|
امتداد الدرجة الثالثة ذلك الحي المتفرد
|
ايها الاحباب هذه دعوة للتلاقي لكل ساكني ومن كان يسكن في امتداد الدرجة الثالثة ذلك الحي الشعبي الجميل الذي يقع بين الديم والصحافة وكانت تعمره اسر كبيرة اتت اليه في الغالب من السجانة والديم والرميلة وولد فيه الكثير من العباقرة لاسر في غالبها الاعم كانت لاناس كادحون يحلمون بالسترة لا اكثر. وهذه دعوة للتلاقي لكل الامتداديين الرائعين. طارق جبريل امتداد الدرجة الثالثة مربع 3
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
لي الكثير من الذكريات في امتداد الدرجة الثالثة
ففيه كنا نقضى الاجازة السنوية بجوار مركز صحي سمير
وفيه تزوجت
منزل على غريبة مربع 11 جوار منزل بلاص و مسجد مسيك
ولي الكثير من الاهل
منزل المرحوم علي صابر .............زالخ
صلاح غريبة
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
ياســــــــــــلام منك يا طارق جبريل
نحن ناس الامتداد الاوائل لكن ليه نسيت القوز والرميله
برضهم من مكون الحى الجميل لليوم0 ومن خلال البوست سوف
نلتقى مع ناس ضاعوا مننا واتمنى ان نتذكر اونعرف شــىء
عن الفنان محمد احمد الخليفه ( محمد ملاح )0
ياللصدف ياصلاح غريبه نحن ناس واهل محطة 7 ويازمان
اللمه وشاى الطيب 0
سيد لاعب الهدف + امل17
| |
|
|
|
|
|
|
Re: امتداد الدرجة الثالثة ذلك الحي المتفرد (Re: سيد محمد احمد سيدنا)
|
بس، لتنشيط الذاكرة: . . استاذ الرفاعي، شوبلي، طارق، دفع الله، حسين، نصرالدين، الهادي، سلطان، علي، معاوية، سهام، محمد احمد، نجوي، . مدرسة الامتداد (1)، (2)، (3)، (4)،(5) ، المرضي، الامريكية، والمدرسة العالمية معهد صلام، بحر، *(كلية مامون) روضة امل، روضة ماما عطيات. . . السمكري، بقالة الفاتح، حمدي، الفرم الالي، البلدي، الحديقة العالمية، دار الصيادلة، سوداتل . . سوق الندي، الجوهرة، مركز صحي سمير، حلواني البصري، حلويات حاكم . . المغتربيين، البراميل، محطة 7 ، . . رابطة الامتداد فريق الجزائر، الدينمو، سلام 1 ،سلام 4 ، الصحراء، النجوم، البحيرة، سلام 11 . . الشفيع خضر، نور الدين عطاء السيد، حيدر عبدالرحمن، مصطفي سري، مصطفي عالم شادية، محمد حسبو، مصطفي عوض خوجلي . . ومن اعضاء البورد عزالدين كونكة، مني عوض خوجلي، محمد السر،محمد علي صالح
ملحوظة: انا لمن طلعت من السودان كان عمري 18 سنة لذا لا تلوموني اذا اصيبت ذاكرتي ببعض الخراب . . ولي عوده
| |
|
|
|
|
|
|
Re: امتداد الدرجة الثالثة ذلك الحي المتفرد (Re: سيد محمد احمد سيدنا)
|
سيد محمد احمد سيدنا
Quote: ليه نسيت القوز والرميله |
اعتذر للزلة محطة سبعة كانت من اجمل المناطق في الامتداد بالرغم من انها كانت بعيدة علينا نحن ناس مرع 3 الا كنا بنمسيها بي مزاج عشان الشاي باللبن المدنكل ولي عم يسكن هناك في مربع 11 اسمه حسن موسى واولاده هم فيصل وانور ورفعت وعاطف وهيثم ومرتضى اشكرك بشدة
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
تحية لذكرى أولاد الإمتداد الذين شق نعيهم علينا: - راشد فريجون سيدأحمد - كمال الطيب الخضر { دقدق } - حسن عثمان
وتحية وشوق ل : - عبدالحفيظ حامد نعيم { شنان} - طارق الأمين { فريجون} - صلاح إدريس { الأحيمر } - وسيد سيدنا ومجموعتهم الحلوة ناس يحيي و عوض { سكينة} ومحمد ملاح
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
اخونا العزيز ابو ساندرا
تحيه من الاعماق والصوره كزبت العميان ويمين ما عرفتك
الا بعد البوست0 وذكرتنا مراحيم الاصدقاء وربنا يدخلهم
الجنه ويحيى معاكم فى قطر وربنا يجمعك بيه وشلتنا كلها
ابتعدت مع ظروف الحياه لكنها متواجده فى اى مناسبه خاصه
والباقى عوض سكينه ولسه ساكى فريق الامتداد وجابر الغراب
اصبح سادى لينا الفرقه فى المناسبات بس دور معانا علــى
فنانا محمد ملاح واكيد اخونا يوسف الموصلى يعرف مكانه لانو
معاهم فى بلاد العم سام0 واخونا بهاء الدين مرزوق حولكم
بس وين الهم اجمع شملنا0
تحياتــــــــــى والشـــوق بحـــــــور ســـــــيد ســـــــيدنا
( ســـيد مســـى )
| |
|
|
|
|
|
|
Re: امتداد الدرجة الثالثة ذلك الحي المتفرد (Re: Muna Khugali)
|
مـني عـوض خـوجـلي
الاخت منى شكرا على مداخلتك يا بت الامتداد يا اصيلة ومربع 9 لي فيه اصدقاء واولاد دفعتي منهم نصر الدين ميرغني احمد لقمان الشهير ببعيرة ومحمد محجوب محمد طه كرودي ومجدي يوسف وآخرون كثر لم تسعفني الذاكرة لذكرهم ومن خلالك احي جميع اهلنا في مربع 9
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
التحية لك الأخ طارق جبريل...والتحيات لناس الإمتداد اناس عرفتهم لاكثر من 25 سنة اسكن وصتهم لما يقارب 16 سنة.. من الحريفين العجايزالتيمان حسن وحسين ..ود المرين ، الصادق تش تش، من ناس 8 الباقر وحميدة..ناس 6 و5 نزار السلاوي..شوكت..دكان النور ..ناس الوحدة الخرخارين، بتعرف استاذ(حودة) ده قريبى أعمل حسابك منو وايييييك ناس كتار..بجيك راجع
وليد طه مربع 9 ..بيت تانى الناصية .. عارف الناصية منو؟
علي نارية،، بس انا جارو لِصّق..أظن ما محتاجة وصف اكتر
لك التحية
| |
|
|
|
|
|
|
Re: امتداد الدرجة الثالثة ذلك الحي المتفرد (Re: walid taha)
|
وليد طه تحياتي تعرف مربعكم دا كان دايما فاير وزحمة كدة وانا لي فيه اصدقاء كثر مثل نصر الدين بعيرة وكرودي ومجدي يوسف فعلا ناس الوحدة كانو خرخارين خلاس وما برضو الغلب وما اظن في الامتداد ما بعرف استاذ (حودة) عرفت بيتكم وين تحياتي
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
هـــــــلا بكم اهل الامتداد بدون فرز
ارفعوا البوست باستمرار عشان الناس
الغائبين فى هذه اللحظه يشاركوكـــم
الذكريات ويامنى خليفه تحياتى الخاصه
وابحثى معاى عن ود حلتكم بهاء الدين
على مرزوق وبنات عجاج وين رسى بهم
مركب الزمان 0 مع التحيه
سيد مربع12 محطة7
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
هـــــــلا بكم اهل الامتداد بدون فرز
ارفعوا البوست باستمرار عشان الناس
الغائبين فى هذه اللحظه يشاركوكـــم
الذكريات ويامنى خليفه تحياتى الخاصه
وابحثى معاى عن ود حلتكم بهاء الدين
على مرزوق وبنات عجاج وين رسى بهم
مركب الزمان 0 مع التحيه
سيد مربع12 محطة7
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
سلام للجميع وتحية خاصة ليك اخي ودجبريل وانت تذكر من اجمل وارقى مناطق الخرطوم حقيقي انا لست من سكان الامتداد ولكن بحكم وجود اخي منذ بداية الثمانينات بالامتداد كنت من الزوار الدائمين للامتداد واخي كان يسكن مربع 9 الى جنب التيمان حسن وحسين يا وليد طه وبالمناسبه يا وليد اناحاولته اتذكرك لكن ما قدرته رغم معرفتي بي ناس نارية وناس نادر وبسه وناس اشرف وربيع محمد علي وطبعا انا لعبته في الجزائر تحت اشراف حسن التوم واجمل حاجه في مجتمع الكوره انو علاقتو جميله يعني نحن في مربع 9 لكن بنعرف ناس مربع 13 و11 و4 وكل المربعات ومن اجمل ما اذكر الندية القوية التي كانت بين فريقي الجزائر والوحدة ناس مرتضى وعزو الفار واذكر من الجزائر محمد فريني وسامي وزراع ياااااااااااااه حقيقي ايام لا تنسى وكانت من اجمل الفترات في حياة الانسان وحقيقي مجتمع الامتداد الاجتماعي المترابط بذكرنا بى انسان السودان البسيط الي ما ان ينادي منادي فرح او كره الا وتلاقي الشباب يد واحده والناس كلها مع بعض من هذا المنبر احي جميع اهل الامتداد واخص بالتحية الاخ علي حسين ذلك الشيخ التقي الورع الذي اسأل الله ان يوفقه الى ما يحب ويرضى ولك التحية مره اخرى اخي طارق جبريل على هذا البوست الرائع
| |
|
|
|
|
|
|
Re: امتداد الدرجة الثالثة ذلك الحي المتفرد (Re: عادل فقاد)
|
الأخ عادل فقاد ..إزيك ياخ
اظنك يا عادل هنا قاصد (بِسـكّه) .. كيف يا خى بسكة ده صديق عزيز جداً من زمان جداً وانا بالمناسبة سكنت فى بيت ناس بسكة بعد ما رحلو الكلاكلة وهو الآن طبعاً فى السعودية الدمام المنطقة الشرقية..بالمناسبة كمان ناس أشرف وربيع وفيصل ديل فى الحسبة اولاد عمى محمد على الله يرحمو وسكنت معاهم فى البيت كتير جداً...نادر يوسف مندرة ده جارى بالحيطة طبعاً..محمد فرينى ده طبعا معانا هنا فى الرياض...ما تنسى ناجى الطيب ومعتز صديق..وناس مربع 10 جمال خالد الربيع..مراد الحلفاوى.
أخرّم بيك على ناس مُختار وعليوة بتعرف عليوة؟
القصة حتجر ...برجع
دمت
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
يا طارق ..
طبعا نحنا ( ناس الديم ).. يعني بنشوف الإمتداد ده زي حاجة كده تبعنا وكده .. ( ما تحمّر لي ) .. ولو مغالطني أسأل حسين مرسيدس أو أولاد الخزين أو أولاد اليماني في محطة سبعة .. وناس قطبي . مافيها حاجة ياخ .. برضو إسمكم ( ضواحي الديم ) ..
زعلان ؟.. هههههه أجمل الذكريات كانت في الإمتداد والله يا طارق .. وطبعا الزمن داك كان يادوب جديد و تلفزيون ( وحيد ) ورا نركز صحي سمير .. كان الناس كلها تلقاها ملمومة فيهو .. أيام سهرات حمدي بولاد : تحت الأضواء و مسلسلات بيتون بليس ( يا ود إنت الحاجات دي أسأل منها عمك أبو ساندرا ) .. و أيام الحب كان طالع موضة جديدة .. هههههه
أحكو لينا عن الإمتداد بالله يا طارق ..
يديك العافية ـــــــــــــــــــــــــــــــ ملحوظة : مربع 11 .. سكنت فيهو لمدة طويلة جنب بيت ناس السلمابي
| |
|
|
|
|
|
|
Re: امتداد الدرجة الثالثة ذلك الحي المتفرد (Re: Emad Abdulla)
|
Emad Abdulla
Quote: يعني بنشوف الإمتداد ده زي حاجة كده تبعنا وكده .. ( ما تحمّر لي ) |
تحياتي ايها العزيز عماد كيف احمر ليك ومعظم ناس الامتداد كانوا ضيوفا لديكم وحتى الاناس الفارقناهم في الديم صلتنا بيهم ما انقطعت والما بتشوفو كنت بتلاقيهو في مدرسة الخرطوم الجديدة الثانوية لك التحية ومرحبا بك في الامتداد
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
الاخوان العمادين /عبدالله وفقاد
ياخى ما تحنو علينا شويه اصبحتوا تجيبوا
الاسماء من شرق وغرب وتعيدوا لينا اشجـــان الماضى وما باقى الا ترسلوا لينا الحلــــه
عشان نجمع الدموع ونلعن الايام الابعدتنا من
ذاك المكان (حسن عثمان/ راشدفريجون/كمال دقدق)
والامتداد كان سودان مصغر لكل الالوان وخرطوم
اكبر لانه جمع الناس من كل مكان واظنكم تذكروا
قرعه معليش للذين لم يحالفهم النصيب وبعديـن ادوهم فى الصحافه واركويت وهم امتداد طبيعـــى
لكل مناطق الخرطوم القديمه فاهلا بالعمادين لـو
من اى مكان والنهايه هم فى الامتداد0
ســــــــيد
| |
|
|
|
|
|
|
Re: امتداد الدرجة الثالثة ذلك الحي المتفرد (Re: سيد محمد احمد سيدنا)
|
التحية لكم ابناء الامتداد هذا الحى الراقى اقمت فيه لفترات طويلة اولاها عندما غادرت اسرتى مدينة الحصاحيصا مؤقتا للاقامة بالشمالية ونقل الوالد للعمل بالخرطوم اكملت عامى الدراسى بسنة ثالثة بمدرسة ابتدائة بمربع 8 وهى عبارة عن منزل كان مؤجرا لتلك المدرسة ومن اصدقائى الذين اتذكرهم موسى(الانصارى) ومصطفى والغريبة اننى اقمت بنفس المربع 8 لفترة عام ..مع اسرة عمى الراحل حسين محمد حسن وكنا نشاهد وبمتعة فريق النجوم وكان يعج بالنجوم وفريق المقدمة بالرابطة بقيادة اللاعب الفنان عادل شاويش وانتقلت مع اسرة عمى للاقامة بمربع 14 بالمنزل الذى يقع بجوار منزل عمى عطا الفضيل محمد الحسن(دكان الببسى الشهير) ومن ابنائه عبد المنعم عطا الذى لعب لفريق الجزائر..ومن ثم فريق الزومة وعبد الخالق عطا الذى لعب لفريق الدينمو الفريق الذى لعب له ابناء عمى ..عماد حسين وبشير حسين وفى انتظار قلم الصديق محمد السر..ابن حى الامتداد والدى سيد احمد اقام بحى الامتداد مربع 14 بمنزل عمى عطا..عندما كان يعمل بالخرطوم..وعند رجوعنا كاسرة للحصاحيصا مرة اخرى..دائما يكون حى الامتداد هو قبلتنا الاولى عند قدومنا للخرطوم
| |
|
|
|
|
|
|
Re: امتداد الدرجة الثالثة ذلك الحي المتفرد (Re: jini)
|
خالص التحايا طارق جبريل فوق عشان ناس الامتداد الحلوه الهنا.. انت ورانى ومنى وديدى وو الخ
انا من ساكنى الامتداد مع خالى احيانااذهب واكون معهم اسبوع واسبوعين قبالة معهد صلاح طوال فترة الكورس اكون هناك معهم ايضا جل اصدقائى فى الخرطوم الجديده الثانويه من الامتداد والصحافات.. حى جميل وناسو اجمل ولدى ايضا فيهو ذكريات حلوه وخصوصا فترة معهد صلاح والجلد والصول العنيف.. ذكرنى هذا الصول موقف ومواقف ربما اعود لاسرد معك بعد الاذن.. فتكم جميعا بعافية..
والتحايا النواضر..
| |
|
|
|
|
|
|
Re: امتداد الدرجة الثالثة ذلك الحي المتفرد (Re: jini)
|
جنى
انا فعلا شقيق طلحة جبريل الذي غادر المغرب منذ شهرين لتعيينه مديرا لمكتب الشرق الاوسط في واشنطن ومتوكل موجود الآن في الامتداد. وبخصوص كتاب طلحة والطيب صالح فقط ارسل لي العنوان وسوف ارسل لك نسخة من الكتاب. والطيب صالح ذلك رجل بقامة النيل كله التقيته في هذا الصيف في المغرب وكعادته كان جبلا من التواضع. تحياتي
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
تحية مره لكل المارين والعابرين عبر هذا البوست المتفرد(في نظري) يا وليد طه ليك التحية ايوه يا وليد قصدي بسكه معليش خطأ غير مقصود وبعدين تعال هنا ياخي انت ود عم ناس ربيع فبالتالي انت اخو عصام ياخي انا بعرف عصام حق المعرفه وعشان اقرب ليك الحكاية اكتر نحن كنا ماسكين بقالة سحر وعلى فكره انا بعتبر بقالة سحر من معالم الامتداد وبوصفو بيها لي زول جاي من جمايكا وجزر المالديف خخخخخخخخ يا سلااااااااااااام ايام خوالي تعجز الكلمات عن وصفها وبالله يا وليد لو عندك تلفون الاخ فريني اكون شاكر لو تمدني بيه على الايميل [email protected] عليوه؟؟ ياخي بتبالغ حد ما بعرف عليوه طبعا في عليوتين (جمع عليوه ) عليوه السمين وعليوه ود عمك وهو راجل رائع وكان ورانا في اداب الخرطوم وبالمناسبه دي اتمنى اخبارو تكون معاك وتحياتي ليه ولي عوده
| |
|
|
|
|
|
|
Re: امتداد الدرجة الثالثة ذلك الحي المتفرد (Re: عادل فقاد)
|
ناس الامتداد فاروق وفيديو الواحة حمادة ودراجته النارية وخفشاته ابراهيم بنك والدلالة المرحوم ابوعاقلة اسد الله (عليه الرحمة) الفنان عماد عويس الشيشة وعلي خيول (شيشة سوق الجوهرة) فرن ود الفحل وحلواني البصري وحلواني الوان بهناك الغشش والاقشي
لي رجعه للمثقفاتية وكلاب الامن
| |
|
|
|
|
|
|
امتداد الدرجة الثالثة (Re: طارق جبريل)
|
لِـ اول مرة اقرأ بوست بالاعصاب و القلب و الحنين و كمان اول مرة احس بمعجزة السرد ، اتاريهو هنري ميللر دة انسان غير طبيعي الامتداد دة ، اجمل ما يمكن ان يحدث لك
نحنا جينا الامتداد في اللفة ، و طلعنا منه ، منكوسي الرؤوس الى الغربة
اكثر البشر المذكورين في هذا الحكي ، يتوزعون حولك ، ود شارعكم ، ود حلتكم ، مربع 8 و مركز سمير ، الفرن ، الرابطة ، النقطة ، محطة سبعة ، صلاح ، مدارس المتوسطة ، البنات لابسات البني و يعبرن على نواصينا قاصدات البقاء ، شي ماشي العُشرة و شي ماشي مربع مية و التكاسي مشرِّكة في الحجار ، مخلوق من الزفت يسمى شارع الصحافة زلط يفصلك عن الجمال بهناك و حرب البسوس تقوم شبط كان قلت تجرب حظك ، اولاد العشش ياحليلهم و انعـل ديــن الانقاذ ، كان يتسرب الاقاشي و القدو قدو و المدارس كانت برلمان الوحدة بين الشرق و الغرب ثم تفلهمنا ، اصبحنا طلابا في الجامعات ، و عمال سياسة باليومية ، تطلع الليلة و تجي وش الفجر بكرة ، وتعلمنا صحبة المثقفين و الناس المن توب الجامعة ، لاتعرف لعيبة النجوم ، و تسأل عن جارك فيقال انه تزوج من سبعة اشهر
صحيح ان مشكلة الامتداد الاكبر ، انه حيّ محافظ ، احيانا لدرجة التخلف ، في سمته العام ، مع بعض المراوغات هنا وهناك ، كنا اطفال تقريبا ، حين فازت الجبهة الاسلامية في ما يقال انه دائرتنا الانتخابية ، لا اعرف كيف و لم ، و أسأل ثلج الانسان متى سيذوب ، ترى هل كان ناخبونا مدركين لما فعلوا ، اكره ذلك
لي ناس حلتنا ، او ما تبقى ، بعد خصم الموت و الهجرة و النزوح ، الموت طوى بالمفرق و بالجملة ، اناس تلتقيهم الصباح و تخرج لبعض شأنك ، يفترض ان يموتوا بعد ستين عاما من يفاعتهم تلك ، يضيق بهم المساء
ثم يا راني ،
لو انت زي ما انا مصدق ، راني احمد اخو يوسف حلاوة ، ياخي مرحب بيك كان قاصدني انا و متذكرني يا شقي ، و انحنا طبعا اتلاقينا في القاهرة برضو لو انت متذكر كويس ، يوسف اخوك دة زول حبيبنا ، وناس تلتاشر ديل بيننا وبينهم الفرن و عيشو و كمين ملح ، ربنا عالم وشاهد
و الله لو الله طلق اللسان ، انا عندي استعداد اشغل البوست دة اتناشر سنة ، شكرا يا طارق جبريل ياخ ، شكرا كتييييييييييير وكتر الف خيرك ، و لي هسة انا بتكلم عن الامتداد بدون ذكر اسماء ، او افعال ماضي
| |
|
|
|
|
|
|
Re: امتداد الدرجة الثالثة - وليد كرنديس (Re: محمد حسبو)
|
محمد حسبو والى كل الاخوة اللذين ردوا على امتدادي تحية من قلب الامتداد الى قلوبكم العامرة بحب الامتداد
تحية ارسلها اليكم حميعاً من: مني انا وليد عمر الفاروق ( وليد كرنديس - مربع 1) من عمي الحبيب بابكر الجخس واولاد ابنعوف ومولانا مصطفي سكو وحافظ خليل ومن ميدان الردستار مرورا بمربع 8 النصير وخالد اميقو الباقر سندباد الكوتش وعماد ادريس والاخوة من مربعات الامتداد عبد الحميد جبارة وصالح جبارة والكاس خالد عثمان وعوض سكينة وعلاء الدين خضر الاخ عاطف القوز عيسى صباح الخير واولاد وداعة ونصر الدين التش حيدر ( قائد فرقة عقد الجلاد) واولاد فرجون واولاد حلوم سيف ومعز والمرحوم فتحي ود ابرق واولاد الجمري جميعا والريس والسيد فقيري وعادل كرنديس .
حقيقة ليس لي موقع للرد لكنى اقوم بالرد عن طريق الخال الذي يعمل معى بحقول البترول . عندما ياتي اسم الامتداد لا يسعني الا ان اقف تحية واجلال لهذا الموقع العملاق الحنين والذي بذلت لاجله الكثير عبر الميدان الاخضر (8 سنوات) .
الامتداد زاهر بكم ياهل الامتداد وبحسكم وان كان الفناء لانا فالدوام لله وللامتداد .
والتحية لابناء الامتداد في الخارج :
الفاتح الجص وصلاح منلي والكاس ومحمد مصطفي واشرف محمود وفقيري خالد اميقو واوالاد ابو ونجم الدين وآل فرغلي
الحنين يملؤني وعلى استعداد للكتابة لكن العبرة تمنعوني وتصدني وتحول دون تعبري .
الذكرى للامتداد ميدان الربطة وصيدلية بهيج ومركز سمير والبقطة ( القسم) ونادي الامتداد في رمضان ( الكرة الطائرة) والجكس عند سوق الندي.
التحية لكم جميعا وللامتداد ودمتم في قلوب الكل والتحية للامتداد اولا واخيرا
وليد عمر الفاروق - وليد كرنديس
[email protected]
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
ياجماعه باهو
ما قلنا الامتداد قاره سودانيه وشوفو الزكريات
كيف جميله والعشق للاصحاب والجيران يخليك فى لوعه
ياجنى والله دخلتنى فى ظروف نفسيه وجعلتنى اضحك
براى لحدى الزملاء ماشكو فى صحتى ودا كلو من فتاح
كمون وزكريات ودالحاجه(الله يرحمها) وعوض طوطه وموقفه
مع عادل الساحر والله زمان 0000000
وعن حبيبتى بقولكم يالا صفقوا كلكم
تحياتــــــــــــى لكــــــــــــم
ســــــيد
| |
|
|
|
|
|
|
Re: امتداد الدرجة الثالثة ذلك الحي المتفرد (Re: سيد محمد احمد سيدنا)
|
أخي أبو السيد / سيد محمد أحمد سيدنا ( سيد مسي) لكم النحية و لكم التقدير و أنتم تعطرون سماء البوست , بابداعاتكم و ذكرياتكم العطرة في امتداد الدرجة الثالثة , ذلك الحي الراقي كما وصفتموه أنتم و الاخوة و الأخوات مرتادي هذا البوست , لدرجة إني تخيلت نفسي من قاطني هذا الحي العملاق, والراقي , بالرغم من أنني أسكن تلك البقعة المباركة و التي لا يمكن إستبدالها بكنوز الدنيا (أمدرمان العاصمة الوطنية ) و الله المستعان.
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
يامنـــى يديك العافيه وسلامات لخاله نفيسه
وقالوا انتى بعيده هنـــــــــــــــــــاك
ومافى داعى نعزبك ونحن لبهاء الدين عومــة
بحر، لكن اذا هناك اخبار عن محمداحمد الخليفه
(محمد ملاح) الفنان المبدع تكونى عملتى خــير
والاخ علاء موسى نحن نبادلكم الشوق والمحبه وام در
عزيزه علينا وجزء من تاريخ الوطن الام فلكه التحيه
شوقنا لجميع الامتدادين بمشارق الارض وخلونه نعرف
اخباركم والذكريات وتخرجوا من هموم الدنيا شويه
اخوكـــم ســـــيد
| |
|
|
|
|
|
|
Re: امتداد الدرجة الثالثة ذلك الحي المتفرد (Re: سيد محمد احمد سيدنا)
|
jini
Quote: عرفتك أخا صديقا وفيا لا تفارق الابتسامة شفتيك بضحكتك الحلوة |
تصدق يا جني لغاية هسه أبو السيد دة إبتسامتو تطمن و ضحكتو مجلجلة و أخو إخوان و في الحارة ما بتصاقع.
شهادتي فيهو مجروحة طب. و لكن الشيء بالشيء يذكر
التحية لكل أهل الإمتداد و أحي من هنا أولاد الخال التيمان عصمت و معتصم
مودتي
سيد مسي : أضرب لى يا بخيل
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
ياطارق مشيت وين خليت البوست وتتفرج والناس هاك
حـش وهسى صاحبى جنى كان داير يركبنى الطوفان عشان
ناس الشرطه لسع ما صدقوا موت احمد عبدالجليل حادث،
لكن الانقذنى انى كنت فى نفس اللحظه مع زوج اخته فى
المدينه وقاعد فى العزاء(رحمه الله)0
معقول ياابوجهينه نقدر على زعلك وهسى ترفع الخط تلقانى
فى الجانب الاخر لك التحيه0
شكـــرا كتتتتتتتتتتتتتتير وياجماعه اثلجتم صــدرى
لكم تحناءه0
(ســيد مســى)
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
كانت هناك اشياء طريفة تحدث في الامتداد خاصة بكل مربع فمثلا مربع 3 كان يكنى بمربع الكيزان ومربع 6 كان مربع الشيوعيين ومربع 12 كان مربع الجكس النضيف وهكذا حتى على مستو الفرق في الرابطة كانت تحدث مفارقات طريفة جدا فمثلا ربيع 3 كان يكنى بفريق الوسخانين ومن الطرائف الملفتة الحكم ود دبرك كان حين تاتي المباراة على نهايتها يجعل نفسه قريبا من مركز الشرطة ويعلن نهاية المباراة ويقوم جري على مركز الشرطة ورغم طرافة الموقف الا انه كان فيه شئ من النعدي على الرجل ... وسف اعود لاحكي.....
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
صباح الخير احبتى الامتداديون بدون فرز وفى كل مكان
حسب توقيتكم،،،،،،،،،،،،
ما بتصدقوا رغم المداخلات العملتها جيت الصباح وجدتة
نفسى انى اول مره ادخل البوست وقمت تابعتة من جديــد
وانتابتنى هستريا الزكريات وقطعت البحر اشوف الاهـــل
ولفيت الحله شارع شارع وابيت اقطع شارع شرق عشان مـا
ادخل جهاز المغتربين ورجعت البيت ارتميت فى حضن امى
وبكيت ( بالفعل )، وين الاصحاب وين الاحباب ومتى ينتهـى
البعاد0
الهم ساعدنا فى لم الشمل 0
تحياتــــــــــــــــــــى
(ســـــــيد)
| |
|
|
|
|
|
|
Re: امتداد الدرجة الثالثة ذلك الحي المتفرد (Re: سيد محمد احمد سيدنا)
|
الاخوة شباب الامتداد
والله فعلا الامتداد محله عسل عديل كدا لقد كتب لي المكوث لفترة هناك في بيت شمال سوق الندى قريب من مكان الشرطة ومن المحاكم ومن النادي تقريبا وكانت ايام جميلة واذكر من شباب طه حمدتو وحكوم ومحمد (درس في الاهلية) واذكر الحلاق الكان فاتح في الميدان اسمو (بروسلي) تقريبا يوم مشيت ليه لعب في شعري لعب (بشتنه) شديده والجماعة القاعد معاهم لما جيتهم ضحكوا فيني ضحك قالوا لي الوداك ليه شنو دا وتقريبا هذه المنطقة بالقرب من منزل اللاعب عاطف القوز وعصمت الامتداد وكانت ا يام
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
سيد سيدنا لمن دخلت بوست ناس الدوحة والضرائب عرفتك على طول وناغمتك وعملت حميل الولد طارق جبريل فتح خزنة الذكريات وأعادنا إلى أيام رائعة حينما كنا نأتي الإمتداد للتواصل مع أولاد حلتنا الهجوا من الديم وتواصلت الذكريات للفترة التي ربطنا فيها الزعيم حسن أحمد عثمان بأولاد مربع 17 في الصحافة وعلى رأسهم ناس شارعهم جابر الغراب والراحل العزيز محمد سليمان ومرتضى أخوهو وشقيقاتهم وعادل الساحر الذي تحول إلى عادل مانديلا ويقال انه فتح محل مانديلا في بيتهم حتى يسير عليه الإسم ويمحي الساحر وعلى ذكر الساحر نذكر اللاعب الحريف الذي لعب في فريق الإمتداد ثم في الهلال ، وحسن ربطنا برضو بأولاد الإمتداد ناس الراحل كمال دقدق ويحيي نضافة والرائع محمد ملاح كيفك ياسيد وكل الشوق
منى خوجلي : حينما ذكرت الأعزاء الذين رحلوا عنا من أولاد الإمتداد كان في بالي الشهيد مصطفى عوض خوجلي والراحل معاوية خوجلي الوسيم بتاع الجمارك لكني أرجأت الكتابة عنهما عشان نسيت باقي إسم معاوية للأسف ، بفعل الزهايمر المبكر ، وكان في بالي برضو الراحل العزيز العازف المقتدر عبدالرحمن عبدالله المناضل العتيد
عماد عبدالله : ماقلت إلا الحق كنا بنعتبر الإمتداد ضهاري الديم وكانت فيهو مربعات تصلح { إسبيرات } للديم نفس الملامح والصفات ولكن الإمتداد في معظمه متخلف بالقياس مع الديم طبعآ ولكنهم متقدمين على العشرة مثلآ ذكرتني أولاد الخزين فتذكرت حافظ الحلبي الذي كان رئيس إتحاد الطلبة في الخرطوم الجديدة الثانوية ياعمدة مرة دريسة طلب من واحدة ان توصف له بيتهم ولما ترددت قال ليها { إنت بيتكم ده بيت أم بليس } نذكر فرح جار النبي الضابط الإداري ونذكر أولاد مالك الكورنجية الحرفا حتى علق ظريف بأن السيدة والدتهم كانت بتتوحم على كورة وعلى ذكر الكورة فإن الإمتداد كان حمار ركوبنا ومرة في لقاء بين منتخب الديم ايام مجده ومنتخب الإمتداد برضو ايام مجده هزمنا الإمتداد بثمان أهداف نظيفة وقاد منتخبنا يومها الفنان مزمل دفع الله وديل برضو أخوة عباقرة في الكورة أولاد دفع الله وشملهم ذات التعليق الظريف
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
ابوساندرا
الاشواق كثثثثثثثثثير
وانا ما اتحمست لموضوع الضرائب لان الاهتمام
والمداخلات كانت ضعيفه ولم اتابع0
المهم انا كنت بقول ابو ساندرا الاسم المميز
دا وراه خبر ودخلت البروفايل ولقيت ظنى فى
ودبركات وناس دريسه وود العرب وصلاح الخنفس
طوالى قلت ليك يحيى معاكم فى قطر0
( شوف تعليقى ، العتب على النظر )
وطبعا الاخوان القالوا من الديم رسلنا ليهم
تحايا والان تحايا اكثر لاصدقائنا فى حلتكم
الذين شاركونا فى كل مناسبات الاصدقاء0
ربنا يديم الاخوه ونرجع نعيد الشله
وهاك ياامتداد مغترب وجاك
لمه الشله وما نســــــاك (دى مشاعر بس)
( ســـــــــــيد )
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
ابوساندرا
الاشواق كثثثثثثثثثير
وانا ما اتحمست لموضوع الضرائب لان الاهتمام
والمداخلات كانت ضعيفه ولم اتابع0
المهم انا كنت بقول ابو ساندرا الاسم المميز
دا وراه خبر ودخلت البروفايل ولقيت ظنى فى
ودبركات وناس دريسه وود العرب وصلاح الخنفس
طوالى قلت ليك يحيى معاكم فى قطر0
( شوف تعليقى ، العتب على النظر )
وطبعا الاخوان القالوا من الديم رسلنا ليهم
تحايا والان تحايا اكثر لاصدقائنا فى حلتكم
الذين شاركونا فى كل مناسبات الاصدق%
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
ابوساندرا
الاشواق كثثثثثثثثثير
وانا ما اتحمست لموضوع الضرائب لان الاهتمام
والمداخلات كانت ضعيفه ولم اتابع0
المهم انا كنت بقول ابو ساندرا الاسم المميز
دا وراه خبر ودخلت البروفايل ولقيت ظنى فى
ودبركات وناس دريسه وود العرب وصلاح الخنفس
طوالى قلت ليك يحيى معاكم فى قطر0
( شوف تعليقى ، العتب على النظر )
وطبعا الاخوان القالوا من الديم رسلنا ليهم
تحايا والان تحايا اكثر لاصدقائنا فى حلتكم
الذين شاركونا فى كل مناسبات الاصدقاء0
ربنا يديم الاخوه ونرجع نعيد الشله
وهاك ياامتداد مغترب وجاك
لمه الشله وما نســــــاك (دى مشاعر بس)
( ســـــــــــيد )
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
ابوساندرا
الاشواق كثثثثثثثثثير
وانا ما اتحمست لموضوع الضرائب لان الاهتمام
والمداخلات كانت ضعيفه ولم اتابع0
المهم انا كنت بقول ابو ساندرا الاسم المميز
دا وراه خبر ودخلت البروفايل ولقيت ظنى فى
ودبركات وناس دريسه وود العرب وصلاح الخنفس
طوالى
| |
|
|
|
|
|
|
Re: امتداد الدرجة الثالثة ذلك الحي المتفرد (Re: jini)
|
Quote: منى خوجلي : حينما ذكرت الأعزاء الذين رحلوا عنا من أولاد الإمتداد كان في بالي الشهيد مصطفى عوض خوجلي والراحل معاوية خوجلي الوسيم بتاع الجمارك لكني أرجأت الكتابة عنهما عشان نسيت باقي إسم معاوية للأسف ، بفعل الزهايمر المبكر ، وكان في بالي برضو الراحل العزيز العازف المقتدر عبدالرحمن عبدالله المناضل العتيد |
كـأنك ابو سـاندرا قـرات تسـاؤلي وانـا أقـرأ مـداخـلات لم يـرد فيها اسـم الشـهيـد مصـطفي خـوجـلي والذي كـان معـروفـا ايضـا ببراعتـه في كـرة القـدم! فيـك الخـير ياراني..
تحـياتي برضـو برسـلها!
مـني
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
الامتداديون الرائعون سلامات هناك اشخاص كثر طبعو الامتداد بوجودهم وكل واحد منهم على طريقته وكذلك بعض الامكنة بعينها، وسوف احاول انكت الذاكرة شوية واتذكرهم: شيخ علي حسين: لا اعتقد ان احدا في الامتداد لا يعرف علي حسين كان يجوب الامتداد طولا وعرضا احيانا معزيا ومرات عديدة مهنئا ودا من غير خطبة الجمعة العصماء. محمد عجوز (رحمه الله) كان حكما في الرابطة تهابه كل الفرق والمفارقة العجيبة كان يحكم وهو حافي القدمين عليه الرحمة ربطتني به صداقة كبيرة وان كان صديقا اكثر لشقيقي الاصغر ناصر جبريل (قون المعلمين). صلاح جلودي: كانت اخباره تتقاطر هنا وهناك كالمطر. الصيني: لا اعتقد ان احدا في الامتداد او كان يتابع الكورة في الرابطة لا يعرف الصيني. حلواني البصري: كانت كل ما تتوفر لنا شوية قريشات جري لي حلوني البصري في مربع 8 حيث يسكن فردتي العزيز وصديق طفولتي وصباي الدكتور طارق محمد حسين اخصائي الجراحة الكبير الآن. التيمان حسن وحسين: كانوا يلعبون في فريق الجزائر وكانوا حريفين جدا وكنت قد سمعت ان احدهم توفي ان كان الخبر صحيح فله الرحمة وان لم يكن كذلك اطال الله في عمرهم حيث درسوا معي في الابتدائي. مدرسة الامتداد 4 الابتدائية: كانت تعرف بمدرسة بشير لانه ناظرها آنذاك كان اسمه بشير رحم الله كان مربيا فاضلا وكان صعب جدا وصوت العنج لا يفارقه كظله لكنه خرج كثير من الاجيال وعلى ذكر مدرسة بشير لا بد ان اذكر المعلمين الفاضلين كمال عثمان واستاذ عبد الخالق واستاذ ابيض، وكانت لنا دفعة متفردة محمد كرودي ونصر الدين بعيرة وعباس الكجر ومحمد البربري ومدني حجر وحيدر محمد احمد جبريل وعادل صالح ومحجوب عثمان ومجدي يوسف وخالد كبارة وسامي عبد الحليم وعادل بلال والقائمة طويلة لكن الذاكرة صبحت خربة. لا يفوتني ان اذكر كل الاسواق من الجوهرة لي سوق الندى لي محطة سبعة بقالة بابكير وبقالة سحر ونادي الامتداد وسوق العشرة حيث كنا نذهب لتفصيل شبط (تموت تخليه). بالله عليكم خلو هذا البوست دايما حي الامتداد يستحق الكثير.. وسوف أواصل....
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
الامتداد
مبدعيه حسين مرسيدس اخر عهدي به في كلية الاحفاد محمد عبدالرحمن بوب الناقد والفنان التشكيلي الرائع (اليمن السعيد) مصطفى عوض الله بشاره (بالمناسبة اين ابنه هيثم اخر عهدي به بد ان اكتشف اكذوبة الكيزان و هاجر الي امريكا......... سيف الدين حسن (مخرج فاز بجائز الفيلم التسجيلي بفرنسا كان مخرج لبرامج الدفاع الشعبي) بالرغم من كرهي للكيزان الا انه من الشخصيات التي تستحق الاحترام مع مولانا علي حسين كان ساكن جنب دكان بشارة
بعد تردد وقرف ... محمد عبدالحليم ناكل مما نزرع (بالرغم من انه كان يحضر مع زوار الفجر كشاهد للتفتيش علي الاعتقال .. سمعت انه شرب من نفس الكاس .... مصطفى سري (الصحفي) الفنان عماد عويس واخوه الفنان ايهاب عويس الفنان المرحوم مصطفي سيد احمد سكن فترة في مربع 2 الفنان عثمان النو (سكن فترة في مربع 1 او 2) الاعب الفنان جميل (لعب بامتداد الدرجة الثالثة)
وجايكم
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
الاخ العزيز طارق جبريل لك كل التقدير , انا ساكن مربع 3 قدام مامون الجاك وفى شارع ناس مم ( كجاجى) وانا الان مع اخوك راشد فى بلد واحده لك تقديرى واحترامى ولكل اهل الامتدد.( بالمناسبة ناس الربيع لعابين ومتخصصين فى المعلمين )
| |
|
|
|
|
|
|
Re: امتداد الدرجة الثالثة ذلك الحي المتفرد (Re: سيد محمد احمد سيدنا)
|
تحيه لكل المتداخلين وتحيه خاصه لصاحب المقام
كنت منتظر واحد ينزل محطة 6 بقالة بابكير علشان انزل في بيتنا في مربع 12 الشارع الفيهو الحافله المكتوب فيها قلنكه وصديقي حسن الرايع وهو يجلس علي كرسيه يتسلى بمراقبة الماره وحسبو امير وعصمة الامتداد وعصام حسين الطويل ودكان عمك السر والتكسي وحاتم العب وبيت ناس ود الحاجه مزمل الخليفه و.............. الذاكره؟؟؟
| |
|
|
|
|
|
|
Re: امتداد الدرجة الثالثة ذلك الحي المتفرد (Re: احمد العربي)
|
اذيك يا احمد يا عربي طبعا ما اظنك تكون فاكرني... ايوه الامتداد مربع 13 بس نحن دفعة في معهد الكليات التكنلوجية..انا بتاع business studies>>do you remember me دفعت 1986-1990انا حاليا في القاهرة واعمل في مفوضية اللاجئين كمترجم..وطبعا طلعت من الامتداد الذي ولدت فيه منذ 1994 تحياتي واشواقي نورالدين عطاالسيد مربع 13 منزل 169
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
الاخ طارق جبريل تحياتي واشواقي لكل ولكل أهل الإمتداد الذي هو أهل لكل شئ جميل أنا عادل علي حسين " عادل تنقو " مربع 1 منزل رقم 174 صديق أصدقائك وليد محمد الأمين ومحمد محجوب وطارق محمد حسين . لعلك تذكرتني سوف أتواصل معكم إنشاء الله وإلى الأمام .
| |
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
Quote: حينما ذكرت الأعزاء الذين رحلوا عنا من أولاد الإمتداد كان في بالي الشهيد مصطفى عوض خوجلي والراحل معاوية خوجلي الوسيم بتاع الجمارك لكني أرجأت الكتابة عنهما عشان نسيت باقي إسم معاوية للأسف ، بفعل الزهايمر المبكر ، وكان في بالي برضو الراحل العزيز العازف المقتدر عبدالرحمن عبدالله المناضل العتيد
|
عمنا أبوة ساندرا المرحوم معاوية خوجلي (ضابط الجمارك سابقا) راجل قريبي شديييد و اتوفى سنة 99 في مسقط ..أتذكر وقتها كنا مؤجزين في السودان وغير كدا الامتداد أهلنا فيها كتار ونترك القائمة لقريبي عضو البورد وليد طه
وسلام مربع
| |
|
|
|
|
|
|
|