|
Re: طعم البيوت ... (Re: yaser mostafa)
|
عارف يا طلال .. أبوي الله يرحمو , دايما كان لما يزهج مننا و نحرق روحو , كان بيردد في عجمته النوبية الحلوة : يا ولاد الـ ..... دلوكتي لو نسيب لكم خرطوم الزفت ده و نروح بلدي هناك , نبيع برسيم تحت النخل و نقعد في بيت أبويا , مش أحسن من الكلام الفاضي بتاعكم دي . كبرت شوية و في بالي البلد و البيت اللي أبوي مستعد يسيبنا ببساطة كده عشانو . بلد عجيبة و بيت متحف يا صاحب .. بلد منسية غرب النيل في أقصى شمال البلاد .. يا داب عرضها إتنين كيلو من البحر لحدود الصحراء , و البيوت قصيرة و طينية مدفونة وسط النخيل القديم . البيت بوابتو من خشب السنط .. بوابة قلعة يا طلال .. كل البيوت بواباتا زي بوابات القلاع , و نفس الخشب مصنوعة منه المراكب و العناقريب و عربية الكارو و سروج الحمير و السحارات و الطاولات . المفتاح إسمه " الكُشُرْ " , و هو برضو عود منحوت من الخشب , و كل زول بيعرف طريقة فتح بيته براهو , و هي طريقة عجيبة يعلم الله .. تدخل المفتاح بالجنبة و تحركه فوق تحت و لجوه و تلز الباب .. يفتح زي مغارة علي بابا . الحوش حدادي مدادي , مرتفع ناحية الغرف و منحدر ناحية البوابة و نضيييييييف , المقشاشة من سعف النخيل , و في نص الحوش شجرة لبخ من أيام قابيل و هابيل .. ظل ظليل رقراق شمس مافيهو .. ممدود و مغطي الحوش تماما و تحته عناقريب و بنابر و شوالات خيش و صفايح مرصوصة , و في وسط الضل داك الطرمبة و حوضها . الطرمبة دي يا خينا من النحاس القديم الأصفر شديد اللمعان .. و بتطلع موية عجب .. صافية و طاعمة و باردة في عز الصيف . يسار الحوش تلاتة قواسيب عيش , و القسيبة هي مخزن الحبوب و التمر , جنبها أكوام الواقود ( و هو الحطب المجموع من تحت البحر لإشعال النار ) و معاهم بقية ساقية قديمة ضخمة لون خشبها من لون التراب . يمين الحوش غرف جنبها غرف .. جوه الغرف عناقريب عظيمة الحجم عالية و مرفوعة عن الأرض بحجارة , و منسوجة بعناية عجيبة . طاولات و كتب و حاجات غريبة فوقها و حيطان بيضاء اللون , ظاهر فيها أثر أصابع نسوان البيت العملوها : دي يد يوّه , و دي نفيسة , و دي فافة , و دي حجة لي . الحيطان مزينة برسوم بدائية بديعة .. محفورة او ملونة لتماسيح و كفوف و جمال .. و محن يا صاحبنا .. محن . حكمة الله و الناس , السقف مرفوع عن الحيطان بحجارة صخرية مجلوبة من الصحراء ( القعب ) ورا البلد , خوفا من دابة الأرض ما تقرض مروق العرش المصنوعة من جذوع النخل و السعف . التُكُل ( المطبخ ) عجيب , مسود من كترة النيران الولعت جواتو سنين و سنين . صاج في ركنه اليمين و مجاوره فرن بلدي دائري بيطلع ألذ رغيف قمح في العالم , مواعين ألمونيوم ضخمة و تقبلة , كمية من الحلل النحاسية . الرطانة الحنينة و حميمة مالية البيت و معاها ريحة شمار و تمر و حلبة و بني آدمين .. و دخان بريحة رطبة بيدي البيت حياة و طعم .. طعم البيت داك .
تصدق يا طلال , ود ابن آدم ده كلما يكبر بيتحول و يرجع يبقى أبوه بدون ما يشعر .. بقيت و فيني حنين للمكان داك و البيت و البلدة الساكنة في سلام ربها غرب النيل شمال البلاد . أبوي ليهو حق في فرط شجنو ليها لما مات . و ياخي تاني ما تفتح سير زي دي , ولا صورة بيتك العجيب الجايبو ده و نفسي أسكن فيهو , عشان الواحد ما ناقص غلغلة .
ثم إنه تلفونك : لايمكن الوصول إليه الآن ... من تلاتة أيام .. حوّل .
|
|
|
|
|
|
|
العنوان |
الكاتب |
Date |
طعم البيوت ... | طلال عفيفي | 12-13-07, 01:55 AM |
Re: طعم البيوت ... | طلال عفيفي | 12-13-07, 02:08 AM |
Re: طعم البيوت ... | طلال عفيفي | 12-13-07, 02:22 AM |
Re: طعم البيوت ... | سلمى الشيخ سلامة | 12-13-07, 02:43 AM |
Re: طعم البيوت ... | طلال عفيفي | 12-13-07, 02:53 AM |
Re: طعم البيوت ... | Ashraf el-Halabi | 12-13-07, 03:49 AM |
Re: طعم البيوت ... | طلال عفيفي | 12-13-07, 04:30 AM |
Re: طعم البيوت ... | Ashraf el-Halabi | 12-13-07, 05:39 AM |
Re: طعم البيوت ... | NAZIM IBRAHIM ALI | 12-13-07, 05:32 AM |
Re: طعم البيوت ... | طلال عفيفي | 12-13-07, 06:00 AM |
Re: طعم البيوت ... | ابو جهينة | 12-13-07, 06:37 AM |
Re: طعم البيوت ... | Aymen Tabir | 12-13-07, 07:16 AM |
Re: طعم البيوت ... | طلال عفيفي | 12-13-07, 08:34 AM |
Re: طعم البيوت ... | طلال عفيفي | 12-13-07, 08:51 AM |
Re: طعم البيوت ... | Ishraga Mustafa | 12-13-07, 09:54 AM |
Re: طعم البيوت ... | طلال عفيفي | 12-13-07, 10:15 AM |
Re: طعم البيوت ... | سمرية | 12-13-07, 09:25 AM |
Re: طعم البيوت ... | طلال عفيفي | 12-13-07, 09:37 AM |
Re: طعم البيوت ... | سمرية | 12-13-07, 10:41 AM |
Re: طعم البيوت ... | fadlabi | 12-13-07, 10:03 AM |
Re: طعم البيوت ... | طلال عفيفي | 12-13-07, 10:39 AM |
Re: طعم البيوت ... | سمرية | 12-13-07, 10:54 AM |
Re: طعم البيوت ... | walid taha | 12-13-07, 11:27 AM |
Re: طعم البيوت ... | طلال عفيفي | 12-14-07, 01:55 PM |
Re: طعم البيوت ... | sama7 | 12-13-07, 11:37 AM |
Re: طعم البيوت ... | مدثر محمد ادم | 12-13-07, 12:33 PM |
Re: طعم البيوت ... | طلال عفيفي | 12-14-07, 01:59 PM |
Re: طعم البيوت ... | طلال عفيفي | 12-14-07, 11:33 PM |
Re: طعم البيوت ... | حسين محي الدين | 12-13-07, 03:42 PM |
Re: طعم البيوت ... | Mohamed Moatasim | 12-13-07, 04:27 PM |
Re: طعم البيوت ... | طلال عفيفي | 12-14-07, 11:50 PM |
Re: طعم البيوت ... | yaser mostafa | 12-13-07, 05:30 PM |
Re: طعم البيوت ... | Emad Abdulla | 12-14-07, 11:39 AM |
Re: طعم البيوت ... | دينا خالد | 12-14-07, 02:19 PM |
Re: طعم البيوت ... | Ishraga Mustafa | 12-14-07, 02:37 PM |
Re: طعم البيوت ... | طلال عفيفي | 12-16-07, 08:13 PM |
Re: طعم البيوت ... | طلال عفيفي | 12-16-07, 07:03 PM |
Re: طعم البيوت ... | abubakr | 12-14-07, 02:37 PM |
Re: طعم البيوت ... | طلال عفيفي | 12-18-07, 07:24 PM |
Re: طعم البيوت ... | Adil Osman | 12-14-07, 02:45 PM |
Re: طعم البيوت ... | طلال عفيفي | 12-19-07, 01:23 AM |
Re: طعم البيوت ... | خضر حسين خليل | 12-14-07, 03:00 PM |
Re: طعم البيوت ... | طلال عفيفي | 12-19-07, 02:53 AM |
Re: طعم البيوت ... | محمد مكى محمد | 12-14-07, 03:54 PM |
Re: طعم البيوت ... | طلال عفيفي | 12-19-07, 04:29 PM |
Re: طعم البيوت ... | ابو تميم | 12-14-07, 06:53 PM |
Re: طعم البيوت ... | bent-elassied | 12-14-07, 08:41 PM |
Re: طعم البيوت ... | طلال عفيفي | 12-20-07, 10:54 PM |
Re: طعم البيوت ... | طلال عفيفي | 12-21-07, 04:41 AM |
Re: طعم البيوت ... | دينا خالد | 12-14-07, 09:51 PM |
Re: طعم البيوت ... | bent-elassied | 12-14-07, 10:12 PM |
Re: طعم البيوت ... | Emad Abdulla | 12-14-07, 10:13 PM |
Re: طعم البيوت ... | Ishraga Mustafa | 12-14-07, 10:42 PM |
Re: طعم البيوت ... | Emad Abdulla | 12-14-07, 11:07 PM |
Re: طعم البيوت ... | Hussein Mallasi | 12-14-07, 11:12 PM |
Re: طعم البيوت ... | طلال عفيفي | 12-21-07, 05:49 AM |
Re: طعم البيوت ... | طلال عفيفي | 12-21-07, 04:46 AM |
Re: طعم البيوت ... | د.نبراس | 12-15-07, 02:09 AM |
Re: طعم البيوت ... | محمد سنى دفع الله | 12-15-07, 08:59 AM |
Re: طعم البيوت ... | طلال عفيفي | 12-21-07, 04:55 AM |
Re: طعم البيوت ... | sama7 | 12-15-07, 08:42 AM |
Re: طعم البيوت ... | عمرو كمال ابراهيم | 12-15-07, 09:39 AM |
Re: طعم البيوت ... | عمرو كمال ابراهيم | 12-15-07, 09:44 AM |
Re: طعم البيوت ... | ibrahim kojan | 12-15-07, 02:06 PM |
Re: طعم البيوت ... | Mohamed Moatasim | 12-15-07, 03:39 PM |
Re: طعم البيوت ... | دينا خالد | 12-15-07, 10:13 PM |
Re: طعم البيوت ... | دينا خالد | 12-15-07, 10:24 PM |
Re: طعم البيوت ... | دينا خالد | 12-16-07, 04:23 PM |
Re: طعم البيوت ... | Mohamed Moatasim | 12-16-07, 05:59 PM |
Re: طعم البيوت ... | بله محمد الفاضل | 12-16-07, 08:27 PM |
Re: طعم البيوت ... | عمرو كمال ابراهيم | 12-17-07, 08:07 AM |
Re: طعم البيوت ... | Marouf Sanad | 12-18-07, 07:43 PM |
Re: طعم البيوت ... | دينا خالد | 12-18-07, 10:33 PM |
Re: طعم البيوت ... | Hussein Mallasi | 12-18-07, 10:50 PM |
Re: طعم البيوت ... | Marouf Sanad | 12-18-07, 11:07 PM |
Re: طعم البيوت ... | Marouf Sanad | 12-18-07, 11:20 PM |
Re: طعم البيوت ... | Ishraga Mustafa | 12-19-07, 00:10 AM |
Re: طعم البيوت ... | شهاب الفاتح عثمان | 12-19-07, 01:52 AM |
Re: طعم البيوت ... | فتحي الصديق | 12-19-07, 11:28 AM |
Re: طعم البيوت ... | دينا خالد | 12-19-07, 04:19 PM |
Re: طعم البيوت ... | Emad Abdulla | 12-19-07, 08:32 PM |
Re: طعم البيوت ... | دينا خالد | 12-20-07, 09:44 PM |
Re: طعم البيوت ... | khatab | 12-20-07, 09:55 PM |
Re: طعم البيوت ... | Emad Abdulla | 12-20-07, 10:18 PM |
|
|
|