض حاج أمان وده كانت هويتو ذائبة كان بيسكن في بيوت إساتذة الكلية المهنية { الجناح الجنوبي لجامعة السودان } وهي كما تعلم تقع في منطقة وسطى بين الديم شمالآ والإمتداد جنوبآ فتشتت محمد عوض بين الديم والإمتداد وضاعت هويته المكانية)
يا ســـــــــلام
الزول دا وين هسه يا عبدالرحمن
| |
|
|
|
|
|
|
Re: امتداد الدرجة الثالثة ذلك الحي المتفرد (Re: عماد شمت)
|
Quote: الاخ العزيز رانى
تحياتى لك وشكرا كتتتتتتير لانك دائما تتطلع
لينا باسماء ضاعت فى الذاكره الخربه ودى طبــعا
من الكبر والنكد فى الغربه 0 والاسماء كلما تمر
عبر البوست تجدنى تواق لذكرى اخرين منهم من سلف
( رحمهم الله) ومنهم من جار به الزمان واصبح بعيد
المنال رد المولى غربتهم0
لكن يا رانى انا انشط فى الذاكره لاعرفك وربما كنت
اصغر منا بالطبع عشان كده انا اعرفك بشخصى الضعيف
عن طريق اخى الشقى نجم الدين(محطه7)... |
. . سلامات عوافي، الاخ سيد محمد احمد سيدنا . . الشكر ليك وانت تشاركنا تلك الذكريات الجميلة . . ربما نكون ما اتقابلنا في السودان ولا حتي لو حصل بكون انا كنت صغير لكن ربما تتذكر خيلاني طارق عبدالله، اليسع، ولؤي او اخي الاكبر يوسف حلاوة. . . علي اي حال ما فات شي اهو اتت الفرصة عشان نتعرف اكتر ونتواصل كمان اتوقع مني ايميل . . مع فائق الشكر والاحترام ------- . .
راني السماني
| |
|
|
|
|
|
|
Re: امتداد الدرجة الثالثة ذلك الحي المتفرد (Re: عماد شمت)
|
Quote: ما قصرته ياراني وذكرتنا أيام في نادي الامتداد، وزملاء أعزاء زاملونا في المدارس المتوسطة بمدرسة القدس العملاقة بالصحافة غرب، والكثير من الحكاوي والمشاهد تتداعى الآن في الذاكرة. |
سلام الاخ Rakoba . . اذاً ما علينا الا انتظارك لتسطير تلك التداعيات هنا.
فالي ذاك الحين سنظل نترقب. ودي . . ------
راني السماني
| |
|
|
|
|
|
|
Re: امتداد الدرجة الثالثة ذلك الحي المتفرد (Re: عماد شمت)
|
Quote: يا راني والله عافي منك يلا واصل طوالي. اسعدتني جميع المداخلات.
|
تحايات كثر الرائع صاحب الدار، طارق . . وانا كذلك اسعدتني فكرت البوست المجنونة التي جعلتنا نتسكع جميعا في شرايين البطين الايسر لوطن يدعي ( امتداد). . . لكـ شكري وكل ما تيسر من قرآن الوجد . . .
راني السماني
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
ســـــــــــــــــلام كتير كتير ابناء الامتداد
الاخ طارق جبريل والله الواحد قبل شاى الصباح يدور البوست يمكن يجد
صديق عزيز عامل مداخله او واحد ذكر من خلال المعارف ويجلس يدووور
فى فلك الزكريات ربنا يسعدك0 ( بس وين الجكس فى مربع12 )
اخوتى البورداب ادعوا اصحابكم للمشاركه لنسعد اكثر واكثر
ونخلى البوست دائما حلقه وصل نعيش خلالها لحظه سعاده0
بالحقيقه ياجنى جننتنى والبوست من الارشيف جميل جدا ورجعت
بينا ايام الدراسه لكن عاوز اعرف حقيقتك انت لانك مختزل البروفايل
رانى اكيد اذا شفتك اعرفك وانا بعرف الاخ هاشم حلاوه لانــو
من مشاهير ايامنا وربنا يجمعنا بيك وسنتواصل ما دام للعمر بقيه0
عزيز عيسى شكرا لدفاعك عن الوان الامتداد ومن الاعبين معاكم
عبدالعزيز عجاج الجتاح الشمال والحريف جدا فتحى ابوشعر(دقه)0
واصلوا ابناء الامتداد فيكم الخير دوما0
اشواقـــــــــــــى لكـــــــــــــم
( ســــــــــــيد)
| |
|
|
|
|
|
|
Re: امتداد الدرجة الثالثة ذلك الحي المتفرد (Re: عادل فقاد)
|
صـباح الخـير ولا مسـاء الحـير يا عـادل فقـاد.. أسـه غيابك بتاع اليومـين ده يقـولـوا عليه شـنو وـاصـة انك كـنت مقلق علي التيمـان? الحمـدلله انك ارتـحت ياللا اعمـل لينـا كـرامة هنـا في البـوسـت ده ومـا تزوغ!
يـا ربي أم الامتـداد دي ماعنـدا غـير الأولاد واختهم مـني ولا شـنو?
سـلام اهلي الحلويـن..
مـني...
| |
|
|
|
|
|
|
Re: امتداد الدرجة الثالثة ذلك الحي المتفرد (Re: عادل فقاد)
|
الاخ عماد / تحياتي وصلتني هذه الرسالة كما هي وهي لشخصكم الكريم مع الشكرلكم:-
الاخ عماد تحياتي وسلامي تابعت موضوع الانتداد واستمتعت به جداً لكون ( صرتي مدفونة هناك) وأنا من اليم . أرجو منك أن إيصال المعلومة الآتية للاخ عماد فقاد ، حيث أنني لم أجد له عنوان اليكتروني ، فقد سأل الاخ عماد عن وفاة أحد التيمان ( حسن وحسين ) واذا كان يقصد تيمان مربع واحد الساكنين شمال دكان بشارة أولاد عمك وداعة وأمهم الحجة نفيسة وأخوانهم عبده وصلاح حنني وحاتم ، فيؤسفني أن أؤكد صحة هذا الخبر فقد توفي أحدهم فجأة غير علة ، وقد كانا في إجازة بالسودان وهما يعملان سويا بالمملكة العربية السعودية و في منطقة ( عرعر ) كما أذكر . لهم الرحمة . ولك التحية
أخوك / صلاح عبدالله ديامي / امتدادي
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
سلام ناس الامتداد الحلوين يا راني خصمتك بالنبي واصل عادل فقاد انا القلبي وقع فالتيمان اصداء وزملاء دراسة من الزمن الجميل الاخت منى خوجلي الكرامة علي انا والخروف بضبحوا ليكم جنب بقالة سحر
وانا استحضر الالقاب في مداخلة سابقة نسيت اشهر لقب في مربع 3 حسن جهبوز (كان ضابط جمارك) واعتقد انه اكبر مشجعي المريخ في الامتداد كذلك في واحد من دفعتي في مدرسة بشير اعتقد انه اما من مربع 10 او مربع 14 اسمه يوسف نحن كنا ملقبنه بيوسف الحمل وكان فعلا حملا وديعا ويملك كما من الطيبة غير عادي لا ادري اين هو الآن؟
اشكر جميع المتدخلين الله يديكم العافية
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
مــنى الراقيه الاصيله
ام الامتداد انجبت الكثير ، انتى ما شايفه ناس طارق قالوا
كانوا يجكسوا فى حلتنا ونحنا برضوا بادلناهم بدون اعتراف
رسمى0
طبعا نحن عندنا واحده تكفى وكنت انت شعلة البوست فلك التقدير
( لى تعليق بنفس الموضوع ص1 ) المهم استمرى فى اضاءة الزكريات
ربنا يضيىء طريقك وقدمى الدعوه لصديقاتك0
تحياتـــــــــــــــــــــى
( ســـــــــــــــيد)
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
وأنـا هنـا معكـم...كأنني اعـبر فسـحة شـارع النص لأصـل لمـنزل خـالي محمـد او اسـير في اتجـاه سـوق النظدي لأصـل مـنزل أهـلي ..اسـلم علي عـم خضـر مـدني واحضـن خـالتي الجميلة أم الحسـن ..اتـذكـر المرحـوم الطـبيب أحمـد ابنها وابكـي معها.. أسـير في اتجـاه الصـحـافـة شـرق مـن خـلال نفس الميـان وازور بيت عم صـالح وابحث عـن ابو عبيـدة ...ولكـن! وفي نفس المكـان اتجـه تجـاه محطـة 7 وامشي لخـالتي بت بقيـع اتونس واطـمئن عليهم واخـرج منهم..مرتـاحـة أحمـدالله...
ارجـع ليكـم بعـدين للحـديث عـن خـالاتي ناس نفيسـة مرزوق والقسـمة وسـكينة ورضـا وثريـا بانقـا و....و....و.... طـبعا انتو بتقـولـوا ناس عـم علي مـرزوق ومحمـد فقـيري وعثمـان..الخ..
مـني
| |
|
|
|
|
|
|
Re: امتداد الدرجة الثالثة ذلك الحي المتفرد (Re: Muna Khugali)
|
Quote: يا جماعة أنا أساسا من اولاد ودمدني.. قبل الانتقال الى الصحافة غرب سكنت الامتداد الدرجة الثالثة مربع 7 بيتنا كان بالقرب من مركز صحي سمير و(بالحيطة) |
ودى تجى كيف يا عزيز دنياي انت ساكن فى مربع 7 ومركز سمير فى تمانية وجار المركز بالحيطة اللهم الا تكون ساكن فى الظلط لووووووول مركز سمير ملتقى العشاق على محجوب الصحراء وعباس ركس الدينمو كان لا يغيبان عن مركز سمير الصحى الا عندما يكونان مريضان فى حين كان يجب ان يأتيان الى المكز عندما يكونان مريضان وكانا فعلا مريضان ولكن بالقلب فقد كان قلبيهمارهيفين لايحتملان النسمة الصيفبية وكان على محجوب أكثر واقعية من عباس ركس فقرر الإلتحاق بالمركز يعنى عصفورين بحجر .وما من مصلى وإلا طالب مغفرة ياعزيز المركز جاركم الحيطة بالحيطة! !! جنى
| |
|
|
|
|
|
|
Re: امتداد الدرجة الثالثة ذلك الحي المتفرد (Re: jini)
|
عزيزي الاخ جني،
سلامات،
أنا لما ذكرت و(بالحيطة) كان قصدي منزل أولاد عجاج وليس مركز صحي سمير لأني عارفه في مربع 8.. بيتنا كان من الناحية الغربية ومركز صحي سمير من الناحية الشرقية من الظلط.. وأذكر أيضا محلات أولاد الجعافرة (الصاغة).. وآسف إذا فهمتني غلط.. ومن أولاد مربع 11 بتذكر مصطفي أم بعلو.. والاخ ابراهيم حمد راجل صديق أيضا.. معليش فترة غيابي طالت كثير عن السودان.. والذكرة أصبحت ضعيفة.. والاخوان ما قصروا ذكرونا بأسماء باقي الاخوان من أولاد الامتداد.
ولك كل الود،
عزيز عيسى
| |
|
|
|
|
|
|
Re: امتداد الدرجة الثالثة ذلك الحي المتفرد (Re: عزيز عيسى)
|
Quote: عزيزي الاخ جني،
سلامات،
أنا لما ذكرت و(بالحيطة) كان قصدي منزل أولاد عجاج وليس مركز صحي سمير لأني عارفه في مربع 8.. بيتنا كان من الناحية الغربية ومركز صحي سمير من الناحية الشرقية من الظلط.. وأذكر أيضا محلات أولاد الجعافرة (الصاغة).. وآسف إذا فهمتني غلط.. ومن أولاد مربع 11 بتذكر مصطفي أم بعلو.. والاخ ابراهيم حمد راجل صديق أيضا.. معليش فترة غيابي طالت كثير عن السودان.. والذكرة أصبحت ضعيفة.. والاخوان ما قصروا ذكرونا بأسماء باقي الاخوان من أولاد الامتداد.
ولك كل الود،
عزيز عيسى |
ولك الود أيضا يا عزيزنا إذا رأيتم أحدكم يرتاد مركز سمير فأشهدوا بالكسير قلنا نحكها معاك لحدى ما تعترف جنى
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
# جنى الحبيب
منتظر انا فى الكورنر جنب الصيدليه فى محطة 7 الملاصقه
لبيت ناس عثمان خضر واخوته نادر وعلاء والكبيركمال لاعب
الهدف وكل املى ردك على مداخله سابقه عشان اعرف حقيقتك
# منى العزيزه بنت الامتداد الظريفه
انتى عارفه انا ما صدقت وقمت عملت زيك لفيت فى الشوارع
ادور على اميمه بنت الناظره واعزيها تانى فى الراحل
المقبم ابوعبيده(بالمناسبه انا اخوهم الوحيد لانى جارهم
والوالده نور رحمها الله كانت تتكل على لانها لم تنجب اولاد)
# جنى مالك حاكيها مع الراجل هو كان بيلعب فى الامتداد
وطبعا مع العداد ما ليه دخل فى اسماء المربعات وانا
عملت ليه توريه بالاعب عبدالعزيز عجاج لانو الوحيد كان
بيتهم مقابل المركز الصحى ( رحم الله اخته ماجده الماجده
فى قلوبنا ذات القفشات والضاحكه حتى بعد الممات ادخلها الله الجنه بقدر ما ادخلت السعاده فى قلوبنا ونحن صغار)
وبالمناسبه وين ناس على ديل اوعه يكونوا انتقلوا المستشفى
جنب ميدان الرابطه0
# طارق جبريل الحبيب
ما قاصدبن حاجه ومعذره والموضوع كله تنفيس ما اكثر
والزوجه المصون لازم تعرف زلة اللسان فى المواضيع دى
والحمدلله انها ماسكه الزمام صاح وبالتوفيق0
احبائــــــــــــــى تحياتـــــــــــــى
( ســــــــــــــيد)
| |
|
|
|
|
|
|
Re: امتداد الدرجة الثالثة ذلك الحي المتفرد (Re: سيد محمد احمد سيدنا)
|
Quote: # جنى مالك حاكيها مع الراجل هو كان بيلعب فى الامتداد
وطبعا مع العداد ما ليه دخل فى اسماء المربعات وانا
عملت ليه توريه بالاعب عبدالعزيز عجاج لانو الوحيد كان
بيتهم مقابل المركز الصحى |
ليه كدا يا أخ سيد أنحنا السودانية دائما بنتسرع في الحكم علي كل شيء.. ونستهزأ علي بعضنا البعض قبل أن نتأكد من الحقائق.. صدقني احتمال كبير جدا بنكون بنعرف بعض كلنا أنا وانت والاخ جني وغيرنا من الاخوان.. وربما يكون هنالك فارق في عامل السن والفترة الزمنية التي عشناها في تلك البقة.. ولا عشان ذكرت ليكم أنا أصلا من ودمدني.. وبرضو بتقول علي إني كنت مشغول مع العداد وما لي دخل في أسماء المربعات.. وشايفك ما شاء الله بتنورني بالاعب عبدالعزيز عجاج.. الله يسامحكم.. علي فكرة الوقت داك نادي الامتداد ما كان بيدي عداد لأي لاعب.. وحتى كرة القدم كنا بنلعبها كهواية وفرصة للألتقاء بالاخوان والاصدقاء فقط.. وليس لدينا أي أهتمام بالناحية المادية.. لأنو الحالة كانت ميسورة والحمدلله. ثم ثانيأ.. أليس من شيمة أهل الدار إكرام الضيف.. خلوا معنوياتكم عالية.. جينا نتعرف بيكم ونعيد الذكريات.. والعلاقات بين الأخوان دائما تبنى علي الكلام السمح والطيب.. ولا مش كدا..
ولكم حبي ومودتي،
| |
|
|
|
|
|
|
Re: امتداد الدرجة الثالثة ذلك الحي المتفرد (Re: عزيز عيسى)
|
Quote: ليه كدا يا أخ سيد أنحنا السودانية دائما بنتسرع في الحكم علي كل شيء.. ونستهزأ علي بعضنا البعض قبل أن نتأكد من الحقائق.. صدقني احتمال كبير جدا بنكون بنعرف بعض كلنا أنا وانت والاخ جني وغيرنا من الاخوان.. وربما يكون هنالك فارق في عامل السن والفترة الزمنية التي عشناها في تلك البقة.. ولا عشان ذكرت ليكم أنا أصلا من ودمدني.. وبرضو بتقول علي إني كنت مشغول مع العداد وما لي دخل في أسماء المربعات.. |
والله يا عزيز أحلف ليك على لورى مصاحف لا أنا لا أبو السيد ما بنتهكم عليك ولن بس حبينا نشاغلك لإن مركز سمير هو المرجع ومربط فرس العشاق يا صديقى نحن نحب ونحترم ونجل شخصكم الكريم ويا عزيز مدنى أنا جنى مدنى هى مرتع صباى المزاد الإبتدائية والأهلية ومدنى الثانوية ولعبت فيها الكرة فى فريق الدفاع وكنت احضر يوميا منذ طفولتى الى مكتبة السكة الحديد الشهيرة مشيا قرابة الخمسة كيلومترات لقراءة ميكى وسمير والصبيان وظللت مداوما الى ان صرت اقرأ مجلة الحوادث وصباح الخير وروز اليوسف فقد كان الوالد أطال الله فى عمره عاملا بسيطا لا يستطيع تغطية نهمى الشديد للقراءة. يا عزيزى لك الود والبيت بيتك وأنا أكثر قربا لك من قربى للإمتداد فما قضيته فى مدنى أكثر من ما قضيته فى الإمتداد لك الود والإحترام وإن بدا لك غير ذلك جنى
| |
|
|
|
|
|
|
Re: امتداد الدرجة الثالثة ذلك الحي المتفرد (Re: عزيز عيسى)
|
Quote: ليه كدا يا أخ سيد أنحنا السودانية دائما بنتسرع في الحكم علي كل شيء.. ونستهزأ علي بعضنا البعض قبل أن نتأكد من الحقائق.. صدقني احتمال كبير جدا بنكون بنعرف بعض كلنا أنا وانت والاخ جني وغيرنا من الاخوان.. وربما يكون هنالك فارق في عامل السن والفترة الزمنية التي عشناها في تلك البقة.. ولا عشان ذكرت ليكم أنا أصلا من ودمدني.. وبرضو بتقول علي إني كنت مشغول مع العداد وما لي دخل في أسماء المربعات.. |
والله يا عزيز أحلف ليك على لورى مصاحف لا أنا لا أبو السيد ما بنتهكم عليك ولن بس حبينا نشاغلك لإن مركز سمير هو المرجع ومربط فرس العشاق يا صديقى نحن نحب ونحترم ونجل شخصكم الكريم ويا عزيز مدنى أنا جنى مدنى هى مرتع صباى المزاد الإبتدائية والأهلية ومدنى الثانوية ولعبت فيها الكرة فى فريق الدفاع وكنت احضر يوميا منذ طفولتى الى مكتبة السكة الحديد الشهيرة مشيا قرابة الخمسة كيلومترات لقراءة ميكى وسمير والصبيان وظللت مداوما الى ان صرت اقرأ مجلة الحوادث وصباح الخير وروز اليوسف فقد كان الوالد أطال الله فى عمره عاملا بسيطا لا يستطيع تغطية نهمى الشديد للقراءة. يا عزيزى لك الود والبيت بيتك وأنا أكثر قربا لك من قربى للإمتداد فما قضيته فى مدنى أكثر من ما قضيته فى الإمتداد لك الود والإحترام وإن بدا لك غير ذلك جنى
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
يا جماعة حرام عليكم ... أنا ساكن الأمتداد 20 سنة ولحدي أسه ما فى زول جاب اسمى؟؟ أنا عارف نفسى نكرة لكن ما قايل للدرجة دى... و عشان أوريكم نكرة كيف..أثناء دراستى فى جامعة عين شمس غبت عن الامتداد لمدة عام دراسى كامل و لما رجعت واحد من أولاد الحلة اسمو محمد طلايع قال لى وين انتا الايام دى؟؟ و حينها عرفتنى نكرة!!!! أنا كنتا من أهل مربع 4 أخواني كلهم مشاهير كورة...عماد أبو الروس و عصام ود عبود وبكرى و أبوعبيدة العب و حتى الصغير أسامة.... بيتنا كان تانى بيت من فديو الواحة...و كان معقل فريق الردستار فى الزمن الجميل... و رغم اننا رحلنا من الامتداد قبل 20 سنة لكن لسة علاقاتنا متواصلة مع أهله الطيبين و يا طارق أنا صاحب متوكل جبريل و كان زميل دراسة فى السجانة الجديدة الابتدائية.. و كان الممثل الاول فى المدرسة...تحياتى له و سأعود بالمزيد من الذكريات
| |
|
|
|
|
|
|
Re: امتداد الدرجة الثالثة ذلك الحي المتفرد (Re: ALGARADABI)
|
القـادرابي أخـوي
Quote: أنا ساكن الأمتداد 20 سنة ولحدي أسه ما فى زول جاب اسمى؟؟ أنا عارف نفسى نكرة لكن ما قايل للدرجة دى... و عشان أوريكم نكرة كيف..أثناء دراستى فى جامعة عين شمس غبت عن الامتداد لمدة عام دراسى كامل و لما رجعت واحد من أولاد الحلة اسمو محمد طلايع قال لى وين انتا الايام دى؟؟ |
والله ضـحكـتني بتعليقك خفيف الدم ده...انت عـارف في سـودانيين كتير خـالص دايشـين وأولهم أنـا! وأسـة عشـان أثبت ليك دوشـتهم و دوشـتي أقـول ليك.. الزول القـابلك وقـال ليك وين انت ما ظـاهـر... يكـون قـايلك زول تاني!
يللا أضـحـك واحكـي لينـا عـن ذكـرياتك في الإمتـداد..
مـني
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
سلام للجميع ودجبريل خروف واحد ما كفاية شد حيلك كده وخلي الكرامه تكون بي عجل ليه ضل خخخ
منى خوجلي كيفك تعرفي المشغوليات وراء كل اختفاء بس جد ارتحته شديد لما قريت خبر سلامة التيمان
وبالمناسبه ثريا وصالح وين؟؟ اخوي طبعا هو الي استأجر منهم البقاله فتره من الزمن ولكم كل الود
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
اهلنا الحلوين اسمحوا لي عايز ابريكم كدا بي شوية حوامة في الامتداد. ايام الاجازات وبعد الواحد ما يضرب الفطور بتاع الفول الكارب كان الواحد يقلبها ليك حوامة واول حاجة كنت امشي لي الراحل المقيم مدثر قطبي رحمه الله في مربع 3 يعني ورانا طوالي وبعداك امشي لصديقي العزيز بابكر يوسف في آخر بيت في مربع 3 من جهة الكلية المهنية سابقا ودا كله مرورا بي دكان الهادي الله يرحمه ومدرسة الامتداد 3 الابتدائية وبعد داك اقطع ميدان المعلمين والوحدة مرورا بمدرستي الاخلاص وفاطمة عبد الرحيم عليها الرحمة وامشي لي اختي الكبيرة اعتماد في مربع 6 وهي بمثابة ام لانها ربتنا مع الوالدين وآخد لي حنك حنكين معاها واأولادها ياسر وناهد وزرياب وميساء احمد عوض السيد كنيش وللاسف هم الآن رحلوا جبرة ومن هناك امشي للصديق محجوب عثمان بمرورا بجمعية مربع 6 وبعداك اعرج على نصر الدين بعيرة في مربع 9 ومنه طوالي على اختي التانية اسماء في مربع 10 مرورا بي مدرسة بشير والفسحة القدامها ديك وبيت ناس خالد كبارة وبرضو اركلس معاها شوية هي ووليداتها خالد ويسري وسامي ورامي وصفاء محمد احمد ولو لاقيت عباس الكجر في الطريق ما بطال وبعداك امشي لي محمد كرودي وشوية نقة دقاقة ومنه اقطع الرابطة وامشي مربع 8 مرورا بي بقالة سحر وامشي لي فردتي العزيز د. طارق محمد حسين وبعداك نترافق انا وهو ونمشي لي معتز كرنديس في مربع 11 مرورا بي مركز صحي سمير ومدرستي الامتداد 3 المتوسطة والمرضي وبقالة بابكير ومغلق عباس الشهير ونتلم التلاتة ونمشي لي حاتم جريمة في مربع 12 ونغشى عصمت الامتداد وبدر الدين الطاهر ونختمها عند الصديق العزيز اسامة مختار محمد علي جنب معهد الامل ونركلس عنده لي وقت الغداء. أأأأأأأأأأأأأأأأأأهههههههههههه كانت ايام جميلة في معلم مهم انا نسيتو هو اجزخانة الامتداد وكان فيها واحد قبطي مشهور نسيت اسمو وكذلك استوديو الامتداد. أأأأأأأأأأأأهه يا امتداد ما اروعك
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
Quote: في معلم مهم انا نسيتو هو اجزخانة الامتداد وكان فيها واحد قبطي مشهور نسيت اسمو وكذلك استوديو الامتداد. أأأأأأأأأأأأهه يا امتداد ما اروعك |
طارق انت تقصـد دكـتـور بهيح ذو القلب الكبير والاخـلاق النبيلة مش كـده? رحمـه الله كـان رغـم مـرضـه يهتهم بالاجـزخانه وزوارهـا ولا يهتم كـثيرا بالربح والخسـارة... أعـرف له مـع الآخـريـن كـثير مـن المـواقف الكـريمـة.. وبهيج علي رخـا وهـذا كـان اسـمه ..كـان أبيض البشـرة واسـمه غـريب ..لـذلك ظـن العـديـد انه قبطـي..
في انتظـار ذبيحـة العجـل وراجـعـة ليكـم كـلكـم تاني ولسيد وراني ونـذار..انتظـروني اتونس معاكم بعـدين..
مـني
| |
|
|
|
|
|
|
Re: امتداد الدرجة الثالثة ذلك الحي المتفرد (Re: Muna Khugali)
|
الاخت منى خوجلي
Quote: وبهيج علي رخـا وهـذا كـان اسـمه ..كـان أبيض البشـرة واسـمه غـريب ..لـذلك ظـن العـديـد انه قبطـي..
|
شكرا على المعلومة وفعلا هو الشخص بعينه الذي اقصده رحمه الله وكان احيانا اذا ما عندك قروش الدواء يقول ليك شيلو ولمن الله يفتحها جيب لي القروش رحمه الله.
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
Quote: # جنى الحبيب
منتظر انا فى الكورنر جنب الصيدليه فى محطة 7 الملاصقه
لبيت ناس عثمان خضر واخوته نادر وعلاء والكبيركمال لاعب
الهدف وكل املى ردك على مداخله سابقه عشان اعرف حقيقتك |
أبو السيد حبيبناعثمان خضر أو عثمان أبوشامة والمرحوم مبارك باكنباور والله ديل لعابين لعب القرود وأذكر ان عثمان سريع الغضب وقابل للإشتعال ودايما الحكم طاردو يابو السيد انت لو جريت الشريط ورجعت فلاش باك بتعرفنى بس انت حاول ان تتذكر يا ابو السيد كنت شديد الإحترام والتقدير لشخصى الضعيف وأقمت حفلة شاى كاربة لوداعى بمنزلكم العامر يا أبو السيد البورد دا فى ناس تور بقر الجواميس ورفاقه الميامين وأنا لسانى طويل وما متعود ابيت برة البيت صاح انا مجنون ولكن ما عوير عشان كشف إسمى!! جنى
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
الاخ العزيز طارق جبريل كل سكان ومحبي الامتداد الجميل تحياتي انا من سكان الصحافة غرب مربع 20 لكن معظم اصدقائي من الامتداد وحقيقة الامتداد ملاذ ورقى وجمال مابعده جمال كما اغلب احياء الخرطوم ، الخرطوم 3 موطني ومسقط راسي والديوم والامتداد والصحافة والعمارات يا الله ياخ مالكم علينا اذكر من الاصدقاء العزاز ، كابتن بدرالدين حسان وهو مقيم معانا بدولة الامارات ، ابوظبي وسبحان الله رغم المعزة والمحبة الا نكاد لانلتقي ملعون ابوالدنيا وهو من سكان مربع 11 وهاشم قلة والهادي بتاع المواتر وخالد مكي وشارع فرنسا بتاع البيجوهات ، ياسر الثمينة وابوكلام ، عمار خليفة مربع 13 وسيف الحلفاوي ، ابراهيم المشلي وابراهيم موية ، علي وحسين نارية ، مصطفى ( صوفه ) الحللفاوي مربع 11 والمشوار الشهري للمرحوم الاستاذ مصطفى سيد احمد لاخذ ايجار بيت ناس ابراهيم شبو من سكان الصحافة 16 لله دركم
| |
|
|
|
|
|
|
Re: امتداد الدرجة الثالثة ذلك الحي المتفرد (Re: zole)
|
الاخوة الامتداديون
لكم التحايا و انتم تجترون عابق الذكريات ... هنيئآ لكم بذلك فانها ملاذ من هجير الغربة و تسفار الموانئ الممل .
لنا فى الامتداد معارف و قرايب و اصدقاء دراسة و عمل . فمن الاهل عمنا حامد عووضة و يسكن فى المربع المقابل لجهاز المغتربين و اعتقد مربع 14 و اولاده الاعزاء ياسين و ابراهيم و الطيب و بدوى و اسامة ، و كانول اولآ يسكنون فى الديوم الشرقية . كذلك من الاهل لطف الله سعيد و لا ادرى رقم مربعهم و لكنه مقابل بزاوية للمدرسة الكورية على ما اعتقد و ابنائه هم عادل و عماد و طلال و ايمن و رامى . من اصدقاء الدراسة : صديق عوض محمد عبدالله واخوه عبدالرحمن و يسكن شرق مركز سمير ، كذلك الاخ القردابى زميل دراسة .
و كان زميل دراستنا بالمقرن الثانوية من ابناء الامتداد عمادالدين ابراهيم .
الفنان عماد عثمان عويس سكن لفترة طويلة معنا بالكلاكلة صنقعت محطة 12 هو و شقيقه عويس عثمان الى ان رحلوا للامتداد فله التحية.
و التحية لكل سكان هذا الحى الجميل
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
رسالة وصلتني من صديق قديم عن طريق الايميل فلكم نص الرسالة
Quote:
"عزيزى : رانى السمانى
تحياتى واشتياقاتى اليك والى جميع الشباب لديكم .
وتحية كل شىء رائع جمع بيننا .. ومازال يجمع بيننا
ومن الاشياء الروائع التى تجمع بيننا حب كلينا للإمتداد
ومن الغريب اننى لا ادخل الى الويب الا نادرا وامر مرور الكرام على العناوين بالمواقع السودانية ، لكن لفت نظرى بوست بأسم : امتداد الدرجة الثالثة ، مكان ميلادى ومنبتى وتنشأتى ، ولدت بمربع 12 وحتى بعد أن رحلت اسرتى الى اركويت ظللت مرتبطا" بالامتداد الى درجة غريبة وظللت اجىء مرارا الى حبوبتى حاجة عشة الحدادية حتى وفاة جدى رحمه الله وبعدها رحلت هى معنا الى اركويت وظللنا ايضا نجىء الى الامتداد .. وظل الامتداديون يأتوننا فى كل مناسبة بل وساهموا معنا بالنفير فى بناء منزلنا بأركويت .. ترابط غريب يكتنف اهالى هذا الامتداد .
وما لفت نظرى فى شباب الامتداد غير ترابطهم هو كثرة القابهم فيندر ان تجد احدا دون لقب مثل :
*دعبس و عبد المنعم اشول ، متوكل الشيطان ، جابليس ، محمد ضيق ( رد الله غربته )، ( عمار كانجيل - رحمه الله )
وبمناسبة الامتداد ماهى اخبار نورالدين عطا السيد رجاء مدنى بأيميله اذا امكن . ,وتحياتى الى الوالدة سموال مع تمنياتى لها بصحة جيدة
كتبت لك هذا الايميل ممنونا من امتداديتك العشقية .. وانا متابع ومنتظر المزيد من الامتداديات"
عمر عبدالله
|
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
اولا اود الاعتذار دة ما البروفايل بتاعى لكن الاخ/ بكرى ابوبكر مصر انو ده اسمى
الاخ / طارق جبريل لك الشكر على فتحك هذا البوست الرائع . الامتداد والذكريات الجميلة الطفولة والصبا, حقيقة بعد قراية البوست تذكرت بعض الاسماء من المعروفين فى الامتداد خاصة لى واحد ذاكرته خربة ذى انا بعد غربة طويلة, انا من مربع سبعة غرب مركز صحى سمير ودائما بتذكر استاذ حوتة وقولته المشهورة بيطالب بى ضم مربع 7 لى العشش و11 لى العشرة , اصقدقائى الفاضل سابل مربع 4 وكان كورنجى صاح بس مابتدى حريف , محمدقسم الله مربع 8 ,مجدى جعفر مربع 2 وعامر تيتاوى , وامير فضل فضل واخرون اللواء الابيض والصينى , معتصم وبدرالدين العربى , منية , جمال الجيلى , من نوادر الصينى مرة اللواء الابيض لاعب مع العشرة فقال لى كومبيل رئيس نادى العشرة عندى ليك اقتراح بدل الارقام فى الفنايل اكتبوا التسعيرة ( كومبيل جزار) الذكريات جميلة واكيد راجعين . احمـــــد خضـــــر
| |
|
|
|
|
|
|
Re: امتداد الدرجة الثالثة ذلك الحي المتفرد (Re: ahmed khair)
|
Quote: اها وما بتمشي لي خالتك صفية خضر مدني, ...والله اتاريها الدنيا دي ضيقة ضيييييييق.... |
صـفيـة وفـاطـمة وآمـال و.....و....أخـواتي يانـذار وعـوض غباشـي رحمـه الله قـريبي وآل الباشـا برضـو أهلي..
وفي الصـحـافـة في خـالي علي العـوني تعرفـوه? ابنـه دكـتـور عباس في مـركـز صـحي سـمير..
فعـلا في النهايـة هانطـلع كلنـا أهـل ..فمـرحـب بكـل مايقـوي صـلاتنـا..
مـني
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
اخوتى واعزائى واصدقائى الامتداديون
اليوم فتاح ياعليم قلت لى يومين مشغول عن الحلوين وليهم حق على
كثير ولازم ادخل البوست قبل الشاى واقول بسم الله الرحمن الرحيم0
وبدأت اقراء واتنقل بين منى وجنى وطارق الامين لقيت ناس نزار وعزيز
ومعاهم كتير من الاصدقاء الحلوين ندمت وقلت وين موقعى انا المسكين؟
وليه خليت اصحابى براهم عائمين ما هى الزكريات لازم تكون مننا مجتمعين
واتنقلت بينكم اجمعين ذاك مضحك وهذا رزين وهناك ناس يدخلوا فى احشائك
ومن الضحك والمغص ما تجد اليوديك الحكيم0
اعزائى الحنان المداخلين بدون فرز ولو كنتم من اقصى الاقاصين برضوا
جمع بينا بوست اخونا طارق جبريل وحرك فبنا الشجى والحنين وكل مداخلاتكم
لبها وقع كبير واملى ان نتواصل الى حين0
اليوم والله انا فرحان كتير لانه من خلال البوست وجدت ضالتى فى اخى
وصديقى الفنان محمد احمد الخليفه ( محمد ملاح ) فنان الخرطوم الاهليـــه
والامتداد مربع 11 0
اخوتى اسمحوا لى قليلا بمداخله بسيطه ، منى منتظرين فى لفة9 حسب وعدك،
اخى عزيز عيسى والله الزعل مردود ومادام مثلتنا فى محفل فانت اجدر
منا والعداد هو لغة الكوره ليس الا وحقك على راسى ونحن نداعب فقط عشان
كده قلت ياجنى مالك حاكيها0 ويانزار خليفه الصادف رحمه الله فى مربع 12
وهو كان متحف كل حفل حتى لو كان زواج الناس تطالب بقصيده ، وياطارق انت
دخلت عندنا الحوش عديل لان اسامه مختار ابن عم لينا فى الحسبه واخوانه
محمد ووليد والاسره فى اركويت، ياجنى ارسل ليناـ وشاى الحفله ما يضيع هدر
لانو عارف الكبر دخل وطول الفتره والغياب اثروا علينا كثير حتى الاجازات
اصبحنا مع هم الاولاد عشان شويه ياخدوا من الاجداد ويعرفوا المتواجدين من الاصحاب واللغه فى البلاد لانو حتى نحنا اصبحنا لانفهم الكثير0
احبتى اطلت عليكم لحدى ما قلت ياود البوست خليه لاصحابه الفكره
وخلى التغول وادى فرصه لغيرك لكن المعذره فالعشق اكبر مع خالص شكـــرى
للامتدادين القدامى الراحلين قبل زمن والجدد 0
ان اميز ما خرجنا به انو كل مداخل فريب الثانى من قريب او بعيد
وطبعا دى نتيجة التصاهر المستمر وربما يجىء اليوم الذى يستطيع الطفل
ان يقول جنسيته امتدادى اولا ثم سودانى 0
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
قرضابي
قلت ليك ليك عشرين سنة ساكن الامتداد ومافي زول جاب اسمك، طيب انا لي 42 سنة ساكن في الامتداد ومافي زول جاب سيرتي، اها رايك شنو دي مش تفرقة عنصرية ولا يعني عشان ما لعبنا في الرابطة يا طارق جبريل
لك التحية على ها البوست الرائع المفعم بالذكريات الجميلة والعطرة بامتداد الدرجة الثالثة زي ما قال اخونا كمال تيتاوي اخو عامر وهم ساكنين مربع تمنية قال ان امتداد الدرجة التالتة يسكنه كبار صغار الموظفين
وشكرا كمان انك طلعت لينا عزالدين عثمان، الرجل الصامد، الذي اقسم الا يترك الفاشست في بلادنا يعبثون، لكن انحن اول ما لقينا فرقة قلنا ياروح ما بعدك روح، واول مرة اعرف انه عضو في البورد، وهو راجل شاعر وقاص ومسرحي ومبدع من الطراز الأول لكن لم ينل حظه من الشهرة كما ينبغي لمن في مثل فطنته، لك الله اخي عز الدين والتحية الحارة لك ولي امثالك من ابناء الامتداد البررة وتحياتي لعادل ود جيرانكم ولبدالدين
طارق شايفك زغت من قِرَب لعل المانع خير : (بكسر القاف وفتح الراء) افتو!!!
رغم انه قريب من حلتنا لكن ما حصل احتكيت بيه ابدا والغريبة احتكdت بالبيعو وجلودي،ومرة البيعو ده مع امكن حمستاشر واحد كنا لاعبين معاهم كره وفجاءة قبلوا ليك علي وقالوا الا يدوقوني انا بس لأني قبل فترة دقيت لي شافع في حلتهم، ويعلم الله حلتهم بي وين انا ما عارفها اليوم داك، يازول ما خاجني منهم الا كرعي لكن بعد مقاومة باسلة، ما قالو الكترة بتغلب الشجاعة
اذكر انه الوالد الله يديه الصحة والعافية كان بجر من دكان النعيم في مربع خمسة، وطبعا مربع خمسه ده اصغر مربع في الامتداد كله حوالي اربعة شوارع يعني حوالي 18 منزلا فقط، المهم كان لما الوالد يرسلني عشان اجيب حاجة من دكان النعيم اليوما ديك الا اسوق اولاد الحلة كلهم معاي... طبعا السبب واضح اذكر في مربع ستة في البيوت المقايلة لمربع خمسة كان في ولد في سننا كنا بناديه ود الجزار، غير ود الجزار بتاع مربع 10 الرحلوا مربع 14، طبعا مربع عشرة و14 من اكبر المربعات في الامتداد قاطبة والغريبة الاتننين لصق بعض، فكان ود الجزار ده جنو يلبس جزمة وشراب مع الجلابية الحكمة شنو لي هسع ما عرفنا...
انا طبعا اتولدت والتربيت واترعرعت في الامتداد، لكن كل قرايتي كانت بره الامتداد، ما قريت في الامتدا الا الروضة، روضة دار المجد، كانت في مربع 9 وتفتح على كشك محمدين الفي الرابطة وكان اصلا في الرابطة كشكين كشك محمدين ده وكشك ابودقن، ابو دقن ده كان راجل طويل وعاتي وقال انه في شبابه كان رباطي ومعاه واحد قصير وجراي، فقال كان القصير بجري ورا الضحية ويكلبش فيه لغاية ما يجي ابودقن يكسره ويشيل الفيه النصيب وكان رجل لطيف جدا وودود رغم حكاويه هذه والله اعلم اذا كان حقيقة ولا بيحكيها للتباهي لأنه من طريقة حكاه وضحكته البريئة ابدا ما بتوحي انه كان رابطي. اما محمدين فكان رجل لذيذ جدا، اذكر ايام الاحداث التي تسمى بالمرتزقة جاء ثلاثة من هؤلاء النفر عابري الامتداد في اجاه اركويت بالضبط في الحتة الهسع في جهاز المغتربين فبعد ما ضربو الفول بالبسكويت، لنه العيش انعدم في تلك الايام، لما وصلوا الردمية وعابرين تجاه الخلا، تقريبا كل سكان مربع 14 و10 و6 كانوا في الشارع بيراقبوا في هذا المنظر وفجاءة التفت واحد من ونشن بالكلاشن على الناس القاعدة تتفرج دي، يازول الناس دي كلها رقتد ارضا، اها بعد شوية جا محمدين مع مجموعة من عساكر الجيش في عربة مجروس ضربوا ليك التلاتة تنفار ديل وشالوهم في المجروس وجو راجعين ومحمدين في نص العساكر مبسوط يعرض ساكت، المهم وهم راجعين جنب سينما النيلين لاقهم كمين بتاع مرتزقة ضربو المجروس ورموه في الخور وكتلوا كل العاسكر الكانو فيه الا محمدين، كان عنده حجاب ضد الرصاص، اها بعد كم ساعة جا محمدين مقلع وعراقية كله ملان الدم وحكى لينا القصة دي...
اها من بعد الروضة بديت الابتدائي في مدرسة السجانة الجديدة الابتدائية لغاية سنة تالتة وكلمت في مدرسة بشير الله يرحمة وهي مدرسة الامتداد 4 الابتدائية بينين، هسع طبعا غيروا اسمها، بدل ما يسموها باسم الرجل الذي افنى حياته فيها حتى اكسبها سمعة طالت كل الامتداد وما جاوره من احياء سموها باسم احد الصحابة رضوان الله عليهم، ما عندنا اعتراض على اسم الصحابي الجليل ولكن لا نقول الا حسبنا الله ونعم الوكيل... بعدها المتوسطة في في الخرطوم جنوب 1 والثانوي في القديمة...
بعدين يا طارق هل انت متاكد محمد عجوز مات؟؟؟ لأني لغاية السنة قبل المضت كنت في اجازة وما سمعت، اتمنى ان تكون المعلومة غير صحيحة، ونسال الله له العفو والمغفرة ان كان الخبر صحيحا، انا الشئ العارفو انه ضربو لغم في الجنوب وقطع رجله وكان يسير برجل صناعية، فلا حول ولا قوة الا بالله العلي العظيم
وطبعا في شخصية بارزة جدا في الامتداد ما شايف في زول سلط عليه الضو بما تستحق وهي العم العمدة الخليفة عوض خوجلي والد الشهيد مصطفى عليهم رحمة الله، فهو كان عمدة الامتداد ورئيس محكمة العمد، فكان نعم العمدة ونعم العون لسكان الامتداد فاسال الله ان يجزيه خيرا عن ماقدم لأهل الامتداد وان يجعله في ميزان حسناته، ومن الاشياء التي اذكرها عن الشهيد مصطفى او سمعتها في ذلك الحين لما يكون سايق طيارة ويجي هو زملانه ويعلمو استعراضات فنية رائعة في سماء الامتدا وخصوصا بعد ما تزوج وسكن في شقة في السوق التاني والله نسيت اسمه، اصلا كان في سوقين سوق الجوهرة وده مقابل مربع 5 ومربع 2 ومربع 1 والسوق التاني ده مقابل مربع 13 مقاصد نادي الجزائر، ياريت لو الاخت منى تاكد لينا هذه المعلومة او تنفيها، ما الزمن طال والذاكرة اصبحت خربها ولامعلومات جاطت مع بعض
انا طبعا ياسر محمد عثمان الخليفة ساكن الامتداد مربع 10 منزل 23 محطة البراميل سابقا وهي كانت محطة اربعة بالنسبة لبصات الردمية ومحطة سبعة بالنسبة لباصات النص وهي الكانت بتجي بنص الامتداد وكلها بتتلاقي في نهاية مربع 14 معدا باصات الزلط الكانت بتقيف في محطة سبعة المشهورة الآن والكلام ده طبعا لما كان الامتداد آخر شئ في الخرطوم بعده مافي الا الحزام الاخدر وشرقة مافي شئ الا الجريف يعني الكلام ده قبل الصحافت واركويت، لكن والله انا لسه صغير الكلام ده بذكره لما كنت شافع
بعدين في حقيقة شايف ما في زول ذكرها وهي انه الكهرباء دخلت الامتداد قبل قبل امتداد الدرجة الأولى والتانية وقيل انها تمت عن طريق الخطأ، والله اعلم، لكن نحن الكلام كنا بنغيظ بناس العمارت لما ما نلقى شي نتفوق بيه عليهم...
عزيزي طارق والركب الكريم لكم الشكر اجزله على هذه الذكريات الجميلة وبارك الله فيكم وسوف اعود ان كان في العمر بقية
ولكم مني خالص الود والمحبة لكم ولجميع اهل قبيلة امتداد الدرجة التالتة
| |
|
|
|
|
|
|
Re: امتداد الدرجة الثالثة ذلك الحي المتفرد (Re: Yassir7anna)
|
وطبعا في شخصية بارزة جدا في الامتداد ما شايف في زول سلط عليه الضو بما تستحق وهي العم العمدة الخليفة عوض خوجلي والد الشهيد مصطفى عليهم رحمة الله، فهو كان عمدة الامتداد ورئيس محكمة العمد، فكان نعم العمدة ونعم العون لسكان الامتداد فاسال الله ان يجزيه خيرا عن ماقدم لأهل الامتداد وان يجعله في ميزان حسناته، ومن الاشياء التي اذكرها عن الشهيد مصطفى او سمعتها في ذلك الحين لما يكون سايق طيارة ويجي هو زملانه ويعلمو استعراضات فنية رائعة في سماء الامتدا وخصوصا بعد ما تزوج وسكن في شقة في السوق التاني والله نسيت اسمه، اصلا كان في سوقين سوق الجوهرة وده مقابل مربع 5 ومربع 2 ومربع 1 والسوق التاني ده مقابل مربع 13 مقاصد نادي الجزائر، ياريت لو الاخت منى تاكد لينا هذه المعلومة او تنفيها، ما الزمن طال والذاكرة اصبحت خربها ولامعلومات جاطت مع بعض
فيـك الخـير ياياسـر.. رحـم الله الحليفـة عـوض خـوجـلي والـد كـل مـن سـكـن الامتـداد.. هـل أكـتب عـن أبي هنـا? لا بأس وان كـنت افضـل أن يفعـل الآخـرون ذلك!
أمـا شـقيقي الشـهيـد نقيب طـيار مصطـفي عـوض خـوجلي والذي سـكـن الامتـداد طـوال حياته حـتي بعـد ان تزوج وسـكن في اول الصـحـافـة..كـان يحمـل في قلبـه عشـق كـبير للإمتـداد واهـل الامتـداد.. وقصـة طيرانه فـوق اسـواق الامتـداد كـانت طـريقته في التعبير عـن حبه وسـلامه لكـل أهـل الامتـداد..وكـان ت أمي تخـرج لحـوش بمجـرد سـماع صـوت الهليوكبتر لتحيته..ثـم ترجـع بعـد ذلك لـداخـل تنتظـر مكالمته التي يؤكـد فيها خـبر وصـوله بالسلامة! يمكـنك ان تزور البوسـت المعنـون
شـكـرا لعـزائكـم في والـدي الخليفة عـوض خـوجـلي
مـني
| |
|
|
|
|
|
|
Re: امتداد الدرجة الثالثة ذلك الحي المتفرد (Re: Yassir7anna)
|
Yassir7anna
Quote: طارق شايفك زغت من قِرَب |
انا ما زقت بس الغريبة انه مربعنا ما كانت فيه مشاكل من النوع الذكرته دا وناس قرب ديل اكبر مننا شديد للاسف الشديد محمد عجوز توفي رحمة الله عليه كا رجل بقامة وطن. مربعكم دا (10) انا عندي فيه اصدقاء كثر، عباس الكجر وخالد كبارة وحتى اختي اسماء تسكن به منذ زمن بعيد واولادها يمكن يكونوا معروفين ليكم اكتر مننا نحن خيلانهم وهم خالد ويسري ورامي وسامي محمد احمد قسم السيد. انا برضو اتولدت في الامتداد وما فارقته الا وانا ماشي الجامعة في مصر لك مني الف الف تحية ويا ريت ما تغيب
| |
|
|
|
|
|
|
Re: امتداد الدرجة الثالثة ذلك الحي المتفرد (Re: سيد محمد احمد سيدنا)
|
الاخ عادل فقاد
تحياتى لك والجميع
وصلتنى الرساله حسب النص من صاحبها مع وصيه لايصالها لك
الاخ عماد تحياتي وسلامي تابعت موضوع الانتداد واستمتعت به جداً لكون ( صرتي مدفونة هناك) وأنا من اليم . أرجو منك أن إيصال المعلومة الآتية للاخ عماد فقاد ، حيث أنني لم أجد له عنوان اليكتروني ، فقد سأل الاخ عماد عن وفاة أحد التيمان ( حسن وحسين ) واذا كان يقصد تيمان مربع واحد الساكنين شمال دكان بشارة أولاد عمك وداعة وأمهم الحجة نفيسة وأخوانهم عبده وصلاح حنني وحاتم ، فيؤسفني أن أؤكد صحة هذا الخبر فقد توفي أحدهم فجأة غير علة ، وقد كانا في إجازة بالسودان وهما يعملان سويا بالمملكة العربية السعودية و في منطقة ( عرعر ) كما أذكر . لهم الرحمة . ولك التحية
أخوك / صلاح عبدالله ديامي / امتدادي
| |
|
|
|
|
|
|
Re: امتداد الدرجة الثالثة ذلك الحي المتفرد (Re: سيد محمد احمد سيدنا)
|
هـذا حـبر مـؤلم وغـريب للغايـة اتمني ان لايكـون صـحيحا خاصـة اني اتصـلت بخالي وعلمت بكـذب الخـبر.. لا اعلم متـي انتفـل التيمـان للسـعـوديـة فقـد كـانا يعمـلان بليبيـا حـتي العام السـابق..سـأتصـل مـرة أخـري بآخـرين لأطـمئن بنفسـي وان كـنت لا ادري كيف افعـل هـذا..
مـني
| |
|
|
|
|
|
|
Re: امتداد الدرجة الثالثة ذلك الحي المتفرد (Re: Muna Khugali)
|
يبـدواان هنـاك تشـابه .. تشابة حقيقة التـوأمـة.. وتشـابه الاسـماء 'حسـن وحـسـين' ثـم تشـابه اسـم الام نفيسـة وبعـد كـده سكـن في امتـداد الاشـتراك في سـكـن الامتـداد علي الرغـم مـن الاغـتراب! قمت بالاتصـال بأخـي معتصـم صـديق التيمـان في القاهـرة وقـد أصـابه الفـزع الا اني اخـبرته ان الخـبر كـاذب! ثـم اتصـلت بالجـيران ابنـاء المرحـوم حسـن الزبير وهم سـاكـنين في ضـهر جـيران التيمـان..اكـدوا لي كـذب الخـبر الا اني طـالبت بالتـأكـد أكـثر..تم تجـنيـد اولاد الجـيران وبرضـو النتيجـة واحـدة والحمـدلله..التيمـان عايشـين!
المـوضـوع اتعـدي ضـبح خـروف ولا عجـل..نضـبح شـنو طـيب!
لي كـل حال يتـوجـب علينـا عـزاء اسـرة تيمـان مربـع 1
مـني
| |
|
|
|
|
|
|
|